二零零四年一月

一月31日星期六晴

今晚同趙子緯,曾文泉3條友去左適雅食飯.本來話什麼跆拳聚會.有成10幾個,唉,點知比人放晒飛機.食完飯一路係咁傾,食完仲係八號花園傾.不過震宇都黎左,有四條友啦!原來潘振浩拎左金盃賽冠軍,真叻仔.

俊汝都打比我,佢話佢要上機,我只好祝佢一路順風啦.......

一月30日星期五晴

今日決定夜晚出旺角搵媽媽食飯,我早到的關係在旺角行左陣,去左電腦廣場睇手提電腦,諗住買過澳洲用.之後去左沙嗲王食飯.可能多人的過係所以要同人地share張四人桌.小,講係就火!!對面個死八婆真係發姣發到........仲學人扮可愛.他媽的.......

食完飯去左買鞋,買左對cat 用黎出街.返到新達用左俊汝出黎坐.佢tomorrow要走,萬般的不原意.唔知我到時會係點呢?人就係要為前途放棄?講真我真係唔想去架.................人離鄉賤

一月27日星期二晴

今日同俊汝出左旺角.我地去左信和買碟.大家唔好誤會,並唔係4仔.係幾套高達,不文泰山,神鵰俠侶.我地大家夾錢,然後燒多套出黎.之後同佢去左網吧.打左一個鍾左右就走.然後去食麵.THEN又再陪佢買CAKE,去左帝京裡面,再係冇TAKE AWAY.之後四圍搵,去左新世紀廣場間雙子星咖啡屋買左件tirumisu<---(唔知有冇串錯).跟住走返屋企啦.返到屋企第一時間就係燒碟.有成五十幾隻碟要燒.

一月22日星期四陰

今日係大年初一,我訓到成點鍾.食完飯睇左陣電視就去搵黃曉晴同小吉佢地打機.我地約左惠康門口等,但係我等左佢地好耐佢地都未黎,我自己去打機先.打左好耐都唔見佢地,我本來想自己坐車返林村先,但係突然佢地又打比我,原來佢地遲左去IGAME,之後我又要落返去IGAME會合佢地,起初我地打算玩頭文字D,但點知有部壞左,我地之後落左開心.玩左半個鍾頭就走.

之後我地去百佳買曲奇餅同一.盒鳳凰卷,然後坐的士入林村.我地返到去,小吉正想拎盒曲奇餅出黎果陣發覺盒野唔見左.得返盒鳳凰卷.之後我同佢沿村路再行一次,但都係見唔到.十分之大怪,都唔知盒野去左返!?

食完飯後我地就打麻雀..........

一月19日星期一陰

今日係年假的第一日,但無奈要一早返去測西史.仲天寒地冬添,有點想繼續訓覺ge感覺!!測完後去左吉野家LUNCH.之後我同鍾智傑去左打機.我本來想打頭文字D.但原來轉左3代,仲要成$5一次.我就繼續玩高達.打完之後去左廣福溫書.溫到成六點幾就同瑩瑩去左食煲仔飯.

大約7點幾同俊汝去左旺角.佢話想去網吧打機咁我就陪佢.去到我叫佢去先,我去睇陣高達模型.我地打左一個鍾頭左右就走啦.之後我地去坐271返大埔,其間我可能傾左好耐電話關係冷落左佢,佢話好悶,又發脾氣!!同佢鬧左交,咁我傾緊好重要ge野都冇計架!!不過我地一定過幾日冇事ge!

一月17日星期六晴

今日約左高佬同俊汝食LUNCH,我地去左大埔咖哩屋.THEN高佬要返工,我就同俊汝去打機.打左都幾耐..之後我就返屋企執野然後去溫習,溫度六點去左睇跆拳.果度真係一個都唔識咁濟,桃花依舊,面目全非.之後繼續溫書,溫完後自己去左食煲仔飯.最後去左大埔廣場買戲睇.

一月16日星期五陰

今日天氣陰陰沉沉,我個心情都係一樣.原來今日中秋要返返星加波,我竟然唔記得左.都唔知佢下次返黎我仲係唔係在香港.LUNCH我同俊汝去左法國快餐店食野.返埋今日就放新年假,極之期待放學的鐘聲,但無奈最後係3堂英文.

