之後去左大中買levis. 終於都忍唔住買多條啦. 鬼叫特價咩, shit!!

之後好悠閒咁返左屋企睇火影, 好睇好睇~.~

夜晚舅父杰請我地成班去稻香打邊爐呢. 首先我去搵一搵曉兒. 比左份生日禮物佢. 原來佢又剪左張剪紙藝術比我呢. 好靚~~~等我遲D買左相架入住佢先得.哈哈/////我地成9點先去稻香, 因為有特價ma, 哈哈........所以個個都好肚餓. 叫左好多野食, 成檯都係呢~.~, 我食左好多野, 頂住個肚都好辛苦呀..打到成11點左右就各自返屋企.

俊汝今日返左黎, 約左佢落黎傾計. 一見面佢送左少少禮比我, 你真係客氣呢, 哈哈~.~......同佢坐左一陣就返屋企啦.

返到屋企同阿U傾電話, 佢幾時都咁攪笑的啊. 明天的約會不要放飛機呢.

之後佢去左返工, 我去左大姨屋企拎魚竿. 姨丈仲比左好多釣魚用具我. 真係好呢. 去到澳洲又可以多一樣免費的活動. then去左大埔墟配眼鏡, 本來睇中左副FX, 但係好有太陽眼鏡feel, 之後都係揀左副較斯文ge.

返到屋企睇火影, 好睇好睇.

今晚係屋企食飯. 食完飯睇左陣TV. 之後去左高佬屋企睇佢地打機. 打打下佢地話落平台坐下. 同劉澤文都幾好傾. 比佢講一講, 覺得自己好似冇乜自信呢..... 究竟我係唔係真係咁冇自信呢? 點解一次又一次................唉........

之後去左train station 等趙子緯. 本來打算去rainbow呢, 點知佢唔想, 咁我地就係7仔買左少許飲品係平台傾計. 佢個返工look睇落去成熟好多呢~.~...哈哈, 起初見面時大家係到講笑, 鬥串. 傾到正經野時大家真係好認真. 佢出左係社會做左成幾年野. 從佢口中, 社會真係對我黎講充滿好奇+神秘. 我好like佢教我的人生如遊戲, 正如大富翁一樣. 今日唔知聽日事, 今日行一步, 聽日可以進數步或退數步.

後記: 今次返到黎, 好多朋友都成熟左好多, 而且仲係明顯果種. 而往的天真不知跑到那裡. 雖然我覺得自己比去之前成熟了少, 但感情方面仍是太嫩啦. 人重要有斷時間變得成熟的, 若果下次回來, 眾人是否變得更更更成熟呢?? 奇待奇待.......

出到黎社會, 錢真係咁重要咩?

今朝係太和火車站會合grandfa 同 grandma. 然後一齊過關去深圳. 過到去, 我地去買廣州的火車ticket. 坐左一個多小時就到廣州啦~.~ 不久爸爸的朋友(馬總)揸車黎接我地去酒店check-in, then 去食lunch. 馬總叫左碗湯好好飲, grandma問佢係咩湯, 咁佢就話雞啦, 鴿啦, 烏龜啦, 蛇啦. 媽媽一聽到有蛇即刻有好大的反應. 因為佢好驚蛇, 最後我幫佢飲埋碗湯. 今餐都幾好食.

之後佢車左我地去地鐵站就走啦. 我地起初都唔知行去邊好. 我醒起上網睇有條街有好多獅頭賣. 咁我地決定一路行一路搵啦. 經過間sport centre, 買左件風褸. 然後又一路行一唔問人. 行行下, 終於都搵到啦. 每間野都有好多獅頭呢. 原來好平架, 一千左右成套. 如果第時我都會買返隻掛屋企先, 哈哈~.~, 又有麒麟頭~~ 間間我都睇晒啦.

之後一路行, 去到上下九路. 好旺. 同東門差唔多. 我地去左kfc tea. 見到有個男人傾起垃圾筒側邊收集膠樽. 唔出奇, 最出奇係百事果D可樂杯都要. 即係好似M記可樂果D杯呢. 爸爸懷疑佢地可能會洗乾淨佢地然後再用, 賣比人飲. 於是佢地叫我攞個kfc 可樂杯比佢, 睇佢要唔要. 我行到落去, 已經有兩個人鋒勇而來問比隻比佢得唔得, 我冇理佢, 繼續行. 我比左隻杯佢, 然後佢將內裡的可樂倒出, 收埋隻kfc 杯~.~而爸爸佢地就從kfc 望住整個過程呢.

之後會合佢地, 今次我地打算行去長堤, 睇珠江河. 珠江河同城門河差唔多咁. 不過有遊河船. 行行下己經黃昏啦. 我地去左食飯, 是但搵左間酒樓. 不過都ok ge. 食完飯我地繼續行珠江. 有好多好似維港咁幫人影相. 原來$10 兩張, 咁我地咪影左law. cheap 呢~.~ 話時話, 今次返到黎, 冇去過維港睇夜景呢. 臨走時一定要去一去!!

