打完波我地又傾左陣.個個都準備開學.而自己又要等多成個月,真係有d唏噓添.但唔知點解現在我好興趣,愈黎愈想快d開學.大大話話都放左成半年假啦,原來自己已經有成半年冇上過堂了.我想試下沒有父母的管束下的生活,嘗試著便服返學.嘗試我的同學是鬼仔.嘗試.........好多好多....

我諗住每日lunch都搵佢地.無論讀緊救恩的同學也好,還是讀其他學校的同學也好,都照搵...

8月30日 11:02pm upload

今日拎返隻麒麟入林村.屋企又冇乜位放.而且而家又冇乜學到麒麟.所以都係決定放返入去好啦.

一個人成日對人對事都左彈右彈.人緣會唔會特別差呢.??不如比下面人,間中講一兩句讚美的說話好唔好?

8月29日 11:05pm upload

哈哈,近期睇緊古天樂在95年做的神鵰俠侶.佢果陣仲係一名小白臉,真係勁好笑~.~

夜晚我地去左南風閣食飯,又見到林偉倫wor.之後我地去左買一些襪同埋低褲.打算拎過澳洲用.都唔知幾時先出到visa 呀.....出完visa就要訂機票.都未決定邊日走.

返到屋企睇台灣拎兩個冠軍的跆拳道比賽.打果日我唔知,所以錯過左.好彩我見到bt有得download呀!咁梗係即刻download啦.不過睇完真係好失望.勁悶ge.兩場都淨係得turning kick,都唔見有其他腳.而且那個男子台灣冠軍被喻為戰神,又話50年難得一見的奇才.我就唔見到law~.~可能現在興這種打法啦.跆拳愈黎愈成為一種運動性質的武術.

夜晚arm arm 開電視又播緊跆拳道女子賽.係中國對希獵.呢場好緊張呀.不過都just turning kick.~.~最後中國拎冠軍,真係好.但係我覺得好奇怪,點解決賽冇韓國仔ge.一直以黎韓國跆拳都係好勁架,而且佢地唔輸得,輸左就會發脾氣.我仲記得有次韓國仔黎香港打金盃賽.點知有個女仔輸左比中國.個教練唔服輸,竟然拉隊離場.哈...真係冇體育精神.

8月29日 10:51am upload

之後會合左楊志明然後去又一城踩冰.著得耐對冰鞋真係好痛.真係愈黎愈唔中意踩冰啦.踩完冰,我地去左西九龍食壽司.即係39蚊任食果度.等左勁耐先到我地.間野係唔係便ge關係呢.次次去到咁多人.~.~....超攪笑.我同智傑成日諗點樣收埋d飯.咁我地又淨係想食d料.又唔想食飯.所以咪千方百計諗計law.我地收埋左好多係碟低,然後用幾隻碟疊住.點知比人發現左,佢話下次再係咁就罰錢.真係笑死!!我地又諗住收埋係d杯裡面.不過最終當然都係冇咁做啦......食完後我地坐車返大埔.

我地之後去左富享.咪又係玩砰o彭哇...成日都玩真係好悶.12點啦...家榮生日快樂...

8月28日 3:28pm upload

如果突然比大家知道自己有絕症.大家會點呢?/唔知好過知,還是想及早知呢?唔知的話你還可以對未來有盼望.因為你還認為自己可活多幾十年.所以甘願對未來所付出努力.而萬一你知道左將會不久於人世.又會點呢?會唔會寧願唔知好過知呢?唔知起碼還有盼望.若然知道左,會變得迷網.以往所擁有的,得到的,會變成失去.

今日全日都係屋企過.得閒睇下碟,得閒又可以執下屋.真係幾寫意架.我以前好討厭無所事事的日子,但現在反而喜歡悠悠閒閒靜下來.人真係會變.

爸爸放工返黎有事搵姑姐,但係唔知佢手提幾多號.於是咪打去佢屋企問佢個仔(我表弟),點知我表弟話媽咪叫佢唔可以亂咁比佢個電話人架.於是爸爸咪好嬲law.最後爸爸打去問grandmother拎姑姐個電話.我表弟讀書好叻.在舊墟考一,二名.但做人默守成規,唔識轉灣.讀書咁叻又有用咩??所以我一直都同意讀書叻唔代表個人醒目.讀書差又唔代表個人蠢.