返到屋企換完衫就同俊汝去旺角,其實我都唔知點解會出,都冇目的GE,見佢話返黎咁耐冇同我出街咪同佢出LAW.我地去到旺角行都冇行就去食飯.Then去左隔離間機鋪打機.打打下佢話好耐冇去過網吧,我地就去左網吧打機.返到新達去左許留山食左個甜品就各自歸家.

之後

一月11日星期日晴

今天同祖母參加林村攪ge旅行團,去西貢客家村同大尾督.真是十分無聊.我去目的都是陪佢.我8點45分去到林村許願樹,大約9點10分開車.去到西貢還要行一段山路才到目的地.去到見到一間屋仔,講真同我鄉下D屋差唔多,都唔知有咩好睇.

之後去左西貢市中心.大約1點先開始食野.祖母佢地就去左行海鮮街.而我就去搵國藝店.我四圍問人,終於比我搵到啦...哈哈....我入到去,以經見到有數隻麒麟頭.個老闆問我想要野.其實我只係想睇獅頭麒麟頭,點知佢咁熱情招呼我.我有D唔好意思,就口快快問佢有冇東莞麒麟,佢竟然話有,仲叫我上樓上睇.勁唔好意思.我見佢左搵右搵.都係話唔洗啦,我都係幫人問.佢話唔緊要啦,比我睇睇.我見佢咁nice同佢傾左好耐計,我同佢講其實我地先前見過.我見過佢在功夫閣耍拳.佢同爺爺同爸爸都係學朱家教.佢又帶我睇佢D獅頭,麒麟頭.我問佢有冇傳統佛山獅,竟然佢都有.佢仲要我舉,個獅頭好輕,比我以前那隻輕左有一倍,佢仲舞左幾下比我睇.之後我離開後在海旁見到爺爺,我同佢講我去過國藝店,佢聽到又叫我帶佢去.個老闆認得爺爺.佢地傾左以前好多朱家教ge威水野.佢地全部用客家話對答,好彩我識聽.

之後夠鐘食野,我地食海鮮宴.....頂,.....點知連魚都冇條,又唔夠飽.唉...........食完後坐車去大尾督睇動物.去什麼親親農莊.又係一個無聊的地方.大約4點幾就散隊啦.最後我地返左林村食飯.

一月10日星期六晴天

今日9點幾就起身出去同祖母and祖父飲茶,同佢地傾左陣後,就去左打機.黃曉晴比我果兩張卡好勁.一部係RX7 ,另一部係TYPE-R.我開始愛上打頭文字D,咁就慘啦....一定waste好多$$.之後返屋企溫陣中文.本來約左祖母去上水同姨婆佢地BBQ,但後來決定唔去啦.咁我就可以溫多陣書.

晏晝,我搵左中秋去寶湖食車仔麵.佢叫請佢,我一口答應左,雖然now我都冇乜錢,但係算啦,兄弟開到聲,冇理由拒絕ge......咁耐先見佢一次,唉later我去澳洲,佢就返返星加波,都唔知點聯絡添.佢話佢好唔開心,我陪佢去左開心打機,一機解千愁ma..哈哈.我就繼續玩我的頭文字D,而佢就睇我玩.之後佢要返我屋,SO我都返屋企繼續溫中文.夜晚我整理我的相片薄差唔多整成2個鐘.望住每張印象深刻的照片更能回味當天的事情,感覺真正.唔知幾時我本相薄可以攪完呢,最好唔好有這天.因為本野全部都放關於我同同學活動GE相,如果結束,等於同佢地失晒聯絡.

10點幾俊汝想搵我同佢傾計,其實我唔係咁想架,since tomorrow要同祖母佢地去旅行.不過我又唔like拒絕friend,咪應承佢啦.我地去左許留山食野,then又去平台坐,本來打算11點半前返屋企,點知一傾就傾到點幾,仲食埋宵野添

一月七日星期二晴天

今日返學唔記得帶鎖匙,最弊係冇得開knocker,攪到成日都冇書用.唉.....lunch去左法國快餐店食野.大約第8堂左右爸爸打電話比我,原來問我去唔去睇魔戒.我決定去.放左學之後我去左大姨屋企拎後備匙,then去左商務換返本書.之後就返屋企換衫.出到去旺角.在百老匯門口會合左爸爸之後就入場.今集都好好睇呀!!!戰爭埸面打得好激.正.....睇完後在花園餐廳食飯.之後在火車站等埋媽媽就一齊坐火車返屋企.臨訓前,我地要解一些問題,弄致大家有些不快.