2003 年 10 月 01 日 星期三 【晴】

[DingDing]今日去左旺角, 睇左無間道2, 感覺無上一集咁震撼, 不過睇到阿mary姐死果下都真係嚇親!!!! 

其實唔係特登出去睇戲, 但係原來o既目的就無達成........ 成日都係咁.... 唉.......

今日成日都響度喊...... m痛痛到喊, d人唔守諾言嬲到喊, 諗起d野又響度喊...... 真係懷疑自己o既眼線係唔係發達得濟.....

唔知如果咁樣喊法, 會唔會將d眼淚流乾流淨呢......?? 

------------------------------------------------------------------------------------------

2003 年 10 月 01 日 星期三 【晴】

[cHaPmAn] 發覺自己有好幾日都無寫到日記, 原因係日日返到屋企 都係1-2 點~ 根本就無時間開電腦.~ 我宜家唔可以再成日去同事屋企訓. 要多o的返屋企.

9月30日的放工時間竟然係10月1日的上午9時30分, 慘慘慘........... 

------------------------------------------------------------------------------------------

2003 年 10 月 02 日 星期四 【晴】

[DingDing]今日a/c堂背默...... 都ok o既~~ 不過有d地方調亂左, 要搞返店先得~~~~

bs堂, 阿sir講左差唔多成堂阿造, 之後響度話諗住等埋無返果兩個先講, 又響度話我搞到佢依家要講, p佢個k啊!! 你唔講, 唔通我拿住枝鎗硬要你講咩?? 係你自己講講下又話留返第二日講, 我問你係唔係講阿造姐, 就算你唔講, 洪旭陽佢自己都爆響口啦, 挑!! 嬲到我啊!!

lunch果陣d壽司好硬..... 不過好肚餓, 所以都食哂, 但係d 芥辣差d"公"死我........>< 我原本諗住唔辣架....

放左學去搵阿sir, 諗住同佢講我地想下星期五食飯, 不過佢唔得...... 之前仲想問佢拿返上年條banner, 不過唔記得左...... 之後問岑sir功課, 因為我睇極阿玉份野都係唔明, 問完佢之後就明左d~~ 呵呵~~~

之後行去買野果陣見到肥仔家姐, 好耐無見過啦好似~~ 哈~哈~~~~

返到屋企洗頭...... 嗚...... 我d頭髮又曲返啦............ 嗚............... 好想好直好直咁啊......><

又係咁...... 好多野想寫, 又係唔記得...... 記得再寫啦~ 

------------------------------------------------------------------------------------------

2003 年 10 月 05 日 星期五 【晴】

[DingDing]今日閱讀課問左班同學整唔整班衫, 無諗過佢地會整, 但我響問有無人反對果陣好似見到judy想舉手, 但舉得一半又好似唔舉咁, 我就當睇佢唔到~~~ 於是就開始諗啦~~ 今次開心d啦~ 因為有人幫我啦~~ 呵呵~~

之後成日都渾渾噩噩咁, 英文堂作文, 收到張紙望左好耐都諗唔到寫乜, 又唔知揀邊題好wor....... a/c就完果陣噩左一陣啦, 不過好似都聽唔到d野..... 唔知係咩呢....??? 跟住個死大頭又昏迷左, 叫左好多聲都唔應, 要我打佢先起身, 仲要俾佢話我暴力, 知道唔叫佢食飯~~

今日個意粉唔好食!! 乾到咩咁, 又少"送"wor, d雞翼咬一口就無左一大半......... 之後食左好少jar....... 食完飯落左去午間活動睇下佢地, 佢地都仲未開哂野, 咁我就叫出面d等玩o既小朋友入黎幫手開野, 佢地又肯wor~~ 呵呵~~ 唔錯唔錯~~~ 之後就落左去小賣部拿野~~ 嘻嘻~~~ 我拿果樣野好可愛架~~~ 我拿到上班房, 佢地個個都拿黎玩, 我就叫佢地玩還玩, 唔好整燦就得啦~~ 之後左峰仲開玩笑咁想搶走佢添~~~ 哈哈~~~

放左學去左大頭上年整社幹事衫果度問, 點知果度變左糖果店, 之後就去左同益校服同木棉問啦, 點知一間話趕唔切唔整, 一間就要我直接去佢間廠度問, 我諗住聽日打去問~~~

返到屋企又係做埋d平時做o既野咁law~~~ 

------------------------------------------------------------------------------------------

2003 年 10 月 04 日 星期六 【晴】

[DingDing]今日去左荃灣好日子(中文名好似係咁, 但我記得英文係the good day......)飲茶, 我以後都唔會再去呢間野度飲茶!!!! 頂啊! 我洗5set野, 從來未試過可以有一隻碗有飯, 另一隻碗有包碎, 仲有一隻匙有豉油, 另一隻就油"林""林"...... 以前響第二間飲最頂多係得一隻有問題姐!! 今次呢間竟然有4隻!! 啊!!!!! 一路洗一路咒罵!!!! 哼!! 我唔認係我有潔癖, 係佢污漕姐!!!!!

之後去左冒險, 之後買左生日bear~~~~ 後尾又落旺角, d人終於買左介指啦~~~~ 好中意啊~~~ 呵呵~~ 跟住買左新幹線間尺同啤牌, 原來想自己出錢買左車車副啤牌俾大頭架.... 不過要$78.... 聽到我眼都突埋... 最後無買.......

返到屋企俾人鬧, 一開口就話我遲返, 又話我洗得多錢, 話我成日去街, 之後我話我淨係紅日先出街, 佢又響度鬧返我用錢多...... 好無奈.... 我都交左錢之後都寧願問肥仔拿唔問佢啦...... 仲想點wor.....

唔想俾佢見到隻介指...... 所以戴左落bb依唷隻腳度~~ 咁樣佢就見唔到, 而我亦可以隨時拿落黎.......

唉........ 好唔開心......... 成日俾人鬧..... 

------------------------------------------------------------------------------------------

2003 年 10 月 05 日 星期日 【清涼】

[cHaPmAn] chapman] 今日係一連兩天的假期, 第一天~ 今天一起身就去了元朗==>同我阿婆飲茶==>樂園(o的機都騙人既,明明夾到都趺)==<旺角(買左好多野~~~
1. 生日bear( sorry~ 呢個o係係荃灣買既) 2. 買介子(終於都買左, 希望你鐘意啦~~~ 你o個隻係我度畀我供緊~~~) 3. VCD (明天齊齊睇) 4. 新斡線 ruler 5. 新幹線 card 6. 街版p2 dvd).
夜晚就返左元朗同7A2 BBQ 同佢o地有講有笑~ 都係一班同學~~~~ 幾開心~~~ 要送黃勁肥同肥基~~~ 佢o地真有錢~ 出國讀書~~~ 我就冇呢o的咁既機會啦~~~ 不過, 香港是我家, 就算有都唔會~~

我部motorola 幾時整番好呢........... 

