6月26日     星期六     晴
今日一早去左寶樂.因為約左爺爺同李春林師父.原來GRANDMOTHER 都響度WOR.爺爺叫我唔好學詠春.學螳螂拳仲好.叫我去跟王振平師父學.但我還是心大心細.食完早餐,我地3個再去另一間茶餐廳搵王師父.今次終於見到佢啦,哈哈.佢.....好似之前見過.在那呢??十分之面善.唔通細個去天后誕時見過佢出麒麟???佢帶住個4,5歲的小妹妹.當我地傾緊計時,個小妹妹成日問王師父走得未.哈哈.....正是自己的寫照.我記得以前同爺爺一齊,佢同D 朋友傾計.我都會(吹)佢快D走.爺爺,李師父,王師父.3個響度傾江西竹林螳螂歷史.又傾黃毓光宗師.我知道好多歷史啦.哈哈.....近期我極之有興趣聽功夫經.佢地仲想去搵廖送老前輩問多D 竹林螳螂GE 歷史添.佢地打算星期3去.但係我仲響泰國.所以冇我份啦.

之後約左爸爸再去詠春堂.點知又係冇人.算啦...我決定一心一意學螳螂啦.練下D短勁都唔錯.返到新達租左套成龍的成名作,蛇形刁手.雖然係舊戲.又乜特技.但勝在真功夫.而且套戲又攪笑wor!!哈哈

晏晝,拎左兩張重案黏x gun ge 換購卷比朗兒.哈哈,佢真係eason 迷.有佢做ge 戲都必睇.我踩單車去到.之後仲同佢傾左陣計.原來佢阿妹同我表妹是同級的同學,真攪笑.

夜晚我地出街食飯.爸爸新買的gx22有問題.所以拎左去數碼通.點知個職員勁爽快咁換個部.之後去左鴻運食飯.然後爸爸去bluestar 買左幾件衫.

返到屋企,我再檢查下d行李.聽日就上機啦.極之興奮.希望唔好訓唔著啦!!

我一生最大的遺憾就係有近視.有近視真係極之煩.去旅行想帶超都要配con.唉.....

有d 野自己真係攪清未呢??

　

6月24日     星期四     晴
今日約左家榮,志明7:45 富亨OK 等.因為今日我地要去開茶會.我7:45 去到.點知又係一個人都冇.等到8:15志明先到.於是我地打比家榮.原來佢仲訓緊覺.於是我同志明坐271出去先.點知半路塞車.頂!!!!!家榮仲早過我地到金鐘WOR.開完茶會.我地打算去旺角.點知中途見到東東.於是我地就決定去西武行陣.果到全部都係賣名牌.行行下再去旺角.之後我自己去左石硤美.

返到屋企,原來爸爸仲未返工.打算同佢再去拜師,點知突然有個電話.爸爸就趕住出去.我同佢去左大家樂食個下午茶佢就返大陸.幾次拜師都唔成功,究竟係同師父無緣OR 三顧草蘆呢???

之後返左屋企睇魔戒第2集.yesterday 已經睇左第一集.打算聽日睇埋第3集.咁樣個故事更有連貫性MA.雖然之前已經睇過.但返睇都一樣咁正.巨著果然巨著......

夜晚本來約左趙子緯去跑步.但係點知落雨.之後同佢講左成個鐘電話.

　

6月22日     星期二     晴
今日係端午節,朝早同爸爸媽媽去左大埔墟街市食LUNCH.然後同爸爸會果間詠春堂報名.點知冇開WOR,唔知係唔係公眾假期呢?返到屋企,睇左陣龍舟比賽,然後又睇左陣EVA .

