之後返屋企繼續溫書,突然有個女仔ADD左我,住澳門架.都唔知佢點ADD我GE?不過同佢都幾好傾.

之後出去旺角同爸爸睇錶.

睇完返入黎大埔去左天外天食飯.之後買左個蛋糕仔做早餐.

10點幾爸爸突然收到電話就要返大陸做野,佢份工真辛苦.

之後去左運頭塘,點知原來都唔開.去左自修室出面D檯溫.溫溫下高佬問我去唔去LUNCH.我返屋企放低野後,會合高佬後,去左街市食車仔麵.

之後返到屋企休息陣後就踩單車入林村.踩GT真係踩死我,最衰冇得轉波.不過,我都冇後梅買GT.未返到屋企,我去左均益買左之樽裝雪碧飲.真係正.做完劇烈運動飲返支冰凍汽水感覺真係冇得頂.

返到屋企,得太太,我溫陣書後再訓一陣,然後再溫.之後整整部車然後再溫.整整下車太太成日響我側邊講叫我唔好踩出去,叫我搭車出去.因為佢覺得踩單車返林村好危險.唔想我踩.我冇理佢.我再溫多陣己經成6點.於是我執好個書包再返單車出去.

踩出去易過踩入去,可能只係落斜的關係啦.

返到屋企下久,太太打電話同媽媽講,叫媽媽唔好比我踩單車返林村.我最僧就係咁,我聽到之後好(興),以我性格你唔比我做,我更加會做.我決定以後自己返林村都踩單車.對唔住.

不經不覺淨下不夠兩個星期

今日請媽媽去左東江雞食飯,原來點菜食飯真係好貴.平時唔洗我比錢都唔覺.3個人食左一百七十幾.哈哈不過冇所謂啦.

今日我又係6點幾先訓,連續幾晚冇訓咁濟,但係又唔知點解好精神.今朝10點幾左右就同高佬踩單車入大尾督,都有成3年冇同佢踩單車啦.哈哈,now大尾督條路整得好靚,唔似以前咁爛.我地踩左去堤霸,之後去左食泰國野.真係多謝佢請我食飯呀.

返到屋企沖左陣涼後約瑩瑩7仔等.正當我在門口著鞋果陣,我突然聽到好噪,原來係瑩瑩,家榮,志明,k傑,佳佳,東東,成成佢地.我見到佢地之後成個人呆左.我估唔到佢地會突然出現,真係好驚起.講真的!好多謝你地.佢地帶左個蛋糕黎,仲送左禮物比我.我好鍾意d禮物,好arm我.志明同k傑送左兩盒避孕套比我,話驚我第時去澳洲,d澳洲女仔開放得濟,驚我會有性病wor.真係比佢吹漲,...............不過都好多謝佢地,夠膽買又咁為我安全著想.哈哈.....家榮送比我的禮物我即刻就用,果然好襯我.多謝!瑩瑩送左對有石ge耳環比我,不過粒石仲大個我隻耳珠.

返到學校做maths paper 1.唔係好識做,有d擔心添.

好多謝你地送禮物比我,好多謝你地同我講生日快樂.生日時聽到生日快樂4個字真係好感動.

之後返到屋企,原來爸爸返左黎.佢話你就係買左架單車呀.我話係.佢話想送隻錶比我做生日禮物.佢話18歲的生日禮物要有紀念價值.價錢唔係問題.將來亦可留返比我個仔.我起初話唔洗,因為買左我都唔敢帶住.因為實在帶唔起.之後諗諗下都好,等第時返工先拎出黎帶.做做下野時望一望隻錶,諗起有咁錫我ge父母.鞭策自己.好多謝你咁錫我.我一定會好好保存呢隻錶.太有紀念價值.....

6點4左右,我去到昌運m記,會合晒成班傻仔軍團成員後就去海濱公園切蛋糕.食完後踩單車去大埔天外天同爸爸媽媽佢地食飯慶祝.食完後,我再踩單車去海濱搵返家榮,志明,佳佳,首領佢地.我地玩左陣鋤d.之後又去左一個遊樂場玩(可仔公).首領要早走.得返我地四個.我地傾陣計後又去左海濱盡頭坐.玩到成2點幾先返屋企.

