lily個日本妹星期六返左日本,又有一個新ge日本妹黎啦,佢話個新日本妹跳舞好勁wor.

放學同阿meg and lily佢兩個去左china town 買野煲湯.哈哈,home father 同home mother 佢地唔係到我先敢煲咋.佢地係到我都唔好意思啦,用咁多煤氣.我係到一淡湯都未飲過呀,好彩媽媽教過我煲湯,唔係真係死啦..我仲應承佢兩個聽日帶d湯比佢地飲tim.

講起買材料就真係攪笑啦,樣樣野都係唔同地方買,我煲ge係紅蘿蔔,粟米煲豬骨.首先我地去左凍肉鋪買豬骨,然後四圍搵紅蘿蔔同粟米,好多地方都冇新鮮粟米.之後行行下終於都見到有粟米啦.之後係紅蘿蔔.我亦都好快搵到啦.本來諗住煲埋栗子架,但係搵唔到栗子.so...........我煲湯只係用左3樣材料.

返到屋企我當然好快咁出水,然後就煲湯啦,突然興起想整炒飯聽日做lunch,之後拎左home stay d 米.我搵極都搵唔到電飯煲,於是未用煮麵果d煲, so係用明火煮飯law.....等到d水乾晒就開始放材料落去炒,有牛肉,雜豆,腸仔.然後就放埋d飯,茄汁.....炒呀炒.....終於都炒好啦,一碟樣子不錯的西炒飯..於是我試下食,點知.........d米好硬~.~唉,算啦,希望聽日放去微波爐時d飯會林d啦.

之後打比grandmother 同grand father,又打比媽媽,同佢地分享今日自己炒飯同煲湯的事.佢地都係到笑.我煲左3個鐘,終於都飲得啦....ho.....真係好正呀,我係perth ge第一口湯呀,仲係自己煲架,真係好有成功感呀~.~突然對煮飯好有興趣呀,學多門手藝都好ma....

我試過d湯啦,味道都算不錯,希望佢地會鍾意啦.有時辛苦整完一樣野好想得到別人的讚賞,點解,以前我食飯總喜歡裝出難看的樣子,傷盡母親的心.

11月30日 6:50pm upload

今日睇左3套戲呀.

寶貝智多星~~我由好細個已經開始鍾意呢套戲架啦,佢每年christmas 都會係電影播,當然啦,我每次都有睇啦.以前睇完之後都會諗今年爸爸媽媽會買咩禮物比我呢??好耐好耐都冇呢種感覺啦,真係好想重拾呢.

之後係夕陽天使.

夜晚就同個瑞士佬and 日本仔一齊睇驚世未了緣.個日本仔唔知點解無端端走返黎,可能係太掛住我掛...講笑

今日阿ming打黎問我去唔去海灘,不過最終冇咩人去so取消左啦.佢同我講yesterday我上次星期五去的那個海灘有人浸死......唉,果個海灘真係好危險,下次都係唔去果個啦.

william 同阿權又突然走黎我屋企話要榪波,頂,真係有冇諗過我得唔得閒架.你咁遠行到黎,我拒絕你又唔好意思,唔拒絕你又對自已唔住.真係火到扯埋

11月30日 6:50pm upload

今日我又同個瑞士佬去左游水啦,哈哈,今日天氣真係好適合游水.今次去fremantle附近的海灘.去到已經見到好多人.我地咪搵左個比較陰ge位置黎灑太陽.暖粒粒的陽光照落黎真係好舒服呀.之後我就拎塊body board出黎玩.之後又返去灑太陽.又d驚返到屋企會甩皮tim~.~

返到屋企,見到有9個miss call,點知原來全部都係william,真係有點兒失望呢~.~夜晚係到溫書,但始終有點兒力不從心呢.

11點幾,我見天空咁多星星咪問william 出唔出黎傾計,我地傾到成12點幾.唉,今日都冇咩點溫過書.咁又過左一日啦.