之後返左林村,爺爺己經準備左好多工具啦.我仲比佢話我咁遲先 返添.之後我爬梯摘荔枝.雖然摘荔枝有技巧.但係早幾年都摘過,難唔到我GE.摘摘下爺爺突然見到個黃蜂巢.於是grandmother 就拎D 報紙點著佢比爺爺,然後爺爺就用煙恭D黃蜂出黎.我摘摘下都摘晒附近咁濟.於是grandmother 話我身形較輕.叫我爬上鐵皮屋個屋頂摘另一邊.哇,呢邊勁多臭屁蟲.grandmother 又比左D 火我燒臭屁蟲.雖然又熱又有野咬.但係唔知係唔係D 荔枝新鮮由樹摘落黎呢.特別覺得甜同爽.所以我都忍唔住一路摘一路食.正.....

　

6月21日     星期一     晴
今日比俊汝個電話噪醒左.起身腰酸骨痛咁,成個人軟晒.唔知係唔係YESTERDAY 用得精力過多呢.之後睇左陣EVA.然後出大埔墟食LUNCH.然後又去寶湖還書.之後再去大埔街市間梁九記幫阿媽買野.但係收左檔.途中我刻意留意GRANDMOTHER YESTERDAY 講果間武館.佢話街市附近開左間館.叫我睇下WOR.爺爺又話睇果陣叫埋佢去,話驚係黑社會WOR.我終於都見到啦.我望上去,見到有個牌寫住蛇鶴詠春堂招生.我懷住膽戰的心情按鐘.然後行樓梯上樓.突然有個人響我後面問我係唔係學拳WOR.我嚇左一嚇話只係拎下D資料.之後佢叫我入去坐.拳館真係拳館.咩器械都有咁濟.又有兩個沙包.之後有個師父黎同我傾計.哈哈,我同佢都幾好傾WOR,佢問我姓咩.我話姓溫.佢竟然問我係唔係客家人.我話係.我都唔知點解佢會知我係客家人添.佢話同我傾計好有親切感WOR...哈哈....

夜晚10點幾落左去同俊汝傾左陣計

　

６月２０日　　星期日　　　晴
今日9點就起左身啦.因為9點9要去到聖心.換好衫,拾晒野就出門口.之後上左車,再去超級城接埋其他人.然後開車去清水灣啦.架車一路係咁行.................哈哈,遠望終於見到啦.遠睇個沙灘好靚呀.水清沙幼.落左車,再行一段路.就到我地的目的地.

去到.我地開始BBQ,但係個爐整極都整唔著.之後要買什麼超級碳精先得.我地燒完野食就出去海玩啦.首先我同智傑游左出浮台.然後再游返岸.因為有D人唔識游水.所以我地決定租左架吹氣艇仔玩.班女仔仲講價多一個水泡添.講價求竟係唔係女人天性呢？？之後唔 識游水GE 人上左架艇.然後識游水就做人肉摩打.好不容易終於運晒所有人去浮台.哈哈,響浮台玩左陣.然後我地又返岸拎D野食 出浮台.我地用架吹氣艇運野食，如果反艇全部野食就會跌晒落海．好彩都冇反艇．響浮台開完餐.玩多陣之後我地全部人又返晒岸.我同蟹鉗玩...包剪搥.輸左要由腳慢慢比人用沙蓋住.點知猜左幾次 都係我輸...真黑仔........玩完我地去左沖身.之後拾野然後就離開啦.上到車,經過富豪雪糕車.我地要求停車買雪糕.雪糕車雪糕真係正.

之後返到林村.我見到門口棵荔枝長都好豐盛.我仲偷雞摘左幾粒添.爺爺叫我五月節返黎幫手摘荔枝.叔叔仲比左佢去旅行ge 相我睇添.哇..........稻城同九寨溝真係好靚呀.而且佢話旅行好好玩,仲有幾喝止．原來因為摘左一粒．成棵野都比人昆蟲咬ｗｏｒ．所以如果要摘．就要一次過摘晒．我仲摘左兩粒添，希望棵野可以捱到兩日啦．

返到新達，我買左對涼鞋．方便去泰國同澳洲著．原來爸爸今日買左GX22 啦.呀!!!我部DREAM 機.我一直都想要的.佢比左部6600我用.其實我想用GX22多過6600的啊.不過算啦,兩仔爺.得閒交換下黎用啦.

