考完試, 都盡左全力做份PAPER.. 之後同anson 去左tea coffer 食tea....then之後我地返左屋企. 比左jelly佢食. 雖然練習左好多次, 但依然最後一個step 出現左mistake, 激死. 之後睇movie...,一個完美的設計, 哎.........

之後我地出左去食日本dinner 呢. 佢同我都好累. 我考慮左好耐, 夜D 去唔去ASIA COURTTAIL好呢. 食完DINNER, 陪anson坐train 返strling. 突然阿生打比我, 佢話佢now係榮溢等緊我啦wor...本來打算9點30前佢唔打比我我就返屋企休息架ma. .之後我即刻落train, 去榮溢join佢地. 陪佢地食完dinner之後再陪佢地去買ticket. Donald 都黎埋tim. 佢地買完ticket之後又再陪Donald去tea coffer dinner.

然後我地就去metro city la. 我地去到門口已經有好多人排隊啦. 真開呢. 排左好耐隊, 終於都到我地入場. 入到去, 個場都好大, 今次真係我第一次落metro, 幾有design wor. 之後我地行左個圈, 搵左個位坐下啦. 飲左杯酒. 坐左好耐, 真係好悶呀~.~.............之後人都入左好多. 台上亦有人表演,.........

起初其實真係好悶....大約12點左右, 個function 開始啦. 有一輪表演. 有人dancing...玩火......都ok 好睇ge, 有人個好勁ge DJ 打歌.............之後我地上左第二層玩. 第二層有feel 好多. 好似落church 咁...

大約2點幾就走啦. 本來都想同佢地繼續玩架, 不過聽日要睇whale. 所以都係要早做, 如果聽日起唔到身就唔好啦. 返到屋企, 見到ming 同martin 佢地兩個係到傾計, 我又傾左陣就訓啦...

後記: 終於考完試啦, 可以過返正常生活. 考試其間真係好辛苦好唔開心. 雖然我的唔開心會好快冇事, 但有時總想有人靜靜聽我訴苦, 安慰我, 開解我.........爸爸, 媽媽, 好多謝你地打電話比我. 安慰我. 其實我真係覺得身自己係澳洲好不知所謂. 今個sem 真係好對唔住你地, 今次ge成績係點, 我自己心裡有數. 你地講完一番說話之後我個心, 對眼都流著淚. 再一次對不起, 因為我唔係一個太懂將情感表露予父母的人. 我真係唔知點可以多謝你地.....

今日訓左陣, 之後就去考marketing啦...red bull有好大的威力. 到目前為止我依然好精神... marketing...唉, 我溫ge 佢冇出到, 死得啦... 本來marketing都ok ge, now, 真係好危險啦...anyway, 考完都鬆左一口氣.. 都盡左力啦. 得唔得都係要接受...放學同ming佢地去左琉laser gun.

星期三

今日考intro com....今科我冇溫過呀. 因為即使我可以拎full mark, 但我依然會fail. 所以我決定放棄intro com而花多一點兒時間在communication 方面.

星期四

我溫左好耐communication 啦. 不過今日考的同我溫的好像有少許不符....唉, 又死一科, 如何是好呢~

之後同佢去左tea coffer 食tea, 又係食西多士. 我發覺tea coffer西多士都幾好食wor!!....之後去左中華會館, 今次佢地唔係夾鼓啦, 今次係玩樁. 見到佢地舞得咁開心我問佢地可唔可以比個獅頭我玩幾下, 佢地話唔得~,~wor....

之後同阿ming去左唱一個hour k. then返屋企啦. 返到屋企一路係咁溫marketing, 溫到點幾左右發覺有少許眼訓, 咪問阿ming可唔可以陪我去油站買red bull law. 佢話要陪女wor. 自己行左去油站. 我份人如果未做完野會訓唔著, 所以點都要溫到安心為止. 溫到3點幾, 對好好累, 於是未去訓law, 但係唔知係唔係飲完red bull 之後, 個腦好活躍呢. 訓極都訓唔到

晏晝, Anson出左黎city, 同佢去左茶餐廳食tea. 之後去左bus station 會合佢d fd, 佢有個朋友參加歌唱比賽, 我地打算去打氣. 去左中華會館個館會. 裡面都幾有勢, 掛左條龍. 原來睇佢唱歌要比入場費, 真係出奇. 之後我地咪覺得唔係好值, 然後打算返city 玩laser gun. 我地係bus stop 食左成個鐘風. 點知原來果個bus stop 冇車坐. 之後過左對面住99再轉train 出city. 出到city, 我地行去玩laser gun....第一鋪我同anson一對. 對佢地3個fd. 我地win 左, 之後Nathan佢地黎左, 我地5個對nathan 佢地, 最終都係我地win.......哈哈...

