今日我一早起左身,因為我地去機動遊樂場玩.我地轉左兩輔車,終於都到啦.

落左車,我地已經感受到陣陣寒意.澳洲的夏天好似咁快完ge?意味著我今年的水上活動要結束啦.唉......好彩今日著左褸,如果唔係一定好難受.

開始我地玩用腳踩的過山車,打算暖一暖身ma....哈哈,之後去左玩小型賽車,都ok好玩ge,係慢左小許,如果再快一點就好啦.之後去左玩海盜船,都還可以ge.之後我同阿ming就換左泳裝.因為這個機動遊樂場有一個小型的水上樂園.好彩下晝開始有少計陽光.,比較暖少少.我地玩左好多次滑水梯.而女仔們就幫我地影相....d滑水梯比水抱玩,所以會比較有趣.之後我地又玩左其他機動遊戲.有洗衣機啦,過山車啦,其他等等,臨走時又玩多幾次小型賽車.一路開車一路同阿ming研究點轉彎.

When we moved off, the weather was not very good. There was a bit rain. It was fucking cold. I dont like this feeling. I could believed I swam before. It was impossible.

Now I want  to try my daily write in English.  it can improve my English and i had promised my Switzerland brother, so can let him understand what did i do every day. He said that he would come to my homepage. Nonetheless I am not sure he will do that or not. Of course, my crammer isn't 100% correct, but I will try the best. Until now, I think my English is till has a lot of problems. It probably I always use Chinese in my life in Australia........Anyway, I must improve my English, because i dont want to let my parents disappointed.    

之後出左city搵佢地,然後行左一陣街,去左nike 專門店睇野,有好多野都大特假,雖然睇中左好多樣野,但係最終一樣野都冇買呀呀,都好,可以save多d money

now 睇緊阿爸寄比我的廣東十虎劇集,都幾好睇架

因為上次學校停電,我今日要返學補返miss左果堂economic.唔知係唔係仲係假期當中,今日好多人都absent呀.

放左學去左city搵阿ming, martin, corey 佢地.之後去左食lunch,然後再榪左陣波.

今日係一個韓國女仔生日,我以前應承過佢係佢生日時買朱古力比佢做禮物.哈哈,返到p.i.c.e送左份禮物比佢,佢開心時我又開心.

返到屋企唔係同阿ming打機做係睇碟~.~............仲有,打返香港都傾左好耐呀

tomorrow 阿ming要去canning考試,anyway try the best 啦

之後打算去唐人街租vcd睇,點知租租下都唔知睇咩好,然後我地冇租到,去左飲野.

之前我地約左程露去pub,但係yesterday我地去完,所以唔想去,但係佢死都要我地去,佢話今日好唔同.我問佢點解,原來佢今日有個日本妹幫佢化左妝,諗住落pub時比我地睇.咁我地話唔想去啦,之後佢又話咁不如唱k啦.....~.~之後最終決定黎我地屋企食飯.

今餐輪到我煮飯.....唉.....食完飯後我地又玩左陣遊戲.攪笑...

今日DHL 會送包裹來,所以我要走下晝堂.好彩下晝係英文堂咋.now我發覺其他主科ge堂你miss左一堂就會miss左好多野,所以唔可以咁輕影就miss堂,唔係就好難追.放左學我地去左飲茶,飲完茶我就回家啦.同jojo佢地果班 friend,其實同佢地唔係咁熟架,所以飲茶時佢地有佢地講,我地有我地傾.

之後一路溫accounting,一路等包裹.突然聽到有車聲.原來係DHL 送包裹黎呀.收到份包裹,我已經急不及待拆啦.....我見到趙子緯比我的billabong surfing shorts,又有幾件風褸,又有媽媽寄來的烹飪書,哈哈,等我試下煮其他餸先.

之後Lydia打比我,約左夜晚落pub.

溫左陣accounting,訓左陣 大約2個鐘左右.之後阿ming返到黎,食左個晚飯後就出去啦.

今次我地miss左班車,要行出去city.我地咪又要係街上搵supermarket ge 手推車law.然後一人一架,行用滑板的原理,滑出city.我地將大約半個鐘的路程縮短至15分鐘....哈哈,不過比人見到一定笑死.