之後坐taxi返酒店. 爺爺返去訓覺先, 而grandma, father, mother 同我去左桑拿+按摩.行左成日路真係累極了呢~.~, 個經理話比$50 tips. 爸爸咪鬧佢地, 未開始就講比幾錢tips, tips 係用黎獎勵, 好固然會比多D, 唔好可以$1 都唔比. 之後按完, 好彩都冇乜衡突.

返到酒店聽左一陣歌就訓啦.......唉.........今晚每首歌, 我都好清楚地聽下每一句的歌詞.

星期一:

今朝9點多就起身啦, 去左酒店隔離食早餐. 我食左好多甜品呢!~.~ 好好食, 好正. 人人話食在廣州真係冇講錯. 之後就check-out.

我地約左雄偉返食lunch, 佢係爸爸以前的一個結拜兄弟. 對我極好極好. 不過我都有成10年冇見佢啦,哈哈.....去左廣州酒樓等佢. 佢黎到, 爸爸同佢傾左好耐計. 咁耐冇見ge兄弟梗係多野講啦. 雄偉叔仲話一個月講ge說話冇今日咁多tim. 佢仲叫我有時間去佢部隊住幾晚, 比槍我打tim. 哈哈.....不過我都冇時間啦

之後我地坐返火車去深圳啦, 坐火車時狂問grandma客家. 去到成4點多. 係火車站會合左叔叔, 爸爸同媽媽去睇樓先, 而我就同grandma and 叔叔去華強路先. 我地今晚係譚魚頭食飯. 果間野食魚頭好出名. 好好食, 而且食法得意. 愈黎愈like 返大陸食飯呢. 又平又好食,哈哈.....

之後叔叔去東壺, 而我地返返香港.....

如茵同我講1/7 去踩單車, 小學同學又話1/7 BBQ, 林村又話1/7武僧表演, 姑姐又話1/7請食自助餐, 媽媽又話1/7同gueeie 姨姨佢地上大陸, 究竟1/7 點好呢..........

首先我地去左搵師伯飲茶. 比左手信佢. 然後去睇間屋, 間屋都裝修得7788 啦. 效果都好好呀. 之後師伯開車帶我地買燈. 當時又累, 又熱. 人都炆呀.

返到太和, father 去左食麵, 我又唔想食咁多野, 去左街市買小食. 好食~.~

之後返左林村. 小白永遠都咁熱情迎接我, 真係有點不好意思呢, 我從澳洲又沒有買什麼比牠. 牠永遠都愛用牠的舌頭舔我的身體, 有時真的受不起呢! 不過我絕對明白牠是出於熱情呢~.~

有個客人黎林村, 以前住起grandma 佢地附近wor, 不過我就唔識啦.

食飯好好餸呀~.~........grandma 煲的湯好靚好正.

之後陪grandma 推車仔去拎荔枝, 因為偉仁叔工係大陸買左好多荔枝比我地. 我地推推下, grandma 叫我唔好行住, 我望一望, 原來又有係蛇仔係前面.../.\ 真係好想打死佢呢. 偉仁叔工話想請我食飯. 不過冇時間推左呢, 唔好意思. 突然覺得自己是一個大忙人, 好多長輩都未見, 而且佢地搵我食飯我都話唔去, 好唔比面tim.

返到屋企拎左d 荔枝比姑姐. 同佢傾左陣, 約我7月1日去唔去食自助餐, 爺爺又話7/1有幾個少林武僧黎林村表演~,~.....煩呢..

夜晚阿發同佢阿媽講唔掂數, 唔比佢過Australia. 佢想我幫佢同佢mum 講, 咁我上左去佢屋企. 佢mum有佢ge觀點, 我有我ge意見, 傾都傾到冇心機傾.

聽晚要上廣州, 早D訓

之後曉兒陪我去食lunch. 然後係大元會合朗兒. 之後一齊坐74x去apm. apm比朗豪坊好行好多. 而且都幾多野行. 曉兒見到幾個中學同學. 希望佢bf 唔好怪佢啦. 我地仲去食tea, 個tiramisu strewbarry cake都幾好食. 諗住影張相, 點知相機冇電. 於是我走左去買兩粒勁量. 點知唔夠兩分鐘, 勁量竟然變左empty >.<...唉~.~.....之後我地繼續行. 好多野都好想買呢, 但又用左好多錢....算啦~.~.....一樣野都冇買過. 除左買左兩粒勁量之外.

之後出返去打算影貼紙相. 但係唔知邊度有. 行左好耐都搵唔到, 最終放棄左啦.

之後佢地話想睇情迷黑森林. 所以搵左間有得睇電視ge restaurant. 但係又唔好意思咁早入去wor. 咪係M記門口呆坐左30mins. 佢地係restaurant睇電視睇左成個幾鐘. 我係出面呆左坐一陣, 唔係因為悶, 係因為有好多野好煩好多野諗呢.

