今日lunch去左搵東東,智傑同佳佳.家榮佢地好似話要唔知開個什麼會黎唔到.真失望.我地食完飯返左kyc一陣.竟然比梁名漢佢做左學生會主席.之後我就返左屋企啦.

檢查行李多一次,之後落去搵大姨.佢比左封利是我,真係多謝.之後去搵曉兒,佢比左份禮物我,原來類似係香的東西.然後我地去左rainbow食野.本來諗住去影張卡架,不過又咁鬼多人,都係冇影到.之後陪左佢返屋企.然後打比家榮佢地.佢地係都話要黎送機.

返到屋企最後檢查左行李一次.不久grandmother同grandfather都黎埋.佢地仲買左大樹菠蘿比我食.實在太好啦.之後我地去左景福軒食飯.然後就坐車出去啦.

grandmother叫我打比佢游水friend個女.原來佢都係perth讀書.咁就好啦,有咩唔識就請教佢先得.

去到機場,龍捲風成班都係齊到.而我就去行李過榜先.頂,.....超左5kg.佢話每kg補$160.之後我地未狂執返d野出黎law.本來我帶兩個行李箱.now將兩個箱d野放晒入一個箱.~.~之後見到Lilly.原來佢仲勁.超左成20kg,.佢就真係慘~.~我仲有一個鍾入閳,爸爸佢地坐埋左一邊傾計.而我就同佢地去買野飲+影相.呢一個鐘過得真係好快好快.當佢地叫我入閳時真係雙眼充滿晒淚水.好唔捨得.

真係好多謝各位黎送我機呀.又好多謝各位的sms.你估我唔想一大班人黎送我機咩.不過就係唔喜歡忍淚的感覺.入到去會合左Lilly.然後識左jojo. Lilly話佢都係我地同學wor.行行下,jojo 問我地會唔會帶煙過去.我同Lilly都話唔會.jojo 就叫我地幫佢帶一條煙過去.因為每人限帶250枝煙.佢話要幫佢個friend買,所以叫我地幫忙.我地都話好~.~之後等上機.原來Lilly都唔係我地同學,佢唔洗讀英文班就直入大學啦.

上到機,我地鄰座原來係一個鬼婆.佢勁好人.有咩唔明佢好幫我.我好想同佢傾計架.可惜我冇能力/.\,佢好多都聽唔明我講咩.我地大部份都靠手語溝通.唉.....我d英文原來真係咁廢.整晚我係飛機上都訓唔著.聽左好多次(離開是為了回來).整晚我就在空中眼光光渡過了.

10月1日 8:16pm upload

今日訓到成12點幾.比red個電話噪醒.佢話買左份禮物比我.真係多謝晒呀.約左佢係大埔墟m記等.原來阿ping都係到.之後我去買野食.食完傾左陣計.佢地叫我上飛機先拆.話係飛機上好有用wor~.~

之後我返左屋企執野.媽媽又返左黎.蟹鉗突然打比我話買左份禮物比我.真係多謝晒呀*.*

今晚我又返去林村食飯.係爸爸返左大陸我地先返到咋.因為爸爸唔like姑姐佢地.所以每蓬做節都要分兩次.入到去,細姑姐比左份禮物我.原來係帽.好適合我呀,多謝.食完飯我地又賞月.

之後就返屋企啦.

趙子瑋話想見一見我,佢聽日要返工,咁夜都走黎搵我傾計,真係唔好意思.

唉...明天就要飛走.過到去全部都是陌生的面孔.有許多許多不是一一逞現眼前.覺得以前實在有好多野做得唔arm.

多謝各位真摯的祝福.大家一同努力!

my address:     39 Glenbar Road

                        South Duncraig 6023

                         Australia.

明天就要飛走
朋友都輕鬆奉上祝福  旅途愉快
留低是個選擇  離開亦未算放開一切壓抑
如愛上一個人  一起上路
才驟覺尚有一些心野
行程未想好  起點經已太遠
           
人進進出出在我生命
季節更改幻變天地 歲月流過
遺憾若是放不下
仍可學習去感激得到過的
如放棄一個人 孤身上路
才驟覺尚有一些心軟
忙著讓傷口盡快風乾  沿路風光沒心機細看
明明是太軟弱  偏裝作硬朗

*倘若結束為了重新開始   乾掉了酒為了重新斟滿
旅途落泊 能讓記憶穩固   偶然下雨懷念陽光可愛
歡樂太短為了回憶千次   (倘若痛哭為了趁早解脫)
失掉瑰寶為了尋找安慰
我離別你全為太專心愛   怕忘掉了世間的色彩
離開 是為了回來

從機艙機望向跑道   迅速身處萬尺高空  我留下你
城市跟天空大概一樣 容納著敵友從不知道偏心
曾遇上幾個人 一心靠近             
才驟覺尚有 一些心癮
離別再上路 不管遠或近 *

明天就要飛走
朋友都輕鬆奉上祝福  旅途愉快

今晚訓極都訓唔著,眼光光望天光.以往總是朋友飛走.今次到我啦.

臨別的擁抱,純真的感情.

9月30日 2:25pm upload

今日訓到成12點幾.之後問劉政麟去唔去lunch.佢話去呀,實在太好啦.我地去左大家樂食.食完之後我去左影印.影完後去左萬寧買野.實在太低啦.,買 滿$200有一盒月餅送.剛剛我又買左$220左右.之後又執行李.黃姑娘help me 去郵局個web搵寄行李去澳洲的費用.好似係$375有20個kg.太好啦.真係感謝你的.我一定唔會忘記你份手信的啊.不過就有排等啦~.~

爸爸打比我叫我帶果把日本刀比爺爺.我拎住把刀出街都好驚架.

5點左右入到林村.執左陣3樓.又打左幾套功夫比爺爺睇.爺爺比左少許意見.之後又同grandmother同太太傾左陣計.不久maymay都入左黎,同佢玩左陣.黃曉晴又入埋黎.同佢地傾左陣計.好耐都冇見過佢啦.等埋媽媽同姑姐佢地入黎大家就開飯啦.食完飯,我地玩左陣燈籠.小吉又入左黎.原來佢自己搵墨水 刺左個十字架係手臂.雖然一睇就知自己紋,但都幾好睇.不久陸如茵打電話比我見我出去接佢地.我去到巴士站接佢地,然後佢地去左三樓.而我就係下同grandmother慶祝生日+賞月.其實我有覺得爸爸 有時好討厭的,你僧一個人又要連埋其他人.你話人都唔好係人地面前啦,攪到小吉又唔好意思.第一次見又冇得罪過你,你覺得自己係到講笑,但人地唔覺得好笑呢,真係.....