今年生日好開心,好多人幫我慶祝.好難忘.都係要再講多句"多謝".....而且我明白好多野.........18歲生日,我畢生難忘.

但唔點解買完之後有D後悔,次次買完野都有呢種感覺.....................

之後返屋企煮通粉食,然後去補ECON.

之後去左賽馬會睇醫生.原來去政府診所係低好多.一次只係45蚊,仲有成1個月藥.哈哈...然後都係去政府診所睇病啦.之後行去大埔墟幫阿媽買蜜糖頭.點知去到剛剛賣晒.

今朝6點幾先訓,訓到成12點,唔知係唔係成日唔夠訓呢,個頭有d痛,對眼好似腫左.刷緊牙諗今日lunch食咩好,高佬就打黎問我去唔去lunch , yeah!!唔洗自己一個lunch.約左佢12點半大埔墟7仔等.之後去左街巿食肥妹仔ge魚蛋粉.我同佢由小學幫襯到依家.以前我地就踩街車去,now就行路去.講起單車,完來我地都打算買番部單車.其實我本來想買部爬山單車.果次返大陸見到果部真係好低.碳纖維車架都係賣2千幾.香港一定過5千.但係又唔知放邊,屋企地方有限.高佬叫我一齊買GT.其實我都有興趣架,不過我又諗住買完踩單車返林村,如果踩GT返林村一定踩死我啦.

最終我都係決定買GT,如果有錢裝埋GT鈴仲正!!好似以前架街車,不過NOW都冇晒舊款GT鈴.又唔想用新款.都係唔用GT鈴啦.我己經約左高佬遲D一齊返大陸買啦.哈哈.........我地一齊唔踩街車街轉踩GT.唔知矇珠眼,佢地有冇興趣呢.成班買晒咪好似以前咁.

起身又溫左陣作文,之後換衫去左華立食lunch,食完本來打算去運頭塘溫書,但唔知點解突然勁唔想去,本想屋企溫,但可惜太多引誘了.之後返左林村溫,林村果然係一處幾好的地方,有夠寧靜.溫左陣中史之後諗住返返新達.但係grandmother極力留我食飯.我本來都唔想留低,想早d返出去.但我又唔好意思拒絕佢一番美意.終於決定左.我溫多陣maths然後去左打波.好耐都未打過籃球啦.考完一定要搵家榮志明佢地打波先得.打左陣出左一身汗果然正.

原來叔叔今日又放假,做消防員真係好.返一日放兩日.我都想做消防員呀，不過有近視．我地又討論旅行大計.目的地係成都四川果邊.叔叔同佢d friend去西藏先，我都好想去西藏架．西藏比我ｇｅ感覺係危險．我自己一個一定唔敢去．而我之後自己去成都機場會合佢地．有兩條路，一：香港坐飛機去成都，但係價錢貴好多；二：深圳上機，叔叔主張我深圳上機．但係佢太高估我啦．我連深圳機場邊度我都唔知．而我ｄ普通話亦是有限公司．跟本冇法同人溝通．我都係決定香港上機啦．但係我又驚去到成都機場搵唔到叔叔．唉，總之有好多野擔憂啦．鬼叫自己出門少咩，真係好後悔以前唔跟爸爸媽媽去旅行．現在成為一隻井底之蛙．所以我愈黎愈想讀旅遊業，可放眼世界，真的不錯．

原來姑姐同琪仔哥哥都入黎食飯，佢帶埋個ｂｂ入黎，佢地叫我抱下，原來抱ｂｂ感覺都幾得意．我都係第一次抱ｂｂ咋，有ｄ雞手鴨腳．

人生始終要有點危險才懂得珍惜生命，珍惜家人，珍惜朋友．我真的未試過自己一個人去咁遠ｇｅ地方，雖然真係好想快ｄ去，但個心始終有ｄ抗拒呢日,因為我驚.其實係好矛盾．以前上堂經常聽梁ｓｉｒ講佢年少成日同ｄ　ｆｒｉｅｎｄ呢到去,果度去.我真係好羨慕佢有咁多經歷.人生在世,有機會應該見識多d,出外闖一闖,我開始明白爸爸點解18歲未夠就去行船了.讀萬卷書不如行萬里路................