之後我地去左茶榮食dinner. 然後係pot black陪 anson 等佢parents 黎接佢. 

之後就去左library 旁邊玩套路. 我耍左竹林螳螂d 套路比佢睇, 佢又耍左詠春的套路比我睇. 又教我詠春的散手, 比佢講講下, 攪到我有興趣去學詠春tim.

之後我地去左north bright 崔永成果度. 打算搵樣功夫一齊學, 不過我對七星螳螂真係興趣不大. 但勝在佢地位招優. 話就話去學, 等我再諗清楚先啦..

今日終於都可以用寬頻上網啦.........不過好煩, 我用到網, 但阿ming上唔到

記得上年中秋, 一大班kyc的同學來了林村為我farewell. 上年是開心的, 亦有少許膀恍的. 今年是.......沒有任何感覺, 奇怪....一點兒孤單感覺也感受不到. 人說每逢佳節倍思親. 今天的佳節我一點兒思親也沒有. 我已成長? 已習慣離開父母的生活?

grandmother happy birthday, 今年你最疼愛的乖孫不能陪伴你過生日. 其實我都好想唱首生日歌比你聽呢.....

人有悲歡離合, 月有陰晴圓缺, 此事古難存, 但願人長久, 千里共嬋娟

同Ming去左西貢lunch. 之後就行去啦. 我地4點鐘先有得玩. 見到裡面有好多鬼仔. 我地玩果個game有好多女仔. 我地4個入左red base. 入到去場地好黑. 都幾有feel. 我地個基地係上面. 一開始我就唔知比邊個射死左啦. 都幾好, shoot果陣見到有係紅色的光線. 我地著住一件有感應ge衫. 要射中人地胸口前的感應. 不過都難分敵我.

玩完第一個game, ming要返工, anson, nathan 我 再玩多一次. 今次我同anson入左blue base. 而nathan 就係yellow base. 我地果team 有好多人. 成個場差唔多全部都係自己友. 今次我殺左80幾個人呀,哈哈.....

之後nathan 返屋企. 而我同anson 就去左買movie ticket, the land of the dead. 之後我地返左屋企煮飯食先. kouze 同 yesko見到anson 黎狂係到執整齊間屋.anson 又用日文黎介紹自己, 厲害厲害.... 攪笑......我地煮牛肉飯.

食完之後就坐車出city, 去飲左杯野先, then 就去睇戲啦. 我地一開始入錯左, 睇左陣之後發覺唔係好對路. 之後再出返去, 真係入錯左呢. 套戲以為都幾恐怖, 點知我地笑多過驚, 哈哈.......睇完戲之後送左anson 坐train 之後去左pot black 搵ming 佢地, 等佢同martin 榪左板波之後我地又返會所榪波.

今日都玩左好多野呢. 係時候面對辛苦的study 啦...

放學去左subaico買餸. 之後返屋企煮飯.

之後出city搵Anson, 我地首先去飲野. 攪笑, 佢請我飲野, 之後我咪請佢食朱古力啦, 其實一早已經買左啦. 上次我地傾買朱古力, 今日去supermarket買野見到咪買埋law. 點知佢又有朱古力請我wor. then 去左榪波. 哈哈.......佢係win唔到我呀. 之後去左行街, 搵來搵去都搵唔到死亡習作. 好想睇呀......聽Nathan講套movie裡面有個係真人真事ge情節. anyway, 套movie 可能太耐啦.....

then唔知去邊好. 叫Nathan 帶路去玩激光槍. 點知去到冇乜人玩. 不過比佢挑起左條隱tim. 之後去左榮溢dinner, 原來econ堂個女仔係果度做. 不過我覺得麻麻地. 試一次夠啦.

送左Anson上火車之後去左join 阿生佢地, 原來佢幫我買左Asian 晚會ge ticket. 之後同jungo玩左板波. 輸得好肉孫. 唉......之後等阿ming返city.

返左屋企之後又出左去同阿ming玩左板波

係學校都冇乜點做過呢. 我just 整power point, 之後其餘時間都係睇漫畫同上網呢.

做完之後唔係咁想返屋企. 因為會唔係咁自然, 撞到Martin, 同佢玩左板. 返到屋企佢地食完飯啦. 而我就開始自己煮飯, 煮完之後自己係房食. 好怪的感覺.

