今天我們中五畢業班致謝詞.這是否意味著我左救恩的終結呢??本來是的,但可惜現在去澳洲的路有點阻濟,可能要放棄了.估唔到最後才攪成咁.anyway點樣會考都要盡力.

卷己派得七七八八,但成續極之不理想.好多都唔合格.而且合格的只是45以下,冇一科是5定頭.十分之失望.被打沉了.唉.........天氣又差.多麼的令人討厭.

入到林村,grandmother叫我去睇下太太,佢話好耐冇見我,好想見我.我入到太太的鐵皮屋.同佢都傾左好耐計.佢同我講佢好唔舒服.一時心臟痛,一時氣管唔舒服,一時又胃痛.人老左是有這麼多病痛的嗎?

之後叫爺爺搵返支齊眉棍出黎比我玩.點知用左黎做鋤頭柄.最長那支都比正常的齊眉棍短了一尺.不過這支棍都唔輕,十分有手感.爺爺教了我幾招剎棍.我係完全學唔到ge....失敗

之後姑姐又帶埋佢個bb黎食飯.食完飯我出左去練剎棍,grandmother就同姑姐講阿駿打緊齊眉棍.我聽到之後感到十分之出奇,點解grandmother會知乜係齊眉棍呢?我就去問grandmother, grandmother好攪笑咁同我講乜你唔知我學過蔡李佛咩.我聽到真係笑左出黎,真係估唔到佢學過功夫,仲學蔡李佛添,佢仲扎個唔知咩馬比我睇添,笑到我收唔到聲,下次要搵佢 教下我蔡李佛先得.

唉....家榮打電話問我after去邊度玩,then 我都冇乜意見.佢話去唱k,睇戲之類.之後話決定再打比我.我一時醒唔起返左大埔.之後原來佢地出左旺角,但係我又返左黎大埔.唉.............本想打算再出旺角會合他們的.但到最後都打消念頭.其實我真係好想同佢地去玩.唉.......早知旺角等佢地啦.之後佢地話返入黎大埔再搵我玩.<---都冇咁灰

中秋亦有打電話比我.今次係佢過到去的第二個電話.

起初我等家榮佢地的電話,但太眼訓的關係,諗住去訓一陣,等佢地個電話黎可以噪醒我.誰不知我竟然聽唔到電話響.到第二朝睇返來電先知道.後來得知原來得我冇去.真係可惜.下次無論如何我一定要去!!!!

星期五放左學起初想溫文學,點知訓左覺,訓到成5點幾.溫左幾課之後就攪其他野啦.之後家榮打電話比我叫我去打壁球.我話去.之後俊汝又打比我,傾左成個鐘.9點9左右去到富亨體育館.完來壁球都幾好玩,唔錯唔錯之後到家榮,志明,成成,佳佳去左許留山食甜品,之後再去八號公園坐,坐坐下決定玩(可仔公),好耐都未玩過啦,真係過隱

之後同爺爺去左九龍公園功夫閣睇表演.因為今日李春林師父出麒麟,起初佢叫我去.但我拒絕了.但來又心思思都係去啦.果然冇選擇錯.不單止李師父出麒麟,茶果嶺都有出麒麟,西貢張常德師父出北麒麟.元朗白沙村蕭 醮興師父就出龍同獅.長洲都有出獅同斗牛.

我去到己經開始了,李春林師父隻麒麟去緊接其他龍,獅,麒麟入場.又可以睇(會獅).真係正.第一場係蕭師父佢地舞龍表演.之後係長洲舞斗牛.我第一次見人舞斗牛,但係好鬼悶.唉............之後茶果嶺客家麒麟表演,我只好講句精彩,我第一次見麒麟上梅花樁.果然勁.對於我一向反對梅花樁的人黎講都覺得精彩.原來麒麟的 樁上舞法同獅子樁上舞法有好大分別.之後到張師父的北麒麟,我都係第一次見人舞北麒麟,與客家麒麟的分別是多一隻角同個型有小許出入,但舞法差不多.之後就係舞獅表演,冇咩特別.最後到李春林師父麒麟表演,舞得都唔錯呀.但令我印像最深刻都係麒麟上樁.

