2003 年 12 月 01 日 星期一 【微冷】
[DingDing]今朝派班衫, 佢地唔係好滿意個size law, 話細wor, 我都唔知原來我地班d人o既身型咁大..............
基本上我個人認為佢地就咁睇件衫就覺得細..... 但係我著左兩件衫再著件班衫都有鬆, 阿玉著件厚厚地o既津領響入面都有鬆啦............ 無奈......
都唔知講咩好.............. 啊, lunch個荔芋炆排骨好好食law~ 搞到我差唔多食哂盒飯~~~~
今日早放, 去左報補習...... 我要努力溫書!!!!! 我知我唔會升度大學, 但我都要盡力!!!!
--------------------------------------------------------------------------------
2003 年 12 月 02 日 星期二 【微冷】
[DingDing]近期唔知點解時不時就唔開心............. 唉......
好似做咩都唔順心咁........ 唔想返學, 唔想理任何野.......... 好想x廢一段時間.........
※※※※※※※※※※※※※※※※※※※※※※※※※※※※※※※※※※※※※
多謝你, 多謝你對我o既支持, 亦多謝你包容我o既無理, 多謝你o既好脾氣..........
--------------------------------------------------------------------------------
2003 年 12 月 03 日 星期三 【微冷】
[DingDing]今日再次逃學.........
其實我覺得咁樣間唔鐘一日都唔錯, 因為就以今日為例, 我做好哂我要交o既功課, 仲可以俾我真真正正咁溫到書果下先好嘛~~~~~~~~~~~~ 不過........... 可憐我犧牲左中化堂同PE堂.........
之後4點半返到屋企沖涼洗頭, 因為我要準備去補習!!!!! 我報左a/c啊!!!! 去到果陣咩都唔識, 好似大鄉里咁.............. 不過補完o既時候, 我覺得有d神遊太虛咁......... 因為佢講得好快, 我淨係黎得切抄完佢o既notes就無時間再睇清楚, 諗清楚啦........ 好彩eman同我講聽日有堂空左, 可以自修, 好似話咩d低form睇中樂團演出, 我都想睇啊............ 但係我估學校一定話我地要考試, 所以唔俾我地睇, 之但係我自修時究竟我溫bs定a/c好呢..........??
--------------------------------------------------------------------------------
2003 年 12 月 04 日 星期四 【晴】
[cHaPmAn] 呢幾日返工都好愉快~ 因為條友走左~~~ 真係令我有mood 繼續做....
--------------------------------------------------------------------------------
2003 年 12 月 05 日 星期五 【炎熱】
[DingDing]今日第一日sport day~~~ 影左都幾多相~~ 不過無得睇住~~~ 今日我地班黑衫黨周圍行, 去完呢度去果度, 但係我地大部份時間都留左響地下, 因為看台好曬!!! 而且又要分社坐!
之後下午好悶啊........ 因為相機無電, 跟住響度呆坐.................... 好彩都有同下掃地傾計, 先無咁悶~~~~ 成六點先放學........ 不過搭A70~ 個幾字就返到屋企~~ 超正~~~~
下星期二可能去睇忘不了啊~~~~~~~~~~~~~ 我想睇好耐架啦~~ 不過之前同肥仔講佢又好似無咩反應咁........ 仲諗住無得睇添.... 點知盈盈問我同唔同佢share張買一送一~~~~~~~ yeah~~~~ 我有得睇啦~~~~ 呵呵~~~~ 多謝你啊~~~~~~
--------------------------------------------------------------------------------
2003 年 12 月 06 日 星期六 【晴】
[DingDing]今日我差唔多執左成日notes, 條腰累到死!!!!!! 估唔到幾個月無執就搞成咁......................... 唉.........
仲有, 我發現自己一幢二幢入面, 有好多都係垃圾........ 激死!!! 等我得閒分埋d紙, 放入藍廢紙度先! 唔差在啦!!!!!!!! 好似好環保呵~
開返部腦, 諗住打埋d notes, 竟然發現........................... 我星期四響肥仔度打o既notes, 原來我響屋企已經打左.......... 好白痴啊!!!!!!!!!!!!!!!!!! 浪費左幾個鐘啊!!!!!!!!!!!!