後記: 上次同老豆傾開電話, 佢話近期健身操到好fit wor. 我睇完張相都大為吃驚. 因為我上次見佢身體肥好多, 突然操到咁多肌肉ge, 攪到我都好想玩下健身tim.

唉. 真係相差太遠啦. 哈哈.

11點幾先起身. 之後就執一執屋. 然後等owner黎, owner 話11點30分會黎收租. 點知我地等到成1點佢先呢. 一句 i will bit late 原來就係1小時30分呢.  阿Ming講左last day D 戰績比佢地聽, 佢地大為緊張呢. 哈哈......

之後去左飲茶. 然後同阿ming去左玩snooker. then 去左買餸. now Ming 哥星期2-5 夜晚都要返工. 而又有兩個日本人係到住. 無謂下下都要佢地煮埋我飯啦. 好唔好意思ma. 所以now dinner 我同佢地分開煮, 分開食. 不過感覺好怪law, 明明一齊住, 但又分開食飯. 不過都冇計啦, 有時係屋企都好唔自然呢........

之後去左bubble tea 搵Anson,佢拎左D 材料出黎呢, 飲左杯野之後去左supermarket買餸. 哈哈, 今晚我煮一樣餸, 佢煮一樣餸呢.

返到屋企. 我地開工啦, 首先佢整甜品. 3色jelly. 而我就煲湯先. 之後佢就開始整佢ge粟米班塊, 我就係旁邊望住佢整, 好攪笑呢....佢成日係到話,點解會咁架......哈哈. 而我就整茄子炒豬肉. 不過落左好多油. 煮完之後放晒係檯面. 咁我就攪攪氣氛放左兩枝蠟蠋係檯面, 之間熄燈, 坐低. 突然我地兩個都係到笑呢. 因為有D 似拜神feel. 所以我都好快就去開燈啦. 好似煮完一大輪冇乜謂口咁. 不過一齊煮飯都幾好玩, 幾有樂趣. 食完飯之後係到玩影相.

之後同佢出左city 玩pool. 哈哈, 佢4板都輸呢. 唔洗同咁激氣wor. 同我玩多幾次就贏到我架啦...哈哈

後記: 雖然煮飯時幾煩, 但係到好好玩, 可能這就是情趣啦.

present時都唔係話好驚, 可能開始慢慢習慣左presentation ge感覺啦. 我仲set左條question 比Nathan 叫佢問我, then我就扮諗一陣先答, 不過我地都做得好假~.~ anyway 都係想miss比左少少分遮. 之後有幾個同學仔用power point做, 但miss部電腦壞左, 所以要下個week先可以做...而且派返上個test份paper 比我地啦, 我得5.5/20, 真係呢..........個個香港人都唔知做乜, 今個sem都衰晒. 我已經give up 左intro com 啦, 打算盡力博其餘3科.

之後出city食飯, 然後join ming 佢地. 去左永隆借左本漫畫then 去bubble tea 坐. 坐坐下訓著左呢. 今個week 累得很.

之後Anson打電話黎, 去左train station join佢. 去左戲院買tickets. 我地睇6:15. Then去左榪波. 榪完波去左tea coffer食dinner. 好似第一次係perth 食牛腩麵啦.

睇完戲送左Anson坐train 就返屋企啦.

後記: 今日有個人想入我地間屋, 之後比阿Ming趕左出去, 如果我係到就好啦, 有得玩下. 原來我真的喜歡好戰嗎?

係學校做assignment 做左到成5點幾, 之後去library整膠片. 點知佢地話膠片室close 左. 我聽到即刻沉晒, 之後個staff help me 四圍打電話去睇下邊到仲可以整. 點知到到都話close 晒. 佢地叫我聽日早D 返黎整WOR. 唉, 好擔心唔知print心唔 print 到 tim~.~

返到屋企又繼續練習我個present, 希望可以靠佢黎拉分啦....

起身, 溫左陣書, lunch 時睇完套亞歷山大帝.

之後出左去搵Martin飲野. 然後去左買餸. 同佢玩左兩版波. join 埋ming 佢地又傾多陣計.

最終決定同佢地一齊dinner. 又去左聚龍閣. 同班日本人去左食飯. 有個日本人個妹好似睇中左聚龍閣一個waiter呢...之後我地同個waiter傾開計, 臨走時果個日本人同兩個waiter影相, 開心到佢呢......