出到city,會合左佢地.然後去左pub~.~之後叫左一jar酒飲.之後就去左舞池玩.今日唔知係唔係good friday 關係,有一個show.係有大約10個外國美女著得好sexy,係檯上扭黎扭去.然後又有一個復活兔出現,同一個美女揸住一枝竹,搵一些現場觀眾上檯玩遊戲,佢地要灣腰係竹下行過,都幾好笑架.之後又繼續跳舞.

玩完之後去左飲野.同食左碗雲吞麵.今次係第一次係perth食雲吞麵.不過原來係不知所謂架.

之後大家黎晒我地屋企,傾左陣計就訓覺啦.

今晚william and 傳會黎我地屋企食飯......而martin食完飯就即刻要走.

今日我地終於都研究到點可以電腦連電腦打機啦,真開心,以後我地又多左一種樂趣啦.

最後william係我地屋企過夜.成晚我地無無聊聊咁渡過一晚.

但係夜晚覺得實在係太悶啦,所以打比martin睇佢地做緊咩law,點知martin同我講話佢同日本妹發生左d野,所以好唔開心.所以我夜晚就去左meg屋企搵martin.

去到,傾左一陣計.原來日本妹有左男朋友.....

之後同martin行返去northbright 搵阿露佢地唱k,不過我地去到佢地都差唔多唱完啦.之後去左榪波.今日成5:30am先返到屋企

放左學返屋企拎passport後再返home stay.瑞士仔同瑞士妹就快走.瑞士仔星期日就上機返返瑞士,而瑞士妹星期一就去澳洲其他地方旅行.所以今晚我地落pub.有我家姐啦,瑞士仔啦,瑞士妹啦,佢地瑞士的同學同埋我.其實我唔係話咁想去架,但應承左佢地咁就一定要做.

返到home stay都係有一種好似返林村ge感覺啦.返到去,瑞士仔話要去寄信,咁我咪同佢一齊去law.,一路行,一路講左好多以前一齊住的趣事.今晚的晚餐又係pizza...哈哈, Friday night, pizza night ma...食完飯坐左陣傾左陣計後我地就去左home stay附近間pub la..今晚都有好多人呀~.~好熱鬧,個瑞士仔一入到去就買左杯酒比我.....之後我又回返杯酒比佢,家姐狂叫我飲酒,話想我醉wor,又買左一杯唔知咩ge酒比我飲.飲到 我已經暈暈地,之後又同個瑞士妹去左舞池跳舞.大約11點幾我想返屋企啦.點知佢地唔比我走,話要一陣一齊去northbright再玩過.之後我咪call埋阿ming一齊join我地law.

我地分兩架的士去northbright, 我同兩個瑞士仔一架,哈哈,勁好笑,我地同個士機講價.之後我地係northbright會合晒所有人就去左另一間bar...我地今次去過間同disco冇分別,有好多人,都幾好玩架.之後我又再飲左一兩杯酒又再出過去跳舞.跳跳下舞突然音樂停左.原來佢地close啦.

之後我地行出去,見到有架巴士,原來去另一間bar,咁我地咪上車去第二間bar.落左車,原來間bar就係我屋企附近.入到去,都冇乜人ge.....有少少冇隱.幸好之後愈黎愈多人.今個晚上真係累呀...

大約玩到4點幾大家都話要走啦.今夜真特別.唉........今日係同佢地最好的meeting啦.雖然臨走時我約左個瑞士仔下次見面會係日本,因為一齊去搵miki.但..講就咁講,係唔係真大家都知啦.我們最後的擁抱佢同我講(you are my best mate in perth!)哈哈.多謝....you too....之後再同瑞士妹擁抱.........幾時可以再見返我的瑞士家姐同瑞士阿哥呢?

                                           白雲時聚時散,人生離合,亦復如斯

之後又去左永隆整上網 account.我地考慮左好耐,都係決定用56k上網啦,因為寬頻實在太貴同實在太煩.

各位去 www.skype.com download 個軟件啦~.~我可以同你地網上聊天.不過記住要買咪呀!

今日係信箱收信.好出奇,見到有好多野,全部都係for我架.原來係媽媽寄比我ge電視劇到步啦,哈哈,好開心,今次唔洗過海關,一個星期就收到呀.仲有媽媽寄黎的匯票,咁我就唔洗為錢財而擔心住啦.不過最估唔到係收到一個好朋友寄比我ge信.

睇完兩封信,有一種講唔出的感覺.唔係好識形容.不過睇完之後我即刻回信,你睇完應該會明白.

