之後拎左水嚨頭去整.點知等左勁耐都咪得,咪決定晏D再去LAW.

之後出沙田又同Queenie 姨姨+湯生 飲茶.因為湯山對於我的揀科有些少意見.湯生叫我向banking 發展.等我返屋企再考慮下先.

之後去拎水嚨頭,點知冇零件,要星期一先可以拎返.

本來今日晏晝返大陸行街架.但係媽媽成5點鐘先返到屋企.爸爸又唔想返去行,而媽媽又好想返去行,攪到大家唔係咁開心~~~最終都係冇返去.

你要大家唔好黑口黑面對住你,咁你做D 好野出黎等大家開心啦.我今日開始先對你黑口黑面以經係遲!!我應該又你話我知果日開始我就對你黑口黑面.一有咩事成隻狗咁嚮條街到鬧.討厭!!!

之後我地去左吉之島睇手提電腦.都睇中左部IBM .又睇中左個旅行箱.等落實報名果陣一次果買~~~~之後去左鴻運食晚飯.

8月1日 11:56pm upload

晏晝又同爸爸去搵澳洲agent.我原本的計劃被打破啦.我諗住讀通訊工程.但這是理科的科目,而我中四中五一直都讀緊文科.我以為可以過到去轉讀理科的科目,點知個agent話唔得呀!!佢話學校可能唔比我咁讀．所以我被迫要揀返文科的科目．例如會計，經濟，管理咁．但係我都諗唔到邊科好．死得啦!!時間又緊迫，又要快ｄ作出決定．一時之間要決定終身的大事．真係有點兒戲∼∼∼我驚浪費左父母的一番心血∼∼∼∼∼∼∼∼∼∼∼∼

之後去左黃金買吉碟．都買左好多呀∼∼now成日download野,所以要大量吉碟.

之後再去返尖咀.因為約左大舅母佢地食飯.我地又去左巴西燒烤.有我地一家人啦,舅夫杰佢地一家人啦,同埋大舅母,嘉欣表姐,總共係9個人.都好似好耐冇咁多人去食飯啦.食到好飽.不過又好想繼續食,好可惜無能為力~~

返到屋企.媽媽好緊張問我選科d野.唔知點解好感動.我覺得一直以來好對唔住佢.我是一個重感情的人,但自問是否一直忽略了親情呢??可能以往過於重愛情同友情啦.對朋友十分之好.但對屋企人就好差.可能我係獨生子,而且同佢地聚少離多.又好少同佢地交談我 的生活瑣事.他們的關心我反而覺得煩.他們一直滿足我,而我一直傷他們的心.他們一直為我的前途而頭痛,而我一直為我的前途莫不關心.最令人心痛的說話莫過於:(你好煩呀!),但我時常衝口而出.講出的說話如撥出的水,冇發收回.究竟自己有沒有理會別人的感受呢??媽媽曾經同我講,我可以同你傾計的時候就係食飯的時候.去年我盲腸炎入醫院,媽媽更請假成晚一直在病床邊陪伴我.以往我對父母種種的不是,今天一一在腦海中浮現.但願日後睇返今日的日記,可作一警惕!

7月31日 4:45p.m upload

不 要 令 自 己 失 望 的 辦 法 ， 是 不 要 期 望 ,我應該學懂.常人云:希望愈大,失望愈大!!!!

食晚飯時講開,原來爸爸同事個仔今年又去澳洲柏斯讀書.爸爸又問我揀定科未.其實我都未揀定架.最初諗住讀工商管理,但我並不是這科的材料.之後又諗過讀旅遊,可以去旅行.但前景唔好.又諗過讀老人科,照顧老人家.但經常遇到生離死別.而我份人一定接受唔到.現左我打算讀通訊工程學.爸爸媽媽見我舉棋不定就叫我唔好勉強,揀一科自己有興趣ge 黎讀.我當然知啦.但坦白說,我的興趣並不在於學術上.對我而言,讀書只為了日後的生活.所以我都會選揀些前景較好的科目了.希望一切順利啦.......

返到屋企突然醒起今日要去公公屋企食飯.因為大舅母佢地返左黎.於是就踩單車去啦.

夜晚ALAN (之前個裝修師父)黎我地屋企幫我地整個水嚨頭.我地TOILET 個水嚨頭唔知點解爛左,極之唔方便.

食完後又去左食甜品.個榴槤香芒黑珍珠真係幾好食.榴槤味好重.果然冇介紹錯WOR!

食完之後我，志明，家榮，成成，佳佳，東東，首領去左八號花園．我地坐左陣就決定玩（埋周）．點知玩玩下比警察（鬥）．我見識到香港警察所謂的（公義）．身為執法者竟然寧枉無縱．同大陸公安有何分別呢？

3點鐘去禾坑學麒麟.師父今日話要去大陸教麒麟,所以今堂佢個仔,亦即是我師兄教.點知今堂科大果班人冇黎到.所以唔洗上.頂佢地!!!!突然放左飛機攪到我白行一趟!!!唔學就唔好話學啦.討厭.......又唔知點解冇人通知我WOR.......><

之後咪搭車返大埔LAW.高佬突然打黎問我去唔去游水.咁咪應承左佢去LAW.坐坐下小巴,坐我隔離果個男人唔知冇端端望住我,之後我咪又望返住佢LAW.眼神係友善定惡意我就唔知啦.不過我望住佢果陣見到佢手擘有紋身,突左條老虎尾出黎.之後不久佢就移左位冇同我坐.之後大家都係上水火車站落車,我仲以為佢會喝停我添,點知冇.........

