10月的日記

10月30日星期六

今日起身,同samuel食左早餐後榪左4場波,唔知點解咁勁4場都贏晒佢.哈哈~,~,佢好唔憤氣話要再榪多局.但係唔得呢!!我地約左阿meg飲茶,其實我唔係咁想飲茶架,因為太貴啦.但係阿meg話突然想飲荼,咁samuel又冇乜意見咁,咁就大家決定去law.

我地坐巴士時見到kitty.不過同佢都冇乜野傾.去到city會合阿meg,然後我地行去搵johnny,我地經過一間漫畫鋪,原來裡面有好多漫畫借呀.samuel 都借左本.之後去會合johnny.然後一齊行去酒樓.哇!!!門口有勁多人,我地可能得4位ge關係所以好快有位.我地入到去就叫點心,果種感覺好正呀!!我係香港唔係咁like 飲茶,但係唔知點解入到黎好開心.而且今次係我第二次用筷子食野.我地叫左8碟點心左右,又叫左碟炒麵,大家都食到好飽.之後我地一路嘆茶一路傾計,真係好enjoy 呀!!!!原來唔係太貴咋,每人都係$10.我地仲決定每個月都去飲一次茶tim.

之後再行左陣china town.今次都算真正行china town .成條街都有好多香港人,感覺好似返左香港咁.我感覺到中國人身在外地的愁緒,感覺到中國人之間的幫助.雖然perth條唐人街唔大,但係我都體會到海外華人,睇會到唐人街.

之後行去火車站,有個鬼婆問我有冇錢,佢話冇錢食飯.咁我咪扮傻仔問佢講咩law.哈哈,佢再重覆多次,咁我咪又話再講一次please,佢可能guess到我唔會比錢佢,佢講左一大論野,我聽唔係好到,不過我聽到有個fuck字law.之後我就冇理佢去坐火車啦

阿meg同lily今日要黎我屋企做功課,因為我屋企可以上網.但係我地做唔夠10mins佢地就check e-mail同icq 啦~.~

夜晚home stay佢地要去開party,唔返黎訓.

10月30日 10:56pm upload

10月29日星期五

今日我終於都同左julie講我要轉班,我真係忍唔住啦~.~julie問我點解,咁我咪講晒我d原因出黎.我覺完都好唔開心,好似好hurt左 julie咁.我覺得julie係一個好好好老師.我要轉班唔係因為係佢問題,而係本身我地班就有問題.但...我真係唔想繼續waste 錢,waste時間係到.仲有16weeks我就要考curtin 個試啦.而家真係冇乜信心...

放學,我好急咁食lunch,然後就去學校門口集合.而johnny,阿鋒,lily, meg佢地想係睇我地玩surfing所以就跟埋黎啦.我地坐左成個鐘車,然後就到啦.原來係去我地屋企附近果個海灘.

去到我地換左衫,然後就去拎左塊surfing board.之後教練教我地一些basic 動作.然後就落水啦.今日天氣其實係好凍.我又係一個怕凍ge人.我一落到海已經凍到我想嘔咁濟.

我訓係塊板到狂游出去,但係游極都游唔到,因為太大浪啦~.~d浪大到可以衝返我上岸.之後個教練推我出去.然後扶住我,我滑到一兩秒就反左啦,不過真係好過隱. samuel 同kobe佢地都唔係好成功.

上返岸,真係凍到我震.好彩johnny幫我拎塊surfing board 咋.我地換返衫.Samuel又話想今晚黎我屋企訓.我又唔好意思拒絕佢咁咪話你喜歡law...

本來我今晚好多野做架,佢又黎左,攪到我好多野都做唔到.我真係要訓練下當我唔願意的時候要講唔好!!

10月30日 10:56pm upload

10月27日星期三

今日返到學校, jule寫左10個左右的生字,要我地搵佢地ge meaning同埋作一句句子出黎.做完之後我地就出發啦.jonney都可以跟埋我地去呀.佢係高我地一班,但係佢未去個zoo,所以特別批准佢去.good!!!最衰Samuel轉左班,如果唔係佢同埋我地一齊去就更正啦~.~

我地做完佢比我地ge work 後就開始行去坐船.我地係學校門口影相.阿傳用兩隻手捉住我,我用師父教我ge擒拿手甩佢,但甩極都甩唔到,姑果係到同佢鬥力.可能我學得太短時間,有好多都唔識用.

我地去到馬頭.然後坐船.去到對面海.再行10min路左右就到zoo.我地比錢入場後,jule就派左一張紙比我地寫低某些指定animals ge information.我地首先去睇Africa animals.見到有LION 啦,西牛啦........然後又睇一D鼠類動物.12點左右,我地去食LUNCH.動物園ge餐廳真係貴得無理,成10紋一個餐.果d餐仲係好似m記咁~.~好彩我今日整左麵包咋.我個麵包仲好豐富添,食完之後勁飽~.~然後去左一個大草地休息.之後去睇Australia famous animals.有袋樹,樹態.......我仲好近距離咁同袋鼠影相呀,哈哈.不過我喜歡樹態多d.我覺得佢地個樣蠢得黎又好似傻下傻下咁...好cute....到兩點幾,我地要離開了.其實有好多野都係走馬看花咁.樣樣野睇一兩眼就要走.jule派比我張工作紙當然做做下冇做啦,哈哈......諗想抄都抄唔到人架啦.因為個個都一定未做完.

之後坐船返city.我地行左陣街.我係target 買左條滑浪褲,諗住有時去沙灘著.good!!我諗左好耐,買唔買好呢.希望買完條褲後唔洗再買野啦.

