2003 年 08 月 01 日星期五【晴】 [DingDing]今朝0800俾阿媽叫醒左, 去拜佛wor, 唔想去, 不過應承左, 所以要去...... 拜佛果陣俾我發現到d野, 就係d師父唱經o既節奏係會用一d歌o既某幾個節奏, 例如蒼海一聲笑....... 我聽到之後覺得好得意, 諗住再留意下仲有d咩歌我識得, 但係可惜無...... 拜左上午, 食完飯就走, 原本阿媽唔走架, 不過有人搵佢開工, 仲要係即刻, 所以佢就同我一齊走, 不過佢返元朗, 我就落左屯門, 因為我想響今日買左個拼圖架, 聽日有得用啊嘛~~~ 尋日個原定目標係綠色o既金屬架, 點知我落到屯門, 諗住有好多間啦..... 不過我行左好耐先見到一間, 但係我記得仲有一間響漢陽苑樓上, 咁即係有兩間啦~~~~~~~ 之但係......... 我去到第一間度問, 佢話無我要o既size, 係就要訂, 要$16x..... 超貴........ 跟住走左, 諗住行去第二間問, 點知我行黎行去都去唔到.......... 我feel到我自己迷失左 law...... 果陣同eman傾緊電話, 咁咪問佢點行 law, 原來唔係迷失, 係病發咁將條路入左ignore list.... 無奈..... 唔怪得搵左個幾鐘都搵唔到啦............>< 終於都去到第二間拼圖店, 問佢同一個問題, 佢o既答案都係一樣, 不過果個人就話俾我知大d會好d, 因為岩岩好的話, 最後會睇唔到d邊位, 而且現成會平d, 所以我就買左一個大少少o既架, 仲有因為佢果度無金屬架, 所以我買左個綠色木架............ $120........ 好貴...... 不過唔緊要啦!!! 我覺得值得架!!! 嗯!!! 我驚有d邊會突出黎, 所以買左張白紙整下......... 不過我又發現一樣野..... 塊板都係白色, 我又做埋d蠢野......... 唉........ ------------------------------------------------------------------------------------------ 2003 年 08 月 01 日星期五【晴】 [cHaPmAn] 今天去了遊山玩水. 水清沙幼. 又多人在海中食腸. 唔知係唔係好開心ga lei? 得閒都要結伴去食腸先. ------------------------------------------------------------------------------------------ 2003 年 08 月 02 日星期六【晴】 [DingDing]今日去左肥仔度拼拼圖~~~ 最初以為會好難拼, 可能要分兩日, 但點知幾個鐘就搞店左~~ 好靚啊~~~ 好開心~~~~ 不過條腰好痛..... 仲有d腳軟...... 我要諗個網頁整d咩同用咩色做主色...... 我依家想用綠色做主色, 而大概o既內容都諗到啦..... 現時要搵一d綠色o既素材同映相, 仲有要參考人地點做...... 唉..... 我驚整得好醜怪添..... 因為我係一個初哥黎......希望好過上次果個功課啦~~~ ------------------------------------------------------------------------------------------ 2003 年 08 月 05 日星期二【晴】 [DingDing]今日陪肥仔剪頭髮, 今次等o既時間比上兩次短........ 不過都唔短...... 肥仔剪完頭髮之後成個人精神哂~~ 幾好睇~~~ 我都係覺得佢短頭髮好睇好多...... 真係唔中意佢長頭髮個樣, 成個蘿蔔咁, 仲要係花心果隻........ 所以我好反對佢留長d頭髮, 費事佢真係花心俾我睇, 咁就真係pk啦........ 之後去左佢屋企整d圖, 無計..... 我屋企部腦無咩空間整多個軟件去搞圖圖....... 唯有去佢度整啦........ 不過自己好多要求.... 又麻煩wor, 所以整得一張咁大把jar........ 唉..... 希望佢唔好嫌我煩啦........ 我都想整得靚d o既........... 後尾同佢坐響M記食野, 我又響度諗我都係唔太想讀書........ 唔知呢.......... 唉......... 又唔想好似好那西咁考試, 但又"的"唔起心肝去讀書........ 都唔知自己想點......... 呼....... 或者........ 中六真係唔岩我讀掛....... 順帶一提, 聽日會考放榜, 我都有考啊~~~~ 唔知我拿幾多分呢??? 不過一定係個位數字........ ------------------------------------------------------------------------------------------ 2003 年 08 月 06 日星期三【晴】 [DingDing]雖然知道自己就算響會考之中考得好唔好都唔會影響我o既學業............ 但我個心都仲係好驚....... 唉........ 成晚訓唔到, 嗚........ 唔記得左個考生編號...... 想睇都睇唔到............ 覺得自己好蠢...... ><....

