翱翔天虹 Rainbow Flyer
人生在世，總係有一件事，我同你都解釋唔到究竟點解會發生左出唻；
亦無人會估到點解會有咁嘅結果。
但就係每每發生呢啲事嘅時候，都一定會有能力可以豁出去。
至於整件事的情況，同一篇小說無分別……
１１月左右，我認識到“她”，之後，因為我長期的問題而同我多年的朋友起衝突，“她”都係我身邊辯解，最後更與她成為情侶。
我的朋友知道我拍拖的消息之後，不斷向“她”道出我的缺點，而“她”亦從我身上獲悉我的缺點……之後不斷出現嗌交的場面，每次都總會鬧得好大。
時間的洗練，我的好兄弟竟然愛上了“她”，而“她”亦既愛上了我的好兄弟之餘，亦繼續與我蜜運。期間她們二人更係我面前做出我為之心痛的行為……“她”竟然唔覺得係乜野一回事。兩個月後，一次的失誤，我和“她”終於分手，正以為我的好朋友會為我作出最後一次的機會之時，“她”竟然去左我另一位兄弟的家中過夜……
一次機會，總有一個期限，正當我盤算著如何和“她”重收舊好之際，我其餘的兄弟們竟然講左個我一定要知，但我唔應該知的事……
而家，朋友唔當係乜野一回事，而“她”係期限之後，無再主動聯絡我。
總括２００２年１１月直至２００３年頭三個月，要發生嘅事都有好多好多，每次都以為可以有能力豁出去。但……每次都係唔可以。
環境而論，發生咁多事出唻，我就算講左出唻都唔會有好多人相信；就算相信我所講嘅人，全部都叫我放手，唔好再理。
之後，我停一停•想一想，開始分析形勢。
站在自身立場：發生左咁多嘅事，我竟然可以無嬲到任何一方，甚至原諒埋佢地，因為佢地覺得跟本唔係乜野一回事；而且因為今次嘅事，我反而更加想保護我喜歡的人，一個大家都唔歡喜的一個女人。
但站在事實的立場，情況似乎唔係一樣：佢地係你面前發生呢啲咁嘅事，係我就唔再搵佢地，同佢地絕交；好心你都搵返班新朋友，甚至搵個新女朋友好過啦！
就咁樣，我多左個新嘅諗頭：我選擇放棄呢一班長不大的朋友，同時保護我身邊喜歡的人……雖然“她”唔太再喜歡我都好。雖然大多數人都贊同前者的決定，但對後者的決定似乎唔多討好……
始終，“她”的故事同埋性格都係吸引著我去保護的主因之一，而且“她”已經在她所作的事上向我致歉。其他人？一句道歉都無講到，猶如返回起點似的，當無事發生過。
最終，我呢一隻再次失落於迷失之中的彩虹之翼，終於係呢一個時刻……振•翅•高•飛。
好似音樂機明星之一的石川貴之所作的Rainbow Flyer一樣，無論以前的經歷同回憶要幾絢爛有幾綺麗都好，最終都有振翅高飛的一日，無論佢地用任何方式留住都好，都無視佢地的存在。
當然，要發現你係佢地心目中的存在價值開始變成零嘅時候，你同時又覺得佢地唔再重視你，而你發覺到你的問題足以同佢地反面的時候，先至係要走嘅時候……走個陣當然要確定自己有能力去改變你自己。若果佢地想幫你去改，你都可以選擇聽從，始終佢地都係你的朋友（不論佢地知唔知心都好。）；但如果發覺得到佢地只係想維持現狀先至要你去改的話……你都係同佢地講再見罷了。
可以前往個半月之後結果的後傳L'amour et La Liberte或者對我的文章給我一丁兒的回應
後記：發生左咁多事，我或多或少都要負擔一部份責任，雖然其他人覺得我無乜點做錯都好。自己最信賴的朋友指出我的問題，並唔係作出唻，而係長年累月累積出唻，只係我未去承認自己的錯誤。雖然佢地想幫我一齊改，但又忍受唔到我的缺點，事情去到呢一度，我都唔想俾人聯署叫我走而返唔到轉頭，所以我至豁出去；估唔到之後發生左一連串的事情，我一記順水推舟先更加決定要走……
成件事都可以話出於私心，我並無因為呢件事與“她”絕交，反而為左“她”而唔再同佢地一齊，佢地反正多我一個唔多，走左去都無所謂。
成件事要say sorry同埋多謝的有好多人：
say sorry：
穎儀 ：我都感覺到妳唔想我泥足深陷，但我再一次令妳失望，sorry；但我今次有聽妳話我無跌到落去，反而多謝妳。
Vicky：發生左事先至同妳講，sorry。
寶珠：同一件事令妳俾我煩左咁耐，令到妳覺得煩厭，sorry。
家人：令到你們擔心，sorry。
最對唔住係杏婷，最終我地所做出的一切令到妳放棄佢地……千萬分的致歉。
多謝：
Penny：雖然妳幫我唔係好多，但妳都不厭其煩咁聆聽我的故事，最終反而唔怕悶咁陪我行左一轉，真係要多謝妳。放心，我會識得點做。
“她”=若婷：唔係妳，我都唔會知道自己的問題，唔係妳，都唔會百分百察覺得到佢地的問題，如果唔係妳，我更加唔會有能力，令自己豁出去。係呢一度，我衷心咁多謝妳！