返到大埔會合左高佬佢地之後去左千葉拉麵食TEA.....原來今日執粒,樣樣野都話賣晒.冇野食就唔好開鋪啦.毫無選擇之下叫了碗拉麵.之後埋單閃人.點知真係貼左張紙在門口話(租約期滿,7月26日結束營業,多謝大家支持)唉...NOW 新達愈黎愈冇野食,之後我GE LUNCH 就頭痛啦.點知我睇睇下張紙,直望見到個女仔好面善!!哈哈,原來係老翁WOR.........

之後換左泳裝落泳池搵高佬佢地.點知佢地未黎,又咁ARM見到我姑姐個工人.佢話我表弟嚮泳池,叫我幫佢搵表弟.我見佢咁焦急,咪幫佢搵LAW,於是我就入場先.但係搵極都搵唔到佢,於是我再出一出場會合高佬佢地.原來高佬 買唔到票,因為泳池FULL 左.於 是我就返屋企拎以前買落的票比佢地.於是佢地終於都入到場啦...入到去我都依然繼續幫個工人搵我表弟,為免佢返到去比姑姐落啦.我仲問救生員借埋個大聲公添.點知都係冇.我咪唔搵同高佬佢地游水.游游下見到我姑丈同我表弟游池側邊經過.唉......原來我姑姐同個工人講我表弟去左沙田體院游水.叫個工人去火車站接我表弟.點知個工人去左樓下游池接我表弟,所以等極都等唔到LAW.佢返到屋企實比姑姐鬧死.........真係可憐!之後游游下有個女仔游過黎同我地傾計.原來係陳榮發阿妹.哈哈,突然大左咁多.以前見佢都係5,6歲左右,NOW 己經5年級.佢的成長轉變也印證著我都正在成長轉變中.............

游完水沖左個涼就落樓下練麒麟,爸爸話想去睇我舞成點.哈哈....佢讚我舞得幾好呀.佢睇左一陣就走.而我亦繼續練習.我開始領略到小跳步的技巧啦.............^^

佢帶我去睇番石榴.我地有棵番石榴樹.不過就有好多果蟲.叔叔整左一個陷井.用黎捉金(烏英),以免佢地生卵在番石榴上.因為萬一生左卵,番石榴就會出現好多果蟲.所以希望盡量消滅晒佢地.之後我又去睇大樹菠蘿，今年得一棵打到大樹菠蘿，以往兩棵都有．今年都唔知點解得一棵．不過幸好都有好多！！！正．．．．．．

飲完茶後我去左運頭塘借埋神鵰俠侶第7,8期.now 愈睇愈緊張.好想快d 知道結局.

黃昏左右高佬搵我去打波.我地首先踩單車去吐露港碼頭坐左陣.d 微風仍面吹來十分舒暢.而且波浪在海閃爍,十分美麗.頓時覺得保講環境十分重要.然後再去大埔墟果間摩門教教會打波.唔知係唔係太耐冇打波呢.跑幾跑冇氣咁濟.而且射波球球唔入.唉............打完虛脫咁濟,之後即刻返屋企沖涼.十分之爽!!!!!

成個晏晝狂睇神鵰俠侶,小龍女同楊過GE 離離合合睇到我眼火爆咁濟.不過每次佢地再重蓬的時候內心都感到微笑.唔知點解愈黎愈鐘意睇書添.

7點鐘左右落左樓下練麒麟.麒麟的馬步腳法我終於都領略到少許.其實我唔係唔識,只不過係有少許動作領略唔到點做.

之後同爸爸媽媽去左天外天食飯.順便拎埋部電話.

夜晚12點左右同姨丈,大姨,震宇,震嵐佢地去釣魚.我起初以為姨丈帶我地出海釣.點知原來係嚮吐露港則邊釣.我地去到,姨丈幫我地set 好晒d 野,而我就負責睇住水中枝瑩光棒有冇沉落水低,有的話就代表有魚.不過今日唔係咁適合釣魚,因為又大浪,又大風.之後咪同震宇傾計.最後我地的收鑊就係一條黑立.成3點半先返屋企.

晏晝又去左禾坑學功夫.套(佛手)終於都學識.不過只係入門功夫.仲有好多套拳要學.但始終角度就唔係咁好.唯有返屋企再落下苦功啦.今次去聯和墟轉車.得閒得濟去左粉嶺名車展行左個圈.真係愈黎愈想考車牌同擁有一架私架車.咁我就唔洗下下轉咁多程車學功夫啦.不過始終未係時候.........

之後又同高佬落樓下泳池游水.游游下落大雨.我地訓嚮張沙攤椅到.人地就灑太陽.而我地就訓嚮度比雨淋.感覺好正!!!!!!

晏晝落左公園練習麒麟同練功夫.始終心理作用好似比好多人望住.感覺唔多自然........

話時話,神雕俠侶我己經睇到絕情谷之後.楊過同小龍女幾經波折先可以再一齊,但係又中左情花花毒.得返18日命.唉........要殺左郭靖同黃容先可以得到解藥.愈睇愈緊張添.(衣不如新,人不如故).睇書學返黎架,都幾有感覺

之後同爸爸LUNCH

然後返屋企休息左陣就去禾坑學麒麟.今次算係早去到.原來今日科大果班師兄唔黎.咁咪即係得我一個學麒麟??得自己一個會怕羞架MA.好彩原來梁文發師父都黎左跟師父學麒麟.而佢同琬瑤村長黎,我嚮功夫閣見過佢耍功夫.佢玩龍形的.算係見過下面.NOW麒麟學黎學去手同腳都未配合到.而且步法仍然唔得.所以決定返林村拎返隻麒麟頭出黎日日練習下.好師父我有,設備我有,不過只係爭一時的領悟....

原來師伯同伯娘又黎左香港行街.仲搵我地食飯添.所以今次由禾坑趕返入大埔.