11月28日 5:32pm upload

今日係Ansen ge生日.佢係我最friend的一個中 國朋友,我當然有買禮物比佢啦.不過我yesterday晚返到屋企先知,冇時間買禮物比佢....所以今朝先買咋....哈哈,就係買包煙比佢啦.我仲用timetable做花紙呀...佢收到好開心...唔知點解我好鍾意同佢玩,可能大家都講得笑啦,佢成日叫我做仆街,我又成日叫佢做仆街,咁當然係講笑果種啦.有時我又覺得佢幾慘,我都唔知點講啦....總之一句生日快樂啦

今日放學都好早返到屋企.見到我門口有個箱,哈哈,係爸爸媽媽寄比我個份包裹呀,等左40幾日終於都到啦....我急不及待開份包裹..又好多野呀,真係好多謝你地為我做的事情呀.裡面唔單單有我想要的東西,還有你地對我的關懷,我一一收到晒呀

點知瑞士人比我更早.我咪問佢想唔想去beach.之後我地3點幾就出去啦,去到beach 感覺愈黎愈凍,仲有少少雨呢,而且d浪好大好大,真係好危險.點知落到水,原來d水都唔算太凍...我bring 埋塊body board去玩,真係好好玩呀,d 浪可以推我返上岸....d浪ge水力大到我真係個心好怯,尤其係d水退後果野,真係成個人比佢扯返出去..我地遊左20min左右就走啦,哈哈,坐成個鐘 車,但係游得20min....不過都係開心ge

夜晚我地餵隻狗,但係佢唔肯食野呀,真係有d驚呀.夜晚我地以為home mother訂左pizza比我地今晚食,但係等左好耐都未黎,所以我地決定打電話叫pizza 呀,哈哈,幸好我都用我的英文同pizza shop ge職員溝通呢.

11月27日 10:45am upload

今日我地去perth ge 科學館,其實我好唔想去架,我對科學興趣又不大,而且又要比成7蚊入場...我地又諗過成班男仔唔返,去海灘玩~.~,不過當然係講笑啦

perth ge 學館仲細過香港~.~其本上佢有ge我已經係香港玩過見過,而佢冇ge我都可以係香港見到.裡面真係悶到爆呀.行左陣已經唔想行啦......

之後去左city library 食lunch,而有d同學就去左買飯.

原來阿ming都係客家人呀,哈哈,在一次無意之中知道,之後佢周不時都用客家話同我講野,佢話佢以前跟佢阿婆住所以識講客家.唉....我以前住客家村,點解我會學唔識架.以前成日扮cool,爸爸叫我講客家我死都唔開口.

放學去左租碟,之後去買野飲,又見到阿ming佢地.阿ming 臨走時用客家同我傾左幾句.比鋪頭個女仔聽到,佢又用返客家同我地講野,原來佢都都係客家人呀.....

返到屋企打電話比師父,因為今日要上堂,成班師兄弟都係到.不過我打到去佢地掛住睇碟,冇人得閒同我傾,唉,真係唔開心呀.

夜晚瑞士人又同個日本仔去pub 啦,今次我冇去啦,留返係屋企溫書.

11月27日 10:45am upload

放學去左學企附近GE shopping centre買左一塊body board 同一隻啞呤..拎返屋企拎到我死咁濟呀,以前新達有咁多野練我又唔去珍惜,到而家先發覺原來自己係咁鈿粒先識發奮去練,但係到樣樣健身器材都貴到爆呀....唉.......

近幾日真係熱到爆呀~.~我諗我真係要買支太陽油先得...

今日終於同samuel 講左叫佢唔好搬過黎住.拒絕人的感覺真係唔好受.不過寧可我負天下人,莫被天下人負我

夜晚同瑞士佬榪波,佢教左我少少榪波技巧.(you must look at the target same as fighting.)所有野我都唔可再以現在為目標,我ge眼光一定要向遠處望.做人做事一樣.

那種感覺又再重現.

11月23日9:10pm upload

返到屋企,個瑞士佬買左本書係比我呀,本書係介紹瑞士呀.我真係好開心呀~.~佢仲每頁都係咁講解比我聽...佢對我實在太好啦,坦白講我地識左幾日,當真係感覺係好friend 好friend ge朋友.我一定會去瑞士探佢架....因為我現在ge理想係四圍見識.