------------------------------------------------------------------------------------------ 2003 年 08 月 06 日星期三【晴】 [cHaPmAn] 今日jupas 放左, 同上年一樣, 都係沒有offer. 見到人o地有, 我冇, 唔多唔少都會有點兒失落吧~ ------------------------------------------------------------------------------------------ 2003 年 08 月 06 日星期三【晴】 [DingDing]飲完茶返到屋企~~~ 肥仔話打去考試局問考生編號, 跟住就問左啦~~~ 然後去login, 睇到自己d成績........ 得6分........ 不過好開心, 因為我淨係考兩科, 英文(A卷)同會計(中文), 兩科都有C~~~ 好開心~~~~ 因為會計升左~~ 完全無諗過...... 呵呵~~~~ 好開心~~~~~~ 不過........... 如果佢可以陪我一整天就更好lu................. ------------------------------------------------------------------------------------------ 2003 年 08 月 06 日星期三【晴】 [cHaPmAn] 明天便是我工作, 再次工作~ 沒書讀, 或讀書的生活完了~ 要面對現實出來社會工作, 時間總不會在我的身上有很好的安排. 但也可以給我看到取捨的意思. 人大了, 便成熟了, 成熟了便忘掉了. 或許, 這便是我在這一身中的缺憾美. ------------------------------------------------------------------------------------------ 2003 年 08 月 07 日星期四【晴】 [DingDing]今日響屋企一整天都無去過街, 無計.... 懶嘛..... 唉...... 不過我諗住聽日去自修室自修下, 唔知會唔會又無左件事呢?? ------------------------------------------------------------------------------------------ 2003 年 08 月 07 日星期四【晴】 [cHaPmAn] 我終於正式於社會工作了~ 其實我很幸運, 我不會在現在再苛求有書讀, 因為, 我已經比其他人有幸讀中六中七, 遲些少再讀degree 吧(只有咁諗). 現在出來工作, 也未必不是好事~~ 或許, 我能在這裡打出我的名字吧~ 我在每一天也要享受. 享受有一份好工讓我做. 讓我儲錢吧~ 讓我向目標前進吧. 我無憾在今天離開學校. ------------------------------------------------------------------------------------------ 2003 年 08 月 08 日星期五【晴】 [DingDing]呵呵~~~ 我今日真係有去溫書架~~ 仲見到patpat, 阿強同gosh添~~ 去左溫BS, 我覺得ok架啦, 溫左1.5章....... 日日咁都幾好, 因為都唔係咁想俾得自己太緊, 如果唔係好易死....... 我有好多都仲未試過~~~ 唔想咁早死住呵~~~~ 不過去一去, 好似搞到有d傷風...... 無計, 果度凍到死, 而且唔知係唔係坐得樣衰得濟, 條腰勁痛...... 超慘...... >< 唔知響屋企溫唔溫到呢.......?? ------------------------------------------------------------------------------------------ 2003 年 08 月 08 日星期五【晴】 [DingDing]我好嬲....... 我唔想接受你o既道歉!!! 就算你點講都係!!! 我真係好想cut左個戶口!!! 我已經唔想再要佢啦!!!! 佢"生存"o既意義響你話俾我自己用o既同時已經無左啦!! 你之後點講都無用啦............. 你話當你無講過, 唔通你響講之前無諗過我會點諗架?? 定或者你根本就無諗過? 你放心, 我會去銀行問點cut架啦!!! 哼!! 我亦有理由相信呢個日記都會隨時被cut!!! ------------------------------------------------------------------------------------------ 2003 年 08 月 09 日星期六【晴】 [cHaPmAn] I am deeply regret. ------------------------------------------------------------------------------------------ 2003 年 08 月 10 日星期日【晴】 [cHaPmAn] 唔開心....唔知點解...... ------------------------------------------------------------------------------------------ 2003 年 08 月 10 日星期日【晴】 [DingDing]今日星期日, 終於都可以見到你lu........... 雖然唔係話做d咩, 不過我都好珍惜架....... 之但係好似成日鬧交咁, 真係唔開心........ 唉......... 好想睇大逃殺2............ 好想睇蠟筆小新............ 好想睇急凍媽媽........... 好想溫好d書.......... 好想唔使起哂"鋼"咁同你講野............. 好想你知我想點.......... 好想好好咁愛你............ 