放左學又返工.

之後係city會合nathan, 應承左同佢一齊去學功夫. 估唔到今次的應承令我充滿左煩惱. 起初本來以為$A60一個月. 之後原來初初入會時要多$50做入會費, 咁冇計啦, 上到去, 唔通話走咩. 焗住比啦. 之後我就換衫. 然後Nathan 就教左我小許基本功. 佢早我一個星期玩. 之後又有一個鬼佬師兄教我. 然後師父就叫我去左另外一邊. 佢教我揸七星螳螂的拳. 然後就教我小許步法啦. 當師父教我時, 我腦海其實諗起李春林師父, 我的授業恩師. 所以我冇乜點留心聽佢的教導. 而且仲好心不在焉. 有一種好內疚的感覺. 因為我已經係竹林寺螳螂派的傳人. 李春林師父的徙弟. 但如今我投他派, 拜其師. 好似好對唔住師父. 有一個衝動, 同佢講不如你退返錢比我啦, 好唔好? 正當我打算同佢講時, 我同佢講我玩開南螳螂, now學北螳螂, 有好多野都唔習慣呀....之後佢講左一大論野, 我都唔好意思開口同佢講. 唉.........真係好難受呀.

後記: 爸爸真係話得我冇錯. 我係一個好容易放棄ge人. 小學我學余家雲掌. 不到2個月就放棄. 之前學泰拳+巴士柔術. 不到1個月就放棄. 其實係佢地吸引唔到我, 還是係我有這樣的缺點呢? 我第一堂就有放棄的感覺, 之後我仲可以點算好呀. 我都唔明點解跆拳我可以學左成12年

然後, 我真係想就每一件事時諗清諗楚, 我唔想後悔

之後我地返屋企換衫, 再出city, city今日有gay show. 有好多同性戀係條街到. 而且有D 男人仲扮到成個女人咁, 有如去左泰國睇人妖. 真係呢......ANYWAY 今日基ge 可以大搖大擺咁係條街到巡遊, 吸引左好多人去睇. 我地都有份. 有時D 基佬行過黎我地身邊都有一種莫名的閃避的感覺.

之後食dinner, 見到阿生佢, 佢地話一陣去dino. 之後ming, 熙仔, 我3個又去左casino. 又玩輪盤. 今次我地都....唉........開始明白賭場的恐懼啦.

之後去dino 玩阿生佢地. Dino有好多人我地都識, 攪笑. 好似佢地之前有個舞會. 所以好多都打扮都好靚. 之後玩大話骰, 又同阿生坐埋左一2邊傾心事飲酒. 我地又講左件事比Martin 聽, 又同佢飲過, 成晚飲左好多酒, 都幾high, 浮下浮下咁. 7點幾先返屋企.

返到去, 都係做平時要做GE野. 今次Jimmy教我切雞, 切牛. 都ok 難, 我仲切親手呀...一次切到爆甲, 另一次切到手皮. 流血......jimmy 把到實在太利啦. 令我諗起一句說話, 人要惡過刀. 你愈怕手中的刀, 愈會被它反咬...

今日出左糧, 都係唔夠得$100. 同老細講左下星期可唔可以返多D, 佢話好呀, 真開心呢...我決定買啦, 唔再考慮了. 等到有時間就去買先. 媽媽個LV wallet 都不是問題了.

放左工, 去左學車. 今次叫阿Tom多D比我係公路行, 唔再行小街小巷, 得到多d路面經驗. 係city 行左好耐, 起車都冇乜死火啦. 又試過係斜唔起車

出到city, 會合左corey 後去買釣魚用具, 頂....點之佢地Sunday closed. 真係有冇攪錯呀. 澳洲人真係唔洗賺錢. 咁我地就去左榮溢lunch. 食完lunch, 去train station 會合埋阿生.

