訓到成11點幾,全新都好酸痛..我發左一個好有意義ge夢.令我對某些東西醒覺,我要隨著我的理想目標前進.唔知點解今次會咁.有d野我都控制唔到~.~

大約4點幾左右,我係train station 會合lily.然後再係city會合其他人,我地飲左陣野後就去打機同榪波.打到成9點幾左右就去左食飯.我地又去左上次阿meg生日果間餐館食中國菜.真係正呀,今次食到好飽好飽呀~.~

之後行左去kings park倒數.都有好多人架,又睇到煙花,倒完數我地之後係草地玩左陣柔道,然後就傾計啦.話題由神怪講到古今中外宇宙.不過成晚流流長,總覺得時間過得好快.

雖然個夢對我有少少啟發,但係我依然都好似有d野,但又唔識講有咩

之後我地將我地ge背囊放晒落locker.然後我地去買lunch食.食完lunch我地行返去locker途中我地見到有孔雀係條路到四圍行.好攪笑呀.我地拎晒d游水設備後就行去海灘.雖然我地落船附近都有個海灘,但係我地想搵一個更靚ge.於是我地一路行,一路問人,一路影相.最終我地去到一個都好靚ge海灘.去到,我已經急不及待跳左落水.d水雖然係有少少凍,但真係好清,可以望到好多魚,又有好多海草.我地係到玩浮潛.潛潛下突然發覺肚部突痛.於是我 咪返上岸,然後我睇一睇個肚,發覺好快咁腫起左.之後海灘有d人建議我去救護站.而且仲有一男一女帶我去添.沿途我同佢地傾計.佢地真係好好心,而且個女ge仲好溫柔咁關心我ge情況.可能這 就是香港人同澳洲人分別啦.之後去到救護站後,果到d姑娘話我比水母(炸).哈哈....點解我一隻水母都見唔到架??佢地唔通係隱形ge??不過原來比水母(炸)ge感覺係咁ge,下次真係要小心d先得啦.之後佢要我沖左個熱水涼,然後又比左d冰我蓋住個傷口.之後我就走得啦.我返到去咪同佢地講,佢地話我傷口好嚴重,要坐直昇機去city hospital,點知冇人信我講野.比佢地知道我玩佢地添~.~

之後我地再玩多一陣浮潛後大家就去左沖涼.然後準備今晚晚餐.我發覺我地可以bbq.所以就即時去左super market買兩盒腸仔同碩紙.我地又整吞拿魚三文治,又用吞拿魚d油黎bbq.真係一物二用.食完後,我地坐係到都唔知有咩攪.坐坐下坐到成10點幾,之後想落bar,但係william佢地未夠18歲所以入唔到.之後咪就咁行個Rottnest island law.行到咁上下又返返去我地bbq ge地方.我地係到吹左陣水,又玩左陣砰,嘭,哇.大約一點左右,有d island 護衛員發現左我地,佢話唔比我地係到過夜,咁我地咪話我地book唔到d house law.之後佢話要我地坐第一班船離開,咁我地咪好唔奮氣咁問佢點解,之後佢又打電話去police.唔知點解傾完個電話之後佢地友善左好多,仲話可以比我地係到過夜,而且唔洗我地第二朝坐第一班船離開.可能澳洲唔同香港啦.香港年青人玩通宵好平常遮.過左一陣,大家都感 覺到睡意+寒意.真係愈黎愈凍,我地用晒我地ge毛巾,多餘ge衫黎覆蓋我地身體.之後發覺地下愈黎愈凍,咁我地就出左沙灘訓.訓訓下好似有少少雨水,咁我地又返返石地,因為果到有瓦遮頭ma.一路係咁訓,身體一路係咁震,真係令我諗起以前去東霸露營,大尾督過夜~.~.....大約4點幾左右,我決定唔訓啦.我同阿鋒,kira去左toilet,發覺toilet比出面暖好多好多.我地最終係toilet留到天光....