好想好想......... ------------------------------------------------------------------------------------------ 2003 年 08 月 11 日星期一【晴】 [DingDing]原本諗住今日去自修室溫書, 跟住無去到, 去左飲茶, 不過好彩無去, 因為我突然記得今日圖書館唔開.......... 呵呵~~~ 有d好彩o既感覺~~~~ 跟住響屋企抄左陣notes, 我想響星期四抄完上冊, 等我可以響星期五果陣就可以唔驚唔記得抄到邊咁借俾大頭影印, 不過應承左佢星期日要借埋本下冊俾佢, 我諗我星期五都係睇下黑色果本bs有無野可以補充一下先得~~~ 聽日都係要去下自修室先得!!! 好想睇蠟筆小新............ 好想睇急凍媽媽........... ←呢兩樣我做到啦好想溫好d書.......... ←呢樣都做緊 ................唔知其他果d幾時做到呢??? ------------------------------------------------------------------------------------------ 2003 年 08 月 12 日星期二【晴】 [DingDing]今日都係無去自修室啊, 不過就響屋企溫左陣, 但係今日好懶啊......... 嗚........>< 聽日一定要去!!!!! 響電視睇到個廣告, 係shine架~~~ 講支持香港之類咁啦~~~~ 唔錯, 幾得意~~~~ 呵呵~~~ 襯記得........ 寫低先 27-29要補課要重點記得28號, 因為阿媽生日......... 上年唔記得, 兩日無煮飯, 後尾買返對耳環先好返無事........ 今年唔可以唔記得........ 唔係就死得............. ------------------------------------------------------------------------------------------ 2003 年 08 月 13 日星期三【晴】 [cHaPmAn] 今天工作勤奮. 但被人騙左一野, 即刻無啦啦被人插到開花 ------------------------------------------------------------------------------------------ 2003 年 08 月 13 日星期三【晴】 [DingDing]今日又無去到自修室啦................. 無計啦, 阿媽休息, 佢臨時話去石排飲下午茶, 所以無去............ 其實.... 都唔知係唔係自己俾自己o既藉口黎...... 唉....... 好懶......... 不過~~~ 我都做左一章note啦.......... 依家做到去第三章o既中間, 要加油啦~~~ 夜d再繼續~~~ 今晚o既目標係第四章o既中間, 最好做埋第四章啦~~~ 呵呵~~~~ 講返今日先~~~~ 今日飲完茶之後就去左吉島度行, 唉....... 唔開心........ 因為........ 原來諗住買第四代bear bear, 不過成$30...... 然後行過果個唔知咩商場, 見到古仔出左寫真........ 嗚.........>< 又係得個"恨"字....... 之後去左M記飲野......... 飲完野一出門口...... 個肚仔就唔舒服...... 阿媽話M記d野唔乾淨, 不過我就覺得唔係, 因為無可能咁快黎料law...... 但係好搞笑, 之後繼續行街, 行左好耐都無事, 但係返到屋企就................ 唉...... 都唔知咩事........ 雖然係咁, 不過都算啦........... 因為我之前已經響屋企足足兩日無出過街......... 我要加油!!! 我要努力!!!!~~~~ ------------------------------------------------------------------------------------------ 2003 年 08 月 14 日星期四【晴】 [cHaPmAn] 想想下~ 覺得這份工可以儲錢和你共楷連你. 你也要盡力畀心機讀書~~~~ 今日返9放 10 ~ 好似成日都咁夜放我記得好似係6號返~~ 每日都係大約至少放8點半~ 咁樣就多左 [((30*3.5)+30)*5 ] + 210 + 180 ~~~ 只係做左6日~~~ 哈哈~~~ 努力! 不過覺得呢間公司好勁, 只不過係得7個人做呢個department, 但係o的人事問題就勁複雜....... 好難做到中立........ 真係好想知道點樣先可以抽離呢個問題... ------------------------------------------------------------------------------------------ 2003 年 08 月 14 日星期四【晴】 [DingDing]今朝0825起左身, 不過就響將床到碌到0900先肯落床.......... 呵呵~~~ 點解?? 因為響度諗緊野law, 諗咩?? 唔記得lu...... 跟住俾人叫左落M記買野食, 返到屋企食完又開始做返我呢幾日做緊o既野~~~ 唔知點解.... 唔係好想過自修室咁.......... 之後阿媽落左街....... 跟住落雨, 都幾大架, 咁我咪將d窗關哂law...... 呵...... 之後俾人鬧我好將d窗關埋........ 無奈...... 