　

6月18日     星期五     晴
今日10點幾就出左去尖咀啦.因為約左爸爸去睇澳洲升學D 野.今次我地算係揀左科.我打算讀工科啦.今次個小姐介紹左間大學比我.而且可以由diploma直上.對於入大學就穩定好多啦.而且時間又快左.讀4年半-5年半左右.哈哈........不過就響柏斯.比較人少同悶的一個城市.但是教育之風甚重.如無意外都唔會變架啦,等會考成績.

之後就同爸爸去左意粉屋食LUNCH.D 野食真係好好味.不過我食量少.好快就飽啦.之後陪爸爸行去旺角.沿途睇下有冇數碼通.因為佢想買GX22 ,而佢部6600就比我用.半路,見到勁多差人.原來有人比車撞到,地下勁多血.我望都唔敢望.唉.............始終感覺都唔係咁好.馬路如虎口真係無錯.

之後我就坐火車去左沙田.但係又未夠鐘考ORAL.於是我去打機.半路撞到曉兒同ZOIE 佢地.打完機.我搵左一處幾隱秘GE地方練一練ORAL.之後就坐80K 去俞田園.然後一路行一路問人林漢光中學響邊.去到.等左陣,開好點名,頂原來我入錯課室.之後去另一個班課.點完名,等左勁耐先考得.唉..ORAL 考得極之差.我個組D 人英文都好強.算了吧..............

返到屋企開始染髮啦...哈哈............忍左幾耐.都係為左等ORAL過左先.染完個頭冇我想像中明顯.唔通真係要漂??因為剩左D ,爸爸叫我幫佢染埋.不過佢個頭好似唔多上色咁.

　

６月１７日　　星期四　　　晴
今日約左高佬去食早餐.但係佢8點幾己經打比我.我好眼訓,所以冇聽佢電話.之後佢又打屋企.我又突登唔聽.然後有打手機.又打屋企,打左成10幾次.最終我都忍唔住聽左電話.佢問我係唔係未訓醒.我梗係話係啦.唔通話突登唔聽你聽話咩.

換完衫我就出門口,點知咁ARM 撞到謝太.同佢傾左陣.唔覺易鎖左門.但係發覺完來自己冇帶鎖鎖匙.頂,所以高佬首先陪我去大姨屋企拎後備匙.然後再去大姨附近食早餐.之後陪高佬去大元間匯豐整野.我響門口等佢.哈哈......門口附近有人做promate.我見到有個女人買完後不久又再返轉頭再買.睇左陣....哈哈.....原來係做(妹)wor...........之後同高佬睇睇下.發覺佢sale果樣野都幾勁．係支纖維膠槍．我同佢都買左支．

返到新達，我心月來潮問佢去唔去游水．佢都話好．之後我地返到屋企就即刻落去．去到泳池放低野之後．我地就即刻跳落水．感覺超正！！！！本來成身汗，又熱ｗｏｒ．．．跳左落去成個人都涼晒．之後游左陣就返屋企啦．．

夜晚媽媽唔煮飯，我地叫左家鄉雞外賣．

　

6月15日     星期二     雨變晴
YESTERDAY 成兩點先返屋企,今朝又成9點起身.因為今日我同爸爸陪魯叔返大陸買野.佢話左成幾先冇返去,所以搵爸爸做導遊.我又跟埋去LAW.

去到上水會合魯叔.然後就過關啦.哈哈,我地首先去師伯間酒樓飲茶.師伯同魯叔都係我好尊敬的人.可能佢地都學功夫啦.哈哈.......師伯同魯叔20年前見過面WOR.估唔到20年後又可聚埋一齊傾計.我起初以為佢地會傾功夫經啦.點知佢地講佛經WOR.哈哈,因為魯叔信左佛,而師伯又曾經研究過佛學.所以傾得好興起.我好鍾意聽師伯講野.佢識好多野而且講得好有道理.

