2003 年 02 月 03 日 星期一 【晴】
[DingDing]古仔~~~~~~~~~ 超正啊~~~~~ (正睇緊胡楓個演唱會~~~)
------------------------------------------------------------------------------------------
2003 年 02 月 03 日 星期一 【晴】
[DingDing]嗚嗚...................
------------------------------------------------------------------------------------------
2003 年 02 月 04 日 星期二 【晴】
[DingDing]今日傾左份功課~~ 時間掌握得幾好~~~ 呵呵~~~~
------------------------------------------------------------------------------------------
2003 年 02 月 05 日 星期三 【晴】
[DingDing]今日朝早返左學校補課...... 因為等唔到車, 遲左5分鐘先返到....... 好彩miss無話我地姐~~
因為早餐食左年榚, 搞到好"濟", 試唔到其其d蘿蔔榚, 唔知味道係點呢??
得知屯門好似有一度史力奇d野賣得好平, 得閒去睇下先~~~~
下午去左買一樣想買左好耐又一直無買....... 又好似好鬼重要o既野~~~~ 呵呵~~~
攻陷"唐山大地震"第123頁~~~~~~ 向第291頁(尾頁)進發~~~~~~
我終於有"The best is yet to come"o既鈴聲啦~~~~~~~~~ 超開心~~~~~~ 多謝"儀"send俾我啊~~~~
~~~~~~全日都好開心~~~~~~
------------------------------------------------------------------------------------------
2003 年 02 月 06 日 星期四 【晴】
[DingDing]今日係幾開心架, 因為試新野law~ 不過到左夜晚唔知點解好似有d唔妥咁.............. 唔通係因為太累??? 胃痛??? 定因為思想不受控制???
唉............ 睇黎我都係唔好靜落黎好d.......
------------------------------------------------------------------------------------------
2003 年 02 月 07 日 星期五 【晴】
[cHaPmAn]買左MP3 機~ yeah!
------------------------------------------------------------------------------------------
2003 年 02 月 07 日 星期五 【晴】
[DingDing]慘啦....... 又病啦...... 流鼻水+ 暈暈地+ 喉嚨因為咳所以有少少痛啦…. 唔知係傷風定感冒呢????? 因為我唔係幾識分架...............
------------------------------------------------------------------------------------------
2003 年 02 月 07 日 星期五 【晴】
[DingDing]睇左醫生, 醫生話我感冒wor...... 應該係有d發燒, 因為佢俾左d退燒藥我
我買左仙劍啦~~~~~ 不過.... 佢要2GB, 但我只剩1.5GB...... 無得玩住..... 嗚.....
------------------------------------------------------------------------------------------
2003 年 02 月 08 日 星期六 【晴】
[DingDing]今日初嘗仙劍~~ 幾好玩, 我好鍾意~~~~ 超正~~~~~~
不過............... 唉......... 如果可以得到你o既安慰就好啦........... 一句就夠....... 不過.........
★☆★☆★☆★☆★☆★☆★☆★☆★☆★☆★☆★☆★☆★☆★☆★☆
算數啦 是但啦 唔煩你啦
------------------------------------------------------------------------------------------
2003 年 02 月 09 日 星期日 【晴】
[DingDing]今朝阿媽返左大陸, 好似去3日定4日 響呢段期間要食"自己"...... 我可能會自己煮下野食o既............ 希望唔會燒左廚房啦~~~~
我想買返背包返學啊........... 因為我尋晚發現我依家用緊果個袋放多d野都唔得.........
------------------------------------------------------------------------------------------
2003 年 02 月 10 日 星期一 【晴】
[DingDing]嗚............. 等我仲咁期待返學有d咩發生添........... 點知好衰唔衰..... 返學半途肚痛...... 之後覺得好似無咩野咁咪繼續行去車站law...... 不過..... 等等下車就覺得唔惦!! 真係好痛!!!! ........... 搞到俾左個file eman 之後就返左屋企...... 我依家個肚仲幾痛.......... 嗚嗚.......
------------------------------------------------------------------------------------------
2003 年 02 月 11 日 星期二 【晴】
[DingDing]嗚................ 我唔再入廚房啦............... 哼......
