晏晝溫marketing, 溫來溫去都唔入腦 ...shit. 之後Anson黎問我睇唔睇戲. 無奈佢打黎的時候已經開場了~.~....

大約6點左右出去city 搵Donald. 一路飲野一唔等Anson. 不久, 佢同佢個fd都黎左. 我仲以為佢個fd今晚都一齊食飯tim. 坐左陣, 佢話要陪佢個fd坐train. 突然又走返入黎話去影貼紙相. 咁我地咪跟埋去law. 佢同佢個fd 影完之後同我影. 影得都幾好呀. 之後阿生佢地黎埋. 因為佢之前打比我時我係到影緊卡, 所以ignore 左佢, 佢黎到係到扮嬲~.~........

去左星加波食dinner. 氣氛比上一次好. 之後Anson要返屋企. 送左佢去train station之後去左打機, 之後又去左榪波. 等齊人之後我地又買左幾枝white wine 去唱k, 不過今次就好悶啦, 而且自從上次悶左獲勁之後都唔想再飲, 一入口又有果種想嘔ge感覺.>.<...........唱k唱到成4點左右. 之後落左church. 本來都打算返屋企架啦, 不過最後都決定同埋佢地去. 係church玩到成6點..

之後佢地出返黎, 個個high 晒咁, 有車經過就嚇車, 有人踩單車就跑過去截住人. 一見到地下有玻璃樽就執起周圍掉......哈哈. 佢地做north bright 惡人啦~.~

後記: 經一事長一智.

放學自己去左lunch, 之後去 city library, 大約3點左右去左subiaco啦, 好唔想今日返工, 但老闆娘叫到, 唔可以唔返, 去左market 買生果, 好似好耐冇食啦, 好唔健康呢~.~.

返到去都係做平時要走ge野, 今日海哥冇返, 黎左果次Midland 果個師傅, 其實我都幾唔like佢架, 不過冇計, 唉.......今日都冇乜點做錯野. 唔係好識用ATM 部機呀~~ 執碼又執得慢.

好唔容易先等到10放工, 去左CITY 搵William同Kira, 之後再join埋Ming, 我地去左fomosa野, 好耐冇見佢地呢,P.I.C.E的同學, 以為咁耐冇見會有好多野會講啦, 點知都冇乜, 想同佢分享一下近期, 但又冇乜feel 講. 之後去左Pot Black , 輸晒.......之後有個鬼佬叫我教佢榪波. 教教下都冇乜心機, 之後阿Ming話等佢教. 咁我就射左個波比佢啦, 哈哈...我地就去左打機.

後來William 同Kira黎左過夜...

後記: 每次打比我喜歡的人就會膽戰心驚, 何時才可克服呢? 完全怯於那種感覺, 我唔想一次又一次係咁呢

老闆娘話請我啦, 哈哈~.~ 下星期可以返工. 時間要懂得安排一下呢.. 不過返左一個星期工, 覺得好似冇乜時間休息+溫書

返到去, 就即刻做野, 今次豆豆唔係到, 冇佢照住...唉, 到老闆娘守subiaco, 佢係到好大壓力呀. 我都係做收銀.  都冇乜問題ge~.~ , 最開心就係lunch time, 師傅煮lunch比我地食, 好好食呢..

夜晚就比較多人, 好多炒飯炒麵名都未記得到, 而且用咩材料又好難記. 成晚收銀, 之後太多人, 我地要用number card. 之後淡左D, 我未唔用number card law, 點知比老闆娘話. 話我攪到佢地亂晒龍.唉, ,........比佢當面咁話真係好唔開心架.....乜原來我真係咁冇用架咩, 爸爸成日要我返工, 我都明白佢ge用意. 想我自己知道邊度係唔得, 其實有時比人話下都係叫好事黎ge, 唔係都唔知自己錯係邊.......

後記:返工時, 我掛住屋企人呀, 以往一直都係土皇帝, 如今卻被人呼呼渴渴,又要睇人面色.......不過我已經成長, 父母養唔到我一世. 今時今日我睇人面色, 他朝一日我要人睇我面色. 燃亮起我的野心....

發覺原來炒印尼撈麵都幾好食wor. 煮左個黎做lunch.....