我知佢睇唔到, 不過我都希望左峰可以開心返啦~ 我都唔想我d fd唔開心o既~~ 正如我所講, 如果你想喊, 我可以借個膊頭俾你架~~ 不過你唔好話私抽你水啊, 因為你無水我抽啊~~~~ 仲有~ 抽都唔抽你啦~~~~
--------------------------------------------------------------------------------
2003 年 12 月 07 日 星期日 【晴】
[DingDing]今日去左青衣城~~ 好耐無去過啦~~~~ 估唔到有間玩具反斗城, 不過就細左d......... 響入面見到有盒好搞笑o既和果子(好似係咁叫)~~ 係電燈膽豬豬黎~~~ 好似仲識夜光架~~~~~~ 好搞笑~~~~~~ 不過唔買, 因為貴.....
原本諗住食野先, 不過行左好多間都無位............. 好彩最後都有間野有位, 係咩?? 咪係pizza hut law~~~~ 個海鮮鬆皮湯雖然係稍遜, 不過我都覺得好好味啊~~ 又多料wor~~~ 呵呵~~~~~~~ 食完之後去左間運動舖度睇野, 見到對好靚o既鞋............ 好中意啊...... 諗住買果對俾肥仔, 不過佢話唔好.............
之後佢問我係唔係想要........ 係啊.... 我想要啊...... 不過我唔好意思要..... 因為我叫你儲錢, 無可能又叫係買野俾我架嘛............. 嗚.........
跟住等車果陣見到兩個超恐怖o既人................... 嗚.....><"
--------------------------------------------------------------------------------
2003 年 12 月 08 日 星期一 【陰晴不定】
[DingDing]今日係第二日o既陸運會, 朝早俾左d襟章佢地, 其實應承左好耐, 不過我諗住一日未整哂, 就唔好俾一個唔俾另一個, 因為好似好衰咁......
我地負責o既標槍應該係11點幾先開始, 但係有d人響10黠幾果陣就叫召集, 又唔叫我地去set野, 更唔好話叫我地當值啦!!! 搞到我地聽到佢叫召集果陣周圍搵miss一齊去當值!!! 哼!!
之後lunch因為我要度埋距離先走得, 得我自己一個去搵佢地............ 其實好無奈架...... 因為無人等我, 仲有, 我同佢地講我唔識去, 佢地好簡單咁講左響邊俾我知就走哂.......... 唉........ 最後?? 我咪搵左好耐先搵到law................. 之後eman佢又話走先, 淨返我一個女仔...... 唔想又搵黎搵去, 所以跟左班男仔一齊行, 去左機舖, 之後先返場地........
呢兩日都同左峰icq左好耐, 傾左好多野, 幾好幾好~~~ 不過當然啦, 有d野我會保留唔講啦~~~~~
睇左衝上雲霄................ 超好睇, 睇到我喊左出黎............... 希望無線有更多好似衝上雲霄咁好睇o既戲啦~~~~~
--------------------------------------------------------------------------------
2003 年 12 月 09 日 星期二 【晴】
[cHaPmAn] 今日係超黑仔既一日, 由頭衰到落尾...............仲要畀人玩一個屈尾十狂畀人話......
今日畀阿大哥冼左一次......永遠都會記住!
--------------------------------------------------------------------------------
2003 年 12 月 09 日 星期二 【晴】
[DingDing]今日唔使返學!!
下晏四點幾五點出左旺角睇戲, 因為盈盈有張買一送一o既優惠券...... 佢未到之前我行左一陣, 原本諗住行"波鞋街"架, 不過我搵唔到, 又諗住問下左峰有咩好介紹, 但又搵佢唔到...............
之後盈盈黎到就第一時間去左買飛, 不過原來今日係全線$30, 用唔到張野........ 跟住我地豪多$5俾佢走去買"超等"!! 問個阿姐有咩分別, 佢話超等係上層jar wor~~~ 買完飛之後行左陣, 要盈盈陪我睇價, 見到有對鞋好靚架~~~~~ 不過就唔知佢like唔like.... 途中見到肥仔上次響青衣睇到但因為無XL而無買o既衫, $109........ 我覺得都幾平, 但就淨係得L........ 跟住打俾肥仔問佢點, 佢話唔夠大, 所以唔要........
後尾盈盈問我"肥仔錫唔錫我", 我問佢點解咁問, 佢講過個答案架......... 不過我唔記得左......... 之後我答佢"錫"..... 呢句野..... 我自己都問過自己好多好多次, 都仲未諗到............ 我成日響度諗, 如果話佢錫我, 咁點解我成日都會為左同佢d野而喊?? 如果佢唔錫我, 咁點解佢會俾我承諾呢??
我唔知...... 我唔知............ 唉........