之後就返屋企.都差唔多成點幾,爸爸仲未起身.我食完個飯盒.爸爸先至起身,之後佢同媽媽去食lunch,而我就開始溫書,溫左成幾個鐘作文.本來約左家榮佢地去溫MATHS,但係我要入林村,所以去唔到啦

去到林村,我玩一陣棍然後又練一陣麒麟.之後同叔叔討論會考完的旅行大計.會考完我會跟叔叔返大陸玩,可能去成都,四川或者西藏.我想去D較偏遠的地方,體現一下流浪的生活.

返到黎大埔,爸爸租左套愛登士家庭黎睇.

彭澤深話8月要去美國.完來唔單只係讀書,係全家移民去.以後都唔知有冇機會再見添.佢係我跟葉SIR學跆拳第一個識GE朋友.我那時還是5,6年級.我同佢都做左戰友好多年.每次我打比賽,佢都會在場的.平日都經常同佢打free fight.但後來我冇學跆拳,亦少與他見面.我決定考完會考返去同佢再打下free fight,睇佢D技術有冇進步先.到時一定要就下我啦.哈哈.......................始終有點不捨得.

人在人生道路裡,總有人陪著你走,也有人中途離去,然而不論路程遠近,最重要是能珍惜眼前相聚.

我以激快ge速度換衫,然後行去寶樂. 之後坐低,仲有一個,原來係爸爸以前d師兄弟,一樣係學朱家教跟邱兆斌師公.之後坐左一陣.李師父約左佢班徒弟11點半再飲茶,但係未夠鐘,就黎左我屋企坐左陣.

佢講左好多麒麟禮儀比我聽,例如入祠堂點拜點舞,點採青,有咩青.佢仲做比我睇,原來麒麟點馬步有好多,千變萬化.果然有內涵.愈黎愈想快d考完會考添.佢仲講左好多功夫經比我睇.原來李師父好想發揚竹林寺螳螂拳,但可惜冇人教.黃毓江宗師的威名,也漸漸被人淡忘.此乃可惜也.

之後去左沙田買鞋,本來想去旺角買,點知今日天氣奇熱,都係去D有冷氣GE 商場先係明智.之後再去九龍塘轉地鐵去尖咀.

去到九龍公園,我四圍咁搵爺爺,原來佢就企我對面.之後去到佢果邊.佢叫我叫一個人做江伯.原來我滿月果陣佢都有黎飲.轉眼間就18年啦.不久聽到鑼鼓聲.知道D獅同麒麟黎緊.我就去睇.點知李春林師父見到我,果然係練武之人,一眼關七.佢叫我跟住佢隊麒麟隊入場.今次好多人舞獅,全部都玩傳統青.其實依家都唔係咁鍾意睇人舞獅啦,好似好悶咁.來來去去都係咁.冇乜特別.D人又舞得差.完全無獅形.都係麒麟吸引我.今次原來唔係李春林獅父佢地舞,而係黃毓江宗師細仔黃耀華掌門在大陸帶左班徒弟落黎表演.佢地舞傳統的麒麟採青,我第一次見咋,好彩李春林師父在旁講解.佢地舞之前吹一陣D打,其實我都未見過人舞麒麟吹D打架,李師父話大陸興.之後佢地開始舞,佢地舞得好快.好剛猛.唔同香港風格.我覺得舞得唔錯.但爺爺話佢地舞得好硬,唔夠靈活.太過賣弄功夫底子.李春林師父叫我得閒去禾坑搵佢,教我舞麒麟.好,等我考完會考會學先,我仲要學埋江西竹林寺螳螂拳先得.真係想快D考完會考.

