大約2點幾去左網吧send e-mail同upload web site.之後返左p.i.c.e 搵佢地.然後我就同阿ming去左買餸啦...哈哈,now 我地兩個成個 住家男人咁.之後我地就買左個湯煲,又買左一些料黎煲湯.又買左一些罐頭食物.

返到屋企,我地兩個男仔開始煮飯,原來阿ming係香港都未煮過飯架,哈哈.好彩我地煮完之後佢仔條女話好食咋,係唔係真我地就唔知啦,不過今餐係我的一餐自己煮ge飯,哈哈,好有成功感呀.

夜晚我地睇左功夫.不過我覺得少林足球好睇d啦

之後我地就去買餸啦.我地有個新 idea.就係每個星期交$20Ｘ6做公家錢.然後搵一日做買餸日.哈哈,都唔錯ge idea呀.依家同friend住都幾新鮮,好唔好我就未知啦.不過有時要諗下食野餸好.依傢我都有個興趣,就會去唐人街睇中國食品.

夜晚佢條女煮飯比我地食.佢煮日本咖哩呀,好好食呀!!有個日本女朋友都唔錯wor

去到新屋,搬晒所有行李入屋後home stay再車我同阿ming出city..我落左車後,感覺到好似一個人離開左父母,自己搬出黎住咁ge感覺.

之後我同阿ming去左買枕頭同其他重要野.之後又去左買書檯同電腦椅.我地兩個人拎張書檯返去拎到我地死咁濟呀,張書檯勁重,而且條街有好多人望住我地覺得我地好似好奇怪.好唔容易終於都拎到返屋企啦..之後我開始執房.執左成個鐘都未執完呀~.~

大約7點鐘我同阿ming去左阿meg同lily屋企.佢屋企都唔錯架,幾靚,不過係差在冇furniture.之後係佢屋企食左餐飯.然就就開始傾計啦.我地ge話題都係環繞阿鋒.當然係講阿鋒d衰野啦.講左成晚都係講呢個topic.其實有時我覺得阿鋒係好慘

咁人係賤,有些人就被人攻擊,有些人就攻擊人.其實攻擊人的那方有沒有想過被攻擊那方的感受呢.成晚我都只係係到聽.因為我明白到阿鋒的感受,我唔係比人攻擊,但我都唔想走去攻擊人,幸好我自己唔係被攻擊咋

今日當然係學校勁搵人影相啦.今次雖然係last day,但同kyc ge last day好唔同.可能我係到ge時間太短啦.Anyway,我都係p.i.c.e渡過左一個輕鬆的4個月.

放學收左我張畢業証書後就同meg,lily坐車去curtin 啦.大學真係大學.入到去,大都連自己位置係邊都未攪得清.大大話話我地已經迷路好幾次.

之後返返city搵Lydia佢地行左陣supermarket.然後就返返屋企執返我地d行李啦.都唔明我點解會有咁多行李架.差唔多係黎的一倍.

有時覺得我ge朋友愈黎愈少.william佢開始同阿傳friend,成日都同佢去玩.好似覺得佢開始有少少迷失.佢好似開始忘記自己係到ge責任.可能有一日我都會好似佢一樣忘記我在這裹的責任.

依家真係好難識到所謂的best friend.你問我係澳洲我同邊個最friend我真係冇辨法答你.當初我同Samuel好friend,但就快可能我會係街上撞到佢都會唔認得佢啦.之後都可以話同William幾friend,但自從佢同阿傳friend左之後我開始唔敢同佢講心.起初我同meg同lily都好friend,但後來此終大家都係唔同種類ge人,開始愈黎愈疏遠啦.現在講得上係friend ge就係homg 同埋阿ming....,,但係.........遲d我唔知仲會唔會係佢地.

我yesterday收到趙子緯寄比我的surfing褲,總共有7條呀,好開心呢~.~ 係到一條要賣成$400-$500.好彩果次有打電話比佢咋..哈哈,原來佢公司幫billabong造褲.

