之後我地去寶樂飲茶.原來寶樂做埋今日唔做.我由幼稚園己經幫襯到依家.以前住林村時周不時同GRANDMOTHER 去飲茶.可惜..........

返到屋企再訓多陣.之後問高佬去唔去LUNCH.完來佢己經食緊,仲話華立今日又唔做,叫我去食.

然後又成日睇卡通

後來就去吉之島睇電視.本來諗住買部34吋.點知都要成萬幾蚊.我地決定唔買34吋.之後去左豐澤睇電視.點知佢果到得兩部背投電視.之後傾傾呀.就去左睇plasma.有部三星有免費五年保養,42吋.之後計計下買呢部仲低.不過價錢唔便.

之後我還左書然後返屋企又睇幽遊.成套,都唔幾時睇得完.......哈哈.............考完試真係有d無聊.

3點幾返林村,首先去左大埔墟買左兩隻燒乳鴿比曾祖母食.然後坐van仔入去．入到去本來想打波，但地下又濕．之後拎左枝齊眉棍出係玩．練左幾次好似有ｄ進步．開始知點用力．之後又同隻狗玩．

食完飯又返屋企睇幽遊．夜晚同傻仔軍團佢地打ａｏｃ　．．．

之後到志明佢地去康泰睇旅行資料.然後去左大元食日本野.

之後返屋企狂睇幽遊白書

返到屋企，爸爸打黎問我食唔食ｌｕｎｃｈ．完來佢放早．我之後睇幽遊白書．睇左成日咁濟．媽媽又突然打電話返黎話落左機．一個鐘頭後左右佢就返到黎．完來佢去左馬來西亞旅行．

夜晚去左運頭塘間酒樓食飯

之後坐車去搵師伯飲茶.食食下伯娘都黎埋.然後師伯車我地去睇刀.原來佢換左新車.係架BENZ 新款E240.原來要成7十幾萬.之後佢同伯娘去唔知簽咩.我就同爸爸去睇刀.成個商場都係買手工藝品.有好多野睇.我地首先去一間刀部.我想買7孔刀同日本刀.但係我見到D 7孔刀都唔靚GE.斬幾斬都崩.我決定唔買七孔刀.之後睇日本刀,D日本刀好假,而且刀鋒又唔直.爸爸話再行下睇下見唔見到刀鋪.我地就四圍搵,我突然諗到可能會有獅頭同麒麟頭賣,我就問爸爸有冇.佢話上次黎見到有,仲係900幾蚊.但佢話唔記得正確位置.我地行行下見到有間刀鋪.於是就去睇,d貨同先前果間一樣.全部都唔靚ge.我決定唔買.可能要去日本先買到把靚ge 日本刀.於是我四圍搵.我終於搵到啦.我見到有間鋪頭放左4個獅頭.於是我走過去.原來3隻係佛山獅,一隻係鶴出獅.都唔貴,600幾蚊己經有一隻啦.我於是逐個舉下,好輕,不過扎得好粗造.同其他 獅頭比呢4隻一睇就知低幾級.唔怪得萬勝行d獅頭要成萬幾蚊一隻,真係一分錢一分貨.

之後會合師伯後佢車我地去搥骨.我同爸爸首先焗桑拿.師伯話唔焗.焗左10分鐘左右.我地去大堂會合師伯.然後有位服務員問我地要泰式定中式.師伯話要泰式.而我同爸爸就要中式.搥完成個人鬆晒....^^

之後我地三個去返師伯間酒酒食飯.爸爸同師伯勁討論美國應唔應該打伊拉克.爸爸就話唔應該.而師伯就話應該.佢地鬧黎鬧去.笑到我死

考完返屋企訓覺.訓訓下高佬打黎.問我食LUNCH未.我話未.佢就話同我一齊去食.佢話踩車去大尾督.我梗係話好啦.踩單車即係去玩啦.哈哈......我就陪佢去借馬仔架GT.借完,我地踩左陣,大家都覺得非常之熱.興致大減.最後決定唔去添.我地後來去左八號餐廳食LUNCH.我仲見到何建庭添,起初我唔多肯定係佢.淨係望住佢.之後我地食食下野.佢則邊經過.之後我地打招呼.我先肯定係佢.太耐冇見唔多認得.食完我陪佢去買六合彩,佢問我買唔買,話有成3千幾萬.我諗左陣先叫佢幫我買埋.