睇完忘不了, 無我想像中咁正, 我仲諗住係喊死架.............. 可能係睇完衝上雲霄之後, 唔覺得係一回事啦.............. 不過個o靚仔好得意~~~
--------------------------------------------------------------------------------
2003 年 12 月 10 日 星期三 【寒冷】
[DingDing]今日pe堂又做體能, d男仔問阿sir點解又做, 阿sir話有d唔同wor, 問佢有咩唔同, 佢話d次序唔同左............ 又有9分鐘任跑o既項目, 我記得響白記果陣我先跑得14個圈, 今次我跑左17.x個圈, 真係好好~~~ 覺得自己o既步伐好平均, "泉"氣o既情況都好少發生...........
夜晚(都好夜.......)去左肥仔度整相, 今日我勁問佢"錫唔錫我?", 唔知呢......... 我都唔知點解我自己會問佢........... 唉......
希望一齊都會安好~~
--------------------------------------------------------------------------------
2003 年 12 月 11 日 星期四 【寒冷】
[DingDing]今日好多功課做........ 聽日仲有小測添.....................
尋晚曼頭話如果見到佢, 佢就會俾阿羲張相我睇, 今日睇左啦~~ 唔知係唔係因為細張, 睇唔清個樣, 我硬係覺得佢同阿度好鬼似樣~~~~~ 哈哈~~~~~ 不過我覺得張相好似print出黎咁o既...........><"
放學去左曬相, 第一次曬部DC d 相, 唔知靚唔靚呢??? 今日都仲係諗唔到..............
--------------------------------------------------------------------------------
2003 年 12 月 12 日 星期五 【晴】
[DingDing]又星期五啦~~~~~ 真係好~~
miss阿sir因為遲d學校要收簿, 勁叫我地交呢樣, 交果樣.......... 仲有..... 就因為睇簿行動, bs終於做左兩年來o既第二份功課.....
放學拿左尋日哂o既相, 好清~~~~ 好靚~~~ 好似真係用有菲林哂出黎咁~~~ 好開心~~~~ 返到屋企又同阿媽落街行, 最後響吉島10蚊店買左紙做o既蛋糕模~~~~~ 超正~~~~
肥仔啊~~~~ 我借到海底奇兵啦~~~~~~ 星期日有得睇啦~~~~ 呵呵~~~~
--------------------------------------------------------------------------------
2003 年 12 月 13 日 星期六 【晴】
[cHaPmAn] 我錫你
--------------------------------------------------------------------------------
2003 年 12 月 13 日 星期六 【晴】
[DingDing]差d唔記得寫日記....................
今日成日留左響屋企, 無咩點做過野咁, 係"店"下d功課, 睇下電視同update下個網頁咁...........
我個網頁成個月無update過啦......... 積哂d素材響度唔放上網好似好衰咁~~~~ 呵呵~~~~~~
有少少因為未完成, 所以無放上網啊~ 等我遲d得閒就會再updat下架啦~~~~
我覺得自己好中意用"激擁"整公仔玩............................ 如果整完d公仔可以賣...... 你話幾好呢........~~~ 呵呵~~~~
--------------------------------------------------------------------------------
2003 年 12 月 14 日 星期日 【寒冷】
[DingDing]今日出左沙田, 行左一陣, 好多人................. 一路都響度搵大頭份生日禮物, 好想送車車野俾佢, 不過車車d野又難搵, 又貴.......... 唉....
之後去左又一城度睇戲, 睇無間道啊~~~~~~~~ 好開心啊~~~~~~~~ 買左飛要等一陣先有得睇, 所以就去左行下~~~ 見到city super 有個攤位開左出黎, 就走去睇下, 見到個好抵o既野~~~~~~ 於是就買左俾大頭啦~~~ 呵呵~~~~ 不過唔係車車黎~~~~
睇完戲落左深水(土步), 因為要幫阿妹(好似係..... 我唔係幾識分阿姐同阿妹......)買mon, 之後就去左佢度, 佢媽媽好得意~~~ 呵呵~~~~
響車度傾左好耐........ 我好中意咁, 同你傾好多好多野............. 講下我o既感受, 講下你想點........
好多謝你............. 我真係好想知, 點解你會知我需要d咩? 點解你會話買俾我呢??? 真係好想知你點知...........
--------------------------------------------------------------------------------
2003 年 12 月 15 日 星期一 【寒冷】
[DingDing]今日oral測驗........ 成績好似唔係幾好咁.......... 唉.....