今晚home grandfather ,home grandmother, home father 佢兩個女,同埋以前係到住過的日本仔一齊食飯.好熱鬧呀.食完飯佢地傾計.我好想走架.但係另一個日本仔又坐係到冇走,我自己走又好似唔係咁好意思,所以未聽佢地講野law.其實我真係唔係好知佢地講咩架.我見佢地講講下又係到笑,咁我咪又跟住佢地笑law.我幾時d英文進步到可以同佢地溝通呢??佢地傾左成兩個幾鐘,而我又係到坐左成兩個幾鐘.

點解世界有d人煩成咁架,得罪左人又唔知,又要懶係friend,又扮細佬.

點解又有d人咁show off架.周身超級名牌都冇比人打劫??

10月27日 11:29pm upload

10月25日星期一

今朝一早就去到city 啦,因為今日要做body check .body check都好順行咁完成,不過佢話6個月再要去驗過.~,~終於都了左件心事啦.......

之後返學,遲左成25mins,Nicola話我遲到.講左一大輪野.好彩診所比左封信我比學校咋.咁我咪拎比佢睇l窒住佢把口law.

小息時.發覺lily好似有d唔同咁.之後阿meg同我講佢今朝喊得好勁.不久阿慈又入黎問Lily,你盪馬有冇事呀?之後我未問samuel點解成班人都知.原來阿聲今朝周圍同人講佢盪馬.我發覺我地學校果班香港人真係好賤,只懂得奚落.真係好僧佢地!!!!到上堂時lily又走左出去喊........一個幾開朗ge女人總有軟弱的一面...

lunch,我地出左去食飯,見Lily咁唔開心咪請佢食飯,點知阿meg都要我請,不過都冇乜所謂.食左成$12呀.

lunch完入左班課,我問Lisa 係唔係佢放杯水係我後面.因為佢係大陸人,我要用國語問佢,咁我d國話又好好笑,自己未講已經笑,.咁又比Nicola罸左我出去,我問佢why,佢又唔答我,咁我咪出去law,點知原來Lisa都比人罸埋,真係唔好意思,累埋佢. 5mins 後我地入返班房.我聽到佢地一d又講tiger,一d又講rabbit.到nicola問我,我坐係到唔答佢.之後佢問我點解唔答佢,我未話just come in ,i don't know what u asked.咁佢未話你留心聽一定會聽到.咁都聽到?唔好玩啦~.~佢又叫我唔好比咁多煩佢,真係比佢吹漲.

放學了,今日好想早d返屋企呢.入lift 時.我見到成班香港人,咁咪叫佢地等埋law.之後Lily,阿Meg佢地又入埋黎,有人話lily入左黎部lift 會bebebe 聲.當然佢咁(講)係講笑啦.之後阿聲講左句,(唔怪得連隻馬都唔要你啦)..唔知佢有心定冇意啦,全部人都靜晒.出左lift個個都同佢講你係唔係未比人打過呀.~.~

之後其他人走晒.得返我,Lily,阿Meg, Johnny, Samuel,阿聲.咁我買完張搭車卡後就同Samuel講,我地都唔好係玩surfing啦,唔係浸親全校都知啦,Samuel望住我笑.然後話係wor.之後阿聲就係到鬧,你話我咪話我,做咩要單單打打............之後Samuel又串佢,佢地一路行一路係咁串.而我就一路係咁笑.之後我去完post office 寄野,就問Johnny同阿聲去邊.阿聲冇答我,原來佢係到喊呀.佢(衣衣俄俄)講左好多野,但係我聽得唔係好清楚.最後佢話自己知衰,又話自己成日講錯野得罪人.我地見到佢喊都唔知點算好,咪叫佢同Lily道歉算數law.

10月25日 10:04pm upload

10月24日星期日

尋晚唔知點解突然好有隱想自己四圍行下,所以決定今日去frementle. frementle係perth好出名ge旅遊點.

食完早餐,我就準備我的行裝,我整左兩個麵包,帶左一支水,兩白條焦同兩個蘋果.出到去bus stop 等車.我好討厭Sunday出街.因為miss左班車再要等成一個鐘.上左車,後面有班鬼仔勁嘈.忽然司機停左車,鬧果班鬼仔.

去到perth station.我再轉坐frementle line.去到frementle,我望到一個陌生的地方真係有d迷網,唔知由邊到開始先.我見到好多人都潮向一個方向,咁我咪又跟住law.行行下d人分散晒.我就拎張地圖出黎睇,突然見到有個值物展,咁咪入左去睇law.之後出返黎,決定去frementle markets先.行行下見到有架馬車係馬路上.

我再問一問人comfirm 位置.再單住地圖行,終於到啦.哈哈,自己一個揸住地圖行黎行去真係幾過隱架.入到去market,見到有好多水果疏菜.有見到好多地道擺設.唉,有時得自己一個,想影相又冇人揸機.咁唯有自拍啦,雖然我唔like自拍,但係都冇計啦~.~

行完frementle markets.我出返大街.發現前面有好多人.咁我未走去睇law.原來有d街頭表演.突然發覺自己身上少咁樣野.我望一望自己,頂,原來我唔見左頂帽呀.shit....果頂帽DC黎架,買左唔係好耐.我釣左係個袋到,我都有諗個會唔會趺呢,我諗趺左我會知所以唔放入袋.頂.....有早知真係冇乞丐啦,我行返之前行過ge路幾次,都係見唔到.成個人冇晒mood.連地圖都唔睇亂咁行啦~.~行到連自己都唔知行到去邊,行行下見到有個銅像,唔知點解覺得佢好似有d問題,原來係人扮架,扮得真係好似真咁.每當有人係佢身邊行過,佢就會親人唔知攪人,超好笑....之後見到有間運動鋪,入去睇左陣,買返頂帽.雖然我一直都想買多頂帽.但我唔想咁ge情況下買wor.