天光啦.天空真係奇靚,空中ge雲可能被太陽影射得變成紅色,富有層次感,怎樣才能留住這麼美好的一刻呢??之後我地決定去yesterday果個沙灘繼續訓覺.我地去到,各人都選擇了最好的位置.我一路係咁訓,雖然話就話太陽出左黎,但係我凍醒左好幾次.最後一次並唔係凍醒,而係熱醒,我訓訓下突然感覺我的身體好熱,哈哈,十分之奇怪.都好,我諗我都訓左成兩個鐘左右ge.之後我地去食早餐,然後租單車踩.我地環住個Rottnest island踩,見到有好多好靚ge 風景,又見到一處沉過船的地方,又見到一過粉紅色ge湖.真係好靚.最可惜係我地唔夠時間踩.我地只係踩左一半ge Rottnest island 咋.唉.......之後還車,然後影左陣相後我地就執理我地ge行裝.坐船返返city 啦...Rottnest island,再見啦,william問我覺得我地今次旅程點,咁我咪答佢都有80分架.

班船遲左成半個鐘先黎,唔知係唔係佢遲ge關係呢,個船開得勁快,而且可能又大浪啦.好似玩緊機動遊戲咁.....最終我都係忍唔住嘔 呀~.~......落左船之後我感覺都仲係好sick,行路浮下浮下.又要轉好多程車先返到屋企.真係辛苦.

返到屋企,我突然唔記得左車房門個password.試過好多次,終於都記返起啦....唔知home stay佢地去左邊呢?成間屋無晒人咁.咁我咪自己整野食.我唔小心打爛左homestay ge擺設呀....唉,好彩佢地話冇咩事咋.

今晚好累,10點鐘就上左床訓覺啦

有時係唔係自己老左呢?有好多事都會突然唔記得左...不過我確實承認自己老左~,~

之後去左買Rottnest island 船票.終於都比我買左啦,哈哈,聽日我地就出發.未出發,先興奮.

之後我地又去左波樓.我地打左陣機後又榪左陣波.之後我又去左租碟睇.

打算聽日買船票去Rottnest island(一個係澳洲好出名ge島仔)

原來我好多事我都好自倣,睇唔起別人.有好多弱過我ge人不斷咁超越我,而自己卻只在滿足現在,原地踏步.

聽日每間商鋪都會開門,而且仲有大特價呀~.~我聽日要帶多d錢買野先得.我發覺每次用錢都要做返記錄.

之後大家相討後決定出city.因為我要同阿meg研究我地ge旅行~,~我同william出到city,阿meg仲未到,所以我地去左榪一陣波,之後又打左陣頭文字d.,不久阿meg同lily都黎左啦.我地行左陣唐人街.聽到有人打鼓.咁我當然走左去睇咩事啦.原來果到係叫中華會館,應該可以係果度學獅ge...睇左陣我地又四圍行左陣....成個city都好似死城咁,成條街都冇乜人,點解澳洲聖誕會係咁架..

今日係boxing day,有d人話係今日係拆禮物ge日子.但係我home mother's sister同我講boxing ge 意思係.25號每家開完聖誕大餐後將食淨ge食物入盒,26號送比d poor people.

之後我返到屋企就睇左陣日劇.然後就上返去花園...有好多人黎左呀~.~好多都唔識架..之後home father叫晒我地去聖誕樹到....然後開始拆禮物.原來佢地將所有禮物放晒係聖誕樹低,然後home stay 大女就一路係咁逐份逐份拎黎睇,然後就話每一份係to 邊個,from邊個.好攪笑呀...呢種方法好似仲好呀.我亦都拎左我果4份禮物放聖誕樹低,真係好彩自己有買 禮物咋,唔係真係樣衰啦...我都收到幾份禮物,真係好開心呀~.~home father and mother送我孖煙通,大女送我一d朱古力同烹飪書,home grand father and mother送我一d朱古力餅條,細女送我Australia beaches 月曆.之後就去花園開聖誕大餐.哈哈....有如自己去左食自助餐呀.有勁多野食,eg...魚生,青口,蝦,火雞,豬肉,焗粉.炒飯,.........好多好多.我已經食到好飽,但又想繼續食...