放學去左搵Lydia.佢帶左個新黎ge香港女仔出city行街.同Lydia行街感覺好個同阿meg佢地好多.佢一路行一路講,可能我地大家出生地方唔同啦,有好多野佢唔知而我又見過所以可以解釋到比佢知.

夜晚我決定比左一條最靚ge surfing褲比個瑞士仔.因為佢好鐘意果條褲,當然我都好鐘意啦,但係我諗左好耐都決定送左比佢,雖然好唔捨得,但係我有咁多都著唔晒,而且有 時同人地分享自己同樣一樣咁開心,甚至比自己擁有更開心.真的,但我話送比佢時佢好驚起,佢仲問我幾錢,話想比返錢我.當然我唔會要啦.但我那種開心是心裡的開心.雖然可能佢返返瑞士後可能我地唔會有機會再見,佢會唔記得我.但係我地的確曾經係perth好friend.就當我送比佢的再見禮物啦

放學同阿ming會合左佢條女之後我地就去左買野.我地買左好多家居用品,又買左好多家庭必須品.哈哈,好想快d搬入去住呀.好似依傢我自己有左屋企咁,咩都要自己買,咩都要自己攪點.雖然係好麻煩,但我願意接受這種成長的挑戰.對我而言這是很新鮮.

之後搬今日買左ge野入屋.我見到我地個廚房整得靚左好多呀.真係唔該晒個owner呀.星期六我就會搬入去住.其實都幾矛盾.因為有唔捨得home stay,但又好想自己住,哈哈~.~

點解????我都唔知咩原因..可能係到我見識到好多香港人ge羞惡,=.=有時係街上遇到香港人,大家會以惡意的目光互視,可能大家係香港以經習慣左.其實我間學校有好多人都好討厭我地香港人,包括中國人在內.可能我地經常以貌取人,見到他人外表有點其怪就恥笑人,見到他人外表美觀就用一種奇怪的目光望人.其實我覺得香港同香港人一路一路係咁退步.冇論在社會文化上,人們品格上,可能大家現在太注重物質享受,有一天,如果每個香港人都要捱苦,唔知會係點呢?

但然我沒有那麼清高,與別不同....我一樣在性格上有很多缺點.

之後我地去左海灘行左陣,又影左幾張相.我地企係岸邊影,突然有個大浪沖左上黎,攪到我成對鞋都濕晒.真係激死呀~.~之後我要返返屋企換鞋.同個日本妹講bye bye時真係好唔捨得呀.雖然短短的3個月....

之後我再要出返city會合ming.然後睇左陣傢私.之後佢就要burbury搵佢條女.而我就會合個owner去交錢.個owner車左我地去個apartment到,然後開始點算apartment裡面有ge野.突然好想快d搬入去住添.

今日計下我今個月用左幾多錢~.~頂....一個月來用左差唔多2000蚊有多....下個月要節儉d啦

今日我地約左個owner去睇屋.佢話車我地去,約7點去north bright等.我地以防萬一.因為個owner可能約埋其他人同我地一齊睇屋,所以我地想搵人幫手打電話去比個owner,扮話想睇屋,然後到時唔出現.咁ge情況下得返我地去睇屋,所以贏面可能會較大...燒到眼眉係要用賤招架啦.點知我地叫阿meg幫我地打去啦,講極佢到唔肯幫我地,仲話我地低b.佢都唔知到我地ge處境係幾咁惡劣先得架.好彩後來Lydia肯幫我地打去咋.有時你唔好理行唔行得通,幫一幫對方都冇乜所謂遮.

大約7點,我地會合左個owner然後佢車我地去啦.佢開車途中Lydia打電話比佢同佢講已經租左屋,今晚唔黎睇啦..哈哈,一切正在我地ge計畫中.去到,外牆都唔錯架,不過原來裡面仲好,有齊所有傢私.間房又正.我同阿ming緊係即刻話租啦,唔係就真係無家可歸啦.