之後我坐返火車返perth啦..samuel好似話佢會去library study,我去左搵佢傾左陣計就返屋企啦.

有時自己一個四圍行都幾enjoy呀!!

10月24日 8:48pm upload

10月23日星期六

今日食完早餐,去左睇碟,又同home father洗泳池.之後我又跟左佢去買電單車電池.

返到屋企即刻出去趕車去火車站,因為如果miss左又有排等啦.去到perh train station會合samuel然後搵左處較險的地方lunch.佢整左個飯盒比我食.不過d米係用微波爐整熟,所以勁硬~.~食完lunch等埋阿鋒我地去左city library.間library勁大勁靚.我地搵左位後就開始溫書.我發覺都有幾多亞洲人係到溫書呀.

溫溫下我地出返city行.可能今日係weekend 啦,突必多人.我地見到有個人化妝化得好攪笑,係條街做默劇.我地坐左係到睇.睇睇下果個人做一個唔開心ge樣望住我地,我地同佢眼神交流左陣最終都覺得唔好意思,比左個銀仔佢.係香港好難見到呢d街頭表演,如果有一兩日後什麼報紙雜誌一定會大做文章.可能始終交化唔同啦.

全日條腰都好痛，一定係騎完馬ge關係啦~.~

情牽百子櫃終於睇完啦,真係幾有意思.唔錯的一套電視劇

聽日突然想四圍行下...唔想成日係屋企.哈哈~.~我要見識見識見識....

10月23日 11:06pm upload

10月22日星期五

今日食完lunch,我地就坐車去一個大馬場.大約要45min車程左右.落左車,我地嗅到好強烈的馬屎ge味~.~之後我地逐個逐個上馬.我騎的那隻馬都幾大隻.不過就唔係好聽話啦.佢個頭成日搖黎搖去.每個人都上晒馬後就出發啦.我地一個跟一個行.突然我聽到.有人大叫,之後有隻馬跑左上前.我望一望後面,原來係lily跌左落馬呀.....好彩佢冇事咋.跟住佢要比一個職員拖住黎行.我一唔行一唔欣賞沿途景色,真係絕!!!一大片森林,一大片草地,係香港真係冇可能會見到.行行下見到一大個海.之後又經過一個沙灘.係沙灘騎馬感覺真係正!!之後又上山,又見到幾隻野生袋鼠.

今次玩得真係好正.全程成2個鐘,自己控制匹馬.但係我匹馬就唔係咁聽我話啦~.~有時叫佢行佢有停.有時又食草,真係比佢吹漲.不過我同samuel都覺得前面坐住我地鍾意的人就更加完美....大家講笑遮...哈哈

這都是我留學的得益.一生的經歷.

原來今日係重陽節.去唔到拜婆婆添.返香港補返

10月22日 10:25pm upload

10月21日星期四

澳洲一到夏天就會有好多(烏蠅),頂.........佢地一見人就(嬲).今朝一路行一路拍烏繩.突然巴士係隔離經過.仲有10步左右到巴士站,我咪跑去扯車.點知我一路係咁跑,一路係咁揮手,個司機都冇停車.咁我咪行去另一個bus stop等.有一個鬼婆等緊車.佢突然問我有冇timetable.咁我借左我張time table比佢睇.我地等左成半個鐘先有車.唉....我地一路等一路傾計.佢話我d英文great good .~.~

之後去到city買左幾張post 卡先返學校.我遲左成15min.今日有新阿sir黎教.不過佢好似教得唔係咁好啦

返學我地陪joneny去recharge, then去左玩具反斗城睇玩具.全部大陸玩具都做晒名牌.

阿鋒話想學泰拳,johnny又話想學.我都好有興趣呀.

由今日開始我要進行自強訓練.我要變強.

10月21日 8:02pm upload

10月20日星期三

今日lunch出左去買,久唔久出去買飯人都會開心d.不過有飯帶當然會帶飯啦.

我d普通話乜真係廢成咁咩,頂..成日比佢地串.不過我勝在唔怕魚,哈哈...普通話都係我係到必學ge一種語言.

放左學我地又去改提款卡password.因為自從果次比佢食左張卡後yesterday又寄左張新卡黎比我.今次終於都改到啦.正!!!!!!!

本來佢地今日話落pub 架.但我唔係咁想去.samuel見我唔去佢又唔去,真係唔好意思.雖然我都好想去見識下,但下次先啦~,~.

之後去到warwick同lily去左好大果個shopping centre .我地係supermarket買左些少零食.點知到出返黎就落雨.本來我書包日日都有把遮架,但係剛剛yesterday執左...出黎.唉...早知唔執走啦...

今晚dinner好熱鬧.home stay 佢兩個女+佢細女bf都黎左一齊dinner.本來home father's mother今日到perth,但miss 左班機.要tomorrow再到.我地食完dinner 又玩pool game .真係good~.~之後同佢細女bf傾左陣.總算聽到佢講咩.但發覺自己英文進步得好慢.同未黎之前冇分別.

我發覺每日都唔夠時間溫書.似乎放學要早d返屋企先得啦

10月20日10:45pm upload

10月18日星期一

今日我地班果個中東女仔帶左條頭巾包住左個頭.原來係佢地個國家的特別節日.好似叫禁食.要由9am -6 pm 都唔可以食野,仲係要維持成一個月.好似好傻咁,但係都係要尊重返他國的文化.