坐車返大埔時曉兒竟然影左我幾張我訓覺ge醜態, 朗兒的大笑令我感到不安...哈哈,  太可惡啦~.~ 好彩最終我都delete左.

夜晚搵左阿發係下面坐. 本來打算坐一陣. 點知佢話想過澳洲, 咪同佢講解+我ge意見.

返到屋企見唔到bf online ~.~, 突然收到佢ge sms, 真係令到我內心微笑....^.^

後記: 中秋走左啦, 令我在香港的日子失去左一點兒色彩. 曉兒: 你陪左我一日, 希望唔好影響到你同你bf. 我唔會再愁眉心鎖架啦~.~ 阿發, 如果你想過外國, 你屋企人一定會支持的, 如果你有咩想我幫, 我實樂意的啊, 要為自己未來打算!!!~.~  bf: sms 真係幾好, 得閒我地用多D sms contact 啦

見到鍾sir, 佢都冇乜點變, 一樣同我地咁close. 仲話遲d有個big party. 希望我可以去啦.

之後約左中秋出沙田睇頭D. 出到去有勁多人, 排左勁耐隊. 買左4點30 個場. 我地去打左一陣機先. 頭D比我想像中唔係咁好, 我覺得佢內容唔多. 冇乜劇情呢~.~

之後中秋要出去同屋企人食飯. 我返到大埔幫阿Ming比野公仔. 終於都幫左佢呢個忙啦. 唔洗再咁煩~.~

今晚可以係屋企食飯. 開心, dad同mum 更開心. 原來有好多人都交左學費啦. 有D緊張, 因為我唔係好清楚點交ma. 於是咪四圍問人law. 好彩最終都識咋...

之後同中秋去左翠屏打機. 後來劉澤文都黎埋. then 又去左陳漢記食宵夜. 去左公園坐左陣.

後記: 中秋聽日就要走啦. 真係好唔捨得. 情侶間的擁抱代表愛的所在. 朋友間的擁抱代表離別的愁緒. 臨別時我倆輕輕的擁抱,身體是無比的接近. 但分開後, 我倆就是天角的一方. 我重愛情, 亦重兄弟情. 我是一個重情的人. 老實說, 我討厭這樣的擁抱.

然後換衫出大埔墟拎回鄉証, 拎con, 好彩佢話我副con 冇問題咋. 之後係公園仔會合阿發. 然後一齊出旺角. 劉麟又話整電腦要遲d, 中秋又有個lunch 飯局要遲d先到. 我同阿發出到去旺角打左陣機. 然後會合高佬, 去左朗豪方行街. 朗豪方比我想像之中差. 人人都話唔好不行, 原來係真ge. 仲有鋪頭又唔係咁arm我.

之後會合左中秋同劉麟. 行多陣旺角然後過左尖咀打機, 我同阿發打到唔願走呢~.~ 唔係book左檯食巴西燒烤我地會繼續打. 佢地拎左檯先. 阿茵都黎埋. 一路係咁食一路係咁傾, 佢地又睇我澳洲ge相, 我又好長細咁為佢地分析, 哈哈....又玩下IQ 題. 成班老朋友一齊食飯好開心, enjoy.

之後高佬送阿茵返屋企. 中秋+發+劉麟+我繼續打機. 打到成11點幾 . 然後我地返左大埔北京榪波. 唉......都冇乜心機榪波. 之後阿發同劉麟聽日要返工走先.

我同中秋去左陳漢記食宵夜. 傾計傾計傾計傾計傾計傾計

後記: 講真, 今日真係好開心. 好耐冇咁齊人一齊出黎啦. 回想係小時候的我們. 如今每人的的確確成熟了不少.

中秋, 今晚同你係陳漢記真係傾到唔願走. 我感謝你今次特意為我從星加波返來. 我好享受同你係香港的每一分每一秒, 唔係講笑. 我份人一向都係咁真, 係兄弟永遠都係兄弟, 我記得你講的啊. 希望我同你講果個願望我地將來會實現. 下次見面...............不時是何時何日. 係星加波比心機.

When I was young I'd listen to the radio, waiting for my favorite songs

When they played I'd sing along it made me smile.

Those were such happy times and not so long ago, how I wondered where they'd gone.

But they are back again just like a long lost friend all the songs I love so well.

Every sha-la-la-la every wo-wo still shine,

Every sing-a-ling-a-ling that they're start in to sing so fine.

When they get to the part where he's breaking her heart it can really make me cry,

just like before. It's yesterday once more.

Every sha-la-la-la every wo-wo still shing,

Every sing-a-ling-a-ling that they're start in to sing so fine.

爸爸上左大陸, 自己煮左隻稯食做lunch. 之後同黃曉晴+以前係林村住的一個朋友(now搬左去英國住)+佢一個英國朋友去左沙田萬佛寺. 落雨濕濕, 行一條極長的樓梯真係要命呢......點解每次我都咁鬼黑仔架?? >.<

好早就返左屋企啦, 正當我煮下午茶時, 謝太突然買左個下午茶比我, 真係多謝晒+唔好意思呀.

