| 2003年6月20日(五) 雨 |
好悲呀∼∼∼ 今日考西史∼竟然錯到ＸＸ咁∼∼＞＜∼∼ 太可惡啦∼∼！ 我星期一ｏ既中史一定唔衰得呀∼∼ 如果唔係∼就真係死得．．． ******************************* 番到屋企∼老豆同阿媽話去飲茶∼ 不過我無去度∼ 因為正係得我，老豆同阿媽三個去∼ 再加埋阿媽Ｄ工友∼∼ 我阿妹又未放∼∼ 去到都唔知做乜好．．． 最重要係阿妹冇帶鎖匙∼ 我都出埋去ｏ既話∼阿妹未無門入ｌｏｗ∼ 呵呵∼！睇我幾體貼呀∼∼∼ ******************************* 今日同Ｅｌａｉｎｅ啜啜ｏ個陣∼∼ 反應好似．．．∼∼∼＞＜∼∼∼ 呵呵∼∼真係玩得多過頭∼∼ 玩到上晒腦．．． ******************************* 琴日發夢見到施寶∼∼ 好奇怪呀∼∼好少發夢會見到佢嫁∼∼ 我見到施寶係度睇緊我手上ｏ既信∼ 而ｏ個時我就企得好高∼ 所以佢睇得好辛苦∼∼∼ ******************************* 突然之間好掛住某人．．． 唔知某人做緊咩呢？？ 唔知某人有冇諗起我呢？？？ ******************************* 最近我個妹一直發神經．．． 好無奈呀∼∼∼ ******************************* ＜完＞ |
| 2003年6月13日(五) 雨 |
今日係最後一日上堂ｌｕ∼∼ 下個星期一就Ｅｘａｍ∼ 第一日就考中文．．ｔｏｏ悲∼∼∼ 一Ｄ都未溫過∼∼ 真係死得．．． ******************************* 好無奈呀∼∼ 老豆真係好奇怪∼ 成日唔知人地講緊咩又加把口埋黎∼∼ 跟住我同阿妹傾計Ｄ興致就無晒．．．＞＜．．． ******************************* 今日黃色衫冇帶鎖匙∼ 所以黎左我屋企∼ 黃色衫真係好可愛呀∼∼＞＜∼∼ 個樣好甜∼雖然個腦正係得黃色廢料∼ （所以先叫做黃色衫∼） 不過佢真係好可愛∼∼∼＞＜ ******************************* 其實呢排除左某Ｄ事之外∼∼ 其餘時間都覺得好ｓｗｅｅｔ∼＞＜ 點解呢？？ 呵呵呵呵∼∼∼∼∼ ******************************* ＜完＞ |
| 2003年6月10日(二) 雨 |
呵呵呵∼∼∼＞＜∼∼∼ 好開心．好開心．好開心．好開心∼ Ｙｅａｈ∼Ｙｅａｈ∼Ｙｅａｈ∼ 真係好好好好好好好開心呀∼∼ 不過與其話開心∼不如話個心好甜∼∼ 真係∼∼好甜呀∼∼∼＞＜∼∼ 真係如願以償．．． 以前同Ｂｏｙｉ咁都冇覺得咁甜o架∼∼ 呵呵呵呵呵∼∼∼ ******************************* 今日應承左同學∼６月３０日會去ＢＢＱ∼∼ 但係而家其實都係係度心大心細緊∼∼ 因為仲未話比阿媽知∼ 如果阿媽ｓａｙ ｎｏ∼咁我點同Ｄ同學講好？？ ******************************* 今日車干再次打電話黎∼ 本來車干話會去７月１２日o既跳繩比賽o架∼ 不過因為他的阿媽唔比∼∼ 所以唔去得∼∼就連今個禮拜五o既練習都唔去∼∼ 希望Ｓａｒａｈ同表姨可以去得啦∼∼ 如果唔係∼我都唔知可以幾時再約出黎練∼ ******************************* 今日睇左璇新寫o既網頁∼∼ 好勁呀整得∼∼＞＜∼∼好羨慕呀∼∼ 我都要比心機學寫網頁∼∼ 一定要整得靚過璇∼∼ （．．．無可能．．．．） ******************************* 阿媽今日好燥．．． 唔敢惹佢．．．． 費事比佢罵．．．． ******************************* ＜完＞ |
| 2003年6月9日(一) 雨 |