今日teacher同我地講發夢.佢話每個夢每個情節都代表唔同ge野.teacher叫我地分享我地發過ge夢.咁我就同佢講. ( 有次我發夢,我的靈魂離開左我的身體.我見到我的爸爸媽媽.但當然佢地見唔我啦.佢地企係我的軀殼旁邊喊.果陣我感覺到佢地好愛我.呢個夢係真架,係我黎左perth幾日後發的 )

原來今日有香港的新人到.哈哈~.~我唔再係新人啦.睇佢地應該幾arm 玩ge!!

放學同samuel ,johnny 鋒,聲,佢地去睇入 body-building centre club 幾錢.頂,成$99一個月.仲諗住大家一齊練大隻添...哈哈..之後我地去左tea.今日好似見到勁多香港人呀

放到屋企去左附近ge公園練野.

我星期五可以去騎馬.實在太期待啦..哈哈,不過都唔便呀.$40騎得過2個鐘.

我所有價錢都係以澳元為單位.成6就係等於港幣啦

10月18日 8:09pm upload

10月17日星期日

鬧鐘8點左右就響.因為samuel佢要返教會.但最終佢都係放棄左.佢我地訓到成9點幾.大家都話榪完波,手臂,條腰好攰.之後我地就左去食早餐.之後繼續榪過.哈哈,起初大家都過攰到死.但一講榪波好似精神返晒咁.榪榪下home father mother佢地一齊玩.大家都好enjoy.

點幾.我地搵埋lily黎玩.samuel去左接佢,而我幫home father執住野先.

之後home father帶我地去左一個好靚好係靚ge beach,真係好靚.而且冇乜浪.好適合swimming.仲有一個超大滑水梯係海灘.超正!!!!!我地仲決定next weekend 搵人一齊黎swimming 添.我覺得我個home stay實在太好啦.我諗第時都唔會搬出去住.

呢兩日都冇溫過書.有d唔係咁安心ge感覺~.~

10月18日 8:09pm upload

10月16日星期六

今日晏晝做過d乜呢.好似冇野做過.係到ge星期六真係好悶好悶.

samuel 話想黎我屋企訓一晚.大家練習榪波.咁home stay又比咁咪叫佢黎law.我想同大家講samuel係個男仔.哈哈~.~我叫佢見到教堂做禁鐘落車.而我係巴士站等佢.點知我去到,見到架巴士剛剛走左.但係見唔到samuel,未即刻打比佢law.佢又話見唔到我.之後大家講左幾句我電話突然冇電cut左.頂,咁我未又跑返屋企換電再跑返出大馬路.又再打比佢.今次叫佢係個十字架到等.等左勁耐都唔見佢,又打比佢.講講下終於見到佢啦.

原來佢冇落錯車.只係比d草遮住左佢.攪到我見唔到佢未打比佢,佢見我打比佢又以為自己落錯車.佢又唔識路,又周圍行,攪到唔知行左邊.真係攪笑.不過打左咁多次電話waste左好多分鐘,係到d手電話費係奇貴呀架.

佢黎到,食左餐晚飯.home father mother 佢地今日又唔知邊個friend生日有party.佢地真係每個星期都有party ~.~咁佢地走左,我未同佢samuel佢榪波.榪到成5點鐘......咁當然我同佢都有進步啦.

有時唔係話邊個大個邊個,就邊個幫邊個呀.你要有人幫就一定要去幫人.

之後佢去左一間房拎床鋪黎我間房.點知佢話好凍.咁未叫佢黎我張床訓law.唉,兩個男仔迫埋一張單人床到真係....唉啦

10月18日 8:09pm upload

10月15日星期五

今日又係星期五,有個智慧test (eng test) + school picnic,不過我冇去picnic

今日上堂特別輕鬆.test 完玩左陣game就lunch 啦.係呀,今日miss要我地投上堂最勤力學生.竟然有一個同學投我,哈哈,我傾計多過聽書都有人投我,真開心.原來係lisa 投我.攪笑~~~~

我地食完lunch ,samuel 同lily 黎左我屋企玩.lily 要上網check e-mail.而我就同samuel 榪波.now愈黎愈like 榪波啦.係澳洲唔識榪波好悶架.之後我地想去踩單車.但係lily唔夠高,我有搵唔到d equipment 幫佢較低個座位,所以冇去啦~,~

之後我同samuel 去 city 搵kobe再榪波.我地都識左幾個香港人.佢地都黎左好耐.

好彩屋企有波檯.可以免費練習...

10月16日 15:15 upload

10月12日星期二

現在返學已經習慣了，沒有什麼特別的事情．

今日我開始冇同日本仔返學啦,以往大家在返學的路上一句說話那沒有,實在太唔好意思.或者佢都一樣一宜唔想同我一齊返學啦~.~現在咁咪仲好．我有我返，佢有佢返．

我地3個返到學校都有d home stay 問題向學校查詢.原來我地個home stay 唔知我地會繼續住.我地只係比左一個月ge 錢咋.所以佢地以為我地只係住一個月.頂,學校個死8婆,登到對眼勁大咁話我地個agent 咁做係wrong.關我地鬼事咩.又話我地住幾耐就比幾耐錢學校,再由校學比home stay,一次過邊有咁多錢呀.

上上下堂電話突然響.原來係body check 打黎,佢叫我留低晒d 資料,佢地會寄封letter 比我.

lunch ,同左kobe佢地買日本飯食.間日本野d飯幾好食架,有d似吉野家.價錢又唔係貴．

放學去左買成箱印尼撈麵．．．.哈哈...排有我食啦

有時一大班人,梗有d人會唔受歡迎.唔鍾意同佢地一齊.有時可能會係個人本身問題,對方個份主觀.又可能是國藉問題.......有時見到一大班人而冷落了某幾個,自己的心也不太好受,有點同情的感覺.