媽媽今日買左幾包燕窩返黎,價錢都唔便架.今年我地屋企真係洗左多錢.爸爸拎住一包問媽媽(d燕窩係唔係假架.點解會咁圓咁整齊ge.之後我同媽媽睇一睇,即刻係到笑.原來佢拎住果包係雪耳黎架.真係笑死人呀.佢咪話(我都覺得奇怪架啦,燕窩邊係咁樣架).哈哈...佢只係知媽媽買左燕窩返黎,但佢唔知媽媽又買埋雪返黎law.

8月27日 12:23pm upload

抽血前真係好驚架.睇住枝針筒插入去我條血筒到,然後枝針筒裝滿血.諗起成個人都軟晒.之後比錢.佢話要比七百幾蚊.我咪問佢點解仲要比錢呀.原來佢以為我係乙型肝炎帶箘者所以又話要拎我d血去做化驗.但係一直以黎媽媽都同我講我有乙型肝炎,但係冇話過我帶箘.咁我咪話唔係law.佢又話媽媽yesterday同佢講我係帶箘,咁我未打比媽媽問清楚law.原來媽媽意思係叫佢地驗埋我的肝功能,同埋睇下有冇抗體.之後佢地話真係證實係帶箘者的話咁樣又會唔同做法,要寫份report去澳洲領事館.於是只係暫時交左$140比佢地驗我係唔係帶箘者law.如果真係就真係有排煩啦.都唔知會唔會唔比我入境添架.唔知幾時先出到visa呢,真係有d驚趕唔切開學呀/.\

晏晝去左學功夫.今次師父被邀請去蔡李佛派開山祖師陳享公公誕.所以今日係師兄代教.我套雙樁又學多幾下啦.不過都仲未學晒.而套佛手就再執一執就ok...不過唔知係唔係隻手抽過血ge關係,好似出唔到力.一出力就有一種好酸軟的感覺.

有d野要成日都要瞞住瞞住,隱隱藏藏,不如就真係坦白從歡好吧!!咁會令自己舒服好多.

8月25日 9:45pm upload

食完後返屋企.爸爸今日放假.同佢返左大陸搵師伯飲茶.今次兩位師伯都有黎.

一世的烙印,一世的承擔.我並沒有後悔.即是有可能影響將來,我都會承擔.因為我一直以來都十分喜歡.只是遲早的問題.

晚上媽媽放工後過左黎深圳會合我地.然後我地坐車去左布吉食飯.食湘菜.其實我都好like返大陸食飯架.可以好容易就食到中國名菜.而且價錢又合理.~.~ 今晚真的是累得很,我好耐都未試過呢種感覺啦~.~

師伯佢地成日都叫我耍套佛手比佢地睇,咁我食都好飽點運氣催勁呀/.\......等我下次再返大陸搵佢地先耍比佢地睇啦.順便可以執一執我d動作先去表演ma.

8月24日  2:04pm upload

起身即刻出左去.因為約左媽媽lunch.佢放成12點半..去到旺角媽媽叫我去稻香.佢原來約埋一個姨姨飲茶.佢係媽媽以前ge同事.飲完後我去左旺角電腦中心買野.我終於都買到白色字的 倉頡貼紙啦.我部notebook 係黑色,又冇倉頡字碼.所以要貼貼紙law.我又買左一隻後備滑鼠帶過去澳洲.

之後就行去尖咀補返視力測試.我由旺角行到去佐敦俗華.咪走去睇睇d武術用品law.點知出返黎落勁大雨.我入去的時候仲出緊太陽架.真係天有不測之風雲啦.我仲以為自己睇錯添呀.我份人唔會等待雨 停的.無論有幾大雨我都會繼續行.行到九龍公園,我去買左對鞋.yesterday己經睇中架啦,但係又冇時間買.對鞋買$50咋.我諗住有時練功夫同麒麟果陣著.行到bluestar,我買左把縮骨遮.我用開的那把失左蹤.咁又落雨,又要帶把 遮去澳洲.咪順便買埋law.去診所驗眼,今次終於都pass啦.幾日後佢地會寄去澳洲領事館.咁就可以出visa 啦.講開個驗身,真的十分之奇怪,點解冇抽血檢查ge.雖然我好驚抽血.但係我比足錢架wor!!

之後去左加石硤尾.我終於都知點行城大去又一城啦......