去到fremantle, 去開我地買魚餌果間鋪頭買野, 好彩有開咋, 唔係都唔知點釣魚好. 今次又再次去我地上次去開果個位. 係果到, 我一條魚都釣唔到. 隙左好多次石.  之後我地去左另一邊. 一落杆就已經有反應. 之黎收線, 點知魚餌冇左, 我地個個都係咁, 所以感到極之開心. 以為有好多魚啦. 但係釣左一陣, 我地冇一個釣到魚. 如是我就試下落杆唔放魚餌, 點知一樣有反應. 唉.........可能係水底ge 海草作怪啦, 攪到我地個個空歡喜一場.

之後我地決定放棄, 去返碼頭釣. 其實係馬頭釣都幾悶架. 不過冇計啦. 係馬頭坐左成個鐘, 都係冇收鑊. 大約6點幾, 開始多魚啦. 但係我地的魚餌用得7788. 要走啦.

之後我就返左屋企啦, 而阿ming就返工. 這個星期六真是過得有點兒奇怪.

目標....考車牌, 買LV. 真的要花費很多錢. 雖然唔係冇, 但係我想用自己賺返黎佢錢黎滿足我的目標. 發奮....

雖然absent左, 但係我依然返學校, 今日有second hand book sell, 我拎左我D書去賣. 而且今個SEM有好多新香港人黎左.

之後去左返工. Jimmy教我切雞. 真係好有技巧, 唔係咁易, 而且鋪頭D刀好利, 好容易親手. 今日第2次出糧. 一個星期工作時間太短啦, 所以賺得唔多, 真係打算返埋之前份工. 今個sem個人好似冇咁懶散. 而且亦對自己今個sem充滿信心.

放左工, 去左pot black 搵nathan, 因為sunny要去參加個fd 個brithday party, 所以nathan 今日可以出黎玩. 有時情侶真係要莊閒轉一轉, 唔係真係會好辛苦.

今日8點幾起左身, 因為我部3G 有問題, 今日佢地送部新GE 3G比我用. 時間係8-12 左右. 但係起左身之後又好眼訓, 所以又訓返. 點知我MISS左佢地. 佢地拍門我聽唔到, 又要book time and date again, 唉.....

之後返工. 都冇乜特別. 放左工之後去左學車. 師父偷雞比我行高速公路. 可以踩到去成90km/h. 真係爽呀.

後記: 份新工just 返下晝, 夜晚可以多一點時間. 但係一個星期返工的時間太短啦, 賺得唔係好多. 好積極咁搵緊邊度仲請人. 要搵多D錢. 近期洗錢真係好似倒水咁. 又要學車. 而且下年返香港諗住送個LV 銀包比媽媽. 有了目標會令我努力. 懂得利用目標能使人成功.

係果度好好玩, 有好多奇型怪狀ge魚. 而且比碼頭果D大條好多. 不過好容易隙石, corey 釣到好多條魚, 而且都有返咁上下size tim. 玩到6點左右, 有好多人黎, 佢地見到我地走覺得好奇怪. 問我地幾點黎, 之後佢地同我地講6點開始有一種大魚會游入黎食野. 所以呢段時間會有好多人黎. 正啦! 下次叫埋阿生黎釣大魚先.

返到city, 我地打算返屋企沖涼再出黎. Martin上個星期二生日, 今日同佢慶祝. 我地首先去左榮溢食dinner, 佢就真係有香港茶餐廳feel la. 可以做一樣其他地方做唔到ge野. 哈哈........食完dinner, 搵埋熙仔, 我地去左一個印度餐廳試印度水煙. 好攪笑, 有好多煙噴出黎, 味度都幾好. 不過試一次就夠.

之後去左casion. 因為martin 18歲生日ma, 咪去casino 玩玩, 而且我都未去過casino. 去到睇左好耐終於決定玩咩啦. 玩輪盤. 開頭都贏錢, 之後後期又輸返. 賭真係奇怪, 贏左錢之後你會不奇自然地賭落去, 而且愈賭會愈大. 然後就.........我地個個都輸錢. 賭真係唔係咁arm我. 我唔鐘意輸完錢後悔的感覺.