後記: 一個偉人, 亦要有死亡的來臨.

今天晚上, 真的好掛住阿fung. 我都唔知咩原因. 可能近期經常講起佢啦. 以往做每件事都會有他在旁. 有時真的到失去才知道是多麼的重要. 我沒有他的香港電話, 當我問martin同ming 佢地有冇fung's 電話時, 佢地都用好懷疑的語氣問我......雖然有時他真的是傷透我們的心. 但我們並不是小學生了. 絕交這玩意已經不是我們這個年紀做的. 可能以往我是對人抱得合得來, 不合則去的態度來對每一個人. 但現在我改變了這種做法. 人與人交往要微妙的, 是很老土的說法. 我好想知道佢離開左perth 之後的一切. 我亦好想佢知道我地每個人的近況. 因為我們是在這片外地一同經歷過好多事情的好朋友. 其實我好想同佢說一聲sorry!!.......我諗佢估都估唔到我有這樣的諗法. 哈.........我亦估唔到今天我是多麼的渴求對他說一聲sorry.......但係, 我搵極佢都搵唔到.

我份人係比較坦率, 好多野都好想舒發出來.

之後cook lunch, 用左Anson比我 ge BBQ sauce黎炒公仔麵, 都幾好食. 之後執一執屋就出去啦.

係屋企附近買左枝red wine 比home stay. 去到warwick, 阿ming突然打比我, 之後咪同佢分析martin 果件大事件, 中晒啦.

返到home stay, 見到home mother sister好開心. 同佢地講下近況. sister話佢last night去pub 飲到今日sick sick 地wor. 唔知係唔係好耐冇講英文, 好似有D問題咁tim....唉, 真係唔得, 係cic同多D 英文人講多d 先. home father 剃左D鬚young 左好多. 見到佢好攪笑呢. 哈哈....之後佢D FD 都黎埋. 食飯時都幾開心. 以前我地幾個oversea student 係屋企的熱鬧場面真令佢地懷念. 佢話17 th September都有兩個Switzerland 黎wor. 好想快D見佢地呀.

佢D FD走晒, 而我就help sister佢執野. 原來home father換左部新車, holdern行政版. 坐係裡面真係舒服到呢...home father, mother佢兩個一齊送我返屋企. 佢地話下年一月會去England工作, 而且仲5年tim......之後會再返黎perth retire. 聽到真係有D唔開心呢. 唉.....落車後我們又輕輕的擁抱. 我站在路邊向這對澳洲的父母送別.

其實好懷疑今日係咩節, 佢地話係father's day. 但我記得父親節好似係6月架ma, anyway我都打左電話比dad 同mum 傾電話. 之後再同Anson傾左陣就訓啦.

今日約左Anson同brian去睇戲. 係影紙相鋪門口會合左Anson, 原來brian要遲少少先出黎, 之後我地影左張卡, 不過極之唔係咁好呢. 之後去cinema等brian, 決定睇red eye. 我地3個去左食korea food. 攪笑, 係果度撞到cic 個馬來西亞女仔. 同佢傾左兩句.

之後Anson又有幾個fd 一齊去睇戲. 睇完戲去左Pot Black. then又行左陣. 之後又返返去pot black...

等左Donald之後我地4個人玩pool. Martin 同kitty都黎左, Donald 同我講(你個fd好串, 我冇興趣識佢), 聽到都好無奈~.~.....Martin 同kitty 去左玩snooker, 而我地就係出面等埋阿Ben. 阿teen 突然打黎同我講你知唔知我又黎食飯呀? 我聽到都好攪笑, 阿生係唔係玩野呀. 你果招好絕呀...之後係Pot Black 等左陣, 都唔知等咩.....之後我咪話行啦行啦, 去聚龍閣啦...唔行真係唔知幾時先食得飯啦

今次食飯我覺得真係有d 9唔搭8 啦......Martin之後都黎埋, Donald好似好唔想佢黎咁. Martin問介唔介意坐係到, 而Donald 就好快咁話介意呀, 真係唔知點好呢..

食完飯, 陪Martin去左tea coffer食dinner. 知道左佢有咩煩惱啦, 我地仲叫埋kitty黎認人tim. 唉......原來真係ge.  then同 Anson坐左陣之後就陪佢返屋企啦.

返返City, 去搵返Donald 佢地飲杯野. 坐左陣之後join返Martin佢地. 飲左少少酒, 個人好sleepy + dizzy.

返到屋企, 同Martin 熙仔傾左陣計就訓著左啦............