8月25日 1:09pm upload

去到m記,我地冇食到早餐就即刻出去啦.因為佢有個friend打第10場.去到原來仲有排先到佢個friend 打.咁我咪睇左其他人打.雖然女子賽冇男子賽那麼激烈.但係都令熱血沸騰.好有衝動操返跆拳落場打比賽.當然這個諗法好快就打消左啦.因為由我決定唔學跆拳的那天開始,我是決不會再重操的.最多只會返一兩堂聚聚舊.所以葉sir成日都叫我返而我又次次拒絕真係唔好意思...

之後我同佢去左黃金電腦廣場.我買左幾十隻cdr 同一隻滑鼠.而佢就買左一隻game.

之後我就坐車返大埔.我有d肚餓.所以去左食野,而佢都陪埋我去.我地傾左好多跆拳野.我終於知道一年前佢地發生咩事啦.如果我那時繼續有返,我會唔會成為受害者呢?還是黃華輝唔洗比人踢出館.不過一切 己發生,冇人再可改變.但可惜這事是人為的!!都怪有人太無聊，有人太是非不分.

8月24日 12:36am upload

返左屋企又即刻出左去.約左瑩瑩去許留山食甜品.然後又出左去大埔墟整眼鏡.諗住星期一再去驗眼ma......

我果次買的cdr 碟差唔多用完啦.真係快啊.鬼叫自己download 完d 劇集又燒埋出黎咩?咁我份人睇完又想擁有.冇計啦.唯有再出黃金入貨啦......

8月21日 12:34am upload

返到屋企,沖左個涼就去富善啦.今日是東東的17歲生日大日子.我地去蟹鉗屋企切蛋糕.又玩左陣啤牌.8點左右我地去聚寶打邊爐.有成12個人呀.有我+家榮+志明+首領+東東+智傑+如茵+絲敏+蟹鉗+bibi+佢bf + 一個唔識ge女仔.不久佳佳同老虎都黎左.去聚寶打邊爐好過去明星.d野食黎得快好多,唔洗等咁耐ma.之後去rainbow 食甜品.佢地講開買中六d 書.聽到都幾心酸.我都好想可以買中六d書呀.當然係買得有意義果種啦.其實我而家仲算唔算係救恩學生呢?

之後全部男仔去左igame 打機.我同家榮狂煲頭文.唉...太耐冇玩真係會弱好多.我同佢打到成點幾先走.我地去左八號公園坐左陣.好耐都冇同過佢坐公園傾計啦.以前中四的時候,我地成日都打完波就坐低傾計.都係果句啦,這也成為回憶了.朋友多的事,又有幾多能傾心事?

8月20日  1:30 pm upload

1點左右去到救恩門口.因為約左蔡sir(D61)lunch.我地去左大家樂.我地傾左好多野.諗返起中三時我對佢咁氣傲真係有d唔好意思.佢講得好arm.有時睇返轉頭,有d問題真係好簡單.但那時真係諗唔通.仲有佢同我講揀科,唔單止要睇自己ge興趣同能力.最重要係睇性格.因為某d行業,由某d性格ge人做會比較好.例如工商管理咁,性格圓滑的人做會比較好.如果你的性格是剛直的,咁你就唔適會做此職啦.因為勉強會令自己痛苦.但性格係可以迫出黎.所以唔好再講我個格係咁.冇得改.咁只會永遠失敗!!

晏晝去左禾坑學功夫.今日師兄唔得閒冇黎到.不過我今日多左個師弟.哈哈!!輩份最細唔係我啦!不過我個新師弟年紀比我大架,仲有學左朱家成十年.不過我早過佢跟師父,都係叫我做師兄.正等於我叫明仔做師兄.佢都係得三年班.唉.......今日又講開9月5日的功夫表演.好彩明仔都要去表演咋.....所以今堂開始要狂練(佛手)...~.~我都學左咁多堂功夫.都唔知自己能力去到邊.以前學跆拳就話有free fight打,知道自己到咩程度 .但now都冇得同人較量.真係好有興趣同我個新師弟較量一下.

8月18日 10:51pm upload

之後自己出左石硤尾.

然後返屋企繼續攪電腦.今次到我屋企部桌上電腦啦,部機有d問題咪format佢law.我真係好僧format架.乜都冇晒,乜都要入過.但係都冇計啦..../.\...當我format左之後勁後悔.有好多好重要ge記錄都冇左,我又唔記得save...失策

後就同阿媽,舊父,佢地去大尾督BBQ.真係熱死人.熱到冇乜胃口咁.後來舊父杰要車大舊母佢地出碼頭.咁我咪跟埋佢地車返大埔先.