夜晚返到屋企不久,就同我的屋企人去附近的一間pub飲野,因為日本妹聽日要走.去到有好多人呀,要排隊入場,不過唔知家姐有咩方法可以由出口入.入到去,個瑞士仔買左杯beer比我飲,然後我禮貌上下round到我比錢,之後佢又買左杯比我,然後家姐又唔知點解同同下個男人傾計,個男人又請我地飲酒.總共飲左成4杯酒.飲到我有點暈暈地ge感覺,行 路搖下搖下,之後同個瑞士仔出左去跳舞..原來飲完酒跳舞都幾high架...

12點左右我地行返屋企.個瑞士仔飲醉左,行行下訓係條街到.不久行行下突然home mother出現,佢突登揸車黎車我地返去呀.真開心~.~返到屋企,我地推左個瑞士仔落泳池,哈哈~.~...........佢成個人都濕晒.之後我地傾左陣計就返去訓覺啦...

今日afternoon class 我又走堂....唉,為左搵屋成日走堂良心都有d過意唔會,話晒一堂都好貴....但為左搵屋唔走又唔得呢~.~今日我同阿ming去左大學附近果d區睇屋...今次間屋都唔錯呀,有full furniture .乜都唔洗煩..不過間房就細左d,不過都尚可接受..

之後再打算去其他區睇下...返返學校上網...然後搵到間係west perth .於是我地咪行去啦,我地得街名.問人人地又唔知係邊.連我地自己都唔知自己行到去邊.忽然我行行下見到有一個寫住少林堂ge建築物.我咪同阿ming講不如我地投奔少林啦,哈哈......原來果度係一間武館.而且裡面好大,有好多隻獅頭,又有好多沙包,有好多兵器,亦有好多人係到打緊功夫.外國ge武館真係比香港好feel好多,入到去,已經有一種氣勢壓著我.牆上掛左十多隻好殘舊ge獅頭,我有一個疑問,睇果十隻獅頭都有成10多年歷史,原來十多年前,澳洲已經有教頭在教功夫..我睇一睇佢地ge練習方法,正同我家螳螂一樣,睇埋佢地ge套路.我可以肯定佢地學南螳螂拳.真係好驚喜,澳洲竟然有南螳螂拳學,正當我想去問清楚時,阿ming已經捉住我要我繼續睇屋.

我地繼續搵west perth,行行下,我決定放棄...搵極都搵唔到...於是我再去打一次果間武館...不久有個鬼佬就黎同我地傾計,我問佢地學咩功夫,佢同我講係螳螂拳,咁我咪同佢講我係香港都學過螳螂拳...

之後我同阿ming都感到好絕望,因為佢條女唔想住今日我地睇果間屋,因為太近victory park,之後我同阿ming搵左個地方坐低繼續打電語搵屋.突然我地打比一間,佢話now可以去睇,而且又係fully  furniture .我地感到眼前有一線曙光.我地咪一路行一路搵.點知我地行到條大路,打算同佢confirm 個位置,佢竟然同我地講剛剛租左...真的絕望了,我地坐左起馬唔旁成幾分鐘...真係有d想喊...之後我地決定會網吧繼續搵.我ming係執告示牌見到有間係north perth, full furniture,仲好順行咁約埋聽日去睇,因為成功啦.

之後夜晚我地去左bar....william阿哥黎左澳洲探佢,而佢榪波又好勁,今晚間bar有比賽,所以咪帶佢去參加law..而且今日我個日本home mate星期六要返返日本,所以我地咪諗住同瑞士仔瑞士妹一齊去pub 傾計law,點知個瑞士仔竟然放左飛機唔係,而瑞士妹有掛住同佢d瑞士friend 傾計.點知我地個plan已經取消左啦...

william阿哥第一場比賽就輸左啦....不過佢阿哥真係幾勁,佢可能習慣玩大檯唔習慣玩細檯..咁又係,兩種玩法黎ge,我地仲見到eric,佢係馬來西亞打大檯都好勁,真係想睇下william阿哥勁還是eric勁.