今日見到有好多孔明燈呀.個個都好長好靚,又有一粒粒火球跌落黎.

之後我上返去,首先幫佳佳慶祝生日.然後食野.講真同我想像中有好大出入.因為真係好悶,成班人又唔知做咩好.有d又問我有咩玩,有d又話好眼訓.真係唔好意思呀,叫你地黎又悶親你地.之後落左去球場.坐左陣,d人走d走d,最終走晒.而我,may may ,晴,小吉就返返去grandmother home.我執左陣三樓,然後落返去坐左陣.

之後我地4個搭的 士出返大埔.我去左會合朗兒同石詩韻,之後行左去海濱.去搵一搵red,然後我地又去左傾計.傾傾下原來成4點幾啦.返到屋企佢5點.

唉...順得哥情失嫂意.....煩

9月29日 5:37pm upload

今日起身同爸爸and媽媽去左大埔墟街市食lunch.

返到屋企開始睇鋼鍊.

之後踩單車入林村.我決定放返部單車入林村啦.入到去同太太,grandmother father and mother 傾計.太太仲比左封利是我.真係多謝晒呀.之後我上左三樓,執左一陣.原來姑姐今日返黎食飯.佢地又叫我留低食飯.我話唔啦.屋企煮左我飯ma.

6點幾我拎左個行李箱出新達.點知我行去搭巴士途中見到地上有一條S型的物體.佢又唔郁wor.我睇真d原來又係蛇黎架.頂,又見到d咁恐佈ge野.今次呢條蛇細條過果次.不過已經夠嚇人啦.

返到屋企又睇鋼鍊,9點左右開始執行李.我執極都超重,真係麻.如果我著校服返學咪唔洗帶咁多衫去.

執左陣行李又去睇鋼鍊.哈哈,曉兒,我終於睇晒d鋼鍊啦.

9月27日 11:16am upload

今日起身不久就要去火車站會合姑姐同grandmother啦.因為姑姐係我臨走時請我食餐飯.原來我果兩個表弟百厭得令人相當討厭.成日係部火車到跑黎跑去~.~唉,帶住佢地出街都係一種厭惡性工作呢...細姑姐打電話黎比grandmother,之後grandmother比左我聽.佢問我幾時走.佢話買份禮物比我,問我想要咩,坦白講我都答唔到你呀,我咪叫佢揀份適合我ge禮物law.其實我都唔係咁好意思 咁同佢講架.人家又話買野比自己,又要人家諗買咩..希望唔好介意啦.

我地去左全聚德食lunch buffet.間野係尖沙咀.姑姐話我過到去冇咁多中國野食.所以帶我黎.果然冇錯呀.有好多中國特色野.d野食都唔錯呀.價錢又好便.我地個個都食到好飽~.~食完後我地行左陣彌敦道.然後就坐火車返屋企啦.去到九龍塘站.見到有班大陸人衝入車,但佢地班人當中有個入唔切.竟然扯住係火車裡面的人.攪到部火車close唔到門.佢地班人係咁扯開佢隻手,等佢自己留係九龍塘月台.行為極之可恥.

返到屋企等阿鈞打比我,然後去左火車站等佢.不過部火車超多人.我地要去到上水站先會合到.我打比師父問佢洗唔洗買飲品入去.師父就話好.我地去左地利店買左10幾罐可樂.之後我地就坐小巴入去了.阿鈞今日又比左d麒麟碟我,實在太感謝啦.

入到去師父煮緊飯啦.阿鈞就拎左其中一隻碟出黎播.哈哈,我地就係到睇碟,師父就係到煮飯,真係唔好意思啦.不久師父大仔一家返左黎同我地一齊食飯.估唔到師父唔單單舞麒麟勁,煮飯都唔差.我食到好飽~.~不久冠偉一家同埋一個叫華仔ge人都黎左.聽講華仔以前係同冠偉一齊學麒麟.我地之後係門口傾計.然後師父要我地打功夫比佢睇.我地個個都唔願意第一個 打.係咁叫其他人打.等左陣都仲係冇人去打.咁我咪話我打先law.師父就執左我少許動作.而冠偉就打第2.阿鈞打最尾.打完之後我拎左部相機黎影相,師父話要換過件整齊d ge衫.咁又係,當時佢著住短褲,著住拖鞋.冠偉佢地又係著住短褲,影果時狂叫唔好影腳.哈哈,真係笑爆.之後師父又話拎d麒麟同頭牌出黎.不久見到好多人行落黎.又見到一隻好 大的物體.原來開始放孔明燈啦.我地跟住佢地一齊行.去到一個大空地.佢地開始點火.個孔明燈慢慢升上天啦.不過可能有風ge關係啦.個孔明燈係半路燒著左.仲跌左落去個樹林到添.攪到有輕微火燭.

之後佢地話整多一個黎放.佢地去左一間相信是清代時期的學校到整.果間學校被政府列為古蹟了.師父話佢以前就係返呢間學校.我地睇睇下落返去下面傾計.不久冠偉一家同華仔佢地要去先.之後又見成班人行落黎.原來另一隻孔明燈已經造好啦.我地又走去空地睇佢地放.今次個孔明燈好順行升上天.真係好靚.

玩到成12點幾梁文發師父車我地返屋企.臨走時師父比左兩件t-shirt 我留念.真係多謝晒.

9月26日 1:22pm upload

今朝又去姑姐睇佢個工人.佢叫我得閒上去睇下.好彩佢都係住新達廣場遮.唔係我一定唔去呀.不過今次去佢個座.佢個看更當我係賊咁.又要我留低d個人資料.又禁機上去姑姐屋企同佢個工人講有位溫生上黎.我真係比佢吹漲.我姑姐就係叫我突然上去,睇下佢個工人平時做咩...你咁即係佢會有防範啦.之後有個比較高級ge看更黎左.然後佢就同另一個看更講佢住2座架.之後我姑姐個看更好驚奇咁講.下,佢住2座架?咁我咪好唔happy咁同佢講,係呀,咁點呀?去到姑姐屋企,佢個工人話未煲好湯.咁即係冇得飲啦,哈哈,仲好,可以返屋企睇鋼鍊.唉...佢咁鬼驚個工人出古蠱不如裝閉路電視啦.

