2003 年 07 月 01 日 星期二 【晴】 [cHaPmAn] 今天要上街 ------------------------------------------------------------------------------------------ 2003 年 07 月 01 日 星期二 【晴】 [DingDing]今日去左游行, 好有意義, 不過好熱好曬同好累........... 但我唔介意~~~ 之但係....... 去之前...... 響你屋企就真係瘀死law........... 唉..... 一日三餐都係m記...... 唔可以響短期內再食佢!!! ------------------------------------------------------------------------------------------ 2003 年 07 月 02 日 星期三 【晴】 [DingDing]今日.......... 唔係幾開心, 因為今日派卷........ 我有溫書架..... 不過d分都係咁....... 仲衰過上次咁......... 唔通我真係唔岩讀書???? 唉............ ------------------------------------------------------------------------------------------ 2003 年 07 月 04 日 星期五 【晴】 [DingDing]今日知道左有一個去大陸讀中醫o既課程, 都幾有興趣, 所以寫低左個名同電話..... 阿sir話要考慮下睇下點wor, 不過..... 我諗我都無咩機會架啦........ 唉.... 但係..... 如果得就要去果邊4,5年.... 跟住上左圖書館, 條pk林保信真係........ 勁想笠佢麻包袋, 以洩我心頭之恨!!!!! 哼!!!! ------------------------------------------------------------------------------------------ 2003 年 07 月 05 日 星期六 【晴】 [DingDing]尋晚響肥仔度訓, 好開心~~~~~ 今朝佢返左工之後我再訓多陣, 跟住就打機~~ 唔知呢?? 唔知點解我覺得響佢度訓好開心o既............ 嗯............ 然後, 點幾返到屋企, 跟住就同盈盈去左圖書館, 去之前響佢屋企玩左幾局crazy taxi~~ 好正~~~ 岩哂我呢d玩賽車亂黎o既人~~~~ 呵呵~~~ 我地仲去左ok食雪榚, 換左個叮噹鐵盒, 好靚架~~~~ 我想將d咭放哂入去啊~~~~ 後尾...... 返到屋企, 俾人鬧........ 話我唔講佢知肥仔唔過黎食, 我咪同佢講肥仔話約左人law........ 之後俾佢話左好耐, 後來肥仔黎到....................好多野....................... 唉..... 都唔關我事o既, 又響度鬧我wor..... 跟住好嬲, 破壞左3隻磁碟..... 仲......介左幾下手添..... 不過唔深, 只係有幾條痕咁........ 唔知自己點解要咁做.......... 當肥仔問我果陣我都唔答佢點整到...... 我估佢估到d掛........ 原本開心o既一日就係咁..... 搞到好唔開心............ ------------------------------------------------------------------------------------------ 2003 年 07 月 06 日 星期日 【晴】 [DingDing]今日原本去睇醫生, 因為尋晚我個身唔知點解有好多好似蚊爛咁o既野, 不過今朝散哂lu, 連果幾條痕都散埋............ 所以無睇醫生 跟住...... 唔係好記得........ 好似係去左肥仔屋企打機, 跟住返我屋企食飯............ ------------------------------------------------------------------------------------------ 2003 年 07 月 07 日 星期一 【晴】 [DingDing]今朝三點幾果陣熱醒左..... 唉..... 又一次戰爭....... 無奈..... 今日又要返學校, 好彩今個禮拜只係返一日........ 不過之前林保信條pk只係響韓燒果晚提過下要去ive present, 跟住就無提過, 我仲以為佢昆水, 點知佢響度話我地唔使準備....... 好似上次咁講就得, 痴線!! 成日記住果次present講過d咩啊, 我地話練下, 佢就講呢樣講果樣...... 老細, 到時唔店出醜果個係我地啊!!!! 哼!!!! 食飯pk請, 好彩, 我地個荷包都無咁傷...... 車費阿公俾..... 去到ive, 坐左好耐, 聽左好耐野...... 悶到想訓... 仲好想死..... 等左好耐先有得present, 原本我地要等董枝英present完先到我地, 跟住因我地唔想去poly果到遲到, 所以同董枝英調轉左, 之後我地將5分鐘o既野3分鐘講完..... 