之後佢地走晒.天氣又突然落雨,之前個日本仔都返左黎,我,佢,home father 3個坐係花園到傾計,有少少涼意.第一次覺得自己英文比黎之前進步左少許...

大約5點左右,其他客人都黎左,今次又唔同晏晝果d....夜晚ge聖誕大餐都好正,基本上係食lunch食淨ge野.不過今次有埋甜品,d甜品正到真係無法形容..又好似lunch咁,明明食到好飽,但d食物實在太豐富啦...唔怪得知阿meg's mother話我係3個人當中肥得最多啦,哈哈.....遲d搬左去share house我驚冇淡好食tim.

其間lily突然打比我話佢home mother車左佢去我屋企附近,叫我企出門口.之後佢黎我屋企坐左陣後就去william 屋企..我食完野都去會合佢地.然後我地行左去海灘.終於見到william 個日本妹啦.去到海灘,我,lily, kira,鋒4個行左去第2度傾計,比個好機會william同個日本妹相處ma~.~我地係到講鬼故,係海邊講鬼故真係特別有feel,最應景係有時講關於水鬼ge鬼故....之後william 話要陪個日本妹返屋企先.不久有成20幾個澳洲仔黎左海灘,佢地點起左火,而且仲有d彈結他,真係寫意,之後有個仲問我地坐唔坐埋過去,咁我地當然話好啦.坐到成2點幾返屋企.

阿鋒同kira就踩單車返屋企先.而我就同lily行返屋企.起初lily話返屋企訓,咁我咪陪佢返屋企先law.然後行行下去到教堂附近.最後決定黎我屋企過一晚夜.咁返到屋企.我準備左張床比佢訓後跟住我都訓啦

返到學校,阿sir同我地玩左陣card game,之後又同阿meg佢地班練左陣歌.大約10點左右我地就坐車去kings park.哈哈.....去到我地搵左個地盤坐低放晒d野食,然後就開始表演.我地係第2組表演架....我都冇背首歌,一路唱一路揸住張紙黎睇,大家都唱得好開心呀.我地表演完晒後就有一個santa同一個天使黎派禮物.其實應該係話交換禮物.即係早前有d同學買左一份禮物比學校.然後收集晒一齊再調亂.再派返比有買禮物ge同學.....但係我冇買禮物呀~,~所以我就收唔到禮物啦

我地可以開始食野啦,發現我地個地盤有好多蟻,而且有好多仲走左去d食物到,very awful.之後我地咪移位law....哈哈,我食到飽魚壽司呀,好正呀~.~我仲係食左5件左右,哈哈...又食到其他壽司,原來日本人整壽司真係叻過香港人架.之後又食左好多野,食到我真係好飽好飽.....之後就當然四圍咁搵人影相啦...

最後大家都走得七七八八啦.......我地幾個坐左係到傾計.我班有個日本女人抽左份禮物,係把玩具槍.我地咪勁玩把槍.根住又有d人扮中槍,真係好低b架.....之後我同我班一個日本女人同韓國女人傾計..雖然佢地年紀比我大好多,但係同佢地都好好傾呀

我地坐返車去city.然後行左陣city...同阿meg去左睇tours,我地打算去下d短線遊.....之後佢要去拎包裹.而我,lily,lily的日本妹,鋒,william ,聲去左波樓榪波.今之出返一口氣...之後lily 同佢個日本妹要去bbq,所以走先.而我地榪完波又打左陣機先返屋企.