------------------------------------------------------------------------------------------

2003 年 10 月 06 日 星期一 【晴】

[DingDing]尋晚唔記得寫日記, 依家補返~~

今日係一星期o既上堂生活中最悠閒o既一日, 電腦堂小測完, 阿sir就講下上次d功課, 跟住就講SQL, 小息果陣見到d人響度改份卷d答案..... 我無改啊, 我想知自己衰咩~~ 可能其他科就會, 電腦就唔會!!

英文oral.... 去左討論.... 講到九唔搭八, 跟住我地勁響度笑, miss俾我地搞到好無奈..... 不過我地同樣咁無奈law......

bs上堂唔知點解硬係覺得好靜, 仲要唔只我覺得, 佢地都覺~~ 跟住阿sir問我地會唔會幫佢打past paper答案, 之後我舉左手, 遲早都要打架啦, 今次d野又唔係好多, 無咩所謂, 佢響度叫我唔好咁遲俾佢..... 白痴, 如果你俾到隻碟我save, 我即日俾你都得啦...... 哼!

今日係第一次"共同備課節", 每堂上10個字, 1450就放學~~ 幾好~ 之後落圖書館打左阿sir份野, 就上返403溫bs, 因為聽日要小測... 越溫越眼訓, 後尾訓左幾個字..... 醒左果陣先知原來我地幾個留低o既都訓哂....

返到屋企就開始畫d圖, send去問價, 幾滿意~~~ 希望快d有回音啦~~~~~ 因為我打左去好多間度問(個電話list淨返兩間jar), 佢地都話三十幾件, 唔整wor / 唔得閒整wor.... 跟住打俾一個叫司徒先生o既人, 佢好似肯整啊~~~~ 把聲又好正wor~ 當堂成個人開心哂~~~ 希望整到啦!!!! 之後我地就拿拿臨決定埋d野~~~

其間邦仔話amy好似唔訂, 跟住我就問佢, 佢話睇下個價錢先..... 我話我地預$100到, 佢都話貴.... 自己整就最平!! 無奈...

send完個email就上網搵掃毒o既野, 阿sir話有d可以唔使安裝, 直接響網上面掃~~~ 掃完成部腦, 我都係中d咩 vbs... 好似係咁叫.... 有成9xx個有事..... 之後俾我delete哂呢d files!!! 

------------------------------------------------------------------------------------------

2003 年 10 月 07 日 星期二 【清涼】

[DingDing]今日唔記得帶隻介子返學....... >< 唔開心...... 介子已經成為我o既精神支柱啦........

早會果陣分別有三個老師叫我小息去搵佢, 真係分身都唔店.... 之後終於都搵哂佢地, 但我要做o既野就有一大一大堆law..........
1. 會務報告要加d實質o既數據
2. 搵學生會章要幾錢
3. 星期四個社員大會可能要上台

其中社果個有d麻煩..... 因為我上年無機會店d數, 所以咩都唔知, 突然要我報告, 都唔知點算, 問阿sir拿返d單, 佢竟然話清哂...... 無奈.... 之前叫佢copy d單俾我又唔肯...

唉..... 今日上堂都唔明阿sir教咩..... 要睇返先得啦!!!

放學jupas註冊..... 又要交錢, 今次仲要成$400..... 唔想問阿媽拿..... 但唔問, 我又邊有咁大舊錢呢...? 仲要今個星期之內交.... 唉, 問又唔係, 唔問又唔係... 都唔知點算......

之後去左買介子俾肥仔, 應承要買!! 跟住我以為買左隻同我一樣o既.... 點知返屋企睇真d先知唔同...... 唔開心.... 跟住又買左張新幹線o既咭咭哄自己開心~~

返到去...... 唉...... 又係咁.... 唔知我幾時先可以合法地搬走, 唔使響度住呢....? 

------------------------------------------------------------------------------------------

2003 年 10 月 08 日 星期三 【晴】

[cHaPmAn] 我已經準備好了離開這個工作位置.

我覺得他們在講一套做一套~ 說自己什麼什麼公平~~ 自己也是假公濟私.....不知所謂........

我已經忍唔到佢o地 

------------------------------------------------------------------------------------------

2003 年 10 月 08 日 星期三 【晴】

[DingDing]今日朝早無啦啦俾人鬧........

英文堂無帶書, 原來諗住坐最入果個, 我都已經同佢地講左, 點知落到去佢地爭住坐哂入去, 好無奈... 大大聲咁話佢地過份!! 之後見到gosh隔離最入個坐無人坐, 問左gosh有無人坐之後就坐左入去..... 同gosh傾左好耐計~~ 我地大家講左好多野俾大家知~~~ 佢依家戴住果隻介子係不銹鋼做架~~ 真係未見過! 不過好特別~~~~

pe堂打欖球~ 好好玩~~ 之後因為對方唔夠人, 連阿sir都落埋場玩~ 不過由於係取下別人的tap帶架, 所以有d幾搞笑的情況發生!! 就係成日"蚊"唔到阿sir條帶, 反而成日"蚊"到佢條褲, 唔止我, 連阿珊都有!! 唔知下次仲有無得打呢???

跟住上去食飯~~ 原本同阿玉都係揀壽司, 但由於我地係最遲, 所以佢俾左我食, 嗯..... 好似好衰咁.... 唔知係唔係因為咁, 所以覺得個飯唔好食呢??

食完之後因為無地方去, 所以就落左308等上堂, 點知入到去, 成班內閣d人響度錄音, 連陳應毅都響度, 跟住我去開完locker之後就直程入埋去做會務報告, 覺得自己都幾惡!! 不過miss都佢話我, 更可況我都無出聲~~~ lunch之後佢地俾人困左響出面入唔到黎, 後尾入到黎就勁問我點解會入左去, 我都唔知點答......

放學之後去左聽今年班忠社開會, 無奈........ 得三個人到, 共他果d去左開學生會wor....... 痴線!!! d人點可以咁不負責任架!! 自己既然係社幹事, 開會d咁簡單o既野都唔去!! 仲要唔止一次, 係幾次都無去, 跟住中途大頭叫周輝去搵學生會d人過黎, 哈! 個會長無到, 我問個社長做咩佢唔響度, 個社長話佢聽日早退, 所以唔開會!!! 勁嬲!! 呢d咩道理啊!!! 真係...... 又一個俾我投唔信任o既理由, 而且仲會令我唔改變自己o既決定!!!!

之後1730搭巴士返屋企, 自己一個就搭巴士~ 因為無咁雜, 而且好似平d~~~~ 返到屋企成1800, 阿媽唔響度, 之後佢返到黎, 響度講野, 我無理佢, 佢好似好嬲, 講真, 我無理由去理一個成日無啦啦鬧我o既人law.....