大約3點幾就去到Midland 啦. 之後搵間野, 原來都唔係好難搵遮. 去到, 同佢地講我今日係黎試工, 之後佢地就比左件T-shirt我著啦, 哈哈. 佢地教我執碼.......我份工係做廚師助理呀. 即係執材料比廚師炒. 唔好以為好易呀. 因為有好多款, 而且每款的材料又唔同, 又係用唔知咩ge英文名, shit.......做做下比老闆娘叫我去做收銀, 又唔好以為好易呀, 收銀部機都好難用呀, 有好多制. 每款炒麵炒飯又有佢地ge制, 又要記個位置.都好難呀....我又成日按錯錢個數目wor, 見到老闆娘有D炆, 好唔開心tim.....等我成日都以為自己好醒好聰明, 完來自己都係不外如事.........做做下成日都做錯有D想唔做呀, 因為好似好對唔住佢地咁, 不過我當然唔會咁做啦, 佢唔炒我, 我會一直做落去....=.=

返左成日工, 真的有點累, 應該說我近期太累了...........

Martin, Ming, 熙仔佢地出晒去, 得發自己一個係屋企.

大約7點左右我都出去啦, 約左阿生同Anson 佢地dinner. 去到同Donald, Anson佢地一路飲野, 一路等阿生佢地黎. 之後又去左Pot Black 榪波打機. 係Library等左陣, 佢地終於都黎啦. 之後我地去左鏞記dinner, 其間又同左阿生去密密斟. 我就真係乜事都冇, 唔知你有冇事咋

食完飯, 都唔知去邊好, 之後佢地話去飲酒, 但係我唔得啦, 約左阿Ming佢地打牌, 之後Donald佢又病所以唔去, Anson又要返屋企, 所以我地3個都走左先啦.

送左Anson坐車, 費事比佢地小, 所以破費坐的士返去. shit, 貴得很. 返到去, 我地就開始我地ge雀局啦. 期待左好耐, 哈哈, 不過冇乜feel 打牌+有好累, 變成大輸家. 唉...........什麼我都已經輸了=.=反而有點兒開心...^,^

後記: 發夢雖然是好, 但總有一天會回到現實.

我又再次被你懂得說話的眼睛吸引. 你的雙眼+笑容. 你的大方性格跟你的年齡太不相襯了.

之後同Nathan過左canning lunch. 同阿Ming佢地吹左陣水, Nathan又陪左陣Sunny.

然後我地出左city榪波. 之後返屋企執屋. 又睇左陣碟, 之後阿生又叫我出city.

去到POT BLACK, 見到Nathan, 玩左陣snooker. Martin好似同優然有D古怪呢, 衰仔.....食完後之後去左唱k, 我地條條仔都好羨慕Endy有車, 一定要考車牌呢,shit....開左房之後阿生提議買酒飲, 不過好多間都close左, 最後我地係條街到撞到有個鬼佬揸住枝酒, 問佢邊度買, 原來佢間餐廳可以買白酒呢, 仲係好平.

後記: 也許, 我應該放棄那一版而睇下一章. 但係, 有時唔係話唔睇就唔睇. 作者作這本書給我, 要我記下每個情節. 可能想教曉我少少, 亦有可能想我給收少少. 但是我還未看開. 因我還是喜歡那一版. 不過............適當的時候我會好決意地睇下一個章節, 因為我想知主角在下一章時會有什麼令人驚喜的故事. 期待著..........

反而我真的有點兒輕鬆.......唔知咩原因, 可能以前我思想太嫩啦.

今晚好感動. 因為失落時有一班朋友在旁傾訴, 嘔吐時有班朋友在旁支撐著我, 搖搖欲墮時總有多名朋友在旁陪伴. ...............使我今晚能撐下來, 處之泰然. 但我還是喝得太多, 醉得很, 嘔得要命.>.<

朋友, 你想他在的時候, 他一定會陪伴著你, thx, 每一個朋友

係train station會合佢地, 之後同佢地去左TaKa食lunch, 佢地話好好食wor, 不過我就食厭左啦. 之後就去碼頭等船過South Perth. 佢地聽到我話坐船以為要好耐, 其實只不過係過對面岸遮. 去到zoo, 好似冇乜生氣咁ge, 唔知係唔係冬天, 好多動物都唔願行. shit, 訓晒係到. 今次黎zoo真係好悶law.