成晚平安夜好無聊咁就過左啦,香港--------------現在一定好熱鬧啦

愈舨愈欣賞阿meg呀~.~

每逢佳節倍思親

Santa Claus is coming to town

You'd better watch out

you'd better not cry

You'd better not pout

I'm telling you why

Santa Claus is coming to town(3)

He's making a list

He's checking it twice

He's gonna find out who's naughty or nice

Santa Claus is coming to town(3)

He's see when you are sleeping

He's know when you are awake

He's knew if you are been bad or good

Sp be good for goodness sake!

You'd better watch out

You'd better not cry

You'd better not pout

I'm telling you why ...

Santa Claus is coming to town(3)

我地就係唱呢首歌啦

唔知點解開始覺得上堂好悶啦,好唔想上呀!!lunch之後又要練歌.

放左學我地係學校玩左陣.話說lily 班果個印尼仔入左個$2去一部賣m&m機到,但係部機只接受$1.當然佢個$2整壞左部機啦.但係....我地狂拍部機,部機會自動跌d m&m出黎.放左學我地狂拍部機,跌左幾多m&m出黎law....不過我地每個人隻手都揰左.

之後行左陣city.....買左兩包薯片for 聽日christmas party.

有時我真係唔肯定自己law,現在真係有d懷疑自己.

夜晚用左黎傾電話,打比你時你成日咳真係要小心d身體呀,會考........又到啦.......

last night 同家榮傾過電話..(愛,好感.真係兩樣野黎架.....有時愛一個人同對一個人有好感有真係有好大分別.今晚我清楚知道兩者感覺的分別.)

上堂傾左我地Christmas party ge 活動.我係負責買零食架,哈哈...有簡單,又唔洗用咁多錢~.~,最開心係有兩個日本人整壽司,仲係飽魚果款....

放學我地幾個去左揀禮物比home stay 同佢兩個女,唉,都唔知買咩好~.~最終買左3盒朱古力同一盒曲奇餅.之後又有d義務幫人包禮物,我又拎左去包.....哈哈,真方便呢...

諗返起以前kyc ge Christmas party 呀~.~咁又過左一年啦.

你知唔知我真係好討厭你呀,你每個虛偽的笑容我見到真係把火....唔好成日走黎扮friend 啦.成日係到單單打打.係呀,我擺撚明係架啦,吹漲咩!!

係學校同佢的感覺開始有點兒奇怪,好似變得陌生左,大家都有介心.不過最後同佢一齊返屋企都好似平時咁.

放左學我地去左睇一間屋,間屋有成100年歷史.佢話可以租黎住wor.睇完真係得淡笑啦...間屋真係太舊,而且裡面乜都冇~,~

之後我地四圍行city.

夜晚搵左william出黎坐

11點幾去左搵william 傾計.....

兩日用左成$50Ｘ6.

好想快d返香港然後成班人一齊去大陸玩..

波.差唔多輸晒咁濟,個個都有好大ge進步,而我..........亦是停濟不前.可能今日有d唔開心啦.不過這只是自己比自己ge藉口......學如逆水行舟,不進則退~.~做人做事一樣.

始終感覺好怪.變得有點陌生......

在我心中有這樣的一個人!我們相愛過,也喜歡著彼此,但是!有一些原因我們無法在一起,也許我們相遇太早,還不懂珍惜對方,也許我們相遇太晚,她的身邊已有另一個人,不過即是我們沒在一起,我們還是保持了朋友的係關係,但是我們心裡都清楚,對對方的感情都多了一份朋友的關心,即使我們不能名正言順的牽手逛街,但我們還是可以做無所不談的朋友,她有喜歡的人,我口頭上會幫她,但心裡卻很清楚,是不是真的想他們在一起,她遇到困難時,我會盡自已所能幫她,不會計較誰欠誰,但我心中卻有一絲的不確定,開始時我不甘心只和他做好朋友,但久了,發覺這可能是最好的結果,我寧願這樣關心她,總好過我們在一起而有一天分手,可能要這樣,她才會知道,誰會永遠關心她,我們做不成男女朋友,做她這個特別朋友有什麼不好呢?其實很多時的感情,都為一廂情願,結果最後連朋友都做不成了,常常覺得惋惜!本來一些很好的感情,最後卻因為說了一句喜歡你,姑果對方沒有反應,這一段友情似乎也很難維持下去,這也難怪很多人不肯踏出第一步,因為這就像一場賭注,表白了之後不是因為成了男女朋友,就是連朋友都做不成了,雖然結果是這樣,但我還是賭一次,和她說清楚,結果是什麼...........正如上文一樣.........

