2003 年 09 月 01 日 星期一 【炎熱】

[DingDing]今日開學, 我地o既課室居然響五樓.......... 行到上去, 無左半條命...... 

之後入左課室就勁影相, 不過都影唔哂筒菲林...... 唉...... 

好似有好多野講咁....... 不過又唔係好記得.........

------------------------------------------------------------------------------------------

2003 年 09 月 01 日 星期一 【酷熱】

[cHaPmAn]今日星期一, 又係要返工, 好想知道自己出幾多錢糧.............今日覺得隻手好痛~ 諗諗下原來自己係用keyboard 黎搵食~~~ 
哈哈~~~~~ 發覺自己在工作開始上手, 都是一件好事來的~~~~ 我發圍了~~~~~ 

------------------------------------------------------------------------------------------

2003 年 09 月 02 日 星期二 【颱風】

[DingDing]今日打風, 所以提早放學~~~~

小息果陣去搵阿sir, 佢話會訊大致無問題, 咁都好d........ 唔想再改黎改去, 仲有份野整左好耐...... 好辛苦架......... 唔想再受..... 之後又搵大熊, 問佢拿錢買野~~

小息....... 因為我地唔知要排隊, 所以中六中七夾埋先得七丁友.......... 奇觀!!! 啊~~ 我係果7個中o既其中一個..... 好無奈!!!

放學見到佢, 同佢講我幫佢留左個財政, 因為社監叫大頭搵下有無人自願想做幹事, 咁我咪同大頭講聲law, 又唔係好難, 一句之嘛........... 唔通明知有人想做都唔出聲咩..... 我就做唔出啦!! 都唔知點解大頭會話我熱心......?? 佢o既反應好平淡, 淨係講左句"係啊? 咁好?"..... 唔知呢........ 可能我嚇親佢掛........

不過我個人覺得有d奇怪........ 因為我把聲已經沉架啦....... 無諗過佢仲沉過我......... 真係睇唔出.....

放學之後去左嘉湖會所食飯, 好少人........ 不過果度d人都可以俾錯野我地law..... 仲唔只一次添!!! 而且佢地仲係一份份咁整, d野勁耐先黎!!!! 差d餓死!!! 食完飯去左周華屋企玩, 周輝打機好勁!!!!! 佢地今日好搞笑, 勁話周華同周輝~~~~~

我筒菲林終於都影完啦~~~~~~~~~ 不過都無得哂........... ><

------------------------------------------------------------------------------------------

2003 年 09 月 03 日 星期三 【微雨】

[DingDing]今日開始上堂lu...... 估唔到第一日就係兩堂英文+兩堂中文........ 超悶, 英文又唔係好明佢講咩..... d 字又唔太明...... 我諗真係要儲錢買電子字典啦.... 原來想買PDA, 不過又好似好貴咁, 所以最後都係唔好啦............><

PE堂果陣度高磅重........ 得154.5cm...... 仲47.5kg........ 又矮又肥咁law............. 唉...... 之後阿sir話我地第時出去打波會好麻煩, 因為我地響lunch之前就上pe堂, 去又唔係, 唔去又唔係咁, 不過阿sir話睇下miss點定d課程先wor~~~~ 都唔知d人點編架!! 明知我地高班要出去都編咁早!!!

lunch果陣好正~~ 因為佢主動響學校同我講野, 我好開心架~~~ 雖然我地依家o既話題只限於新幹線, 不過唔緊要啦~~~~

中文果時阿sir話要做一個口頭報告, 要講"小詩"o既書"承教小記", 不過學校無買........ 所以我地要自己搵書~~~ 不過我仲未有啊............. 睇個勢, 都係要買架啦........ 唉......

放學去左買曲奇, 估唔到用o既錢比預期少~~ 好開心~~~~ 期間仲買左本封面"鞋鞋"地o既新幹線簿同貼紙添~~~ 真係好靚架~~~~~ 我原先想買佢果本簿架........ 不過無....... 佢話睇下仲見唔見到, 如果見到就幫我買啊~~~~ 好開心~~~~ 因為果本仲靚啊~~~~~ 呵呵~~~~

我聽日又要上台宣傳啦........... 今年o既第一次, 呢次係我自願o既, 因為再可以上台o既實習機會已經唔多啦, 要爭取同珍惜啊!!!!

我仲諗緊我應該點稱呼佢好....... 響日記度佢佢佢咁又好似好怪咁....... 唔知點.....

我要好多好多o既新幹線野~~~~~~~~~ 呵呵~~~~~~

------------------------------------------------------------------------------------------

2003 年 09 月 04 日 星期四 【晴】

[cHaPmAn]今日當面畀人則我食多次死貓............... 我已經好用心去做呢份工, 好用心去同佢o地相處. 誰不知佢做錯野我唔指佢,佢o地反指番我. 我覺得都唔知為咩......... 開始又有離開的念頭了...... 是去?是留? 還是很難抉擇............今日在公司的其中一角靜靜流淚.......我很想走.......... 

------------------------------------------------------------------------------------------

2003 年 09 月 04 日 星期四 【晴】

[DingDing]尋晚好嬲!!! 因為我發現自己個list度有個人利用我!!!! 佢好賤!! 平時hi都唔hi下我, 一有親咩事先搵我, 之前考試就叫我寫d points俾佢, 頂!!! 中化係意會架!! 點講係知啊!! 我打緊points果陣又勁吹我快d!! 尋晚又係咁!!! 我都忍得佢耐啦!!! 之前因為見佢又係東華d學生先無所謂, 但一次又係咁, 兩次又係咁!!! 都唔知佢當自己係咩, 哼!!! 所以我決定invisible + delete佢!!!!!

至於今日o既心情就一般啦, 因為有開心, 又有唔開心.........

原本今日要上台宣傳, 不過朝早搵阿sir果陣, 佢話下星期一先講wor~~~~放學時響412度搞店左敬師日d咭~~~~ 呵呵~~~ 唔錯唔錯~~~~ 走果陣見到阿sir, 佢話宣傳果日順便叫埋d人去參選wor, 今年連中三都得......... 唉.......

之後響馬騮村買左好多新幹線o既野~~~ 好想即刻就同佢分享下, 因為好靚好靚~~~~~ 不過........ 我上唔到網........ 唉........

走去拿之前d相相, 無奈....... 佢寫4點有得拿, 我6點去到都無law........ 之後行多幾個圈, 還埋小說再去都仲係無, 所以坐左響果度等~~ 呵~~ 響果度做野果個男仔o既側面幾靚仔wor~~~~~

返到屋企..... 無啊, 打下份會務報告, 整下gif同睇下書咁law........ 上唔到網好慘......... ><"

差唔多11點時肥仔黎左我度俾野我, 我好開心架~~~ 因為我好掛住佢啊~~~~ 唔捨得佢走耶...............

------------------------------------------------------------------------------------------

2003 年 09 月 05 日 星期五 【晴】

[cHaPmAn]今日都係辛勤咁工作, 冇乜特別. 只知道覺得自己成日畀人暗地裡講野.算啦~ 無咩所謂. 夜晚去畀野丁丁, 都只係一陣既時間. 証明呢份工好長時間. 冇咩時間去陪你, 真係對唔住......

------------------------------------------------------------------------------------------

2003 年 09 月 05 日 星期五 【綿綿細雨】

[DingDing]今日a/c堂時, 阿sir講d野好似好簡單咁....... 但...... AL有無可能咁簡單啊...... 唔係好信, 講真..... 佢講錯都無人知.... 因為我地今年改課程........ 我覺得我地呢一屆就好似白老鼠咁..... 會考時又改..... AL又改......