10月12日 7:57pm upload

10月10日星期日

今日afternoon ,我地三個去左city.我約左lily 係warwick station 等.之後再去city會合阿meg.我要坐巴士去warwick.唉,今日係星期日,一個鐘先得一班車.班次非常疏.可能係因為澳洲人個個都有車,對bus ge damend 低啦.其實係australia ,個個都要睇timetable 黎等車.我已經早3個字去等班巴士黎,點知等左勁耐都未黎.心裡面都好驚,好驚自己睇錯timetable,好驚自己miss 左班車.一直係咁等一樣未必有結果的事實,~~相當迷網.究竟繼續得落去好呢,還是放棄.有可能是時間未到,但卻可能是自己已經錯過了

好彩原來個bus 遲左黎,我去到warwick 會合lily,然後再去city 會合meg.

我地去坐叫做blue cat ge free bus .blue cat 係環繞perth city 行.坐坐下我地有個人同我地傾計,咁我未問佢kings park 點去law.之後聽完佢的講解,半明半唔明咁落左車.之後一路係咁行.終於都去左,今次我地拎左相機,可以影相.呢到個view 睇perth city 係最靚.好多介紹perth ge 野都會黎呢到影相.

行完後大家都好肚餓.我地去返city 食lunch.頂!!!星期日好多鋪頭都冇開門.都唔知咩世界.星期日先係黃金日黎架ma~,~我地想去食日本野,點知close 左.我地走左去食類似m記ge 快餐店.食食下阿meg 要趕巴士返屋企先.因為佢miss左就要等成個鐘先再有一班.我同lily就行左陣,我地入左一間衫鋪睇左陣,出返黎,條街突然少人左好多.好多鋪頭都close左.shit....果陣只係5點幾咋.唉...........澳洲就係咁.如果想去街切記唔好係星期日出.

我以為唔會有距離的存在.原來是自己天真的想法.

係屋企練左陣功夫.now冇師父執我d動作,打錯左自己都唔知~.~

爸爸今日突然打比我,話有個小學同學打黎搵過我.叫做梁家欣.佢話佢移民左去澳洲有成8年,不過唔係係perth.係布里斯本.佢仲留低左個電話叫我搵佢.梁家欣個名好熟好熟.但係我真係諗唔起係邊個.乜小學四五年級有同學移民咩??好似冇wor.~.~

10月9日 8:57pm upload

10月9日星期六

今日8點幾就起左身啦.不過就唔係好願意起身.成9\點幾先上去食早餐.今日home father有個朋友黎同佢地一齊食早餐.食完早餐後我返房玩電腦.點知佢地突然叫我出去行街.\唉,剛剛食完早餐就坐車好似有d暈車浪ge感覺.

今次我地去一個幾大ge shopping centre.果度都有好多野買呀.又有一個好大型ge super market.同home mother一齊買野,我好主動咁幫佢拎野,但係香港我絕少咁做.可能我咁做都係想博有好感啦.

買完野返返屋企.之後home father又落黎同我講佢地兩個女黎左.咁我未去同佢地打招呼.原來佢地都好nice架.大女似home father,細女似home mother.之後佢地兩個都走左.佢地同home mother好多野傾,點解我同mother係屋企好似冇乜野傾咁ge?唔知點解過到黎,有好多野想同佢講,有好多野想話佢知呀.

4點幾左右我同左個日本仔去踩單車,我地踩到去ocean 果邊.我地沿住ocean隔離條單車徑踩.踩左勁耐都仍然係ocean 隔離條路.原來香港同自己都係咁渺小.我地回程時唔記得返屋企條路.係果度搵左幾耐先可以返返屋企咋.簡直玩緊迷宮咁.

今晚home father佢地又有party.外國人真係識得用佢地ge weekend 呢.所以今晚得我同個日本仔兩個人食飯咋.

10月9日 8:57pm upload

10月8日星期五

我已經黎左澳洲一個星期啦.總算習慣~.~識到好多香港人,又識得搭車,一切都好好.

今日如常地上堂.不過有個test,個miss同我地默書,頂.係默,yesterday ,because, went咁ge字.我好想轉班呀~.~!!又比一大段英文,叫我地畫副圖畫關於段文字講咩.shit!!根本是一個智慧測驗./.\再咁讀落去,我諗IQ由原本200下降至20啦.

我地學校蓬星期五都有活動,如果唔參加就可以返屋企.咁我當然有參加左啦.我地係學校食埋lunch就一齊出去.今次homestay冇整lunch比我呀,所以要自己出去買.koby(即係好似中秋果個)帶左我去對面買日本飯食.都唔錯呀,價錢又合理~.~

之後我地成班人去左坐火車,然後去左某個站落車.之後行去海灘.個海灘靚到都唔知點形容好.一望出去,成個都是大海.一望無際.本來ge活動係打沙灘排球.但係我地班come from hong kong ge 就玩數字球.勁好玩.哈哈!!之後,走下又少d,走下有少d.得返好少人.我地之後去左影相.,然後有人建議去road show.即係好似香港冬季嘉年華.之後我地就坐車去玩啦.

我地去到,有勁多人排隊.原來要比入場費架.裡面勁多人.有勁多野睇.比香港熱鬧好多好多.我地一路行一路睇.之後我地去左玩機動遊戲.轉到我頭都暈呀.我覺得玩機動遊戲同比錢買難受冇乜分別.但係又唔知點解會玩,.之後突然見到放煙花.好靚呀~~好似維港果d咁大型.