起身, 去左BANK 再整銀行支票. 然後返curtin 交學費. 攪左我成個朝早啦, 之後再去返工, 由於我剛剛返學校, 攪到我遲到左15min, 好彩老闆唔係到咋. 晏晝好似好busy, 不過我都係做返我平時做ge 野, 就係洗廚房. 今日時間好似過得好快咁, 話咁快又放工啦, 真開心. 仲出埋糧tim.

之後去買左部DVD 機, 然後租左幾本漫畫同VCD 返屋企睇.

其中一隻係泰國鬼片. 阿MING返工返黎一齊睇. 哇, 套片都幾恐怖. 阿ming仲嚇到叫左出黎, 我都嚇親, 不過唔係比套戲, 而係比佢D叫聲.

之後vic park 落車. 係train station 等埋nathan 然後就出左city lunch 啦. 之後去銀行整支票, 要收成10 手續費, 真係貴. 之後又再返返curtin 教學費. 今個sem 我決定讀3科. 舒服d 科.

之後又再出返city. 去永隆租武士睇. 我以前已經睇過, 好好睇.

返入屋, 睇佢地執行李, 之後就出去啦. 我help yesko 咩佢個背囊. 哇, 真係好重, 不過好有feel, 咩住個大背囊好似去遠足咁, 話時話, 我買左個背囊都未用過tim, 真係想快d 用呢, 用的時候即係代表我去旅行啦, 哈哈....

之後我地去左bubble tea 飲野. 今次真係同佢地講bye bye 啦. 去左vic park 返工. 第一日返, 老闆叫我刨rabbit 絲. 刨都手都軟埋, 最慘有時佢隙住左, 變左空刨. 之後叫我洗廚房, 真係累.....之後jimmy問我肚唔肚餓, 我就話都有d. 佢就煮左個lunch 比我食. 我覺得jimmy真係好好人, 係我係perth 一個尊敬的人物. 佢冇一般大廚的架子. 4點50左右, jimmy叫我係到等corey 返黎得啦. 咁我咪問jimmy可唔可以出去買野, 佢話冇問題, 之後好快買完野返黎, 比老闆小, 話我返工期間走左出去, 咁我以為冇晒野做ma, 攪到jimmy 黎同我講唔好意思, 我真係覺得有少少對佢唔好意思就真.......之後跟corey去倒垃圾同倒油. 然後就走啦.

聽nathan 講可以check result 啦, 我叫佢help me check, 唉, intro com 同communication 真係唔合格. 唉.......預左..我marketing合格, 真係開心呢. 去到city, 同阿生佢地傾左陣, 之後去左pot black 同martin 榪波. 佢地話阿ming今日喊黎wor. 喊咪幾好, 個心會舒服好多. 之後去dinner, 然後去左fomosa 飲野. 諗緊點同martin 慶祝生日.

返到屋企, 同ming換房啦. 換房有時都幾好玩, 換下新環境, 有一種好似我地arm arm搬入黎的感覺. 突然有一種感覺, 好想快D 返學, 好似好多野都要重新黎過. 有趣有趣..

今日比ming 叫醒. 唉, 好唔願意起身. 留在夢中不知多好. 沖涼換衫, 我地好快就出左門口啦, 之後係train station 會合埋yesko. 然後一齊去華記lunch. 點知華記轉左手. 我地去左德興. 野食唔係咁得, 都係冇下次架啦, 一次就夠.

之後同佢地行左陣街, 雖然無無聊聊, 但係都好開心. 同ming 講起返大陸, 愈黎愈想返大陸呀. 大陸係我天堂. 我唔係指sex 呀, 我係指好多好野食, 而且又好平. 之後我地上左kings park. 今日唔算節目精彩, 但天氣十分之宜人. 天朗氣清, 略有少少涼意. 個人好開朗. 四周環境寧靜, 有一個平靜的感覺. 好似好開心, 但有彷彿略帶失落. 近來轉變什大. 與四周的平靜有點兒不襯. 係kings park, 影相. 之後落返city.