鳴謝:william.................我一路打,一路諗起好耐之前一個我曾經好鍾意的女仔...好彩現在我們都是朋友.

放學終於都講左啦,咁當然係失敗左啦,我都冇諗住第一次會得ge.不過依然好驚law~.~......之後打比阿meg,同佢傾左成個鐘電話,我愈黎愈了解佢啦...第一次同佢傾咁耐電話咋

之後william 打黎話阿傳同阿鋒都去左佢屋企,,問我去唔去.今日聽完阿meg講少少關於阿鋒d野,我有d好對佢唔住.好想同佢傾計.所以我去law.去到同阿鋒傾計,傾傾下佢係我面前喊~.~那一刻都唔知可以講咩野好啦.我亦都知道阿傳係一個咩人----小人一個.佢份人太虛偽啦,兩頭草.同邊班香港人一齊就講另一班人壞話.都好,有d咁ge人,都可以知道好多野............要學懂利用一個人

今日下晝果堂我地跟左阿ming佢地果班去睇戲.睇一套叫deep blue ge 電影.套戲係關於海洋生物.都唔錯ge~.~....

之後lily 同matin引走左阿meg,而我地就去買禮物.本來我地睇中左一條公仔蛇架,但後來我地經過一間百貨公司,果度有隻熊仔,佢話好得意,咁我地咪轉買果隻.之後再去拎埋個朱古力牌.然後再去會阿meg 佢地.

我地本來打算去上次食果間中國野,但時間尚早,咁我地咪落左波樓榪波.榪左成2個鐘呀,都唔知有冇悶親 lily同阿meg 佢地兩個.

之後我地行返去上次間餐廳.點知個老闆好惡咁話我地推chair ,驚死我地整爛佢d chair 咁.之後我地咪唔食去另一間野,成班人走晒去左china town 搵左一間燒鴨檔食飯.d野真係好好食呀,好miss 呀~.~........咁多個人食都唔係貴wor.

之後我地個個都話唔想返屋企住.而阿meg話佢個home stay 買左1個蛋糕for 佢.好似唔係咁好意思.但係經過群眾壓力之後佢都終於屈服.我地行上去kings park.沿途有好多綠燈射去d樹到.我地係到扮鬼影相.之後搵左個地方坐.我地係到望住成個city 夜景,好似香港law....之後我地又玩迷話又唱歌.我地明白到點解賓妹咁like一齊坐係公園到唱歌啦..哈哈,最正ge係比我地見到流星,我好想許願,我ge願望係..............~.~secret

之後我地行去火車站,發覺就快miss 班車,咁我地咪係咁跑去train station law.真係好呀,剛剛趕得切.

matin黎左我屋企過夜,我地係到榪波,榪到成兩點幾先訓~.~

然後我地行返屋企,佢上左陣網我地就開始食lunch.食完lunch我地行 去佢屋企.之後傾左一個鐘左右計,然後佢地要返屋企.而lily 就黎左我屋企,因為今晚我屋企有bbq party.咁咪叫埋佢黎law.我地上左陣網.之後home mother 就話差唔多可以出去食野.我地兩個去到花園,見到好多人呀.有少少驚tim, lily 仲問我如果冇左佢,我會點wor....咁咪答佢可能會好自閉咁坐係到law.........佢地講英文我 地又聽唔明,因為太快.咁我地咪自己計自己野law,有人問我地問題咪應酬下law...答yes同no law.不過當有人問我佢係唔係我girl frinend ,我地都會好齊咁講no, just friend~.~.....