不過我地係無錯誤地省略, 不過pk好似唔滿意咁 去到poly, 超無奈.......... 原來又係睇校名o既...... 心淡......... 好唔開心............. 唉............ 我要做野.... 我要!! ------------------------------------------------------------------------------------------ 2003 年 07 月 08 日 星期二 【晴】 [DingDing]朝早佢地黎整野, 約十點果個竟然十一點先起身....... 黎到仲要迷路........ 正傻婆~~~ 跟住佢地走哂..... 好悶law........... 阿媽又唔俾我去肥仔度打機wor....... 唉...... 好彩之後有得出街行雨jar, 如果唔係就真係死左響屋企............ 買左泳鏡, 之前果個借左俾肥仔, 如果我要用o既話就要問佢拿同埋要教大細..... 好煩..... 唔想成日教大細, 因為咁樣成日教o既話, 條帶好易斷...... 所以我寧願買多個!!! 原本想買衫, 不過買左泳鏡, 無得買lu~~ 行行下, 見到阿媽個fd, 佢話我越大越靚...... 仲話想我做佢"深普仔"...... 哼哼....... 咪傻啦........ 自己知自己事.......... 果一刻即刻覺得將我同肥仔d野講俾阿媽知係無錯o既!! 如果唔係, 俾佢賣左都唔知咩事............ 夜晚肥仔話想買野wor, 佢話我同佢都會好開心, 不過佢去到間鋪頭closed, 我問佢係咩又話買到話我知........唔知係咩呢?? 唔通係手鏈??? 但係佢好耐之前唔係話買左啦咩.......... 不過我仲未見到..... 都唔知係唔係吹水o既~~~ ------------------------------------------------------------------------------------------ 2003 年 07 月 09 日 星期三 【晴】 [DingDing]發夢................ 劇情如下..... ◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎ 我同肥仔坐響M記食野, 跟住果個人黎到, 仲話同肥仔有野要傾..... 跟住肥仔就即刻出左去, 走之前淨係叫我等佢返........ 等左兩個幾鐘佢都未返, 電話都無個, 跟住我就返左屋企.......... 之後我有個fd打俾我同我講, 佢見到佢地仲有兩個人去左黃金海岸講數(←?)........... 跟住有d細節唔記得............... 隱約記得我個fd話佢地後尾無野, 仲響度傾計.......... 我最記得就係我好嬲, 因為我覺得佢好似當我係狗仔; 呼之則來, 揮之則去; 電話都無個, 又懶神秘咁wor........ 結局係嬲左好耐, 好耐無理佢~~ ◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎ 覺得自己好白痴, 仲有個夢好搞笑, 好多唔合常理o既地方........... 不過都要記低佢~~~ 發埋d咁o既夢, 搞到依家好眼訓添............ ------------------------------------------------------------------------------------------ 2003 年 07 月 09 日 星期三 【晴】 [DingDing]今日o既第二篇日記~~~~ 下午過左葵方, 同肥仔食飯~~~ 因為肥仔唔記得帶錢袋law... 我自願拿俾佢~~~~ 除左見佢, 都係見佢~~ 呵呵~~~ 不過............ 搭親長途車都好想嘔...... 之前去青衣ive係咁, 今次又係咁......... 無奈, 不過見到佢, 咩都補返哂啦~~~~~ 響新都會度見到pat shop請人, 好想入去問架........ 不過諗下自己鼻敏感, 都無行架啦......... 唉..... 返到元朗, 諗住去password到睇下仲係唔係請人, 入到去問........... 唔請...... 因為無經驗........ 嗚.......><..... 返到屋企原本都無咩野........ 但係食飯(依家)果陣, 佢又發癲......... 佢無端端話我去camp要洗好多錢, 我話我無問佢要, 佢又話我今日好出去食飯, 我出果陣又無出聲, 跟住又響度話我放假應該留響屋企唔應該出街........ 又話我話佢"開口問肥仔拿錢", 我無!!!!! 我無!!!! 係佢自己話肥仔做呢份工儲十世都儲唔到老婆本, 我先話"你唔獅子開大口就夠", 佢仲話我屈佢!!!! 佢唔夠我講就打我........ 佢痴線架!!!!! 話我咩都同肥仔講, 驚我講你就唔好做!! 