之後william黎左我屋企榪波,然後去佢屋企幫佢搬行李...之後佢new home stay黎接佢..william想我同埋佢一齊去.咁我咪同埋佢一齊去啦.

其實去黎真係佢無聊law......入一入去,睇一睇佢間房就走啦...而且仲要跑去火車站趕車返屋企...去到好彩班巴士未黎.不久上車,我發 現自己唔記得帶搭車張卡.我叫個司機可唔可以等我一陣,我叫william即刻跑過黎拎張ticket比我,佢比佢快去到火車站...點知個司機話要開車...我頂佢.....之後我咪要坐火車再轉巴士返屋企.

我突然醒起我銀包有錢...原來怒氣令我失去理智....我EQ太低啦

我地去到沙灘,首先就係睇漫畫,係沙灘睇漫畫都幾enjoy架..之後出左去玩board...可能d浪唔夠大,所以玩board都冇乜隱....之後幫kira染髮...哈哈,係沙灘到染髮都幾突出架,好多人行過都會望過黎.

去toilet時突然有個鬼佬捉住我條頸,我望一望,原來係marlon呀,哈哈,好開心可以見到佢呀.原來佢今日 佢都黎游水..我仲同佢游左陣添.希望下次再可以見到佢啦

我地附近有班馬來西亞人....其真都好想識佢地架...不過有機會都錯過左,返到黎佢已經走左...終於都可以遇上這類人啦,重拾那一種感覺...

夜晚同william傾計,點知原來lily都係到wor...聽lily講佢今日比佢homestay鬧,好唔開心..聽日wiilliam要搬啦,我地唔可以再夜晚坐係條馬路傾計.

其他香港人仲係唔係以前自己高人一等,仲有那一種身貴的感覺呢.?

我地決定,如果2月25日前搵唔到屋,自己搵share house.因為搵成間屋就難,但搵一間房就易啦,澳洲好多屋都係可以同人share.但就唔係同一國藉.其實仲好,咁可以唔洗成日講中文.其實都冇必要一齊住啦.

marlon今日離開p.i.c.e 啦,好miss佢.佢係一個好好ge teacher.

下晝上上下堂,佢地打返電話比我,真係好呀,原來可以換第二隻型號.咁我就換左LG U8138.

原來聽日係Marlon最後一日呀,好miss佢呀,佢係一個好nice ge teacher..而且唔知咩原因聽日會有好多人走

我地1點左右去到city, yesterday同corey講左我會榪波,佢話去波樓搵我地,但係我地最終都決定唔去榪波,但又唔記得打返電話比佢.佢一早出到黎city,唔見我地,之後返左屋企.後來叫返佢出黎,佢唔出,好似有d嬲添,不過好彩最後佢都肯出黎.

去到阿ming屋企,我地開始bbq 啦,阿ming個homemate又join埋我地,要佢幫我地燒埋真係唔係咁好意思添.大約6點幾左右我地行左去south perth果邊.然後坐係草地玩左陣砰,嘭,哇.天空又有d花式飛機一路噴煙一路飛黎飛去.突然又有一架戰鬥機係我地上空飛過.原來戰鬥機飛行時真係發出好刺耳ge聲音架.

大約8點左右開始放煙花啦.真係好靚,第一次咁近距離睇煙花.....壯觀~.~開始明白到點解d人寧願同人地迫,都要係現場睇啦,真係兩種感覺.其他人一直係到影相.而我就冇這閒情啦,因為我比滿天光輝吸引著....一路係咁影,又點睇到煙花呢?想留住這壯觀的片段,倒不如專心一致.有時美好的東西是想留也留不住,你愈想留,只會愈錯過,要留,倒不如留再你我的腦海,大家一齊回憶啦.

睇完煙花大家都離開啦.去到warwick火車站,我地又冇車搭.係,william 遲d要搬去新home stay,我諗我地都冇咩機會再一齊出黎傾計,夜晚冇車搭一齊行返屋企/.\

突然唔想用e1000,想換過部LG 8138呀....我聽日決定拎部機去換,希望比我換啦.成晚擔憂聽日可唔可以換部機,攪到成晚訓唔著.多一樣野就多一樣野煩

afternoon class果堂我走左.因為打算同阿ming去開電話.我陪阿ming返屋企拎passport,然後再去開電話,我終於都開左3G電話,係e1000.