今日用左d尋日買o既新幹線野~~~~ 好開心~~~~ 睇住佢就會好正咁架啦~~~~ 睇黎我開始瘋狂啦..... 我依家連依唷同史力奇都唔要啦.............. 我要儲佢d野~~~~~~~ 呵呵~~~~~

下星期可能要幫miss手同大頭出去講d野俾班中六o既人知, 係關於個社架...... 唔知講d咩呢??? 我下星期一要上台啦~~~~ 好緊張啊~~~~~~~~

放學果陣響教員室見到阿賴佢地, 有d奇怪, 不過我同佢地打左招呼, 講左幾句野就走左lu, 因為要上去搞學生會d野同做功課~~~~ 好開心啊~~~ 因為我明白點樣做條數啊~~ 雖然係睇左份答案研究左好耐先得............. 不過都因為咁而發現自己真係要轉用中文...... 我睇唔明d題目啊!!!!!! 走果時將本bs書寄存響學生會個locker度...... 唉........ 唔知幾時有locker用呢.....?? d書好鬼重啊.......... 嗚......... ><"

屋企依家有好多新幹線d野啊~~~~~~~~~~~ 好正啊~~~~~~~~~~~~ 我已經放左口風出去啦~~~ 我今年o既生日禮物要新幹線o既野~~~~~~~~~ 呵呵~~~~~

期待聽日o既飯局~~~

------------------------------------------------------------------------------------------

2003 年 09 月 05 日 星期五 【晴】

 [DingDing]特別給你的~~~
我明白你響公司度做得唔開心, 但千期唔好因為人事關係啊好而唔想做, 因為把口生響人地度, 你阻止唔到佢........ 唯一o既辦法就係忍佢, 到佢無mood果陣就自然唔講, 再者, 佢話你係因為你威脅到佢o既地位, 如果你威脅唔到, 佢跟本唔需要去搞你

另外, 你唔係唔中意份工, 可必因為d小人而放棄一份心宜o既工作呢?? 好多人想做一份自己想做o既工架...... 仲有啊!!!! 呢份o既人事係咁, 難保出面份份都係咁, 唔通你成日轉工啊?? 唔得架, 所以一定要忍啊!!!! 可能你依家會好辛苦, 但係到第時佢走左, 你就知道你無做錯架啦!!!!

------------------------------------------------------------------------------------------

2003 年 09 月 06 日 星期六 【晴】

[cHaPmAn]每天也是那麼夜回家~~~ 真的累透了........ 

------------------------------------------------------------------------------------------

2003 年 09 月 07 日 星期日 【乍雨乍晴】

[DingDing]尋日利用左4個鐘睇左6本漫畫同改左半個網頁, 幾好~~~ 呵呵~~~ 途中icq佢問我係唔係介意佢講肥仔同佢d野, 講真.......... 唔介意就假...... 始終果d事唔係一個夢, 係一d我唔能夠亦唔可以忘記o既事, 就算係過左咁耐, 個感覺仍然好似尋日發生咁......... 不過, 我希望自己真係可以做到我話佢知習慣左就會無事一樣啦...........

之後又響肥仔度訓, 中途有d好笑野~~~~ 笑笑下....... 諗返起果時d事, 加上又發生d野, 又響度喊....... 唔知點解........ 好憎咁樣o既自己......... 喊完之後訓唔著, 所以又整多少少網頁, 就咁又淨返1頁未整好....

而今日就出左街, 去左好多度........ 不過淨係買左仙劍三, 一d新幹線o既野都買唔到............ 好想要佢o既大毛巾同筆筆, 仲有包書膠啊...... 唉........... 又搵唔到.... 又無錢...... 無奈...........

成日俾人鬧................. 唉............

------------------------------------------------------------------------------------------

2003 年 09 月 07 日 星期日 【暴雨】

[cHaPmAn]今日是星期天, 把握住這個機會出街~ 今日同丁丁去了~~~ urban area~ 下次會再同你一齊去MK 搵過~~~ 一定會搵到想要既野~  

上左你度食飯, 睇007.

然後回家, 上演趺電話一事............................驚險 

------------------------------------------------------------------------------------------

2003 年 09 月 08 日 星期一 【晴】

[DingDing]今日上台宣傳~~~ 差d唔記得要講咩~~~ 好彩無事姐~~~ 之後早會完出左去睇下今年班忠社點樣, 點知因為咁.... 搞到我越黎越唔中意周安麗!! 真係未見過d咁o既人, 自己主動同miss講想做社長, 呢個都無乜野, 但跟住知道有人又想做果陣就響度問miss"乜唔係已經傾好左啦咩???" 咩意思啊!! 你想做就係你架啦?? 之後上樓梯又問我su有無宣傳呢個位, 我話有, 之後佢就問我宣傳使唔使上台講野, 咁我又答"基本上個個都要上", 佢竟然話"乜唔係主席果d上架咩?" 頂啊!!! 拿左個位咩都唔使你做好唔好? 已經唔like佢, 跟住佢又問我一個勁白痴o既問題, 宣傳使唔使開會!! 無野啊!! 你唔開會鬼知要講d咩啊, 你係su d人會唔會唔使開會啊!! 真係超唔中意呢個人!!!! 哼!!! 如果佢選學生會, 我真係望佢選到!! 做到佢p哂k都好啊!!! 哼!!!

唉...... 真係好嬲!!!! 都未試過咁憎一個陌生人!!

食飯果時...... 無飯食..... 聽佢地講果間野車少左我地果箱飯wor..... 等左好耐先有飯食, 之後我食得勁慢law....... 呢排都係咁, 因為我想食慢d~ 咁就知飽, 而且又唔會食多搞到肥左啦~~~ 呵呵~~~ 跟住佢俾左佢果本簿我, 仲同我講唔使俾錢佢, 唔得!!!! 唔可以咁o既!!! 之後我就將d錢俾左阿玉, 等佢轉交到佢手上啊嘛~~~ 好開心~~~ 我用果本簿黎記事啊~~~~ 因為佢有個file仔, 俾我可以用黎放相架~~~~ yeah~~~~~

有locker啦~~~ 又係中間, 好正~~~ 不過今年都未必放好多野入去啦...... 要溫啊嘛......

電腦堂阿sir話可以訂hi-tect(唔知係唔係咁串....), 都幾想訂~~ 因為我又可以睇, 肥仔又可以睇啊嘛~~~ 唔知肥仔點諗呢??? 答我啦~~~~

唉......... 阿媽又響度鬧天鬧地........ 原本想寫陣間又鬧埋我, 不過..... 我未打完果句佢就已經鬧左我lu.........

唔記得講........ lunch時發現今年o既中六, 佢地o既外貌好成熟, 但係行為同言行比我地班d男仔更加低能, 失望...........

------------------------------------------------------------------------------------------

2003 年 09 月 09 日 星期二 【陰晴不定】

[cHaPmAn] 我唔可以再畀人魚肉~ 我要反抗! 唔好當我好蝦! 我會整度你冇覺好訓! 

------------------------------------------------------------------------------------------

2003 年 09 月 09 日 星期二 【晴】

[DingDing]今朝一起身, 小腿同大脾好痛....... 係肌肉疲勞果隻痛.... 唔知點解........ 搞到我今日行路痛到死.......... 嗚..........><

bs堂果陣, 俾阿sir"吹"到陣亡左..... 不過好搞笑~~ 我訓左都聽到阿sir講d野~~~ 佢唔係講書入面o既野, 係講d公司點點點~~~

之後英文堂...... 唔開心..... 因為我做完份野之後.... 淨係岩得10題.... 總共32題..... 無奈...... 份野好多字都唔識解........ 唉...... 要買啦..... 要儲錢..... 上上下堂發現安安個櫃"筒"有人寫我同大頭, 話我大patpat..... 係咩......?? 嗚.......>< 不過我都知係"鬥雞妹"寫架啦, 佢上年坐果個位, 我好記得!!! 哼哼!!!

a/c仲係講緊收購, 不過今日唔係好明, 所以拿左返屋企再做多次, 橫豎聽日無a/c堂~~~ 呵呵~~~~

放學果陣整埋d曲奇, 好多人幫手~~ 好感動~~~ 不過....... 唔做野o既就搵人幫手, 自己又繼續唔做野law...... 哼!! 後尾行左好多次樓梯, 拿呢樣拿果樣咁....... 

走果陣要去新北崗, 因為eman要copy本書, 途中去左千年史睇野, 因為我聽阿玉同佢自己尋晚講, 佢唔肯收錢, 咁我就諗住買d新幹線o既野俾佢補返數law, 我買左兩個印仔同一枝擦膠筆啊~~ 好靚靚架~~~~~ 呵呵~~~~~

之後salome入左冒險樂園, 我初初以為佢去玩, 點知佢係換新幹線俾我~~~~~ 好感謝佢架~~~~~~~~ 係沙畫黎架~~~~ 我仲見到有水彩換啊~~~~ 不過點解我見唔到有得賣o既???