之後返屋企睇鋼鍊.不久同劉政麟去大家樂lunch.然後佢就要返學啦.同完佢講byebye,佢突然叫停我,好認真咁同我講.喂,睇下.哈哈.原來係咁.真係笑死.然後我就坐火車去太和.原來臨時街時已經變成一地爛地啦/.\...有d唔係咁開心,唔知會起咩呢?

去到運動場門口會合mabal.原來佢買左份禮物比我呀.真係好多謝呀*.*之後見到汪東俊.原來佢10月15日先過澳洲.又見到a班的人.咪同佢地一齊坐.今次以舊生的身份睇比賽,感覺好怪.我睇到家榮,智傑,首領佢地跨欄呀.好勁呀!!之後志明,甄may,老虎,放左學都黎左啦.不久我又出去接曉兒同kam...哈哈,真開心.見到咁多舊同學.我當然拎住部相機同佢地影相啦.之後黃智輝都黎埋.太好啦!!我地傾左陣.然後就散人啦.佢地話中秋黎我林村屋企切月餅,唔知攪唔攪得成呢?

之後同左梁sir,志明,智傑,阿ling,蟹鉗,家俗,老虎佢地去rainbow食甜品.高佬打左黎幾次問我幾時走.我咪同佢講冇咁快law.佢係咁吹我.我又比佢話.又話講好左咁ge時間就預返時間返黎啦.我返到屋企咪即刻換衫踩單車出去law.

去到明星會合佢地.我地就開始踩啦.好耐都未同過劉政麟踩單車,哈哈.太爽.今日我部單車唔知點解成日跌鏈.不過劉政麟點解會踩得咁慢ge.原來佢問人借果架單車係漏氣架.唔怪得啦~.~好唔容易,我地終於涯到去食泰國菜果間餐廳.d野真係好食.真係多謝高佬你請我.之後我地見到有班人,咪問佢地有冇單車泵.點之有.太好啦.劉政麟咪借黎泵汽.之後我地踩左去燒烤場果邊.我地買左d野飲傾計.劉政麟借我部車,點知踩左幾步,佢唔知地下有個凹位.炒左車呀.仲流左好多血添.唉...真係唔小心.之後我地臨走.我地又發覺佢部車又冇晒汽.於是我地又去問人借泵.好彩果班人未走咋.之後我部車又狂跌鏈.真係麻煩.踩踩下,劉政麟部車又冇晒汽,咪諗住坐小巴返去.但佢比人拒載.因為唔比拎埋部單車wor.咁我未載佢.而高佬一路踩一路推住佢架車law.真係very tired 呢.

之後高佬要返早所以返左屋企先.而我就陪劉政麟還車然後去左rainbow食甜品.哈哈,同佢傾左好多野.我發覺近期我同佢好friend.唔同以前大家出黎玩的感覺.可能大家都明事理.懂得珍惜自己,珍惜身邊的人啦.佢仲比左佢之前女友張相我睇.哈哈,其實我地中二識,但係中3斷左聯絡.之後再搵返大家.估唔到比以前更friend.

返到屋企11點幾.雖然今日好開心.但過後就唔係咁開心啦.就快唔可以見到自己想見的人.擺太多情感在他人身上所付出的代價亦相對太重.

愛情,友情都要經過時間鍊成.等我返黎,可以嗎?

9月25日 1:53am upload

以前中秋同俊汝仲有一個星期走,我總是覺得仲有一段漫長的時間.原來一個星期的時間唔會有好多.做ge野做唔到好多.心情愈黎愈緊張同興奮.就快要過一種新生活,留學的滋味是怎樣呢?

今日約左麥脆紅12點3,係8號間7仔等.因為我要比中史書佢.點知我12點5去到.唔見人,以為佢等唔到我走左.之後咪去鹿嗚居.因為我又約左朗兒lunch ma.點知佢未黎.咁我咪再去7仔睇下見唔見麥脆.又唔見wor.咁我咪當佢走左.我去左鹿嗚居開位先.不久朗兒黎左啦.我又心大心細想睇多次麥脆係唔係到.於是咪走過去law.哈哈,我終於見到佢,原來佢去左剪頭髮.

同完朗兒lunch.之後幫阿媽買麵包.

返到屋企打比高佬.之後我陪佢去食lunch先.然後再踩單車去上水.好耐都未踩過去上水啦~.~有d唔係好認得路.我地踩到去上水圍.高佬以前就係住上水圍的,佢帶我係條村到踩黎踩去.又帶我去左一個好古老ge士多.我實在太享受出左一身汗然後飲枝冰凍ge樽裝可樂啦.我地又經過好出名gr廖萬石堂.之後我地踩左去石湖墟食tea.食完就踩返去大埔啦.點解經過和合石總是感受到陣陣寒意??之後高佬又話好口渴.要去飲野.咁我地咪去左泰享村買野飲.條條鄉村總是有自己的特色.

返到新達我地係平台坐左陣.

餘下果幾日我都要咁多姿多彩.tomorrow就係陸運會啦.咁又一年啦.上年我地班仲去運動場練接力.離開左救恩後經常回想起校園點滴,真開心.夜晚就同高佬同劉政麟踩單車入大尾督食飯.真令人期待聽日呢!!

9月24日 10:41am upload

今朝去左姑姐屋企.佢話佢個工人好似有d古蠱.叫我上去以飲湯為名,睇佢係到做咩.不過都係咁呀,冇乜特別呀.不過佢個工人好似唔認得我咁,雖然我換左眼鏡遮.佢傻下傻下咁都唔似出古蠱人啦.不過又有好多人都扮豬食老虎ge.~.~人表現得太聰明好容易被利用+令人存有戒心.

之後同劉政麟去左大家樂食lunch.

之後就返屋企睇鋼鍊啦.不久阿鈞就打黎搵我,約我係火車站等.終是我咪落去law.今堂有可能係我臨走前最後一堂,所以咪去左美心執d西餅到時大家一齊食.之後會合左阿鈞.見到佢抽住兩盒月餅.原來佢又買左野入去比師父.起初我仲諗住買盒冰皮月餅比師父.依家唔洗買啦..哈哈,人大左總是懂得做人技巧的.

坐小巴時同阿鈞傾開舞獅同麒麟.原來佢識好多野架.得閒要請教佢多d先.

入到去,見到師兄佢地企晒係到.原來師父今日返左大陸教麒麟.有d失望添.見唔到師父.師兄就充當助教.佢叫我地耍拳.然後執我地有咩地方錯.不過個個都唔願意耍.哈哈,師父唔係到個個都作反.明仔又拎左師父d刀同劍黎玩.不過今日好輕鬆好好玩.好似一大班朋友係到研究功夫咁.之後明仔係到大叫揚師弟.不過冇人聽到佢叫咩.個個都冇理佢,之後佢再叫多幾次揚師弟,揚師弟.我地個個都望過去,原來佢叫我呀/.\..我比個4年級成日叫我做師弟呀....不過都冇乜所謂.十分攪笑的.