之後返到屋企,我地打算睇碟.本來落去租ge,點知又睇唔arm.最後我地睇我屋企果隻標殺令.佢仲帶左支酒果黎飲添.係白蘭地.我地去左百佳買可樂同利賓立打算溝酒飲.標殺令裡面有好多日本刀.攪到我愈黎愈想買把日本刀添.之後我地開始溝酒.原來白蘭地溝利賓立好好飲.佢仲帶左兩個骰盅黎玩.輸左要飲一淡.即係想罐酒我遮,我地唔飲得酒ge.而且佢又有咁多實戰經驗wor,不過都學到好多野.佢教左黎好多玩骰盅ge招.哈哈............之後佢約左佢女友出街走先.而我睇左陣cartoon又訓左陣

8點左右去到M記會合首領同家榮,然後行去大中,會合埋志明之後去旅行社睇資料,究竟去泰國定台灣好呢??食完飯又去左網吧.間間網吧都冇位咁濟.唉..........考完試竟然唔可以衝出大埔.又係打機,仲係打AOC添.真係冇晒隱.打完去左食宵夜...

我去左運頭塘溫書．溫極都溫唔到．我問爸爸返唔返大陸．佢話太晏唔返．我溫左陣決定放棄，返屋企睇電視．我訓ｏ向張床，唔知點解對眼不停咁流淚水．我諗我係喊啦，一切都變左好多，我接受唔到

睇左幾個鐘碟，之後同爸爸去國華表哥間鋪買燒碟機，然後去左南風閣食飯．仲見到阿龍添．食完飯，返到屋企睇多陣碟然後就裝部燒碟機啦∼∼∼∼

之後12點起身,同佢去左美心食野.食完野我就返屋企溫西史.佢就搵師伯傾計.好似冇乜心情溫咁,我於是決定唔溫,睇卡通片~~之後阿PING打黎叫我落去拎衫.佢就正啦,考完試,而 我就............仲有日要涯..

9點幾去左大埔墟M記搵志明佢地.會合齊人我地去左BAR食飯,然後睇波.曼聯對米禾爾.其實我對睇波都唔係話冇興趣.不過我鍾意同D FRIEND 去D BAR 睇.如果自己一個屋企睇會好冇隱架.最後曼聯3:0贏左.之後我地玩大話骰.哈哈,好激烈,本來家榮要罰請飲野架啦,點知佳佳後來可能同我地friend ,想請我地飲野,結果佢輸左~~~~~哈哈.........返到屋企成2點幾....

去到大元7仔,佳佳最早到.佢以為我咁ARM經過,真係比佢笑死.原來佢唔知有咩人LUNCH.之後我地去左大元食日本野.然後行返學.返到課室.得20幾個同學返左黎咋.

之後去左佳佳屋企燒碟.

然後我去左睇電話,GX22都好貴,都係打消念頭了,然後經過大埔墟麵飽鋪買左兩件西餅食.

返到屋企,原來爸爸己經返到黎.之後我訓左陣,然後溫西史.溫到8點幾.爸爸話媽媽夜返.得我同佢食.我地去左睇電話.佢成日問我睇ARM 咩機未.查實我都未睇中,睇中又好貴咁.唔係好值.最後我地決地GX32跌價先買.於是我地傾開刀.我叫佢下次帶我返大陸買刀.我決定買把日本刀,九孔刀,同開山刀.可能受爺爺同爸爸D遺傳啦,我都好鍾意 刀.之後爸爸問我有冇睇過美軍比人斬頭GE片段.我就答佢知邊度有得睇,但我唔敢睇.佢叫我搵比佢睇.我睇睇下都唔敢望.太恐佈啦.都唔係斬頭GE,係活生生切個頭出黎.睇到有D反胃GE 感覺.

之後去左沙田買禮物比阿PING,買左件衫,不過後來覺得好似好細件咁,唔知佢ARM 唔ARM 著呢?

之後返左屋企,然後再去翠屏搵阿RED ,叫佢交件衫比阿PING.然後去廣福食左個LUNCH就同朗兒去溫西史啦.去到以為會好D啦.點知溫極都溫唔入腦,真係火都扯埋.之後睇YES雜誌,又同朗兒研究下D明星.我地 太噪比D職員話.之後我地繼續溫書.唔知係唔係興鬆完.好似溫得幾好.幾易入腦

夜晚媽媽話唔煮飯,我地又去左天外天食飯.天外天己經成為我地常去開飯的地方啦~~

今晚我決定要調較返個生理時鐘,我唔可以再3,4點訓架啦.再配合寧心幫助.因為考完西史後可以11點就訓得著啦

我落左華立食飯.食完之後本來想返屋企溫西史,點知溫極都溫唔到.唔單止記.連睇都唔想睇.唉.....人地己經考完啦.我就....攪到勁冇mood 再溫啦.之後執間房.都執左幾耐呀.可能溫書時張D NOTES 四圍放啦~~始終都冇乜點溫書

不久要開考了.首先係文學史.文學史都幾難.唔係好識做.溫左又冇出.問法都唔似梁焯洪咁.考得唔係咁好.