------------------------------------------------------------------------------------------
2003 年 02 月 13 日 星期四 【晴】
[DingDing]今日午間活動要搞"元宵燈謎", 因為要準備d野, 所以得好少時間食野, 原本無得食添架..... 不過好彩臨尾咬左件三文治先唔使響中文堂果陣"饑寒交迫"咋........ 途中, 好多人...... 有d人真係玩, 但有d就好似響度搗亂咁...... 有d無奈........ 慘啦!!!!!!!!!!! 我唔記得影相啊!!!!!...........
今日去左salome屋企整野~~~~~ 當我將d柑去哂皮之後就諗住將d"根"都去乾淨埋, 而我將d垃圾拿去掉的時候~~~~~~~~~ 有條:根"唔知點解"黏"左響大頭度~~~~ Salome將呢個情況簡稱為"大頭痴根"~~~~~
------------------------------------------------------------------------------------------
2003 年 02 月 14 日 星期五 【晴】
[DingDing]記住~~~~ 今日係SU舉辦o既朱古力日~~~ 今日第一份收o既禮物係Miss送o既~~ 好驚訝~~ 完全無諗過~~~ 好開心~~
之後小息落左教員室派"利是"~~~ ﹝↑即係用"利是封"包住幾粒朱古力, 純SU制作~~﹞, d"利是"唔係好夠派........ 明明封左70封..... 得6x個老師架...... 之後我地拿拿臨將自己d"私伙"朱古力同d"利是封"﹝←隨身攜帶??﹞奉獻出黎, 有d老師話好特別~~~好開心~~~ 有d老師仲會回禮~~果陣真係唔知俾d咩反應佢, 因為我地其實係做緊野, 收又唔係, 唔收又唔係
行行下, 發現有個Miss個位換左第二個Miss..... 之後先知原來佢做埋尋日............ 佢無教過我, 但因為我上年入到黎一開始的時候, 以為佢係實習Miss, 到今年先知佢唔係, 所以印象幾深刻law~~
最尾果兩堂BS開會, 阿sir搵人做壁報~~~~~ 呢d咁o既野當然係我做啦~~~~~ 仲好樂意添~~ 點解我地班無人做我都做??? 因為我同阿sir講做完有兩個優點我就做ar ma~~~~~ 呵呵~~~~ 又多兩個優點充斥下我張成績表啦~~~~~
放左學以最快o既速度返屋企~~ 要洗白啦, 包禮物啦, 執野啦, 哇~~~~~~~好開心~~~好期待啊~~~~~~
有蛋糕食~~~~ 好好味~~~ 雖然士多啤梨先係主角, 但我都係比較欣賞d芒果jelly / 布甸, 周圍d朱古力又好好食wor~~~
無論做咩都咁開心~~~~~~~~~ 只要對象係你就得~~~
仲有啊~~~~~~~~ "nohohon"好可愛啊~~~~ 點解我以前都未見過佢d野o既???????? 慘啦~~~ 好like佢添~~~~ 不過我唔會離棄"依唷"同"史力奇"架!!~
我今次篇日記好似係咁耐以來第一次咁多~~~~ 又係一件值得開心o既事~~~~~ 今日全日都好開心~~~~~~
------------------------------------------------------------------------------------------
2003 年 02 月 14 日 星期五 【晴】
[DingDing]唔記得左寫添~~~ 今日我真係好開心~~~ 因為今年o既情人節係我第一次同男朋友一齊過~~~~ 好開心~~~~ 我第一次整朱古力架咋~~~~ 希望你唔好介意啦~~~~~
我好愛好愛你啊~~~~~ 以後每一個情人節都要同你一齊過~~~~~~
------------------------------------------------------------------------------------------
2003 年 02 月 15 日 星期六 【晴】
[DingDing]今朝返左學校整果個值成兩個優點o既壁報, 我淨係響度剪野, 但好似剪左好耐都剪唔哂, 因為有好多字.............. 好彩我都剪哂其中一個壁報o既字, 食埋lunch 1點左右到走, 跟住..............好悶......... 唉..... 知道留響學校整埋先走...............
------------------------------------------------------------------------------------------
2003 年 02 月 17 日 星期一 【晴】
[cHaPmAn]Just 睇完 松日陳奕迅演唱會.