之後同爺爺坐車返大埔,爺爺本來打算帶我去見王振平師父,但搵唔到佢.唔知佢去左邊呢.王振平師父講就講得多佢,但都未見過真人.成日經過佢間跌打鋪.搵日真係要去佢間館坐下先.

約了grandmother and爺爺９：３０太和第二卡等，可能我出街多野整的關係，攪到佢地要等我地．去到grandmother話等我地果陣去左優之良品買糖比我食.哈哈,真係感激佢,佢知道我鍾意食糖特登走去買,仲買左唔少添.坐火車其間爸爸同兩個大陸人鬧交.不過只係噪幾句遮.

過完關去搵車坐去龍華(我鄉下),去到龍華市又要轉車坐去我地條村.哇,果度變左好多.我地唔係好認得路.爸爸要我走圍跑黎跑黎搵路行.我搵左好耐先搵到一條勉強可行的路,然後叫佢地過黎.NOW D 祭品真係越出潮，越出越真．有彩ｍｏｎ　手機，PDA, 新$100等.D 冥通$100做得激真呀.

之後去左龍華最出名果間走樓食午飯.可能爺爺算有d地位啦,有八折.之後我地決定去叔叔間新屋.我地坐車返深圳然後再轉的士去叔叔果度.爺爺冇去.去到我地就不停研究,哈哈,叔叔張 床原來係水床.我訓上去好似游緊水咁,又暈下暈下.舒服真係好舒服,但感覺好怪.我又玩叔叔果部小型電單車.都幾好玩呀.

之後叔叔帶我地走圍行,經過間單車鋪果度有好多GT賣,價錢都幾便.有D想買.又有跑山單車,價錢仲低,如果媽媽比我踩單車返林村我一定會買.之後又去睇電器.又帶我去買DVD ,我買左好多卡通片,有劍心劇場版,08小隊,高達W.全部都係買左$72.我好後悔邊解買得咁少,等我考完會考大量入貨先得.

之後就去食晚飯.我地去左間叫鄉巴佬食川菜.間野真係好低,樣樣都係十蚊起,廿蚊止.難怪咁多香港人返大陸宵費.

爸爸今日買左新電話.佢就好啦.

以前，六叔買了一架保時捷搖控車給我，自此，我十分喜愛保時捷．更揚言將來一定要擁有真的保時捷．但後來才知道保時捷價錢並不便宜．自此打消念頭．因為覺得自己跟本無機會擁有．

早幾日班中男孩討論生仔的問題，他們全都讚成．無錯，我也是讚成的一份子．我覺得一對父妻加上他們的愛情結晶品才算是一個家庭．但養所花的金錢並不是小數目．

但近一兩年我開始明白種瓜得瓜的道理．我可能是個喜歡享受生活的人．所以我一定要付出努力．識我的人都說我變了，不論親戚，父母，朋友．是！！我的確變了．以前的生活我己討厭了．我明白讀書的重要，別人讀書求知識，學問．但我讀書卻是為將來生活更好，更美，滿足自己，滿足家庭．

滿足感，追求慾，令我變！令我進步！

我鍾意旅行,突然有興趣讀旅遊業添.可放眼世界.唔錯.........

LUNCH同左曉兒去大排檔LUNCH.六年了,唔知仲有冇機會著住救恩校服去食呢?有都會好微.

放學踏出了604室,永遠都唔會再有機會屬於我的5B班一齊上堂.

放學有種好特別的感覺,與平日極之不同.四週環境好靜.好陌生.可能踏出了救恩門口我就不再是救恩學生啦.

路......我依然選擇了行,自己一個,踏著孤獨的路.

返到屋企我冇溫書.根本冇心情溫.我選擇左睇卡通片--鬼眼狂刀.睇到7點半左右去左昌運M記會合我班好朋友(傻仔軍團成員)之後去元綠.然後K使傑,成成都黎埋.之後我地去左海濱公園.我地選了一處較乾的地方玩 o平.o彭.哇,真係好好玩,各人流露著開心的笑容.友情真摯.