之後同佢地去左fomasa飲野, 又同佢地傾計, 好似愈黎愈明白女性呢, 以往真係對女性不知半解. 然後我地就去左娶龍閣食飯啦. 我陪彫彫同學等車, 而Ming就陪圓圓同學等車. 之後我地左去玩左版波就返屋企啦.

本來我打算染髮ge, 點知阿Ming又話想剪髮, 仲話幫埋我剪tim. 打算比佢剪短少少, 點知佢一剷就........shit!!!!!!.>.<

後記. 我的傷口流左好多血, 一定要搵膠布or毛巾止血. 唔係一定會把血流乾.

讀讀下本書, 突然想放棄, 去下一章. 因為我對這個內容好似有少許不感興趣.

落堂去左canning搵阿homg. 佢話比張餐廳menu我叫我記熟佢, 比左幾日都仲未比我, 今日打算親自搵佢, 頂........又唔就得帶. 算點先homg 哥? 發覺canning canteen D 飯都ok好食wor. 好過noodles house.

之後又返去上Econ. 好攪笑, 我去完toilet返黎阿sir唔知點解望住我, 又話咩手提. 我問返佢地, 原來我部手機剛剛響過呢. shit, 原來係Nathan打黎 ...retake econ真係好悶呀. 不過時間好似過得好快咁. 話咁快落堂啦. ~.~

之後出左city同佢地lunch. 佢地話去打邊爐, 之後我話唔好, 因為佢地話星期五又打, 所以唔係咁想今日打. 但佢地又好似好想打咁. 之後係龍門門口傾左好耐下, 最後我都係作出讓步. 本來Joyce好想打ge. 佢又讓步. 結果我同佢猜包剪搥係決定. 我猜贏左. 去左茶餐廳食煲仔飯. shit, Candy成日屈我同Joyce有野, 你唔係唔知掛小姐. 哈哈, 我都串返佢轉頭.

dinner完去左Pot Black打機. 突然落雨, shit呢....佢地要趕車走先. 我打算等埋Ming哥放工先. 之後去左搵Donald + Ben, 同Ben玩左板波, 佢都幾好傾wor.~.~....阿Ming黎到, 又同佢玩虛偽的波鐘. 即係贏左請打機. 哈哈.....

玩完, 跑去BUS STOP, 唉, miss 左班車呀>.<....我地要細雨下行返屋企呢.....全身濕透了.

tomorrow帶謝太個女去zoo....

後記: 短短一飛煙的時間可以令惱袋休息.

放左學打算叫Candy, Edmond黎打牌架ma, 等我仲同Nathan講到咁興奮. 點知佢地話唔黎, shit......之後同Nathan 出左去唱one hour k. 之後又同佢去左榪波. 榪完波去左買米, 屋企冇米呢...比Nathan 話我虧左, 男人ge本能冇晒. 咁我都唔想架ma, 冇興趣就係冇興趣. 因為今日太趕, 唔記得帶皮帶, 成日行行下都要抽褲. now抽住袋米, 抽唔到褲, 好彩問Nathan 借左條皮帶咋, 唔係甩褲都似呢~~~~~~

返到home又打返hk. now 發覺打返hk好低呀, $10都可以傾好耐. 榪少幾板波都save 返返黎啦. 聽佢地講香港好熱好熱. 唔知有幾熱呢?.?一路傾電話一路煲湯.

食完飯, 到佢同kouze傾電話. kouze去左做packing, 唔知點解佢果個地方用唔到手提, 所以要用電話停打電話返黎比阿ming. 咁當然係打返黎屋企啦, 平好多ma. but shit............攪到我上唔到網, 一日冇上網好似好耐冇上網咁呢. 我要快D攪寬頻!!!!!

之後同佢出左去買酒. 去到, 剛剛close左...fuck 呢. 之後去左榪波. 係Pot Black 買左枝red wine. 打算又好似 last night 咁, 我地仲切左少許芝士粒係送酒. 不過........唔知係唔係last night剁得好勁, 攪到好唔想飲呢. 成日諗係到諗飲完之後又會嘔.......唉....今次冇last night咁high, 好快就訓著左啦

後記: 老豆教我做人. 害人之心不可冇, 防人之心不可無. 講完比阿Ming聽都係到笑.