非常好!
------------------------------------------------------------------------------------------
2003 年 02 月 18 日 星期二 【晴】
[DingDing]就o岩o岩之ma~~~~~ 去左睇eason~~~~~~ 好正~~~~~~~ 開場果陣舞台四隻角都有爆野~~~~~嚇左一跳~~~
eason好勁啊~~~~~ 唱足全場~~~ 係得唱完幾首歌之後中間果少少時間休息一陣咋......... 佢d衫都幾靚~~~~ 頭髮...... 就好"乞依"..... 唱左好多首歌~~~ 不過好多都唔識........ 最尾唱"孤兒仔"~~ 仲有苦榮同小苦妹啊~~~~~ 好QT啊~~~ 呵呵~~~
------------------------------------------------------------------------------------------
2003 年 02 月 18 日 星期二 【晴】
[DingDing]今朝好好好眼訓...... 但仍然處於極度興奮o既狀態之中~~~~~ 呵呵~~~
估唔到原來邦仔同我睇埋同一場~~~ 一齊講返入面d野~~ 好開心~~~ 原來我有好多關於eason o既野都唔知架~~~~ 知左多d~~ 好似點解佢唔唱下d好好聽o既舊歌等等~~
放學傾project d野........... 我地都有d想放棄o既感覺........
跟住臨走開locker......... 佢地............ 好過份...... 好唔開心......... 我以為自己已經可以當無事發生過........ 但原來唔係............ 我又覺得自己好無用啦.......... 好辛苦................ 我又諗返果d野啦.......... 我............ 嗚.........
★☆★☆★☆★☆★☆★☆★☆★☆★☆★☆★☆★☆★☆★☆★☆★☆
夢魘.....何時才會走.....?
ｉ ｗｉｌｌ ｆｏｒｇｅｔ ｉｆ ｉ ｃａｎ．．．．． ﹝↑我可以做到嗎?????﹞
------------------------------------------------------------------------------------------
2003 年 02 月 19 日 星期三 【晴】
[DingDing]幾好~~ 幾好~~
不過成日都寫唔到日記........ 嗚嗚......
------------------------------------------------------------------------------------------
2003 年 02 月 20 日 星期四 【晴】
[DingDing]慘啦............. 我今日好懶啊......... 兩堂BS都訓左覺.............. 慘啦慘啦!!!!!!! 點算啊!!??
就爆機啦~~~~~~ 好開心啊~~~~~~~~
------------------------------------------------------------------------------------------
2003 年 02 月 21 日 星期五 【晴】
[cHaPmAn]返學==> 食飯===> 屋企打機
悶
------------------------------------------------------------------------------------------
2003 年 02 月 21 日 星期五 【晴】
[DingDing]哇哈哈~~~~~~~~~~~~ 我打爆左仙劍2啦~~~~~~~~ 結局...... 好"那西"...... 仲有..... 好快就打爆左......... 時間好短........><
------------------------------------------------------------------------------------------
2003 年 02 月 22 日 星期六 【晴】
[cHaPmAn]補習 , 出街 , 食飯 打邊爐, 兩位, 回家 ==> 睇新戲~~~
------------------------------------------------------------------------------------------
2003 年 02 月 22 日 星期六 【晴】
[DingDing]哈哈~~~ 我要開始溫a/c 啦!!!! 因為我今年會考要試下用中文考a/c~~~ 如果我用中文個成績都ok的話, 我考AL果陣就會用中文架啦~~~ 仲有要考返英文~~~ 雖然我上年pass, 但miss叫我考多次安全d wor~~~ 我要俾心機!!!! 唔好衰俾人睇!!!!!!~~
------------------------------------------------------------------------------------------
2003 年 02 月 22 日 星期六 【晴】
[DingDing]夜晚去左茶樓打邊鑪~~ 原先幾開心架, 但跟住就唔係幾開心law, 其中一個原因係果度真的不是太惦!!!! 有咩可能我地坐低左成個字都無人理我地先!! 想叫野, 等十世先有一個人經過, 叫左d野就九世都未黎, 走之前無耐想cut d人又淨係識得話幫你"吹"下佢, 頂, 我地五世前都"吹"過啦!! 不過, 佢地都有"快"o既時候架 就係我地話"埋單"果陣law ~~我講完啦~~
------------------------------------------------------------------------------------------
2003 年 02 月 23 日 星期日 【晴】
[DingDing]唔開心梗有原因............. 唉..... 呢個所謂o既"屋企", 不知所謂!!!! 令我越來越憎響度住!!! 快d搬出黎唔使同佢住就好啦............