俾人知道又要話我....... ------------------------------------------------------------------------------------------ 2003 年 07 月 10 日 星期四 【晴】 [DingDing]今日完全無同佢講過野, 一黎我仲嬲, 二黎佢都唔響屋企....... 夜晚肥仔過左黎陪我食飯, 因為我無飯食........... 唉....... 我估遲d可能無錢添啊......... 同肥仔一齊真係好開心架........... 起碼我可以暫時拋開煩惱..... 不過, 佢又叫我搬過去佢度..... 唉...... 我好矛盾.... 我唔捨得, 但我又想想地走....... 好煩..... 唔知啊...... 只係知要搵工先!!! 之後葭儀問我去唔去番禺....... 諗下自己又無錢, 又無回鄉証...... 所以推左佢.... ------------------------------------------------------------------------------------------ 2003 年 07 月 11 日 星期五 【晴】 [DingDing]我都唔知應該講d咩........ 我唔想同佢講野.... 真係唔想...... 但係唔講野又俾佢鬧, 好煩......... 講野又話, 唔講野又話, 都唔知佢想點!!! 睇到"衛斯理"入面, 衛斯理話貓人所求o既同胞一定係對佢好重要o既, 但貓人就話佢地個星球無階級觀念, 無論識唔識那個人, 佢o既生命都同樣咁重要............. 唔知呢..... 我覺得呢段話好正~~~ ------------------------------------------------------------------------------------------ 2003 年 07 月 12 日 星期六 【晴】 [cHaPmAn] 宜家日日都要好夜先走得.............我會記得係一個月前辭職ga la....... 昨晚放11點........好累........好累....... ------------------------------------------------------------------------------------------ 2003 年 07 月 12 日 星期六 【晴】 [Dingding] 今朝0530已經起左身lu~ 因為我約左佢地去睇以前一個同學o既畢業典禮, 佢今日好型啊~~~ 因為佢穿上一身o既警察制服, 而且睇佢地操果陣又齊又有威嚴wor~~ 呵呵~~~ 我從來都無睇過學警o既畢業典禮架~~~ 好開心~~~ 銀樂隊d歌好好聽啊~~~~ 個典禮好快就完左(聽黃女警o既細佬講, 今次比平時簡短左好多~~), 都好o既~~ 因為我地差d俾太陽伯伯曬死...... 之後我地去左同新紮師姐映相~~~ 我好耐無見過佢啦, 計計下都有兩年幾啦..... 佢好似無咩點變咁o既~~ 不過佢操果陣就真係睇佢唔到啦.......>< 不過佢見到我就好似好開心咁~~ 因為真係好耐無見, 加上佢又無諗過我會到呢~~ 呵呵~~ 遲d有相放埋上黎至得~~ 搞店哂之後師姐個爸爸就請我地去漢陽苑食飯, 食緊野o既途中, 師姐講返好多趣事同辛酸野我地知, 笑到我地牙仔軟~~~ 醫飽肚仔之後就去左佢屋企傾計, 睇相, 講下以前d野~~ 好正~~ 真係好中意呢種感覺~~~ 然後就諗住去肥仔屋企等佢, 但因為無鎖匙.... 所以要去天水圍游泳池問佢媽媽拿..... 行緊去果陣, 我聽到後面有人大叫左好耐... 仲以為係d靚仔玩.... 行行下, 迎面而來兼拖著隻狗o既阿姨響度 " 哎呀!哇.... 做咩啊? " 咁叫, 我就轉個頭睇下咩事啦...... 點知, 原來係有幾個警察響度叫一個拿著把西瓜刀o既男人 " 企響到! 唔好再行啦, 再行我開鎗架!!! ".... 不過, 個男人都好似無停低, 朝著電訊盈科果"等"唔知咩野行去(←記住! 係行去!), 但係d警察都無開鎗掛.... 起碼我聽唔到鎗聲先啦~~~ 雖然呢件事係發生響對面馬路姐, 不過我都驚架..... 因為我o既目的地就係響對面o既泳池啊嘛......>< 終於去到肥仔度lu...... 但係我發現我d朱古力溶哂.... 拿拿臨解決佢~~~~ 好味好味~~~~ ※※※※※※※※※※※※※※※※※※※※※※※※※※※※※※※※※ p.s. 咩我真係變左好多咩??? 師姐個爸爸望左我好耐先認得我耶...... 呵呵~~~ 或者我靚左~~ 一定係~~(←笑) ------------------------------------------------------------------------------------------ 2003 年 07 月 13 日 星期日 【晴】 [cHaPmAn] 即是什麼? ------------------------------------------------------------------------------------------ 2003 年 07 月 13 日 星期日 【晴】 [cHaPmAn] 我又激親你o的咩呢?? ------------------------------------------------------------------------------------------ 2003 年 07 月 13 日 星期日 【晴】 [DingDing]我今日係過得好唔開心o既........ 