哈∼∼好開心呀今日∼ 唔單止中史問書識∼ 仲真係夢境成真添∼＞＜∼ 上一次夢境成真係仲差少少先至一樣∼∼ 但係今次真係十足十o架∼∼ 雖然佢o既用意唔同∼ 但係動作一樣呀∼∼∼ o個一刻我真係有種好強烈o既感覺∼ 真係唔知點講先好∼∼ 仲之就好開心ｌａ∼希望可以成日發生就好ｌｕ∼ ******************************* 今日番到屋企∼車干竟然打電話比我∼ 好奇怪呀∼ 十年唔見一次o既車干竟然打電話黎同我傾電話∼ 仲同我講７月１２日可能會同我一齊跟老師出去跳繩比賽添∼ 實在太奇怪啦∼∼ 仲同我講左好多好奇怪o既野∼ 而且仲一直強調我已經變成ＴＢ∼∼ 救命∼！點解我會識到呢Ｄ朋友？？？ 不過講真∼∼ 車干其實係我唯一一個認為係朋友o既男仔∼ ．．．其實應該話佢係不男不女至真．．． （呵呵呵∼希望車干見到唔好斬我啦∼） ******************************* ＜完＞ |
| 2003年6月8日(日) 陰 |
今日好早起身呀∼∼∼ 因為約左璇１１點係小學練繩∼∼ 不過∼其實我都唔知練過Ｄ咩？？ 只係好隨便咁跳下繩同係度閒聊∼∼ 之後又去左Ｂｌｕｅｓｔａｒ睇衫∼∼∼ 睇中左一件好ｏ岩跳繩比賽o個一著o架∼∼ 係１００蚊４件O既純黑色Ｔ－ｓｈｉｒｔ∼∼ 但係我地有６個人∼∼ 唔知可唔可以５０蚊２件呢？？？ 璇今日好好笑呀∼∼ 一直係度唱"We shall over come∼∼"．．．． 只係唱呢一句∼∼∼ 真係超無奈．．． ******************************* 聽日有中史問書∼∼ 要問晒成個明朝呀∼∼∼ 點讀呀∼∼＞＜∼∼真係睇起都覺得煩！！！ 又要讀填充∼又要讀問答∼仲要讀埋香港史添∼ 嗚∼∼∼ｔｏｏ悲呢我∼！＞＜！∼ ******************************* 今日其實都有去商務呀∼∼但係就找不到本"黑暗之家"∼∼ 好想睇呀∼∼＞＜∼∼ ******************************* ＜完＞ |
| 2003年6月5日(四) 晴 |
而家上緊電腦堂∼∼ 網頁又己經整完∼都唔知做乜好∼∼ 差唔多成班都係度check e-mail∼∼ 得我一個無無聊聊咁坐係度．．． ******************************* 聽日就可以番小學啦∼∼好期待呀∼＞＜∼ 仲會有好多小學同學會番∼ 唔知Miss Chan見到會唔會好感動呢??? 呵呵呵∼∼ ******************************* 今日好似激嬲左陳瑜呀∼∼ 唔知佢係咪真係會嬲我呢．．． 其實究竟發生左咩事呢？？？ ．．．（超無奈∼）．．． o岩o岩cherry同我玩左個心理測驗∼ 係測我係咩型o既惡女∼∼ 結果出左黎我覺得幾奇怪∼∼ 好似唔係好o岩∼∼ 不過又好似真係咁∼∼ ******************************* 最近發現阿媽唔多理我∼ 我同佢講咩都冇反應．．． 究竟呢排發生緊咩事呀∼∼∼ ******************************* ＜完＞ |
| 2003年6月4日(三) 晴 |
星期五有ＥＰＡ Ｔｅｓｔ呀∼∼ 希望可以成功過關啦∼∼＞＜∼∼ 但聽日都有Ｍａｔｈｓ ｔｅｓｔ喎∼∼ 點好呢？？ 唔∼∼∼算ｌａ∼∼∼ 唔理啦∼∼∼ ******************************* 今日係端午節∼∼阿媽同弟弟去左游水∼∼ 老豆就出左成日街∼∼ 得番我同阿妹係屋企∼∼∼ 阿妹一直係度自言自語∼∼ 無奈o既我唯有一直聽阿妹Ｄ瘋言瘋語∼∼ 超悲的∼∼∼＞＜∼∼∼ ******************************* 呀－－－琴日收到信呀∼∼∼ 好開心呀真係∼∼事關太耐無收過信啦∼∼∼ Ｃｉｎｙｕ封信寫左好多野∼∼ 我一定要快Ｄ回信先得呀∼∼ 講起回信∼ 我琴日先發覺璇封信我到而家都仲未回∼∼ 實在太對璇唔住啦∼∼＞＜∼∼ 仲以為自己已經寄左∼∼ 點知原來擺左係床頭∼∼ 就係咁∼∼封信就被我遺忘左Ｎ年∼∼ ******************************* 星期五可以番小學跳繩呀∼∼ 到時又可以見到璇∼∼ 好耐無見過璇啦∼∼∼ 唔知會點呢？？？？ 仲有呀∼∼ 呢排黃色衫去我個板度同我玩法式濕吻∼∼ 嘩∼∼簡直就係．．．接受不了∼∼∼∼ ******************************* 其實我想講∼我琴日一直等電話∼∼ ｏ個個人都無打比我．．．． ******************************* ＜完＞ |