我終於都砌完我部高達模型啦.哈哈,,,,好似1月幾果陣買.諗住考完會考果陣砌.點知到依家先砌完.

今日彭澤深同俊汝同上機啦.一個移民美國,一個返澳洲讀書.聽bonnie講坐飛機逆風會比較好.咁我就祝大家一路逆風而行啦!!!!!!!
　

離別，是兩個人視線接觸的分離；

離別，是兩個人身體接觸的隔絕。

離別可以令兩個人感受不到對方的體溫，

但離別阻止不了兩個人的心聲互通。

之後落街買飯,成個大家樂都係人.水泄不通.

返到屋企睇埋監獄風雲b碟.坐監真係好慘呀.睇完套戲真係警惕到自己唔好犯事.片中話忍一時風平浪靜,退一步海闊天空.但我唔可以完全讚成.因為現今社會人善被人欺.如果只是啞忍的話只會被人得寸進尺.但你要惡,都要睇地方,睇場合,睇對方是邊個,自己惡唔惡得起.若果你冇顧及以上幾點就去惡輕則被人打一身,重則有殺身之禍.所以有時真的雖然啞忍.

之後同俊汝去左許留山食甜品.然後陪佢出左去沙田買戲票.成個沙田都好似死城咁

晚上睇左套終極無間同我打算讀果間大學的資料.我打算去PERTH (柏斯),大學名叫做Curtin University of technology.我愈睇就愈唔想去.環境太陌生啦.而且留學的時間並不短.好似與世隔絕咁.點算好呢????????

晏晝去左沙田睇蜘蛛俠2.好唔好睇就見人見智啦.套戲都好講愛情.有時見到鐘意GE 人同第二個人一齊真係幾心酸架.而且強迫自己同一個唔係自己鐘意GE人一齊亦都好痛苦.愛情究竟是什麼.對我而言,我只想同我喜歡一齊的人一齊.但又有幾多對情侶真是由雙戀開始.合得來,不合則去.未合過怎知來不來呢?何不給予對方一個機會.若機會一錯失.後悔也不能補救.時間是不能倒流.只可做的事情就是暗暗叫苦.所以有時鐘意一個人真係要講清楚.

之後行左陣沙田就返屋企啦.

返到屋企再去運頭塘借神鵰俠侶.點知今日休息.真係吹漲.我決定聽日再去借,如果冇的話就買成套.

今晚係我有史以來落街次數最多的.因為我討厭夜晚落街買野.第一次:阿媽叫我幫佢買火龍果+夥租碟,租左套監獄風雲,第二次:落街買染髮劑.今次漂頭.隻色比之前淺.第三次.落街拎野比瑩瑩..第四次落去同俊汝吹左陣水.吹到成點幾.

之後返到屋企睇VCD!!睇左A碟咋

之後去左寶樂食早餐

返到屋企累到死,訓著左,訓到成1點幾.如果唔係比阿媽個電話嘈醒我諗仲有排訓啦.佢話旺角圖書館冇神鵰俠侶借.之後我咪踩單車去廣福青少年中心借.頂...廣福有架,但係唔比借.吹漲.之後咪再去路德會.點知都係冇.想睇套小說遮..唔係迫到我要買ma.神鵰俠侶卡通又未畫晒.想睇楊過同小龍女的戀情都係要靠小說架啦.

之後去左禾坑學功夫.師父教晒我整套佛手啦.我決定每日要耍5次以上!!

夜晚同彭澤琛+趙子緯去左食飯.因為彭澤琛星期六上機移民美國啦.移民的心情會係點GE呢??突然要離開一處熟識的地方,到另一處陌生,無朋友的地方生活.是可怕還是快樂??如果係我,我死都唔會移民.因為我唔鍾意有太大的轉變.我只想簡簡單單,平平淡淡地生活.可以嗎??不過我相信留學的心情同移民的心情都係差不多.很快我有這種感覺了........老實說,我討厭這種感覺,亦不願接受.但無奈,最終我依然選擇了.

食完之後返屋企執左陣野.然後去左智傑屋企.因為我想驗證我部燒碟機係唔係真係有問題.結果原來係真GE.咁就煩啦.要拎返比國華表哥,然後再拎返廠修理.都唔知幾時先拎得返呀!!又冇得睇DVD,又燒唔到碟........之後返到屋企.去左公園操拳.因為聽日我又去學功夫.要交功課比師父.然後去左商場買左一個碎銀包.唉.........極之貴呀,成$128.買完勁後悔.返到屋企終於將成套08小隊睇晒啦.不過唔知點解好似呢幾日D時間過得好快.晏晝都冇乜做過野就到夜晚

夜晚唔知點解有勁多爬行類昆蟲嚮屋爬黎爬去.真分之討厭

今朝訓到成12點幾.之後去左大埔墟街市食LUNCH.都唔明點解爸爸媽媽佢地咁鐘意去果度食.又多人,又熱.又耐.唔係星期日呢個咁GE家庭日我真係唔去呀.食完後返左屋企.

之後同俊汝返林村拎個電腦MON.佢DADDY 車我地入去.個MON 又重.抽到我死.好彩之後佢DADDY 車左我去粉嶺火車站.可以搭到4點鐘鹿頸班小巴.