今日天氣真係奇熱..一路行,一路暈下暈下.成個天氣就好似係個焗爐裡面...而且d風吹黎好似比風筒吹咁..真係極之難受.真係恨不得早點歸家游水呢

今朝我塊body board跌左落地下,咁arm得咁q頂住左個門.攪到我開唔到門......我極之緊張,又叫個瑞士仔幫我諗辦法....

打比龔俊汝,原來佢返返黎澳洲啦,佢仲開始開學添.唔知點解now同佢傾計好似有一種感覺.好似變左,但又唔係好識形容.有一種好似好耐冇見的老朋友感覺,但亦有一種好耐冇見而變得陌生的感覺.....究竟..........都唔知講咩好啦.

今日william阿哥同lily父母都黎左探佢地...佢地就好啦.我都好想我爸爸媽媽黎探我呀..唔知佢地黎到我會有咩感覺呢~.~我諗一定有無限的喜悅.

放學又同阿ming去睇屋,依然一點兒收穫也沒有,開始有d緊張添.因為期限就快到.

今日天氣真係好熱,而且又好焗..放左學後行返屋企已經想死.係牛仔褲舔住隻腳,好唔害易先行到返屋企.好彩我home stay有大量可樂呀.個瑞士仔話幫我整門返趟門啦,真係唔該晒佢呀.於是我即刻換泳褲然後一野跳左落泳池,感覺極之涼快呢~.~,,游左陣水後訓左係泳池旁邊睇漫畫...正!!!臨走先識享受間屋,唉.............

今日食飯好熱鬧~.~....home father好似就快入醫院,因為唔知腳骨有咩問題.之後講開日本妹星期六要返返日本.而我就快又可能搬出去住,而瑞士仔3月又返返去瑞士.一同在飯卓短暫談笑的時候,又幾何想同離別將近呢?

今日download 在一隻叫熱血燃燒ge歌,真係好有feel~.~

夜晚瑞士仔話好熱,跳左落游池游水~.~本來我係到傾緊電話的,但

本來今朝跟我home stay去睇袋鼠,但係我訓過龍,所以冇得去,真係慘呀~.~

起身後自己整左個早餐,然後睇陣書.之後無無聊聊睇左陣cartoon.

之後個瑞士仔起身同我講last night 佢飲醉左,唔見左佢對拖鞋,要赤腳咁返屋企,真係笑到我爆呀,哈哈....之後同佢去左附近ge m記食lunch...返到屋企,我地見到瑞士妹同日本妹係到游水..之後我地咪一齊游law....話時話,今次係我第一次係屋企游泳池游水咋....一d都唔好玩ge..唉,,好似係個大浴缸咁.

夜晚我打電話返香港,唉......個個都話唔得閒,叫我下次先再搵佢地..本來今打算用成晚係傾電話,點知打比好多人,又冇人聽,都唔知係唔係返晒大陸呢?

我開返留言板啦,大家有咩事記住黎留言啦

我同阿ming 訓醒覺,然後就出city睇人舞獅....去到都未有舞獅睇,所以我地就去左飲野先.之後突然聽到有鼓聲...我地咪行過去睇啦..原本係白眉派ge,,佢地ge鼓聲都好好聽呀.之後又睇到第二邊有鼓聲,我地未又行去睇law....今次原來係崔永成ge,佢d鼓聲就差得遠啦~.~..........不過都唔好睇ge,同香港差得遠law...我又打比師父同佢拜年,同佢傾左陣....唉,原來佢地坐緊車,一陣舞麒麟去沙頭角果邊拜年,仲有成二十幾個師兄弟......我都好想一齊去呀....

之後我地去左飲茶,哈哈....大年初一好彩酒樓冇加價咋.

澳洲ge新年真係比我想像中差得遠.....我想像中澳洲ge新年會比香港更有氣氛.但係點知唔係,真係好失望呀.基本上同平日都係差唔多.

每逢春節倍思親,我好掛住我ge屋企人呀~.~今日真係唔係咁開心呀,一切都愈來愈遠啦.....其實當初我都預左會有這傷感.