之後梁文發師父都揸車入左黎.佢入左黎睇我地打陣功夫.之後佢地操鑼.我愈黎愈想學鑼呀,好似好難學咁.不過我3個月內學左三套拳已經好快架啦.不久阿山黎左.佢話星期六放孔明燈.yeah!!!!等我星期六入黎睇先.師兄佢地仲話叫師父訂個盆菜到時大家一齊食,係就好啦.原來阿山同阿鈞佢地兩個都識扎麒麟架.

之後梁文發師父車我返屋企.太好啦.

究竟同學同朋友之間有咩分別呢??

9月23日 10:39am upload

今朝好早已經出左去啦.因為要拎部燒碟機去整.部燒碟機係幫國華表哥買架.買左唔夠一個月就有問題.之後再比返國華表哥拎去廠整.整左成幾個月,早幾日先拎返黎,點知個問題依然冇解決.所以今日咪自己拎去整law.不過我唔見左張保用證.國華表哥比另一張我,我去到.就同佢講我部機有問題.要維修.之後佢地check左好耐,然後同我講我部機唔係佢間野d貨.所以唔 幫我整.之後打返比國華表哥.原來我款燒碟機佢係幾間都攞過貨.佢唔知我部機係邊間d貨.所以事旦比左一間的保用證我.唉...白行+失望.

之後我去左附近的一間餐廳食lunch.然後去左貨倉睇衫.我要增添一d冬天衫過去呀.去過adidas倉.nike 倉,同好多運動用品倉.有d真係比出面便好多.但係我一樣野都冇買到.

之後我坐地鐵去尖沙咀.去到大快活會合爸爸.然後去agent 到.今日要去開一個叫出發前講座的會議.我地去到,已經有一個女仔等緊.坐左一陣,等埋另一個女仔入黎.之後就開始講座啦.講d咩可以比過關,咩唔比.又要注意咩,必須帶咩過去呀.原來果兩個女仔同我都係讀同一間英文學校.大家又係讀curtin大學.

之後同爸爸行過去旺角買衫.都係買左兩件.之後我自己去左教協買文具.果到要用證先買得架.媽媽問佢同事借左張證.

買完後同爸爸去左花園餐廳食飯.

一個人過份自負會受到別人討厭.表面上的友情並不能長久.日久就會發現別人的決點.

9月22日 12:20pm upload

今朝7點幾有人打我手機,我隱隱若若聽到有電話響.但係我冇起身聽.之後9點左右睡夢中隱隱若若聽到好熟ge音樂,諗左陣,再聽真d.原來係鍊金術.即係我電話又響啦.今次我走左去聽.頂,原來又係龔俊汝.佢成日都係我訓覺時打比我架.討厭!!同佢傾左成 半個鐘電話,佢話佢幫我開左張澳洲電話卡.個電話仲幾靚架.係93188888<得閒打比我啦.真係唔該晒.攪到有d唔好意思tim,我返左咁多次大陸都未 幫你買game, 卡通.

之後約左黃雪琴去醫院lunch.哈哈,曉兒都有黎呀,yeah!佢又話唔得閒ge?見到佢地著靈風校服唔係好慣.都同佢地講左好多學校野,真開心.

晏晝爸爸返左黎屋企.佢話有d病所以早走wor.我返到屋企.又開始睇鋼鍊.睇左5集左右去左執陣行李.原來我用一個旅行箱唔夠.要用多一個先得.我有好多野都想過去.可惜唔得啦

之後高佬放工同佢去左食牛腩河.果間野d湯底真係正!!之後行返去,行到莫壽增附近高佬突然大叫(哇,你睇下)我望一望,見到有條物體係地下好快咁爬過.仲有我張餐檯咁長.原來係蛇~.~好彩都幾遠下,唔係我都唔知會點啦.之後同佢討論左陣大家在響村遇到蛇ge經歷.

返到屋企又再執左陣行李.

姑姐打黎同我講話佢個新工人有d古蠱.叫我星期三上去睇下.姑姐為左唔想比佢個工人聽到我地講緊佢,佢就用客家話.有時講某種語言而人地又唔識聽都幾得意架!!

9月21日 10:20am upload

今日我地成家人又返左大陸.我地又去搵師伯飲荼.之後伯娘都黎埋.飲完後伯娘帶我地睇佢細佬間屋.去到.我已經嚇親.間屋勁大勁豪華.佢果種大唔係人地別墅果種.別墅只係係平地.而佢間屋係成33樓.人地一層分左好多個單位.而佢地就獨住兩層.望出去d景超正.可以話係成個空中花園 咁.每樣建築材料都話要係外國買.成間屋有幾多間房我真係數唔到.行幾步又有一間,行幾步又有一間.而每間房都有電視.又有一個私人影院.又有私人按摩的床.又有桑拿,又有 麻雀室.做唔同野都要去唔同房.之後我地去天台.有私家游泳,又有露天麻雀檯.又有間天台屋.基本上如果冇伯娘帶住我一定會盪失路.大屋睇電視睇得多,但親眼睇就真係第一次.間屋成過萬尺不過得4個人住.都真係好諷刺.

人有錢總是會享受,愛炫耀.但係現今咁多有錢人,有幾多可以再由零開始呢.白手興家總要有際遇.人幾有才能,但係你冇一個機會,只會英雄冇用武之地.我唔相信個個有錢人都是有才之人.有些人有才但冇財,有些就相返,有財冇才.

之後我地又去左按摩.今次我地去佢開的按摩中心.之後就去左食飯啦~.~

9月20日 12:24pm upload

今日同左爸爸去大埔墟食魚蛋粉.

之後返屋企睇鋼鍊~.~

本來今晚約左高佬同劉政麟去食餐飯架.點知高佬突然話要開ot....唉......

之後去左蟹鉗屋企剪野,幫佢地剪陸運會用ge貼紙.都剪左成兩個幾鐘呀

國華表哥話我個燒碟機整好啦,叫我地一陣落去拎.爸爸本來叫我去拎架.點知國華表哥打黎比我地果陣我沖緊涼.咁就要爸爸落去拎啦.佢就係到話(衰仔特登沖涼沖咁耐,唔落去拎.)我聽到係到笑~.~之後我裝部野.依然係有問題.真係失望.