無幾耐落左街, 因為同肥仔去明皇食飯, 食完飯去左夾公仔~~~ 真係好搞笑~~ 果兩個公仔只要撥一撥就跌左落黎~~~ 唔知點解無人夾?? 兩個公仔~ 一個係貓貓, 係豆袋黎~~ 好正~~ 另一個就係kt, 著婚紗架~~~~~~ 之後再去冒險下~ 見到上次隻豬豬!!!! 不過又拿唔到...... 好靚架.....

返到屋企又開始做會務報告, 做到成12點幾先訓......... 都仲未做哂.....

隻介子唔岩戴....... 又要買過隻.....

近期唔知點解成日都好似好唔開心咁..... 唉....  

------------------------------------------------------------------------------------------

2003 年 10 月 09 日 星期四 【晴】

[DingDing]今日上左一堂好無奈o既a/c堂........ 阿sir有好多野無教law..... 唔做都唔知.... 跟住又費事講俾阿sir知, 講真, 就算話左佢都唔理, 扮聽唔到架啦, 佢成日都係咁

上bs之前, 因為入唔到課室, 所以我地企哂響出面等, 其間miss leung 走黎問我有無將上年我地張政綱keep起留底, 都唔知要黎做咩, 佢地都睇過啦, 仲抄到十足十添........ 之後我同佢講班中六掛住學生會d野唔理社d野, 佢響度話上一屆d人一定唔中意下一屆d人, 係啊, 我係唔中意wor, 咁都係佢地做埋d野搞到我唔中意姐!! 又響度講咩邊樣重要就做邊樣, 咁唔通社就唔重要?? 第二日就社員大會啦, 要人地去搵佢地佢地先出下席, 我唔知原來呢d先叫有分寸law!!! 好似搞到我響度搞事咁, 哈! 

中文堂玩辯論, 講下對填海工程的看法以及自己o既立場, 不過後半堂先有d火藥味, 跟住我地俾阿sir話有閉固性人格, 唔太參與...... 不過都係o既.... 唉..... 最起碼我自己無出過聲先law

電腦堂繼續做SQL, 發現自己有d野已經開始唔記得..... 要溫下啦.... 不過... 我諗都要我真真正正咁放低哂所有野先可以有時間認認真真咁溫下law.....

放學社員大會, 無咩野, 都係咁樣, 同上年無咩分別, 一樣台上有台上講, 台下有台下講..... 不過唔係幾like佢份問卷, 都無得俾我寫..... 問擅長邊樣球類活動同田徑比賽..... 我好肯定話無law..... 我根本就係一個識玩唔識比賽o既人, 之後求求其咁填左就算

之後上左403溫書, 抄下notes咁, 1745到就走左, 返到元朗買禮物, 揀左好耐, 原本想送d實用o既野, 不過無樣靚..... 最後揀左盒玩具~~ 希望佢中意啦~~ 好似lego咁架~ 好得意~~

返到屋企繼續做會務報告, 之後沖涼, 唔知係唔係按個制按得唔耐, 所以d水唔熱, 咁我咪叫佢幫我睇下law, 點知佢就響度話我做咩都唔得!! 又響度話我尋晚出街食飯唔叫佢無良心, 又響度話自己點樣點樣對我好, 又話俾個心人食當狗肺, 之後我沖完出到黎問佢拿jupas d錢, 因為我真係唔想問肥仔拿, 佢自己都無錢用..... 點知佢響度話我成日問佢拿錢, 今次我忍唔到啦, 咪出聲話唔想俾咪唔好俾law, 跟住佢就開始鬧我, 又話我串, 又話我得戚, 勁響度講自己點對我好, 咁我就話佢無啦啦鬧我叫對我好, 郁d唔中意就鬧我又叫對我好, 之後佢就走黎打我, 仲響度話我唔岩, 又話我識左肥仔之後就變哂, 我無變!!! 係我一路都唔出聲姐!!! 好無奈.... 佢唔夠我講就打我.... 之後佢拋左張$500落地下, 我執起拋返俾佢, 我寧願唔報, 我都唔要!!


無奈...... 真係好無奈...... 竟然連一句安慰我o既說話都無講.... 哈哈...... 我仲可以點呢.....? 唉.... 

------------------------------------------------------------------------------------------

2003 年 10 月 10 日 星期五 【晴】

[cHaPmAn] 丁丁, 我唔想你唔開心.....同埋我頭先有野做緊,唔行得開, 所以無乜點同你傾過計....希望丁丁能明白我......

o係我知道你被人打o個一刻, 我就係腦有一個念頭, 因為我宜家有工作, 我宜家算係有能力養你, 倒不如我接你出黎住.... 我好想......好想.....不過諗番起我之前o個一次......就好似即刻成個人唔知做咩......

你阿媽呢o的簡直就唔係人.........我想你出聲. 唔想你再畀你阿媽咁對你......
我話過! 我唔會再同你阿媽講野! 你阿媽不知所謂! 多撚如! 

------------------------------------------------------------------------------------------

2003 年 10 月 10 日 星期五 【晴】

[DingDing]今日無返學, 因為我今朝o既心情仲未平伏, 費事無啦啦上上下堂喊, 之後俾佢地問到口啞啞.....

之後去肥仔度, 行去車站時見到邦仔, 佢問我做咩行呢邊, 我忍住喊.... 話佢知我逃學, 佢好似好無奈咁.... 可能對我失望掛, 唔知呢~~ 唔理佢~ 之後上車果陣見到何惠林, 都有幾年無見過佢啦.... 佢又問我同一個問題, 我又係答佢逃學.......

一去到肥仔度, 即刻開電腦, 因為我要搞店份會務報告, 咁就用左半個幾鐘...... 成份野3156字.... 第一次作咁大篇文......... 做完就拿a/c溫, 溫到9點幾差唔多10點, 頂唔順..... 走左去訓覺, 一訓就訓到12點幾先起身, 溫多陣a/c之後諗住做ca, 點知無帶簿, 俾左個藉口自己去打機, 打左兩個幾鐘..... 過極都過唔到.... 決定唔打住~~~ send埋份野俾阿sir, 之後hen到4點半到就返屋企lu...... 心情好返好多~

返到屋企, 無咩事發生.... 之後去左yahoo玩桌球, 遇到個好似幾好o既人, 因為打左咁耐, 淨係傾下閒計, 唔似有d人又問你有無男友, 又問呢樣又問果樣, 查哂家宅咁......

今日個list離奇咁有好多人online, 最高峰有成3x個..... 佔左我個list總人數o既一半有多!! 勁!!

