情迷•意亂
在我細細個到而家，都鍾情於一件玩具長達多年之久，「佢」
就係——記憶。
呢件玩具:
1. 令你/我/他可以隨時釋放出來,玩弄一番;
2. 亦可以隨時將之其然收埋,淡然忘記;
3. 隨傳隨到,永冇失call;
4. 永冇話有數量限制,兼且免費極大量供應!!
5. 並且可以任意修改,成為你完美的一部份……
但，記憶，又或者回憶……不斷不斷地修改•回望•銘記，個
後果可能係……令到人意識錯亂•依舊信守•不斷做出相同的事……
最後，就只會變得迂腐•冒昧……
相反，回憶可以令人回味之餘，還可以令人不斷思索•反思•
提醒……令到人自覺重新定位，重新開始……最終可以令人豁出去，
面對朋友／家人／條仔／條女……但，要人豁出去，已經好難，更
可況仲要係回憶中豁出去……
我自問我對回憶呢樣野，又愛又恨……但……回憶，的而且確
令人愛上佢•又討厭佢……終歸，回憶都係你生活的一部份•亦是
生命的全部……
究竟•你點睇回憶？
對我的文章給我一丁兒的回應
共鳴感∼∼∼
你可曾聽過一個故事，令你有一定的共鳴感？以下的故事，或
者可以幫到你……
時間：由你定
地點：是但
內容：隨你意願，不過你大多會置身事外去睇呢個故事……
忽然，你聽聽故事中途，突然好大感觸•心情忐忑•臉帶愁容
•輕帶落寞•兩眼開始帶有睙光……到最後……極有可能會
睙•灑•當•場!!
故事完結，結局如何？Sorry，唔好意思，係無結局！
可能你會覺得好好笑，好想打999報警，送我去青山……不過
，諗深一層，立時發現自己亦有同樣之經歷……呢一種就係共鳴感
的魔力。
其實，每一個人•對每一件事都有一定的共鳴感……只係每個
人唔會經歷晒咁多件事，去感受咁多的共鳴感……而且，並唔係咁
多人承受得到共鳴感……
而我可算是承受到共鳴感的一個傻人！因為每當一輪強烈的共
鳴感過去後，剩餘的只是一大論的反思而已……
而你•究竟係屬於邊類人？
對我的文章給我一丁兒的回應
遺憾
由過去，直到現在，再引伸到將來……
恆久以來，我都有好多遺憾，呢D遺憾，大都是自己有得「返
轉頭」之情況下發生……有些更係無法彌補的大件事！
我記得……小學時認識到一D人……開始同佢地熟稔……不幸
地，佢地要離開小學，遠赴他方……我連佢地的電話／聯絡地址
也沒有，就失去聯絡……遺憾！
我又記得……有朋友同我傾心事……但因為威迫利誘，又因
為一時意氣，或一時口快而爆左出來……結果係，朋友唔再搵我
傾心事……甚至，同我絕交……又遺憾！
我記得我朋友講過：「長此下去，我地無可能唔Delete你！」
我絕對認同……至少……第一：終於有人肯向我講出呢D礙耳的說
話……第二：原來我確實係一個唔守得秘密的……大•蠢•材！
事後……我開始彌補，雖然已經太遲，但我深信，時間會幫
我去淡化一切，重新開始……
至少……我有呢個信念!!!
對我的文章給我一丁兒的回應