李春林師父今晚打過比我,叫我9月5日去九龍功夫閣表演呀.表演佛手同叫我舞麒麟尾.真係好驚.但又唔知點解好興奮呀!!!~.~...真係好怪..到時叫唔叫爸爸同師伯黎睇好呢??都係果句啦,我最想都係舞麒麟頭呀/.\.......

其實大家聽某隻歌,會唔會諗起某D人呢?我就會啦.當我聽到某D歌,真係會好自然咁諗起人架!!

8月18日 12:50am upload

夜晚突然有隻飛蟑螂飛左入我間房.勁大隻呀......我捉極都捉唔到,又走左去我張床.後來我+媽媽+爸爸終於征服左佢啦.佢ge 下場就係響個廁所游蟑螂泳...哈哈~.~算你唔好彩啦,飛到18樓咁高為咩呢?

8月17日 12:00am upload

首先,當我將所有救恩中四,中五的 相片集save落去部手提電腦到.無聊得濟睇返晒所有影過的相.由中四至grad din~~覺得自己好似中四開學冇耐,就即刻中五畢業.同同學有兩年相處.每個同學俾我的印象同感覺都唔一樣.但人愈大,社交圈子愈廣.世界又有咁多人.究竟可唔可以結識到一個人俾你的感覺是你以往所識的人一樣呢??我估冇乜可能啦.所以我認為人是有自己本身的特質.冇人可以一模一樣的.所以人是唔可以話邊個代替邊個,只可以話係忘記.當你識到一個新朋友.佢是你的新朋友.唔好搵佢黎同舊朋友作比較.

第二個問題:夜晚去左公公屋企食飯.見到我有一個表弟同一個表妹同樣是今年升中四.我又突然諗起升中四時的自己.覺得自己比他們成熟好多.無論外貌同思想方面.到底是他們比我當時幼稚.還是佢地嚮我心中都是永遠幼稚呢?我雖然大過佢地兩年.但唔知點解好似懂事過佢地好多~.~.....可能我們每個人在長輩心中都是永遠的幼稚,大唔透啦.

返到屋企,不久又出去搵傻仔軍團佢地.佢地今日有活動,就黎去bar睇波.曼聯VS 車路士.講真興趣就不大啦.不過個個都去.冇現由得我唔會架MA.不過我都遲左去.最後係1:0 車仔贏左.之後大家傾有咩餘慶節目.但係都冇結論.之後我去同高佬食宵夜先.然後再會合佢地.不過有一個小插曲.食宵夜其間家榮打過比我.但我cut左佢電話.因為電話冇分鐘,所以諗住用高佬部電話再打比佢.但係一時醒唔起,我cut 電話係會飛返屋企.所以家榮打比我,即係打左去我屋企law...之後家榮同我講返:先到打左去你屋企,你阿爸阿媽勁擔心,唔知你走左去邊.又話出黎搵你wor!又問你係唔係飲左好多酒wor~~哈哈,我一滴酒都冇飲過wor,只係同高佬去左食碗牛腩粉.攪出一個小誤會,要阿爸阿媽擔心,真係唔好意思呀.

8月16日 11:00pm upload

之後返屋企繼續攪部電腦.終於都上到網啦,又開到ICQ,實在太興奮了~到時在那邊希望上到網啦,我並不是用跟機的window,真係又點兒驚,因為所有drive 都要再裝過,我驚有些冇裝到~

9點左右咪去到好好甜品law,終於都比左份禮物你啦.份野真係擢左好耐的啊!之後你又比左條頸巾我.條頸巾D 色很好看.不過真係又點兒短.食完甜品咪返屋企.返到屋企我試下條頸巾,原來長度好適合.我一定會帶埋過澳洲的~~哈哈,早知同你去影張卡.我帶住你條頸巾.你拎住我比你盒野.留下念MA......

唔緊要,我話過會尊重你的答覆,但係唔等於我放棄呀.