夜晚同屋企人去左隔離屋村食dinner. 終於可以陪屋企人呢. ~.~

大約12點幾搵阿發. 佢比以前成熟左好多. 都係一件好事黎ge.......

期待明天的飯局

之後出去尖咀. 我一時醒唔起now可以坐火車直接去到尖東, 所以好柒咁坐271出去. 點知塞車塞到想死. 要佢地等真係唔好意思呢. 今次我地有Maggie, Endy, Kitty, Candy, Joyce, Edmond 同我 7個人. 起初諗住上山頂, 但係唔會.

之後去左食lunch, 我地每個人都有同樣的煩惱. 就係之後去邊好呢? 最終決定左去唱K. 唱k 唱左成3個幾4個鐘. 之後去左海港行街. 女仔佢地有好大收獲.

然後我地去左禾民食dinner. 食完好似冇食過咁.哈哈, kitty 話要走先. 之後我地本來話要去黃埔食甜品. 但係唔識坐van仔. Then 我地去左影貼紙相.

然後就各自返屋企啦. Maggie返大埔, 所以同我一齊坐271走. 陪佢去搵佢表妹, 起初打算去rainbow食糖水, 但係好似星期一唔開. 咁佢地返屋企. 而我就返新達等中秋. 行行下突然有個女仔大叫溫駿揚. 之後我望左好耐, 好似唔識佢wor~.~ , 佢就同我講你唔認得我啦, 我係你表哥條女呀~.~, 哦, 原來係佢, 真係唔係好認得tim. 行行下又見到表哥同何家權. 攪笑呢!!

等左好耐中秋, 之後去左北京榪波. 榪到成2點左右, 同佢坐左陣新達. 吹左陣水.

發現我對con 乾左. 唔知仲可唔可以帶呢.

之後坐車去禾坑搵師父. 哈哈, now 好多小朋友跟師父學功夫呀. 個個都叫我做師兄有點兒唔習慣tim. 因為以前最細係我架ma ~.~ 師父要我耍功夫比佢睇. 我咁耐冇操, 都交唔到功課tim . 真係唔好意思, 令師父失望.

然後開始燒野食啦. 好耐都未試過香港bbq 啦. 哈哈, 一路燒一唔傾. 同成班師兄弟咁耐冇見都真係幾好傾. 我地好似仲friend 過以前tim. 我亦都睇過狄偉師兄扎ge麒麟. 好靚. 都幾好舞. 你叫我扎我真係冇從入手啦. 原來冠偉師兄又添丁. 真係羨慕呢. 燒左成幾個鐘. 大家都食到好飽啦 ...~.~, 我地入左去玩麒麟. 仲拎狄偉師兄隻麒麟黎舞+影相. 攪笑.

後記: 踏入禾坑竹林, 重游舊地. 學武的地方, 教武的師父, 伴武的師兄弟. 令我更確定自己是江西竹林派的傳人. 雖然學武時間並不是長, 但這是一個美好的回憶. 臨別一刻, 下次見面是何時何月呢?

真的突然感覺淨餘的日子不多, 香港這場夢快將完結? 不是吧,........... 臨走的一星期我會花多一點時間在屋企人身上.

之後同高佬+佢gf 係下面泳池泳水. 都幾悶架, 可能now 對泳池水冇乜興趣啦. 泳泳下自己一個坐係沙灘椅諗野. now真係好多野諗. 又諗下天, 又諗下地.

6點左右去左咖哩屋食飯. 因為聽日係父親節 ma, 叫埋爺爺同grandma. 好耐都冇來過啦, 裝修左靚好多. 佢地話六姨婆9月可能會返黎, 我都好想見佢呀~.~.....不過冇機會啦.

後記: 返左黎香港都有成6日. 但感覺愈來愈淡. 當初見到老朋友時感覺真係好濃. 雖然有點兒生疏, 但係感覺始終好好. 好有一種期待的感覺. 但係依家確實係淡左好多. 夢的感覺續漸消失了. 怎樣才能找回夢一般的感覺呢?? 真係好 enjoy 獨個兒再發愁呢.

之後去左王少青診所搵公公. 然後搵埋大姨佢地去飲茶. 去左間新ge酒樓, 都幾大間呀~.~

然後爸爸上左大陸. 而我同中秋去左北京榪波.

夜晚同葉sir+跆拳的師兄弟食飯.

之後同阿Ling, 蟹鉗 ,老虎 , 志明, 東偉, 智傑佢地去許留山食甜品. 其後一齊去左igame. 家榮都黎左. 好開心見到佢.

大約1點左右, 我地班男仔坐左起富善傾計.

有兩日冇見過媽媽tim ~.~....佢放工我又出左去.

感覺有好大分別呢.....

