二零零四年二月

二月27日星期五晴

今日返學又收到天使比我GE一包動物餅,佢話好好味呀,原來真係好好味.真係多謝天使成日請我食D咁好味GE野先得呀.今日係DAY 1,我諗係我o向救恩最後一次週會.真係要好好記住呢日先得啦.

lunch返去又收到天使比我ge提子軟糖 + 一張卡.又有IQ題,我今次估一個字母都冇少,有26個英文字,唔知ARM 唔ARM呢??

ECON堂梅SIR見我地成班人死下死下就帶左我地落操場玩遊戲.我地玩得好開心,好耐都未試過玩得咁正啦.

放左學要坐271出海港城搵AGENT,一時諗唔起富善都有站,勁傻仔咁去左富享,點知ARM ARM去到就見到有架271開走.唉..............等左10MIN左右,我就上左車.途經吐露港,我察覺到整個吐露港變左好多,可能我平時冇乜留意啦,莫非這就是(漸)的變化??老實講,果度NOW真係比以前靚好多,但唔知點解我比較鍾意以前的面目,雖然條單車徑冇NOW咁闊,但勝在有段回憶,還記得以前同高佬,中秋踩單車坐大草地食臭豆腐,中二果陣放左學就同成班人一齊踩去馬安山.但以後都唔會再發生了,各有各自己應走的路,縱使以前稱兄道弟,如今卻變成陌路人.這都肯定是(漸)了,漸真是奇妙無窮.

去到海洋中心,我就去搵AGENT,呢個AGENT好好,點左條比較快,易升大學GE路.以前果個話要過去讀YEAR 10,即係中四,.咪即係要我降級.NOW我過到去就讀DIPLOMA,連HIGH SCHOOL 都唔洗讀,又慳錢又慳時間,順利8科PASS更直升大學YEAR2. GOOD!!!!!!!!!!!!!!!!!!!!!!!!!!

之後又落返旺角等媽媽放工.佢要成8點先走得.我就要四圍又蕩,又買左條LEVIS.之後又同阿媽食炒公仔麵..............

二月26日星期四晴

今日返到班房就收到我個天使比我GE朱古力,包野真係好好味呀,張卡仲寫朱古力可以提神,即係話我成日訓覺遮!~.~........多謝你呀!!原來IQ個答案真係周渝民.YEAH!!估中左.

小息落去校務處借成績表COPY,頂點知佢話NOW唔借得住,叫我12點三至一點鐘再去.好啦我12點三再去,小,條契弟冇左件事,唔記得去拎.仲叫我1點鐘再去拎.即係耍我遮.正常出去LUNCH一點鐘點返得切黎呀.之後佢又叫我等5分鐘,企左勁耐,成班人都等住我LUNCH,我就叫其中一個職員同鄭小姐講,拎完放低校務到,LUNCH完再返黎拎.我同佢講:(好啦,唔該你)點知我轉身走果陣,有個(閒人)話唔該都冇聲.關你撚事咩,又唔係叫你幫我.我都唔知點解要唔該你啦.唔該你d乜呀????出到校務處又剛好撞到鄭小姐.我拎返張成績表就去lunch.

LUNCH後返到班課又收到天使比我GE糖同朱古力,係一粒SUPER LEMON.勾起細個GE一段回憶.以前媽媽成日都買呢種糖比我食,有次曾祖母見到我食就叫我比一粒佢.可能細路仔的關係自私同唔鍾意同人分享啦.我同佢講粒糖好酸,唔arm你食架,佢話唔緊要,都叫我比粒佢.我就好唔願意咁比左粒佢.點知佢一放落口就忍唔住吐左出黎.就話好酸.我個心就o向到笑.諗起都有d悔意!!!!!!!!

二月25日星期三晴

今日返班課時比阿LING 串我冇買禮物比佢.冇問題啦,今年補返啦.如果我去澳洲就寄比你好唔好??

今日我個天使都比左兩張卡我,一張係話估我會知佢係邊個,但係我唔係咁想知,亦冇打算刻意去追求,因為知道左就唔好玩啦.另一張係一條IQ題,答案係周渝民??RIGHT?我都比左兩張卡我個主人,可惜比佢知道左.唉..........

原來黃智輝都幾ARM講心事,可能別人對佢有太多誤解啦,甚至我之前都係一樣,我要從新了解佢先得.雖然得返12日,但係足以同佢做朋友GE...............