朝早又同佢吵, 肥仔明明隔住過電話聽得清清楚楚, 但最後都無過黎幫我, 之前仲講到好好聽咁..... 咩你有咩事我會即刻過黎..... 哼!! 係..... 之後係過左黎, 但我響最需要佢果陣佢唔響度, 咁你依家出現又有咩意思呢?? 不過..... 我最後都原諒左佢...... 後來過左佢屋企打機, 打完機返屋企...... 途中有好多個無顯示o既電話打黎唔出聲之後就cup我線, 不過我知係我阿媽, 佢成日都係咁...... 真係無x聊!!! 勁想鬧佢!!! 跟住返到屋企唔知係唔係佢搵d野阻住個木門, 推極都推唔到, 就連肥仔都唔得...... 咁我咪諗住走law, 既然佢唔俾我返, 我夾硬黎都無用............ 跟住我就走左, 諗住大不了咪響肥仔度訓law, 況且佢講過我搬埋過去住都得..... 而且.....最多聽日咪唔返學, 我都唔係好想返, 我唔係好想見到果個人........ 但係...... 肥仔叫我返去, 好!! 咪返law!!! 但佢之後又同我講佢走左之後有咩事佢會即刻過黎接我走去佢度住......... 又係呢句...... 我唔想信啦......... 我岩岩走果陣你又叫我返黎, 依家響度話有咩事即刻過黎接我, 你o既潛意識根本唔想我走, 如果唔係你都唔會咁......... 機會無左就無左, 唔會等你!! 點解今朝已經發生過o既事你都可以唔學精d, 你唔好同我講你好蠢好衰...... 我唔想再聽...... 我唔希望我要講到明我想點你先去做, 我唔想我踢一腳你先郁一郁!! 我響度再講多次, 你唔會再有得衰, 因為同類事件唔會再有第二次!! 唔該你記住!! 我依家咁樣走左去就係我唔岩!!!, 但若果係佢唔俾我返屋企而我走左去就唔係我錯!! 嗚...............>< ------------------------------------------------------------------------------------------ 2003 年 07 月 14 日 星期一 【晴】 [DingDing]今日畢業禮, 其實真的不是太想返........... 唉..... 典禮差唔多完果陣, pk lam過黎叫我典禮完果時同salome去109B室介紹商科組個broad...... cher~ 佢搵唔到阿邊個先搵我jar......... 哼!!! 都幾嬲架!! 不過當拿個經驗, 又去下咁law~~ 跟住去到就企下, 有人睇就講聲"你好"咁(其間覺得自己好假........), 不過因為介紹.... 我見到果個人個家姐, 我初初以為佢好靚, 好索...... 都唔係啊(←無偏心, 係真架....)........ d人又話佢好瘦, 下身真係好瘦law~~~ 仲有.... 不是我想像中咁靚........ 失望........... 然後上課室拿成績表, 不錯耶~~~~ 詳情後面寫~~~~~~ 之後去左食飯, 第一次同阿龜食, 幾好~ 幾開心~~~ 跟手返學校執書, 因為星期三學生會同商業學會合作舉行舊書售賣活動嘛~~~ 今年o既反應非常好~~~ 有好多書書~~~ 所以分到死都係抵o既~~~~~ 呵呵~~~ 後尾我地響M記坐左陣, 跟住去左行街, 因為我要買衫衫同xx(hehe~~ 唔講得~~), 仲有我買衫果陣見到件背心好靚架~~ 又係我想買果款wor....... 不過, 可惜我唔夠錢, 如果唔係我一定會買左佢!!!!~~~ 之後就諗住買風扇仔, 但買唔到...... 唔係無, 係買唔落手.........因為一係$3x(貴), 一係閃燈.... 點買啊......... 嗚.......>< 真係好扇難求耶.............. 最後我地去左美圖買繩繩~~~ 買左黑色同金色, 織斜紋~~~~ 希望會好靚好靚啦~~~~ 買完就返屋企lu~~~ ※※※※※※※※※※※※※※※※※※※※※※※※※※※※※※※※※※※※※※ 成績表內容(簡~~)↓ 　　　　　學期一　　學期二　　 全　年 平均分　　 50.80　　　53.00　　　52.40 班名次　　 14/33　　　 7/32　　　 10/32 操行　　　 A-　　　　 A-　　　　 A- 評語： 性格開朗樂觀，待人熱誠真摰。 任學生會主席，為全校同學謀福利，殊堪嘉許。 學習尚算認真，如能加倍努力，成績自有進益。 ------------------------------------------------------------------------------------------ 2003 年 07 月 16 日 星期三 【晴】 [DingDing]今朝因為舊生註冊, 所以要返學校....... 