我地個個都勁肚餓,因為成9點幾都仲未食dinner.之後行行下,去左買粟米.勁好味呀.不過就勁貴law~.~

之後坐車返屋企.好彩去我果邊d車班次較密.不過夜晚成條路勁靜.勁黑.自己行返屋企都有d驚.好彩home mother 有留返晚餐比我咋,唔係今晚都唔知點好呀

龍游淺水遭蝦戲是可等的若呢

10月9日 8:57pm upload

10月6日星期三

經過yesterday ge 教訓,我叫左home mother整lunch 比我,不過只係yesterday 食剩ge飯餸咋,不過都唔緊要,因為出去食野實在貴得驚人~.~

今日如常地同個日本仔返學.我開始識用個張搭車卡啦.搭火車其間我見到yesterday識果個香港人

今日上堂係練listening .miss比左張paper我地,然後播左一個節目出黎,要我地答返d問題.too bad,我一題都答唔到/.\都仲未習慣聽英文.

之後lunch lily帶左個pizza返黎,而阿Meg就去左買包.原來係lunch time有勁多人都唔出去食野架.咁梗係啦.出面d野貴成咁.好懷念以前lunch time 呀~.~

食完飯又上堂.我地去左睇書.我地傾計仲多個睇書咁濟.唉....

之後放學,我同lily都跟左阿Meg d 屋企人去開saving account.首先阿Meg開先.之後到Lily.聽佢地講唔可以開student account.因為我地未算係全日制學生.之後到我開啦,唔知點解佢又比我開student account wor .....之後原來我地屬於全日制學生.但係得我一個開左student account.佢地就要星期一再開過.因為間bank要close 啦.

開完不久我地行左陣就返屋企啦.原來阿Meg d 屋企人聽日就返香港啦.我now 好似同香港距離好遠咁....

澳洲有樣野好,就係買煙好貴.貴成香港一倍咁濟.所以我係呢到一定唔會食煙.買包煙不如買張電話卡打返香港好過啦

食完飯,home father唔知係邊度拎左張書檯比我,雖然張書台都幾簡單,但係唔知點解好開心.因為我間房一直以黎都冇書檯.now終於都有啦,真係太好.當好想擁有而又比你得到真係會好興奮.有時太易得到可能會冇乜感覺.

10月6日 7:15pm upload

10月5日星期二

今日係返學的大日子啦.鐘未響我已經醒左啦.我都見到個日本仔.我同佢講,hi, how are you ,my name is Edwin.佢就講左一大段日文出黎.我都聽唔明?.?咁我同佢笑左一笑後就去廳食早餐.食完早餐換好衫等埋個日本仔之後就同home father行去坐巴士啦~.~等左10min終於有車.我一上到車,home father就幫我入錢,感覺相當怪呀,成車都係金色頭髮的人.我地好似有d異相咁.

之後我地跟住個home father行返去學校.去到學校我見到阿meg,同佢傾左陣計之後我地入左間房.Lily都黎埋.之後開始做test.起初我一唔做一路笑.因為好容易,點知做做下愈黎愈難.之後有個老師叫左我去interview.同佢傾計都冇乜難度.因為我用好簡單ge英文ma.佢話佢好鍾意香港,仲話去過成20幾次.洗唔洗咁多呀~.~

之後test完,佢地介紹學校.然後又帶我地去行perth city,真係好似參加左旅行團咁呀~.~我,Lilly ,Meg ,同左3名日本同學去食lunch.頂,到到d野都勁貴呀.我地最後去左食越南菜.食左成$8.5,即係港幣$50幾蚊,真係肉痛呢/.\之後返返學校.我地去左一間特別室玩問答題,然後又叫我地去左一間課室.原來我地已經分左班啦.我地3個又同一班,真係攪笑.之後我地入到去都唔知做咩,咪同我對面的那位男同學傾計law.原來佢都係香港人,而且佢都係住大埔,真係好攪笑呀.我發現有個中國人好似中秋呀!!!!唔知係唔係未習慣返學呢,好似唔係好自然同唔係好專心啊.

3:15pm,終於放學啦.識左成班香港人.我問同我住果個日本仔返唔返屋企,佢話要去電腦室,咁但係home father叫我同埋佢一齊返屋企.咁我又唔想去上網wor.咁我咪問佢識唔識返屋企.佢話冇問題.咁我留低左我個手提比佢,叫佢有咩事打比我.之後我就跟左班香港人去行啦.真係好啦,第一日返學就識到朋友.佢帶左我去飲野.頂,飲杯野貴到pk.成3蚊杯.大約港幣$18.唉....第一日就用左咁多錢啦,too bad......

飲完野我地返返學校.睇下個日本仔係唔係到諗住搵埋佢一齊走.中途有個friend話要寄信.我地去左郵局,點知見到Lily.原來佢約左jojo....之後我地返到學校,個日本仔唔知去左邊呀.之後咪陪佢地去super market 買野整lunch.原來佢地home stay唔包lunch 架.突然發覺我個home stay 好好呀.我地係city 又見到d被稱為阿寶ge民族.聽佢地講出夜街要小心佢地,佢地經常問人攞錢.又經常野事.話未說完就見到有個阿寶同個黑鬼打架.比佢地講到有少許驚添.

之後我自己坐火車返去,我個home stay話黎火車站接我呀,佢真係太好啦.~.~正當我等緊我個home mother黎果陣,個日本仔突然打比我,佢話佢係bus stop.咁我未跑去搵佢law.點知唔見.之後home mother 黎到,我陪左佢去買milk.正當佢落左車,個日本仔又打比我話佢係唔知係邊度.同佢講左陣佢又突然收左線啦...之後home mother 車左我返home ,然後再出去搵佢.個日本仔打黎屋企.我咪見佢打去比home mother law.我講d number 比佢聽,唔知佢聽唔清定我發音差.我講左好多次先佢先聽到.之後原來佢仲係perth city..