夜晚出街食飯, 阿媽話預祝佢生日wor......... 食飯之前行左陣, 嬲爆!!!!......... 1. 響千色見到chung, 好彩佢唔認得我!!! 唔係就死得人多............ 2. 我想去三聯睇書, d人就話腰骨痛, 但係之後仲可以行好多個地方law 3. 去食飯之前o既最後一站係實惠, 跟住我就話佢, 我話去三聯又話腰骨痛, 跟住你又去實惠行, 之後d人話因為三聯d野唔岩佢睇!!! 唔通實惠又岩我啦wor?? 4. 行咁耐街....... 無一處係有野岩我o既!!!! 哼!!! 之後去到佛慈, d人又講呢樣, 講果樣...... 麻煩....... 最嬲就係食緊糖水果陣有條我勁唔中意o既男人坐落我地張桌子度同阿媽講野...... 原本都無咩所謂, 不過條死pk就賴死唔走, 又響度話你地走架啦, byebye......... 挑!! 你越咁講, 我越食慢d, 仲擺出一個擺明唔中意佢o既表情!! 點知條pk勁響度鬼食x咁, 煩住哂!! 差d連粗口都講埋!!!! 雖然好多唔開心o既野, 不過都有d得意野o既~~~ 就係佛慈失竊, 而唔見左o既係......... 地主公!!!! 不過..... 後尾唔知係唔係搵得返呢.......?? 不過點都好啦~~~~ 因為我陣間去睇大逃殺2, 又可以見到人wor~~ 希望無特別情況發生啦~~~~~~ ------------------------------------------------------------------------------------------ 2003 年 08 月 15 日星期五【晴】 [DingDing]今日........ 懶死........ 無咩溫過書law...... 呵呵...........>< 原本諗住去買果隻酸酸地o既豬排食~~ 不過...... 落到去竟然俾人買哂, 但係唔緊要啦~~~ 咁咪証明我有眼光, 揀岩野law~~~ 呵呵~~ 後尾唯有去買煎釀三寶食, 跟手去左漫畫店(←淚...), 仲租左小新36期同本小說睇~~ 唉......... 無咩溫過書.... 有d良心過意唔去o既感覺添............ >< ------------------------------------------------------------------------------------------ 2003 年 08 月 15 日星期五【晴】 [cHaPmAn] 睇BR2 , 以為好恐怖, 但真係幾驚~ 驚到唔知點講.....不過幾有意思.實在覺得是一套有寓意的戲~~~ 今日上班, 很辛苦, 因為今天的工作量多到不得了............ 星期日去打波吧~~~~~~~ ------------------------------------------------------------------------------------------ 2003 年 08 月 16 日星期六【晴】 [DingDing]前晚睇完大逃殺2, 感覺...... 唔同左, 因為今集o既情用多左好多, 唔錯~~ 不過睇d影評就話唔好睇, 我又唔覺o既.... 唔通真係要打打殺殺島叫好睇咩...?? 睇完都12點幾lu, 所以肥仔就響我屋企訓, 幾開心架~~ 因為覺得見多左law, 呵呵~~~~ ------------------------------------------------------------------------------------------ 2003 年 08 月 17 日星期日【晴】 [DingDing]今日星期日~~~ 肥仔放假~~ 呵呵~~ 又可以見到佢lu~~~ 一大朝過左佢度, 無架..... 睇下電視, 反下野咁law~~~ 之後到左5點幾就落左去體育館book場打壁球, 好耐無玩......... 生疏哂, 仲成日打唔到個波添....... 失敗!! 如果keep到一星期一次就好lu..... 不過我無錢, 呵呵........ 雖然唔係話去邊度邊度玩, 仲過得好平淡, 但係都已開心架啦~~~ 近排又開始成日睇人地日記........ 唉........ 覺得自己已經真真正正咁成為左一個八婆....... ------------------------------------------------------------------------------------------ 2003 年 08 月 18 日星期一【晴】 [DingDing]今日好累........ 唔知係唔係尋日過量o既運動呢?? 隻手同大脾好痛啊....... 嗚....... >< 今日又係響屋企度溫書, 不過就唔多啦~~嗯嗯........... 我要買包書紙啊~~~ 有新幹線o既話就好啦~~~~ 呵呵~~~ 我近期真係好中意佢啊~~~ 實在太正啦~~~ 呵呵~~~~ 又要開始寫會務報告啦....... 因為遲d要響第三屆學生會選舉時派啊, 聽阿sir講........ 好似又係響10月18日搞, 同上年一樣........ 嗯嗯!!!!!(搖緊頭!!) 我唔可以再諗架啦!!....... 唔知點解.... 諗起就想喊........ 唉!! 我要堅強!! 到依家呢一刻....... 我都係好想知邊個想做忠社財政同學生會會長啊......... ------------------------------------------------------------------------------------------ 2003 年 08 月 19 日星期二【晴】 [cHaPmAn] 不知道為何日日都那麼累.........