個日本仔星期六搬走啦,心裡有點兒開心,但有點兒難過..難過唔係因為我唔捨得佢,而係佢走左之後,瑞士佬3個星期後又走,得返我一個~.~samuel 成日都話想個日本仔走左之後搬過黎住.起初我都覺得幾好架,但係.....最終我都覺得相處好同住難....我一定要諗個辨法推佢先得.對唔住,我現在學懂了拒絕.我情願見到面面阻阻都不願再令自己難受.

11月23日 9:11pm upload

11點幾william黎我屋企搵我,然後再係warwick會合lily.我一見到lily我突然諗起阿庭~.~因為佢今日拆晒佢d假髮.扎住條馬尾,真係勁似佢呀.不過我覺得 現在的髮型較襯佢呢..

去到fremantle會合阿meg然後就開始行.自己一個行同其他人行的感覺有很大的不同....我較喜歡同其他人一齊啦,沿途有講有笑ma~.~

我地去左hungry jacks 食lunch.勁講笑,間野d可樂任飲.meg 同lily 都冇叫野食.得我同william 食野.我杯可樂3個人一齊分,勁好笑.飲完後又出去斟,飲完又出去斟,臨走又斟左杯一路行一路飲....都幾賤架

之後去左fremantle market,有好多野都想買返香港送比人呀~.~我下次返香港的時候一定要係到狂買野先得..

之後又去左fremantle prison....唔明點解d人咁喜歡參觀prison 架~.~

之後坐車返屋企啦,係city train station 撞到日本仔同瑞士人.原來佢地今日去海灘呀,唉,我唔知,如果唔係我都跟埋佢地去海灘啦

食完晚飯,我同瑞士人同home father 坐係露台傾計.佢地教我講英文,原來好多英文香港人一直都讀錯架,而且講出黎人地會唔明,eg enough,同in love...睇黎我有好多野都要由頭學過啦

11月23日 9:12pm upload

絕招~~神槍---李書文前輩的『猛虎硬爬山』,六合自然門---萬賴聲前輩的『沖天一記』,花蝴蝶---常東昇師父的『快跌』,長拳---韓慶堂師父的『擒拿手』,王師松亭的『鐵胳臂』,精武---霍元甲的『迷宗技』諸家前輩先賢、無不是後世景仰的『高手』成名絕技又無一不是後輩競相學習的『絕招』.回頭看看這些『絕招』,卻又簡單的幾近平淡無奇的地步,要不是曾經由這些前輩高手施用過,保證你壓根也是不會相信,這些動作能叫做中國武術.『猛虎硬爬山』就是兩拳一肘,『沖天一技』不過是一封手一衝捶，『快跌』就是一搭手就丟,『鐵胳臂』就是兩圈手一橫扣,『擒拿手』不過是一粘手就扣把.多麼的平淡,又多麼的不足為奇；可是千萬別忘了、這可是千真萬確的『絕招』啊！

愛情~~自從她以後,很久很久沒有再遇到一個女子令我有好緊張,心跳劇烈的感覺.坦白說,雖然冇可能可以一齊,但我對她到現在維止仍是存有那時的感覺.或許我對愛情觀改變了.遇其找一個這樣的女孩,倒不如同一個夾的女孩相處.

往往當你鍾意人時佢唔鍾意你...

當你唔鍾意佢時佢卻偏偏愛上你...

點解自己唔主動問下佢呢?

以往，我們常常也眉來眼去．

從彼此的眼中，我知道，我倆之間是存有感覺的．

可惜，總是像沒有一次的好時機，令彼此一直也不敢開口．

機會咁就錯過

11月23日  9:12pm upload

星期三~home stay 果兩個女都係左.佢地見到我個短髮look 就話我愈黎愈似Australia boy 啦.