原來過關可以check指紋 啦, 起初唔係好識用, 要後面果個等我勁耐. 哈哈....... 去到大陸關. 條友問我叫咩名. 我咪同佢講溫駿揚, 之後佢同我講( 你即刻返香港 ), 我頂!! #.#我問佢點解, 佢話你張証過左期唔知架咩? 我問佢有冇咩方法可以過? 佢同我講( 冇呀, 即刻返過去.) 仆街, 態度串撚到...........即刻灰晒>.<.......佢兩個又過左. 之後我未逆行返香港. 點知又比過大陸人叫停我. 我同佢講, 我回鄉証過左期, 有咩辦法. 佢叫我過對面中旅整張一日來回証, 不過要成$500, 真係明屈. 但冇計. 雖然阿媽好唔同意, 但係我都係決定左整. 中秋24 號走. 而且好難得先有咁ge機會. 我返黎都係想開心. 算啦 /.\...

攪左半個鐘. 係閘口會合返佢地, 之後去飲茶. 諗返起真係好肉痛呢. 不過之後飲茶時好開心, 你串我, 我串你......兄弟就係咁, 大家串黎串去真係好開心. 講下大家近況. 已經覺得果$500 係值得.

之後落好大雨. 我地決定去搥骨先. 係正宗果D !!.....高佬帶我地去左東方夏威夷. 果度仲可以榪波呀......發覺自己去左澳洲後普通話有進步, 至少我敢同佢地講普通話. 同佢地都幾好傾.

之後我地會合左我阿爸睇一睇間屋. 間屋真係好大好正. 不過唔知幾時先可以住呢. 真係好想睇下裝修完個樣係點架.

然後我地3個再過東門行左陣, 又打左陣機.

之後去左洛園路食飯. 成日真係玩得好開心. 不過始終時間唔夠, 可以玩耐d就好呢. 玩完其實都有少許唔開心. 因為今次的過程已過去, 又要等下一個的期待....

返到新達, 同中秋係運頭塘條知橋坐左陣

中秋冇以前咁肥wor. 都有成年幾冇見呢位兄弟啦. 本來佢冇打算返黎架. 不過佢知我返黎, 佢咁arm 得咁 Q 係星加波又有假, 所以返一返黎見我. 佢24 號就要走啦. NOW唔同以前, 相見都唔係咁易. 唉.........

我同佢去左旺角食飯. 之後去左榪波. 仲諗住厄佢波鐘. 點知佢榪波都唔差WOR. 我比厄返轉頭, 真係可惡. 係波樓同佢影左幾張相, 想放係日記得唔得, 因為冇拎條繩返黎, 真係柒啦.

之後落大雨, 都冇乜心機四圍行啦. 我地去左電腦廣場買野, 同阿Ming買左個MP3, 又買左兩個web cam, 又買左少許CD-R. 突然劉倫打比我問我係邊. 原來佢係旺角. 佢join 我地之後一齊過左聯會. 佢買係pc 電話繩, 我買左隻westwood 耳環之後就閃人啦.

9點左右就返到屋企啦. 家庭樂左一陣. 之後試下個web cam. 原來又幾好玩wor. 哈哈~.~

夜晚同Maggie 傾電話.

明天上大陸, 真是期待.

之後返屋企拎野比Ming媽. 同Ming媽講左兩句.

然後同爸爸去左風水球場睇獅. 聽到鑼鼓聲真令我熱血費騰呢. 之後我地行左陣超級城. 買左兩件衫. 超級城變左好多呀. 比8個月前.

經過清湯腩就買左碗腩米

返到屋企攰得肯. 訓左陣, 仲竟然發夢, 個夢成真就好啦~.~....

今晚dinner我煮左矮瓜炒豬肉比爸爸媽媽食. 佢地話幾好食wor.

大約11點左右約左劉倫去rainbow. 好耐冇見過啦, 哈哈. 每次見到好耐冇見ge朋友總是有份生疏感. 不過食rainbow 時真係無所不言. 之後我地買左少許酒, 坐係吉之島附近傾計. 之後有蚊, 我地去左大百佳果邊. 同佢傾計, 感覺到佢有一個好好的將來. 佢同其他friend唔同, 佢識做人好多, 有時際遇都唔係等, 係要自己爭取. 中7未畢業已經搵到個好碼頭. 我都plan 定我將來出黎條路先得.

之後去萬利買左碗車仔麵做宵夜.

之後同爸爸出左旺角. 去左佢個friend 間野剪+染頭髮. 攪左成2個幾鐘. 雖然話就話high light, 但係睇落去一d色都冇ge...

之後去左酒樓搵返佢. 佢同佢d同事飲緊茶. 我冇乜點食野, 因為一陣約左媽媽去食lunch. 我係佢公司樓下等佢, 然後同佢去左女人街一間日本野食. 都幾好食架. 唔錯, 內裡好有日本feel.

食完lunch, 媽媽陪左我去聯合買銀包. 終於都買左啦, 哈哈. 真開心. 之後佢要繼續返工, 而我就坐火車返屋企啦.