9月19日 10:20am upload

今朝打電話比grandmother問佢去唔去食早餐.於是我地去左大埔墟街市食排骨飯.食完之後陪佢行左陣街市.去到玉器檔突然好有衡動買隻玉厄黎帶.聽grandmother講我一出世佢買過隻玉厄比我,但係比我打 爛左.之後我地又行去魚檔.見到好多不知名ge海產唔識我就會問grandmother,佢全部都識,真係好有買餸經驗呀.我見到d人擋魚又用把刀打,又 切.都幾殘忍.

之後爸爸又打黎比我問我返唔返大陸.佢叫我幫佢換一千蚊.因為佢想係佢隻蠍子到加條龍.於是我咪去拎錢,然後去找換店換人民幣.我返屋企燒埋果次阿鈞比我GE功夫碟比師伯佢地就坐火車返大陸啦.

今次我地去左稻香飲茶.我由商業城行去稻香都幾驚架.因為我唔識係深圳過馬路關係啦,唯有跟住人過LAW,人行我就行.去到稻香會合佢地之後就等佢地吹水.佢地係咁吹,吹左成個幾鐘.

飲完茶我地行去東門.行行下有個少年人望左我好耐.我望一望冇理佢.之後師伯同我講佢望左你個袋好耐呀.我地去到紋身鋪.個紋身師就開始係爸爸隻小腿到畫條龍.而我同師伯就借左佢部VCD機睇我燒比師伯GE功夫碟.哈哈,我同師伯係到批評d師父打得好唔好.邊個打得合格,邊個打得唔合格.超好笑.

睇完碟我又去左打機.今日可能係星期五.有好多學生著住校服黎打機.十分之奇怪,佢地個個手上都揸住煙.連小學生都識食煙~.~他媽的.....我打打下機,附近跟機d人狂係到噴煙.勁討厭.打完機又返去紋身鋪睇爸爸攪完未.點知紋左3成咋.不久師伯要返屋企.我自己一個去左東門行.行到一間飾物店.個店住叫停左我問我識唔識講英文.之後我話(下!!)然後佢就叫我幫佢應付個外國人.原來有個南非ge商人想黎買蜘蛛俠戰衣.仲要成200套.我總算用我果d英文幫左佢地.行左陣,我又返去搵爸爸.佢都仲未得,我又去左打機.打完又再等佢.

紋到成7點幾終於都整好啦.條龍紋得雖然好靚,不過就突顯唔到隻蠍子.返到屋企佢實比媽媽鬧啦.

去到樓下平台,見到陳榮發.佢又有紋身的,我叫佢比佢隻紋身我老豆睇.爸爸又比左佢剛剛紋好ge龍比佢睇.

我都好想有d大制作.不過當然唔會住啦~.~高佬又想紋,唔知佢會紋咩呢?我可以同佢一齊去就好,不過可能性好底......就黎走啦,現在心情好平淡.好似冇乜感覺咁.都好,諗咁多無謂野都冇用.處之泰然渡過每一日是最好不過啦.

9月18日 11:47am upload

今日lunch去左同班女仔食.有蟹鉗,主席,文雅珠,雞翼,家俗,阿ling,後來如茵都黎左.我地去左酒樓食飯.食到咁上下,佢地要返返學.得返我同如茵係到傾計.我地都傾左好多野呀~.~,原來同佢都幾好傾wor

之後我去左大埔墟織條繩用黎帶粒玉.

然後就返左屋企睇碟,又執左陣行李.

6點幾拎左套的士速遞黎睇,都好好睇呀.攪到我愈黎愈想有車呀.不過套戲就好短啦,得80幾分鐘咋.

夜晚因為媽媽要開會,爸爸又去左大陸做野,攪到要自己去食飯~.~

心隱的確好耐忍.但我要忍!!

9月17日 11:15pm upload

今日自己去左lunch~.~然後去左拎眼鏡,now睇野清左好多啦,可惜近視又加深左呢.

之後就返屋企睇左陣鋼鍊.

然後就去月台會合阿鈞一齊去師父到.我地落左車,行左陣,聽到有人響鑼.大家都好奇怪,究竟係咩人黎左呢?.今日又唔係星期日學麒麟.於是我地入到去,完來係梁文發 師父黎左.佢now學緊打鑼.佢又會咁得閒今日黎ge,唔洗返工咩?師父同佢操緊時.我地就係到聽.朗兒話過佢聽陶喆d歌會聽到笑.而我一定唔會聽歌聽到笑啦.不過我聽麒麟的鑼真係一路聽一路笑.

不久明仔同大兄黎左.大兄帶埋佢個仔黎,佢個仔好得意好似佢呀.之後師父就教我打三剪搖橋.套拳果然好短.我果然真係可以用一堂就學識.不過就唔係好熟啦,要返屋企勤練下先得.師父想我學埋29號果堂,我雖然好想黎學,但係30號我就要走.........點好呢...

返到屋企我就睇阿鈞比我果d麒麟碟,真係好好睇呀!!其中有ｄ係師父佢地ge表演,睇到師父同師兄們以前後生個樣真係好笑.成大班師兄弟同埋師父一齊出會真係好開心熱鬧.

原來香港有咁多人舞麒麟的啊.而且原來好多人都唔係舞清溪麒麟.我now先知咋,因為以前見到個d款包括自己果款都係清溪麒麟.

9月16日 10:51am upload

今朝去左昌運m記同麥脆食早餐.同佢傾左陣計,佢仲話想黎送我機呀,不過我當然話唔好啦~.~我係唔會話比人知我幾點機ge,唔好意思呀~.

晏晝劉政麟放lunch 約左我傾計,佢買左個杯麵黎新達平台搵我,佢一邊食一邊同我吹水.哈哈~~佢又話未送過人機想黎送我機,當然我都拒絕左啦.送機倒不如等我返黎接我機好過啦.

同佢吹完水,佢要返學,而我就返返屋企.我本來想踩單車入林村架,但係見過天陰陰地,未諗住等多陣睇下會唔會落雨先law.點知爸爸原來今日返左大陸,又問我去唔去按摩.我話唔啦,幾日前先去過,唔想再咁奢侈啦.雖然我都好喜歡,但我接受唔到自己未識搵錢就識享受,咁會令自己不思進取.

之後佢叫我去補色,咁我咪又自己住車上去law.我近期人成日都返大陸,做左北上常客添~.~.

去到大陸,我今次去左停車場會合爸爸同師伯佢兩個.然後師伯揸車去到東門附近拍車.