返到元朗, 第一時間去拿返d相, 拖左好耐架啦~~ 成日都唔記得..... 又係果個男仔~~ 佢d表情好豐富, d眼神好鬼搞笑~~~ 哈哈~~~~ 不過佢正面唔靚仔, 但應該都係patpat果類型o既白痴仔黎..... 哈哈~~~~~ 好彩阿pat睇唔到~~

講起阿pat, 今日響佢銀包發現左d野~~~ 今日大頭拿左佢銀包黎睇, 之後我同大頭睇睇下叫左好黎, 我叫係因為睇到幾張紅衫魚~~ 跟住大頭拿左佢銀包返自己位度, 咁我就話patpat好多錢啦, 之後大頭就俾我睇一樣令我更加震驚o既野!!!!!! "dumdum"!!!!!! 啊!!!!! 我問佢係咩味, 點解帶響身, 佢就呢個好罕有wor, 係朱古力味!! 仲話係佢個fd響外國帶俾佢wor~~~~ 又話放響屋企俾佢阿媽見到仲衰wor~~~~ 呵呵~~~

唔知呢~~~ 跟住我同大頭講其實有好過無...... 講真, 響我心入面, 我係覺得咁樣係錫女友o既行為黎架....... 哈哈~~~~~ 響日記講埋呢d野添~~~~~ 傻o既~~~

返到屋企, 佢話佢拿左d錢啦wor, 所以唔要d野~~ 唔緊要~~ 因為我係印仔先買左兩份, 可以一份拿黎玩, 一份拿黎儲~~~ 而擦膠筆得一份, 所以拿黎儲~~~~ 呵呵~~~~

聽日忠社新幹事開會~~

------------------------------------------------------------------------------------------

2003 年 09 月 10 日 星期三 【晴】

[DingDing]今日英文listening, 唔係好店...... 要加油啦!!!!!

之後pe堂, 做體能........ 圍住籃球場跑10個圈+立定跳高+立定跳遠+50米短跑(係咩?)......... 跑完10個圈就好想死........ 暈陀陀...... 我跑左3, 4個圈就已經無氣咁濟...... 夾硬跑完10個......... 嗚.......>< 好唔開心...... 隻腳好痛!!!!!! 原本已經痛, 跑完之後就好似抽哂筋咁....... 勁痛苦!!!

之後食飯唔係食左好多...... 唔係好想食, 不過我堅持食哂d"送"!! 唔知點解, 由細到大我都係咁, 就算好飽, 如果有"送"響我碟野度我都會食埋佢, 不過~~~~ 勁飽就唔會啦~~~ 呵呵~~~~ 食飽飽就落左去睇佢地當值, 今年好似連d教低年級商業o既老師都會幫手, 今日o既miss係我地今年忠社o既新社監, 佢真係咩都唔知!!! 我地有我地傾, 佢就淨係坐響度..... 真係睇唔過眼!!! 咁我就同佢講佢下次可以帶d野黎做下, 咁就唔使咁悶........

中文堂睇左套"秋菊打官司"...... 悶到訓..... 套戲講一個叫秋菊o既農村大肚女人, 因為佢老公俾村長打左兩野同踢佢下面, 睇完醫生之後, 醫生都話無咩問題, 唔會影響生育, 但佢就話村長踢人唔岩, 又唔諗下係佢老公話人無仔生先俾人打...... 之後鄉, 縣, 省o既裁定都係話村長賠錢就ok, 但佢係都唔服, 硬係要拿個公道, 最後仲去到唔知咩..... 唔記得左邊度, 總知好大件事啦!! 後尾響秋菊等裁決期間難產, 仲流好多血, 係個村長去搵人返村幫手抬佢去醫院, 仲要你通頂添!!! 人地對佢好好!! 不過........ 當佢個仔滿月果陣.... 大家想冰釋前嫌之際, 村長因為之前傷到秋菊老公o既肋骨而要坐監............. 睇完勁想鬧果個秋菊做咩野咁無聊同執著, 硬係要告人!!! 最後令到自己後悔!!! 我覺得過份執著好惹人討厭!!!!!

放學去左睇一睇今年班社幹事點, 無啦啦俾miss叫左出去講野....... 無奈..... 唔知講咩好, 淨係好強調合作, 幫下社長, 唔好介意人地點睇同做多d無壞d咁o既野, 無啦......... 算啦.... 我得1分鐘準備jar...... 我無諗過連我d small potato都要講野....... 佢地之前訂o既職位有變, 我唔中意果個竟然走左去做文書, 我諗佢都係搞su架啦........ 哼哼..... 如果佢係會長..... 我唔會好幫佢law..... 我想挫下佢o既銳氣!!! 我好記仇架!!

之後佢地搞完d職位, 大頭同肥佬走先, 咁我就留低講返d野俾佢聽, 因為佢係今年o既忠社財政, 見係佢..... 我就醒多少少野俾佢~~ 而且我想交帶d...... 可能都因為係佢o既關係, 唔想衰俾佢睇咁~~~~ 不過我都仲係驚自己有野漏, 所以叫佢有野唔明問我.....

之後返左403睇書, 後尾響度傾計........ 傾左好多野~~~ 我好中意幾個人咁樣傾計~~~ 好開心架~~~

返到屋企....... 同阿媽講我聽日去bbq..... 佢又鬧我, 今次唔係話我用錢...... 係話我成日都話去燒野食, 遲早生cancer, 等等.......... 我都無成日話bbq......... 講到尾.... 佢都係驚我用佢d錢姐........ 我又唔想成日留響屋企啦......... 我唔想日日都俾人鬧..........

------------------------------------------------------------------------------------------

2003 年 09 月 12 日 星期五 【晴】

[cHaPmAn]中秋節成十一點先走得.......真係唔開心, 有同事無啦啦走左去............攪到無咩士氣.
愈黎愈對份工心淡..........我唔想再做錯野..............我宜家真係好想經理炒我......
嗚嗚.........宜家係上班既時候, 係每一分鐘都想走................嗚嗚..................


之後去左中秋節既節目, bbq. 好開心ga~~~ 同丁丁一齊去, 呵呵~~~~~
不過太晚了~~~~ 我又唔夠訓, 就返左屋企訓覺........~~~~~
下次會再同佢o地一齊出黎玩一玩~~~~ 

------------------------------------------------------------------------------------------

2003 年 09 月 12 日 星期五 【晴】

[DingDing]尋晚7點幾去左肥仔度等佢, 等佢果陣update左個新網上去~~~ 呵呵~~~ 我覺得好靚~~~ 之後佢叫我出佢公司度, 響荃灣落車, 再搭的士去, 個的士師機可能因為無錢找, 所以收少$0.8, 搞笑~~~~ 之後搭亡命小巴過咖啡灣join佢地~~~ 好貴..... 荃灣去屯門要25蚊.... 變態!!

去到佢地bbq, 我無食野, 因為太夜同我已經餓過龍, 食唔落........ 又眼訓..... 不過佢地好搞笑~~~ 又好好人wor~~~~~ 好開心~~~~ 呵呵~~~~ 仲有啊~~ 響個沙灘度望到火星~~ 好靚~~~ 好似一粒紅色o既星星咁~~~ 好白痴咁向佢許願~~~ 不過...... 如果實現到就好lu~~~

玩左幾個鐘就返肥仔屋企訓覺........ 行左好耐先有的士搭....... d綠的好多都落哂旗, 真係慘!!! 好彩終於都有一架姐~~~

返到去響等沖涼果陣訓著左, 肥仔叫我唔好沖, 即刻去訓, 唔得!!! 燒完野食唔可以唔沖架!!! 又出哂汗, 臭到死!!!

沖完涼休息左陣就訓覺, 果時都已經4點幾lu............ 差唔多一覺訓天光!!! 訓醒開電腦install仙劍三~~~ d公仔比我預期o既靚~~ 又大大隻咁wor~ d表情又豐富~~~ 唯一可惜o既就係唔可以教錢同d武功......