仲有, 今日個警鐘成日響.... 唔知做咩..... 聽日約左盈盈行街街~~ 好似好耐無試過啦...... 呵呵~~~ 

------------------------------------------------------------------------------------------

2003 年 10 月 11 日 星期六 【驟雨】

[DingDing]今朝起身睇左陣電視, 就落左去交租, 交租之前諗住執下個銀包, 唔好等佢咁脹啦, 跟住就發現唔見左我同肥仔聯名張咭, 以為唔知邊度唔見左, 跟住諗諗下開阿媽平時擺我自己果張咭o既櫃筒睇下, 真係響度law!!!! 之後我即刻話俾肥仔知!! 我果陣勁嬲law, 我已經叫過佢唔好"巢"我銀包, 佢仲"巢", 仲拿左我d野又唔出聲, 跟住我打電話問佢我張咭去左邊, 佢問我要黎做咩, 我話張咭係我同肥仔o既,做咩拿左去, 之後我勁鬧佢!! 佢響度話唔知, 我就鬧佢做咩"巢"我銀包, 又拿我d野唔問我, 佢勁響度話唔知張咭唔係我o既, 之後我就話佢唔知唔識問啊, 佢即刻唔出聲, 之後我就cup左佢線!!! 激到我死!!!我最憎佢"巢"我銀包!!!

之後去左買野食, 返到屋企岩岩好睇棋魂, 跟住上下網, 做下功課, 整下野咁

好快就到兩點幾, 點知落雨........ 打電話俾盈盈問佢仲去唔去, 果時我響度諗, 就算佢唔去, 我係唔係都要落街........ 因為我想訂蛋糕同買禮物~~

點知佢去, 跟住約左響時間廊度等, 等等下見到班唔知咩人著哂制服咁, 又粉紅又粉藍咁聚左響一齊, 唔知做咩.... 之後先知原來係d唔知咩影相團體... 後尾過左美心度問價, 點知佢話兩磅以上先有得訂, 兩磅以下要睇雪櫃款........

之後行左好多度, 途中響卓悅俾果班影相團體o既人"節"住做問卷, 問左d唔知咩有關飲食咩咩o既問題, 響新地帶果邊仲見到子健同周華佢地, 買左好多野, 大出血............ 包括: 新幹線野食(好靚~~~~ 好中意~~~~), 擦膠(好貴..... 第一次買咁多~~~~), 花露水(佢話可以驅蚊架~ 我見佢又唔會香到臭~ 就買左啦~~~), 賣花露水果間係名牌雙妹嘜黎~ 估唔到會響新地帶見到佢~~~ 仲有mouse pad賣~ 不過得一款, 唔係好岩心水, 所以無買到~

覺得自己好衰... 成日買新幹線.. 明明出街係買野俾佢啊嘛, 又買野俾自己wor...... 仲搞到我可能買唔到蛋糕俾佢..... 嗚..... 

------------------------------------------------------------------------------------------

2003 年 10 月 12 日 星期日 【晴】

[DingDing]尋日原來諗好左點樣同人地慶祝生日, 點知佢o既一句說話, 令我o既計劃無得實行, 不過都無咩所謂啦....

之後佢問我去唔去同佢班fd一齊食飯, 其實唔係好想去, 費事好似唔知點, 更可況我又無錢..... 之後我問佢, 佢地知唔知我去, 佢話佢地知, 咁我咪去law..... 之後先知原來佢地唔知, 又話要臨時加位咁, 又好似唔知點, 咩癮都無哂, 而且佢地講埋d野我又聽唔明........ 咁我就響差唔多去到果陣話走, 費事人地介意同玩得唔開心......

跟住就去左seven買柑桔飲, 以前覺得好好飲架........ 不過我今日飲果枝咸咸地, 都唔好飲o既............ 原本想買埋包包食, 不過, 唔想食.....

上左車就send message俾佢話佢知, 佢走果陣唔使打俾我, 佢仲問我點解...... 哈... 唔通話你知我好嬲咩..... 無奈....

都唔知自己做咩要浪費時間去諗點搞d 驚喜俾佢,無鬼謂...... 最後咪驚又無, 喜又無, 眼淚就一大堆law.... 哈哈!! 

------------------------------------------------------------------------------------------

2003 年 10 月 13 日 星期一 【晴】

[cHaPmAn]  我到到去到o個一刻. 我先知邊個去,邊個唔去. 你都見我問阿賴有邊個去. 係佢自己唔講! 我同佢講左你會去! 我有! 去o個o的全部都係去camp 見過哂! (除左chloe). 我都好耐冇見過佢所以問埋o的野. 我問左一陣, 先知原來佢冇讀書, 覺得好奇怪.....所以先問落去......... 

對唔住~ 攪到你咁唔開心................星期三一定同丁丁玩番夠本啦~~~~~~~~ 好唔好??? 星期三約定你ga la~~~~ 知道嗎??

希望丁丁原諒........





今日下午睇心思思....好得意...........




我現在上班應可以幾點走就幾點走ga la......我諗..........應該唔會再好似以前咁日日都夜走~~~ 

------------------------------------------------------------------------------------------

2003 年 10 月 13 日 星期一 【驟雨】

[DingDing]今日唔講上堂d野, 因為差唔多日日一樣

聽佢地講星期三出去"碌ling", 幾好~~ 我幾中意碌~~~ 呵呵~~~ 之後佢地仲話果日要響屯門食埋飯先返學校wor, o..... 又要洗錢lu.....

放學去左買多包千歲飴~ 因為我應承左人俾佢~~ 但又唔捨得wor~ 所以買多包~~ 呵呵~~~ 返到屋企睇左一陣notes咁啦......

跟住陪肥仔食飯~~~~ 不過我都有食豆腐花同豆沙餅, 我覺得好好味啊~~~~~~ 後尾返屋企果陣見到龍哥哥~ 原來佢今日生日, 我都知係呢幾日架啦.... 不過唔記得邊日, 原來就係今日~~ 但係唔記得同佢講生日快樂, 最後send左個sms俾佢~~~

返到屋企有人話我知內聯罵戰, 我覺得佢地su班人唔係好得, 人地提出意見, 一野就ban人, 我唔敢相信佢地當選之後會聽人地意見law...... 而且, lunch佢地話我無返果日, 佢地去左我地課室度宣傳, 淨係講話有問題就問佢地, 跟住就走左.... 好唔開心.... 好那西啊...........

聽日bs要小測~~ 0430起身奮戰!!!!!!

開始凍啦, 著多件衫, 唔好凍親啊~~~ 

------------------------------------------------------------------------------------------

2003 年 10 月 14 日 星期二 【微冷】

[DingDing]今日成個炆薑咁!!! 真係越黎越對d老師心淡....... 我諗真係好o既, 無咩邊個lu......... 唉.... 不過我諗會有o既.......

lunch miss上黎講野, 無奈, 響度叫我地唔好話d中六, 又話要包容o既心, 哈.... 唔通睇住佢地唔岩都唔理?? 搞到連飯都唔想食, d人咩都唔知, 仲響度話自己旁觀者清, 哼!! 佢地o既態度有幾惡劣, 中六中七d人都會知!!!!