8月15日 6:03pm upload

之後趕左出去旺角.因為約左爸爸去搵agent.我去到旺角電腦廣場會合爸爸,因為決定今日買手提電腦,我地買返上次睇中的那部IBM.然後又買左少許配件.之後就再去尖沙咀搵agent.唉....交左成幾萬蚊學費.又買左部成萬蚊GE 手提電腦.而家又話要攪簽證.又成幾千蚊.大家都面有難色~~爸爸媽媽在我身上的付出實在大得厲害.只怪自己唔爭氣~~/.\

之後返到屋企咪狂攪部電腦LAW....頂,點知英文window read 唔到中文軟件.咁咪又format佢裝中文xp .點知全部drive冇晒.真係好鬼(敏)呀.

攪到成9點幾先食晚飯.同爸爸去左隔離新開的茶餐廳食晚飯.D侍應不知所謂咁.

返到屋企又繼續攪部電腦.煩~~

8月14日 10:55pm upload

去到,曉兒佢地己經嚮度.之後佢地比晒IVE D 表我.都好,總算我可以為你做少少野.然後我就出柴灣幫佢地交表.去到杏花村落車.其實我都唔知柴灣IVE 在那的.我又唔敢拎本野出黎睇,因為曉兒佢地D 申請表夾晒裡面.萬一唔見左一張就慘.咁我咪睇邊個方向多年青人行咪跟住佢地行law,行行下見到一座幾大的建築物.我以為果座就係啦.點知行到門口,有個管理員問我係唔係去IVE 呀,我話係.之後佢話唔係呢個方向呀.要行相反的方向.哈哈~~咁我咪掉轉頭一直行LAW,行行下,又問下人,又繼續行.終於去到啦.去到交表,然後就坐車返大埔~~

之後搵左高佬食齋.食完後返屋企.突然醒起朗兒同小明話去慧遠.之後咪打比黃曉晴睇下佢幫唔幫到手law~~話晒佢都係上年畢業.佢又話同D 阿SIR 好熟.佢仲同我講佢而家又變成雙失少年~~我幫的忙係唔係又點兒過份呢,結果比人鬧添/.\.....哈哈~~不過是我的朋友我一定會盡力幫助的.

爸爸打黎話curtin收左我.不過要攪澳洲D 野真係好煩~~

之後同grandmother去沙田行街.好耐都未同過佢行街啦.以前細個,佢成日帶我,黃曉曉,黃漫澄三個去行街.因為以前一齊住林村,而現在大家見的機會相當少啦~去到西田超市,grandmother 問我記唔記得以前邊度有得試食我就會走去拎,哈........我點會唔記得呢!!不過己成回憶啦.落到下面西田,有人賣刀.又話買把刀加一蚊有把蛟剪.把蛟剪仲話可以剪雞,所以可以唔洗用刀斬.但係grandmother唔係好信,點知個SALES 叫佢試下.笑到我死呀^^

夜晚爸爸拎左D 單返黎.我的英文班10月4日會開班.而我要兩個星期前過定去.即係我9月中要走了.在香港只餘下一個月.想做的事情太多了.我好想再問多你一次~~~

感覺好似突然要走咁,要準備好多野.

8月13日 11:42pm upload

起身我考慮帶唔帶帽考慮左好耐.最後都係決定帶帽.萬一有乜突發事件都可以遮住雙眼的淚光,我唔係太願意比人見到我的唔開心~~去到火車站我又考慮坐唔坐的士好.最後我都係選擇行路.今次真是最後一次了.
　

返到學校己經是8點3.唔知點解個心情愈黎愈沉重,見到同學都笑唔出.瑩瑩比返grad din 用淨的錢我.不久鍾SIR 同梁SIR入黎派成績.佢首先話今年文科考得好好,唔洗收外來生.真係幾值得慶賀.之後開始派成績.我收到張cert,見到英文拎F,其他其望C的又只係D OR E .真是十分之失望.有D同學收到成績開心得大叫出來,有D 就流下眼淚,又有只係爭一分就能直升原校中六.會考是多麼的殘酷呢?我有10 分,夠資格報repeat ,咁咪跟大隊一齊去報 law,報完之後咪同同學講BYE BYE .去廣福等爸爸一齊出尖沙咀.

真係好多謝關心我的人,你們在電話裡安尉的說話我十分之感動.但我並不是不能升中六而唔開心,我係為左盡了努力成績依然唔理想而失望.如果不想失望最好唔好有期望.可能我對成績有期望而失望.別人對我有期望而失望.

去到澳洲留學辦事處.果位姐姐話因為我英文唔合格所以唔可以直入證書課程,要讀16個weeks 的英文班.之後終於攪晒野報晒名.等睇下curtin 收唔收我,然後就可以攪簽證同身體檢查.10月左右要離開了~~/.\,真係有好多人唔捨得,好多野要留戀.唔知有幾多人唔捨得我走呢?.?