之後返元朗同阿媽飲下午荼, 響果度見到以前佛堂d人, 唔like佢地........ 不過算~ 我當睇佢地唔到~~

行左陣先返屋企~~~ 買左新幹線貼紙~~~~ 好大張~~~~~ 正~~~~~ 喔呵呵~~~~~~~

聽日要返學校接受訪問~~~ 唔知會發生d咩呢???

------------------------------------------------------------------------------------------

2003 年 09 月 13 日 星期六 【晴】

[DingDing]尋晚有一件令我好嬲o既事, 我竟然唔記得響日記度講, 要快d記低佢先!!

尋晚沖沖下涼莊妹打俾我, 我地都好耐無聯絡lu...... 佢打黎搵我, 我都有d驚訝!!! 同佢傾左一陣, 勁響度問我d野, 我都覺得無咩所謂, fd啊嘛.... 咪答哂佢law..... 點知後來佢問我仲係唔係同eman一班, 仲有問我eman係唔係拍拖果陣, 我即刻打個突!! 之後我就話唔知, 佢響度話你地咁fd邊會唔知...... 跟住我有d知道佢目的..... 都唔知係唔係虹姑班八婆叫佢黎問我!!!

懷疑左之後, 我借d耳話amy同虹姑好衰..... 佢聽到之後響度勁耍太極, 勁響度話唔係啊, 佢地好好人啊咁...... 呵呵........ 真係...... 後尾唔想再同佢講野, 就響度話我就食飯, 要收線.......

唉........ 心淡..... 佢地一d都無變過, 仲諗住莊妹佢真係當我係fd, 竟然咁樣利用我......... 講真, eman係唔係拍拖, 關佢地咩事wor...... 成日都係拿我同eman d 野黎講....... 白記果陣都試過俾佢地生安白做, 話我同馬騮兩個人拖住手咁去睇戲, 頂...... 一大班都可以講到成兩個人咁, 仲要響我第一個小息聽到, 第二個小息就有隔離班d人黎問我係唔係........ 可能d人會話唔記得有過呢d事, 但係我永遠都記得佢地點對我!!!!! 響郭中我同肥仔拍拖, 佢地知道之後就幫我宣揚開去........ 過幾日(今次效率慢d, 可能係唔同校o既關係)丹姐又走黎問我......... 唔單止..... 虹姑又響肥仔面前勁講我d野, 懶熟咁..... 真係嘔!!

今個月第二次有一種俾人利用o既感覺...... 不過有d唔同, 今次加多種背叛...... 對佢地心都淡哂...... 仲話約我出黎食飯, 係o既話都耍太極耍走佢!!! 我係一個記仇o既人!!

------------------------------------------------------------------------------------------

2003 年 09 月 13 日 星期六 【晴】

[DingDing]今日返左學校做訪問, 無對上果次咁緊張, 仲好輕鬆添~~ 可能因為果個記者俾我o既感覺好好掛~~~ 表現幾好~~~ 佢話會星期二出, 就係唔知係黎緊呢個星期二定再下一個....... 無問到...... ><.... 要記得買~~~~

返到屋企諗住做功課...... 點知又係對左好耐都唔識果隻.......... 唉.......... 睇黎聽日都係去唔到街架啦..... 拿埋d功課去佢度做算........ 真係對唔住.......><

我想買一個大紙箱, 放新幹線~~~ 呵呵~~~

------------------------------------------------------------------------------------------

2003 年 09 月 14 日 星期日 【暴雨】

[cHaPmAn]今日o係屋企同丁丁打機~ 我發覺原來自己打機冇咩sense. 因為成日都攪到game over 咁....嗚嗚........丁丁要教下我玩啊~~~

夜晚去左吃飯飯~~~ 好飽~~~~
食芝士cake 的感覺唔係太好~~~~~
唔知係唔係因為7仔o個o的唔係咁好~~~~~

星期一, 又返工了~~~ 

------------------------------------------------------------------------------------------

2003 年 09 月 14 日 星期日 【寒冷】

[cHaPmAn]我發覺自己原來一無是處...............好多方面原來都好唔得..........................

唉......... 

------------------------------------------------------------------------------------------

2003 年 09 月 15 日 星期一 【晴】

[DingDing]今日心情唔好!!

朝早搭輕鐵果陣, 我已經捉條柱捉得好實架啦, 不過都係平衡唔到, 唔小心撞左去eman度, 而eman又撞左落一個女人度, 跟住俾條女人鬧!!! 佢話我響架車度玩, 又話佢整到隻腳, 已經就住就住, 好似講到我特登咁!!! 頂!!! 嬲死!! 勁想爆粗鬧佢!!! 不過因為我著住校服, 費事, 仲同佢講對唔住, 點知條八婆仲叫我好自為知!!! 啊!!!!!!!! p佢個臭k啊!!! 如果我著便服, 你睇下我鬧唔鬧你啊啦!!?? 哼!!!!

電腦堂果陣, 阿sir講講下書問我地幾時教foxpro, 跟住響度講肥仔, 原來想扮無野, 點知佢大大聲咁問我係唔係, 仲話我同佢好熟.......>< 即刻破功...... 嗚嗚......><

lunch果陣俾d中一o既小朋友簽敬師咭俾佢地o既小學, miss好多野都未準備到, 無奈........ 都唔知佢咁急搞做乜, 咩都未搞店又呢樣又果樣!! 搏上位都唔使搵我地黎教飛啊嘛???

唉...... d miss...... 仲知煩啦!!! 哼!!!

------------------------------------------------------------------------------------------

2003 年 09 月 16 日 星期二 【乍雨乍晴】

[DingDing]今朝唔記得買報紙......... 返到學校見到salome份野先記得, 跟住拜託周華幫我lunch時買, 不過果時我都睇左lu~~ 但係留底好d o既~~~~ 呵呵~~~~ 好大篇啊~~~~ 我地都無諗過, 因為上次東方得"丁丁"咁大篇........ 所以今次好開心啊~~~~~ 呵呵~~~ 突然覺得周華好好人, 又俾我出氣, 又幫我買野...... 所以我覺得佢應該係一個好人黎~~

bs果陣阿sir仲copy左俾我地~~ 勁正~~~ 小息果陣salome借左枝好正o既筆俾我地玩, 枝筆寫落d野度乾左之後會膠質左架~~~~ 好似人地畫衫果d咁~~~ 好正~~~ 不過佢枝野話咁快就俾人cher哂咁濟lu........ 有d過份.......

之後lunch......... 頂........ 條miss竟然唔記得左, 仲過份到出去食飯law!!! 搞到我地等左佢成個lunch!!! 嬲爆!!!! 搞到我黑口黑面, 仲叫大頭唔好惹我添!!!! 真係無諗過臨尾都要俾人"先"一"先"........ 頂!!

放學留左響課室度溫書, 好搞笑...... 行黎行去, 坐唔定咁...... 一時去搵書, 一時去copy, 一時去買水, 一時去toilet...... 不過我去緊toilet果陣隱約聽到咩學生會咁, 之後就問阿強係唔係, 佢話宣佈學生會借遮wor........ 咁我就落左去組合屋度睇咩情形, 哈哈~~ 好多人借........... 我都借左把, 因為我驚走果陣會落大雨, 我把遮仔一定反硬!!!

返到屋企, 不停咁做會務報告............ 好難..... 就算有上年果份做參考都唔搞, 因為佢好多都係一行起, 兩行止......... 我覺得我應該要寫多d, 到時俾人刪好過要作多d.......... 唉.......><

------------------------------------------------------------------------------------------

2003 年 09 月 17 日 星期三 【酷熱】

[DingDing]今日幾好~~~ 又多左d體驗~~~

今朝響月台見到上次鬧我地果個女人, 為免又俾人話, 所以我地去左後面上車........ 唉....

返到學校, 拿拿臨搵阿sir寫早會宣佈紙...... 我寫完果陣岩岩打鐘, 嚇到我死啊!!!! 幾驚俾唔到陳sir啊...... 好彩見到miss 葉, 請佢幫我俾陳sir, 我就啦啦聲去排隊, 點知我去到自己班果陣..... 得幾個人響度, 原來佢地仲響樓上開緊locker........ 勁大牌law!!