不過.... 人地叫我唔好理wor, 係..... 我都想, 不過我都講過, 到我真真正正咁可以放低呢個職位o既時候就可以啦..... 真係唔中意佢地d態度, 所以我同阿sir講我會印一份信俾佢睇, 唔係為咩, 只係佢係學生會o既顧問老師, 我有責任俾佢知道呢d事...... 當然, 我希望佢地可以注意下佢地o既態度啦

放學即走~~~ 因為好眼訓...... 之但係我返到屋企就好精神law..... 搞下d野, 都唔記得自己未食飯........

聽日無得去"碌ling"啦............ 因為下星期同下下星期都係禮堂時間..... 無得玩, 佢地好似仲話唔去添啊........... 好想玩........ 不過連埋食飯, 一次要用差唔多$50.... 一共要去3次...... 貴死........

嗚........ 我依家又開始眼訓啦...... 我好想等到12點send埋個message先訓!!! 因為佢聽日生日啦~~~~ 我好想做第一個響正日同佢講生日快樂o既人啊!!!!!!

仲有1個鐘零2個字!!!!!!! 

------------------------------------------------------------------------------------------

2003 年 10 月 15 日 星期三 【晴】

[cHaPmAn] 生日快樂~~~~ 

------------------------------------------------------------------------------------------

2003 年 10 月 15 日 星期三 【晴】

[DingDing]今日pe堂因為無去碌ling, 所以繼續玩欖球~~~

原本放左學想即刻返屋企架!! 不過又要搞聽日選舉d野......... 搞到成5點先走得...... 之後返到屋企即刻沖涼換衫, 等到1815就出街~~~~~

首先去葵芳等佢, 不過等左好耐..... 幾唔開心架, 因為我隻腳好痛!!! 之後就落左旺角, 食buji buji~~~ 仲影左咭咭~~~~~ 行左陣就同左佢班同事去食野..... 不過我無食, 齋飲野, 到左11點幾12點先走, 仲響車度訓著左........

終於送左舊大擦膠俾佢啦, 唔知佢中唔中意呢???? 

------------------------------------------------------------------------------------------

2003 年 10 月 16 日 星期四 【晴】

[DingDing]今日係選舉日, 我地要做工作人員, 不過都係因為咁, 而令我非常嬲怒!!!

首先, 我無啦啦俾miss叫我送花俾佢地, 如果佢地當選的話, 超奇怪..... 唔係應該佢送俾我咩...?? 仲有.... 我覺得自己好似果d卸任o既港姐咁, 差在唔使繞場一周同講野....!! 啊!! 唔係, 我要講...... 不過下星期先講......... 仲有..... d假花搞到我個鼻好辛苦.... 嗚.....

另外, 收選票果陣大菊花走黎問我拿選票俾內閣d幹事投!!!! 有無搞錯啊??? 咁都得?? 我特登問左佢幾次, 佢都話係, 哈哈..... 無奈........ 雖然對個結果無影響(佢地當選), 但咁樣都唔好啦..............

跟住, 響我送完花果陣, eman同我講條miss leung岩岩問佢係唔係見到佢地當選所以唔開心, 唔知佢算咩意思law!!!!! 哼!!

覺得自己可以去玩演員訓練班, 因為心入面明明係唔支持佢地, 但都要去恭喜佢地, 講一d勉勵o既說話! 唔中意咁做......... 不過... 如果我咁樣做可以減少磨擦o既...... 又有咩所謂呢.....

選完要留低影相, 之後上左403做功課, 6點幾走左, 臨走響地下toilet見到個妹妹仔, 佢同我hi, 我問佢"你係邊個? 我識你?" 佢話"下? 你唔係陶瓷學會架咩?" "唔係, 我唔係"我話,  佢又問"咁你係唔係曹瑞華?" 我話係, 之後佢話"你係今日果個咩學會架嘛......" "你係講學生會? 係啊" "哦~ 你係唔係已經唔係會長啦?" "係啊" , 之後佢竟然同我講byebye, 令我有d受寵若驚!!! 我無諗過有人識我架!!!! 好開心添~~~~

想記一記~~~~~ 投票結果

6A　　　　　　　　　　　　7A
出席:28　　　　　　　　　　出席:28
收到有:31　　　　　　　　　收到有:28
信任:24　　　　　　　　　　信任:4
唔信任:6　　　　　　　　　  唔信任:唔知
廢: 1　　　　　　　　　　　 廢:唔知 

------------------------------------------------------------------------------------------

2003 年 10 月 17 日 星期五 【乍暖還寒】

[DingDing]今日我無落去早會, 因為響教員室門口到戴sir講野, 佢話我地唔投今年學生會信任票, 咁我咪話佢地係唔夠宣傳, 我地見到o既只係三次上台細細聲o既宣傳同去我地班房一次, 仲要係就咁放低左一句:"你地有咩問題就問我地啦!" 咁就走左, 而且佢地o既態度真係好差.........

阿sir話如果我地真係咁諗先唔投o既就情有可原, 跟住我就問佢知唔知佢地排斥一個提出反對意見o既人(周輝), 同時因為咁, 所以周華先下下插佢地, 佢話唔知, 跟住我同佢講佢地呢d思想好幼稚, 佢唔出聲...... 之後佢話我地應該知道宣傳果陣係好辛苦, 我話我知, 我亦知道佢地做得野, 但佢地o既態度真係唔店, 阿sir話佢地無經歷過, 跟住佢想話我地上年都係咁, 我無等佢開口已經話我地上年就算幾嬲都係自己圍內講, 無寸過人! 哇哈哈~~~~~~~~~~~ 見到佢呆一呆咁~~ 心涼死~~~~

之後我話可能有d老師認為我地係特登搞事, 但我可以講, 如果佢地唔係做到咁o既, 我地咁多人唔會話投不信任law~~~~ 之後佢轉話題叫我地學生會班人唔好再響討論區度出聲, 我話我地已經無出聲, 仲恭喜佢地, 已經仁至義盡........... 我唔係無勸過周華, 佢唔理我都無計.... 更可況, 佢咁嬲都唔係無原因.... 後尾我地班d人上到黎, 所以我就入返隊返班房啦

英文堂去左414上網, miss話有個網好岩我地wor, 我去睇過~~ 又真係幾好~~ d野好簡單~~ 好易明~~~ 呵呵~~~~~~~

放學果陣去左搵熊sir拿野俾miss, 之後個miss問我學生會襟章d野, 我覺得佢想我去問, 但係..... 鳴琴wor... 十世都好難去到一次啦, 我唔想特登過去law......... 之後佢話叫戴sir去..... 唔關我事~~ 後尾佢問我送d咩紀念品俾我地, 佢話預左$200之內, 咁我咪話學生會章law, 講真..... 唔係可以咩wor, 買一樣的話, 邊夠我地分, 而且我地之前都想整架啦~~~ 所以我就同佢講如果我地要, 咁又可以整埋俾今屆, 平d, 而且代表性又高d, 佢好似好受, 不過最後都唔知係d咩~~~