然後再會合返lily meg佢兩個去睇屋.我地去左victora park睇.我地仲叫埋corey出黎幫手添.搵左勁耐,終於都搵到間屋係邊啦.入到去,我地都好開心,間屋好新好靚,而且又夠大.夠光猛.我地都好鐘意.之後就同佢傾個價錢啦.傾左好耐好耐,因為我地租都係要4個星期之後,但係佢話咁唔得,因為有好多人都想租呢間屋.之後我地話兩個星期後開始租,問佢可唔可以,最後佢都應承左我地,但條件係聽日要交錢,當訂住間屋.咁最終我地都達成左協議.

之後行到出去,lily突然同我地講佢唔想聽日比錢,話我地可以再搵一間更cheap ge屋.之後我同阿meg都開始有d(興)...咁唔想租就一早講啦,依家先黎講~.~

夜晚william 黎我屋企睇戲

去到warwick train station,我地要都成個鐘先有車,好彩係d咁悶ge環境下有啤牌玩咋,唔係都唔知點捱落去啦.

返到屋企就即刻去訓覺,訓到成3點鐘.

今朝我地去到city,之後去左永隆還書,然後去左飲野.等齊人後我地去fremantle會合其他人.之後我地去左食野.我地去果度好正,可以望住個大海咁食麥當奴,唔知點解果時有一種好想帶grandmother黎ge感覺.食完野我坐左係果碼頭到.

之後我同阿ming去左toilet,出返黎唔見晒佢地.打比william又搵唔到.之後見到有間博物館,咪入去睇下law.間博物館有好多沉船ge野睇,都唔錯架,又唔洗錢.

之後william同我講佢去左fremantle market.咁我咪同阿ming去搵佢地law.搵到佢地,之後又四圍行,行行下返返city 啦.

之後我地去左榪波,榪完波後佢地去左另一間機鋪打機.而我就好想打電話返香港.我就去左一個公眾電話停打電話,而william就坐係到陪我.我打左比grandmother grandfather佢地.唔知點降今日好掛住佢地咁.之後打比其他人.(其實咁ge時候打返香港,佢一定係你心裡佔有好重地位).

傾完電話,william同我講佢覺得今日我地成班好怪,行又分開晒黎行.其實我都覺.而且我地又見到d唔係咁開心ge野,不過算啦,我已經都唔再想理會呢d野law.要煩ge都煩夠啦,何必再自尋煩惱呢?係咪?同班friend開開心心仲好.雖然見到佢地咁,但老實講,一點兒嬲ge感覺都冇.反而有一種解脫ge感覺.

之後去唱k.我地成日唱唱下都出出入入.一係就去對面波樓打機,一係就出左去傾計.lily好似突然接到個電話好唔開心,成個氣氛都唔同晒.算啦,我都唔想理啦.....

唱完k我地去左kings park.

之後阿ming 同william黎左我屋企.我地榪左陣波,home father又話想join埋我地一齊玩.我同home father一隊,而ming就同william一隊.不久kira 同鋒都黎埋.然後我帶埋部電腦去william屋企睇vcd.我地首先睇一套叫大靈通ge vcd.係講神怪ge 野.不過都係得啖笑.之後就睇我班friend好搞野.真係笑到我地死.

之後阿ming同kira黎左我屋企訓.

今日食完飯,同家姐同兩個瑞士人去左附近一個好大ge shopping centre shopping.果度有間好大ge surf shop.但係依然搵唔到lily之前鍾意ge那個 roxy 袋,真係有d煩呀,唔知買咩比佢做生日禮物好.之後同個瑞士妹行左陣,佢買左對鞋,而我係買左個筆袋.之後家姐仲同我買左一隻light brown ge 染髮濟.真係唔係咁想再染架~.~.....

然後去左飲荼

之後我地又去左第二個海灘玩.係咁係個碼頭到玩跳水.起好玩呀.

食完野去左阿ming屋企帶佢homesaty隻狗散步.佢住係south perth附近.佢隻惡威拿好得意好大隻呀..之後我地拖佢隻狗去到燒烤場附近,已經控制唔到佢啦,佢可能見到有人玩ball所以開心得濟啦,係到追住d波,而且仲咬爆左人地個波,之後阿ming就拖返佢隻狗返屋企之後再落過黎.