放學聽個咩思覺失調o既講座, 悶到訓著左...... 之後俾miss拍醒左, 跟住繼續聽, d人不停咁響度笑..... 唔知佢地笑咩, 因為我完全唔覺得好笑law.......
跟住留左響hall聽歌唱比賽初賽, 有d好好聽, 不過就甩左key...... 有d扮哂野, 我講緊我個社長, 又戴黑超又插哂袋咁..... 好核突..... 之後.... 我覺得阿pat如果唱古仔d歌會好好聽~~~~~~ 呵呵~~~
┌ ┐
我知道阿sam可能在很多事情上也很行
但我可以肯定, 在感情上我絕對是一個白痴
我很想再和你在一起
因為我知道我的心裡的一直是你 by sam@衝上雲霄
└ ┘
--------------------------------------------------------------------------------
2003 年 12 月 16 日 星期二 【晴】
[cHaPmAn] 好累. 好想一大覺訓天光
--------------------------------------------------------------------------------
2003 年 12 月 16 日 星期二 【晴】
[DingDing]哇哈哈~~~~~ 今日係拍照日, 諗起都有d悲哀..... 因為今次係我最後一年影一張咁o既班相啦..... 可惜.... 都係唔齊人, 成日都係咁, 次次都硬係差一兩個.... 依家唯有寄望聖誕節影到張齊人o既相啦~~~~~
影相果陣要坐前面........ 但係我件校褸d"樓"無啦啦甩左....... 加埋我之前唔見埋o既果一粒.... 淨返一粒..... 之後見到黑色幽默, 問佢借左件校褸影相, 費事無哂d"樓"咁樣衰~~~~
之後上上下堂個頭勁痛, 我諗都係我尋晚訓得樣衰, "負"被........... 唉..... 跟住同miss講我想早退, miss好似好緊張.... 仲叫我身子唔好咁"潺"弱, 唔知講咩好... 因為呢d野我都控制唔到......
不過, 其實miss都好錫我地, 係有時長氣姐.... 但係我始終都係中意譚sir多d~~~~
返到屋企整埋d野就訓左陣, 訓醒好似又好返d, 之後阿媽打返黎話落街食飯, 佢見到我著件厚厚地o既褸, 叫我唔使著咁厚..... 咪啦!! 費事衰多兩錢重!!!
好想買條厚d同長d o既"出街用"頸巾!! 記住!! 係出街用!!! 要幾隻色間住o既~~~~ 不過..... 見得到岩眼緣同有錢先算啦..... 唉....
--------------------------------------------------------------------------------
2003 年 12 月 17 日 星期三 【乍暖還寒】
[DingDing]今日pe堂玩新野, 叫"投球", 幾好玩~~~~ 唔似籃球咁咁多身體接觸!! 最憎打籃球!! 自己跳得又唔高, 又成日俾人撞!! 投球因為唔使點身體接觸, 所以可以男女混合一齊打~~ 幾好玩~~ 不過我個膝頭哥就唔小心"high"到個地下......... 好痛......
之後都好似無咩野好記..................
哼!! 好唔容易先等到你電話......... 次次都係咁........... 哼!!! 好嬲!!! 好唔開心!!
--------------------------------------------------------------------------------
2003 年 12 月 18 日 星期四 【乍暖還寒】
[DingDing]好慘............... 今日放學諗住去百佳拿錢, 之後竟然記錯第2張咭o既密碼, 按錯左3次............. 跟住好驚架.... 諗住打俾d人問點算啦, 點知d人就淨係響度問有無幫佢買叉電機, 哼!!
之後去銀行, 好彩未關門, 果個人話一個星期後等佢地寄返個密碼俾我先用得返張咭................. 依家要用紅簿仔..... 無奈.................... 好唔開心...........
夜晚又落街食飯, 阿媽話當做節wor....... 返到屋企覺得淨係送盒朱古力俾大頭, 好似唔係好夠咁, 跟住就用"激擁"整左張半立體咭俾佢, 我覺得幾靚~~~~ 張野整到12點, 勁俾阿媽鬧............ 不過, 我整"激擁"公仔真係唔眼訓架........ 仲好開心添!!! 希望佢中意啦~~~
不過........................... 到我整好哂之後發現原來我調轉左個公仔黎貼..... 又一個希望........ 希望佢唔好介意啦...........