頭兩堂係西史,鍾SIR講左一D肺苦之言比我地.其間好多同學都在派卡,我亦收了不小,真係好多謝佢地GE心意.之 後派班相,我地個個都四圍傳張班相比人簽名.

LUNCH,我地去左天台食飯,有不少同學都整左野食返黎,MISS ,AR SIR都出席.有MS 吳,MS莊,MS唐,MS關,葉SIR,鍾SIR,梁SIR.我地個個都把握機會同佢地影相.,

之後兩堂中史同ECON.梅SIR又講左D勉勵我們的說話.之後佢帶我地落去草地影相.果度風景好靚,從那裡回望救恩別有一返風味.六年來我都冇察覺到,竟然再臨別時才發覺,真有點可惜.莫非人生總是就快失去才會珍惜.老師,同學...以前不懂珍惜,但如今..............

我地5點鍾有班會活動.我地冇去惜別會,去左打波,打左陣之後玩遊戲.玩o平,o彭,哇,唉竟然輸左好多次,要唱校歌,跳舞20秒,地下滾動.失敗．．．．

5點鐘到了,我地去到有蓋操場集合.我地開始相認天使,原來雞翼真係我個天使.多謝佢咁多日來的鼓勵.我亦送了昨日買的水晶鏈比佢.原來佢又準備了禮物給我.之後去左操場影相.又輪姦志明，然後玩遊戲,我地玩麻鷹捉雞仔,用梅SIR的U形大法,效果十分好,我同志傑都成日撞斷人地.然後又玩糖黏豆,盡顯人性的醜態,但真係好好玩.

之後我地去聚寶食飯.食完野又玩o平,o彭,哇,哈哈......詩敏,同家榮輸左要問d侍應佢地靚唔靚.我同謂成都有輸.我要做拱橋,而謂成就要做掌上壓.

之後我地又再去海濱玩.玩到成12點幾就返屋企.

近日係尾二啦,唉...........返到學收到石詩韻,佳佳,小天使比我GE心意卡.石詩韻:唔緊要WOR,我都冇放O向心裡面.佳佳:唔緊要啦,唔係只得你對我有誤解,NOW清楚我咪得LAW, FOREVER FRIEND啦.曉兒今日整左D奇異果o者o厘.真係多謝佢啦,成日都帶D野返黎請人食

LUNCH阿SIR請我地成班男仔去食飯,我地己經叫左勁多點心.但點心一放落檯就比我地搶晒,情境同黑鷹15小時中差唔多.抄飯抄麵都一樣.攪到成張檯都係飯碎,麵碎..........數學堂MS莊冇教書,同我地講佢的成長路程.可惜我要去補BRUCE CHAN.所以要早走.

補完那後去買禮物比我個小天使,答謝佢一直以黎都咁鼓勵我.我去買左條白水晶鏈，據聞可以增加記憶同讀書運ｗｏｒ，梗直文科必備啦．返到屋企之後又落左去剪頭髮．．．．．．．．

之後我地就一齊坐車去梧桐寨.落車後就響鑼,隻麒麟就去拜祖先先.我同李師父就拎住部機影相.然後舞隻麒麟上山.哇........原來要行好耐先去到.最衰我又未學到,唔係就可以幫D師兄接下手啦.行到最盡,終於見到 座廟,座廟真係好大.於是我就跟住隻麒麟去拜神...拜完後就搵左一個空地放低D野.不久林村六奎堂隻麒麟又黎左.........之後就食齋......大約12點幾我地要舞返隻麒麟落山.落到村師父叫我舞下個麒麟頭.我勁開心.但又好緊張.有D禮儀做錯左.不過都唔緊要.經驗黎遮.

2點9返到學校練ORAL,唔知點解地下去會噴水,我地就轉左地方坐.之後我見到有張$20紙漂緊落黎.阿LING就走左去執.我地就決定考完後一齊用張$20買野飲,差唔多到3點9,我地上左去WAITING ROOM.我開始好緊張啦......之後我地又去第二間房就野.然後又出左去到.頂.....愈黎愈驚........考到好差,DISCUSS果陣唔係好明題目講咩,所以冇乜點講野.

原來每日只有食飯GE時候先同阿媽傾計.真係好對唔住佢,只有萬千的內疚.