閱讀課果陣睇eman份報紙..... 我發現自己好中意六七十年代d野, 唔知點解~~~~ 所以我好中意尋晚1900果套港台o既唔知咩, 同埋依家o既智趣相投~~~ 好正~~~ 仲有童話童真都好好睇架~~~~ 呵呵~~~~

英文堂..... 唔明...... 唉.... 不過我覺得我地班野都無咩點理佢........ 好搞笑~~ 班死野話我地自己班有好多科都係誤人子弟班~~~ 好似lily班啦~ 傅sir班啦~ pk lam班啦~ 同miss lo班都係其中o既表表者~~~ 一上親呢d班, 我地都會講我地又去上誤人子弟班lu~~~~~~ 哈哈~~~~

pe堂換衫果陣阿珊m到, 不過我地d書包響哂5樓o既locker, 所以我見自己換好哂衫, 咪幫佢去office度問下有無law......... 點知無.... 雞到死!! 後來上左教員室問miss, 問左miss葉同miss梁都無, 咁miss梁就叫我問我地o既新社監~~~ 佢有啊~~~ 好感謝佢~~ 不過好好笑~~ 佢用個信封包住俾我, 仲叫我下次小心d~~ 跟住我就同佢講我幫人問, 佢好似好驚訝咁~~~ 之後落去俾完阿珊就去上堂lu............ 點知........ 超慘law...... 又做體能.... 上次跑10個籃球場, 今次跑18.6個籃球場.......... 跟住又要做sit-up, 又要掌上壓, 阿sir話miss想教d新方法俾我地wor........... 之後有人問阿sir, 用咩新方法跑步, 跟住阿sir話miss話可以跑幾次wor........ 低b........ 跟住d男仔響度話以為miss要佢地倒後跑~~ 哈哈~~~ d新方法辛苦到死...... 無奈...........

我地換衫果陣俾d低年級o既妹妹仔指指點點, 無計..... 我地都入唔到個"load"到換, 唯有焗住響出面換...... d o靚妹前世未見過......

得半條命咁上去5樓食飯, 我食哂d野~~~ 不過佢地話做完運動o既一個鐘之內食野會好吸收..... 但係..... 算啦, 肥就肥啦!! 我唔mind!!!.......... 拿拿臨食完就落左去禮堂, 仲以為自己遲到, 點知我竟然係最早到........ 唉..... 不過班中一o既細路都幾好~~ 係口多左d姐~~ 唔錯~~~

中文堂做閱讀理解, 好多錯...... 退步左.... 要追返啦!!!! 之後上上下堂訓左..... 一陣咁多啦~~~ 好彩譚老師無發現~~~ 我發現我都幾中上中文堂, 呵呵~~~~

放左學有d野要搵幾個阿sir........ 響教員室度轉黎轉去~~~~ 搞笑~~~ 跟住就上左去圖書館做功課lu~~~

走果陣返左元朗食野~~ 之後就行街街, 見到好多新幹線o既野~~~~ 好靚~~ 不過好多都唔係好實用~ 所以無買~~ 跟住我同eman講, 如果佢地買野俾我果陣可以買d唔實用o既~~ 我會好開心~~~~~~ 跟住響三聯見到有新幹線o既沙畫賣, 不過無我果幅咁靚...... 行程中我買左一張貼紙同大口仔星星紙, 俾salome架~~~ 呵呵~~

新幹線有好多野....... 不過好多都唔岩我用, 而且有d仲好貴添..........><

------------------------------------------------------------------------------------------

2003 年 09 月 18 日 星期四 【晴】

[cHaPmAn]今日真係好, 都冇乜點做錯野. 可能因為咁, 我覺得宜家開心 o的 ~ 因為冇乜點畀人話.
好想有一天係準時走........不過我覺得乜咩可能................... 今日都可以.........不過畀客放飛機........話7點黎.............等等等等等.........到11點9先到........真pk.......................唉..................丁丁, 請放心~ 我宜家識點樣做野, 可以同人輪住做野~ 過多一排就可以同丁丁行街街ga la~~ 
嗚嗚嗚嗚.............唔夠訓...... 

------------------------------------------------------------------------------------------

2003 年 09 月 19 日 星期五 【晴】

[DingDing]今日..... a/c堂時, 阿sir都唔知想點..... 佢都無備課o既........ 又教錯wor, 俾我地講多兩句佢又唔知點咁...... 我地今年仲轉新課程添架......... 唉..... 我地依家唔依賴佢教我地啦, 我地靠salome佢補完習返黎教我地啦........ 嗚...........><

之後上bs堂果陣幾好~~~ 都明阿sir講咩, 不過佢教左半堂jar, 之後就講我地上年d野, 同講下幾時交接magic toys 俾下屆d人, 唔知下屆邊個係CEO呢?? 好想知.........~~

食完飯落左去搵阿sir寫宣佈紙, 佢話有新o既妹妹仔幫我地, 之後就叫我去禮堂train下佢地, 我落到去, 都ok o既, 阿pat佢地搞得幾好, 班新o既妹妹仔幾活潑, 有個仲幾靚女添~~~ 唔錯唔錯~~~~ 呵呵~~~ 帶完班妹妹仔睇d野放響邊之後, 就同阿sir傾計..... 傾左好多野, 佢問我有無諗住讀大學, 我就同佢講唔讀, 想出黎做野, 因為唔想再用阿媽d錢..... 之後傾其他野, 佢叫我讀書時要忘記學生會d野, 之後講講下差d想喊..... 之後差唔多打鐘, 佢就叫我拿張宣佈紙去office, 都唔知係唔係佢睇到我想喊!!

之後上返去課室, 打電話俾肥仔, 講講下喊左出黎, 喊........ 係因為之前忍住無喊同埋我真係好掛住肥仔........... 無幾耐就上中文堂, 小組討論加個人短講, 小組討論果陣好搞笑~~~~ 呵呵~~~~ 真係好中意同佢地傾計~~~

電腦堂仍然係講果d悶悶o既野...... 仲訓左一陣.... 唉....... 好彩遲d阿sir會send返個poweroint俾我地姐........ 

放學印埋份會訊就落左去當值還遮......... 唉..... 學校竟然無少女字體, 要我改字體...... >< 當值完之後就過左去新北崗度影印會訊, 好彩佢肯送去學校jar~~ 如果唔係我地就慘啦......

返到屋企拿拿臨洗白洗頭, 因為我要同阿媽出街食飯, 食飯果陣又見到果個俾我怒beer都依然鬆容自在o既男人, 今次佢比上次核突....... 勁響度呢度捽果度捽............ ><

食完飯行左一陣, 想搵一本好似叫草莓o既雜誌, 搵極都無咁, 唔知係無定我睇唔到............ 真係.... 想振興下經濟都唔得.....

返到屋企, online左一陣, 佢無啦啦問我做咩唔開心, 我問佢點知, 佢話睇到我info wor..... 我個info好似今朝先改..... 唔通佢日日update??? 傾左陣, 我要落街, 所以關左機~~

------------------------------------------------------------------------------------------

2003 年 09 月 19 日 星期五 【晴】

[DingDing].........改左三次......