之後就係課文內容.頭兩題同MOCK 卷差唔多,真係做到笑咁濟.不過有題鴻門會+ 紅樓夢.我冇溫紅樓夢.但係都有揀呢條.因為其他我都冇溫啦,揀唔到題.

考完算係不過不失啦.睇睇拎唔拎到C 啦.之後同志明行去大中搵智傑LUNCH.期間見到家榮佢地.之後志明就同我講左D野.佢唔講我都唔知添.原來係咁.

會合完智傑後本來打算係法國快餐店.不過頂!!!!!!!竟然加左價.我地就去第二到.經商量後去左椰林閣.志明又問人係唔係請人,之後又填FORM.暑假我都想搵返D野做下添.唔洗ON 狗狗咁悶.最衰智傑唔出街.我地就各自各返屋企

返到屋企想訓又訓唔到.突然心血來潮想返林村踩單車同帶隻狗跑步.於是我就踩單車返林村.頂,踩到許願樹對出我抄左車呀.我架車第一次抄架.極之心痛.我就乜事都冇,只係撞傷小許.我比車頭果對腳雞累事.我見到前面有幾條柱.我以為過到啦.點知我擰一擰車頭.車頭過左.但對腳雞就撞左落條柱到.我成個人扑左落地.唉,仲係馬路隔離.瘀爆~~

踩踩下突然唔想踩馬路返入去.於是我轉左入某條村又d村路踩返去屋企.唔知點解,四圍都好想靜.人影都冇個.好似冇乜生氣咁.我好驚呢種感覺.諗諗下早排好似有個叔公太過身．星期日做完法事．唔 怪得見到地下咁多溪錢啦．愈諗個心愈寒．都係踩快幾步快Ｄ返林村屋企先得．返到去，一個人都無．爺爺 AND ＧＲＡＮＤＭＯＴＨＥＲ又唔知去左返.之後打比GRANDMA 原來佢去左姑姐到.

之後我用膠紙縛左條棍響架單車到.因為我驚隻狗會同其他狗打架.有枝棍可以幫隻狗一齊打MA...哈哈.之後我就帶左隻狗出去.我踩單車,而隻狗跟住我.呢種就係我響往的生活.我好鍾意帶住隻狗去跑步.所以弟時我都可能養狗.

帶完隻狗跑步,返回林村屋企.爺爺仲咪返.於是我去食雪糕.佢不久又返左黎.之後我拎左技齊眉棍出黎練.爺爺今次教左我上馬.6點幾我出返黎新達.

返到新達沖了過涼後.首領佢地打黎.話搵我出黎玩,good有得竭下.約7點3大埔墟m第.今次醒左啦.遲兩個字出門口,點知都係第2個到.

之後我,首領,志明,佳佳,家榮一齊去左南風閣食飯.頂,志明玩個侍應.人地問佢食咩?佢就話黑辣牛排走黑辣:人地問佢飲咩湯.佢就問人有冇西洋菜煲豬骨.係唔係玩野先!?不過笑到我地死.

食完飯吹左陣水又會合埋志傑.之後傾去邊度玩.唉大家都諗唔到去邊.佢地狂叫佳佳問蟹鉗借屋.佳佳唔肯做.之後去到昌運m 記會合成成.又傾去邊始終都達唔到共識,一d又話出旺角,一d話去鬼屋,一d又話去督波.最後我地竟然去左網吧.我超耐未去過啦.其實都唔太想去.因為話打aoc.之後傾傾下話玩落曼弟.好耐都冇玩過啦.各人都講到興起.我地打到成差唔多3點先返屋企.

小學同學~~~六年啦.都冇乜撞過.係早排遇返陳巨宏,唔知點解突然好想知小學同學D 返況.好彩NOW有ICQ.真方便.6年前小學畢業.今年又中學畢業.感覺有些相似.可能兩者都係離別,算是一個終點掛.可以的話大家一齊讀中六 ,唔可以就走另一條路.天下無不散之延席.事在人為.始終有相聚一刻.珍惜~~~~那一刻.因為他們是陪伴自己過終點的同伴.