我唔開心....... 我真係好想好想同你講..... 但我唔想煩你........ 唔想你響呢個時候浪費d時間落我度...... 你就黎考mock, 遲d仲要考AL......... 你依家d時間係要用黎讀書架....... 不過我應承你, 你考完之後我有咩唔開心都同你講, 好唔好啊???
※希望你有睇我d日記啦...... 睇完記得答我啊!!
------------------------------------------------------------------------------------------
2003 年 02 月 23 日 星期日 【晴】
[DingDing]嗚................. 我要scan o既相消失左............. 我明明放左響電腦桌架.......... 去左邊啊??????
今日好黑啊............. 好唔開心......... 嗚........
------------------------------------------------------------------------------------------
2003 年 02 月 24 日 星期一 【晴】
[cHaPmAn]宜家上緊電腦堂
悶到爆
做埋哂o的不知所謂既測驗
------------------------------------------------------------------------------------------
2003 年 02 月 24 日 星期一 【晴】
[DingDing]今日英文堂分左兩班上, 我跟Miss Lo 原本唔係幾想........ 不過...... 我今日對佢完全改觀~~~ 原因有兩個,
1. 另一班個阿sir真係好無禮貌, 你地唔好問我佢點無禮貌, 我真係唔識講
2. 今日上堂好開心~~~ Miss俾左機會我地discussion~~ 雖然俾成半班同學睇住我地discussion, d同學仲要寫返d意見俾我地, 好驚架!!!! 我以為無咩人會留意到我, 點知我收返7張紙咁多~~ 仲有Miss今日教得好好啊~~ 希望以後都係咁啦~~~ 好開心~~ 呵呵~~
PE堂............ 我地仲以為今日去打壁球..... 都唔係o既....... 反而做左體能 (度高, 鎊重果隻), 無咩特別...... 做完阿sir就俾我地自由活動, 我地去左打羽毛球~~~ 幾正~~
放學傾cybergass d野, 進展都唔錯~~
今日個頭好暈......... 又痛wor........ 嗚......
------------------------------------------------------------------------------------------
2003 年 02 月 25 日 星期二 【晴】
[DingDing]我恨死自己............. 點解我今年會變得咁虛弱............ 成日都病........ 又成日呢度痛果度痛..........
次次痛親都唔算嚴重...... 但就次次都痛正d頭啊肚啊咁o既位置....... 嗚嗚..............
我d相.............. 真係搵唔返啊........... 要麻煩d同學俾d菲林我哂返........... 又要$....... 又一件傷心事.........
------------------------------------------------------------------------------------------
2003 年 02 月 25 日 星期二 【晴】
[DingDing]下午去左睇醫生......... 醫生話我感冒......... 嗚....... 又係感冒........... 上次發燒+ 流鼻水+ 頭暈+ 咳...... 今次頭痛+ 流鼻水+ 咳...... 嗚嗚............ 慘......
------------------------------------------------------------------------------------------
2003 年 02 月 26 日 星期三 【晴】
[DingDing]今朝無上a/c堂......... 去左101度搞VE d野, 我聽佢地講, 尋日阿sir要我地響6/3之前搞店哂7/3去IVE擺檔wor......... 又唔講要做d咩.......... 搞到我地今日兩堂入面有半堂發呆...... 上年d人又唔交低d野俾我地, 問佢地, 佢地個態度又差wor , 自己唔交低d野俾我地, 又有咩資格響度串人wor , d file 又唔話我地知響邊, 我地搵唔到佢又響度"懶衰"咁, 好似好唔耐煩咁, 家下好浪費你d時間啊?? 你咩都唔交低咪仲浪費我地d時間!!!! 死8x!!!! 哼!!!