不過我好開心~~~ 因為今日就係舊書售賣o既大日子~~~ 我自薦做收銀, 雖然收銀係一個好重要o既位置, 但我認為我能夠勝任~~~ 而且~~~ 收錢個feel好好架~~~~ 呵呵~~~~ 跟住salome話星期五都返下去幫手, 我又第一個同阿sir講要做收銀, 呵呵~~~~~ 我真係好中意收銀呢個位啊~~~~~~~~ 之後忠社中六班幹事食飯, 等左miss同阿sir好耐, 不過佢地開會, 所以唯有等啦~~~~ 然後叫肥佬佢地班男仔去拿位先, 我地等miss同阿sir佢地, 因為我地原本坐緊果個位越來越熱, 之後我就行黎行去, 最後發現獎品櫃果度最涼, 所以我就企左響果度, 咁大頭咪走過黎傾計law~~ 跟住一路傾一路笑, 淨返阿玉響原本果度坐......... 之後miss落黎叫我地去食住先, 我地行緊果時, 阿玉佢o既態度好冷淡....... 跟住大頭問我好唔好搵佢講野, 我就話你要搵就搵, 我唔會去, 點知佢好似唔知點咁..... 一枝箭咁"標"左去, 無咩理我地......... 可能佢以為我地排斥佢掛, 唔知呢, 係掛..... 講真, 我唔會主動同佢講野law, 費事佢又講返俾人地知, 仲有萬一講錯野, 又響度話我"哂命"........ 不過我真係唔係幾中意佢o既態度law!! 就算我排斥佢, 但同佢講野果個又唔係我, 無需要咁樣啦!!! 最唔中意呢d人!! 夜晚決定左個Qoo仔唔要衫衫, 節省左唔少功夫~~~~~ 今後放埋d綿花就ok啦~~~~~~~ 呵呵~~ 好期待啊~~~~~~~~~~~~ ------------------------------------------------------------------------------------------ 2003 年 07 月 17 日 星期四 【晴】 [DingDing]尋晚知道左我大姨丈走左, 無咩感覺....... 我初初仲以為我阿媽應承阿姨去守夜係因為佢已經無哂野....... 點知..... 睇錯佢, 佢今日同肥仔講佢好憎佢地, 話唔想去, 咁我就話佢尋晚應承左阿姨, 佢竟然話反口都得............. 超無奈........ 等我仲以為佢真係咁好, 失望........... 唉....... 今日去左行街街~~~ 肥仔送左盒新幹線火車俾我~~~~ 識郁架~~~~~~~~~ 好靚靚架~~~~~ 好開心~~~~~~~^^ 仲有今日要等!!! 等!!! 等!!! 等聽日去camp~~~~~~ 呵呵~~~~~ 好期待camp 同ring ring啊~~~~~~ 你要記得啊~~~~~~ hehe~~~~~ 唔係我煩死你啊~~~ ------------------------------------------------------------------------------------------ 2003 年 07 月 18 日 星期五 【晴】 [DingDing]今朝又要賣舊書, 係好多好多人law...... 佢地做到無停手, 不過我無幫佢地....... 費事陣間做得急得濟找錯錢俾人, 咁就慘啦..... 因為少左o既錢會響SU度扣架!!!! 所以唔可能少!!!~~ 下午要入camp, 原本諗住1100就走, 但係太多人啦..... 之後差唔多1140就開始少人, 所以就將d野交低俾salome就走左lu~~~ 仲買左風扇仔添~~~ 巧靚架~~ 搭船去梅窩, 好正~~~~~~ 不過間屋距離碼頭好遠, 要踩單車..... 之但係我唔識踩, 所以就做左乘客, 第一次坐果陣好驚架, 不過之後坐多左幾次就唔驚lu~~~~ 夜晚玩uno.... 我同珊潺成為最高分o既人...... 慘被映相...... 慘慘!! 不過我地玩得好開心~~ ------------------------------------------------------------------------------------------ 2003 年 07 月 19 日 星期六 【晴】 [DingDing]仍然響camp入面~~~ hehe~~ 偷下懶先~~ ------------------------------------------------------------------------------------------ 2003 年 07 月 20 日 星期日 【雨】 [DingDing]今朝08xx起左身, 仲去左M記買野食~~ 跟住就要執野, 因為1200要交屋lu~~ 尋日去左沙灘, 果度好曬啊........ 我好驚會黑左好多........>< 我地行去碼頭, 行行下落雨........ 差d變左隻落湯雞啊........... 縱然係咁~~ 我仍然覺得個camp好正~~ 我原來以為我會好悶, 因為去o既人有好多我都唔識..... 不過佢地都好nice~ 好好人~~ 所以我巧hi生耶~~ 呵呵~~~~~~~ 夜晚去左打邊爐, 慶祝salome生日, 映左好多相~~~~ 好開心~~ ------------------------------------------------------------------------------------------ 2003 年 07 月 20 日 星期日 【晴】 [DingDing]今日o既第二篇日記........... 我好驚........ 如果真係..... 咁點啊...... 我最快要聽日先知個結果...... 唉...... 