星期四~夜晚同左個瑞士人,同個日本仔去pub.本來唔係咁想去架.一來又夜,二來我又唔係咁飲得酒.但係見佢地講得咁高興咪一齊去啦.我地去果陣一路行一路講笑,真係好開心架~.~一個香港,一個日本,一個瑞士一齊去玩wor..............有時同外國人玩仲好玩過同自己人玩呢.我地去左一間pub.但唔係有好多人.之後去另一間,間pub唔知係唔係太焗同太噪呢.勁想嘔呀~.~可能+飲左啤酒啦.感覺唔係咁好受law.....始終呢種夜生活都唔係咁適合我,有得揀我會揀係屋企睇電飲可樂.之後返返去之前間pub,可能夜左ge關係啦,多人熱鬧左好多.我地又再入去飲過.當然我冇啦.個瑞士人成日話one more one more.我當然話no啦.....而日本仔就同佢一齊飲啦.飲到11點幾我地就走啦...日本仔好似唔係咁正常咁,可能佢有少少醉.而我整夜都只係似左一杯啤酒咋~.~

11月19日 8:43pm upload

william ,鋒,ming,權,仲有一個中國人入晒我地班.頂,本來由11個人ge班變成16個人.我仲洗講英文ge.......真係好想轉班呀.不過好彩(佢)冇入到黎.唔係我地位不保啦.回望我初初入黎的時候,我在班中沉沉默默,因為唔係好識其他同學.現在我就係班中最活躍的那個.哈哈~.~.....黎到呢到,唔活躍識唔到朋友架.

問kitty 還返3蚊.佢好似冇乜意慾比返我wor...算啦,當買個教訓,等下次唔好再笨先得.有d教訓真係要用錢買返黎呢.....

放學同johnny 去左做一樣好大膽的事情----就係去左剪頭髮啦,龔俊汝提醒過我係到千其唔好搵鬼妹剪髮,因為佢地剪得好.....ugly,但係我地見間野平未搵佢law.我又剪到勁短.算啦,40度的氣溫將至,短髮都係件好事ge....<自我安慰~.~之後同johnny去左飲野.

我係到識左個客家人老闆呀.佢係開租碟鋪架.佢同我傾計時我一聽就聽到有d客家音.我問佢係唔係客家人,原來真係呀.好開心呀,我未問佢邊度有客家麒麟學law...佢用學家話同我傾計,有時我都會用客家話答返佢...但係有時會講左普通話law.....識幾種語言有時真係會好混亂....聽到佢同我講(池家賢),真係好開心

返到屋企.見到床上有封野.哈哈,係師父寄比我ge 碟呀.等到頸都長啦...真係好開心.呢種開心係由心裡面笑出黎架.有時郵寄冇被internet 取代總有佢ge原因ge!!

home mother 見到我D頭髮剪到咁短,做左一個好驚訝的樣子.而home father見到我剪到咁短就指住我，he is a strange....佢地真係好funny

食完飯到佢地吹左陣水.....now 開始覺得自己英文有少少進步啦....之後william 搵我傾左陣計....

11月15日 10:31pm upload

晏晝踩單車去搵lily,之後去shopping centre.我同佢竟然係佢屋企附近盪失路.真係有冇攪錯呢~.~我真係好懷疑lily ge 能力...講笑

william 住得我咁近.有好有唔好.好...有時可以大家一齊出黎吹下水.唔好.....佢成日都走黎我屋企.

今日想打比阿媽.發覺打極都打唔到.原來我打錯號碼...我聽到your card balance is 5 dollors)頂,我果次明明仲有8蚊架wor....諗諗下,諗返起kitty 問過我借卡打.傾左成3蚊,死都要問佢攞返錢呀,我係到唔可以在對果班人咁(林).

每次同mother傾電話.總是覺得好多野對唔住佢咁.......有時有講左好多野hurt到佢,真係好sorry呀,有時真係唔係有心架.其實我好想可以同mother講心事,可惜冇人願意踏出第一步.

發覺現在講野有時好似龔俊汝咁,一樣咁狂莽自大....其實真係好令人討厭.