之後決定去唱k. 今次唱k 好好玩. 之後再去左dinner, 去左joy garden. 我同ming已經決定 請佢地食飯, 點知埋單時唔比用atm, 又唔夠現金, 頂.....之後問kozue借左錢, 然後再去提堤還返比佢. 佢地唔知我地會請佢, 佢地死都唔肯收返. 不過我已經決定左請佢地, 當然死都要佢地要啦. 哈哈.....一句我不太喜歡的說話又再在腦中出現.....天下無不散之筵席..... 佢地明日的離別開始感到不愉. 我真的討厭離別. 每當最後先感到對方的重要. 有少許恨自己以往經常躲在房間, 甚少同他們傾計. 不過我相信最失落的並不是我, 而是ming. 我與他們存在的是朋友間的感情, 而ming與kozue 存在的卻是情侶間的愛情. 真的有少許羨慕他倆. 可以經歷一個大考驗. 我亦深信他們能渡過此關. 今天的過後, 屋裡又變回寧願. 點都好, 今次亦是我在澳洲的一段珍貴回憶.

返到屋企, 大家係阿ming間房傾計, 又叫佢地講中文比我地錄音. 真係好好笑. 傾到2點幾走左去訓覺, 點知訓唔著, 好彩佢地留低左白酒係到, 飲左一杯, 人已經覺得暈暈地啦, 好快就訓著左. 不過已經係4點幾啦

佢地的紀念冊

之後返返CITY, anson 叫我出黎city, 之後放屋企放低左d菜, 煮飯, 然後再出去搵佢地. 去到pot black 睇佢地榪左陣波. 之後各自返屋企. 陪anson去買壽司. 之後再去vic park 見工. 老闆叫我下個星期返1,3,5......咁我即係放棄做阿homg果度啦.~.~...見完工返屋企.

諗左好耐send 唔send 個message比anson, 最後我都決定左. 有好多野都係相向, 大家都feel 到咩事. 我都想問清楚睇下有冇辨法改善. 因為我覺得有D野要珍惜. 回覆來的message雖然我都估到, 但係既然你決定左, 我都會尊重.

夜晚去左自己一個去左茶榮食dinner等 Nathan, 今次唔係坐果張檯啦. 之後同nathan 去左deen 飲酒. 之後又去左榪波.

後記: 今天感覺失去了一樣東西. 令我回想起當日對老虎的絕情. 有好多時, 做朋友同情侶都一樣, 有咩問題就最好拎出黎講. 如果唔講清楚問題依然會存在. 當日我對老虎的灑脫, 我選擇了放棄來解決問題, 現在我選擇了主動講出心底話......是現在成熟了, 還是當然幼稚呢.

今日同ming, martin, 熙仔, corey, 佢地去左飲茶. 好難都未試過我地5個一齊出黎啦. martin 遲到, 比我地屈左一人一杯bubble tea, 其實我同阿ming都係早佢5mins 到咋, 哈哈.......可能各人實在太肚餓啦, 我地食得好快. 飲完茶後我地去左bubble tea等nathan 佢地. 然後再會合埋阿生一齊去買魚杆. 之後就出發去fremantle 啦.

約左2點鐘, 點知4點鐘先可以起程...........去到fremantle碼頭. 我地整左一輪終於都可以開杆啦. 釣左好耐, 我地加埋釣左十多條魚啦. nathan 佢地走先. 我地繼續釣, 不過夜晚實在太凍啦. 我地都釣多陣走.

係city會合左martin 同熙仔佢地兩個. 然後返屋企啦. kouzu 同yesko佢地兩個煮我地今日的成果. 都幾有成功感架. 釣完魚煮黎食, 因為以前係大埔釣魚釣到都唔食得. 等埋corey 黎我地就開檯打雀啦. 我地首先打左一圈, 左20c. 之後各人好有興致. 再打多一圈. 我竟然第一次錢, 仲左成十幾. 令我諗起一句句唔係咁吉行ge話tim.....

出到city, 同Anson去左tea coffer lunch, 但係唔係好夠時間 + 唔係好有胃口. 晒左碟飯tim. 唉.....之後我地係Pot Black 搵埋阿ming就行去坐train 去fenmantle la.