我現在睇緊一本書, 睇左都有一段日子, 依然停留那張頁. 想看下一版, 但還未做到.

前排弄傷的傷口, 為何仍繼續流血呢. 早一點能痊癒就好啦.

之後坐Endy車我地去唱K. 佢手車都OK wor. 唔得, 真係愈黎愈想快D考車牌. 下個星期做MC TEST, 但唔見左本書仔. 做唔到網上題目. SHIT 呢. Maggie 之後都黎埋.

今晚阿Ming返工, 行到bus stop 先醒起冇米. 之後自己一個去左Taka. 突然有點掛住阿FUNG, 佢走左好似有點唔慣呢, 以前咁ge情況佢一定係到, 佢返左去hk, 都唔知係件好事定壞事啦.Anyway都冇左個fd, 始終唔係咁開心. 令我唔開心的事情實在太多了.......

行返屋企時買左枝red wine. Ming話佢近期成日都訓唔著, 又想用酒精麻酸自己. 哈哈, 返到屋企同中秋網上捉棋, 好玩好玩.

阿Ming返到黎見到枝red wine 好開心. 開時我地仲好興奮, shit 唔記得影相. 本來我地打算飲半杯, 點知一路飲下一路傾下計好有feel..之後愈飲愈多, 最後成枝紅酒比我地飲晒tim...醉醉地傾計都幾好feel. 傾左好多野呢.~,~......每次飲完酒都笑到唔停. 果種笑有點兒不能控制. 開心又笑, 唔開心又笑, high 到極點....之後打算sleep. 我醉到起唔到身, 阿Ming打算起身扶我入房時企唔穩跌左落我到...哈哈, 行返房時真像太空漫步呢. 我鍾意呢種感覺. . . . . . . . . . 訓訓下突然頂唔順, 走左入toilet剁. 阿Ming聽到我剁笑到跌左落地下........最後, 我都剁左成晚, 好辛苦呀>.<

今朝起身, 突然有個女仔打比我. 同我講你知唔知我係邊個, 我係你隔離屋呀. 之後諗一諗, 哦.....原來係謝太個女. 係wor, 佢今日到Perth wor. 同佢傾左陣電話, 以前撞口撞面都唔會打招呼. 但唔知點解傾電話好似好friend 咁, 佢話Perth 好悶wor, 我都係到悶左好耐架啦, 你以為係香港咩, 你連自己住邊都唔知, 點救你呀~.~

之後好想剪頭髮, 噪醒左我個專用髮型師幫我剪. 我個專用髮型師又搵佢個專用髮型師即係我...剪. 我地兩個都剪得幾ok, 冇阿homg果次咁差. 之後我地出左city lunch, 去左西貢食. 等得勁耐...shit....之後去Pot Black, 見到程露同Lisa, 都幾開心, 兩個都好似肥左wor.

之後玩左一粒鐘K, 然後就同Ming坐車返home stay, 頂,唔知點解冇train 坐. 要坐巴士. 一路坐bus一路傾, 傾我地大家的老豆老母. 係strling 落左車, homefather黎車我, 好耐冇見過佢呢. miss.....之後返到home stay, 又見到home mother 同sister. 比左份手信佢, 佢地好like. 好多野想同佢地講. 原來自己的英文由香港返完黎都唔係退步好多. 之後同Ming play pool, all win....~.~ 哈哈. 好miss home stay everywhere, everyone, every food. 好唔想走, 好有家庭溫暖. thx home mother 車我地返家.

之後成晚打電話, 破例同老豆傾深入話題. 同佢傾到好開心, 哈哈, 知道左好多佢以前ge野. 好似好威咁....有如比人打左通任榪二脈. 早知早D打比你同你傾啦, 你咁厲害. 之後同朗兒講左樣令佢好痛心ge野. 佢好唔開心呢. sorry呀, 不過該死唔該病. 阿Ming同佢以前條女傾傾下電話又比左個電話我同佢ex-gf傾 , 同佢都幾好傾wor, thx 晒你啦,.~.~ .........咁同我講咩.