到禾坑落車.原來師母嚮我後面.於日我未同佢一齊行.入到去,我己經聽到麒麟響鑼啦.真令人興奮.入到去.見到好多人.有5個科大學生跟師父學緊麒麟.我都唔明點解佢地見到我就叫我做師兄.之後我叫返佢地做師兄.原來師父個仔都嚮度.之前我地上網討論區以經識.師父教緊佢地麒麟套路.逐個逐做一次比師父睇.而我就坐埋一邊睇.佢地5個都舞得唔錯.不過馬步就唔係咁好.之後佢地5個休息.而師父就叫我做一次上中下行路比佢睇.佢讚我舞得好好.梗係好啦,淨係用對手搖過麒麟頭遮.都未有馬步住.之後師父教我套路的開段.開始好難啦.然後教我搖麒麟頭時用埋驚勁增加動感.之後教我麒麟出腳同馬步.我開始學唔黎啦.終於明白點解咁少人舞麒麟.太辛苦同太難學啦.開始失去信心.但以我對麒麟的興趣,冇可能學唔到.我一定要返屋企勤加苦練先得.不久師兄又黎左.師父要佢舞套7星伴月青陣.師兄果然師兄,舞得好精彩.之後果5個科大學生走左.我地就傾計.之後師父叫我耍佛手比佢睇.真係有D怕羞呀.咁多人望住有D唔自然MA.而且有D又唔記得左.唉..........返屋佢真係要比心計練好佢.

之後同一個人一齊去火車部.原來佢學左朱家螳螂十多年,不過都佢唔係咁ARM 傾所以冇乜傾計.之後同爸爸媽媽去左天外天食飯.

之後同爸爸落美心食飯.食完飯去左運動鋪睇啞鈴.我地研究買邊款都研究左好耐.最後買左對33磅ge 啞鈴.都要成幾百蚊架.返到屋企,爸爸教左我幾款練集的方法.然後又睇神鵰啦.

之後出左去搵曉兒食tea 順便比埋d手信佢.都泰國返左黎咁耐啦,咁遲先比佢,真係唔好意思.去到旺角火車站,我地約左dialyfrance等.我本來話火車站隔離果間架,點知我去左火車橋對面果間,而曉兒就去左新世紀 果間.果陣我先諗起,係wor,果度都有一間wor....哈哈,之後佢再行黎搵我.然後我就出去買野食+比d手信佢.之後陪佢行去學日文.點知行行下突然落雨.

然後拎部手提出黎睇,原來龔俊汝打過好多次黎比我.無計啦,我用左震機咪聽唔到電話law.我打返去,佢第一句就小我.之後又話轉頭搵我.哈哈,佢係咁小我我都唔知可以比咩反應佢啦.之後我某個商場 等佢電話.之後佢打黎問我嚮邊,我又唔係好知我個商場叫咩名,以為呢度就係新天地.咁我咪同佢講我響新天地啦.之後佢求我唔好走開.過左陣.佢又打黎小我問我嚮邊,行運成個新天地都唔見我.之後我咪同佢講去對面levis專門店等ｌａｗ．我行出去，睇一睇，原來我之前嚮兆萬商場ｗｏｒ．哈哈．．．．．真係唔好意思啦．行到去ＬＥＶＩＳ專門店，見到佢比左(call now yeah) d sales  圍住,叫佢買卡.我咪幫佢解圍ｌａｗ．我頂呀.果條死八婆話我on 狗.唔幫襯你遮,都唔洗咁冇品呀.之後咪走law,原來龔俊汝發緊脾氣.

之後佢發完脾氣後,我地去左旺角電腦中心睇電腦.佢想幫人買個機殼.咁咪周圍睇law.之後睇中左個,我地叫個sales拎黎睇下.個sales話冇得拎.之後我咪問佢,唔睇過點買呀.個sales竟然答我買完咪有得睇law.我都無言以對啦.世界變啦,買野同唔買野都要比人串.之後我地決定唔幫襯佢.然後行左陣旺角佢問我去唔去黃金.咁你想去咪出聲law,我梗陪你去架ma.之後去到旺金.行左個轉.佢買左一個機穀同一部燒碟機.我就買左10隻cdr,真係幾低wor,計返都係1蚊隻.不過唔知好唔好用呢.然後我地坐小巴返大埔 

之後去左八號花園,見到陳俊威.同佢傾左陣計之後我地去左鴻運食晚飯.叫左兩個小菜都食唔晒.然後去左甄MAY 鋪頭坐左陣.12點左右甄MAY 的爸爸車我地返屋企.

之後俊汝落去比野人.我地嚮平台坐左陣.

之後我返屋企沖涼+換衫+gel 頭.話時話,著咩衫我都未襯過.又約左袁謂城佢地.我咪快快手手拎左件扣扭長袖SHIRT 衫+一條泰國買ge黑色LEVIS 牛仔褲LAW.好唔好睇就見人見智啦.於是落到去火車站.佢地又話五點三麥當奴牌等.但係原來係約5點半.攪到我趕頭趕命.醒起MS 莊要走.我地班要寫野比佢.之後咪去千年店買左張 卡LAW.買完人都未黎齊.攪錯呀!!!!遲大到.原來係爭佳佳.聽聞遲到要請野飲WOR,佳佳仲爭我兩包野飲.唔好唔認帳呀.

去到帝京酒店,我地點左名,然後拎左本同學錄.裡面有好多同學資料.仲有英文地址.正爆,等我去到澳洲玩寄信仔先.入到大廳見到好多人都著得好靚呀.好多同學我都唔係好認得,比平日返學靚仔靚女左好多.我地坐左一張檯,我地早到於是咪睇下同學錄.之後又四圍搵人影相.影影下叫我地坐返低.因為校長要講野.又係講左一大 堆野LAW.唔知今次係唔係最後一次聽校長講野呢.係唔係都好,我今次真係好留心聽.之後一路玩遊戲一路出去拎野食.玩遊戲好彩抽唔中我出去玩咋.不過聽聞係內訂.D遊戲有釣魚同埋好似都市閒情咁鬥演技.而D 食物就唔係咁好食啦.加上自己又唔知做乜冇胃口.真係蝕晒低啦.之後到各班表演.A班拍片.好似全部都改編自廣告.而我地班唱歌.最後一隻要我地全班人走出去唱,然後我地又送左份禮物比MS 莊,場面極為感人.之後C班都係拍片,改編自MTV .笑到我扒嚮度.而D 班表演咩呢??唔係好知道,唔好意思.之後咪又勁搵人影相LAW,係又影,唔係又影.唔知日後再睇返這些舊照會有什麼感覺呢.不過我總相信時間不能沖淡一切.我好肯定日後再睇返這些回憶照.感覺仍然不變.都有著那份朋友間離別相聚之苦.