點算呢.............?? 我唔想你因為我而做d唔想做o既事..... 但.... 我唔捨得啊....... 嗚......... ------------------------------------------------------------------------------------------ 2003 年 07 月 21 日 星期一 【晴】 [DingDing]朝早仍然好唔開心....... 不過個結果一出黎, 就好開心啦~~~~ 呵呵~~~ 夜晚...... 有d失落law..... 不過唔緊要啦~ ------------------------------------------------------------------------------------------ 2003 年 07 月 22 日 星期二 【晴】 [DingDing]今日係一週年 ------------------------------------------------------------------------------------------ 2003 年 07 月 22 日 星期二 【晴】 [cHaPmAn] 今日係一年, 一齊賀一賀佢啦~~~~~~ 唔知點解去完camp 返黎就覺得好累.....成日都訓,對唔住啊丁丁~~~~~ ><" 呢三日camp, 我覺得好開心, 因為今次有丁丁一齊去, 我要珍惜今次的暑期, 說不定是學生身份的最後一個暑假. 第一天, 我們坐船船去梅窩, 好好玩. 夜晚就打邊爐, o個晚開始發覺唔係咁鐘意超哥, 因為佢成日都驚執輸. 丁丁 玩uno 輸了, 呵呵 第二天, 早上訓到好晏,跟住就去左沙灘玩玩, 不過個ball 就太差了. 都唔好玩既, 夜晚就去左天堂到bbq. 再黎多次uno . 今次阿超就輸左lu~ 見到o的人係咁draw 佢. ooooo~~~ 第三天, 我們執拾細遠便離開了, 坐車真的很辛苦......... ------------------------------------------------------------------------------------------ 2003 年 07 月 27 日 星期日 【晴】 [cHaPmAn] 日記成日都壞 ------------------------------------------------------------------------------------------ 2003 年 07 月 27 日 星期日 【晴】 [DingDing]呢幾日都無寫日記....... 一黎日記成日down, 二黎無咩好寫........ 點解?? 因為呢幾日真係好平淡, 好free, 可能因為阿媽上星期入左camp, 成個禮拜無見過佢掛...... 唔係咩o既...... 我有陣時(可能成日)都會覺得我同佢一個星期見一兩日就會相安無事架啦......... 我咁諗, 唔知係唔係好衰呢?? 呢幾晚唔係響自己屋企訓就係過左肥仔度....... 好似有d居無定所咁...... 但係個feel幾好~~~ 不過d人就成日訓到黃朝白晏....... 搞到我早起第過佢o既話就悶死law......... 今日試帶條黑金手繩~~ 有d"吉"手, 不過我估佢好似鞋咁, 整兩整就無野架啦~~~ 呵呵~~~ 前文話我阿媽入左camp, 今日返屋企, 不過佢唔煮飯, 所以都係要食自己......... 希望黎緊o既hoilday唔好鬧交就好啦......... 唉......... ------------------------------------------------------------------------------------------ 2003 年 07 月 28 日 星期一 【晴】 [DingDing]哇哈哈~~~~~ 我每次影完或者收到d相都會放入我o既相簿架!!!! 相簿一(按下就到架啦) 相簿二(按下就到架啦) 不斷不定期咁加新相 ------------------------------------------------------------------------------------------ 2003 年 07 月 28 日 星期一 【晴】 [DingDing]今日去左"大酒店", 唉......... 我尋日唔記得左, 仲諗住約肥仔去街街, 點知去唔到...... 真係對唔住啦..........>< 去到..... 好無奈, 因為我無諗過自己要幫手唸經, 好怪...... 好眼訓....... 坐左響度, 又唔識唸wor, 又眼訓, 咁咪無出聲law...... 點知之後我俾一個阿姨(我唔識佢, 佢坐我隔離)話, 佢話我坐響果度, 唔識都出下聲wor...... 無奈, 真係好無奈........... 如果可以, 我都唔想坐響呢度law.......... 休息果陣出左去toilet, 見返d好耐無見過o既親戚, 我叫佢地, 佢地先認得我....... 同一個問題, 乜我真係變左好多咩?????? 然後大舅父俾左d錢我, 話俾我買野食wor...... 唔知呢...... 