--------------------------------------------------------------------------------
2003 年 12 月 19 日 星期五 【晴】
[cHaPmAn] 西鐵好快 元朗 ===> 荃灣 (10分鐘) 勁!~
--------------------------------------------------------------------------------
2003 年 12 月 19 日 星期五 【寒冷】
[DingDing]今朝起身繼續整張咭, 因為尋晚仲有d野未整好........... 搞到失哂魂..... 首先唔記得帶頸巾, 出到門口以為自己唔記得帶電話, 返到入屋先知有帶.......... 唉......
返到學校收到生日禮物~~~~~ 雖然我o既生日過左, 但係我好中意呢份禮物啊~~~~~~ 因為係我之前想買o既頸巾黎~~~~ 仲好合乎我o既要求~~ 而且顏色我覺得幾靚~ 不過佢地話無大頭果條咁靚...... 唔係啊~~ 我中意呢條多d~~~ 多謝阿玉~~~~~~
中文堂走火警............ 我件褸放左響locker............ 凍到死......
聽日要出灣仔, 天文台話得9度, 我覺得著校褸唔夠暖law, 因為今日我都覺得好凍...... 咁我咪問阿sir可唔可以著街褸law, 佢話我因為想出街先唔想著校褸, 又話9度唔係好凍.......... 你唔覺凍唔代表我唔覺law, 家下十幾度我都已經病左兩次啦........... 又好奇怪...... 佢地好多都想著街褸, 我提左出黎, 之後俾阿sir話, 竟然無人出聲law.......... 好似我響度搞事咁!! 最後, 阿sir都有俾著街褸, 但我真係好嬲!!!!
放學之後幫d人去千色買野, 點知又多左d款, 而且功能又唔同, 我唔識又費事買錯, 咪諗住打俾d人問佢要邊個law, d人竟然話好繁忙!!! 我頂你個肺啊, 唔通我無野做啊???? 尋日無幫你買又問我做咩唔幫你買! 今日幫你去買, 問下你又話好繁忙, 我唔買啊!!!! 要買你自己買到夠啦!!! 哼!!
--------------------------------------------------------------------------------
2003 年 12 月 21 日 星期日 【晴】
[DingDing]今朝玩"捉e因", 我個人覺得好好玩, 不過d人就唔係咁諗, 哼!!! 你無權話唔中意啊, 因為係你激嬲我jar!!!
不過..... 因為咁, 我響千色果度睇一條新幹線o既掛頸電話繩, 開心返d~~~~
唔知你記唔記得我問你點解唔中意"捉e因"呢??? 你唔肯話我知個答案.............. 其實我知架..... 但係我好想由你把口講我知..... 佢玩失蹤, 唔聽你電話, 令你聯絡唔到佢....... 但我唔係玩失蹤, 我係一路咁同你講緊電話架!!!!
我唔中意俾人拿黎比較, 又或者覺得我可以做到同佢地一樣o既事, 好似話跑步, 唱歌咁, 雖然你唔覺得係......... 但我會覺law......... 只因我比較敏感!
夜晚去左睇魔戒, 我之前係無睇過第1同2集架......... 幾驚到時唔知佢講咩, 悶到嘔啊..... 不過好好彩, 套戲幾好睇~~~ 係有部份鏡頭核突左少少姐........ 但係~ 搞到我依家好想睇埋之前果d添~~
原本諗住今日睇sally燒俾我o既金田一架......... 不過, 最終都無睇到........ 唉........
聽日又要返學, 好彩淨係上3科, 又唔使上a/c堂, 唔使對住個廢柴!!! 真係好~~~~~~
--------------------------------------------------------------------------------
2003 年 12 月 22 日 星期一 【晴】
[DingDing]今日oral堂果陣我地響度傾聽日BBQ d 野, amy話佢叫左以前白記d fd去, 之後我問amy會唔會有一d好核突o既人例如丹姐會唔會去, 佢話無講佢知, gd~~
放學果陣好快就返到元朗, 去左銀行度拿錢買野........... 點知個死人差電機就用左$250, 加埋聽日要俾錢amy($80), 仲有我要買多少少朱古力($50)............. 差唔多用哂我拿果$400.........
覺得自己好似好大洗咁............. 變態!!! 好彩d錢唔係我o既..... 唔係就肉痛死.............. 唉...... 不過依家都死死地啦........