很辛苦..........公司的人事關係是很煩啊............... ------------------------------------------------------------------------------------------ 2003 年 08 月 19 日星期二【晴】 [DingDing]今日salome問我去唔去商校活動個閉幕禮, 咁我又覺得無咩d咁o既機會, 咪應承左佢law~~ 聽佢講響30/8唔知邊度舉行wor........ 唔知要著d咩衫呢?? 今日溫左d書, 但係就整左幾板網頁, 無計~~ 突然諗到點整嘛~~ 咁梗係要整左先啦........ 不過, 又有d野唔識整lu......... 唉......... 搵日放上網試下先....... 今日唔係幾開心...... ------------------------------------------------------------------------------------------ 2003 年 08 月 20 日星期三【晴】 [cHaPmAn] 唔知點解日日起身都好累~ 返工時聽番一o的舊既歌會令人回憶以前一o的事~ 我聽番"我的驕傲" 就會諗番以前o係學校study live 自己一個人o係輕鐵站行番學校溫書既情況. 真是令人懷念啊~~~~ 哈哈~~~ 古巨基的任天堂流淚很好很好~~~ 得閒要聽下~~~ 今日放左工,即刻黎元朗食野~ ------------------------------------------------------------------------------------------ 2003 年 08 月 20 日星期三【晴】 [DingDing]今朝屋企上唔到網.......... 咁就整下個網頁啦, 點知發現有一版d icon係完全無被download落黎o既......... 唉..... 想整都無得整..... 所以就諗住去eman度上網copy icon+燒碟, 不過佢話佢阿媽用緊電話..... 我都唔記得左佢無轉到添.... 真係有d唔好意思..... 之後我買埋d cd-rom同cassette就諗住返家, 點知行到屋企樓下就諗起盈盈屋企可能得wor~~~ 所以即刻撥個輪俾佢, 呵呵~~~~~ 得左~~~ 之後就上左佢屋企, 原本只係想copy d icon, 跟住就抱著一試o既心態去下內聯, 耶?? 又得wor~~ 咁就梗係拿拿臨拿返份會訊啦!!!! 之後改完就燒左佢law~~~~ 除左燒會訊之外, 仲燒左好多歌添~~~~ 呵呵~~~~ 大收穫~~~~ 真係唔該哂盈盈啦~~~~ 終於都搞店隻碟啦~~ 我要快d拿俾阿sir先得啦~~~~~ 夜晚勁問人知唔知點整gif.......... 跟住盈盈問左佢d fd之後就彈左個網俾我download果舊唔知咩野, 研究左好耐都唔識點將d畫合併成gif........ 好彩我上網搵到好多教學姐~~~~ 不過............ 我整就整到啊..... 之但係點解郁得咁慢o既??? 令人費解............ ------------------------------------------------------------------------------------------ 2003 年 08 月 21 日星期四【雨】 [DingDing]今日差唔多放左成日落個網度........ 我用左差唔多一個上午黎研究令張gif郁得快d~~ 終於都研究到啦~~~~~~~~ 之後仲整多左幾張唔同o既gif添~~~~ 成功之後o既果種感覺真係好~~~~~ 後來我見個網都7788lu, 咁就放上geocities度試下, 仲send左俾幾個朋友仔幫下眼添~~ 仲有盈盈發現有錯字........ 對於呢樣野...... 我會小心d架啦~~~ 確認全部link同畫都無問題之後, 即係初步完成啦~~~~~~~~~~~~~ 果種滿足感就好似抱著自己個BB咁........ 超幸福~~~~~ 呵呵~~~ 但一諗起我仲有好多功課未做o既果一刻............... 我就由天堂直"標"落地獄........ >< ------------------------------------------------------------------------------------------ 2003 年 08 月 22 日星期五【晴】 [cHaPmAn] 今天是上班以來最bad的一天, 因為做錯一樣野而令到個問題好大, 全日去左"面聖". 跟住就無啦啦孭獲, 唔關我事既野又入我數, 我就要執番兩年前既貨出黎, 搵到成10點幾先走得, 真係唔知可以講o的咩好, 我唔要再錯~~~~ 我一定要上手~ ------------------------------------------------------------------------------------------ 2003 年 08 月 22 日星期五【晴】 [DingDing]今日...... 唔係好開心..... 因為又係渾渾噩噩咁過左一日......... 朝早返左學校俾cd-rom阿sir, 去一去就走左........ 之後行左一陣天耀, 搵下包書膠咁...... 不過搵唔到, 絕對引證左果句" 機會無左就係無左 ".......... 唉........ 之後響學校見到陳社監, 佢問我對AL有無信心..... 我就同佢講我無...... 我唔想呃佢, 自己知自己事........ 