------------------------------------------------------------------------------------------
2003 年 02 月 26 日 星期三 【晴】
[DingDing]講完d唔開心o既野啦~~~~ 舒服左d~~~~ 家陣開心下先~~~~
今日lunch要借波~~~ eman佢地就賣野~~~ 不過~~ 我同eman就調轉左~~~~~﹝←係得幾分鐘jar~﹞, 呵呵~~~~~ 我幫手賣文具啊~~~~~~ 企左無耐就有一單生意啦~~~~~~ "一枝塗改液啊, 唔該!" "哦~~11蚊啦~~多謝你~~", 好順口就講左出黎, 連價錢表都唔使睇啊~~~~~~~ 唔知係唔係果時做野慣左口呢~~~~~~ 哇哈哈~~~~~~~ 好開心~~~ 好興奮啊~~~~~
啊~~~ 你話如果我o既第一個客仔係你你話幾好呢~~~ 呵呵~~ 你考試俾d心機啊~~~ 加油~~~
電腦堂學Excel, 因為尋日無返........ 今日有d狼狽~~~ 不過好彩阿玉同eman教下我~~~ 都好d~~
放學行左一陣街........ 平時有錢果陣又唔見咁多"依唷"同史力奇d野wor........ 要儲錢唔用得咁多錢果陣就成日都見到...... 嗚~~~~~~
------------------------------------------------------------------------------------------
2003 年 02 月 27 日 星期四 【晴】
[cHaPmAn]香港 , 冇錢, 真係乜都做唔到.......
錢好緊要
------------------------------------------------------------------------------------------
2003 年 02 月 27 日 星期四 【晴】
[DingDing]今朝兩堂BS, 一堂A/C.......... 死了半條命..........
lunch之後食左藥........... 仲死...... 中文堂小組討論已經呆呆地.......... 無咩point..... 不過好彩都聽到書~~~ 英文堂............ 作文.... 頂唔順...... 睡死了......... 好彩miss知道我食左藥........ 嗚嗚....... 如果唔係.........
放學開會, 估唔到d room 咁搶手....... 響呢度同gosh, 肥佬同阿強講聲唔好意思.....><
夜晚~~~~ 幾開心~~~~ 因為我搭輕鐵返屋企果陣見到我果個幾年無見o既"哎也"表哥~~~ 佢變左好多啊~~~~ 我望左好耐先確定係佢jar~~ 好似佢都係law~~~ 最衰無機會同佢講野啦.......... 幾可惜架....... 不過~~~ 睇黎我真係響呢幾年變左好多law~~~~ 哈哈~~~~ 佢地好似都唔係幾認得我咁~~ 係架....... 有時拿返半年前d相睇返, 個樣都好似唔同哂咁o既!!
------------------------------------------------------------------------------------------
2003 年 02 月 28 日 星期五 【晴】
[cHaPmAn]今個星期已經開始左MOCK
考哂中文 實用文同文化................考完之後諗都可以同勞老師上下平手,冇被佢既試卷打低
不過今日考英文已經被戚老師打敗左............開頭做PRACTICAL SKILL 仲應付得到......被佢扣左HP30, 仲捱得住........不過呢個局面只係為持左一個小息既時間............考READING AND COMPREHENSION 既時候一開始..........一篇COMPREHENSION已經打低左我.............畀份試卷打斷左對手.......冇心戀戰.................就咁被戚老師KO左就失敗............估唔到挫敗係第二天考試來探望我了......我要係時候送佢走!
------------------------------------------------------------------------------------------
2003 年 02 月 28 日 星期五 【晴】
[DingDing]終於都交左啦............. 我們的Cybergass~~~~ 我地o既阿sir............... 唉....... 面對呢個阿sir....... 我只能話佢馬後炮+ 不負責任+ 前言不對後語............. 唔淨只我一個咁諗law........... 無奈...........
今日玩軒轅劍肆, 最初睇d畫好醜怪, 但後尾又睇慣左~~~ 仲覺得幾靚添~~~~ 幾好玩~~~ 除左有d part save 唔到之外~~
------------------------------------------------------------------------------------------
(
geocities.com/hk/waha1112) (
geocities.com/hk)