--------------------------------------------------------------------------------
2003 年 12 月 23 日 星期二 【寒冷】
[DingDing]今朝勁響度派朱古力~~~~~ 派俾周輝, 佢竟然話佢唔係7A o既....... 傻人, 我預多d架嘛~~~ 唔通我淨係識我果班d人咩!!! 之後上禮堂果陣收到曼頭俾我o既聖誕咭~~~ 係我今年收到o既第一張........ 我個人比較懶, 唔中意諗每一張咭個別寫d咩~ 所以近呢幾年我都係送朱古力就算~~~~~
阿珊響歌唱比賽拿第3~~~~ 呵呵~~~ 真係"登"佢高興~~~~~~~ 響上課室果陣miss叫我代表7A去請校長上去食野......... 勁驚!!! 雖然我同過校長講過好幾次野...... 好彩最後都無失禮我地班!!!!!~~ 之後, 學校o既果個party超悶...... 又無野玩wor, 齋食野同傾計......... 不過食食下野, 曼頭走左上黎搵我地影相~~ 幾好幾好~~~~
12:30放學hen到12:40就閃左去搭西鐵返屋企~~~~~ 真係好~~~ 返到屋企都唔夠12:50~~ 仲可以洗埋白~~~~
之後去到sally屋企就整曲奇~~~ 原本諗住整埋蛋糕架...... 不過因為無電動打蛋器, 所以無整........... 但係我同阿玉就做左人肉打蛋器, 整左d曲奇出黎~~~~~~~ 第1 round好靚架~~~~~~ 第2 round就有d"火農"左....... 第3 round就淨係焗兩塊特別o既~~~~~ 出黎o既效果好好啊~~~~~
後尾飲左枝酒, 好好味~~~~ 不過飲到塊面勁紅, 燒野食果陣仲有d暈添..................... 不過最搞笑o既係睇睇下佢地鋤dee個陣突然發現原來我今日有好多時間都坐左響左峰隔離, 之後eman話知道好耐................. 我同佢都無發現!!!!!
原本諗住肥仔會入黎....... 不過佢話好多野做........ 好唔開心架...... 仲好嬲添!!! 因為佢之前話唔會有好多野做啊嘛, 又應承我話一定黎接我wor................ 講過都唔算數o既..........
--------------------------------------------------------------------------------
2003 年 12 月 24 日 星期三 【微冷】
[DingDing]好早返到屋企...................
之後上左陣網, 抄左陣notes, 訓左陣就去左補習啦...............
補完習, 成10點幾自己一個去左肥仔公司等佢............... 好彩帶左書去睇, 唔係實悶死............ 不過...... 最後我都響果度訓左差唔多一個鐘先走得............ 都成點lu........
跟住落左尖咀話睇燈飾, 點知得返幾個........... 可能遲得濟........ 嗚...... 好唔開心........ 第一次去睇就咁啦................................
行左陣就返左元朗lu.........................
好想去睇多次......... 好想去"冬季嘉年華", 因為想"定"公仔...... 果度d公仔超大架, 抱住實好開心姐~~~~~ 不過..... 肥仔一聽到我話想去就話唔玩機動遊戲, 我又無講過話玩........ cher.....
--------------------------------------------------------------------------------
2003 年 12 月 25 日 星期四 【晴】
[DingDing]今日食埋早餐先設屋企, 終於都試左隻cappuccino蛋撻, 唔難食law~~
跟住返到屋企就上網, 上網, 上網................. 仲睇左三隻金田一添........ 好正~~~~~~~~~~~~ 終於都睇到lu..........
我諗今晚都無得出街架啦........................................ 係..... 我係好驚阿媽鬧, 但我都好想同你出街..... 之但係你話驚我俾阿媽鬧同埋你都約左你d fd 落, 我想...... 又點姐??
--------------------------------------------------------------------------------
2003 年 12 月 26 日 星期五 【晴】
[DingDing]最終尋晚去左佢屋企睇vcd~~~~ 不過我阿媽鬧我............. 唔理~~~~ 因為我真係好掛住佢~~ 我地響度睇魔戒, 不過睇左兩隻碟就訓左
之後今朝再睇過~~~~~ 終於都睇哂1同2啦~~ 好開心~~~~ 我之前仲話唔睇......... 依家覺得~ 好彩我睇左~~~~~~ 因為真係好好睇啊~~~~~~~~~~
收到兩份聖誕禮物~~~~ 係"偵探學園Q"同"新幹線繩"~~~~ 超正~~~~~~~~~
恭喜曼頭小姐願望成真~~~
--------------------------------------------------------------------------------
2003 年 12 月 27 日 星期六 【晴】
[DingDing]今日溫左d書, 睇左陣vcd, 上左陣網咁啦...........