中四,中五回顧(回顧的事情太多,我只是頒臨時記憶)

老師:班主任是鍾SIR,佢真係一個好好好好好老師,好錫我地,同我地又玩得好激,佢GE 名言:讀得勁,玩得勁.佢更花費大最金錢購買英文各PAPER 的練習給我們做,雖然什麼英文自強運動最終都好似失敗,但那份熱識仍然讓我感受到.梁SIR,都十分之好,其實我好鍾意上佢堂,佢講講下書又會講其他野.同佢相處沒有那種師生的關係.MS莊:好用心教我地MATHS,佢好想我地在會考拎好成績.MS關:佢都幾好人,我有些英文問題佢都好肯答我.但有時會發脾氣.梅SIR:我好尊敬佢,佢對每樣事情都有獨特的見解.與其他老師不同.而佢的訓話更不只是 空談之說.還記得中四初他教我耍太極.MS 唐:起初其實不太喜歡她,好記得佢有一次睇小我.有一次小測中我MC 拎滿分,佢問我是否望隔離.我聽到後十分之奮怒.但後來怒氣全消了.她都是一個好老師.MS黃:其實我不太喜歡她,佢經常見我地上堂傾計或訓覺時就講一大堆說話,最後總是講(你地咁做,天父是知道的.)

鄰座:其實我好想再可以同曉兒and黃智輝坐的.曉兒上堂十分之留心,而且又經常抄筆記,我又可以抄佢D筆記.而且同佢相 處好有親切感,好想將所有心事告知她,同佢一齊可以好自然流露真我.聖誕節佢比左張聖誕卡我,係佢親手造的.每一刀可見其用心,好靚,我會keep住,永遠永遠.而黃智輝我根本冇想過會同佢熟,可能自己高傲又或者聽得太多他的事蹟,對他產生小許抗拒,但同佢坐過之後先發覺佢有可取之處.

同學:瑩瑩,對人十分真誠.而且兩年來每朝都同佢返學.中三己經同佢同班,講真,那時我並不喜歡她.她給我的感覺是暴力.但後來與他熟絡原來有溫柔的一面.但我覺得佢過於表露自己的小智慧.又經常在班房大炒大鬧.傻仔兵團:郭智東(首領),佢好好玩,而且成日都好似低低BB咁.志明:同佢都幾好傾,但有時會突然發火.東東:與中二的他變了自信很多.智傑:給我的感覺自大,經常自我誇大,但好肯幫朋友.成成:佢MATHS 中史真係好勁,我好鍾意請教佢,佢次次好用心咁答我.佳佳;佢份人都唔錯,開學時其實對佢沒有好感的,可能從他人口中得知他是吹水之輩,但同佢熟左原來並不是,與人深交並可能看表面之皮毛.家榮:同佢好FRIEND,可能大家做的事情,睇法相似.好好傾.但有時會口黑面黑,可能自己做錯了事的關係啦.坦白說,我有點兒對不起他.朗兒:給我的感覺是好動活潑,十分之可愛,經常笑,同佢一齊好開心.麥脆:外表都幾串,但識落並不是.佢好肯幫我.而且我覺得佢總是收埋自己.甄may:我己沒打算追求.可能我真是誤會了她.蟹鉗:我同佢己經做左4年同學了,但並不是太friend.但係我好多謝佢給我的頸巾.

今天我們中五畢業班致謝詞.這是否意味著我左救恩的終結呢??本來是的,但可惜現在去澳洲的路有點阻濟,可能要放棄了.估唔到最後才攪成咁.anyway點樣會考都要盡力.

卷己派得七七八八,但成續極之不理想.好多都唔合格.而且合格的只是45以下,冇一科是5定頭.十分之失望.被打沉了.唉.........天氣又差.多麼的令人討厭.