天下無下散之筵席,相聚總有分離時,然而令人心滿意足的﹐卻是延席過後那永不退減的餘香…人最大的弱點就是過份充滿感情,是嗎?

完左之後,我地嚮酒店大堂招集同學去玩.點知冇人去.又係我地8個傻仔+瑩瑩.我地由旺角行去尖咀.其實都幾遠架.我又著住見長袖WOR.熱爆,真係想除左佢.行左好耐,終於到海旁啦.瑩瑩話想啤啤佢.於是我同瑩瑩行去好遠的SEVEN 買野飲.買左兩枝酒,幾包紙包飯品.同一枝水.然後又會合返佢地.家榮,瑩瑩,佳佳都有飲酒.而我淨係飲水咋.然後坐嚮度都唔知做乜.我咪係咁睇同學錄LAW.睇睇下又望下對面果景.之後都返屋企啦.

我坐火車去到粉嶺,然後去左個小巴站.四圍搵去禾坑的小巴.原來坐56K鹿頸小巴可以去到上禾坑村,雖然搵到小巴遮,但係我未去過上禾坑架MA.咁我咪叫個司機到站叫我落車.落左車之後,過一條馬路,然後行落一條斜坡.終於到上禾坑村啦.去到打比李師父,佢話直行會見到間培文堂.於是我咪一直行LAW.終於去到啦.培文堂-李師父的武館.入到去,都幾空曠幾大WOR.李師父教緊一個細佬仔叫做明仔同埋一個大哥哥.那個大哥哥是李師父出會表演時舞麒麟頭的,我見過佢好多次啦.之後李師父教我行馬.行左陣佢話我己經行得好好WOR.可以教其他.佢話我可能見慣人打螳螂拳,又或者爺爺學過竹林螳螂,爸爸學過朱家教.所以有遺傳又有D功夫底子,叫收學野比較快WOR.乜原來咁都有遺傳.哈哈................之後李師父教我地3個耍入門套路,叫做佛手.原來個大哥哥之前淨係學麒麟未學功夫.而明仔跟左李師父學左兩個月.中國功夫的套跆等於跆拳道的操拳.即是要用腦記每一招,每一式.是我最唔鐘意的一項.不過套路隱含好多內涵,例如運氣同發勁等,所以成敗都由套路開始.我一定要學好.不過要記咁多步真係有D困難.好彩明仔之前學過.周不時都要佢提水.哈哈...........休息時又同明仔玩下推手.哈哈......畢境小朋友真係小朋友,好容易就同人玩得熟,所以同佢都玩得幾熟架.原來李師父果度有4個麒麟頭同一個獅頭.果獅頭係梁文發師父GE.休息完又再教套路.最後教完半套佛手就落堂啦.

之後李師父帶我去佢屋企坐.佢比左以前D相我睇.坐到成7點幾先搭車離開.原來56k小巴7點鐘就收工.我要坐沙頭角小屋到聯和墟再轉車去火車站.

本來今日去沙頭角搵李師父學功夫架.但係佢話改左聽日.於是返屋企訓左陣覺.然後睇左陣木馬屠城.俊汝打黎問我有乜好攪.我點答佢呢??同佢講講下佢叫我返大陸.其實都唔係咁想去架.星期日先去完.而且得我同佢.好危險架ma.佢又話想買呢樣買果樣.算啦,見佢就快走 咪陪佢去買law.你有我咁ge 兄弟算你行運啦.知唔知呀!!!換好晒衫,落去火車站等佢.頂....有個妹妹仔走黎叫我買獎卷,我話唔買啦,佢死都要我買,講講下又走多個黎,叫我買兩張,之後又有個走黎.叫我一次過幫佢地買3張.你 地當我開金礦架咩.之後俊汝嚮閘裡面叫我,之後我未同果3個妹妹仔講我個friend 黎左啦,拜拜.我問佢點解無端端嚮閘裡面,條死仔話費事叫埋佢買wor......真係比佢吹漲.不過好彩幫我解圍.之後同佢去左上水換人民幣.再坐火車去羅湖.

過完關,去到羅湖.真係行步路都驚架.一個唔係好識講普通話.一個十年都唔返一次大陸.真係幾危險.雖然我中一以經試個同朋友返大陸玩,但係果次有中秋阿媽帶我地去.我地去到的士站.好彩個司機識聽廣東話.去到華強北路.我就帶佢去買卡通片.點知我唔認得路wor.無計啦,個個商場都差唔多款.好彩最 後都去到.之後我帶俊汝去我買開過間鋪.點知佢地剛剛比人掃場.叫我地五點再去.我望一望錶.現在只是四點鐘.於是我地出返去.見到隔離有間百佳.於是我地入去買野飲.我買左個雪碧同一條大麵包,佢買左罐青島啤酒.於是我比 晒.只係$8.5.十分之低.之後我地去左商場出面d露天茶座食野.不停有人問我地d汽水罐要唔要.又見到有d 細佬仔嚮垃圾筒到搵黎搵去.其實見到真係幾心酸.我又係人,佢又係人.生活竟大大不同.我不算什麼富家子弟,但總算豐衣足食.我只可以講我好運過佢地...............