之後home father 出左去車佢返黎.佢終於都平安返左黎啦,實在太好了.我聽佢同home father 同 home mother 傾計時,發覺佢講英文好似講日文咁~.~今日同幾個日本人lunch,又發覺佢地好簡單ge對答都唔係太識.所以大家唔洗驚呀,香港人出到去英文唔會太差架.

開始返學我要每日都溫英文呀.

10月5日 8:54pm upload

10月4日星期一

今日起身食早餐時home mother 同我講個日本仔搭錯飛機去左布里斯本.我聽到真係好想笑呀,佢聽日就要返學添架,希望佢趕得切啦.

食完早餐無聊得濟係屋企到行黎行去.突然home father叫我,佢話佢地去買野.問我一唔一齊去.咁我當然話去啦~.~我地去左一個大型購物地方,裡面賣好多花園工具,又有好多盆裁.聽佢地講,好多人都會黎買好多野返屋企怖置佢地個花園.home father 就同home mother 佢地揀野.而我就幫佢地推車仔.唉....以前媽媽叫我陪佢去買餸.我一定唔會去,唔知點解突然好想陪媽媽買餸呀,不過呢個機會要等成一年後啦~.~真係針唔刺到肉唔識痛.

晏晝,home father 帶我去遊車河.我地去左好多地方呀,又去左海灘,又去左一個碼頭,又去左一處好多年青人ge地方.

夜晚我地叫pizza食呀.原來呢到外賣pizza 要自取,冇送外賣服務的~.~我就陪home mother去拎pizza啦.我覺得pizza hut d pizza 好食過澳洲呀.

我10點幾就返覺啦,唔知係唔係興奮得濟訓唔著呢?突然我聽到home mother佢地把聲.原來個日本仔已經黎到啦.其實我好想開門睇下架,但當然冇咁做啦.好似唔係幾好意思咁.唯有tomorrow同佢打招啦.我好似有一種其怪的感覺.好似我多左個兄弟咁,可能我有細到大都未同過差唔多年紀ge男仔一齊住啦.希望我可以同佢相處得好好就好啦

tomorrow 要開學啦.放假放左半年有多,終於可以返學啦,有d興奮.我發覺我ge生活有好大ge改變呀.如果我唔係黎左澳洲.我ge生活又係好似以往咁返政府學校,放學就icq...

10月5日 8:54pm upload

10月3日星期日

今日天氣十分之好,天空一片雲都冇.又有些少陽光.不過係有少許涼意......今日係我在澳洲的第3日啦.

今日發覺條腰有d痛,可能係張床辱(林)得濟呀

起身後同home father and home mother 講good morning後就去食早餐啦.當然又係食栗米片啦~.~home mother 突然講開,yesterday去果個婚禮.主角係一個好出名ge泳將,佢就拎左張報紙比我睇,張報紙有一個topic係講yesterday個婚禮.我望一望個新郎.呀....我好似睇奧運見過佢呀.不過唔記得佢個名.

佢地好識享受放假ge日子.生活都幾寫意wor~.~唔慣得咁多人移民啦....外國ge生活的確比香港好得千倍.

之後我個home father出左去剪草同埋淋花.我未跟住佢聽下有咩可以幫佢law.我又同隻狗玩左陣.不久佢有個朋友黎左.咁我就返房唔阻住佢地.我返房睇情牽百子櫃.再睇返真係好好睇.好彩有帶碟黎咋,唔係一定悶死.

之後佢話食lunch.今餐係食bbq.佢地ge bbq 只係係個花園有個爐.然後放d牛扒,腸仔係到煎.我見到個lunch,又諗起扒王之王d牛扒一樣咁(硬),而且佢地又有好多不知名的伴菜.幸好我份人又勝在佢地敢食ge野我都敢食.黎到呢到唔可以揀飲擇食架.

食完lunch又返房睇陣劇集.然後本來想去上網的.但係home father 係到上緊網.攪到我上唔到.突然諗起爸爸.以前我話要上網,佢就一定會讓我,無論佢做緊咩都好..唉唔知佢地今日做緊咩呢??

今日成個下晝都冇出過去呀.因為我仲未識搭車.都未有朋友,都唔知可以去搵邊個.

夜晚home mother 話唔肚餓.home father就煮左公仔比我食.佢唔係用味精架.而係自己煮d湯出黎做湯底,都幾好味呀.

唔知點解黎到呢到會唔鍾意玩icq.可能上網時間有限,而且icq又浪費太多時間啦~.~

now係到ge日子都唔想難過,同佢地都相處得好好...

10月4日 12:44pm upload

10月2日星期六

今日訓得相當好.一訓就訓得著.可能係因為幾晚冇訓ge關係啦.唔知點解係張床勁唔願意起身.加上天氣又好寒.

食完早餐,home father車我去一個大型商場買電話卡.個商場都好大架.又有戲院.買完後就返屋企啦~.~

返到屋企不久,home father 同home mother 帶我去city.係澳洲有車真係好重要架.我個home father and home mother自己有自已ge車.一人一部.我都好想快d考車牌呀~.~我去到city.個city 雖然比我住的附近繁華.但係當然同香港冇得比啦.我又睇到我讀果間學校.之後佢車左我去山頂.相等於太平山頂.望到成個perth city 全景.果種感覺好似維多行亞港.佢揸架車兜左陣就返屋企啦.home mother就整熱狗比我地做lunch.唉...lunch都係食麵包.