晚上,各位客人都走晒啦.home father同我講我多左個sister,因為佢大女搬返黎住呀.

今日聽到一樣事情有如大石搬壓下,但.....每人都有自已的過去.~.~

之後佢大女車左我同william 去海灘.我地因為太早關係,阿ming佢地未到.我地去左睇body board.我想買過另外一塊呀~.~我想買塊勁d....但係好多都好貴.最後我見到有塊$65ｘ6.如果我塊board 爛左,我一定會買另一塊.黎左兩個月,有好多野唔可以再理價錢同匯價,如果唔係會少左好多樂趣.

之後會合晒佢地.今次有好多女仔一齊黎,有好多我唔識架,佢地都係 lisa d friend wor~.~我地今次個個人都有board咁濟.good,不過今次唔係咁好玩呀,d 浪太大同太密啦,游極都游唔到出去~.~

玩完之後我地返屋企沖涼.然後再出city.因為Christmas coming soon. Tonight has a big show. home father 話車我去火車站,咁我咪打比william .點知打極都冇人聽.又去佢屋企搵佢,但係都冇人應門.咁我咪自己去city 先law......去到會合阿ming同阿meg,原來阿meg個大陸仔都係到.之後我地搵左個地方,然後就等開始.william 又話出黎啦.我地會合齊人後個show 都差不多開始.我地太遲去的關係啦,有勁多人係我地前面.之後我地見到有d流動toilet.我地咪爬左上去law,雖然睇得好清楚,但好快就比police 趕左落黎啦.

之後我地去左一間中國餐廳食野.間野特別係食辣ge...d野食真係好好好辣,我都算食得辣ge,但係我都頂唔係好順.我d 眼淚,汗,鼻涕係咁流出黎.特然覺得自己咀脣厚左好多....

之後經大家商量後,我地去左william 屋企傾計過夜.我地由warwick 行返屋企.沿途買左d酒,經過間bar又入去榪左陣波.我又係home stay 到偷左d 啤酒汽水..去到我地開始傾,傾ge問題都好私人的,.....,不過大家都講,都冇乜所謂啦.傾到成4點幾呀.之後我自己返左屋 企訓覺

今日上堂,我地有個活動,就係出去搵價錢啦.阿sir比左一張list我地,要我地搵返個價錢.我竟然同kenny 一組.一個我都幾討厭的香港人.全程竟然當我冇到..~.~

放左學我地去左間bar,因為今日係星期三,又有特價.首先我地去榪波.然後食野.之後睇人榪波.我地成班今日參加左比賽呀...有我,william ,fung, ming 4個,令我諗起龍珠果d格鬥大會呀..

我等左好耐先到我,我個對手太強啦...雖然我都連續入左幾粒,但好快比佢清袋,始終實力上有段距離..有時唔係自己弱,只係對手過強.不過真係玩得幾開心呀.我地當然輸晒啦~.~

之後同瑞士仔日本仔佢地坐左陣,最後決定走先.

唉,就係咁現實架啦,個瑞士仔掛住媾女唔黎睇我比賽..

今晚lily 同佢d home mate都有黎,唔知點解好似感得佢今晚特別靚咁ge~.~

之後果堂我地離開左學校上,阿SIR比左D紙仔我地,上面寫左D地方,叫我地去搵,如果唔識就四圍問人,去完一到阿SIR又會係目的地等我地,再比另一個信封我地,再搵,哈哈,好似玩緊野外定向咁呀..我一路行一路睇野,因為我想買對拖鞋,不過好貴呀~.~

放學又去左睇屋,然後飲野

夜晚同阿媽講我打算搬去自己住,點知大家傾傾下又好勞氣.都唔明點解成日同佢傾電話都好似鬧交咁.