二月21日星期六晴

今日真係好累呀!!!訓到成12點幾.爺爺好似9點幾打過比叫我去水窩,我都唔記得左答佢咩啦,因為訓到冇乜知覺咁.之後去左食LUNCH.我放棄左今日個講座而去溫書.中段打比爺爺話我會入去......4點幾就走左

今次醒左啦,食完飯先去.食完飯後同爺爺行條小路去水窩.去到師父都未黎.我地同果度D人傾陣計.不久師父黎左,原來佢係大埔某小學校長.之後大家去食飯.村長好客氣咁拉左我入去一齊食.我因為ARM ARM食左飯好飽話唔食啦.但佢極力叫我一齊食,我都唔好意思再推佢啦.我入到去,嚇左一跳.原來有個神功壇.食完飯師父叫左我出去祠堂,同我講左一些拜神GE禮儀and舞麒麟ge基本知識.之後師父叫我入祠堂裝香.從此我就跟佢學麒麟.而且我更多左一班師兄.話就話師兄,但係全部都大我成三幾四十歲.不過同佢地好好傾.

師父開始教我行路,原來好難架.舞麒麟真係好累呀.不過我都唔介意.行左幾個圈己經喘晒氣.之後教我拜神,咬門.佢更示範比我睇,佢舞得真係好勁,勁生猛.原來舞麒麟最難係步法.可能我未學過行馬,所以唔係太識.但好多師兄都讚我好易上手.但我覺得好似欠了些什麼.師父教其他師兄打(金查)同打鑼.佢話只要記住以下節奏就得(賺大錢,賺大錢,賺錢.........賺錢..........賺錢......................................洗錢............洗錢...........洗錢)咁就得,我地個個都笑.之後兩個師兄夾,我己經略懂節秦.師父叫我唔好學住,叫我聽多d先.真係勁,一個大(金查)加一個鑼可以有咁多節奏.之後師父又教我移步.而其他師兄打鑼.果種感覺真係唔同.好似真正出麒麟咁.又教了我小許拜祠堂.師父更叫我下次帶我隻麒麟去,教我咬牙.因為果度隻麒麟紮得唔係咁好,做唔到那動作.而我那隻是清溪麒麟,比較好舞.

學完後我返林村屋企拎隻麒麟返新達.我將條尾拆左.比較好練.grandma好驚我會捕爸爸後塵.我叫佢唔洗擔心.我為免咁招搖,我搵左個大垃圾袋包住隻麒麟坐巴士返屋企.我返到屋企練果時發覺冇左條尾感覺好唔同,都係去買d錢線加返條尾先得.

二月20日星期五晴

今日梅SIR又冇返,兩堂ECON用黎自修.我做英文PAST PAPER,點知錯勁多,真失望.今日有3堂英文堂,我地落左去MMLC作文.我一邊玩ICQ一邊做.差唔多全班人都ONLINE.

放左學我地踢班際.我地換完衫就行去足球場.但A班D人都未黎.4點3,4先開波.起初家榮先入一球,但後來林偉倫為A班開齋.之後比人入多兩球.3:1完上半場.之後我轉左打後衛.不久首領又入一個,追返一個3:2.其後家榮神奇地入一球.其實只係有D問題出現左,大家都左爭論時家榮就突然帶波射人龍門,連陳俊威都唔知發生咩事.於是便打成3:3.其後佳佳同東東都抽根,但他們仍繼續比賽,真厲害.最後我們要靠射罰球.我地比A班多入一球,殿定勝局.

我沖完涼後就去昌運麥記會合佢地,我地去左PIZZA HUT 慶功.之後佳佳返屋企拎波,我地又去左孫方中踢左陣波.之後就去左rainbow食糖水.兩點先返到屋企.....

二月19日星期四晴

今日又唔洗坐車返學啦,今日都算幾早起身,仲有時間品嘗件(朱古力情懷),味道都唔錯呀不過食落原來好細件,唔係咁低.同瑩瑩行路返學真開心.而且又可以見到(佢)地.

LUNCH志明撞左落條REPEAT柱,哈哈,跟據救恩傳說,撞左落去就會REPEAT .我REPEAT果年都好似有撞呀,佢就慘啦.哈哈........信不信由你啦.紅,我鐘意的沒有變

今日瑩瑩都有去廣福.雖然近排成日去溫書,但好似都冇乜進展咁.真失望.Tomorrow踢班際,要帶班衫.