後記: 子女好與壞, 在乎溝通與關懷. 不過我地都傾得好開心, 都唔知點解今次會咁放心講比佢知地知. 不過傾完真係好開心.

突然諗起遺忘已久的跆拳+竹林功夫好似好耐都冇操過呢. 好有隱鬆鬆根, 踢踢腳. Shit, 突然諗起以前住林村時, 爸爸在練工的情況, 真係好想返返香港呢. now好似有少許提唔起勁讀書. 可能係香港玩得太開心啦. 好想尋回以往被長輩照顧的感覺. 升左上中學, 開始變得其獨立. 什麼事都能自己解決晒, 甚至自己一個行動亦可以. 唉, 冇兄弟姊妹真係好可憐.......

之後出左city搵阿ming, 然後玩左1 hour k . 之後急步行返屋企. 因為Kouze, Yasuko煮dinner. 唔想佢地等. 今餐食到好飽飽. 好好食. 阿Ming 飽到仲嘔添

之後同阿Ming 出去散步. 我地仲行到去好遠. 唔知去到咩地方TIM. 閒來散散步聊聊天, 人到輕鬆好多.

後記: 唔開心真係唔係咁想講野. 都係自然D好 ~.~, Kouze, Yasuko聽日就要走, 仲有排返添. miss.

放學我地去左Joyce屋企玩. 同阿生買左noodles ge野食. now 真係好討厭noodles house D野食呢. 之後打牌. 佢地又出左去打乒乓波. 打左2圈都冇乜心機打啦. 之後我又出左去打乒乓波. 之後又入返去打牌. 後期我地玩uno. 我同阿生狂比人屈10隻. 唉.....仲比人罰飲左好多水tim.

之後我地出去city 食飯. 去左聚龍閣. 食完飯, 阿生佢地拉埋我去pub. 飲左都幾杯酒, 好似now 飲酒勁過以前咁ge?? 之後又同Donald去左榪波. 同佢傾左陣計. 玩到2點幾返屋企啦.

後記: 今晚真係冇乜feel 去玩. 真係有左煙隱, 要戒買唔戒食.....煙係我的極限, 我唔會掂其他野架.

放左學, 同佢地去左noodles house 食lunch. econ 可以轉去星期三afternoon啦, 真開心, 唔洗上完marketing又上econ. 兩科商業衝激實在太大啦.

之後同左Maggie 去左整working visa. 不過今日close 1點.

之後等Nathan 出黎榪波. 好似遠處見到同我一齊坐飛機果個女仔, 不過冇叫佢呢. 同Nathan 玩左4板波. now 榪波真係冇乜興趣, 都好, 可以榪少Ｄ, 唔洗waste 錢.

返到屋企訓左一陣覺. 之後Kouze叫我出去食dinner. 佢叫(Edwin, dinner is ready 真係好聽呢) 又食到佢煮ge日本菜, 真係開心. 阿Ming去左返工, 今晚有Kouze, Yasuko and me 食. 一路食一路傾. 咁耐冇見佢地都幾多野講.

食完飯又傾計. 我仲拎左本香港地圖出黎指比佢地睇我住邊, 同Ming住邊. 哈哈. 日本人都有可愛的一面呢..有時言語上溝通不來, 仲畫公仔+寫中文未. 聽到佢地講(哇加達)都幾開心.
　

之後我地3個出左city lunch.

Homg 要返工, 我同阿Ming 去左North Bright買餸. 見到肥雄同阿生佢地. 我地又坐低飲野. 同佢地吹左陣水. Maggie 佢地係對面經過, 肥雄狂叫冥王都冇人應佢. 之後佢地最終都直行宜過走左啦.

返到屋企睇vcd. 今晚阿Ming 要返工, 又自已一個人食飯啦~.~

睇日又要返學啦, shit, 我個心仲係香港添.

後記: 究竟香港的天空同澳洲是否一樣呢??

今晚睇返中學本紀念冊, 真係有好多野好感動, 又有好多野好想笑......

大約3-4 點左右, 出左city 會合佢地. 去左Pot Black打機+榪波. 又去左金鑾見工.

玩到成7點左右, 鋒哥聽晚走. 我地特意請佢食餐飯. 去左聚龍閣. 食飯時個個都係到串阿鋒. 今晚好唔齊人呢... 以往我地PICE成班已經唔同晒. Martin 返左香港, William識左新friend 冇同我地一齊玩, Meg同Lily now 又冇同我地玩. 但是遺留下來的, 就是最friend的. 哈哈....