返屋企上左陣網, 比左手信謝太, 又同佢傾左陣. 佢話佢個女7月中會去柏斯2個星期左右wor. 之後我就坐車返林村啦.

返到去, 見到佢地都幾開心. 同爺爺, grandma 傾左陣計, 又用客家同太太傾計, 太太好似老左好多. 今餐dinner grandma 整左好多餸, 又雞, 又魚, 又有湯. 食到好飽. 好耐都未食過蒸魚啦.....坐左陣之後返叔屋企.

大約10點左右, 去左超級城搵朗兒. 本來打算去rainbow, 但係rainbow星期一唔開. 我地打算行過去好好甜品. 經過8號時, 見到風水球場有個戲棚. 我突然醒起呢幾日係大王爺誕wor. 之後我地去左戲棚睇左陣大戲, 見到好多公公婆婆係到 揸住把扇係到郁, 勁有幾十年代前ge feel. 原來明天有獅到會, 睇下明天有冇時間先得.

食完甜品, 我地坐左陣河邊傾計.  哈哈, 是虛還是實呢? 兩日前我先係澳洲同各位朋友傾計, 但兩日後我竟然住左起佢地隔離....

我地到左airport, 行左陣duty free, 之後去左食早餐. 上次到Perth airport係因為我要到一個陌生的環境, 今次我到Perth airport係因為我要回到一個熟識的環境.

之後入去禁區等. 原來Helen識得cinwala. 我地同佢一齊等上機. cinwala ge 負面消息我已經聽過啦. 佢同Helen 傾計. 我就去左打電話. 其實有d似上當年我黎澳洲時入到禁區都狂打電話咁.

上到機, 我地本來唔係一齊坐架. 但架機好少人的關係, 我地可以自由坐. 我地3個坐埋左一齊. 起初我地睇戲. 睇睇下我訓著坐. 之後醒一醒, 原來夠鐘食飛機餐啦. 食完, 坐左陣. 決定拎部電腦出黎打日記. 坐咁耐飛機真係悶得行. 之後我地玩鋤2 . 好唔容易終於捱到落機啦. 落機一刻見到四圍燈光閃閃. 真係好MISS 呀

我地落左機, 就出境同認領行李. 之後再出海關. 我地個個都係到問:(喂, 見唔見到呀?) 當然係指見唔見到屋企人啦. 突然我見到媽媽同爸爸向我揮手, 果種感覺好甜呀. 不經不覺已經有成8個月. 我陪佢地係airport ge 大家樂食dinner. 然後就坐巴士返屋企啦. 雖然我真的好攰, 但我更想細看香港的夜景. 真係美!!

返到屋企開始執野. 同阿爸阿媽傾左陣計. 佢地聽日要返工, 所以12點左右就訓左啦. 之後高佬放工, 我落去搵佢傾左陣計. Anyway, miss + happy 認容一切.

大家真係唔好意思. 我冇同大家講我今日返香港, 又或者大家問我幾時返我成日都話唔肯定. 我只係見第一次返香港所以比個驚喜大家遮. 如果大家覺得咁樣朋友的話唔夠, 冇話到比大家聽咁就真係唔好意思啦.

之後我地就一齊入試場啦. 份卷都ok難呀. 不過應該pass ge. 之後去bus stop等Martin. 然後就會合佢地. 之後我地坐34去左coles 買今晚party用的食物. 之後Ming突然打黎問我Corey去唔去得, 之後又再打一次黎同我講阿鋒又叫埋熙仔去. 要我問阿Sa比唔比佢地去. 攪到阿sa以為我地有d什麼serious野, 其實就係咁簡單. 講真我地都係被約, 我都唔好意思叫埋其他人去.

阿生, 肥雄, Bono 佢地出city買肉. 而我地就返去先. 我地係Curtin 轉車其間會合埋阿鋒同熙仔. 返到去, 我地睇左陣movie. 然後開始整野食啦. 整左好耐野食, 之後就開始食飯. 阿Ming 同Corey 放工後又黎埋, 仲拎左好多壽司黎tim 呀. 真係好啦. 食完飯, 玩左陣棋, 又玩左陣card game. 之後又玩遊戲. 阿生唔知點解冇出到黎一齊玩呢?

之後我地又玩true or dare. 不過玩玩下全部揀晒dare. 唔知係唔係我地坐果邊較黑呢. 我都中左好多次. 大約4,5 點左右, 班女仔去晒sleep. 得返我地男仔. 我地係到吹水. 起初都冇乜話題架. 不過後來講起cinwala , 一個cic 的名人後大家都感到十分雀躍, 對他的威水故事感到興趣. 哈哈.........令我諗起阿鋒.

傾傾下, 大家都唔知係咩時候訓晒啦. Candy佢地走時醒左一醒. 佢地今日就返香港啦, 真係好. 我聽日就可以返啦, 相信今日幾難捱. 我12點左右醒左, 之後叫埋阿Ming醒. 然後我地行出去等bus. 我地見到Candy 坐果架飛機係我地上空飛過. 好清楚望到係國泰. 哈哈.