我地首先去china town買肉,但係我地買開果檔賣晒.之後我地打算去subiaco買菜.我地行行下見到william, johnny佢地成班.johnny同埋我地去買菜.

首先我地去左一間電器鋪買左個髮鏟for 剪頭髮.然後就坐火車去subiaco啦.去到,我地首先去supermarket買野飲.點知見到Lydia同martin love 果個日本妹.我地咪問佢地今晚黎唔黎食飯,佢地話黎.之後我去買左D生果同疏菜,又去supermarket買左幾枝可樂.又返返去唐人街買肉,然後就返屋企啦.

我返到屋企,執左陣屋後就去接佢地.佢地黎到我地屋企,四圍參觀左一陣,之後我地開始煮飯,正當我地煮飯時,佢地兩個企係我地後面,一見到有咩要洗就即刻搶左黎洗.哈哈.......原來Lydia唔識用筷子wor?.?真係奇怪,食完飯佢地幫我地洗碗,真係好啊,之前的人黎我地屋企食完飯就坐係到,不過都有d唔好意思,始終佢地都係客人ma.

佢地買左兩枝啤酒黎,咁我地玩左陣card game,輸左要飲酒.之後又玩左陣true or dead...係當阿ming轉中我時,佢咬住我唔放,一開始又問我鐘意咩國家ge女仔 ,咁我答佢馬來西亞law,之後又問我覺得Lydia點,我咪話係一個好女仔law,之後又問我有冇少少like佢,咁我咪話都有架,之後又問我將來會唔會有咩行動.唉......真係比佢玩死~.~不過都幾好玩呀.我地又幫martin問個日本妹野,個日本妹都好坦白咁答我地.不過應承左佢唔會同martin講返我就唔會講架啦

之後我地送左佢地去坐車,然後我地開始剪頭髮啦,我地係個balcony到剪呀,哈哈.......我個頭就比阿ming剪,而佢個頭就比我剪.不過剪完大家都幾好睇.我地仲染埋髮tim.查實我唔係咁like我個頭咁金架.不過家姐咁熱情幫我攪我又唔好意思推佢,咁我又冇為一搬左屋就染啦.所以未過一排先染返.但係染完依然係好金...算啦

留學的生涯真係多采多姿,我地又多左一樣世藝啦,我諗之前的憂慮都是多餘的

出到city,去機鋪會合返阿MING佢地,然後去左陣網吧.之後阿露(阿anson ex-gf)黎左搵我地.佢話佢想搵阿ming剪頭髮wor.佢同埋佢另一個friend黎左我地屋企.我ming一路係咁幫佢剪,佢一路佢咁驚.真係笑死.

阿ming話唔洗打電話返日本搵佢條女,咁成晚我就可以用電話啦.之前我地買ge肉都食晒啦,今晚我地要食罐頭餐...

夜晚同阿ming打aoc打到成4點幾.都仲係未識點用電腦連線.

不久就開始上堂.個老師係一個華藉女子.不過講英文都好快呀.好唔習慣用英文聽書呀.而且佢教得又好快wor.我係香港又咪讀過accounting,不過開始對accounting有少許興趣.上到11點就放學啦.

之後我同nathan去左買書.一本書成$300左右,真係極之貴.之後又去左食lunch.然後就陪佢行去canning搵佢gf,而我就行去canning搵marttin. canning係一間high school.好多p.i.c.e 同學都係果到讀.去到canteen,我就見到martin 啦.真係開心,係一個陌生的環境中見到一個老朋友是何等的快樂呢~.~

之後我又要行返去curtin 上英文班.英文班都幾多人上.不過教d野仲悶過p.i.c.e.....大約4點30左右放學啦...

返到city,去左屋企附近果間什麼(如鳳之手,中國武術)到打算報名做健身.點知今日冇人.佢咁就損失左一單生意啦.唉..覺得自己愈黎愈肥呀.有d牛仔褲著得好緊.之後我打算跟nathan去join 個fitness center學埋boxing.

返到屋企同阿ming跑左一陣步.

我打算從聽日開始唔會再同香港人一齊坐架啦.同佢地坐,我又唔洗講英文,又識唔到其他人......我開左幾日學,一個外國人都識唔到呀.

返到學校就開始搵課室啦.搵左好耐,終於都搵到啦.一入到去,就見到一個幾似香港人ge人,咁咪問佢where are you from?佢答我香港,咁就好辦事啦,我地就即刻用返廣東話啦.