之後佢就話如果第時搵唔到野做就call下佢, 佢可能會幫到我...... 好感動....... 返到屋企做一陣功課, 休息果陣先諗起我好似約左eman, 好彩佢有online, 所以15分鐘之後落左去行下街.......... 發現自己好耐無行過街lu, 無計, 一個人行就絕對無聊............ 眼睇住自己身邊o既人成日都去溫書溫書...... 覺得自己好懶...... 唉.............. 唔想再諗啦........ 有邊個可以幫到我啊......?? ------------------------------------------------------------------------------------------ 2003 年 08 月 23 日星期六【晴】 [DingDing]唉........ 唔想同人比...... 更可況我唔覺似....... 嗚........ 辛苦做出黎o既野竟然俾人話同人地似...... 好似我抄佢咁...... 唉..... 我夠想整得靚d啦..... 我夠想用果隻好靚o既視窗啦......... 我唔識嘛......... 好諷刺......... 每當我盡心盡力咁去完成一件事o既時候就會遇到d咁o既野.......... 究竟點解會咁呢.....?? 我真係唔知.......... ------------------------------------------------------------------------------------------ 2003 年 08 月 23 日星期六【晴】 [cHaPmAn] 其實我覺得真係唔似. 你有畀心機去做好呢個網頁就可以了. 一定有人欣賞你的網頁,(包括我). 我已經見到老婆真係有好比心機去做呢個網頁, Cheer Up, dingding~~~ 哈哈~~~ 對不對? ------------------------------------------------------------------------------------------ 2003 年 08 月 23 日星期六【晴】 [cHaPmAn] 在前幾天知道了很多人去讀書, 恭喜了他們, 因為他們不要再困在家中了, ho yin 也進了Poly, 每天的星期五,六是幾開心的, 因為就黎有得放假, 又可以去街街.~~~ ------------------------------------------------------------------------------------------ 2003 年 08 月 23 日星期六【晴】 [DingDing]今日係星期六, 終於都到左呢日啦~~~~~ 因為聽日我就可以見到佢啦, 好期待聽日o既來臨, 真係好期待........ 今日都係咁過, 做下野, 發下呆, 睇下書咁........... 作文...... 作左一段, 跟住就諗唔到lu....... 不過要快d作好啦, 因為仲要錄音然後交俾miss....... 尋晚阿玉話果個閉幕禮, 係要3個人去, 咁我就同佢講我唔使去啦....... 點知佢就話採排要2個, 但正式果日就要3個去..... 仲叫我問下salome確定下, 咁所以我今日又問下salome啦............. 點知.... 原來佢果日係想話淨係要兩個人去採排wor....... 跟住佢話果晚兩個人上台就夠, 我淨係響台下面坐就ok~~~ 幾好~~ 我係想去, 不過就唔係好想上台啦........... 仲有就係因為校長果日要去, 所以我地要著校服去...... 有d內疚架, 因為我尋日勁響度詛咒pk lam啊......... 哈哈........ 仲有, 我今日決定左9月1號開會....... 講下9月10號d野等等...... icq send左message架啦, 不過要俾埋會議議程佢地, 諗住內聯send俾佢地同d老師........ 點知, 內聯又hang.......... 無奈........ 下個星期!!! 我要一至五都做功課!!!! 做好哂佢地!!! 等我星期六日好過d!!!!! ------------------------------------------------------------------------------------------ 2003 年 08 月 26 日星期二【晴】 [DingDing]終於都搞店啦.................. 我講緊個網網, 我upload左都幾多野上去geocities度....... 咁即係話我整過好多野啦~~~ 呵呵~~~~ 成個人好累, 但好開心~~~~~ 因為今日做左臨時保姆, 仲體會到阿媽級響"臭"d細細個o既o靚妹時果種痛苦但開心o既感覺, 真係要多謝仇芷晴~~~~ 不斷咁叫你同佢玩, 抱佢, 同肥仔阿妹爭野玩, 聽佢講d我地唔會識聽O既BB話...... 我完全無諗過一個幾歲o既小朋友會有用唔完o既精力, 去玩盡所有野, 我更佩服d媽媽可以咁有耐性咁教佢地, 巧勁!!!!! 我希望將來我係人阿媽時, 會比d小朋友有更多o既精力啦~~~~~ 有趣之事~~~~ 必記必記~~~~ 交剪腳 ---- 唔肯落地時o既必殺技, 對方必定會向別人求救趴地喊 ---- 唔夠人爭野玩時o既招數, 遇軟(心)越強呢篇野唔知會唔會好語無倫次......... 因為我已經唔係好想去校對lu................ sorry.... ------------------------------------------------------------------------------------------ 2003 年 08 月 26 日星期二【晴】 [cHaPmAn] 由於我成日都要返工, 日日都好想你快o的搬黎同我一齊住, 因為咁樣就可以見多o的~ 唔知幾時先到呢一日呢........... 就黎月頭, 有糧出, 希望可以買o的野玩下, 就黎中秋, 應該有好多月餅, o的運輸就會利用呢個時間送好多好多月餅畀我o地,借o的位同我o地打好關係,乘機攞多o的生意做, 呢o的就叫做小往大來, 我呢o的低級職員多數都係幾鐘意咁樣, 因為有得食有得攞, 正! 可能遲o的有bonus tim, 都幾正~~ 年尾 15/12 糧 + 公司air department 既 bonus?? 應該會有掛, 聽人講..... 咁樣就好似好多錢咁..... 不過我唔知我駛唔駛交稅呢, 如果要咪要save 起o的 money? 好想申請信用card, 因為有好多優惠~ 努力工作! 我要發圍! 要升職加人工! ------------------------------------------------------------------------------------------ 2003 年 08 月 27 日星期三【晴】 [DingDing]今日起身之後先發現我有兩日無食藥...... 拿拿臨食返, 唉...... 今日....... 好悶..... 好頭暈......... 仲有, 好無聊...... 聽完盈盈o既評語, 真係要改改個網頁先, 已經諗度大約係點整, 我諗d內容都係同依家果個差唔多, 但個版面就改下咁, 不過得過諗字, 因為無靚圖, 而且要做好d功課先............ 仲未買到我想要o既包書膠...... 睇黎都係要買第二隻........ 唔開心..... 唔知點解自已呢排好多野諗..... 好煩!!! 好想打人!! 今日還完書返屋企時, 經過香舖, 見到個新幹道燈籠, 原本無諗住買, 但係行行下又走返轉頭買, 因為我覺得好靚, 雖然佢唔係sanrio出品...... 我諗呢樣同埋同肥仔傾電話係我唯一有笑o既時間掛..... 唉..... 真係悲哀....... ------------------------------------------------------------------------------------------ 2003 年 08 月 27 日星期三【晴】 [DingDing]今日心情一般~~ 寫下做過d咩先~~ 今日做左好耐功課...... 不過都仲有好多未做...... 無計...... 我太蠢啦...... 之後響網上面搵到一個超易整o既芝士蛋糕, 跟住就落街買料整啦~~~ 不過好貴啊......... 我買完d料....... 我個錢袋d錢都一樣無哂....... 唔敢話俾阿媽知, 費事俾佢話............ 個蛋糕要雪好耐..... 唔知係唔係一定要放落冰箱呢....?? 會唔會結冰架......?? 之後落左街食飯...... 因為個肚唔舒服, 所以淨係食"送"......... 差唔多食飽果陣見到以前佛堂o既人, 佢同我阿媽傾計, 我阿媽仲話俾佢知我讀緊佢個女之前讀果間.......... 跟住果個人話我勁, 又話佢個女無用升唔到中六........... 無奈........ 我跟本唔想知佢地d野........ 食完飯行返屋企果陣我叫阿媽唔好同果個女人講咁多野, 因為佢好是非, 初初我聽到d三八講果時都唔係好信架, 但自從我個fd佢同我講左一句"無聲狗咬死人", 仲有響佛堂果時我同佢一齊換過衫, 佢勁問我阿媽d野之後, 我就信啦............!! 返到屋企...... 先記得頭先無望天........ 咁我就勁響房度望...... 呃人o既..... 又話無雲..... 都睇唔到o既.............. 飲恨!!!! 嗚.....>< 寫日記果陣發現天氣果度多左幾項~~~ 幾好幾好~~~~~ 如果有埋憤怒o既公仔仲好~~~ 呵呵~~~~ ------------------------------------------------------------------------------------------ 2003 年 08 月 28 日星期四【晴】 [cHaPmAn] 今日成12點先收工, 好在有同事車我回來, 如果唔係就慘lu~~~肯定今個月會有好多ot 錢, 我一定會用o個o的買數碼相機一齊玩~ 一定會好開心姐~~~~~ ------------------------------------------------------------------------------------------ 2003 年 08 月 28 日星期四【晴】 [DingDing]今日好開心~~~ 因為我做哂section c 啦~~~~~~~~~~ 呵呵~~~~~ 整好左一set閃閃o既字母~~~~~ 不過可惜個dreamweaver死死地...... 我只係響main果度講低唔可以更新都用左我成3個幾字......... 激死!!! 要install過先得!!! 今日試左個芝士蛋糕, 好滑~~~~ 好重芝士味...... 不過因為尋晚將佢放左響下層, 所以今朝拿黎果陣都幾"哩hen"..... 都係放上面等佢硬d!!!! 聽日要補課, 0730要起身~~~ 所以要早d訓law.......... 希望陣間訓得著啦~~~~ 我好好好掛住你啊...............