出到city, 買完餘下的手信後就去左飲茶. 阿Ming講過話搵到工會請我飲茶. 其實一人一次咋, 我返到黎都會搵工, 到時咪即係我要講返佢law.

返到屋企, 同Maggie傾電話, 之後同阿Ming睇左套戲. 今餐又輪到我煮. 食完飯後又打返香港傾左陣. 聽日就可以見爸爸媽媽啦. 真開心. 唔知機場接機一刻會有咩感覺呢. 話晒第一次出門咁久. 之後同阿Ming 榪左陣波, 返到屋企msn, check 行李, 同阿Ming傾左陣就訓啦.

之後我同佢係學校榪左幾板波. 唔知係唔係張檯有問題. 唔洗錢可以任榪.

之後返返去考communication. 個個早完都早走. 得我一個坐到最尾. 份卷難我又唔係覺得難. 不過我溫左ge佢就冇出. 都唔知點算~.~ 我仲驚過econ.

Candy 決定黎打邊爐. 之後call 埋Maggie.

我地出city, 同Nathan榪左兩板波. 而佢地就打機. 之後我同Nathan去買野先. 可能太夜的關係, 大部份鋪都close左. 買齊晒野盲返屋企. 有Maggie, Nathan, Martin, Candy, Edmond, Endy 同我.

返到屋企. 我開始洗野. 而Nathan就教Martin打boxing, 都唔知係唔係Martin 學黎打我地. 以前我地玩King fight, 佢都係做比人打果個架ma~.~

突然Nathan 用好serious ge 眼光望住我, 問我係到住左幾耐, 又問左好多好玄ge 問題. 我都心知不妙啦. 之後我咪直接問佢你係唔係見到d 唔應該見到ge野, 佢話唔肯定wor. 哈哈......真係想嚇死我咩?

之後開始打邊爐啦. 今次唔洗好似上次咁要搶. 大家都好和平咁食野, 一路食, 一路傾, 都真係幾開心架. 唔知點解今次好快就食飽啦. 而且仲食淨左好多野, Martin 真係勁. 由頭帶到尾. 仲話得6成飽. 厲害厲害 ~.~

之後打算送佢地出去坐車, Maggie 話要等成個鐘先有車. 所以出左city 陪佢等車. 之後佢同Endy 坐的士返屋企. 咁我就陪Martin 等左陣車, 同佢吹左陣水.

之後返到屋企執完野就訓啦

read 卷時已經發覺唔對路. 都唔同past paper ge. 而且有好多都唔識做. 做卷時我唔係計份卷d數. 我係一路做, 一路計自己仲有幾多分先pass.

考完上, 係city會合Nathan, 然後去左飲杯野. 其間Endy 打黎話要同我分手, 真係比佢吹脹, Nathan仲問我地係唔係攪基tim~.~..........

之後同佢去左Library溫書. 溫溫下Sunny黎左搵佢, 之後佢地就去左食飯. 而我繼續溫. 原來Rudy 坐我附近tim.

溫完同Ming佢玩左板波, 然後去左食飯.

去到都冇乜人, 但係愈黎愈多人呢~.~ 好彩唔係太噪咋. Nathan 因為要買野比Sunny食, 所以我同Sucin溫住先. 多得Sucin的講解, 我終於都明左好多. 不久, Nathan好快咁返返黎. 原來佢叫左佢表姐拎野比Sunny食. 佢突然收到Sunny ge message. 成個人好down. 之後我同Sucin 睇左個message. 佢條女真係呢........一個願打一個願捱. 都唔知講咩好啦. 不過鐘意一個人, 而對方係咁都幾悲. 如果我條女好似Sunny咁, 可能我都會好似Nathan咁. 冇計啦, 鐘意人要包含同忍耐. 鬼叫自己同Nathan係同一種類人咩~.~

溫完之後同Nathan去左Pot Black榪波. 之後見到William 又同佢玩左板. 佢now成日都比佢high school d 同學玩. 都冇話可說啦.

之後打算幫阿Ming去 worldworse買野. 但點知close左, 真係唔好意思啦.

阿Ming今晚又整炸雞翼. 真係比佢吹脹. 之後打算好努力咁溫書. 頂, 比佢撩左去榪波.

夜晚差唔多用晒黎傾計+傾電話. Maths 希望冇問題啦

煩惱多, 但勝在兄弟同樣多. 多謝兩位兄弟陪小弟分擔煩惱.

tomorrow 開始 test 啦, 如果retake 就扑街, anyway 放馬去吧.........

之後同阿Ming 出左去library 溫書. 係library 見到個好唔想見到的一個麻煩人. 好彩佢冇黎騷撓我地咋. 今次可能得我同阿Ming去, 所以進度都幾好. 今日冇溫econ啦.

之後去左買餸. 然後去左Pot Black榪波.