今日上communication skills.其實我都唔知係咩黎架.一上堂,阿sir就講左一大輪英文,之後就叫我地抄notes.內容係關於作為一個學生,怎樣可以分配時間,怎樣可令成績有進步.之後就叫我地寫essay , topic is ( Does money can make happiness ).阿sir叫我地小心捉個topic. 雖然好easy ,但係其實好難架.

阿ming原來去左唱k,今晚我煮飯.yesterday食淨好多飯,所以我決定炒西炒飯.炒得又幾好食wor.哈哈...愈黎黎覺得自己煮野好有進步呀~.~

我去到city bus stop 時撞到jo jo,所以就同埋佢一齊坐車返curtin啦.之後我就去搵我個班房.好彩今日同阿meg一班.都好,第一天有一個熟人.

不久開始上堂啦.個阿sir講英文講得好快呀.佢都唔就住我地ge~.~同p.i.c.e好唔同呀.我好努力去聽,聽得到5成左右.不過都好,佢就住我地黎講,我ge英文反而唔會有進步呢.之後佢派左d work sheet 比我地做.哈哈,都幾淺架.全堂,我淨係識左一個台灣女仔.唉..........

放左學大約12點左右,之後我去左computer room 用電腦.唔好意思,咁耐都冇upload daily 同send e-mail,因為近期冇機會用電腦.終於都收到家榮send比我ge相啦.諗返起佢地果日黎送機真係開心.仲好記得那天發生的事情,但係好後悔冇同屋企人影大合照.

返到屋企大約3點左右,食左個lunch然後訓左一陣又出左去啦

今晚我要返homestay食飯.去到warwick火車站,我見到瑞士仔個friend同佢mother.原來佢搬左去我home stay 到住,仲要係訓我間房添呀.返到去,我見到home mother係到煮飯,唔知點解見到佢好開心,好似好有親切感,有一種返林村的感覺.坐左陣,兩位家姐同home father都返齊黎.真係好開心呀~.~

之後同佢地榪左陣波後食飯.我向佢地交待一下我近期的狀況,又交待一下係curtin的情形.家姐仲問我多唔多女仔,問我有冇睇中一二個添,真係比佢笑死.之後同家姐榪波.佢問我咁耐冇見有冇咩想同佢講.咁我咪話 i miss you very much.之後問返佢有冇咩想同我講,佢同我講原來我走左之後,瑞士仔,瑞士妹都喊過.而佢話佢自己有幾晚訓唔著呀...我聽到好感動呀.

之後我家姐車瑞士仔佢地去pub同車我返屋企.佢又係north bright果到接瑞士妹.瑞士妹見到我好開心,仲攬住我kiss 左我一啖.之後佢地黎左我屋企參觀.不久佢地就揸車走啦.佢地走的那一刻我好唔捨得呀.

去到海灘,我地買左lunch.食完後開始落水玩啦.我同阿ming起初想玩board ge,但係浪又細,連滑沙都玩唔到.之後我地唔玩board 啦,同佢地玩左陣潑水,又玩左陣潑沙...之後就返返去坐啦...影左陣相之後,我地走啦

正當我地行去train station途中,有架巴士係我地側邊經過,個巴士司機問我地去邊,咁我地咪話去坐火車.之後佢叫我地上車,免費車我地去,咁係太好人啦.當佢經過紅綠燈時,竟然吹口琴,咁我地咪拍手掌,佢之後係到yeah~.~都幾攪笑架.

其間有個不知名男人成日打比kelly, 連kelly都唔知佢係邊個.佢話已經打過好幾次啦wor.咁我咪叫佢比我聽,同佢傾下計law.傾到上火車時我唔記得插卡,坐坐下火車竟然有人黎 check ticket.我見到果d人先知我唔記得插卡.嚇到我死呀,好彩阿ming係後面比左張ticket 我,然後再比佢睇,咁先過到骨咋,真係好好彩.如果比佢發現就要罰錢,而且仲係好甘添.

返到city,我地去左china town 食飯.今次我地去試新野,冇去華記啦.不過都唔錯ge.之後我地去左榪陣波.然後大家各自歸家啦

我地去到beach,玩左一陣board後就返上岸啦. 因為今日完全係冇浪,玩唔到surfing. 之後我地咪行下個beach,睇下見唔見到熟人. 行行下見到jun同佢d friend啦. 之後我地同佢出左海. 我地玩 body board, 而佢就玩surfing board. 我地等左好耐,一個浪都冇咁濟. 之後我放棄唔玩surfing啦. 我坐左一陣,又玩左陣滑沙. 之後就走啦 ~.~今日係去咁多次beach最無隱的一次.