>< ------------------------------------------------------------------------------------------ 2003 年 08 月 29 日星期五【酷熱】 [DingDing]今日返左學校補課, 幾開心~~~~ 因為我明阿sir講d野~~~ 呵呵~~~~~ 超正呵~~~~ 之後補完課就俾阿sir留低左, 講聽日d野law, 後尾阿sir話我去係去坐同拿紀念品, 不過佢又叫我準備d野wor...... 驚有記者問我野~~ 不過會先算啦~~~ 嘻嘻~~~~ 今日幫新幹線車車影相~~~~ 影左幾張~~~~ 幾好~~~~~ 好想要馬騮村度其他款果d車車啊........>< 不過無錢......... 唉......... 之後........ 佢add左我, 幾驚訝架, 無諗過, 因為之前咩啊嘛........ 後來佢話想同我做fd, ok啊, 我上次都係想咁........ 不過..... 我都幾驚肥仔唔中意...... 因為上次我同佢講野, 肥仔都好似好唔開心咁, 唔係好想佢唔開心, 所以同佢講, 但佢好似唔知點咁....... 你講我知你想點啊...... 我好想知啊...... 你知嗎??? 你講一句, 我可以即刻唔再同佢講野架...... 我可以架..... 嗚........>< 聽日要去閉幕禮, 要早起身, 今日又唔可以夜訓lu, 因為我聽日要保持絕對o既清醒!!! ------------------------------------------------------------------------------------------ 2003 年 08 月 29 日星期五【晴】 [cHaPmAn] 條頸好累. 下星期要畀佢o地屈錢食飯.~ 無咩所謂, 不過我想申請信用卡. 點不知覺得好似畀人串我貧窮................有o的覺得o個個人只係想我買保險. 攪到我無時間食飯. 星期六了~ 太好了~ ------------------------------------------------------------------------------------------ 2003 年 08 月 30 日星期六【清涼】 [DingDing]今日去左YDCo既閉幕禮, 好正~~~~~ 呢個係一個好大型o既場面, 如果無今次o既機會, 我諗我未必會出席到呢種咁o既典禮, 響典禮入面, 我o既角色係一個攝影師, 幫手影低典禮o既相~~~~ 搞到好似好奇怪咁, 因為得我一個學生響度影....... 不過我唔mind~ 因為影相好好玩~~~~ 後來影合照果陣仲拜託一位記者哥哥幫我影添~~ 佢真係好人~~ 響典禮進行緊o既時候, 好多o既嘉賓致詞時都係用英文, 初初都驚聽唔明, 但係原來都明明地, 都幾ok~~ 係有一個完全唔明, 因為佢講得好快..... 跟唔切.... 有d可惜...... 之後個典禮完左, 有d記者走過黎做訪問, 第一次...... 勁驚!!!!! 不過佢問我有咩深刻o既野.... 呵...... 我就好似有d詞不達意law....... 蠢....... 不過唔緊要啦~~~~ 呵呵~~~ 唔mind唔mind!!!! 唔知幾時同會唔會登出黎呢?? 但係有好多份wor......... 點算......>< 總括黎講....... 今次呢個唔知咩商校計劃真係幾好, 我都學到d野, 可能唔係d咩好重要o既野...... 但亦有d改變到我對事o既態度......... 返到屋企又做左一條大懶蟲, 掛住訓覺........ 同睇書..... 之後就上網, 主動咁同佢講野, 我諗佢會好驚訝掛, 因為好似無咩交集咁....... 不過, 我想同佢做朋友係真o既, 就算係好普通好普通o既都好, 所以, 唔通佢唔同我講野, 我就唔搵d野講咩...... 最後, 雖然唔係傾左好耐, 但係原來我踏出o既呢一步, 係有用架, 後尾佢都搵左d唔同o既topic黎講~~~~ 係一個好開始黎~~~~ 提起佢......... 我就諗起maggie, 可能佢同我o既關係與我同maggie o既關係好似啦....... 唔知依家maggie點呢...?? 好耐無見過佢啦........ 搵日去B仔先得~~~~ 聽日星期日啦........ 好期待~~~~~ 不過..... 佢話今晚有fd響佢度過夜, 所以我諗聽日出街果陣都唔方早啦........... 唉.... 算數!!! ------------------------------------------------------------------------------------------ 2003 年 08 月 31 日星期日【晴】 [DingDing]今朝唔開心....... 算!! 哼哼!! 介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子介子夜d知道原來我地尋日單野登左響東方度, 哈哈~~~~ 好得意~~~ 不過可惜我買o既係太陽..... 都無講o既............ cher..... 返到屋企, 高手又同我講wor~~~ 咁我就請佢幫我剪低~~~ 點知佢又肯wor~~~ 呵呵~~~~ 好開心~~~~~ 要請佢食糖~~ 聽日返學lu............ 我仲未做完功課........ 唉....... 又唔記得拿學生相wor......... 有d緊張添!!!!! 聽日要cher哂同菲林林林林林林林林林林林林!!!!!!!! ------------------------------------------------------------------------------------------