攪好晒爸爸就要去返工,而我心情唔係咁好,自己一個去左九龍公園坐.可能自己是獨生子的關係,每次唔開心的時候總喜歡自己面對.坐坐下突然又雷又雨.坐左個幾鐘頭左右心情平復好多.........因為諗通了,會考己經過去,成績己經落實,而澳洲的前路亦是我自己選擇,沒有人迫過我半步....

之後去左旺角買野.行左勁耐終於都揀到啦~~然後就去火車站坐火車返屋企,頂,點知比個人截停我叫我幫佢做份問卷.佢話只需20 秒.算啦,我幫完佢,佢又話比d資料我睇,原來係什麼儲畜公司.我話唔好,佢話幫埋我呢個啦~~咁我咪跟住佢去拎,點知又叫我上車聽佢講解佢間公司.十分之得寸進尺,以後見到呢d咁ge人避之吉也!!!

8月11日 9:37pm upload

坦白說我同大家都一樣好擔心.個個都話我你聽日一定好輕鬆啦.我話去澳洲讀書遮,但係我仲未報名的啊.即係我仲可以改變主意留返嚮香港,但係到左聽日.拎完成績就會出去報名.報左名之後就冇彎轉.唔去都唔得.唔夠分的同學只是離開救恩到別校,生活仍然冇變.但係我就唔同.我報左名後去的學校,去的地方是一個從來沒有到過,去到那裡沒有朋友的幫助,沒有家人的照顧.凡是靠自己.生活大大改變.所以我真係好驚~~
　

聽完講座同,志明,智傑,家榮,東偉,成成幾個去左大元食lunch.食完後返新達.本來諗住嚮樓下剪髮的,但係樓下間鋪頭裝修,真係激氣.咪行出去大埔墟剪law.原來大埔墟好多髮型屋,就係咁先死,都唔知去邊間好.最後咪是但入左間law.....

返到屋企睇狐忍.睇睇下佢突然返左黎.我冇問佢去左邊.甚至冇乜點同佢講野.因為我真係接受唔到~~~

晚上心情極之沉重~~

8月11日 1:24am upload

之後grandmother打比我問我去唔去咖哩屋食飯.爺爺有兩個大陸朋友落左黎搵佢.我咪話好law........去到見到佢地,grandmother問我認唔認得佢地,咁我咪話唔認得law.之後佢地有個同我講話認得我,佢對上見我係95年,我仲係一個細佬仔.原來成9年冇見啦~~

食完飯返到屋企,我upload左(記念冊片)上網啦~~之後黃智輝突然打比我同我傾計.真係好開心佢打比我,我地都傾左好耐~~之後突然醒起要拎本宗教書比朗兒.咪打比佢問佢要中四定中五law.點知問問下有同佢傾埋電話

後日就放榜啦,愈黎愈緊張添.唔知自己成績會係點呢?

8月10日 9:29upload

之後返屋企繼續睇孤忍.發覺好多日本動畫的主角起初都是十分之廢,然後話佢地體內擁有很大潛在能量.然後慢慢開始變成獨當一面的勁人.eg 全職獵人啦,幽遊白書啦,而孤忍亦不例外~~~~真係好好睇呀~~

師父今日要返大陸教麒麟,所以今次醒目啦,等我搵到師兄先去禾坑,如果搵唔到師兄,而科大果班人又冇去的話.咁就即係冇堂上,就好似上兩個星期咁白行一趟.我兩點開始打比師兄,點知打極都冇人聽,之後未繼續睇孤忍,2點半再打,哈哈,終於都搵到佢啦~~原來訓緊覺.咁我就放心坐車去禾坑啦~~

師父吩咐,如果科大果班人冇黎,我就同師兄練習麒麟.師父叫人扎左一隻短尾麒麟.短尾麒麟的舞法十分依靠前人同後人的合拍.師父第時到功夫閣表演會玩短尾麒麟.所以要我們練習.而我就負責舞麒麟尾不過科大果班師兄今次有黎.即係唔洗我地練住啦.科大果班師兄就練習麒麟套路.我就坐埋一邊睇.之後大家都叫我試下.我識鬼咩~~我淨係識得搖個麒麟頭咋,仲有咁多未學.而且套路要記住每一步要做咩動作.而我都未學點識舞wor~不過我當然冇推辭啦,咪照舞law,好彩每一步都有個科大師兄響隔離提水.不過一邊響鑼一邊舞感覺真係正好多.之後科大班師兄練習踢青.我在最後都學左打簡單節奏的鑼.哈哈,我己經對整套麒麟套路有基本慨念啦.等我得閒落樓下公園領略下先~