我今日對手勁痛......... 好慘........><

朝早上英文堂, 今日係作文, 我諗左d點做啦~~~ 我希望我交到啦~~~ 唔好好似上年咁全年交得果一次.......

lunch果陣去左搵阿sir, 因為佢尋日話有個活動, 原來個活動係咩"美食音樂會", 食盤菜...... 其實唔係好like, 不過呢d機會得一次!!! 而且我又就畢業啦! 仲有啊!!! 今次係每間學校得一個老師同一個學生去jar!!! 咁難得o既經驗, 唔去咪蝕!!!! 最多到時咪食少d law~~~~~~~~~ 不過, 我都有問阿sir會唔會有牛肉, 佢話幫我問下wor~~~ 呵呵~~~ 好想去啊~~~ 希望有得去啦~~~~

之後班妹妹仔同我講無人當值, 所以唯有落去替佢地....... 好慘架..... 咩都無帶落去, 就咁坐左響度..... 又得我一個大o既, 我無理由撩班妹妹仔講野架, 所以就響度坐, 好彩後尾振宇仔吹鼻笛我聽先唔悶jar~~~ 我問佢點解會有鼻笛, 佢好似好奇怪我點解會知鼻笛o既存在咁~~~~ 呵呵~~~ 多謝佢~~~ 記得就請佢食糖先~~~

之後中化堂, 今日玩遊戲, 首先寫低自己o既優缺點各八個, 之後就傾下咁~ 原來係三個人一組架~~ 不過我地就兩組合左體, 阿sir無話我地~~~ 而且佢好似好中意聽到我地響度講笑添~~~~ 好開心~~~ 真係好中意呢d小組討論~~~
我寫o既優缺點~~~
優點: 隨和, 喜歡笑, 有耐性, 愛好小孩子, 不計較, 可替人保守秘密, 喜歡聆聽別人的心事, 盡力
缺點: 固執, 心軟, 易喊, 無主見, 保守, 太愛新幹線, 單純, 服從權威

bs堂終於知道自己好彩無得讀統計........... 好難.......... 好彩.........>< 仲知道今年magic toys d人o既陣容添, 搞笑..... 洪sir好似想搞大佢, 又話搞生產, 又話想合併....... 都唔知搞到咁大做咩.....

放學無留響學校溫書, 同salome佢地搭車返元朗, 佢地去補習, 我就自己走左去千色買野, 買"草莓"雜誌, 樽同可以寫名o既貼紙, 原來"草莓"雜誌響書報攤係無架..... 響alice wonderland先有...... 仲俾佢地笑我單純..... 咩wor..... 雜誌係響書報攤賣架啦......>< 不過最終都買唔到, 賣哂...... 要等下個月......

返到屋企, 成個人舒服哂............ 今日咩都唔想做..... 功課..... 聽日先啦......><

icq果陣同周華講我隻右手好痛, 但左手無咁痛, 佢話我可能整傷條筋wor........... 我幾驚啊, 勁響度問佢大唔大穫, 會唔會有咩野咁, 不過好彩佢話過一排就應該會無事, 仲叫我唔好捽藥酒添..... 好彩我之前無搞佢姐.....~~

夜晚阿龍兄打黎問我食唔食棉花糖, 仲要係好似兔仔果d~~~~ 佢話放工帶俾我食wor~~~ 呵呵~~~ 要啊要啊~~~~~~~ 哈哈~~~ 好好味啊~~~~

------------------------------------------------------------------------------------------

2003 年 09 月 20 日 星期六 【晴】

[cHaPmAn]就黎星期六~ 今日我可以早走~ 因為o個o的人唔想畀我騙ot , 我一定要同丁丁去街街!我一定要同丁丁去街街!我一定要同丁丁去街街!我一定要同丁丁去街街!我一定要同丁丁去街街!我一定要同丁丁去街街!我一定要同丁丁去街街!我一定要同丁丁去街街!我一定要同丁丁去街街!我一定要同丁丁去街街!我一定要同丁丁去街街!我一定要同丁丁去街街!我一定要同丁丁去街街!我一定要同丁丁去街街!我一定要同丁丁去街街!我一定要同丁丁去街街!我一定要同丁丁去街街!我一定要同丁丁去街街!我一定要同丁丁去街街!我一定要同丁丁去街街!我一定要同丁丁去街街!我一定要同丁丁去街街!我一定要同丁丁去街街!我一定要同丁丁去街街!我一定要同丁丁去街街!我一定要同丁丁去街街!我一定要同丁丁去街街!我一定要同丁丁去街街!我一定要同丁丁去街街!我一定要同丁丁去街街!我一定要同丁丁去街街!我一定要同丁丁去街街!我一定要同丁丁去街街!我一定要同丁丁去街街!我一定要同丁丁去街街!我一定要同丁丁去街街!我一定要同丁丁去街街! 

------------------------------------------------------------------------------------------

2003 年 09 月 20 日 星期六 【晴】

[DingDing]今日對手無啦啦又好痛........ 仲痛過尋日, 差d拿唔到筷子....... 我朝早食杯麵果陣都係用左手食jar....... 食得好慢..... 嗚......><

跟住就開始做a/c, 三題數...... 星期一交, 好彩無佢堂, 可以放學先交.... 仲有d時間問下人~~~

之後就整下, 改下個網頁~~~ 唔係加左好多野, 呢d野我已經放左響部腦度好耐, 係無時間update姐~~~ 我仲有好多呢d野~~~ 呵呵~~~ 我依家除左搵bg圖之外, 都會自己整下架~~ 到時又加去自加製度~~ 呵呵~~~ 我又想改下個meun啦, 好似好奇怪咁, 不過呢d野, 等我得閒先啦~~~

之前我應承佢地可能會整襟針~~ 希望我整到啦~~~~

我好掛住你...... 唔知今晚見唔見到你呢............?

------------------------------------------------------------------------------------------

2003 年 09 月 22 日 星期一 【晴】

[cHaPmAn]一起身, 好眼訓.......... 

------------------------------------------------------------------------------------------

2003 年 09 月 22 日 星期一 【晴】

[DingDing]今日都唔知做咩, eman冷淡到死, 仲要有時有意無意咁"麗"一"麗"我, 搞到我都唔係好想同佢講野!!

朝早salome俾左新幹線o既香口膠我, 呵呵~~ 唔知點解佢地成日都話見到新幹線d野,但我就見唔到........... 之後兩堂ca, 不過我原來坐開o既果個位開唔到電腦, 所以去左第二度坐, 不過..... 好累, 差d訓著.... 唉.... 跟住小息坐後一行, 仲同salome打左場桌球, 跟住果堂都係坐響後面, 坐後面精神好多啊~~~ 可能佢地成日講笑掛~~~ 我諗我都係要一d聲先可以上到堂架啦...... 唉.....

英文oral, 等於成堂空堂, 應該下堂到我地果組啦.........

放學撞到安安, 同佢一齊返元朗, 傾埋d無聊野, 我都係第一次~~ 哈哈~~~~

返到屋企, 響度做功課, 整gif~~ 我依家想整d天氣gif啊~~~ 好似好得意咁~~~ 之後落左惠廣買野兼拿錢, 買左三角朱古力食...... 人地話食朱古力會開心d架~~~~

最後落街食夜晚....... 不過, 我餓過龍, 食唔到lu, 淨係飲左杯野就算..... 返到屋企發現我個電話仲響肥仔度, 咁我就即刻打電話俾佢啦, 打左好多次都無人聽, 勁嬲!!!! 我唔中意咁!!! 之後仲要俾人cup我線, 頂!!

------------------------------------------------------------------------------------------

2003 年 09 月 23 日 星期二 【晴】

[DingDing]原來eman唔理我係因為佢作感冒......... 唔想"野"人wor......

今日有張通告話可以問學校借notebook, 響度諗緊借唔借........ 但唔知快唔快呢.....?? 因為我部腦好慢啊........><"

今日英文堂做section c, 今次係我第一次認真咁做, 點知對答案果陣都岩左一半~~~~ 好開心~~~ 都無諗過~~ 呵呵~~~~

lunch果陣, 正當我好想去當值時, 周安麗又走黎問我一d好白痴o既問題....... 佢問我"學生會係唔係有email address", 我話"係", 跟住佢話"可唔可以俾個password我", 之後我就話"等你選到先再問我啦", 佢當正自己已經係下屆學生會咁........... 之後又問我"你地上年整果d timetable係唔係一定要過膠架, 可唔可以唔過膠?", 我好無奈咁答"......你用d厚d o既紙啦"............. 唉..... 跟住佢話"哎呀.... 我諗唔到問你d咩啊.....", 我就話"你有野再問啦......." ............... 唉..... 好心佢諗定問咩先啦, 仲有啊!!! 好心佢唔好咩都問我啦!! 自己又唔諗下先, 有咩唔識就唔諗咁去問........ 真係..... 搞到我都唔係好想投佢贊成票law!!!! 可能佢會覺得我串佢, 但唔該佢認真咁諗下係唔係抵俾人串啦!!

a/c仍然係咁....... 阿sir仍然咩都唔識...... 唉...... 不過今日大頭無返(差d唔記得同佢留notes......), 阿pat坐左響我隔離, 傾左好多野, 又知道多好多小道消息lu~~~ 呵呵~~~

放學去左412印問卷, 我想要班衫, 但係佢地又無咩行動咁wor~~ 咁我就出張好簡單o既問卷問下佢地law~~~ 希望佢地會認真咁寫啦........... 如果唔係就無架啦......... 話哂係最後一年同班.... 唔想無咩可以紀念o既野啊......

