隨筆32 29/3/03
非典型肺炎之怪現象
非典型肺炎肆虐了香港超過兩個星期﹐社會氣氛､個人生活都受到的影響。我自己就觀察及感受所得﹐發現了不少由非典型肺炎產生的怪現象。
1) 先說說這個口罩效應﹐為了預防此病﹐不少人都已經戴上了口罩﹐開始時﹐十人有一人﹐然後是兩人﹐到現在十人有一半以上都帶了﹐款式各異﹐什麼8210､實驗室專用､外科專用等等﹐各式其適﹐已經到了戴什麼口罩去顯示自己有幾"型"的地步。
「你戴哪款口罩?」
「我的是8210(我個係8310....電話咩)﹐可以使用三個星期﹐現在炒到$20個ga﹗」-- 終極裝備﹐防禦力+10﹐十分難得。
「我的是實驗室專用的。」-- 高級裝備﹐防禦力+8。
「唉﹗我只買到外科專用的﹐不過電視話足夠預防ga wor。」-- 一般裝備﹐防禦力+5﹐為大部份人使用。
用紙口罩的只有默默地靠邊站﹐還要被沒有戴口罩的人心裡恥笑﹕「紙的有個屁用﹐唔戴仲型啦﹗」-- 紙口罩﹐低級裝備﹐防禦力+0.1﹐自尊心 -10﹐唔知點解仲有人用。
2) 除了戴口罩能看人的身分﹐想"勁"仲有個辦法﹐就是有龐大的口罩來源供應﹐尤其在現在全民皆用的時間﹐口罩供不應求﹐數度斷市﹐能得一罩已是萬幸﹐遑論可以供給別人。
「(電話)....喂....阿三姑呀﹐我識人有口罩喎﹗你要幾個呀?」
「噢﹗唔使啦﹗我學校有得賣﹐我入0左三箱(無錯﹗係箱﹐咁先可以顯示自己既能力)你要唔要呀﹐我俾你先丫﹐雖然我仲要留返0的俾六嬸､八姨､九叔､七伯...(下刪二十人)(再度顯示自己能力)」
3) 這個不算怪現象﹐只是我個人的不明所以﹐明明電視及媒體經已日教夜教了如何使用口罩﹐為何還有人只罩口(或只罩鼻)留著鼻孔透氣??(註﹕寫完這篇文章的當天﹐我的朋友竟然都是這樣做﹐我不免開始懷疑正確的使用方法。)
4) 全城戒備之後﹐大家有沒有發現﹐就是街上靚女多了﹐好似靚女就唔怕被感染咁﹐全部都走在街上。(靚仔我就唔清楚係咪一樣啦﹗我行街都唔望男性既)後來﹐我請教了曹博士﹐由他破解了這現象。
「大家或者可以透過一個簡單的實驗﹐就知道這個現象的成因(大家可以跟住做)。首先﹐你注視著一面鏡子﹐然後帶上口罩﹐睇下!!呢個世界又多0左個靚女啦﹗(註﹕此實驗只適宜女性讀者﹐男性讀者請是但捉一位女性來做亦可)」
多謝曹博士﹐無怪乎近日咁多靚女在街上走了。
5) 好了﹐說完有關口罩的怪現象﹐轉轉說說其他。大家有沒有發現自從非典型肺炎爆發後﹐坊間報稱能治療或預防的偏方特別多﹐而且最重要的一點是「有人信」。由廣州盛傳的白醋開始﹐板藍根﹐然後從互聯網﹐公司同事不斷提供的湯料､藥方的偏方。什麼川貝﹐鮮百合﹐無花果﹐滋陰潤肺﹔什麼蜜棗﹐合掌瓜﹐南北杏﹐補氣益脾。甚至人們一窩蜂的爭相到藥房"𢴇番劑"能對抗病毒的藥。我不禁在想﹕「我真是孤陋寡聞﹐板藍根以前真是未聽過﹐睇中醫都未必用它下藥﹐咁小人買﹐現在可以清貨loo~~不過又唔見五花茶話可以對抗病毒既?梗係啦﹗五花茶唔怕賣唔去嘛﹐傻仔。」
係呢度我有一度湯水提供給我的媽﹕一罐忌廉粟米﹐一隻蛋打成蛋花﹐再煲水即可(此湯可以100%預防佢個仔--我--唔飲湯既湯)。大家不妨給一些"良方"你的母親。
差點兒漏了﹐就是這個偏方--益x多。我第一次在人地個留言板看到有人話要飲多幾支﹐當然0個個moment我當佢講笑既多﹐點知我返到公司﹐竟然有個同事好認真咁話要整番支﹐我諗益x多係有效ga﹗(註﹕再在我寫完這篇文章的時候﹐又有個friend send個message話大學有研究話掂ga wor﹗真係唔好唔信﹗)
6) 實際上除0左需要吸收多些營養﹐政府都大力宣傳﹐叫我們不要到一些高危地方﹐例如﹕醫院﹐卡拉OK﹐電影院等﹐呢D避得就避啦﹗至於電梯就最危險啦﹐尤其住得矮過十三樓既﹐無謂攪到部電梯層層停嘛﹗^皿^
其實﹐我有個大膽既方法﹐可以肯定避免有非典型肺炎。
根據邏輯四大定律中的矛盾律﹕對立的判斷不能同時為真。
"非典型"的對立是"典型"。即是說﹐若有了典型肺炎﹐非典型肺炎就不會出現在病者身上了。
7) 怪現象七---唔咳得。在我公司﹐十分注重這病的發展情況﹐有同事小小喉嚨痛﹐老細立即勒令他放假﹐令到其他人很不自在﹐當有人咳嗽時﹐隨之而來是立即的澄清﹕「我飲水濁親咋﹗」
8) 最後呢個point唔係怪現象﹐只係我對自己的有所認識﹐我老是說我不怕死亡﹐但是不主動尋死。但是我發覺自己潛意識裡發出一種信號﹐令我不自覺地接近它﹐我發現自己很沒有理由地拒絕戴口罩﹐而且並不擔心過染病的可能....(唉﹗唔講啦﹐費事比你知我咁多0野﹗>.<)
(註﹕我在翌日已戴上口罩﹐雖然我覺得該死唔使病﹐但是很多人唔係咁諗﹐尤其你最親的人....感激每個曾經叫我小心身體﹐戴番口罩的人)
Waibilly
29/3/03