然後我地係個草地到同d瑞士仔,日本仔踢波.哈哈........之後大家走得七七八八.我地就開始玩數字球啦.經過我以前係香港ge練習,好多人都死係我手上呀,哈哈~.~

之後我地坐船返返city,然後趕車返返屋企,因為今日係我家姐生日呀.有個生日party,而且佢對我又咁好,我買左個相架比佢呀~.~`之後佢都有好多friend你同佢慶祝.好熱鬧.

之後阿Ming要幫Martin剪頭髮.我地成班去左library附近.係到剪頭髮最好唔好去剪髮鋪,因為一來要用錢,二來又唔識形容點剪.所以我地都係自己剪的.正當阿Ming同Martin剪緊頭髮之時,有一班阿寶(澳洲土著)坐左起我地附近,我地都心知不妙,打算執野走.突然有個阿寶好nice走黎同我握手,其實我好 唔想同佢握手架,因為佢地好唔衛生.但係唔握有驚比佢打咁我未握一握.之後佢地問我邊到黎.我咪話香港.佢地好似唔知邊到係香港,咁我咪話中國law.佢連中國都咪聽過~.~之後佢開始好惡啦,問我有冇錢,咁我當然話冇啦.之後佢話我地黎佢國家,講佢地ge語言,佢一路講野,一路用中指指住我地,又話佢自己係good fighter,擺埋個勢咁問我地邊個係good fighter,叫我地搵個人出黎同佢打架.我地當然冇理佢啦.之後就走就走啦,好彩佢冇跟住我地咋.

之後我地去左第二個位置.剪完Martin到阿meg,佢只係修一修髮尾,不過佢剪完之後好似唔係咁滿意~.~,之後william又話想剪.佢起初話想剪一剪髮尾,點知佢又話想咁,又話想咁.我地個個都幫佢剪呀,最後剪左個超型ge頭出黎..哈哈,一邊頭髮好長,一邊就好短.而且短果邊剷左個z英文字母添...雖然真係幾型,但係個個都忍唔住笑佢,不過都好過之前ge~.~

之後我返屋企都自己修一修我d頭髮.

好期待tomorrow返學其他人見到William個頭ge反應

家姐見到我買左果隻色之後好似有d失望添...之後佢一路唱歌一路幫我染.染左成50min....個頭都幾紅呀...之後佢地就叫我red head or red hong kong tiger

今日lunch,原來home stay有客人黎,會食海鮮呀~.~可惜那時我要出去,真係唔好彩呀.

我同lily坐車去到Curtin附近會合阿meg.因為今日阿Meg約左個屋住睇屋.等左不久,個屋主車我地去佢間屋.睇完間屋,都覺得唔係咁好LAW.間屋又好舊,而且乜傢私都冇...算啦,我諗我地都係住apartment好d~.~

之後行左陣city就返屋企啦.我諗住今晚可以食今日佢地lunch食淨ge海鮮啦,點知冇ge,真失望~.~

home stay d 朋友都未走.佢地有個女,佢個女好得意架,好鍾意同我玩.

我今日諗左好耐,都係買張中國電話卡

_{之後我地去city會合martin佢地飲野.今晚我,lily, corey, samuel, martin都會去william屋企傾計.本來阿鋒都話想黎架,但係好多人都唔係咁 想佢黎.所以就....我真係覺得有時好賤law....不過都冇計}

_{martin黎左我屋企食晚飯,而lily係佢home stay食完先黎搵我地.大約9時幾,我地去晒william 屋企.不過去到好悶law,都唔知有咩做,話就話傾計,實質坐係到都唔知做咩}

終於都上到level 5 啦.哈哈,今次又同返Lily一班.真係好,最衰阿Meg唔係同我地一班,唔係就好似當初咁啦.話時話,唔知我個兩個新home mate第一日返P.I.C.E會有咩感覺呢?可能都係同我當初時一樣啦~.~

放左學我又要帶住佢地逛下city,然後返屋企啦.佢地想繼續同我一齊返屋企.但係我陪埋佢地今日聽日我一定唔會同佢地一齊返屋企的~.~......太早返到屋企我又唔知做咩好,而且放左學習慣同我班friend一齊四圍逛.

之後我地去食lunch.都唔錯呀,$5Ｘ6任揀餸.而且都係中國野.

之後去左租漫畫.我諗第時我又會花錢再漫畫上啦.唉,初初黎到都唔敢用錢,但依家,唉.......

係呀,1月1日有個瑞士仔黎左,同佢都幾好傾,今日又個瑞士妹又黎左.真係好,又可以練習下英文.