11月15日 10:30pm upload

晏晝阿鋒,william, samuel都黎左我屋企.我地榪左陣波之後就去bus stop會合lily.然後坐巴士去Hillarys(一個好靚的beach).我地落左車唔係好識行去,好彩問問下人都去到咋.去到我地放低晒所有野比lily睇住,然後衝落水.好快我地又衝返上岸.大家一齊叫(好撚凍呀)...d水真係好凍~.~不果黎到點可以唔落水呢.當然我地都有游水啦.果到有一個碼頭.我地仲係果到跳水tim.我地游游下上左岸灑太陽.我地帶左包薯片黎食.點知有好多海鷗走過黎.我地就掉d薯片落地下,引左好多海鷗埋黎,然後再用d沙嚇佢地,哈哈...超賤!!

返到屋企,william帶左我去佢屋企.原來我地住得好近呀~.~踩單車一分鐘就到.

夜晚,我突然發覺出面有個人係我窗口,我望一望原來係william 呀.原來佢突然踩單車黎搵我.哈哈....真係比佢嚇親.我地榪左兩局波佢就返返屋企啦.

11月13日 10:50pm upload

julie今日請左假,有個新ge老師黎代課.不過佢教野勁悶law.之後作文同做reading.

之後就放學啦.Samuel話now班日本人嬲左佢wor~.~

之後食完野我就去左computer room 啦.而samuel 佢就去city間library溫書.我整整下野佢打比我話佢想去食煙.咁我咪去陪左陣佢law.之後又返學校傾計.之後又去左行陣city.之後又去左美隆.我決定入會呀,因為可以租vcd睇.有時係到實在太悶啦.

而且我終於去左果間七星螳螂拳館啦.亦見到崔永成師父.佢間館都有幾隻獅頭,而且有好多兵器.第一次踏足外國武館~.~感覺都好新鮮呀,佢話60蚊一個月,蓬星期一,二都有得學,叫我星期一,二再上黎wor.我覺得佢份人都唔係咁nice.所以我冇諗住再去架啦.而且我都係貪得意去睇下間館遮.我亦同佢講我玩南螳螂未玩過北螳螂.佢竟然問我係唔係跟鄭運.我咪話我學竹林螳螂law.佢好似識又好似唔識,又問我係唔係邊到邊到學,咁我未話我係禾坑學啦,我又話我師公係黃毓江,佢又話好似聽過,問我佢係唔係扎獅頭.我都未聽過師父講師公識扎獅頭ge,係識都係識扎麒麟頭啦.

之後返屋企.去到warwick火車站見到有幾個鬼仔打架呀~.~佢地打架方法勁得意,好似跳舞咁.不久好快有policeman 黎啦

返到屋企好辛苦.唔知係唔係太耐冇食煙,今日食左幾枝唔慣呢?成日都作嘔作悶咁,最終仲嘔左2次添.唉.....真辛苦!嘔完之後訓左陣,大約9點幾左右醒左,之後去食晚飯,感覺好好多啦

夜晚有香港戲極速傅記做呀,真開心!!

11月13日 10:50pm upload

星期一~阿鋒同我道歉.我好大聲咁同佢講(行開啦,你!).其實我真係無嬲佢架,但係唔知點解好自然咁衝口而出....之後同佢講返(算啦,其實我都冇乜野)........放學同jonny去左拎本書仔,係用黎考車牌架

星期二~做過d咩呢,真係唔記得左~.~

星期三~今日好多人都要去參觀canning college. eap1 同 eap2一齊上......

星期四~今日,ice個父母突然係中國黎左探佢.聽講佢係唔知架~.~真係好驚起.我都好想有一日,我爸爸媽媽佢地兩個突然係探我,我諗果種感覺一定會快心到笑~.~lunch同左miss去食飯.放學行左陣city.打算買份Christmas present 寄返屋企.但係買咩好呢?.?唔得~真係有d野wor.

11月11日 5:57pm upload

home father揸揸下車突然問日本仔想唔想揸返去.之後日本仔就揸車啦.我都好想揸呀~.~但係......我決定下個星期去拎本小冊子報名考筆試先.我決定買架車.因為諗起師伯成日講ge一句說話(老豆養仔,仔養仔)要waste 佢地錢真係唔好意思.不過我應承我日後一定會雙倍報答佢地.我黎唔係玩,係為將來.