飲完茶,師伯做司機車我地去買野.去停車場時,我終於見到師伯舅仔部法拉利.我地首先陪魯叔睇刀.因為佢學緊太極刀.但係冇佢想要GE 刀.之後再去一處買好多花的地方睇園藝品.魯叔響香港開園藝鋪.所以想黎大陸睇貨.而且佢買左一些做貨版添.

師伯因為早走左,我地再坐的士去華強北路買卡通片.頂..........我揀揀下碟果陣突然有類似外關的人來掃場.而賣碟GE 鋪頭個個用最高速度收埋D 貨.嚇到我即刻放低揀左的卡通然後走.之後條氣有D唔順,明明揀左,爭比錢果刻,於是我再返去果間鋪頭問佢仲賣唔賣.哈哈...佢話賣WOR.佢好秘密咁拎D 碟比我.我有扮到好秘密咁比錢佢.原來大陸都有捉翻版.之後行行呀,魯叔又買左幾碟太極VCD 話想自學WOR.

然後我地會合返師伯.魯叔要走先,我地就送佢坐車.而我地等埋伯娘之後去左師伯間超市坐低傾計.大約6點又去番佢間酒樓食飯.

　

6月14日     星期一     晴
今日首領生日.一早去左大埔墟M 記會合佢地.但係中途去到公園仔時我比(龜鬥).唉......我明明見到佢地,但係落唔切車.所以比佢地話我行人路踩單車.去到M 記會合齊人後我中途走左去買蛋糕,然後再會合返佢地.之後去左租單車.然後開始我地GE 遠征.今日又熱又灑,真係唔多適合踩單車呀.不過踩單車真係好好玩!!^^....

之後我地拍左D車響沙田大會堂附近.然後去左買野飲.之後去左打機.唉.........太耐冇玩頭文,廢左奇多.

之後去左肯德基食野.嚇死我,高佬突然打黎比我問我D 雞好唔好味.之後我呆左一呆然後企起身問佢係邊,而我又四圍咁望都見唔到佢.愈黎愈有種被玩的感覺.之後佢終於肯講.原來阿茵(佢gf)坐我後面.哈哈..........真係比佢玩死.

之後我地行左去西田果邊.然後就拎返車踩返大埔啦.

之後去左拎蛋糕,然後返返屋企.然後沖涼,攪左陣野又出去昌運m 記.兩磅蛋糕原來都幾重.我一隻手拎住蛋糕.,另一隻手控制住部單車.拎到我手軟咁濟.幸好冇炒車咋.今次又係我最早到.唉.......得我同佳佳準時,其餘遲到.之後去左pizza hut訂ｐｉｚｚａ　．之後我同智傑因為有車所以去左買野飲． 去到海濱我地開始點蠟蠋．點知勁大風ｗｏｒ．點左勁耐先點得晒１８支蠟蠋．然後都係ｄ　老土野啦．許願，吹生日歌，吹蠟蠋，首領切蛋糕．唉，我係８號最遲分到蛋糕．哈哈．．．．咁太唔公平啦．然後食ｐｉｚｚａ．

之後我地再去左盡頭一路玩砰ｏ彭哇．輸左要出去廣福ｋ巴站接志明去盡頭.點知我輸左wor....頂.........真唔好彩.接完志明.我地又再玩砰ｏ彭哇,今次輸左要出去買野飲.點知我又輸,頂...........之後我,志明,智傑3個出左去買野飲.然後又再踩返單車入去.今日真黑仔!!!

　

6月12日     星期六     晴
今日一朝早出左去荃灣見工.點知後來媽媽幫我問地址時佢話己經請夠人.於是我去左三棟屋博物館.呢度我小學3年級都黎過.都好似冇乜點變.之後坐車返大埔

然後同高佬去左富雅食飯.然後踩單車過馬安山.今次係第一次踩條新單車經咋.條路闊左好多.踩到去馬安山,我地去左富安村食左碗糖水就踩返大埔.