之後我地係大牌坊影相. 我地買左張麻雀檯. 今晚我地打算打麻雀. 鋒哥都話黎ge, 但係佢話約左friend去飲野, 要遲30MINS... 之後Ming, 熙仔+我去左唱k 等阿鋒.

之後我地係Pot Black 會合阿鋒. 我地見到以前pice ge korea 同學呀, 好開心呢.....

之後阿鋒同我地講唔黎, 阿Ming 好嬲, 佢又令我地再次失望. 不過算啦, 大家都冇乜感覺啦.

我地決定打3隻腳, 返到屋企, 阿Ming 幫完熙仔剪頭髮就開始打牌. 我地打到成5點, 點知我係冇win 冇lose ge. 打牌的時間真係過得好快, 哈哈, 又多樣活動啦

Marketing 呢, 個miss 係到講野我都聽唔入腦. 成堂係到釣魚. miss 好似話要買個搖控黎做MC. 小, 惰係高科技咁. 又要waste 錢. 成堂真係好難頂. afternoon又有econ, 同Nathan 決定走堂呢.

落堂去左買second hand book, 買左marketing + communication . so good. 唔洗用咁多錢買書.

之後打算同Nathan 轉econ. 頂得返一個位. 所以大家都唔轉, 有義氣MA.

之後我地去左TAKA lunch. 眼訓到唔想講野, 又比人話玩自閉, 哈哈...之後去左買暖風機.

返到屋企即刻訓覺啦. 訓到成9點.  如果食左dinner 一定會繼續訓. 阿ming tonight要返工, 自己整左個煲仔飯. 澳洲真係好凍呢.

佢個fd 黎接佢. 之後自己搵去city ge 巴士. 搵左好耐終於搵到啦. 放行李入後面行李箱. 開車後我諗一諗, 好似冇放條卡地亞入去呢. shit, 留低左係行李車到....唉......柒.!!

係Pot Black 落車, 自己一個推行李返屋企. 返到屋企好似有少少喜悅呢, 好開心咁係行李到將所有物品抽出, 放去適當的位置. 不久阿Ming醒左啦, 同佢去左taka 搵Nathan 同Endy佢地兩個lunch.... 之後Ming, Nathan 同我去左榪波, 好似對榪波冇乜興致tim, 不過都係件好事呢.

之後同Ming 左去唱K, 又同阿鋒, kira, 同佢地個fd Anson 去左飲野. 原來阿Fung星期日上機返香港呢...今次佢唔會再返黎啦.>.< 好似有點唔開心, 唔知點解有少許唔捨得, 即使佢好軟骨, 但如終都係朋友.....自己保重啦, 之後同佢係Pot Black玩左兩板波.

後記: 一雙懂得說話的眼睛, 實在太吸引啦.

之後約左阿萍係聯合等. 比份生日禮物佢ma. 之後行左陣聯合. 真係好想買個PC袋呢, 不過我睇中果個佢冇貨. ~.~.

返大埔, 執行李. check 左好多次, 應該冇留啦.

大約6: 45左右, 同謝太講我今日要走啦, 叫佢大女去到Perth 搵我. 佢又比左碗湯我飲. 真係客氣呢. 之後去如grandfa and grandma 係大埔墟食咖哩. 都冇乜胃口, 好似臨走又唔想走咁, 唉...............  有D唔開心tim. 最後我仲同grandma 爭比錢, 攪到個waiter 好難做呢...最後當然係我贏左啦.~.~......咁少機會請你地食野, 咪比次機會個孫law..

Then 佢地陪我等E41. 真係唔係太想部車咁早黎, 廣福道夜景都幾靚. 自己一個人去機場, 係巴士打下電話, 望望風景, 諗諗野咁又到左機場, 真係快呢.....check in 後係機場行左陣, 之後入禁區買左條卡地亞.

上左飛機後就要渡過慢長的星空啦.

後記: 今次返Perth 比上次更大感覺. 香港, 各位朋友....下年再見啦.