成晚的時間我終於捱完．但係Ｄ時間過得好快．我望住個太陽慢慢升起，我仲用部數碼相機影左幾張相添．８點．係時候出門口啦．去到王肇枝，入到禮堂．

不久就開考，份ＰＡＰＥＲ　１　好似好難咁．我好似好多都唔識．於是由尾做返去頭．又好似識咁．不果就唔知ＡＲＭ唔ARM啦．

之後再做ＰＡＰＥＲ２　好似好易咁，我做得勁快．做做下又好似唔多對路．好似ＢＲＵＣＥ　ＣＨＡＮ教果Ｄ推理有Ｄ　唔記得．

之後我即刻同ＡＬＡＮ，　志傑，朗兒對答案，死啦．好多都同佢地唔同．唔理啦，訓覺∼∼∼∼

訓到４點幾比楊志明個電話噪醒左，佢打黎原來係問我大飛哥Ｄ野，真係比佢吹漲∼∼佢仲有話完來ＢＲＵＣＥ　ＣＨＡＮ放左D答案上網.我於是去對.頂!!!!真係錯勁多.死得啦~~~~~~~~~~~~

今年魯叔(爸爸中學同學)本來叫我幫佢地隊獅一齊行.但係我要會考,錯失機會啦.連巡遊都冇去睇.得爸爸去.諗起上年幾條要成百人舞ge 龍真係壯觀.個龍頭長過我張床咁濟.如果舞龍頭一定型爆!!起身一直係咁溫econ.溫到5點幾就坐van仔去元朗.去到魯叔間鋪頭,我同爸爸就去搵媽媽行街.

行到差唔多7點鐘就坐車去白沙村食盆菜.途中架的士撞到隻小狗.撞落去果陣隻小狗叫得好淒厲.我個心好痛.可能我是愛狗之人.雖然個的士司機話隻狗冇事.但係點會冇事呀,車頭撞到隻狗,停都冇停車繼續行.個的士司機撞完隻狗仲好似若冇其事.其實果陣我好想打佢.

去到白沙村.己經有好多人啦.有成幾十圍台.我地坐低.再要等人.於是我就去睇下個龍頭.白沙村起左間鐵皮專放個龍頭,不過都應該啦,個龍頭又大又貴,最少要成幾萬.一定要好好安置先得GE.我行頭去間屋,原來出面放左隻東 莞麒麟,外型好似唔同我果次去國藝店睇果隻咁.呢隻相當奇特.於是用爸爸部手機影左一張相.於是我再行埋去個龍頭度.個龍頭真係好大.好勁.我係指個扎作師父勁.我都唔知點扎著黎GE,可以扎到咁精細.真係佩服中國傳統藝術.可惜鍾意的人少.漸漸失傳............

我再返去我地圍台食盆菜,食完坐車返去元朗巿中心再坐返VAN仔返大埔.

之後溫溫下,佢地又有個FRIEND 黎左.佢唔見左張準考証.諗住去差館報失.之後一齊去食飯.佢拎左佢部電話比我地睇.影左張佢好有型ge相.著左件西裝,帶左好多金鏈,又拎住把槍.勁似去完打劫咁.笑死我啦.......又話要send張相比我地． 哈哈.........我部電話冇紅外線所以SEND 唔到比我.....

之後再排隊入自修室,點知勁多人,冇位坐.我地就去左劉倫屋企.去到佢屋企一路傾計,一路計數.傾傾下,車仔提及佢個名.我聽到之後諗左陣,因為佢個名好似小學聽過.之後我問佢讀邊個小學.佢突然同我講.我都覺得你好熟口熟面.我讀舊墟,你呢?我就好驚訝咁回答佢,我都係呀.原來佢係我小學同學.哈哈.....唔怪得知咁面善啦.我都係第一次咁撞返D小學同學咋.勁興奮呀!!!!!!!!!!!!!!!!!!!!!!!!跟住我地傾返好多小學GE野.我同佢未同過班架,但係都聽過對方個名.又傾返D小學同學.原來又D都冇讀書,有D又出野做野.真係估唔到.小學畢業好似過左唔係好耐.轉眼又中學畢業啦.唉.....只怪光險似箭..............我地都打算約返D小學同學出黎聚一聚^^

之後去左咖哩屋同GRANDMOTHER AND 媽媽慶祝母親節.係由我請架~~~~都好開心.之後又返屋企溫MATHS.