然後我地就行去紋身鋪.我地已經同個紋身師父好熟啦.等個師父食完飯後佢就幫我補色.今次痛過紋果次,但對於我黎講都忍得到.因為當喜歡一樣野就會接受佢ge一切.包括痛楚與後果.其實我當紋身係一種藝術架,絕對同黑社會冇關.所以我一直都有一個理論,紋身唔代表係黑社會,黑社會亦唔等於係壞人.當我補色時,爸爸又揀緊d圖案.佢想紋多隻麒麟係手臂.我補完後輪到佢補色.而我就走去打機,咪又係打頭文.打打下佢地黎拉我走,原來師伯要去接伯娘放工.爸爸仲話下次黎加條龍係佢隻蝎子到.

車完伯娘返屋企後我地3個去左食飯.我地又大談功夫經.果d所謂乜派乜師父上當年如何好打,如何威水,如何出名,我都係當古仔聽.不過我又好鍾意聽wor~.~所以我好鍾意佢兩個講.

原來個agent 幫我轉左homestay 啦,之前係一個星加坡家庭,佢地識講廣東話所以唔太想住佢地度.而今次homestay係鬼佬黎架.兩公婆,冇仔女.而佢地屋企就勁啦,有泳池,有私人影院,有game room,有桌球檯.哈哈,成間會所咁.

9月15日 12:20am upload

然後佢地返返學校,而我就去左圖書館借書然後又返左屋企啦...

9月14日 12:02pm upload

之後咪自己去食lunch law,本來諗住去街市架.哇,成點幾都仲有好多人.之後咪去左寶樂law.去到東亞門口有數名民建聯的人拉票,問我投左票未,我未同佢講我未係選民呀,佢依然比左d資料我,仲叫我唔好比新聞影響對佢地ge評價.真係煩!!

之後食完野,我又要經過民建聯的(地盤),今次佢地仲話想同我慢慢傾,問我有冇時間,我梗係話冇啦,又問我知唔知佢地對政治點諗,我梗係話唔知啦.你又知唔知我點諗呀,我想快d閃人呀!!

之後智傑打比我問我邊到買單車好,佢話馬宏軍想買單車,我咪話同埋佢地去買law.最後佢係東京單車鋪買左.

3點9左右去左昌運搵劉政麟.佢話想搵我出黎行下.我地係大埔廣場果度行黎行去,又去左開心玩賽車game,又去左大大碗飲野,又去埋igame打機.哈...同佢玩左好多款賽車game,冇計,我同佢都鍾意車,咁梗係玩賽車啦.我地臨走 時見到甄may玩緊打鼓,咪睇左佢 一陣law.佢打完之後話要同我打頭d.佢果然好勁呀.之後佢比個幾柒ge人用部幾廢ge車挑機.點知果個柒友原來好.劉玫麟串佢係拓海哥,哈哈.....笑到我死.(因為根據頭文字d卡通,主角滕原拓海樣子都是傻下傻下咁.)

9月13日 8:56pm upload

全日節目多籮籬.由早上8點去到凌晨點幾.朝早去左飲茶,然後返左大陸,之後去大尾督BBQ慶祝鍾sir生日.

今朝一早約左grandmother+外公太(grandmother's father)+五姨婆(grandmother's sister)係上水飲茶.都有成6個月冇見過佢地啦.佢地掛住傾計,而我就係咁食野.

之後我同grandmother去左行上水廣場,原來上水都冇野行ge,又同佢去商務睇書,之後又同佢去睇旅行團,因為佢想同我去旅行,但係我又踏入20號後就一定去唔到.希望報到團啦.話時話,我都好耐冇同佢去旅行啦,其實去過未呢?我真係唔記得啦.之後陪佢去肯德雞食野.佢話飲茶時掛住傾計冇乜點食到野wor.

之後佢返林村,而我自己坐車返大陸搵爸爸.因為佢剛剛去完太平做野,問我去唔去深圳按摩.我地約左係商業城間大快活會合.唔知係唔係近期緊功夫,藝高人膽大呢,now自己返大陸完全冇以往那種栗的感覺,以前行行下好驚比人捉左架...哈 哈~~~~~佢仲買左幾套卡通比我呀,有棋瑰,鬼眼狂刀,劍心.不過可惜有兩套我都有碟啦.之後我地行去按摩.按完後我地返返香港.我終於都買左一直都好想買ge野啦,真係開心啊!

之後返到屋企搵智傑,佢叫我地飛入去,原來係一齊踩單車去大尾督.踩到我死咁濟呀.點解我當初會買架GT架/.\...入到去己經好人齊wor,好彩未燒得住咋.不過其實今日都幾唔想燒架,上個星期先燒完.所以都冇乜點食到野咁濟.食完後我地又出左去沙地玩遊戲,有d外人又一齊玩.玩得好開 心呀.哈哈~.~不過唔係好夠嚨law.之後佢地話下次去浪茄玩,真係好呀,不過我已經唔係香港啦/.\我返到黎都要有咁多活動呀!

之後又同智傑踩返單車出去,踩出去舒服好多,不過竟然快過佢地搭巴士.哈哈.真係勁!

然後我地成大班人去左好好甜品食甜品.我地有成廿幾人,佢都可以執到位比我地,真係勁呀!!食完後我車阿ling返屋企,佢驚到係我後面搖黎搖去,真係比佢嚇死.

過程雖然好開心,但我更喜歡期待的感覺呀!!

有好多事原來已經在一個星期前,一個月前,一年前,甚至在幾年前已經發生了,但記憶仍猶新.

9月12日 11:28pm upload

11點幾去左富善幫智傑佢地霸位.等到佢地黎左之後我又趕去太和果邊.因為約左智輝,志明 lunch.同佢地食完之後就返左屋企啦.

之後去左買蛋糕.本來係大班睇中左一個架,但係要訂,今日擰唔到住~.~,咁我咪去左復群買law.之後又睇左陣卡通.爸爸由係大陸返左黎,佢仲買左套卡通比我.係第一神拳.good!!之前想download 再係又download 唔到,等我帶埋過澳洲睇先,哈哈~.~

5點左右落到去火車站.只係見到佳佳一個,我己經特登唔咁準時到架啦,點之富亨團仲未到,真係可惡.咁遲左成20min./.\...人齊後出到沙田.我地去左green box 先.而佢地就開定房先.我就去左機鋪等家榮同智傑佢地.因為我地想比個驚喜智傑.家榮同佢講我一早出左黎攪d野.而富亨團佢地仲係屋企未出黎.佢同智傑出黎搵我先.咁我係新基地會合左佢地之後就行去green box.因為我地一早有房,所以我地要引智傑去toilet,然後家榮去扮開房,但係智傑又唔上當wor.咁我地又要話等齊人先開房,咁我地係個商場到行左陣.之後我地話富亨團d人唔識黎,要去火車站接佢地.而首領就扮肚痛話唔去接.智傑話唔去接陪首領去toilet wor.哈哈,然後我地打比智傑話班富亨團又識黎,唔洗我地接,我地去開房先.我地就企係green box 門口扮arm arm 開完房.然後等埋佢兩個就行入房.之後智傑一開門,佳佳就揸住個蛋糕,而其他人就係到唱生日歌.唔知個壽星仔驚唔驚起呢?