今日天氣真係好好, 人都ok開朗. 同Ming去睇人釣魚. 個個都釣到一筒二筒魚ge, 真係厲害. 攪到好想釣魚tim. 睇佢地好似好容易釣咁. 之後就夠鐘上船出海啦. 上到船, Anson就係到影相. 之後打算同阿ming去睇下比唔比去船頭. 點知比人ban 左. 不久好多人都哇哇咁叫. 原來開始有whale睇啦. Anson唔係咁舒服, 比左部相機我影相. 我就同ming上去上面影相. whale比我想像中細條呢, 而且佢噴水時同我想像之中有好多分別. 影影下突然唔見左阿ming. 之後我咪見邊度有whale時咪走過去睇law. 其實睇黎睇去都係咁, 冇乜特別.

各人都好唔舒服呢, 包括我, 我都好想嘔呀, 不過嘔唔出, 好似有少少比錢買難受咁~.~.......回程啦....上左岸, 舒服晒. ming佢地去fremantle 行陣, 而我就同Anson返city 先, 送左佢去坐train之後我就自己一個去左重慶食野, 肚餓都死呢. 之後就返屋企啦....

今日起身, 阿ming同我講取消左今日睇whale. 天氣唔好wor. 雖然有少少失望, 但都好, 可以繼續訓. 訓到12點左右, 同阿ming出左city先, 之後同Anson去左M記lunch. 然後等齊人就去啦.

今日有ming, kuzue, yesko, 熙仔, martin, anson 同我7個人一齊去, 哈哈, 入場時好有一種成班friend去ocean park ge feel 呀. 入場費都ok 貴wor, 不過算啦, 一年一次. 我地入左去, 視察下環境. 同上年一模一樣...行行下, ming要搵佢gf 佢走先. 之後我地4個入左一間鬼屋. 間屋首先要帶住副眼鏡. 入到去第一間房. 我地見到好多個圈圈好似會浮下浮下咁. 之後好似有個圈圈人出現左. Anson摸一摸佢, 個圈圈人大力拍返Anson. 我帶住左副眼鏡. 見到個圈圈人好似打咁架咁, 之後我除左副眼鏡, 見到佢地好似有衡突. 我咪即刻踢左佢一腳. 佢好似想行過黎打我, 但係比個STAFF 拉住左. 我咪就過去打佢, 點知我又比Anson拉住埋. 之後我地比人趕左出去. Anson 就同佢噪, 最後我地再玩多一次. 不過條氣有少少唔係咁順.

之後我陪Anson去買野比佢細佬妹. 而熙仔martin佢地就四圍行. 陪Anson 揀禮物比佢地. 揀左都ok 耐呢. 有個細佬妹都幾好. 可以買禮物比佢地. 之後去左食野, join返martin佢地. 然後再去搵阿ming, martin 同熙仔唔知點解咁快走~.~ join 左阿ming之後去左玩滑梯, 不過好低B呀. 坐住張麻布滑落黎. 冇乜刺激. 之後玩滑浪飛船. 好似海洋公園果個, 咁當然海洋公園果個刺激好多啦. 成身濕晒. 之後再去玩跳樓機. 真係第一次玩跳樓機咋. 我地首先升到好高. 然後佢倒數. 不過都聽唔到GE, 係咁高望落去真係好驚, 之後就突然咁跌. 好HIGH... 不過比我想像中好玩. 之後就玩左D比人厄錢GE game.......行左陣, 去左草地旁一路睇表演一路等放煙花.

首先係有個人飛過個火圈, 然後就開始放煙花啦. 現場睇煙花真係好好睇. 不過都係好難留住美好的一刻, 更美好的一刻真係好想留得住呢.

放完煙花, party 要結束啦, 臨走時撞到Nathan佢地. Sunny問點解Anson冇公仔, 咁我咪講笑咁話Nathan law. 點知原來arm arm Nathan 先比人鬧完. 真係唔好意思啦~.~ 公仔對於女朋友真係咁重要?