刷刷下牙,媽媽突然同我講話黑雨.之後我打比瑩瑩.佢話要返.之後再打比楊去明confirm.佢就話唔洗.之後媽媽建議我打去聖道.於是我就睇下準考証有冇聖道個電話.點知我搵極都搵唔到.張野不翼而飛.果陣真係勁驚.之後媽媽又入黎幫我一齊搵.我搵袋,褲,書架,書櫃,甚至連yesterday袋垃圾都搵埋.都係唔見.比阿媽話到飛起.之後又打去聖道睇下有冇人拾到.又打比鍾sir 問佢應該點做.之後再打去考評局.不久掛返紅雨.爸爸又醒左.媽媽就去返工.而我繼續搵.爸爸幫我繼續打去考評局.原來要學校fax 証明去考評局.點知我打返去救恩,個校工話職員未返.幫唔到我fax.爸爸叫我出去中環考評局先.我就換衫.點知換換下.爸爸拎住張野,問我呢張咩黎.我望一望.下!!!!!!!原來係準考証.原來比我本英文生字薄夾住左.可能本薄太細本,我冇留意啦.真係虛驚一場.

之後繼續訓覺,唔知係唔係嚇親,攪到我發左好多個夢添.之後上網睇返,轉左29日.我地九寨溝旅行幻滅啦.

去到聖道不久就要考試.今次唔係去禮堂,要行樓梯上6樓.去到,完來蟹鉗坐我隔離.開始係考PAPER 1.好彩有篇LETTER.個TOPIC都唔算太難.不個我D作文能力有限,篇野冇乜內容.希望可以合格啦.

之後小息,我落去見到楊志明同佳佳.真係好呀,見到D FRIEND GE 人.前幾日都係自己一個.又同志明研究下D人染髮,由為我地見到有個人染得好怪,淨係染後面.而前面就唔染.唔知係唔係返期興呢.

考完英文,見到謝太個女.佢話份卷好易.佢住我隔離.但係到今日先第一次同佢打招呼.

之後約左高佬食飯,去左東江雞.

之後返屋企訓覺.訓之前我分別打過電話比朗兒,瑩瑩,RED.但3個都冇聽電話.點知我訓緊覺果陣佢地逐個逐個打返電話比我.訓著左又醒一醒..........

之後都係唔訓.去左運頭塘溫ECON.

去到迦密聖道,我再睇多陣D NOTES就去禮堂啦.我懷疑聖道冇鐘架.佢地用人手打鈴鈴,好似聖誕老人咁.坐低,完來見到有好多位都空人唔知係唔係D人唔黎考呢?做做下,我發覺冇應用問GE,我勁驚,以為份 卷印漏左,但又見到試卷完三隻字.算啦,驚多陣都冇再理會.我發覺好多人都一早走左,都有一種壓迫感.哈哈,我前面果個又遲黎,又唔做,返黎訓覺咁.要訓屋企冇得訓咩.唔通佢鍾意U多過ABS?哈哈..........真係要多謝呢D人!!

做完卷一,其實唔係好夠時間,但我覺得篇文都算唔錯架啦,用左好多蕭源技巧.

之後做卷二.我都係做完課文問答先再做閱理.前面果個人又係一早訓低左.唉...........讀左咁多年書都係為今次考試.都唔明佢地點諗ge.我以為做中文問答好似中史咁,半個鐘做一題.點知原來唔係架.我做到第四題果陣,佢話得返3個字.唉.........扑左街啦...........閱理第2題一分都冇做過.仲諗住拎c添.........

放左之後即刻打比震宇,佢話好似佢個同學兩條閱理冇做都有c.唔知係唔係真呢

吊.真係好火.我就係一開始唔記得預計每題要幾耐點.我上網D討論區,話今年中文好易,可能5十幾分先合格.咁我咪拎F.浪費左一晚苦讀...........

之後去左大埔去打左陣機,然後去左紅洋蔥食飯,哇,一個人都冇,一片蕭條.以前好旺的景像難尋.我點了最愛的回鍋肉客飯.點知味道同以前差得遠.勁咸.....冇進步等於退步.不進則退的原則是定利律.

返到屋企上網.去左kungfuboard睇野.原來葉瑞師父4月27號去世.享年92.佢係東江三虎劉水宗師最後一個徒弟.東江周家螳螂拳掌門.可惜...