玩完返屋企煮飯. 今日係我當值. 試下玩新野, 拎左阿Ming條女買ge炸粉黎整吉烈豬扒. 原來吉烈豬扒好易整咋. 味到都ok, 不過樣子差左小許.

繼續溫書. 溫溫下興起撩左阿Ming去會所榪波......夜晚去會所打波已經成為習慣了

之後出左city飲茶. 我地今之去左金鑾飲. 因為Martin 同阿Fung係果地第一日返工. 以為會有d著數啦. 大點變小點, 叫一籠點心變兩籠. 點知原來係冇ge. 埋單仲成每人$17. 真係超貴.

之後去左library溫書. 溫溫下後去左買野. 然後再溫過. 之後Nathan 又黎埋我地張檯. 不久, Endy, Candy, Edmond 又黎左, 坐左係我地隔黎. 大家變左傾計.

溫到圖書館close. 我地又去左Pot Black. 同Nathan玩左兩版波後返屋企.

好耐都冇係屋企食飯啦. 阿Ming煮左碟新菜. 洋蔥炸雞飯, 好好味.

之後又去左會所榪波.

今晚要溫communication 啦

之後同,Maggie, Kitty, Joyce 佢地去左library溫econ. 真係溫到我好冇心機呀~.~..

之後出返city Pot Black 搵佢地. 咁arm 見到William. 佢升左上high school之後都冇少聯絡啦. 見到佢都幾開心, 但係佢好似成日比佢high school 班同學玩緊. 唉, 都唔知佢點啦....佢ge事.....

玩左幾板波之後去左星加波餐廳食飯. 有Ming, Martin, Fung, Kira, 文, Kirin 同我地. 食食下飯阿Ming去廁所, 點知佢入左女廁. 之後我咪係女廁門口叫阿Ming出返黎. 點知不久有兩個鬼婆又等去廁所. 超攪笑, 攪到佢唔夠出返黎. 仲打電話比我問我地出面咩環境. 我地係出面笑得激大聲. 佢終於忍唔住出返黎, 仲好似扮冇野咁對果兩個鬼婆笑. 哈哈~~

之後佢話Ming 同Martin 去唱k, 咁我返屋企先. 不久佢又返左黎, 原來k 房冇位. 佢叫左我去會所榪波. 係會所玩左成2,3個鍾.

返到屋企成2之點, 之後聽恐怖熱線. now恐怖熱線真係不知所謂. 我地係張床到聽聽下訓著左. 醒左一醒之後決定唔聽訓覺啦

榪完波後去左飲茶.  飲完茶Nathan要返屋企溫家政, 所以走先. 而我地就去左圖書館溫書. 本來大家都幾有心機溫, 之後講講下香港有咩好玩, 又講下香港有咩好食. 之後Kitty突然又想返香港, 咁我地陪左佢去買機票.

返到圖書館. 溫溫下又傾計, 都唔知點解Endy一講野我同Maggie就好想笑. 佢又望住我忍笑的樣子, 我又望住佢忍笑的樣子. 哈哈, 可能我地唔係聽到Endy講野笑, 而係大家見到大家忍笑個樣好攪笑先笑啦. 不過, 佢講野+佢個表情真係好引人笑架~.~

之後唔知係唔係我地過份得濟, 我地叫佢又唔應我地, 淨係望自己d notes, 情景有如King Park一樣. 之後我地決定去食飯, 行行下, 咁我就問Endy係唔係嬲, 叫佢唔好嬲. 之後佢講左幾句野. 好似係話........你地唔係唔想我講野架咩, 我依家咪唔講野law.

去到餐廳時, 佢又好似同平常一樣, 有時又講下無聊野, 不過我就要同Maggie忍住笑啦. 廢事佢又要爆發啦. 不過Endy, 真係唔好意思啦, 我唔會咁直接同你講野架啦.

之後去左Pot Black 玩左兩板波. 然後就坐車返屋企啦.

傾左陣電話, 同阿Ming睇左陣電視就訓啦

大家今日傾到好興起, 9月sem break 一齊去Brisbane. 係就好啦. 可以去下其他地方玩+見識

今日有communication lesson. 我一起身, 睇一睇鬧鐘. 真是嚇到我呢. 原本已經12點. 於是我即刻換衫. 即刻出門口. 但好唔好彩地, 我依然miss左班巴士. 眼白白睇住架巴士係我面前經過, 真係好想鬧個司機點解唔等埋我呢!!>.<

返到學校遲左成半粒鐘. 之後係班課到都唔知有咩攪. 阿John 話可以走, 而且又唔mark我地 absent.  所以我同Nathan都走左.

之後我地去左city. 我陪佢去買生日禮物比sunny(佢gf). 之後去左Pot Black 榪波, 一榪就榪左成2個幾鐘. 之後同佢去左食dinner, 一齊唱談男人之苦.. 有好多事情真係講唔係一個問題, 但最重要係可唔可以承擔講完的後果. 你自己執生啦

同Nathan 一齊買左張crossword玩, 我中左$5 呀~.~, 都幾開心....