之後再返去睇碟.我地揀左都幾耐.其實我都係等佢遮.我要買的一早以經買左.今次我買左金田一,城市獵人,同尋秦記.不過我諗都要去到澳洲先有時間睇啦.不過都好,俊汝話去到一定要靠呢d 野黎過日晨,唔係會悶死.俊汝就買左好多呀.之後又陪佢去買ps 2 game.買完之後,我地就坐車返羅湖火車站.我話去交通樓,個師機講一大堆普通話我又聽唔明.不過最後頻我智慧,終於都知佢講咩啦.佢原來話上埋交通樓會好塞車.話嚮下面停比我地落.

落完車.俊汝話想去睇下d 冒牌 LV袋.之後未陪佢去商業城行下.我嚮度睇緊d tiffany手鏈.個姐姐問我係唔係要.咁我未問佢幾錢law.佢話$150比我.我話大貴啦.之後佢話$100問我要唔要.其實我都冇諗住買ge.我咪叫俊汝快d走law.我 都冇心買唔想同佢講價.行行下個姐姐問我幾錢先要.我咪話$50 law.我估唔到可以壓到咁低架ma.我本來想應酬佢ge.但係佢竟然話好啦好啦,叫我番過黎啦.於是我叫俊汝行快兩步閃人law.

過完關返到香港啦.總算平平安安返到黎啦.去之前真係有d驚架.媽媽本來唔多想我去ge,最後爸爸比我去媽媽先話比咋.雖然有d危險.但睇會左好多野.人未經歷過危險根本不會明白甚麼是危險.我決定唔再做溫室的小花,我要在危險中成長.

之後同佢去左大埔墟一樂食晚飯.然後同佢又嚮平台吹左陣水.下次佢返黎我可能己經去左PERTH 啦.

學完之後我地成班人去左金源食LUNCH.雖然好懷念以前一大班人操完後去食飯的情境.但畢境是人面全非.以往所謂的戰友都冇學啦.所以都對跆拳冇乜興趣啦.有時學一樣未必要練到最強而得滿足.最滿足是與同伴一齊苦練的階段.與大家一齊進步.雖然是十分辛苦.但真的是開心.葉SIR 話我學左咁耐先放棄太浪費了.但我不認同.因為我認為自己己經學識了跆拳.雖然唔可以話叻.但始終明白是樣什麼東西.所以我想花時間學會其他.我星期二就去禾坑學竹林螳螂拳.等我睇會一下中國功夫的內涵同發勁先.

返到屋企即刻拎爺爺浸比我GE 鐵打酒出黎用.然後睇生死速遞.睇睇下無乜心機再睇啦.之後睇行運超人(係卡通片果套).

然後同媽媽返大陸會合爸爸行街.返到大陸,行去的士站.見到超多人排隊.我一路排.一路有個小朋友(差唔多4歲啦)望住我.問我拎錢WOR.雖然好可憐,但我唔係個個都會比架MA.更何況大陸.又見到有個阿伯訓左嚮度.喉嚨穿左個(濃).唉.......都冇話 可說啦.上到車.好彩個師機識聽廣東話咋.唔係就大鑊.我一定要去澳洲學就英文同普通話.去到華強北路.我同媽媽行左陣銅鑼灣廣場.然後就會合爸爸.本來又想去買卡通片睇架.不過我地 太晏去啦.收晒鋪.之後我地去食晚飯.去一間連嚮邊都唔知GE飯館.係媽媽嚮唔知邊到聽人講話幾好食架WOR.我地係咁行,加上我又腳痛,真係苦不堪言啦.行左成半個鐘,終於都搵到啦.間野好唔好食就見人見智啦.不過服務態度就奇劣啦.

返到屋企.爸爸諗左一個方法黎比我舉重．哈哈．個設計極之好．之後就同佢睇江湖．套野好有深度．其實唔係太明白佢講咩．要洗多次先得

食完飯,我地行去海旁.幾時都話維港夜景最好的.真係好靚.今次先真正觀察對面d 燈光.可能將要離開啦.感受極深.我地一路行,一路搵一處比較靜的位置.途中聽到好婉妁的音樂.我地都比那些聲音吸引過去.原來有一個阿伯.自整左一件樂器.係由一把鋸造出來的,但鋸齒紋就摩去了.佢用一枝類似拉小提琴ge弓黎拉.我能心情唔多好,總是覺得聲音中隱含悲傷.但真係好好聽.最特別的是那個阿伯並不是賣藝.只係為興趣黎表現.之後我地終於都搵左個位啦.我地坐坐下,有個阿婆突然在我身邊出現.其實當時有d嚇親.佢雙手緊合,手裡有數枚錢幣.不停望住我,係咁搖手裡的錢.我話冇.佢搖左都好多下.之後向俊汝搖.俊汝都話冇.但阿婆似終冇走.係咁在我地兩個中間搖.我始終都忍唔住.嚮褲袋拎左個兩蚊比佢,佢好開心.之後佢淨係對住俊汝搖.俊汝同佢(交戰)左陣.個阿婆終於都放棄左,問其他人.俊汝就同我講:(我贏左)但我覺得個阿婆真係好慘,可能佢真係扮可憐厄人錢.但我只係比左兩蚊遮.兩蚊對我黎講可能唔係多.但對佢黎講就可能有好大的功用.始終向人乞錢都唔係咁易架,要拋棄專嚴,人格.可能我始終係一個善良心軟的人啦.做人有時真係要軟硬分明.軟時應軟.硬時則硬.

