隨筆8 16/7/02
估我唔到咁快有新作呢﹗當然啦﹐話題要趁熱丫嘛......
衛比理自辯還拖記
小B確實係犀利﹐咁快寫了復仇記﹐咪看她得一米四﹐實在牙尖又嘴利。
寫野又不留餘地﹐字裡行間有誅機﹐三倍句子還過黎﹐差點兒被妳激死。
幸好我今非昔比﹐練得一身好銅皮﹐任妳點插都唔死﹐大人不將小人記。
反而高興笑嘻嘻﹐皆因有人把我理﹐唔駛再唱獨腳戲﹐此詩名曰” 還拖記”﹐
逐點擊破還給妳。
我是喜歡衛斯理﹐卻沒想過與他比﹐他能上天又入地﹐我卻在此被犬欺。
愛理當然說道理﹐道理能化解戾氣﹐也能令世界更美。妳覺得道理放屁﹐
因為妳唔講道理﹐當爸爸是提款機﹐你的爸爸是阿J﹐有這女兒真谷氣。
講起食lunch真係悲﹐天生麗質難自棄﹐暴飲暴食都唔肥﹐既然食極都唔肥﹐
為何要折墮自己﹐第三世界無人理﹐留番食物比佢地﹐旁人冷眼不知己﹐
以為真的要減肥﹐一向我都好少say﹐既然現在妳提起﹐真相唯有講出黎﹐
信不信當然由妳﹐只盼善心照大地。
健康人生需早起﹐而且享受於夢寐﹐常在夢境得哲理﹐莊周蝴蝶夢裡記。
規律生活被迫棄﹐皆因有人要update﹐等到點零兩點幾﹐file佬只得一兩飛﹐
話走又話等埋妳﹐中指食指撐眼皮﹐唔睡對不起自己﹐咁就俾人話豬lay﹐
夠膽去camp比一比﹐鬥遲訓覺鬥早起﹐邊個至係真不死﹐唔好諗住要逃避﹐
妳訓我都吵醒妳。
你說在下很小器﹐真的是有點道理﹐不是被妳給提起﹐自己差點兒忘記﹐
童年綽號小器基﹐乜都可以嬲餐死﹐大個決心改脾氣﹐大事化小小化微。
其實妳都好小器﹐Ivan好心問下妳﹐究竟依家乜境地﹐唔知踩親邊條尾﹐
以為佢在串緊妳﹐串妳日日在量地﹐妳既羨慕又妒忌﹐”pop”聲收線收佢皮。
話我成日唔update﹐感覺唔係作出黎﹐有mood先有下一期﹐唔同普通既homepage,
可謂字字有玄機﹐update你地又唔黎﹐又話網頁賴神秘﹐查實妳在說自己﹐
秘密是妳先提起﹐休怪在下唔客氣﹐隔了半晚才說起﹐問認唔認得人地﹐
叫我唔知點答妳﹐答是怕妳不歡喜﹐答非話我唔犀利﹐還有害怕返屋企﹐
目的只是在逃避﹐若是”鄰舍”撞見妳﹐立即彈開九丈四﹐查實是禍不能避﹐
何不攤牌說道理﹐免卻後患無了期。
至於助語詞結尾﹐就當是我的把戲﹐一人將事情攬起﹐免得HiHi在生氣﹐
填詞是將心事寄﹐外間批評好少理﹐人地創作我歡喜﹐俾人鼓勵同打氣﹐
至少唔話人求其﹐落井下石將人欺。
口臭是我的標記﹐並非亂”up”二十四﹐串人藝術稱完美﹐么心么肺么肝脾﹐
妳想學我可教妳﹐這個徒弟收得起﹐好過他人藏心扉﹐在人背後講是非﹐
明槍易擋暗難避﹐光明正大地串妳﹐最怕人地黑面皮﹐有時扮下無心機﹐
其實心裡計算你﹐計你問左問題未﹐嘟嘴代表不歡喜﹐斜啤表示鄙視你﹐
如果加埋皺眼眉﹐心中暗罵詛咒你﹐唔講以為話緊妳﹐要知此妳非彼你。
個個都係我老死﹐點會煮豆燃豆箕﹐串妳皆因俾面妳﹐唔熟睬妳都有味﹐
難得個個玩得起﹐一覺睡醒便忘記﹐現在讓我教精妳﹐玩人是拿手好戲﹐
只要妳一有瘀皮﹐我便立即心中記﹐閒來無事”羅”出黎﹐便會把妳來調戲。
游水我是唔夠氣﹐但是我卻不逃避﹐積極練習顯生機﹐好過逃避既”人地”﹐
游水唔會帶裝備﹐又無”未”鏡又怕死﹐明明腳趾踮到地﹐游了兩下又顧忌﹐
抓住爸爸的手臂﹐爸爸無佢咁好氣﹐叫她自己顧自己﹐她卻嘟嘴不歡喜﹐
無聲抗議玩自卑﹐我是在說著”人地”﹐唔好以為話緊妳。
鬥歌原本我勝利﹐歌神爸爸幫著妳﹐我才一敗而塗地﹐贏了就說我賴皮﹐
夠膽再黎鬥多飛﹐單打獨鬥才合理。何止愛孔子仲尼﹐還愛孔明同劉備﹐
仲有關羽同張飛﹐個個最講係義氣﹐能夠士為知己死﹐後世立像又立碑﹐
偶像既野唔好理﹐妳都有個叫王菲﹐對她死心又榻地﹐學著王菲唱嫌棄﹐
當然會嚇親隔離。
自辯完畢還給妳﹐不要以為是最尾﹐還有東西say一say﹐女人心如穿梭機﹐
有時沖天飛一飛﹐有時墮毀跌落地﹐難以捉摸既心理﹐N/A message露玄機﹐
唔再斜啤皺著眉﹐但卻抿嘴”翁”著鼻﹐表情一樣咁離奇。乜都可以驚餐死﹐
有隻昆虫吻手臂﹐就說自己到死期﹐情緒低落無心機﹐美食當前亦不理﹐
淚水鼻水一齊黎﹐一條手鍊送給妳﹐破涕為笑便歡喜﹐實在有點兒兒戲。
唔好以為我係死﹐其實唔係想咒妳﹐只係衷心祝福妳﹐祝妳再高四寸四﹐
祝妳”鄰舍”同妳play﹐祝妳老細係隔離﹐祝妳嘟嘴又皺眉﹐羽翼長齊識得飛﹐
祝妳下次唔識死﹐執筆再寫復仇記﹐放長雙眼等著妳﹐有乜扶”fit”駛出黎。
妳說廿八句讚美﹐句句妳都受得起﹐而且三倍還過黎﹐現在兩倍回敬妳﹐
妳話要我踩玻璃﹐提早我今世死期﹐這樣就要謝謝妳﹐唔駛我自己排期﹐
這篇自辯還拖記﹐到了這裡應結尾﹐真係寫到手都痺﹐還望小B會歡喜﹐
看罷便將它忘記﹐不要置我於死地﹐原諒我這衛比理﹗