後尾又走左去搵戴sir傾野, 傾傾下又講左好多其他好"立雜"o既野........ 包括周安麗lunch同我講d野, 佢都話佢當正自己係law........ 唉....... 我地o既會訊送左去學校啦~~~~ 而且都知道我星期六有得去"美食音樂會"啦~~~~~~ yeah~~~

不過....... 今日發現自己真係要買返隻表...... 無電話o既日子要勁問人幾多點.... 好唔方便, 又成日都驚遲到wor........... 但..... 幾時先儲到錢同搵到隻我戴到o既表呢.........??

------------------------------------------------------------------------------------------

2003 年 09 月 24 日 星期三 【晴】

[cHaPmAn]呢幾日狂流nose血.........唔知做乜野~~~~ 要去睇醫生......啦~~~~~ 

------------------------------------------------------------------------------------------

2003 年 09 月 24 日 星期三 【微冷】

[DingDing]今朝肥仔拿返個電話俾我, 真係唔知, 初初仲以為佢咁早出門口做乜, 之後佢話佢講左我知, 但我真係唔記得law......... 不過有返個電話都好o既, 起碼唔做問人幾點先啊嘛.....

早會之後返上課室, 我諗住傳張問卷俾佢地問啦, 跟住俾人話我無問全班d人係唔係要wor........ 我係唔知要問架wor..... 之前我講話整班衫果陣, 無人話我知要問, 就連我印張野出黎果陣, d人都無講過半句野, 到我真係好熱心咁傳開左份野先黎話呢樣話果樣......... 之後我話問, 佢地又好似唔想理咁話"是但你啦....." ....... 好無奈, 就算我真係無問, 都唔使咁啊?? 係, 我想要, 但如果得我一頭熱o既話, 我唔整!!! 我做咩要搞咁多野姐, 我唔係咩班會主席, 我無責任要做架!!! 我唔會再勉強我自己做一d野!!! 之後我好嬲, 問星星拿返張問卷之後即刻將佢掉入垃圾桶, 哼!! 我唔理, 我咩都唔理啦!!!

英文堂果陣, eman同saalome坐左最入, 咁我諗住坐最出, 跟住大頭話我嬲人嬲到出面!! 真係唔知講咩好....... 真係好想喊..... 我只不過諗住listening坐出d, 睇到多d姐, 仲有等佢坐入一個訓果陣無咁易俾miss見到姐...... 無諗過咁都會俾人話...... 係..... 我係嬲佢地, 但我都識得做"門面功夫"o既!! 好彩無喊到.........

聽完listening之後, 心情平服左, 換衫上pe堂..... 仲以為今日又體能, 好彩係打欖球~~ 好好玩, 不過阿sir中途話如果我地交波果陣個波跌落地一次, 就要做一下掌上壓, 我地做左3下, 不過阿sir好衰, 勁叫我地hold住, 個地下又"辣"手wor...... 好慘..... 做完個個衝去洗手, 場面好壯觀, 有相機就好lu.....

上完堂就食lunch, 個lunch好好味~~~ 食完無耐就逃學lu~~~~ 不過好彩應承肥仔去睇醫生...... 因為我都唔係好想留響學校, 費事多野諗, 都係冷靜下好d............ 不過今日中文又係listening..... 唔知可唔可以問阿sir拿帶聽返呢.....? 問下先.........

唔知點解........ 返學返到心都淡哂..... 唉......... 玩自閉好唔好呢..?? 可能會俾d心機讀架wor......

------------------------------------------------------------------------------------------

2003 年 09 月 25 日 星期四 【晴】

[DingDing]今朝miss上台話換飯商, 因為佢地o既衛生好有問題........ 之後聽阿sir講, 好似有學生響個飯度見到蟑螂同烏蠅.......... 唉..... 之後換o既呢個又係維他天地.... 個飯貴$2啊.....><" 不過好彩可以月頭先俾錢........... 睇到未啊!??

跟住上a/c簡直就係痛苦!!! 唉........... 我地好多個都好想死...... 嗚.......

bs堂阿sir無啦啦講返衍生工具, 次次都係咁, 我放左響屋企果陣佢就話要講, 明明之前間哂架啦!! 又唔叫我地帶wor, 好彩佢講埋d無啦間o既野, 無咩點講份notes姐, 如果唔係都唔知點算!!

lunch果陣有個中六o既男仔發現佢坐果個位個櫃筒有張"dumdum"o既說明書!!!! 咁岩我之前叫佢地擦乾淨張桌, 因為我lunch之後o既中化堂要坐, 佢地........ 以為係我架.......>< 好慘....... 瘀爆!! 之後我極憎個位law, 好烏漕!!! 都唔知咩人搞埋d咁o既野!!!  第二度就話姐, 學校黎架!!!! 好想掉左佢, 不過大頭話唔好wor...... 咁我就坐前一個, 費事眼冤!!

中文堂小組討論, 又係我最中意o既活動~~~~ 我問阿sir可唔可以拿返尋日餅帶聽, 佢叫我放學搵佢, 後尾佢都唔響度.........

電腦堂仍然係講d我唔明o既野..... 我諗要背先得啦..... 唉..... 我背野最屎.... 不過今日個id card計法好搞笑~~~ 我同阿玉都計唔到, 我用計算機計左幾次都唔得, 點知搵小算盤計就得...... 哈哈......... 俾阿sir笑我maths差..... 可能真係退左lu...... 差唔多成兩年無店啦......

放學搞店學生會個file之後就走左, 因為要做英文作文~~~ 我作左460個字啊~~~ 雖然仲未達到要求o既500字, 不過今次係我做咁耐, 最多次o既一次黎~~~~ 好開心~~~~

------------------------------------------------------------------------------------------

2003 年 09 月 26 日 星期五 【晴】

[DingDing]好多野先果兩日都唔記得講, 我個網網遲d又換野啦~~~ 我覺得比依家呢個好好多~~ 呵呵~~~

今朝收到jupas份野....... 好矛盾.... 因為我話左我想出黎做野, 但我見到有d科o既最低要求係AL中英文合格, 同CE o既maths拿d, c或以上..... 好似得得地咁wor..... 好想試..... 但又要$400, 仲有......... 唉..... 好煩........

英文堂miss俾左篇文我地睇同解篇文o既優點俾我地知, 篇文睇到我有d想喊架....... 所以我好俾心機上堂啊!!!! 

a/c堂阿sir開新一課, 不過仍然不脫佢"那西"o既性格, 有d野, 唔堂考就唔教, 連我地想知都唔係好願教咁........ 仲有一d野都係就咁話唔重要就飛左...... 唉....

中文堂傾返尋日d野, 今日我地六個俾阿sir話~~ 因為我地多人, 哈哈~~~ 不過都好似無理佢..... 因為我地輪住present架嘛, 拆開左咪又要再排過?? 咁煩......

放學響學校溫左陣書........ 黑色幽默好恐怖.... 發哂姣咁嗲gosh, 真係想死...... 跟住我地勁響度同gosh講我地呷醋~~~~ 之後我地玩black magic, 佢睇唔出我地話緊佢黑, 哈哈~~~~ 不過千期唔好俾佢知道.... 唔係我就慘lu~

返到屋企解下電腦d題目, 一dd識啦....... 不過知條題目講咩都無用...... 唔知個答案響邊咁就死得啦..........