朝早起身唔想落街, 所以搞到2點幾3點先去買早餐 + 午餐食~~~ 又係咁, 我最憎就係諗食咩, 所以又走左去M記度買野食...... 之後去左惠康送整朱古力o既材料, 希望好好味啦~~~~
夜晚同阿媽行街, 跟住行行下佢話唔想煮飯, 所以去左佛慈食野................ 3個鐘食兩餐...... 不過唔可以講出黎!!!!! 因為會"折墮"架!!!
聽日有得去"冬日嘉年華"~~~~ 好野~~~~~
--------------------------------------------------------------------------------
2003 年 12 月 28 日 星期日 【寒冷】
[cHaPmAn] 今日係我返呢份工以黎最早既星期六, 希望每個星期六都係冇野做, 不過冇可能. 呢份工係非人工作來的.
7點幾放左工, 同基賴浩然一齊去打波,上演左一場抽水之戰.好高興,因為抽哂水, 個o的人成日用reglation 作為保護自己既利益為藉口. 跟住就經常用手打. 睇唔過眼. 打人, 唔打波, 好高興~~
跟住去左請佢o地食糖水.傾左好多野, 好耐都未有咁樣既見面.希望可以同佢o地多o的出黎交談下. 食完野, 佢o地同我行去屯門站坐車. 離別說再見的一刻卻感到依依不捨. 何以會有這感覺? 或許這是友情. 我不想離開. 元朗並不是我的家. 我想我的家是屯門.我何時再可回到屯門住呢? 這是一個問號. 我也希望我現在是讀書中, 因為我覺得現在感到社會的現實. 我覺得工作得非常之累.是我這份工作的問題或是我經不起社會工作的考驗?? 我很想知道. 我每天也在想, 我幾時會離開這份工作.... 但我得不到答案. 因為現實終歸現實. 我只是比其他人早去面對這個問題吧...
我希望我能早點結婚. 因為我想每天早上起床的時候, 您會在我的身旁. 一起生活. 所以今天我與基的表弟接洽有關儲蓄保險的問題. 因為我現在要努力地儲錢. 去實現這個目標. 好嗎??
真懷念從前每天上學的片段.........
--------------------------------------------------------------------------------
2003 年 12 月 28 日 星期日 【微冷】
[DingDing]尋晚整o既果d朱古力我覺得好好味~~~ 呵呵~~~~~
今朝去左拜佛, 點知有個師父話同我結緣, 所以送左條鏈俾我....... 唔係幾好意思架...... 不過唔要唔得, 之後睇睇下, 條鏈幾靚啊~~~~ 呵呵~~~
跟住食完lunch就去左環球嘉年華(←我仲以為佢叫冬季嘉年華.........), 玩左四百幾蚊.......... 對唔住啊..... 不過有兩個公仔~~~ 雖然個size係細左dd~ 不過我好中意啊~~~~ 其實件野只要係有你同我o既回憶, 我都會好中意好中意架~~~~~~ 途中仲見到烏蠅添~~~~~~~
之後落左旺角.................... 好氣餒........ 搵極都搵唔到岩..... 一係靚o既就無size........ 衰格!!!
我開多個日記, 除左因為補疚我衰多口之外, 我仲想放日記去網頁度, 多d人嘛............ 依家個網好少人去...... 唉........... 你都好似唔明咁...... 仲話我係唔係特登為左佢先開!!! 我嬲啊!!
又話走果陣拿d朱古力走........ 又唔記得左........... 嗚...........
--------------------------------------------------------------------------------
2003 年 12 月 29 日 星期一 【晴】
[DingDing]今日9點幾俾阿媽嘈醒左........... 叫我去飲茶...... 唔啦...... 好眼訓..... 尋晚做野做到兩點幾先訓jar.............
之後訓唔返, 起左身, 又再做下野......... 跟住10點幾阿媽打黎問我去唔去飲茶, 今次我去啦...... 因為好肚餓.............
去到佛慈見到隔離檯好多以前佛堂o既人................ 又叫我返去...... 又叫我搵佢飲茶...... 哈哈~~ 如果我真係返, 我一早就返左啦, 唔使等依家............... 更可況, 我依家信佛幾好啊.... 起碼舒服好多~
跟住同阿媽去買冷, 因為佢想我幫佢織條頸巾俾極樂寺o既其中一個師父, 舊冷好平啊......... $39 jar........ 而且一舊就可以織到一條...... 好正啊........... 返到屋企起勢咁織............ 哈哈............. 4個幾鐘k.o.左佢!!!!! yeah!!