之後返到屋企又睇高達.然後同爸爸出左尖咀.因為我地今晚去巴西燒烤食自助餐.其實好耐之前都想去架啦.不過未有機會.我地去到坐底,然後出去拎野食.都有好多野食.又有時d人叉住d野問你要唔要.又有人即場整意粉.又有兩個外國人拎住結他逐檯逐檯唱歌.四圍都好開心.又有一檯有個人生日,然後果兩個外國就唱生日歌比佢聽,四圍d人跟住一齊唱.但係我今日心情極之沉重,唔係咁開心.可能是果件事.

食完後我地行去火車站.

　

6月10日     星期四     晴
今日LG 打黎話可以拎番部電話.所以就搭車去拎番.之後去左第一城見工.然後又去左尖沙咀IN 一份工.呢份工有好多人黎IN呀.又等左勁耐WOR.係SALES D 電器用品.in 我果個人同我都好好傾.哈哈.........唔知會唔會請我呢.之後又去左半島中心in .呢份原來就係志明果份工.

之後我就去返旺角會合智傑.然後行左陣,買左兩件衫同一條褲就返屋企

　

６月９日　　　　星期三　　　　晴
今朝去左打羽毛球呀.講真.........真係好耐冇做運動啦.之後同智傑去左紅蜻蜓食飯.然後就返屋企.今日晏晝唔出得去呀.因為有人黎整水喉.我又睇我套高達.唉........我容忍唔到自己無所事事呀.我決心要搵野做 **...可能咁叫做勞動命啦........哈哈...............個水喉師父話4點鐘黎到,但係6點鐘先黎.其實當時真係有少少(興)架.但係諗返一層人地都係搵飯食遮,而且早到成7點鐘.佢仲係住觀塘.算啦...............始終人有側忍之心.....

今晚同蔡sir 傾左好耐電話...佢真係一個好老師.佢冇教我,但仍仲咁熱心答我問題.想返起中3時的我.處處與佢作對.........慚愧......anyway 多謝你解答我ge 問題,我會記住要我揀工並唔係工揀我,我會努力!!

曉兒話佢冇做西武啦..哈哈,早就應該啦~~而且佢今日又上得網啦,好耐冇叫過佢online啦．佢要快ｄ　ｕｐｄａｔｅ下佢個網先得啦∼∼∼仲係停留在５月８日．．．．

　

6月4日     星期五     晴
今日又訓唔著,唔知係唔係畢業禮呢.唉..........突然好想爸爸同媽媽黎睇添.因為機會不多,而且又係大盛會.起初佢地本來唔黎的啊.都係決定起身打電話比佢地,叫佢地黎先得.起身個口都好痛.都唔知係唔係出緊牙的關係呢????唉.............唔 想落街食飯,只係租左套戲睇.煮左個公仔麵.之後又睇卡通片又打機.本來要返去採排GE,不過我冇去,晏晝咪冇野做LAW.

5點9左右,打打下機志明突然打黎問我在那.我話屋企.之後佢話原來係話6點鐘返到學校.因我之前問過瑩瑩,佢話係返7點,所以一直都以為係7點LAW.我用極快GE速度換衫,GEL 頭,然後飛的返學校.返到覺校人齊咁濟,見到好多好耐冇見GE同學.我地個個都著左畢業袍後影左陣相.然後落禮堂坐.我部電話完來真係壞左...TOO BAD....之後D家長逐漸入場.不過爸爸要等埋媽媽遲D先黎.個畢業禮真係好悶.授頒時個個都要上台.心情極之緊張呀~~~~完結後上台影相

之後我就出去搵爸爸同媽媽.媽媽話又好多野食早知叫佢地唔好食野WOR,真吹漲,,,,然後同佢地影左幾張相.我又拉佢地周圍行幫我同D同學影相...哈哈..........之後我地去左天外天食飯.