| 2003年6月2日(一) 晴 |
呵呵呵∼∼∼今天好開心∼∼ 除了明天要Ｍｕｓｉｃ Ｅｘａｍ之外∼ 可以話係無煩惱o既一日．．． 今朝一早出門口，仲係同阿媽一齊出，好耐無試過∼∼ 唔記得帶o既通告又因為o個個人無番而唔駛交∼∼ 可以好輕易咁逃過一劫∼∼！ 上ＩＳ堂o個時又好開心∼∼ 雖然好似好荒廢ＩＳ堂，不過係我覺得最開心ｏ既一堂∼ 因為上ＩＳ堂我都唔會聽書∼∼ ******************************* 今日聽小犬犬講∼小犬犬話之前發夢見到我∼∼ 好開心呀∼！真係估都估唔到∼∼原來仲有人會夢見我∼ 多數都係阿妹話夢見我，而我未聽過其他人話夢見我∼ 今次都算係第一次∼∼∼ ******************************* 今日o既兩個小息，陳瑜都同小犬犬係度打交∼ 與其話係打交，咁不如話係陳瑜欺負小犬犬仲貼切囉∼ 仲有呀∼∼ 今日證明左入學註冊o個日坐係我隔離ｏ個個好靜o既女仔∼ 原來係陳瑜∼∼太難令人相信ｌａ∼∼∼ 又係一樣令人估都估唔到o既野∼∼ 之後．．．上Ｍａｔｈｓ之前o既轉堂∼∼ 我同小犬犬係度玩"食人凳"∼∼好恐怖呀∼∼ 我發誓我以後我都唔玩呀∼∼＞＜∼∼∼ ******************************* ＜完＞ |
| 2003年5月28日(三) 晴 |
今日有中史o既ｔｅｓｔ∼ 本來以為自己已經溫左好多∼ 點知測o個陣先發覺有好多野無睇過．． 要背o既地方又無背熟．．． 真係想像唔到派番黎o個時會有幾多個交乂．． ******************************* 一陣會去接阿妹放學∼ 好開心呀∼！但係而家又唔係好想出街∼ 咁點呢？？ 但我唔會唔去接阿妹o架∼∼ 等咁耐終於有得去接阿妹∼∼ 我又點會錯過呢個機會？？？ 不過唔知阿媽比唔比囉∼∼ 如果阿媽唔比，而我又去o既話∼ 番到黎就實比阿媽打∼ 但我又應承左阿妹．．．． 呀∼∼好煩哪∼∼∼∼∼∼∼∼∼ ******************************* ＜完＞ |
| 2003年5月26日(一) 晴 |
好悲呀∼∼∼ 今日派ＩＳ卷∼∼簡直真係"滿江紅"∼ 嗚．．．最衰就係自己唔好好地溫．．． 而家後侮都黎唔切．．． 都唔知點同阿媽解釋先好啦∼ 本來打算唔講比阿媽聽o架．．． 不過我知我一定會發神經咁自己去自首o既．．． 嗚．．．ｗｈａｔ ｃａｎ Ｉ ｄｏ呀？？？？ 到而家先真正發覺．． 現實始終都係殘酷o既．．． 超悲的呢．．．． ******************************* 我阿妹呢排痴痴地∼∼ 成日係度發夢．．． （雖然阿妹係一個經常性發白日夢o既人．．） 但我覺得阿妹呢排發左好多唔實際o既白日夢∼∼ 我都知阿妹本身有Ｄ ＸＸ o既∼ 就好似而家咁∼ 我係度打緊日記，佢就係錦對住我講ＩＹＡＤＡ∼∼ 邊有咁變態o既人o架？？？？ 算啦∼唔講阿妹ｌａ．．． ******************************* 講番今日發生過咩事啦∼∼∼ 今日上堂ｏ個時（ＥＰＡ堂）胃痛∼ 所以食左粒胃藥∼∼今日粒胃藥好似唔同平時o個Ｄ∼ 唔知係我心理作用定係咩．．． ******************************* 今日還左本＜＜第十三個人格ＩＳＯＬＡ＞＞比小犬犬∼ 本書真係好恐怖．．． 今日我仲問小犬犬多重人格同精神分裂有咩分別∼∼ 不過經小犬犬講完之後∼我都係唔明∼∼ 多重人格即是話有好多種人格∼ 而每個人格都可以係有唔同o既性格同個性∼∼ 而精神分裂係由一個人格分裂出唔同o既人格．．． 而每個人格都係可以有唔同o既性格同個性∼ 咁即是有咩分別？？？ 始終都係唔明．．．． 天呀∼∼有邊個可以話比我聽呀∼∼ 呢個話題實在太深奧啦∼∼ 我決定唔研究落去．．所以．． 就此收筆．．． ******************************* ＜完＞ |