望到我屋企隻金毛尋毛犬.我就諗起點解其他咁得意,而佢比唔到一種可愛ge感覺我呢?佢已經有16年啦,聽人講人1歲狗7歲.佢即係112歲.相當之老.即係冇人用可愛形容老人家.我諗可愛並唔係因為個樣,而係活唔活躍.佢個樣同其他金毛尋毛犬一樣,但係就成日都訓係到,行路好慢同好震.我估人都係一樣.每一個人在孩童時一定好可愛,但大左就冇左那種感覺.因為人大左唔似得小孩般走走跳跳.所以我覺得咩人都好,總有過可愛的一面,因為每人都有自己的童年.

11月6日10:57pm upload

放學我地去左china town 搵工.原來china town 搵工好易架~.~我問左間,佢叫我星期日去試鐘,但係呢份工要夜晚6點幾先開始做,做到佢冇乜生意為止.但係我唔係咁想做呢份工law~.~行行下都冇乜心機搵工,之後行返去city行街.唉,有好多野都好想買呢,但見到個價錢牌之後就冇晒意慾啦,如果全部貨品ge價錢變晒做港幣就好啦.

11月5日 11:00pm upload

6點幾我同samuel去city library 會合佢d日本同學.佢地帶我地去pub.因為星期三間pub$5有一個dinner+一杯啤酒.我係間pub見到阿慈個班同阿明佢地.哈哈.....之後我地出去拎野食同啤酒.頂,我杯酒唔小心倒瀉左.得返1/4杯,不過都好,咁可以唔洗飲咁多~,~........食完野我地就係到傾計.我發覺原來日本人都唔係太差,我仲學左一種日本(梅)添.......間pub乜國藉ge人都有,有中國,香港,日本,澳洲,瑞士,越南..........真係攪笑~.~得閒黎玩下都冇乜所謂,不過成日就唔好啦.9點鐘我就走啦.有機會同多d唔同國藉ge人傾計都唔錯,可以體會他國的文化.

都唔明點解有d人可以甘願做軟體動物.

我都幾相信時間可以淡忘一切..

11月3日 11:00pm upload

返到學校julie就問我地班賭唔賭錢,其他同學話好~.~之後julie就話每人可以用$0.5買一隻馬,有24隻馬可以買.我本來都冇興趣架.但係比人詰唔應節咁咪事旦買左隻馬law.

大約11點左右我地成間學校百幾個學生去左一個大草地picnic.我地班每人負責一種食物.而我就負責買薯片.我地食完野後就有一個遊戲.一個人扒係到用兩隻手黎行路,而另一個就捉住扒係到果個人對腳.每班出兩個,鬥快,當然我冇出去玩啦~.~玩到一半路大家好留意個收音機.最後,我買果隻馬輸左.....

放學我地陪samuel去完bank之後去左玻璃屋,黎左咁耐都係第一次上去睇,哈哈,因為今日free ma. perth city 個view都好靚.

好彩今日冇左果陣感覺,真係嚇死我咩?.?

你係友,我買果包薯片過期關你撚事咩.什麼(佢係咩人我係咩人呀).自尊心重的動物遲早有麻煩.!!記住呀!

返到屋企突然見到有信係for我,好開心呀,終於都寄到黎啦.

11月2日 6:20pm upload

今日我地班有個新teacher黎教.佢係代nicolla.佢唔知屋企有咩事所以唔教書住wor.新teacher 好nice.我都見到lily個新日本home mate ,都幾靚女架.

放學julie同我講我要考個試先可以比我轉班.今次唔可以衰.

Peter(接我機果個)突然係我地學校出現,我問佢記唔記得我,佢話記得呀,...真高興.

點解會有呢感覺.......明明冇可能架ma~,~  ,真係奇怪

愈黎愈想考車牌,揸車出街

11月1日 10:20pm upload