　

６月３日     星期四     晴
今日朝早三星D 人黎幫我地裝部電視

之後我落去食飯,唔知係唔係出緊牙的關係呢??食野勁痛,攪到冇乜心機食野.之後就出去北角見工.我坐火車再轉地鐵.北角真係甚少去.一路行一路問.終於去到.我填左D 資料,然後就同個老細傾左陣,又問左我D問題.又比左D員工守則我睇.睇完又問我.好彩我臨時記憶都唔錯,係咁意睇睇都答到佢.不過好多守則,仲多過學校咁濟.吹漲.........見完之後冇問題,佢仲叫我星期六係試鐘添.

之後坐地鐵尖咀.因為約左爸爸去拎澳洲D 資料.但係佢有排先到.所以我又去左俗華國貨睇獅頭.今次好認真咁睇,仲拎左黎玩左陣.不過都幾重wor...原來獅頭連彼2千3左右,都唔算貴.不過個麒麟頭成三千幾就真係貴啦.又唔係扎得靚過人wor.

之後再去海港城會合爸爸,然後就去見個agent啦．拎左好多資料,爸爸叫我唔好返工仲好.叫我睇熟D資料.況且我又唔想做.決定唔做啦．．然後就坐地鐵去左旺角，自己一個行左陣，買左一個水樽．之後又坐地鐵去深水埔．約左高佢佢地食壽司．高佬同佢女友拎眼鏡，而劉澤民又同左佢地一齊．所以我去搵位先．頂，但係冇半數唔比入住．等左佢地勁耐先到．仲有一個叫阿輝添．劉澤民同阿輝同算係今日識．不過佢地都幾好玩．

　

6月2日     星期三     晴
今日同高佬去左食齋.之後去剪頭髮.然後返屋企睇卡通片.成日唔可以出街.因為幾日前買果部電裡今日返黎.要等.佢話兩點後送黎.頂,點知成6點先送黎.而三星果D 技術員太夜又唔黎幫我地裝住.要聽朝先得.真係火都扯埋.

之後踩單車去左康泰報團.攪左都幾耐下.而楊志明本BNO 有D問題所以要下次先報得,.

　

6月1日     星期二     晴
今日約左家榮佢地報團同搵工.約左首領2點火車站等,然後再去旺角會合佢家榮,佳佳.之後去左M 記食野.然後等埋成成.開始進行搵工大計.我地首先去左許留山.於是我打電話去.佢叫我等消息.然後去左newway得我一個夠18歲,所以得我做得.但係我唔多想做呢 份,所以冇填FORM.之後一路行一路見到請人就去問.都問左幾間.亦叫我地留低個人資料.然後話等消息.之後我地就去搵志明,佢做緊SALE PLAY EASY 卡.之後佢話要6點先可以去報團.我地就係M 記等佢.但家榮唔係好舒服,最後決定畢業禮果陣先報.

之後陪佳佳去尖咀見工.但我地去左俗華國貨先.因為我想睇下有冇獅頭賣.果然真係有呀.有7-8個左右,仲有一個麒麟頭.我見到有個獅頭$1300.其實都幾想買.自少我就想買一個獅頭.哈哈......等我第時自己住.掛爺爺買比我果個麒麟頭另外 再買一個獅頭響屋 企先.日日對住.正爆......去到尖咀,我收到張傳單話請PART TIME,於是我地又去見.今次要上樓.有個小姐IN 我地.佢話佢係什麼健康產品公司,請人SALE野,仲話有個免費課程比我地,但我地冇乜興趣放棄左~~ 之後陪佢去IN 間茶餐廳.但要成9點先可以IN.所以我返屋企先.

後來ICQ 問黃華輝問佢有冇PART TIME介紹我,話有份網吧收錢AND 抹野.仲約左星期四去IN 添....GOOD