好似有d怪咁, 不過我無推辭, 一黎我無錢, 二黎唔想問阿媽拿, 三黎見親佢佢都會俾錢我, 慣左(掛)........... 之後坐左響我表弟隔離傾計, 幾年無見啦...... 我都唔知講d咩好, 所以都係佢"撩"我講野多, 講埋d好無聊o既野, 呵呵~~~ 跟住又要開始唸經, 不過今次我無入去, 坐左響出面摺d"金銀", 好多, 摺極都仲有..... 覺得自己越摺越快..... 唔知好定壞~~~ 摺到佢地唸完經, 阿媽出到黎, 係咁叫走..... 話咩留響度無癮wor, 唉......... 不如唔好去啦我覺得, 去到唸完經就走, 無意思law........ 返到屋企, 好掛住肥仔..... 如果依家可以見到佢就好lu........... ※※※※※※※※※※※※※※※※※※※※※※※※※※※※※※※※※※※※※ 唉...... 講起我阿媽..... 佢真係可以咩都鬧一餐, 又話我掛住傾電話唔食飯, 又話我唔執野, 又話我搞到佢就黎遲到............. 但係, 唔食飯係因為未有飯食, 要執o既野唔係我o既, 落到車站佢話可以唔使咁早搭車, 仲要果陣岩岩有架269B添.............. 好無奈........... ------------------------------------------------------------------------------------------ 2003 年 07 月 28 日 星期一 【晴】 [DingDing]睇到本書, 諗到d野, 希望你唔會覺得核突啦~~~ 題目係"還是會選擇你", 書名係咩~~~ 問我啦~~ 呵呵~~~ ※※※※※※※※※※※※※※※※※※※※※※※※※※※※※※※※※※※ 無錯, 如果呢個世界真係有來世的話, 我仲係會選擇你 雖然係咁, 但係我唔想我地好似今世咁 "苦就好苦, 甜就好甜" 我希望我地o既將來以致來世都過得好平淡 無風無浪, 我唔再需要擔驚受怕 咁樣就夠啦~~~ 我已經好滿足架啦........ 係wor........ 我好似未講點解我來世仲係會選擇你wor......... 其實, 係因為 我已經不能自拔咁愛你, 我已經離唔開你lu............ 唔知, 如果有來世, 你仲會唔會仲係會選擇我呢?? 個原因又係咩呢??? ------------------------------------------------------------------------------------------ 2003 年 07 月 29 日 星期二 【晴】 [cHaPmAn] 我都好希望今世同你可以平平淡淡咁過, 無風無浪. 我下一世一定會選擇番丁丁做我老公/老婆. 因為我已經覺得你同我永遠都係一齊啊. 不過最唔開心既野就係, 成日覺得自己訓覺時好大聲, 攪到丁丁好似訓唔著咁....... 我很想立即和丁丁結婚, 好想好想. 快o的快o的. 我一定要搵一份好工, 可以養埋丁丁. 呵呵~~~ ------------------------------------------------------------------------------------------ 2003 年 07 月 29 日 星期二 【晴】 [cHaPmAn] 今日一早起身就同丁丁講電話, 要去 出面. 跟住我自己一個係屋企既時候, 就玩放火遊戲. 夜晚就同小子佢o地組成挑戰隊去同人o係水邊圍打波. 咁就返左屋企. 係元朗打波要用好多力. ------------------------------------------------------------------------------------------ 2003 年 07 月 30 日 星期三 【晴】 [DingDing]尋晚加左張wallpaper落個畫板度, 係棋魂黎架~~ Q版~~ 好得意架~~~~ 呵呵~~~~ 之後執袋, 發現之前肥仔夾俾我果隻大頭史路比未拿出黎..... 拿拿臨將佢放上床~~~ 我好中意佢夾俾我o既每一隻公仔啊~~~~ 依家得兩隻, 希望有三四五六.........隻啦~~ 今日原來陪人去買褲, 但之後唔知點解去左書展~~~ 好正~~~ 咁快就一年啦....... 我記得我上年都有去, 如果我無記錯..... 好似係同肥仔, 盈盈同濱小姐一齊去..... 今年, 除左人唔同左d之外, 心情都有d唔同 因為我上年去係因為想見識下, 毫無目標, 而且我果時係對某d事抱觀望o既態度, 所以未能盡興........ 但今年唔同, 我去係因為希望可以買到想要o既書, 唔再毫無目標, 而上年o既"某d事"都已經好明確咁知道左個答案, 好開心~~~~ 去到時, 條人龍好長......... 不過佢有個牌寫住買左票同未買o既分開企, 但我睇唔到有野隔開law, 所以全部人都係又企唔係又企.......... 好彩有把唔係好涼但都仲算有風o既風扇仔吹下, 唔係實熱死都未去到~~~~ 書展分左三個館舉行, 行左三個幾鐘先走, 都唔知係唔係行哂....... 結算~~~~ 我響書展度買左兩本書, 一本係區樂民o既快樂醫院, 另一本係尋夢園o既交換新娘~~ 呵呵~~~~ 除左書, 仲買左兩把扇~~ 一把係車車(therunabouts)一把係新幹線~~ 唔知大頭會唔會已經有呢......???