愈黎愈想學識客家.有時我同師兄佢地傾計,又唔想比科大果班師兄聽到就唯有用客家話.但係我的客家只係半桶水/.\ ~~~唔想比科大果班師兄知道我地講咩的原因係因為我地只係舞麒麟的師兄弟.但係我們的功夫門派不同.佢地只係對麒麟有興趣才跟我師父學.並不是實際有師徒關係.他們跟是另一派另一師父.傳統己來各派都有自己的秘密.所以我地講起本門功夫時都要用客家.佢地唔識聽MA ~~

8月8日 9:38pm upload

之後出左尖咀會合媽媽，然後去金域假日酒店的西澳展~~因為媽媽想清楚多D留學資料.原來curtin都幾出名架.如無意外都應該讀curtin啦.同我地傾計果位姐姐勁似楊思琦,原來佢都係curtin 畢業,即係學姐啦~~

之後又去左喜來登地下的3 (orange)開返個GPRS,唉,勁多人,又等勁耐.如果我去澳洲，點都要保留返個手提電話號碼

整完後同媽媽去左附近的一間缸瓦鋪買杯.裡面賣的碗碗碟碟超超超靚~~我地買左幾隻杯,都唔錯架.

之後媽媽要去旺角做(faceso),我就自己坐車返屋企.返到屋企開始睇火影忍者(孤忍),套野原來好好睇架.以前我睇過劇場版覺得普普通通.但係睇TV 版就唔同.同HUNTER有得比~~~GOOD..等我又慢慢煲先~~

我部電話download左煉金術∼∼

夜晚同媽媽去左大埔墟食齋∼

仲有４日就放榜啦，個個都問我驚唔驚，有咩感覺∼攪到愈黎愈緊張添，星期二要返學，ｙｅａｈ∼可以見到同學仔，又唔洗著校服，因為我套校服己經唔知放左邊啦．

發覺自己的時間觀念愈黎愈差添，唔得！！唔可以咁ｇｅ，一定要改！

8月8日 12:37am upload

我遲左到,我去到朗兒教緊智傑打波.之後我地打左陣,Alan又到埋.之後玩雙打.玩完之後我地去左食下午茶.都傾左好耐計,唉.....仲有5日放榜,決定前途大家日後走條甚麼的路.夠分的話可以原校升,若然唔夠分都唔知點算,大家都十分緊張+擔心.之後返屋企.

夜晚我終於都換左個新網啦~~其實諗住換左手提電腦先換,但係又等唔切wor,不過個網都未算整完架~~

8月7日 1:14pm upload

之後陪佢去大元間中銀.佢想轉戶口,又去左匯豐.點知等等下有個職員問我有乜幫到我,佢見到我拎住張保險GE宣傳單張就問我係唔係想開儲蓄保戶口.我答佢睇下先啦.佢就叫我坐低係咁SALE我,我都不知佢唔好意思呀.佢咁hard sale.其實我一D興趣都冇架MA~~又話每年要儲幾多錢,之後又話幾年內唔準拎錢.我邊有咁多錢wor~~之後去左大埔廣場買野.

返到新達拎左本存摺出去東亞銀行換成人存擢.不過去之前又去左睇下個水嚨頭拎得未.點知都仲未得,佢話一兩日後再有得拎.一兩日後又一兩日後,己經成個星期啦~~搵完成人存摺後就同高佬去租套戲睇.

6點左右拎左隻大樹菠蘿比朗兒.然後去路德會退錢~~之前報左個急救班,點知而家話開唔成班,要退返d錢比我地.我一心諗住學急救黎救人架ma,點知咁都實現唔到我ge 理想~~~~哈哈,講笑咋,我學急救都係為左張證書,等第時搵工都好d ma.