之後我地去左昌運影貼紙相. Red好似同個老鈿好熟咁, 厄到影多一次呢. 我地影左6張, 不過冇時間, 所以揀左兩張咋. 大頭ge揀唔到, 我地仲影得幾好tim 架>.<.....可惜可惜. 下次要再影過呀!!!!.....希望你地會考會有好ge result啦...

之後去train station 會合俊汝, 佢一見到我就講..你仆街啦, 其實都好炆架, 不過係自己衰, 遲到左成20mins....但係我本來唔想陪佢想大陸. 因為我真係冇野買, 而且時間又唔多. 但冇計, 又衰心軟...........

我帶佢去買PS game, 佢買左成26隻 game, 傻架.........比人捉到就大獲啦.....我買左兩套劇集, 鹿鼎記+十月初五的月光. 想睇多次好耐架啦~.~......買完野就返返黎啦. 之後去左仙跡岩飲野. 頂!!!!!!今日買果套十月初五的月光竟然變左做我師父係黃飛鴻.....shit....冇睇清楚..../.\

之後返屋企執行李, 朗兒同我講佢買唔到材料整cheese cake 比我, 唔緊要啦.... 之後落去搵佢拎碟, thx 你啦, 咁有心思.....

夜晚同mum 去左樓下明將食壽司, 多人到呢.....等左好耐先有得食. 不過都幾開心^.^返到home 陪左陣mum, 睇左陣危險人物, 都幾好睇wor...不過好快冇得睇啦.

大約11點30 左右, 等高佬一齊去搵劉澤文去bar.....其間訓係地下, 望住個天. 空想左好多野. 第一晚返黎我就係訓果度, 臨走一晚我都係訓係果度. 剛剛返黎時話要食好多野, 做好多野. 但我所諗要做的一樣都未做過呢~.~........可能好多野都係, 你有能力機會可以去做的, 你不願意去做....相反地..............你沒有能力機會可以去做的, 你就會好想去做.

我地3個去左SOHO飲野. 都傾左好多野. 同劉澤文好arm 傾, 不失為個好朋友. 可惜認識和相處的時間太少啦, 下次啦. 我地一定會成為好朋友的....

之後我同高佬返返新達平台傾計. 傾返好多細個時ge野. 中秋hurt 得你最深, 但你係hurt 得得最深ge兄弟呢.

明天我就要飛走, 各位親戚, 兄弟姊姊, 朋友, 同學....明年再會吧.......

後記: 今次返黎, 真係日日精彩呢, 每日都有野做. 想陪下屋企人都冇時間. 好似一個大忙人咁. 所以最尾果幾日我選擇左留係屋企. 約我的, 我失約, 真的不好意思, 希望你地明白. 今次返黎, 同好多朋友的感覺變左, 在香港時關係不是太close 的, 如今卻變得知己一般. 都係一件開心的事情. 原來我朋友都有不少呢...哈哈

回來總是開心快樂, 離開卻是痛苦憂愁. 人生的情感我領會不少呢! 但我還不夠成熟, 未能看開.

香港這場夢快要完結啦. 又要迎接新一天的工作

會合左舅公, 之後去左逢瀛先館. 首先我拜婆婆先. 裝香, 清理, 講左幾句後再去拜姐婆太. 其實上次走已經想去拜佢地, 但冇做到, 今次補返啦.

之後去左旺角搵俊汝, 佢今日學車. 之後我地去左金雞榪波. 係金雞榪波好過佢會所好多, feel 都唔同呀.~.~....之後遊左陣. then 去左singing.........

sing到8點左右, 坐地鐵去左尖咀. 係星歌大道坐左陣. 有好多遊客呢........維港好似靚左好多, 中銀, 匯豐的燈色比以前燦爛得多, 呆左坐成30min.... 好有一種不願離開的感覺. 難怪不少外國人覺得香港夜景是多麼的可愛呢.........

9點30分返到屋企食dinner........最後果幾日點都同屋企人食的.......

之後返大埔行左陣, 買左少許衣物. 打算同媽媽去新世界拎部電話, 有什麼零機價ma.等左好耐, 等到人到炆. 之後都係冇拎電話. then 去左舅夫杰屋企睇佢新裝修.... 哈哈, 有少許地方似我間屋呢~.~.......靚左好多.