(←依家先諗到..... ) 不過唔緊要啦~~~ 呵呵~~~ 我覺得兩把都好靚架~~~~~ 好開心~~~~~ ------------------------------------------------------------------------------------------ 2003 年 07 月 30 日 星期三 【晴】 [DingDing]之前果篇係開心o既, 跟住落黎呢篇可以話係我喊住黎打o既........... 夜晚我阿媽打黎話我成日出街, 之後cup左我線, 好唔開心........... 之後發生左好多事...... 因為呢件事o既發生, 令到我同佢鬧交........ 唔通我唔想搞大件事係錯?? 唔通我真係無企響你個位度諗過??? 唔通我一定要學識點樣唔理別人o既眼光, 跟你走??? 唔通你嬲我嬲到唔想同我講野, 而要即刻offline??? 如果係........ 我以後都唔會再同你講野law........ ------------------------------------------------------------------------------------------ 2003 年 07 月 31 日 星期四 【晴】 [cHaPmAn] 誰是誰非,有誰知道. offline/online ------------------------------------------------------------------------------------------ 2003 年 07 月 31 日 星期四 【晴】 [DingDing]你無錯, 無o既係我, 我錯在任何一個地方都有錯 ------------------------------------------------------------------------------------------ 2003 年 07 月 31 日 星期四 【晴】 [cHaPmAn] 那裡是你的錯呢? 全是我的錯. ------------------------------------------------------------------------------------------ 2003 年 07 月 31 日 星期四 【晴】 [DingDing]唔係咩?? 如果唔係的話, 你又唔同我講??? 我諗你睇完之後一定話我尋晚DND, 你同唔到我講野, 我無俾機會你解釋, 但你有無嘗試過同我講呢??? 如果我無記錯..... 好似無law.... ------------------------------------------------------------------------------------------ 2003 年 07 月 31 日 星期四 【晴】 [cHaPmAn] 我錯吧~ 那你同我講, 我怎樣做吧. ------------------------------------------------------------------------------------------ 2003 年 07 月 31 日 星期四 【晴】 [DingDing]我唔知 ------------------------------------------------------------------------------------------ 2003 年 07 月 31 日 星期四 【晴】 [cHaPmAn] 你想怎便說, 我能聽你的. 我的抉擇是很差.我不想去想應該怎樣做. 你說你的想法. 你說你想怎. ------------------------------------------------------------------------------------------ 2003 年 07 月 31 日 星期四 【晴】 [DingDing]我想見你 ------------------------------------------------------------------------------------------ 2003 年 07 月 31 日 星期四 【晴】 [cHaPmAn} 那你現在過來吧, 過來吃下午茶 ------------------------------------------------------------------------------------------ 2003 年 07 月 31 日 星期四 【晴】 [DingDing]願望已經破滅, 我還可說什麼.........? ------------------------------------------------------------------------------------------ 2003 年 07 月 31 日 星期四 【晴】 [cHaPmAn] . ------------------------------------------------------------------------------------------