之後我地返屋企.開始煮飯.今晚阿鋒同martin會黎我地屋企食飯. 食飯係其次,其實我地想同阿鋒傾下計. 當然係小佢果種傾計啦. now 個個見到佢都好似見鬼咁樣. 我地睇唔過眼,唔想佢再咁落去,咪打算今晚講晒所有佢不是的地方. 改唔改係佢ge事,可以做ge野我地以經做左. 可能係會好直接,但都為佢好.

我地食完飯去買左一打啤酒. 然後就開始傾計啦. 我地個個講佢都講到好火. 因為佢講左太多野黎辯護自己啦. 雖然佢講到眼濕濕,但係我地都好似冇同情佢.佢一路係咁講咁多野黎辯護自己,即係唔認自己有錯,一路推卸.~.~,講講下阿ming特然話唔掂,點知就去左toilet嘔啦.我飲完第2枝啤酒後都覺得好唔掂走左去訓覺啦

有好多人都話經常話你的朋友才是你的真正朋友,他們可以指點你地錯處,雖然有時可能唔會唔係咁nice. 其實句野真係幾正確. 其他人淨係避開阿鋒,有咩事就在背後話佢. 雖然我地做晒醜人,但係真心想佢好law. 始終都唔想冇左個friend ma

買到成5點幾,然後就開始煮餸啦,我同阿ming諗左幾味菜出黎,分別有1. 火腿炒mushroom,2. 雞肉炒西芹,3. 牛肉炒苦瓜,4. 炒椰菜,5. 蕃茄薯仔煲雞湯. 我地都好比心機整架,因為唔想比佢地彈啦. 仲有一個main point就係上次去完佢地屋企食飯,食果d咁ge炒烏冬,仲係冇乜料ge.竟然要我地比成8Ｘ6=$48. 極之貴,我地深信佢地有成機屈我地錢,所以今餐我地要報復.打算煮多幾樣餸,叫佢地比成$9×6=54,當然我地d材料好便啦.

佢地大約7點幾黎到我地屋企 .lily一入門口就問我地要比幾錢,真係好小家,都唔明點解當初我會對佢有好感ge. 之後我地就開始食飯啦. 佢地左彈右彈,又話冇鑊氣,又質疑我地有冇洗菜.....好唔nice law~.~而且阿meg又係到計我地買材料買左幾多錢.真係比佢吹脹. 我同阿ming入左房商量要調低價錢. 唉........仲諗住報仇,點知原來佢地有備而黎...算吧啦~.~

之後阿meg同lily話返屋企,唔想係到過夜.而william同阿傳就係到過夜啦.我地陪阿傳返佢學校宿舍拎電腦.原來佢宿舍係我地屋企唔遠.我地行行下見到有 supermarket 手推車.我地咪搵一個人坐上去,然後搵一個人推,都幾好玩架.

返到屋企我地成晚打aoc.打到成2點幾.但係我地研究左好耐,都唔知點可以連線一齊打.

之後就分組..我跟住我地組個組長去左一間房,然後就向我地講解啦.我個組有勁多印尼人,而且有d人個樣都幾似1,2個kyc 同學仔架~.~哈哈..之後我地去左揀科,選擇上堂時間...我一個星期返4日學,每星期一都放假,我特登揀星期一放假,因為星期一個人係特別累...每堂上4個鐘,每日上一堂..都好似幾輕鬆呀.我揀左好耐,終於都match到每日上一堂,咁個人咪唔洗咁累law.係星期四我上完堂再要讀英文,好彩curtin個英文班唔洗錢遮.

之後我地跟左jo jo佢地去食飯.然後影student card.之後就返返city啦.

我係supermarket撞到阿ming,同佢買左一陣餸就返屋企啦.本來今日我地負責煮飯架,點知佢條女話要煮.佢條女煮d野食真係好得..不過佢星期六要返去日本成個月呀~.~到時就真係要我同阿ming日日煮飯...唉...,

去到curtin我唔會再識咁多香港人,因為同得香港人玩得多英文一定唔會有進步.而且我感到下一個星期會好新鮮,因為curtin上堂方式好似大學咁,而且又可以識到新同學...下個星期快d黎就好啦...等我識多d馬來西亞妹先~.~哈哈..............