拿左部手提電腦啦~~~~ 我諗住拿佢黎整相同整網頁~~~~~ 嘻嘻~~

icq果陣同阿邊個講旅行果日一齊影相, 之後講講下佢問我地係唔係bbq........ 咦????我地去赤柱wor........ 果度又有m記, 又有"爹lee返"(唔識串......), 到時先買都ok啦~ 所以我話唔係, 諗住去果度先買野食, 之後我話miss俾我地四圍行, 到時候先上車返學校... 之後我諗諗下, 就話唔知佢地個miss會唔會反對, 唉.... 佢地個miss超煩, 我地班做咩佢都睇唔順眼!!!! 跟住佢話miss一定會反對..... 無奈..... 不過, 如果我地唔周圍行o既, 點搵料? 點影相? 點做專題報告呢????? 所以我諗佢唔會唔俾我地行~~~~ 如果係~ 到時就咁問佢, 如果激得我地嬲嬲地o既, 就加多句"你唔係想我地響網上面copy落黎, 那那西西咁交啊....??"~~~~~  哎呀......... 好似好衰咁添~~~~~ 我都唔想我到時會講呢句啦~~  哈哈~~~

食夜晚飯果陣, 又俾人鬧, 今次佢話我裝飯裝得樣衰, 搞到個碗邊好多飯........ 唔係啊.... 咁都有得鬧????? 好無奈..... 唔係咁裝, 點裝啊??? 挑!! 

------------------------------------------------------------------------------------------

2003 年 10 月 18 日 星期六 【晴】

[DingDing]尋晚又同周華傾計, 討論左好耐, 最後佢同我講佢唔會再響學生會個板度插阿sir~~~ 好開心啊~~~~ 佢終於都停啦~~~~~ 呵呵~~~~~ 之後2300就訓左, 今朝0900俾阿媽叫醒左去石排飲茶, 好耐無去過啦.....

飲完茶之後過左吉島行左陣, 搭車果陣同阿媽講我想買個袋, 佢話我有錢...... 自己去買wor.... 無奈.................... 唉....

返到屋企做左陣功課..... 唔識做.. 之前諗過o既, 發現唔係好店..... 所以又要再諗.... 點算呢....?????????

嗯....... 夜晚..... 有d野咁啦, 話左俾盈盈知~ 佢online就會見到架啦.....

日記唔知做咩, 登入完按"寫日記"果陣又要我再登入, 試左好多次都係咁........... 麻煩!!

我好掛住你..... 我好想見你..... 我知聽日會見到, 但我係一個好貪心o既人, 我想無時無刻都見到你.....

好想影相..... 影好多我同你o既相, 咁我就可以時時都見到你.....

※※※※※※※※※※※※※※※※※※※※※※※※※※※※※※※※※※※※※※

響文區見到~~

人生就是為了找尋愛的過程，每個人的人生都要找到四個人。

第一個是自己,
第二個是你最愛的人，
第三個是最愛你的人，
第四個是共度一生的人.
首先會遇到你最愛的人，然後體會到愛的感覺；
因為瞭解被愛的感覺，所以才能發現最愛你的人；
當你經歷過愛人與被愛，學會了愛，才會知道什麼是你需要的，
也才會找到最適合你，能夠相處一輩子的人。
但很悲哀的，在現實生活中，這三個人通常不是同一個人；
你最愛的，往往沒有選擇你；
最愛你的，往往不是你最愛的；
而最長久的，偏偏不是你最愛也不是最愛你的，
只是在最適合的時間出現的那個人。


我希望第二、三、四個都係同一個人............. 呵呵~~~~ 

------------------------------------------------------------------------------------------

2003 年 10 月 19 日 星期日 【晴】

[DingDing]今日又係星期日啦~~~~~~

我發現我阿媽越黎越煩....... 朝早我同肥仔出街食野果陣又響度嬲..... 我知, 又係嬲我地唔搵佢啊嘛..... 成日話人地唔識做, 話自己點對人好點對人好..... 我完全唔覺得law..........

肥仔遲d要搬去佢家姐度啦............... 所以我地同佢家姐去左板門店食野之後, 就去左肥仔家姐度睇野,  不過我都唔知睇咩..... 淨係響度同仇芷晴玩~~~ 不過佢真係好有精力!! 我老啦...... 玩左一陣就好累啦.......

其後返左肥仔屋企玩下~ 夜d等到佢阿媽返黎就搬部腦同ps2, 仲有d衫衫過肥仔家姐度..... 原本call左的士, 不過佢好耐都唔黎, 咁我地就搭第二部, 跟手取消左個call啦, 之後我地上左車, 有第二條的士司機問我地係唔係call左的士, 我地咪話唔係law!!! 跟住條友勁寸, 仲叫我地個司機加返我地call的士d錢, 又話我地call左的士就要俾返call的士d錢, 頂! 你遲遲都未黎, 咁我地見到有的士仲唔上啊? 白痴! 記低左佢個車牌, 邊個叫佢咁衰!!!

搬好d野(其實我搬左好少....)之後, 去食飯, 今次去左大排檔食, 其間有差人影相, 個差人好搞笑, 影完就好快咁走左~ 成個快閃人咁~~~~~ 後尾我地就黎食完果陣佢同另一個差人去左搵間野o既負責人, 可能話佢阻街掛... 唔知... 不過都估唔到d差人o既效率高左咁多.......... 

------------------------------------------------------------------------------------------

2003 年 10 月 20 日 星期一 【晴】

[DingDing]今日又懶lu...... 放左自己半日假.......

唔想寫中間發生過o既事...................................

返到屋企真係唔係幾好受, 無啦啦又俾人鬧, 屌! 唔x想講啦!!!!! 咩心情無哂!! 

------------------------------------------------------------------------------------------

2003 年 10 月 20 日 星期一 【晴】

[cHaPmAn] 丁丁啊~~~唔好唔開心啦~~~~~老公仔一定會覺得你係對既~~~又唔係你唔岩~ 係有人無理取罵~~~你唔應該care佢~~~~我話過~~~我一定會接你一齊住~~~~到時你就可以唔駛對住佢~~~~ 佢真係不知所謂!!!!!~~~~~


我今日懶左一日~~~~聽日就要努力工作了~~~~~

唔知點解......我好驚接到公司打電話畀我, 因為我驚又係我做錯野~~~~

嗚嗚..............

丁丁~~~~ Don't worry, be happy. I must stand behind you, right?? ^.^ 

------------------------------------------------------------------------------------------

2003 年 10 月 20 日 星期一 【晴】

[cHaPmAn] 我幸福, 因為你.
            儘管工作是痛苦,但每當想起你,我便會努力工作下去! 