突然好嬲................. 電話成日響, 但係fax黎, 屋企無fax機, d人仲係fax過黎!!!! 阿媽唔明, 成日問我點算, 我話唔知就話我............ 又問我知唔知係邊個, 哼!!!! 好似係佢之前cut左個來電law!!! 之後我話你自己去話佢地, 話我都無用, 佢無聲出又鬧我......... 仆你個街!!!! 勁想鬧佢!!
d朱古力就黎俾我食哂啦...........................
--------------------------------------------------------------------------------
2003 年 12 月 30 日 星期二 【晴】
[DingDing]梅姐去逝了........... 好可惜..... 以前唔係好中意佢, 因為覺得佢好怪, 但係人越大, 就越欣賞佢o既歌, 仲有佢面對疾病仍堅持開演唱會o既精神........ 為o既, 唔係錢, 而係為左佢o既夢想同答謝佢o既歌迷..... 今年香港o既樂壇損失左幾位人才........ 唉....
今日懶左一日, 掛住睇金田一, 由起身睇到阿媽返黎....... 都幾變態!!!! 唉!!! 不過今晚要執野, 因為我將d書啊, notes啊等等乜都放左響張木梳化度................ 要將佢地分返類然後放好先得啦!!!!!
嗯............. 好想整靚個背景啊.............
--------------------------------------------------------------------------------
2003 年 12 月 31 日 星期三 【晴】
[DingDing]今日成日響度等...............
等到10點幾就出左肥仔公司搵佢, 仲響佢公司度倒數..... 搭正12點o既時候, 出面一班司機響度"響安", 好搞笑~~~
等o既期間, 我響度睇吶喊.......... 其實唔太明入面d小說, 因為係短篇.. 人物o既關係無交代得好清楚.... 好多時都要估, 好辛苦........
諗住上網參考下人地d閱讀報告..... 好可惜, 一份都無...... 唉...... 無方向添...... 點算好呢??? 最終send左內聯問阿sir......... 希望佢會check啦............ 嗚嗚.........
--------------------------------------------------------------------------------
2003 年 12 月 31 日 星期三 【晴】
[DingDing]2003年丁丁o既大事回顧
1月
半年~~~~ 不過果日好唔開心...................
2月
今個月最正o既係"朱古力日", 因為係我地首創而且又好多人參與o既~~~ 雖然之後有d老師話我地好似助長左d女仔表白...... 不過, 就算我地唔搞, 佢地都會表白架啦~~~~
第一個同男朋友一齊過o既情人節, 第一次整朱古力俾男朋友食~~~~嘻~~
第一次響紅館睇演唱會~~~~ 仲要係Eason o既~~~
3月
收到張會考o既準考証, 我o既第三次戰爭又要來臨...............
4月
沙士爆發, 我地放左一個唔知好唔好o既長假......... 希望以後永遠都唔好再有啦......
"失憶"界"女王", 一套戲中女主角叫丁叮o既戲~~~~ 不過男主角係古仔~~~~ 俾佢叫o既感覺~~ 好正啊~~~
整左游離子, d頭髮超直~~~~ 我依家都好想再整多次啊...................
5月
芋頭成立~~~~~
第一次損血, 幫到人, 好開心~~~~ 呵呵~~~~
第3次考會考...........
6月
仍然考會考, 唔溫書o既我, 好狗.................
7月
同肥仔一年啦~~~~ 希望我地以後有好多好多個一年啦~~~
第一次同男朋友入camp~~~~~~~
8月
會考兩科成績共6分~~~~ 開心到死啦~~~~~
仲有, 同曼頭成為朋友仔~~ 呵呵~~~~
我個網頁面世~~~~~~~~~~
第一次見報...... 哈~哈~~~ 不過其實我只係去影相..........
9月
中七, 一個我中一時從未諗過自己可以讀o既一級..... 我要努力!!!!
第一次接受訪問, 好難得o既經驗!!!!!
10月
學生會o既重擔終於都移交左俾人啦........... 當堂輕鬆哂~~~~ 笑起上黎都特別大聲~~~~
11月
19歲生日~~~~~ 點解我成日都覺得自己唔似19歲o既呢...??
整班衫!!
12月
發現自己好中意用不織布整公仔~~~~ 如果可以賣就好law..........
去左睇燈飾~~~ 不過因為太晏去, 所以得好少........ 唉.........
--------------------------------------------------------------------------------
(
geocities.com/hk/waha1112) (
geocities.com/hk)