據聞蟹鉗又要過澳洲.真是十分之大妙,以前我+俊汝+蟹鉗相聚在一個陋少的班課.現在我們由一個陋小的班課分佈到一個大國家裡.各散東西.我在西澳,蟹鉗去南澳,而俊汝就在東澳.大家明唔明我想講咩??即係曾經在大家身邊陪伴著一起成長的人,亦有機會離你而遠去.最重要的是珍惜眼前人.珍惜一刻的相聚~~

8月5日11:43pm upload

之後去左禾坑學功夫.師父今日教我雙樁啦~~係第二套拳~~不過未教晒,教左我頭幾步.師父問我幾時走,我話10月.佢話9月左右佢地會去功夫閣表演.叫我表演功夫~~有得揀我寧願揀舞麒麟啦~~ /.\

返到大埔去左搵瑩瑩.佢剛剛去完旅行返黎,買左D野比我,真係唔該晒呀!!

食飯時,講開去澳洲留學的事,佢好唔開心咁同我講好似我去澳洲留學乜到幫唔到我咁.傻啦,我可以去留學都係你留力掙錢可以供我咋.咁都話乜都冇幫過我?唔好再咁講啦,我聽到真係好無奈架/.\,其實我係一個唔識表達自己的人,經常令你唔開心,真係對唔住~~

我發覺你真係愈黎愈討厭.而家玩埋失縱添.你咁自私,你可以乜都唔理就走.攪到大家成日都唔開心,坦白講,我有時真係好僧你~

8月4日11:40pm upload

佢打電話同我講要行開幾日.你煩唔煩D 呀,成日都係咁~要講你自己同佢講啦,成日搵我傳話.有咩事就行開,乜都唔理.

爺爺打電話比我叫我返去拎大樹菠蘿.我入到林村,點知一個人都冇.我咪自己開門入屋.本來我見到有幾隻大樹菠蘿放左嚮屋企門口.但係唔可以拎完就走架MA,咪等埋爺爺佢地返黎先LAW.無聊得濟偷玩叔叔把槍.佢把槍好勁架.射鋼珠的,可以射穿玻璃.以前我玩佢把槍射對面條電燈柱,點知粒子彈反彈,打穿左隔離屋塊玻璃.仲要陪比人添.自此我就冇拎黎玩啦.不過今日又唔知點解好有隱咪拎黎玩下LAW.我再打對面條燈柱,點知打極都打唔中.以前槍槍都中架MA.點解會咁架~~我又拎左個紙包飲品盒黎打.又係打唔中.真激氣.可能依家少話槍啦~~

我抽住兩隻大樹菠蘿返新達.去到樓下平台,點知重得濟個紙袋爛左.唉~~~~

8月4日11:08pm upload

之後行到去花園餐廳,好彩爸爸同媽媽都係剛剛到.食完後同爸爸去左旺角電腦中心睇手提電腦.哈哈,我之前睇中的IBM電腦呢到便成9百幾.太好啦  ^.^..之後爸爸返公司,而我去左石硤尾.

返到屋企睇日劇.

唉........真係好煩!!成日攪到大家唔開心.佢唔返黎好過返黎.我寧願佢真係唔好返黎香港.食飯時媽媽問我佢辭左份工同我一齊去澳洲照顧我好唔好...........我答左好~~

8月3日12:16am upload

起身換好晒衫後就上一上網,因為曉兒個網咁日開張,應承左做佢第一個訪客,所以咪去睇睇LAW.哈~~唔知我係唔係第一個訪客呢?哇!!!!佢整D網頁一個比一個靚.個主色比我估中左,真係紫色~~哈哈>>

返到大陸就搵師伯飲茶.原來伯娘今日要去香港做D事.之後我地一家同埋師伯去行街.其實係爸爸同師伯去行,而我就陪媽媽行百貨公司.基本常我就真係陪佢.因為果度賣的大部份都係女裝.而我又唔多想買衫.所以咪陪佢睇女裝LAW.我見到有tiffiany D鍊賣.平過香港好多.不過唔知真定假呢??之後再去會合爸爸同師伯佢地.爸爸話搵到電話保護貼.我成日都唔小心整花個MON.因為我習慣左耳聽電話,而我左耳又有耳環.所以成日都會括花個MON.之後我咪帶住部電話去整LAW.

之後再同師伯食埋晚飯就落返香港~~

返到新達,諗住去orange開返個gprs.點知見到高佬.佢原來黎買電話.哈哈,佢話佢早兩日去飲酒飯醉左跌左部電話.我都唔知話佢抵死好定同情佢好~~~

8月2日6:34pm uphold