------------------------------------------------------------------------------------------

2003 年 10 月 21 日 星期二 【晴】

[DingDing]今日a/c堂之後個小息訓左陣..... 訓左成個小息去, 之後上緊堂時先起身, 後尾發現有d野無間到...... 唉.. 好眼訓.....><

lunch果陣去左教新su d人野, 仲去埋午間活動度睇, 班女響度問我會唔會以後都唔落去, 又問會唔會見唔到我...... 好感動架..... 之後返到課室打俾阿媽, 叫佢準備定$1800俾我交考試費(其實有幾十蚊係用黎交書錢....), 費事又話我一返到屋企就問佢拿錢!! 點知佢話我"終於都要求我啦咩?" 咁我咪話"你應該俾架" 之後佢話"咩叫應該俾?" 咁我咪應佢"你唔想俾咪唔好俾law" 之後cup左佢線!!

放學拿埋d野就返屋企啦~~~~ 不過, 我覺得自己好白痴... 諗住搭車去洪水橋轉車返元朗, 見有車黎就上... 點知上返721... 返回天水圍..... 好彩月台無人, 唔係就瘀爆!!!

返到屋企, 即刻搞埋聽日要用o既講稿, 點知整到一半, 又俾人鬧, 之後我就打俾肥仔, 由得佢響度聽............ 點知俾人打.... 唉.....

無幾耐之後肥仔阿媽打俾我, 話佢會過黎接我走.... 好開心..... 不過, 我唔想走, 唔知點解自己會咁矛盾, 我之前甚至到依家我都好想走....... 但果一刻, 真係唔知點解..... 連我自己都唔知.... 唔知......

果一刻, 我諗到o既係佢會去學校, 佢會搞到我身敗名裂...... 唔係我亂諗, 而係我家姐就係咁......!! 試問有邊個會信我..... 有邊個會......??

我仲諗緊我呢幾晚應唔應該唔響屋企訓..... 我覺得.... 如果我走左, 可能以後都無得返黎........ 唉...... 究竟我應該點做呢.....?? 

------------------------------------------------------------------------------------------

2003 年 10 月 22 日 星期三 【晴】

[cHaPmAn] 唔好諗太多, 我想你開心, 我唔想你一返到屋企就好似攪到唔開心咁.........我話過,我會養你!我唔知點解你仲會諗如果唔要你o個o的會點.......雖然今日唔知聽日事,不過,我講過唔會就唔會!.......

我想你走,我要你走,好想你走~~~知道嗎?? 

唉........... 

------------------------------------------------------------------------------------------

2003 年 10 月 22 日 星期三 【晴】

[DingDing]今朝0545就起左身, 因為要執野, 之後肥仔就黎接我去左佢家姐屋企擺低d野, 過左陣就返左學lu~~

不過趕頭趕命..... 返到學校叫miss幫我印張講稿時打左鐘, 驚到我死!!! 之後跑落去集隊, 跟住就響度讀份野............ 好驚好驚!!! 而且我喉嚨仲好唔舒服......

上台講野果陣手腳冰冷........... 我都知唔好架啦......><

落左台之後miss chan同我講我"講得唔係咁好"..... 戴sir同我講"原來你都識驚! 第一次見到你驚"...... lunch果陣洪sir同我講"今次無之前咁好wor"........ 算..... 不過我真係好驚......><

放學果陣又去左忠社個會度八~~~ 今次班人(除左個社長之外)俾我o既感覺幾好, 雖然仲係有d白白痴痴o既言語...... 不過..... 我好中意miss chan果句"忠社o既人係好團結o既", 呢句說話俾令我諗返好多上年發生過o既事........

之後去行千色, 途中又有d野........... 行完就去左肥仔家姐度食飯, 到2040就走左lu.....

返到屋企, 阿媽訓左........ 無事發生..... 好彩.... 

------------------------------------------------------------------------------------------

2003 年 10 月 23 日 星期四 【晴】

[DingDing]今朝..... 仲係咁啦, 佢仍然無理過我

bs小測.... 自己無咩點溫過.... 睇黎都要補測架啦...... 唉...... 落堂果陣阿sir派返上次d卷, 點知無我份, 原來佢放埋左一邊, 跟住佢話lunch之後話我知我有幾分, 但最後都無..... 唔知我使唔使補測呢......?? 佢話我有好大機會要.... 傷心.....><

中文堂玩小組討論~~~ 阿sir俾左個case我地"一個女人知道自己老公有外遇, 但佢扮無野, 唔出聲..." 阿sir想我地從文化o既角度去諗下點解個女人唔出聲, 哈哈~~~~ 我地果組又講埋d好搞笑o既野~~~~~ 落堂果陣收錢... 我唔記得左, 仲以為我有$60咁多~~ 之後眼睇住d錢無左一半..... 心痛死.................><

放學去左拿錢, 跟住買冷(聽日響車織), 菲林(聽日影)..... 又無左半條魚..... eman仲話赤柱果邊d野好貴..... 嗚....................><

後尾同阿媽去m記食野, 好似好返好多lu..... 幾好~~~ 之後再同肥仔去龍島食壽司, 我只係食左一碟八爪魚jar~ 不過好好味~~~~ 呵呵~~~~~

聽日去旅行~~~ 影相影相~~~ 好多人應承會同我影架~~~~~ 呵呵~~~

pk law話星期六要去灣仔聽講座wor.......... 無錢啦........ 唔想去~~~~ 響屋企抄下notes好過~~~

------------------------------------------------------------------------------------------

2003 年 10 月 24 日 星期五 【炎熱】

[DingDing]今日去旅行~~ 去赤柱..... 一個咩都有得賣o既地方, 似行街多過似旅行.........

搭車搭左個幾鐘...... 差d想死...... 去到赤柱~~

去toilet→去百佳買雪榚→美利樓→影相(遇到同學仔就係咁影)→海邊大石→赤柱大街→大排檔食一個唔辣o既麻婆豆腐飯→唔知咩咩閣(居屋)→玩"dum dum"轉→"sir"滑梯→搖搖板→天后古廟→赤柱廣場→回程~~~

影左好多相, 其中仲同個外國小朋友影相添~~ 仲有啊~~ 今次影到好齊人o既班相啊~~~~~ 呵呵~~~~

1345就上車走左啦~~~~~ 響車度又同佢地影下相相~~~~ 之後返到屋企就開始搜集資料做報告~~ 因為我聽日唔去灣仔, 咁我做份野都好應該啦~~~~ 呵呵~~~~~

啊..... 我部相機介有成十張相未影........ 點算好呢....?? 影咩好呢.....?? 我要聽日拿去哂啦.........><

個日記唔知做咩!! 竟然話"沒有此用戶", 頂!!!!!!

------------------------------------------------------------------------------------------

2003 年 10 月 25 日 星期六 【晴】

[DingDing]今日做過o既野好少............

做報告→搵地方影相→落街哂相→租漫畫→返屋企→睇漫畫→發呆→幫阿媽挑褲腳→做報告→放d相上網→做報告.............