終於都問到阿sir拿餅帶啦~~~ 呵呵~~~~~ 聽日去食盤~~~~~ 唔知會有咩發生呢??? 呵呵~~~ 好期待~~

------------------------------------------------------------------------------------------

2003 年 09 月 27 日 星期六 【陰晴不定】

[cHaPmAn]今日係最無野做既一天~ 不過聽日就~ 哈哈哈~~~~ 多野到 x x . 
放左工就返黎同佢o地去打波~ o個班人成日都整傷人, 我都唔例外~ 慘慘慘~~~~~~~~
星期日就黎了~ 月頭又黎了~ 

------------------------------------------------------------------------------------------

2003 年 09 月 27 日 星期六 【晴】

[DingDing]今朝開始整d襟針啦~~~ 我整左自己先~~~ 呵呵~~~~ 好靚~~~ 好中意~~~~

整左一半果陣阿媽打返黎問我落唔落街飲茶, 原本唔係好想去, 但阿媽話鍾太返左黎, 咁我先落jar....... 鍾太響差唔多10年前移民左架啦, 我記得果陣佢都幾錫我.....

返到屋企繼續整~~~ 跟住4點幾阿媽話落街行, 行左陣就去輕鐵站度搵阿sir, 點知唔記得約佢響邊一面, 後尾打俾佢, 佢話過多10分鐘先到, 咁我就去左ok買野飲同行文具舖~~~ 竟然響ok見到阿波個細佬, 佢又認得我果下先搞野wor~~~ 呵呵~~~ 響文具舖度買左枝新幹線鉛筆同一舊好特別o既擦膠~~~~ 哈哈~~~ 跟住又去返輕鐵站, 見到阿sir就行去恆香後面, 合益街市隔離o既"賽馬會廣場"(←今日先知果個公園有名....)度參加好食力音樂會~~~

我地一去到就見到好多fans響度等, 行左陣見到一個好似入口o既物體, 就走去問下個工作人員小姐我地學校o既響邊度入, 佢話響呢度...... 下?? 呢度唔係俾嘉賓入o既咩??? 入到去, 童軍妹妹帶我地入場, 初初仲以為我地坐果度會離個台十幾丈遠添........ 原本就坐響個台前面, 好正wor~~~~ 呵呵~~~~ 有種自己係貴賓咁o既feel添~~~~~

一坐低就同阿sir勁傾計, 又傾左好多野, 都唔知點解咁鬼多野講~~~ 不過都幾好o既~~~~ 到差唔多7點鐘就開始~~~~ 阿sir帶左相機, 仲叫我影相~~~ 我梗係會啦~~~ 咁難得~~ 影左tommy同bobo, 因為"佢"中意tommy同左峰中意bobo啊嘛~~~ 不過唔知靚唔靚........><

同場仲有boy'z, 傅佩嘉, 曲奇, 朱茵咁~~~ 仲有鄧達志~~~~ 佢著得好型啊~ 不愧為名設計師~~~~ 阿sir睇完曲奇就走左lu, 得返我一個, 咁我又繼續影下相, 睇下show咁啦~~~ 之後我就響差唔多8點半走左lu~~

發現到d野~~~~~
(1) 曲奇之中Theresa真人最靚~~~~~
(2) boy'z o既steven個口可以放十幾粒冬菇......... 好大.....
(3) 朱茵身材真係好勁!!!
(4) 個天整定要戴sir執教鞭
(5) 我個紅袋仔放到好多野~~ 成個八寶袋咁~~~ 哈哈~~~~

今日勁講明星添~~ 哈哈...............

------------------------------------------------------------------------------------------

2003 年 09 月 28 日 星期日 【晴】

[DingDing]今日用半個鍾整多一個襟針~~ 我依家整左3個啦~~ 仲有4個就搞店啦~~~ 呵呵~~~

今日買左冷, 黑色幾粗o既~~ 好快就織左好多啦~~ 好開心~~~

今日無咩野發生lu~~ 不過諗起尋日阿sir同我講拍拖一旦覺得平淡, 可能係一個危險o既先兆, 我又覺得唔係, 我追求平淡, 唔想再經歷咁多o既風浪啦...... 負擔唔到就唔勉強自己, 我依家就係奉行呢個思想~~ 唔知你係唔係同我一樣, 都追求平淡呢??

------------------------------------------------------------------------------------------

2003 年 09 月 29 日 星期一 【炎熱】

[DingDing]今日便服日, 便到咩都唔記得帶, 包括locker key, 電腦書同電腦功課..... 反而記得帶冷同bs書....

閱讀課派左會訊, miss響派果陣話做得幾精美, 叫班同學認真咁睇wor, 我都無咩野, 佢地睇唔睇都唔關我事........ 不過, 高手響我後面大大聲咁響度講"咁都叫精美啊? 黑白jar wor, 又唔係彩色! " 驚死我聽唔到咁law..... 頂!! 你做過d咩啊!! 你俾左$10jar, 仲想點啊!! 仲響度大大聲咁話份野唔靚!! 我唔想用彩色咩?? 學校會俾我用咁多錢印咩?? 勁嬲, 不過我無理佢, 繼續做織女, 哼!!

電腦堂阿sir講完功課之後就教返SQL啦, 幾好~ 幫我溫返一次~~~ 之後英文堂去左oral, 不過or左一半就夠鐘, 下次or埋佢wor..... bs堂就做past paper, 不過唔識計..... 唉..........

突然今日睇到好多野, 可能係我觀察好耐先有o既答案, 有d人成日響度講溫書溫書, 上堂上堂, 仲響度話我織野係浪費時間, 但我上堂果陣就淨係見到d人發呆, 睇網頁, 整指甲law...... 仲要有時俾我見到佢訓左添!! 話留度學校溫書, 其實咪又係同條仔行黎行去...... 哈! d人仲可以好理直氣壯咁話我浪費時間, 真係唔知講咩好!!

同時, 我越讀越心淡...... 我做咩都無人support我咁, 有時真係問自己, 係唔係我有咩做錯呢?? 定係我同佢地講我唔想入u, 所以佢地就唔理我呢?? 唉... 我都唔想將自己諗成咁, 但事實擺響我眼前, 我能夠唔諗嗎.....??

近呢排, 我成日放左學之後一陣就返屋企, 因為我唔想留響學校呢個令我辛苦o既地方...... 今日4點幾返到屋企, 阿媽問我做咩咁早, 我就求其話學校好熱咁"lai"過就算, 之後佢坐左出黎, 同我講今個月得$3xxx...... 唉..... 交呢樣, 交果樣都無左半lu..... 之後佢叫我搵補習做, 話我起碼搵俾自己洗wor..... 我都想搵part time做, 不過..... 有無咁易搵到呢....??

我依家好羨慕一個人, 佢比以前變得成熟左..... 而我.....竟然響變得成熟之後又變返幼稚....... 唉........

可能星期四再問下佢地整唔整班衫............ 始終.... 想要o既慾望戰勝一切..... 唔知又會發生d咩呢....??

好想喊.......

------------------------------------------------------------------------------------------

2003 年 09 月 30 日 星期二 【晴】

[DingDing]今朝起身響度謄文, 一路謄一路整個網頁, 因為我想加midi, 但係有時又咩咩錯誤.....唔知點咁, 後尾不先知原來唔係個midi死, 係個main死死地姐, 之後好快就搞返佢啦~~~ 呵呵~~~

謄謄下阿媽打返黎問我做咩仲唔落去剪頭髮, 咁我就拿拿臨謄埋篇文就落啦~ 之後行左一陣, 睇下邊間少人又平平地, 跟住俾我見到"超人氣"無人, 就咁就撞左入去, 剪剪下果個人問我夾唔夾直佢, 我又傻傻地咁話好, 之後先諗佢收到我好貴咪食蕉??? 不過...... 佢原本$58.... 如果加, 我諗都係$20到.... 同出面差唔多, 都唔會俾阿媽鬧掛...... 搞店哂果個人先收我$58!!!! 下?? 唔使加錢!! 超開心!!

剪完頭髮個頭輕左好多~~~ 不過要諗下點紮辮好......... 條辮好細, 隨時陣間條橡筋跌左出黎都唔知.....

返到屋企睇埋doremi就做電腦功課~~~copy左阿玉果本參考, 應該都ok o既~~ 返去同大頭果本對下有無錯先!!

本來今日可能可以去肥仔度過夜架, 不過佢俾人"跣", 搞到無得早走wor....... 真慘......

------------------------------------------------------------------------------------------

    Source: geocities.com/hk/waha1112/o_diary

               ( geocities.com/hk/waha1112)                   ( geocities.com/hk)