之後訓覺,訓到成5時半.又溫下又攪下野.實質係溫唔到,都唔知點解讀極都入唔到腦

夜晚同人對中史D MC.死啦,原來我錯好多,好多都係錯大意.......

之後繼續溫中史.溫到成4點鐘.

成晚真係訓都冇訓,5點幾煮左D通粉食,然後上左陣網,之後又睇左陣聖經.然後7點55分左右就出門口啦.去到三育都見唔到楊志明,朗兒佢地.我同陳偉鈞企左陣之後就入去學校.入到去見到甄MAY成班同以前同我同屆的同學.我發覺今朝做左一樣極之差GE事,就係去左罐咖啡.每次朝早飲完咖啡一定會肚痛的.....

之後開考,我搵左自己個位.雞手鴨腳咁拎張准考証出黎.開好之後我隻手不停係咁震,都唔知有咩好驚.但果種感覺唔同學校考試.好唔自然.好彩第一日考宗教,希望快d適應啦.

考完之後去左搵震宇借部機數機,因我打算帶兩部去考數學,我是一個謹慎的人,以防萬一.唉...........宗教都唔夠時間做...............希望合格啦!!!!!!

返到屋企我冇溫中史,因為我打算將計就計.還掂夜晚都訓唔著,咁我用夜晚d時間黎溫書.晏晝訓覺.我一訓訓到3點幾,其實係比爸爸個電話噪醒.十分之奇怪.我發緊個夢係關於買錶,而爸爸打比我又係講關於買錶d野.真十分之玄.但內容相反.我個夢係我己經買左錶.仲拎隻錶出黎帶.但爸爸打黎同我講話佢去緊買錶.問我係唔係諗清楚.因為佢現在打算傳佢隻錶比我.作為18歲禮物.佢又吩呼第時將隻錶傳比我個仔,一代一代傳落去.咁即係傳家之寶啦.咁我要好好保存啦..............

訓多陣落去食lunch,其實係下午茶先arm.點知一出去就撞到爸爸同師伯.完來師伯黎我地屋企坐.佢話想賣左部GD 88叫我幫佢問價.....................

聽日考宗教.心情極之閒逸.唔知係唔係對宗教不全什麼希望呢?其實我真係好想溫好宗教架!但可能自己唔係基督徒教係啦.讀極都讀唔入腦,仲係過目即忘.

本來諗住今朝去自修室溫書.但又訓唔著.攪到成4,5點先訓得著.所以唔想去.訓多陣.唉........都唔知我 係唔係比會考壓力困擾,定係我唔想訓覺呢.近期成日都失眠.真係好想會考快d過,咁就可以好好地咁訓覺啦.

今日溫左陣中史之後無聊得濟睇人地icq d info.原來俊汝改左info.佢話要為左入新南威爾斯大學而奮鬥.佢就好啦.己經搵左自己要行ge路.而我又要為咩奮鬥呢?唔好話為咩,連考完會考去邊都未決定好.真失敗.(人係要向前望,過去既就由得佢過去,唔好回頭望,一個只會懷念過去既人,永遠都唔會有進步)無錯我是這類人,人真係要向前望.但我一直只懂回味過去.可能過去太令我留戀啦.(過去的事,由他過去吧,是無法尋回的.人活著是創造將來的路,並不是修補過去的路).戀愛大過天？？？我認為這只是對伴侶開的空頭支票遮．哈哈...........點解佢好似大過仔咁多架?唔通兩年澳洲生活令佢成熟??唔再好似以前on on 狗狗.都好,見到個friend成長都好開心．人永遠都是童年好．童年的友情，愛情是最真摰的．唔會受任何利益影響．

今日又去左林村溫習.溫完後四圍踩單車.好耐都未去過田療下,平朗啦.田療下冇乜點變,但平朗就變左好多.起緊條馬路入場.

之後GRANDMOTHER 佢地食飯,係到要埋我食.我真係唔想食.因為返到屋企又要食飯.但係我又唔識拒絕佢地.於是食少少.太太,爺爺,GRANDMOTHER佢地又要我夾多D,我真係好想發脾氣.太太仲話食完返到屋企咪唔洗食,佢都唔撚明.媽媽住左我飯,我唔食,咪對唔住佢.不如我依家唔食.

最後返到屋企食飯,我一D胃口都冇.只係勉強自己食完一碗飯.但感覺好辛苦.我火都扯埋,我決定以後返林村如果唔想食飯一定會拒絕.

我唔想再以考MOCK GE 態度考會考啦..