之後我地唱的第一隻歌係我地ge團歌--龍捲風.然後到智傑表演佢練左好耐ge女人味,哈哈,超好笑.有個優惠,就係每人加$15可以有任食.咁我地就狂叫.哈哈,不過d野食又唔錯wor.

9月10日 3:17 pm upload

之後約左阿鈞去師父到.今日學功夫的氣氛好似同平時唔同,可能係我地多左個師弟熱鬧左啦^^.....我地練完功夫之後師父拎左個木盆出黎,話下次12月12號功夫閣表演上盆彩青.可惜我唔係到啦./.\...

下堂師父話教埋我三剪搖橋,但係得返一兩堂學唔學得切架?不過學到就好啦,咁我去澳洲有三條拳練,唔洗咁悶....下堂阿鈞拎d麒麟碟比我贂,真係令人期待呢...

9月9日 10:50am upload

又如常地搵師伯佢地飲茶.飲完後去左東門,因為想補一補色,但係原來未得住.之後爸爸繼續揀公仔.而我去左打機.頂,果間機鋪十部機.,六部都壞. shit!!!!好彩d頭文機冇乜問題.

我想買的介子開價咁貴,我唔會幫你買的/.\

9月8日  10:57pm upload

之後搵俊威傾左陣計.

夜晚去左稻香食飯.因為公公今日生日所以擺酒.去到有一個陌生人,原來係寶琪舅父.我對佢冇印象.聽媽媽講佢有吸毒.好耐之前已經走左.媽媽話佢曾經買過架消防車比我.之後就冇印象啦.以往公公擺酒佢都冇黎.而且婆婆去世的時候佢又冇黎.

佢今次有黎真係吃驚.真係估都估唔到.我以為佢係一個十惡不赦的人.但我感覺佢都唔係一個懷人.但有時誤入歧途攪到眾伴親離都幾可憐.希望佢今次返黎唔好再掂返果d 野啦.因為我都想有返個舅父.

佢都有成十幾年冇見過我地啦,唔知佢突然見到我地大晒,有d又出左世,有咩感覺呢.有時真係要珍惜自己.唔係後悔就真係想補救都唔得啦

今日個個舅父,舅母,阿姨,姨丈果d都好關心咁問我係唔係過外國讀書,又叫我小心d,真係好多謝各位關心我.公公同大舅母仲比左兩封好大的大利是我.真係好多謝.親情是多麼的可貴啊.若然我行差踏錯,佢地仲會唔會咁關心我呢??

9月7日 9:32 pm upload

起身成11點幾,其實真係好唔願起身架,但係冇計啦,要去表演.爸爸話兩位師伯特登由大陸落黎棒下場.哈哈,真係開心,愈黎愈興奮呀.我地去左天外天食lunch先,然後坐271出去.我要1點半去到九龍公園.人心急時間總是過得特別快ge.約左1點半,但係我又遲左少許呀~.~我落車以經飛奔過去過啦.好彩去到佢地都仲未開始.我換左衫之後就影左張大合照.然後就拎麒麟上去.其實應該舞 上去架,不過唔夠人.

之後夠鐘開始啦,我地就舞麒麟入場.師父叫我舞麒麟尾.然後就有兩三慢醒獅接我地入進場,我地會完佢地表演就開始.首先是蔡李佛的人表演.佢地表演完後就到我地的麒麟表演.今次是由兩個科大的師兄表演.佢地表演完後就到明仔打三剪搖橋.佢打完就到我/.\我行到出去愈黎愈緊張.之後我望一望師父.然後我就開拳啦,而佢地就響鑼.不過打打下都冇乜野,係 有一步打錯左,好彩d觀眾唔知咋.打完之後成個人鬆晒~.~之後到其餘兩個師兄打雙樁同四門.我地家功夫表演完後就到與眾同樂時間.即係d觀眾可以拎住d麒麟頭呀,獅頭影相.突然有個阿叔問我學咩功夫,佢話佢未見過.咁我未同佢講我地果d係南螳螂拳law.我明白師父點解成日都去表演啦,原來學功夫唔單止係學咁簡單,仲要發揚.等人知道什麼是江西竹林寺螳螂拳.爸爸又問我地仲有冇表演,如果冇佢就同師伯佢地返去先.之後佢就同師伯佢地走左啦.真係感謝佢地特登出黎棒我場.之後我就同師兄佢地傾計.哈哈,原來大家去表演真係好好玩架,我同佢地愈黎愈friend了.

我地傾傾下計,師父突然就黎同我地講,個表演show未夠鐘完場,大會要我地表演多次麒麟.之後就叫左一個師兄舞麒麟頭,而叫我舞麒麟尾.我同師兄都露出一個無奈的表情啦.哈哈,我都 未舞過麒麟尾ge!!咁都叫我去舞,師父叫我出到去自己執生就得架啦...唉..../.\.......我地今次玩蛇青.當師父擺緊個青果陣,個司儀就講(李春林師父舞麒麟勁就係人都知架啦,不如就請佢表演啦.)哈哈,我地全部人都係到笑.之後我同師兄出場.個司儀又講乜唔係李師父表演咩?哈哈.師父就係到笑.之後我地就開始啦~.~我係後面又睇唔到前面wor.師兄轉左方向我又唔知wor/.\.......突然師兄擰個頭黎後面同我講(揚仔,一陣跳去我後面)我又唔明wor,原來師兄係好快咁轉 身,咁我咪即刻行返去佢後面law.好唔容易終於表演完啦/.\....真係熱爆.不過覺得好好玩呀.