第二日一早起身.然後去酒店食早餐.所謂自助早餐真係不知所謂.之後去左純天然植物保健中心,即係叫我地買野LAW.講醫師嚮度講解.但係我訓著左覺,真係有D唔好意思.然後又去左珠寶城.跟住就去奇趣老虎樂園.叫到有隻大 豬養幾隻老虎.唔知D 老虎遲D 大隻左會唔會以為自己係豬呢.咁咪會唔食肉law???又有一隻大老虎同幾隻豬仔係同一間房.全部豬仔都著左老虎皮圖案的衫仔.好鬼得意.隻大老虎又會唔食佢地GE.唔通以為果D豬仔係自己D仔女.咁就真係不幸啦.行行下,見到爸爸以前買GE 拳師油.我都買左樽.完來好低的啊!!之後去睇噩魚,又去睇豬賽跑.響大陸都睇過.十分之無聊.之後到一隻大豬出黎計數.隻豬真係計到WOR,比D 觀眾出問題.隻豬加減乘除都識,不過當然係淺果D啦.例如2乘3隻PIG就會走去一個寫住6字的牌到.然後又睇蠍子女郎.一個幾靚的女仔,著住成身白色的衣服,滿身都係蠍子.企響度,比人影相.不過冇人敢去.個女仔都幾可憐.於是我同佢笑一笑,佢叫我去摸下隻蠍子,我咪就去LAW,其實都有D 驚架.不過比蠍子咬到最多claim保險law.哈哈.....話唔定賺返團費添.講下笑.我都係費事佢咁難做.原來蠍子個殼都幾硬.之後出去,見到Carson釣噩魚.何謂釣噩魚呢??就係企嚮條橋到,然後用枝木棍.木棍末端釣左隻雞.引D 噩魚食隻雞.去完呢個景點後.去左泰北罌粟花蜜養蜂中心.即係賣D蜜糖,花粉,蜂皇漿.如果同GRANDMOTHER 一齊去,佢一定會買.話時話,佢果次去元朗買比我果樽花粉我都未食晒添.之後就返酒店啦.放低行李就落去飯.我同楊志明討論清水灣係唔係即係半月灣.佢死都話係.我就話唔係.之後我就問領隊.個領隊話唔係,兩個地方唔同.之後楊志明就發脾氣.整跌左個杯整濕埋我條褲.佢都ON 撚狗.自己魚左仲發脾氣.果然自尊心重.果陣我己經扯晒火,真係想一拳打過去.有D交打完唔洗煩你話幾好呢.食完飯,我地去左一個大型商場.我鄉果度買左條LEVIS 牛仔褲.計返港幣都係$280幾.又買左件衫.原來商場門口有間紋身鋪.我同志明就走左去睇.原來假野黎架.畫落去,一段時間就會淡.點知咁ARM 有個女團友又睇緊.於是我同志明勁SALE佢入去畫整.我地目的都係想睇下畫得靚唔靚.佢又真係入左去整.哈哈.........佢整完我都有D興趣,但始終假野就係假野.會比人串的啊.不過我遲D 都可能會真係紋返隻真野.始終受爸爸影響,無計.之後Carson 就過黎問我型唔型,原來佢都畫左隻.見到佢有,又有D心郁郁添.之後就返酒店,沖完涼.我地玩電話,叫左兩個女團友黎我地間房玩.我唔係好記得佢地叫咩名.不過我記得一個讀中7,一個做姑娘的.我地3個,Carson,果兩個女仔6個起初 玩啤牌.然後玩呯,嘭,哇.佢地起初唔就玩.後來教識左佢地.中7果個女仔輸左兩次.哈哈,比人罰(粒)住個膠袋,落去酒店大堂同d職員講(sa  話 d 卡)仲要就埋動作.笑到我地死.之後又罰佢拍出面房的門.Carson都有輸．佢比人罰全身扭動１分鐘．跳到好似火辣舞咁．不久就訓啦．

第三日我地出海啦.我地坐車去到海邊.然後上快艇.架快艇開得好快.去到一個浮台.果度比人玩降落傘.Carson 玩左降落傘.我地3個都冇玩.然後再坐船去珊瑚島.我地坐響架快艇到仲好玩過機動遊戲.因為又大浪.開得又快.所以極之刺激.去到珊瑚島.己經見到勁多人玩水上活動.有香焦船啦,水上電單車啦.個導遊仲話:如果有泰仔撩我地玩水上活動切記唔好玩WOR,因為係搵笨.我地放低晒野,同埋Carson 4條友跑出海灘.我仲同Carson 響水到推黎推去.唯一玩左的水上活動就係香焦船.有部水上電單車拖住我地出去.佢一轉灣.我地就去反船.極之好玩.於是我地推返起架船,然後再上返去.再玩多次.總共玩左兩次.之後我地去左買牌仔.我仲買左幾個沙整相架.然後就去食飯.食完飯我地又坐返船去巴堤雅.返到酒店.有成個幾鐘頭休息.我地訓左陣覺.然後又坐車去試泰式古法按摩.我未試過泰式按摩.以前返大陸做黎做去 都係穴位按摩.去到,成20 幾個人一大間房.然後有女按摩師入黎.咁多人按摩,又噪,環境唔多好.我按完一個鐘都唔鬼按第二個鐘啦.都係返大陸好D.其實一路按摩我一路諗,未識搵錢頒咩學人享受 ，又好掛住爸爸同媽媽ｗｏｒ.原來Carson 都係按左一個鐘就唔按.佢話好似比人玩咁WOR.之後我地出去買野食.有擋食燒野十分之低.之後上左車,去食晚飯.食完晚飯又去左行商場.去左一個商場.個度有 間levis專門店.響果度又買左條LEVIS 牛仔褲.我己經有好多條牛仔褲啦,但係又極之低.唔買個心好似唔得咁.所以又買埋.之後行左陣.見到間超級市場.於是我地就入去買野飲.點知見到D 手信又好低.我地就決定響度買手信.我都買左幾多,但係買唔係問題,拎返香港先係大問題呀.我比完錢,見到兩大袋野,先後悔.返到酒店.我拎左個康泰旅行袋出黎袋手信.點知唔夠放WOR.頂.極之後 悔買咁多.之後我地就訓覺.今次到我訓中間.但係實在太掛住屋企,爸爸,媽媽.又好噪的關係.唔係好訓得著.於是打左個電話去Carson 間房.同佢一齊訓.其實我地有一個應該同Carson一間房.因為我地3個,佢地又係3個.不過我地要3個訓一間房.所以Carson 自己訓一間房LAW .走到去.佢都差唔多訓啦.我同佢傾左都幾耐計下.有時有D朋友.你識左好耐.都只係做到普通朋友.但有D 你可以識左一兩日就做到死黨.可能我性格係合得來不合則去啦.是一種揀朋友的朋友.要改下先得.