其中係一路做野一路icq, 至於份報告就整左一日到~ 我個人覺得幾靚~~~

特別o既野~~~ 張家豪icq度問我點睇佢同阿玉件事, 其實可以點睇姐..... 當然, 第一個感覺就係驚訝同"登"阿祥唔抵, 但係諗返...... 自己又唔係未試過, 我點能夠再踏多佢一腳呢........ 更可況, 感情呢家野好難講, 係你就係你, 唔係你就唔係你, 無話邊個岩邊個唔岩.......... 佢地中意咪得law~~~~ 希望佢地可以快d唔使俾d八公問啦........

其中一條八公好賤!!! 自己兩頭蛇咪算law, 又講呢樣又講果樣!!! 見到人地唔開心至得o既!!! 抵你中七都仲係咁矮啊!! 哼!!

唔知點解........ 每到星期六就一定會好悶.............

仍然未去到日記........... 

------------------------------------------------------------------------------------------

2003 年 10 月 26 日 星期日 【晴】

[DingDing]今日去完食早餐(午餐?), 行左一陣就過左肥仔度, 其間買左本偵探學園Q o既12睇~~~~~ 好正~~~~

之後肥仔就勁打機, 我就勁睇書, 我又打下咁, etc........ 之後訓左陣, 咁就返左屋企...... d時間過得真係快........ 

------------------------------------------------------------------------------------------

2003 年 10 月 27 日 星期一 【晴】

[DingDing]今日全班最hit o既話題係阿玉同張家豪單野, gosh仲好激咁話張家豪勾義嫂...... 唉.......

果一刻好難受..... 好似俾人講緊咁........ 不過算啦, 我信報應架! 之前阿玉點對我, 我諗佢依家都會明我當時o既感受, 仲要唔使我加把口........ 個天係公平o既....... 我亦得到我o既報應........

交左份報告~~~ miss話我地乖啊~~ 因為我地係第一組交俾佢~~~ 好開心啊~~~~ 呵呵~~~~

講返~ 今日大頭織頸巾俾佢阿媽, 係間條黎~~~ 好靚~~~ 搞到我想織完俾肥仔之後, 織條啡+黃俾自己添~~~~ 不過..... 等我有錢先啦~~

響icq叫阿玉唔好唔開心, 因為我覺得佢地依家o既關係就好似我岩岩同肥仔一齊時, 我地三個o既關係咁......... 其實唔係好想再見到人因為咁而唔開心...... 不過, 無計, 我控制唔到, 我依家能夠做o既, 只能夠講聲唔好唔開心............. "己所不欲, 勿施於人"

玩玩下icq, 用go2開返以前果個, 有人同我講野, 都唔知佢係邊個............ 問佢啦, 又要我估, 最後先知原來係以前響chat room識d人...... 頂!! 鬼得閒記住你係邊個咩!!!!

唔知點解...... 今日成日都好悶....... 好無聊........ 仲未去到日記.................... 我之前d日記啊........ >< 

------------------------------------------------------------------------------------------

2003 年 10 月 28 日 星期二 【晴】

[DingDing]今日o既心情簡直差到無倫............... 唔想點講野...........

成個人好悶, 好唔開心.............

我好想見你....... 所以我約你食宵夜, 其實我o既目的真係唔係食野............ 跟住你話唔去... ok, 無所謂...... 不過點解你要勁響度同我講你唔開心, 點解你又唔聽下我講啊.........?? 我同你講我唔開心, 我唔係要你去問我做咩唔開心啊!!! 我想你陪下我姐..........

唉...... 算啦..... 都慣架啦........ 

------------------------------------------------------------------------------------------

2003 年 10 月 29 日 星期三 【炎熱】

[DingDing]好慘啊........... 無得打中文.... 呢篇都係我響肥仔度打架jar...... 嗚....

講返今日, 真係... "心情仍然很爛".... 好彩pe堂令我o既心情好返少少姐..... 如果唔係就真係唔知點啦............ 唉....

pe堂打曲棍球, 今日有得玩比賽, 我唔係好想走動, 所以選擇做龍門, 睇住佢地玩都幾開心~~

lunch果陣佢地話阿星個書包唔見左, 係成個俾人拿左.......... 問佢點, 佢話咩都唔驚, 最驚唔見左d bear... 因為d bear係佢同佢女朋友一齊搵, 依家搵唔返啦wor...... 之後響小息果陣俾張家豪搵返....

放學同eman仲有健健一齊行, 跟住落樓梯果陣有條死o靚仔用手刀劈我兩隻bear, 仲要響度嗌"腰斬!腰斬!"咁, 原本只係聽到佢好細聲咁講野, 都唔係好想理佢, 點知佢越叫越大聲, 咁我咪轉頭望下佢做咩law, 見到佢搞我d bear, 真係火都黎埋, 之後問佢:"你無野啊?小朋友!" 佢話:"無野? 好多野啊!!", 仲一枝箭咁標左落樓梯..... 咁我咪叫佢:"有野去睇醫生啦!!!" 真係.... 依家d細路真係無禮貌!!

我地一路去天耀果陣, 健健話唔知係唔係張家豪收埋阿星個書包, 佢話張家豪一入到去更衣室就搵到, 佢地同埋阿sir就搵左好耐都搵唔到, 唔知係啊係...... 不過, 如果真係佢, 個動機又係咩呢? 佢點收埋呢?? 仲有, 如果唔係佢又係邊個呢?? 不過可以肯定o既係, 阿星連一毫子都無唔見到....... 應該係我地班d人做o既..... 究竟係邊個做o既呢?? 真係難過解金田一d事件.......

食埋晚飯之後就陪肥仔食... 見到佢, 我o既心情就好返好多.....

變態的!!!! 

------------------------------------------------------------------------------------------

2003 年 10 月 30 日 星期四 【晴】

[DingDing]bs小測.... 我溫左果d佢就唔出, 我無睇過o既就出哂........>< 睇黎都係要resit架啦....

今日好似好乖咁, 因為陪阿媽落街食飯.............

返到屋企阿德話m記有新幹線~~~~~~~~~~~~~~~~~ 喔呵呵~~~~~~~~~ 超開心啊~~~~~ 聽朝去食先得~~~~~

聽日放假~~~ 去肥仔度打機, 打日記同溫書先~~~~~~~~~~~~~~~~~ 

------------------------------------------------------------------------------------------

2003 年 10 月 31 日 星期五 【晴】

[DingDing]今日唔使返學~~~~ 勁正~~~~~~ 去左肥仔度打日記, 溫書, 同打機............... 我相信打機係我此行o既最大目的!!!!! 哈哈~~~~ 

四點幾走左, 元朗廣場行左陣, 點知遇上"扶手電梯突然急停"!!!! 唔知點解.... 好彩在場得四個人(包括我), 而且都扶實姐, 如果唔係記慘啦... 跌落黎都似.......... 真係恐怖....... 好重離心力耶......... 

------------------------------------------------------------------------------------------
Source: geocities.com/hk/waha1112/o_diary

( geocities.com/hk/waha1112) ( geocities.com/hk)