之後去廣福搵趙子緯. 多謝晒你又比褲我呀..

返到屋企休息左陣....

不久又要入林村啦. 姑姐佢地都有入去, 我又比左D相佢地睇... 黃曉晴好似對竹升仔有意思..哈哈, 成晚比我地玩. grandma今次煮左幾多餸. 不過都比我地食晒.

夜晚同劉倫係下面坐.

最終去左俊汝會所榪波仔. 哈哈, 冇冷氣榪波熱到我地呢>.<

之後同佢過左大中行街. 佢都買左條levis 呢. 佢又話翟娟好耐冇見我, 想見我. 佢好似冇乜點變呢. 佢地真係sweet 呢^.^羨慕死我啦>.<哈哈

之後同媽媽去左大埔墟拎眼鏡. 有D怪呢

然後同7舅公佢地去左東江雞食飯. 坐係路側邊食飯多麼的有feel 呢. 佢地係到聚舊. 諗諗下, 上次見7舅公好似係姐婆太過身的時候, 咁快就年幾呢....

爸爸聽日上機返上海. 真係想喊呢.... now親情對我黎講比什麼還重要. 我大啦...~.~

我地約左係火車站等. 見到Queeie姨姨個侄女, 我梗直係完全唔認得佢呢. 佢wet 左好多. 之後我地一齊過關. 過到去, 黃總已經book左架旅遊巴接我地. 我地去到萬事達酒樓. 係一間房裡面飲茶, 佢地傾工事, 而我地就不停咁食野, 佢地點左好多野食呢....

之後黃總車左我地去華強路. 佢要走先, 我地就係華強路行街. 華強路真係唔係咁適合我行啦. 我都係陪佢地行. 之後大家行到唔想行. 我地坐車去返萬事達睇樓. Queeie想買7樓呢. 唔知佢會唔會買呢? 會就好啦, 哈哈. 之後又去睇裝修, 都7788啦. 希望下次返黎可以完成啦. 去左師伯屋企坐. 佢燒左D客家歌比我啦, 哈哈. 靠聽歌學客家. 一定要學識. 因為我係客家人ma.

之後去桑拿. 突然下行大雨. 真係天公不做美. 去到桑會, 蒸左陣, 成個人都攰晒. 沖完涼, 成個人軟晒, 感覺好好. 好like這種感覺. 係桑拿裡面睇東同刊, 睇左好多周樹佳介紹的(香港傳說). 真係對香港的故事好有興趣呢. 不久就入去搥骨啦. 大場真係大場, 好好好舒服. 我仲訓著左呢. 爸爸仲話聽到我扯鼻寒. 咁我問佢大唔大聲呀, 佢話好細聲, 之後我咪串佢我聽到你好大聲wor,哈哈...成個人鬆晒....

之後坐車去食飯. 黃總話請我地去全深圳最好的酒家. 不過佢要開會, 搵左人招呼我地. 真好呢, 有口福呢. 果然好高級. 間房很大呢, 成2000幾尺. 點左好多貴野. 什麼鮑魚呀, 刺身呀.........佢地又帶左枝好高級的矛苔, 好似話有成10年. 酒精有50度以上... 我仲飲左一小杯...哇, 都唔明點解佢地咁like ge? 我覺得氣水好飲D呢.... 真係唔識欣賞酒. 今次真係食得好高級, 真係第一次咋, 好似自己係一個有錢仔咁. 不過事實唔係...

之後坐地鐵去羅湖then 過關了.

返到香港後出左旺角. 約左震U睇強戰, 年幾冇見佢啦. 佢幾時都咁攪笑呢. 見到佢個樣+佢講野. 爆笑度達10級. 強戰冇我想像中咁好睇呢~.~, 不過都好刺激架. 多謝你請我睇戲啦. 之後本來打算話去海旁ge...不過去左榪波, 又好多謝你請我榪波. 之後都係冇去到海旁. 去左唱K. 唱到喉都沙呢. 出返黎已經係朝早啦, 天都光晒, 又打算去海旁. 最終我地去左食早餐, 打機...... 講左好多次話去海旁, 但係都冇去到....臨走點都要去呢!!! 一定要仗做. 返到屋企訓覺, 不停有人打電話你, 煩到呢...........

今日做左好多野呢.....累累累