二月18日星期三晴

今日終於都唔洗再坐車返學啦,朝早行路真係好舒服,又可以欣賞林村河美麗的倒影.哈哈,曉兒又收到我比佢GE(禮物)啦,咁都無計架,鬼叫阿SIR諗左個咁ge調位制度咩.佢又唔好彩日日都坐返我個位.我又唔得閒清理我d禮物,唯有靠佢幫手啦.

lunch我地去左食3蚊炒麵,原來4蚊都有好多,好似食極都仲有咁.放左學又要補econ同英文.真係累死.放左補習經過金龍船買左個(朱古力情懷)個樣好似好好食咁,實際就唔知啦.睇睇聽朝食下正唔正先.之後返屋企又要溫數學.天啊,點解會咁架............話時話,中秋走過咁耐一個電話都冇比我,算點呀!!!兄弟wor......................

二月15日星期日晴

今日去左沙田果間LEVIS換褲,去到真係花多眼亂,想褲返條牛仔褲發覺自己又有好多.我睇左好耐,最後我都係換左件褸.件褸都幾靚呀.之後返屋企睇浪客劍心,我終於都睇完第一輯啦,可惜睇到劍心對志志雄就做完,真係好鬼吊隱.唔知樓下遲D有冇第二輯租呢?有就好啦....

夜晚同高佬去左平台坐,阿發都黎埋.高佬D傷勢似乎好得7788.我都唔知遲D呢件事會變成點啦.

二月14日星期六晴

今日係一年一度GE情人節,我就冇情人啦,不過同左一班同學出街.都唔寂莫.我地約左10點3火車站等.然後出旺角.我同鍾智傑去左睇軍天勇將,而其他人就去唱K.之後再會合.我地去左睇貼紙相.影完後佢地就返屋企.

之後我就去Levis買左條褲.然後就去配藥.途中爺爺打比我叫我去水窩村睇人舞麒麟.於是我就決定坐72X再VAN仔返林村.頂!!!!!!!點知原來仲耐.我去到林村會合爺爺後就一齊行去水窩.雖然我係林村大,但從來都未去過.水窩村真係好入.成條村都冇乜人住.但環境好好,四圍都好清靜,令我諗起陶淵明ge桃花園.絕對唔係講笑架!!!

我以為去到就有麒麟睇啦,點知個師父未黎.爺爺就同果度D人傾計,而我就係咁聽.我考完會考就去學藝啦.一償所願.舞麒麟唔同舞獅,難度高好多.獅講求四平大馬,而麒麟就視乎.....生猛神似

等左勁耐個師父都未到,我地決定返屋企食飯,唯有下次再去欣賞水窩村GE麒麟啦.返到屋企試下條褲,點知都唔係咁ARM心水,都係聽日拎去換啦,換咩好呢???????

二月11日星期三晴

今日天氣終於回暖啦,真係好開心呀!!而且文學TEST 又算識做.......

平野係唔係真係冇好??原來有D真係冇好.頂!上星期買左100隻CD-R打算燒卡通,點知燒出黎質素奇差,早知用多$30買D有牌子啦.唉.......都好,算係一個經驗.

究竟人係性善定性惡呢??我近期經歷了兩件事,兩件都關於曾經與我同班的同學.佢地如今竟變成..........無話可說.....

二月8日星期日雨

唉...呢幾日真係好冬.著埋羽絨都感覺到冬天的威力,可能我驚冬的關係啦,我真係好僧恨冬天.不知有多少人,農作物被冬死.我有一間溫暖GE屋,足夠禦寒衣腳,都係要多謝我的父母.

近期真係冇咩好記,但唔寫野又比阿ling話我懶.......星期一家榮比返本記念冊我,佢整得真係好靚.我真係好感動.星期二放左學又打班際.我地又輸左.星期三同曉兒去lunch,識左佢咁耐都係第一次同佢lunch 咋.星期四,鍾智傑幫我裝HARDDISK.真係唔該晒佢呀.星期五出左旺角搵阿媽食飯,果間野炒公仔麵好出名,但好貴.

今日同俊汝傾左好耐電話.話題都環繞我們GE將來.我去澳洲條路係唔係正確呢?我真係唔知.點都好,我都冇得返轉頭.兩個星期後我就要考AEAS.

二月1日星期日晴

今日又係林村同樂日.但可惜NOW 林村太出名,更何況今日係星期日,一定好多人.所以今年都冇返入去玩.朝早同祖母,四姨婆,姑姐佢地飲完茶就返屋企.原來今日四姨婆又要飛走.

1:30又要去補英文,補完後就返林村食飯.原來今日有三條麒麟表演.爺爺話水窩村舞得最好.咁就好啦,因為我考完會考爺爺就會帶我去果度學麒麟.終於一償所願.現在禽流感之下我仍可以放心食雞有賴grandma自己養出黎ge雞,自己ge走地雞肉質真係正,返屋企時grandma仲比左好多雞蛋我.