第四日,我地坐車去返曼谷啦.沿途去左佛寺,我去拜神,而志明同家榮都冇去.我添香油.拎左幾枝香然後拜 個佛.之後又有話法師幫你祝福.仲幫你整條繩嚮右手添.我都有去試.拜完佛.我地全部人又上返車.之後去泰國海味士產店.我因為YESTERDAY嚮超市買左好多野的關係.所以淨係買左一包芒果條同兩包榔子糖.之後又上車去夢幻樂園.我地首先在門口影左張大合照.然後入去食中 午飯.今次係我嚮泰國食自助餐黎講對正的一日.因為有魚蛋米.好耐都冇食過啦.之前食黎食去都係一大堆炒米炒飯.而且又冇乜料.魚蛋米都食左成兩碗.之後我地開始玩機動遊戲.首先我地入鬼屋.哈哈.....入到去好多人好驚.我就同Carson行先,然後突然大叫嚇後面D人.唉.....間鬼屋都冇人扮鬼嚇人.一D都唔恐佈.跟住去左玩海盜船.呢個海盜船勁過海 洋公園果部.最高有成90度.都好好玩.之後再去玩過山車.冇乜特別. 不過唔知係唔係食得太飽,所以有D反胃作嘔的感覺.之後就玩一個類似洗衣機的機動遊戲.玩到我真係想嘔,Carson 又狂叫FASTER WOR.哈哈........然後我地去玩大峽谷.即係坐住架圓形物體.嚮條水道行.玩完成身濕晒.最慘係之後入雪城.雖然有禦寒衣物.但係在0下5度的地方真係好凍.加埋我D 衫又有D濕,所以凍上加凍.然後又有雪橇玩.我地6個人連住一齊滑落去.超好玩呀!離開雪城.真係兩個世界GE 野.之後玩室內過山車.我開頭以為好低B啦,點知都幾勁.入到去乜都睇唔到.勁黑.我地總共玩左3次.之後玩埋碰碰船同碰碰車.跟住就同志明畫隻紋身.然後就上車啦.之後去燕窩專門店.頂呀....我地冇食燕窩 遮,趕左我地出門口WOR.之後去皮具世家.去完就去拜四面神.志明同家榮都冇去.我就跟住Carson家人去啦.我自小跟住Grandmother拜四面神.所以唔拜唔得.本來約左志明同家榮M記門口等.但係我好早拜完.咪碰運氣睇下撞唔撞到佢地LAW.點知又比我撞到WOR.之後我地行四圍GE大型商場.我買多左件衫.今晚係自費餐.所以我地要搵地方食野.我地去左食元氣壽司.超低,一碗拉麵只係12蚊左右.我叫左兩碗拉麵同埋一件手卷.食到勁飽.泰國消費真係好.之後再去返集合點.然後坐車返酒店.途中,領隊話曾經有D團友好無聊,又玩電話,又拍其他人房門.唔知係唔係暗示我地呢??哈哈...我地聽到都嚮度笑.間酒店好似話upgrade 左.同前3晚果D梗值係冇得比.我地間房仲係3人床添.領隊對我地真係好啦^^我地放低野.Carson 己經走左入黎.我同佢嚮度玩打交.始終唔夠佢黎.大份果然著數D .之後我地落左酒店大堂鋤D.然後去左附近果間7仔買宵野.今次都可算係自己嚮泰國行夜街.比我感覺同大陸差唔多,一樣咁黑暗,一樣咁混亂.真係膽戰心驚架.返到酒店,食完杯麵就訓啦.

第5日.仆街啦.起身己經係6點55分.領隊話7點下面等.好彩YESTERDAY 執左行李.唔係就煩啦.落到去大堂.領隊叫我地去餐廳果度拎幾隻麵包.去到餐廳,經過個泳池.見到好靚GE 曼谷城市景.不過出面的海還是河就十分之嗅啦.之後上車去機場.嚮機場等左陣.然後上機.今次我地分開坐.我同兩個中國女仔一齊坐.都係我地果團架.坐坐下.姑娘同埋中7女仔叫我過去坐.因為佢地果到多左一個位.落機一刻熱到我想暈咁濟.香港真係熱過泰國好多.之後我地坐E 車返大埔.返到屋企真係好,又開左冷氣,又見到我好掛住的爸爸媽媽.雖然冇見5日.但係己經好掛住.第時仲話要過澳洲添.果陣唔係唔5日啦.係五個月,五年啦.唉....話時話,細個果陣阿爸阿媽成日叫我去旅行,我都話唔去.依家真係後悔.領隊講得冇錯,人大左,時間就少左.陪屋企人的時間就更少,何況旅行呢?