個show終於都完啦.我地要舞返麒麟離場.但係離場前要再會一會獅.呢d係舞獅舞麒麟的禮儀.我果刻真係好想我係舞麒麟頭果個,我負責會獅.可惜只怪自己學藝未成/.\....又冇時間學.唔緊要,等我問師父借佢地之前表演時拍ge video 去澳洲自己鑽研先.下次表演麒麟的人將會是我.~/~

之後師兄車我返屋企.夜晚同左師公同師伯佢地食飯.

9月7日 12:06pm upload

之後我返左屋企.成日都唔知早過d乜?.?就係係張床到訓,訓又訓唔著.又冇野諗.咁就白白過左成日啦~.~之後7點幾去大元村會合智傑佢地.唉....佢地又話首領會黎.點知放左飛機/.\....我地買齊野入大尾督.之後會合智傑的朋友.原來佢地班朋友買左個蛋糕同佢同埋仲有一個人慶祝生日.食完蛋糕我地就開始燒野食啦.果陣成9點幾.個個都勁肚饑.頂...點知d鷄翼唔夠食.每人得果兩隻.我仲係要用朱頸肉同智傑貿易先有一隻雞翼咋.都唔知邊個食多左d雞翼.哈哈~~之後同志明見到張檯有兩隻燒好左ge雞翼,咪偷偷地拎左黎食law.哈哈,超攪笑.其實我地都唔知果兩隻雞翼係邊個架.點知當我地食食下果陣突然有個人大叫邊個拎左我d雞翼.我地食得勁快,然後毀滅證據.點知個受害者狂懷疑人.但係就冇懷疑我地.

之後我地食完野後就玩砰嘭哇.我發覺有個女仔勁似庭.無論外貌同行為舉止都勁似,連感覺都是一樣的.

之後我地買左把電筒上山探險.

其實我開始好眼訓啦,好想返屋企.但係果陣又冇車坐.自己坐的士又勁貴wor~.~唉,諗住佢地都就快走架啦,點知仲話要去堤霸,真係攞命.之後我地傾計.又話抽牌,最細果個要比人問問題.好唔容易終於都天光啦.終於都可以坐巴士返屋企訓覺./.\

9月5日 6:33pm upload

朋友可以由淡淡之交變成深深之交.但同樣亦可以由深深之交變回淡淡之交.世上邊有所謂的forever friend呢?以往我一直相信做朋友是可以做一世.但原來唔得.我們每人一直在成長,所接觸的社交圈子時時刻刻在變.以往小學畢業,又有幾多人仍有同小學同學聯絡呢?自問我一個都冇啦.以往昔日十分之好友的朋友,但如今可能各自各識到新朋友而忘記了以往共 患難的朋友.淡淡之交淺如水,深深之交深如海.怎樣才可印證邊個是你的最佳老朋友?時間!時間可沖淡一切,但好奇怪,亦可以印證一切.有好多事並不能用三言兩語講清楚.就等待時間的考證吧!!

今朝起身,打比高佬睇佢有冇返工.點知佢原來今日放假,真係好呀.於是我搵左佢去lunch.我地去左八號餐廳.點知今次我去終於都見到陳俊威啦,我早前去過幾次,但佢次次都唔係到,今次佢係到,仲叫我入去食野,咁我地咪入左去law.食完後,我陪高佬去買齋,哇,果d所謂乜齋雞齋鴨仲貴過買真野.真係過份~.~.......最 後我地冇買到.之後我地再去返八號搵俊威傾計.佢放兩點.坐左陣見到劉政麟行過.哈哈,佢又黎坐左陣.可能俊威同高佬唔識,所以冇乜話題.其實我搵俊威傾計都係想人知大家的近況.早知唔同高佬一齊啦.所以我決定下個禮拜自己搵佢再傾過.

今日agent打 電話比我呀.佢話我份驗身報告有d問題,聽到佢咁講真係有d嚇親,不過佢話我唔知簽份什麼承擔書,佢就肯出visa比我,不過條件就係去到澳洲4個星期內再要驗多次身.咁即係我可以趕得切10月4日開學啦~.~雖然我唔想離開,但現在反而慶幸我一早選擇走呢條路.若果我當初唔 係諗出國留學.我現在可以讀咩呢?真係好多謝父母在背後對我的支持.

9月4日 1:55pm upload

之後就去樓下seven會合林偉倫同阿ping佢兩個.因為今日約左佢地lunch.我地去左新街市食野.入到去果然好靚.每檔都好整齊,唔似以前咁.我地去到3樓.原來開左好多檔野呀,而且每檔又有好多人.我地行左個圈後最後揀左檔最少人的 一檔.食完後仲有得飲品添飲呀.唔錯.我地傾左陣然後就走啦.我同林偉倫去左昌連拎相.然後就返屋企啦~.~

返到屋企我又入返d同學資料去本notebook 到.入入下朗兒突然打比我叫我拎書比佢.之後落去m記比書佢.同佢坐左陣,點知坐坐下坐到成6點幾.之後又返屋企.不久又落去平台練功夫.星期日的表演就快到,我一定要打熟套拳.唔可以出醜的..

今晚爸爸大陸返返黎,佢買左好多碟比我,good~.~

9月2日 9:58pm upload

大約11點幾左右出左去街市睇開幕禮.因為有我最喜歡的龍獅麒麟睇~.~不過睇完真係好失望.佢地 舞得果一陣.等我仲特登去睇.之後行去大中.沿途見到好人多人著住校服.而自己又冇得著.真係好心酸.9月1日冇得開學真係唔慣.以往好討厭的9月1日,今日就有唔同ge睇法.去到救恩門口.咁arm見到林偉倫佢.佢原來返黎搵人去lunch.佢話佢果間學校跟本唔係學校wor,咁梗係啦,有幾多間好似救恩咁好先得架~.~之後家榮佢地出左黎.佢地同話now比人蝦呀.又話班班會d post比人搶晒黎做.真係慘/.\.佢地講到好可憐呢~.~

我地跟住去左八號花園食韓國燒烤.佢地話傻仔軍團呢個名冇霸氣所以比人蝦wor.之後狂諗一個新名.諗左有狂龍呀,風牛呀,七喜團呀,好多好多.不過最後我地改左做龍卷風.哈哈,真係得啖笑~.~之後就去左影學生相.

返到屋企灑完衫就坐車去禾坑啦.我開始發覺每次去都係遲到ge.我要下次開始唔好咁遲啦!!今次師父操我的表演動作.原來明仔第一個開始打,而我係第二個.真係好啦,唔洗第一個出場.師父今日仲教晒我打雙樁.good ,now我識兩套拳啦.師父仲教左我好多擒拿手.不過我就唔係好明白啦,又要自己慢慢領會...

9月2日 11:05pm upload