聽日成39度.我會著涼鞋+短褲返學

我現在要適應其他國家的英文,有時真係唔知佢地講咩呀.因為有時真係好難聽,我並唔係話佢地講得差呀

放左學之後我地借左一個日本仔塊板黎踩,頂呀,爭d仆街.之後陪william 去睇body board,然後又去左north bridge 睇屋,因為現在唔係咁想住homestay啦,始終有一種寄人籬下的感覺ma.而且阿meg佢又唔想住home stay,咪打算一齊搵屋搬啦....

最後都係要搵個客家嬸嬸幫手.佢話有間屋可以介紹比我地.每人大約$80左右.價錢都ok 啦~.~每個星期可以節省$90.用$90黎食野仲有得賺.話就話咁啦,我諗第時先再算啦.

感覺愈黎愈濃啦.我諗應該係真ge~.~......不過都係慢慢黎啦

之後會合埋阿ming佢地成班就搵一個位置放低我地ge行裝.竟然比我地睇到有d鬼妹乜都唔著咁係到灑太陽呀~.~

之後我地拎左d body board 出去玩.

之後又去左附近食lunch,然後又再返去玩過.william 比我地搵d沙埋住,淨係突個頭出黎,又成日比我地拋落水,不過都係玩佢遮.臨走時佢拎左我塊body board去玩,玩到唔願走,我地叫佢佢又聽唔到,咁我地咪成班行先啦,超攪笑

今日冇乜點用太陽油結果灑傷左.

今日又冇上過堂,基本上我地成個星期都好似冇上過堂咁.我夜晚又冇溫到書wor...我地今日成班人係到玩card games.之後有人提議買張卡比兩位miss 然後簽上我地ge大名...

知道左我下個星期讀咩班啦...我,阿meg, lily 3個唔再係一班啦...有d唔係咁捨得呀~.~話晒大家一開始就一齊到依家...好似有一種中五離別ge感覺,但係我地星期一又要返學wor.真攪笑呢

聽日約左成班人去beach,一定好好玩啦

12月3日 10:36pm upload

今日係canning test,有d人要讀canning ge就要去test,即係入學試.而唔洗ge就city 一日遊.而每個人都要介紹一個景點.好似導遊咁.

首先我地去左一間教堂.我第一次入教堂裡面咋...原來有一種咁奇怪ge感覺,不過裡面ge裝修就同我睇電視ge都冇乜分別,見到一排排椅令我諗起一個甜蜜的婚禮呀.唔知第時.............哈哈,之後又去左其他地方.去到我要介紹ge地方啦..我要介紹ge地方係一大片草地,以前係一個飛機場wor...

行行呀julie 話冇時間所以唔再行,叫我地去一齊買野食然後去kings park wor.今日亦都係我地eap班解散前ge日子.所以我地成班人去kings park 野餐.而我就係吩咐佢地買野ge host 啦,~.~我地買左3個kfc 餐,又係supermarket 買左d材料整三文治.之後就坐車上lins park啦

去到kings park,我地搵左個地方坐低然後就開始食野啦. 本來諗住等埋要去test果班同學架,但係個個都話肚餓所以只係留返左d比佢地.食食下佢地都到...之後我地去影相.然後又四圍行個kings park.原來kings park 有咁多野行架...如果夜晚黎一定會好有feel 呢...

大約3點幾就解散啦..我地去左china town 飲野,之後同kobe兩個人去左榪波.之後就去左bar 啦.今晚有勁多人去呀,勁熱鬧,我仲見到我個日本仔同瑞士仔tim 呀....哈哈,玩玩呀,由於間bar ge 空氣太混濁所以我地幾個出左去透氣,之後阿ming又提議去榪波.

唉...william 飲得太多所以嘔呀,而我就阿佢返屋企先.

12月3日 10:36pm upload