之後佢地話要參加一個結婚party .佢地著到好靚咁出左去.仲話今晚又係得我自己食.叫我唔洗等佢地,佢地會好夜返.之後同佢講完bye bye佢地就走左啦.

我咪又繼續做自己野law.晏晝心血來潮想去踩單車(佢地有單車).不過要頭盔.極之柒.我咪打比Lilly 話去搵佢.我叫佢兩個字左右出大馬路等我.因為我記得佢住我附近.點知我一路踩,發覺原來我係唔認得點去佢屋企.咁我咪想打比佢話我唔識去你屋企,我唔黎搵你啦.點知我未出聲,佢話佢個home stay 帶左佢去商場.咁我今朝去過果個商場.所以知道點去,咪叫佢係m記門口等law.我等左陣,佢同佢個home stay都黎左.之後佢同個home stay 講bye bye.我同佢兩個就搵地方拍架單車.唉..我部單車把鎖係密碼鎖,我又唔知道密碼wor.於是我搵左個草叢收埋部單車,然後就入去行啦.我地見到有間類似萬寧ge鋪.yeah,我d日用品可以係到買啦.

行行下d鋪頭突然收檔.果陣仲係5點幾咋.有冇攪錯呀.之後我去搵返部單車,好彩冇比人偷咋,唔係都唔知點同佢地交代.然後我地去m記坐左陣就返屋企.我問佢你識唔識返屋企呀.佢竟然同我講乜唔係你識咩....原來我arm arm 打比佢,佢以為我係佢屋企門口唔見佢,所以同我講佢出左去.佢又唔知我唔識去佢屋企.今次真係大獲啦~.~

我咪同佢周圍行,周圍搵law.我見到有個牌有得學蔡李佛.我地行行下,諗返起幼稚園時老師教我地如果同屋企人失散左,就企係到唔好煜.我地今次真係盪失路啦.../.\,不過我地一d驚ge感覺都冇,相反覺得好刺激.個天慢慢黑,氣溫又愈黎愈低.我地行行下,見到有個人剪緊草.我地咪問佢呢到點去,佢拎左本地圖出黎,就話.哦,好易去遮.佢教我地行.我地就一路係咁行.Lilly就突然講,係呢到啦.....佢就開心呢....而我又要自己踩返單車返屋企.好彩我識返屋企咋.

我返到屋企又係食飯,沖涼,訓覺.夜晚真係唔知有咩好做.

10月3日 2:30pm upload

10月1日星期五

今日係國慶.剛剛我又在國慶的大日子低達了perth 機場啦

落機,同左個鬼婆講bye bye後就去會合Lilly同jojo佢地.我要幫jojo拎一箱野.原來係部電腦.果箱野真係好重.我地之後會合Meg.佢都係同我地一齊讀英文班.佢就好啦,同埋屋企人一齊黎.我,Lilly, jojo 3個一齊過關.唔知點解我同jojo都比人收左本passport.佢叫我地等一陣wor.都唔知咩事??之後等多一陣.佢比返本passport我地.然後我地就過海關啦.低b架,我比個海關職員狂問我有冇帶呢樣,帶果樣.最無聊係問我有冇帶條蛇黎.我帶條蛇黎做咩呢??

我地都順利過關啦.jojo佢表姐黎接佢.而Meg就同屋企人去酒店.得返我同Lilly.我地出到機場,有一個鬼佬拎住我地英文名ge牌.原來佢係黎接我地機.我地上左佢部車.然後就去我地home stay啦.原來perth天氣咁寒ge.好彩我有帶幾件冬天衫黎咋.係車上我同Lilly係咁講不如我地第一日就出city 行下啦.我地傾傾下,發覺冷落左個鬼愈佬.我地咪同埋佢傾law...原來Lilly d 英文同我一樣都係.......唉

不久Lilly要落車啦.坐多陣,我都要落車了.我個home mother出左黎接我.佢都好熱情呀.佢話星期一有個日本仔都黎.我本來住間較細的房.之後我咪話想住另一間.即係日本仔果間.home mother話好wor.咁就太好啦.鬼叫我早過日本仔黎3日咁多咩.星期一見到個日本仔同佢講sorry 先,哈哈.......住左佢本來住果間房.

home mother係咁向我講解間屋.間屋真係好大呀.果然真係有桌球檯同埋泳池.仲有一隻好老ge金毛尋回犬.我出入原來係用password,真係勁先進呀.我個home mother話我d英文唔錯,聽得明佢講咩.哈哈,其實我勝在識扮野,唔明都扮都好明咁遮.

訓左陣.然後上樓上搵home mother,原來佢兩個女都黎左探佢,佢介紹左比我識.之後home mother整三文治比我食.令我諗起法國快餐店.之後我又執行李.我問home mother可唔可以比我整條私人電話線.佢話唔可以,真係有d失望呢.

之後home mother出左去.得返我自己係屋企.外國人真係大膽.佢地arm arm識我就敢比我一個係屋企.中國人是一個古惑的民族.可能是因為對人有過份的戒心啦.

不久home father返左黎.佢揸車帶我四圍睇.perth真係好靚.返到屋企,佢又教我點可以上網,但係用佢部機去唔到中文網頁.之後我咪話用我部機law. yeah,我部電腦可以上網啦,不過唔可以經常online.

夜晚home father同home mother話要去一個party.得我自己一個係屋企.我成晚係屋企行黎行去.差唔多做左屋住咁濟啦.

我10:30已經訓覺啦,本好耐都未試過咁早訓覺啦.

結果今日都係冇同Lilly去到city.今日打左好多次電話比爸爸同媽媽,唔知佢地做緊咩呢?

10月2日 2:41pm upload