夜晚,home mother同我講佢買左好多中國野比我....有好多寫住大吉ge糖啦,好幾枝拜神ge香啦,佢地又整中國炒麵比我食啦....真係好開心,心情好返好多好多.home mother仲插左幾枝拜神香係門口.而且我又同佢地講解利是有咩意思.食飯時,home mother又預備左快子比我用,個個睇住我用快子覺得好神奇咁,之後佢地又學我用,原來用快子對於外國人黎講係咁難架.

大約7點左右我地去食團年飯.我地有成13個人一齊去食團年飯,都幾熱熱鬧鬧架.

之後去左一個公園到坐.係過到真係無聊到極點,都唔知係到有咩攪.

今晚阿ming黎我屋企過夜,一齊研究舞獅 ,因為佢係香港都有學過,又且我又有大量呢類vcd.佢竟然係我其中一隻vcd 中見到佢過friend,同佢隊獅,真係超攪笑呀.

因為我今日冇帶board 去玩,所以狂比阿ming話我點解唔叫埋佢一齊唔帶.其真我以經想買另一塊board好耐架啦.但係冇乜衝動....之後阿ming狂叫我快d買啦,咁我咪又叫佢你買我買啦...最終大家都買左,唉,又破費啦~.~....塊board成$80Ｘ6=$480....

去到beach,我已經忍唔住玩塊新board啦,貴野真係唔同好多,浮都浮好多....不過成四百幾真係好貴law~.~,,,,玩左陣滑水又訓左陣,係沙灘訓覺真係好舒服,不過可能會灑傷......有個時候,有兩個澳洲女仔走過黎同我地傾計,佢地真係好nice呀,好想同佢地做朋友.但係最終都係冇ge

之後我地去左睇一間apartment,我地唔係咁like,之後再去左East Perth.去到,見到有個swimming pool,又有gym room.真係好正,而且入到去,雖然冇乜傢私,但基本上的電器都齊全.阿meg同lily都好鍾意.但老實講,我都好鍾意,但就唔想同佢地住啦.諗諗下,始終同男仔住好好多.之後佢地問我考慮成點,咁我咪話要問下我老豆先啦.打返去,同老豆商量過之後,都係決定唔同佢地住啦....不過點同佢地講先係一個大問題~,~佢地好鍾意間屋,而我就突然話唔同佢地住,好似好衰仔添.不過點都好,長痛不如短痛!!

william 聽日搬返去佢舊果個homestay,佢話係新home stay 住得實在太唔開心wor~,~我都好驚第時有呢種感覺.

去火車站時lily講左一句野我終於諗通啦.佢同我講,咁住East Perth點解唔住Vic part.真係比佢吹漲,當初話唔住vic park ge係佢,now佢又問點解唔住vic park.唉............諗左好耐,我決定唔同女仔一齊住.講就講得好聽話同兩條女住,但係始終男同女係做人方面都有好多分別.為免日後有不偷快事件發生.我都係決定唔同佢地一齊住啦....

今日收到師父寄比我ge麒麟碟啦,我見到師父,見到好多師兄弟.好miss好miss,我好似同佢地相隔愈黎愈遠咁.我好想舞麒麟呀!!見到佢地成班人一齊去出會,真係好唔開心啦,冇自己份.

夜晚同阿ming傾電話,睇下佢有冇興趣同我一齊住,因為搵間兩間房ge share house容易好多,而且我諗同阿ming一齊住會好過同佢兩個女仔..anyway,等星期六睇完屋先再講啦

男同女做人分別都幾大.大部份女仔總比男仔跟跟計較.有時女仔請男仔食野,會限住男仔拎幾多,有時拎多左就會講,嘩!!你拎咁多我唔洗食咩~.~但有冇諗過男仔無時無刻都有野食請你地呢,就算你拎幾多都冇乜所謂.有時又話男仔冇風度,咁女仔呢??好多女仔都只看眼前利益,有冇諗過附出少許,收益更大呢.我諗咁多成功ge bussiness 都係man..又成日抄晒貴咁,有時同你地講野又串到爆.有咩事就唔出聲發脾氣.....唔講啦,再講落去真係攪基都似.