之後大約9點左右去左Nathan 屋企, 同佢玩左陣功夫, 搵佢請教boxing. 之後等埋阿華返黎就出發啦, 大約係11點幾左右, 之後去接埋阿song. 然後去左佢地一個friend 屋企集合. 見到佢地, 應該好nice, 佢地好多唔係香港人, 正啦, 有機會講英文啦..

之後我地成班人出發, 出左成5架車. 果種感覺好正. 成班friend 一齊去遠遊. 成條freeway一架車跟住一架車, 爽呀....真係好想快D 買返部車, 買返部車唔係去左什麼虛榮, 而係真係方便好多, 唔洗返黎返去都係果幾樣野, 可以去下遠ge地方look around....

阿華揸左大約一個鐘左右, 到左佢另一個friend 屋企啦, 去到大約1:00am 左右, 我地落左車之後發覺真係好凍, 而且又好大風. 所以決定5:00am 初唔多日出果時先再去. 我地成晚係到飲酒. 玩....今個christmas 真係飲左好多烈酒, 真係好傷身體, 加上我又有肝炎, 所以我一定要介酒, 唔可以再飲咁多. 成晚冇得訓, 有少少後悔同左佢地一齊出黎, 但有時又唔得ge, 一定要出黎so so 一下, 識多D 朋仔.

本來話5點幾去ge, 點知有D就醉左, 所以8點左右先再出發, 揸左一段路, 去到一處幾靚的海邊, 我地開始行出去海中間, 行到好出好出, 其實都係好淺水咋. 不過我搵左幾耐, 蟹就真係搵唔到啦, 死蟹就大把, 阿華竟然捉左一隻八爪魚, 仲係幾大隻下架, 超攪笑. 不久大家都放棄啦, 我地去左lunch, 然後去左一個海灘. 佢地遊水, 而我成晚冇訓, 所以一路係陽光低下灑太陽同訓覺, 感覺真係好enjoy. 之後我地返返阿mark 屋企沖涼同訓覺.

訓到5點幾左右, 我地揸返車出city, 真係好想有架車. 唉.........返到屋企, 同爸爸傾開msn, 又講車ge 問題. 唉....佢同媽媽一樣, 講好多人冇, 我已經有, 好多野要好好珍惜. 又什麼比上不足比下有如. 又叫我諗清楚. 我每次聽到這些說話都會好唔開心. 係我承認, 我真係比好多人幸福, 有好多別人冇的東西, 我有....但相反, 有好多別人有的東西, 我冇. 可能我係獨生仔, 父母的的確確給予我太多壓力. 有時真係令我好辛苦, 同樣, 父母亦給予我好多物質生活, 使我開心, 他們總是給予我之後講你知唔知好多人想要, 但可能別家庭負擔唔起...我明白他們的出發點是想我好好珍惜, 但老實講, 我冇一種珍惜的感覺, 反而使我更大壓力, 我擁有了, 但良心過意唔去, 點解我有, 其他人冇. 唉.........今天, 把內心一直以來的感受一一同爸爸講晒. 我明白, 爸爸同媽媽的而且確係好鍚我, 我亦覺得有佢地做我父母感到十分幸福. 我們其實都係到成長緊, 我學緊怎樣做一個乖仔, 佢地學緊怎樣做一個好父母. 我已經大啦, 佢地能給我的是物質上的, 而我能給他們的又是什麼呢? 成就? 金錢? 還是係內心關心的說話, 我仲未知作為一個乖仔, 應該要點做, 可能咁樣就係令到我地成日都會閙交啦,.

大約11點幾, 好眼訓, 飲左杯jim beam cook之後就訓啦, 突然Alicia 佢地突然打比我叫我出city, 雖然我唔係咁想出, 但冇計...我照出左去, 同佢地係fomosa 飲左杯野, celecily 覺得唔係咁舒服, 所以佢地要返屋企先, 而我搵阿生, 點知佢地落church, 唉...我就行返屋企啦.

成晚訓覺時, 諗係爸爸媽媽, 真係好想快D見到佢地.

之後返返屋企, 同bosco 去左lunch. 然後去左bubble tea坐左好耐, 阿生又黎埋搵我. 之後同阿生, 小魚, camry 佢地去左game zone 玩, 見到有個鬼仔好輕易咁就中打部電話, 而我地又試下, 點知試過幾次都係唔得ge. 之後又去左Pot Black 榪波.

之後就去榮溢食飯啦. 因為bosco 今晚想返屋企, 所以Celeily 就出左黎city 接佢. 之後我諗諗下, 有點想今晚係佢地屋企過夜, 一來可以同Alicia傾下計, 二來Celeily 又可以教我database... 沖完涼就一齊上車走啦.

佢摌車時, 用客家同我講, 因為bosco 係到, 所以唔可以比佢知. 佢有一日問Alicia, 知唔知佢有個男仔好鍾意佢, 原來佢真係一早已經知啦. 佢知係我. 之後Alicia 就叫Celeily 唔好理我地兩個之間ge野. 其實我都預左啦. 我跟本就冇諗過會同佢有future. 佢的確係令我好吸引, 但係好多原因我地真係冇機會一齊.

去到佢地屋企, 我見到Alicia, 又有一種唔係咁好意思的感覺, 感覺到相方有少少避的自然反應, 所以我都好想返屋企, 好想celeily車我返返屋企. 幸好找到一個籍口. 我冇拎一樣野, 攪到我溫唔到database. 所以要拎返. 之後話不如我係屋企溫到有咩真係唔識, 就mark 地, 問佢. 但係佢又可能get 唔到我個意思, 成日都話唔緊要, 我車你返去再車你返黎咪得law. 真係比佢激死...哈哈...

之後佢真係車左我返屋企啦. 佢都話不如一齊溫啦, 會方便好多. 我就話, 不如你停係左右, 搵個地方傾下計啦. 原來係架車裡面傾計都好有feel 架. 同佢傾左2-3個鐘. 佢同我講左好多唔開心ge野, 之後我向佢客觀地分折. 有時我覺得自己思想真係好成熟. 又講起Alicia. 佢講左D 野的確令我對Alicia好改觀. 不過佢依然係一個好有吸引力的人. 原來Martin 都係鍾意Alicia. 其實我都知少少, 不過佢唔講我咪扮唔知law> 有一次阿ming同martin 佢地返香港時, 我地同埋Alicia 佢地去左重慶食dinner< 行過去的路程當中, 我同Alicia兩個人係前面一路行一路係到傾計, 我聽到Martin 講明知係人地ge 野就唔好搶啦. 果陣我都唔係好明點解, 之後Celeily 同我講返, 果陣我先知, 哈哈.......明知?? 唔好玩啦, 你唔講我點會知呀, 你又唔敢同我講, 又係後面攪小動作, 攪到我會笑咋...

之後我地返返city, 決定去唱K, 我買左支jim beam, 因為經過last night, 我都係決定放支酒係屋企, 有時真係唔開心, 苦悶可以飲. corey 亦到買左可樂, 我地一路唱K 時, 一路飲JIM beam coke. 爽啦. 唱完K, 我地去左DINNER.

之後我自己返返屋企, 不久bosco 黎左我屋企, 佢打算係我屋企過夜. 佢拎埋佢部電腦果黎, 我地仲係到打AOC , 哈哈....超正, 今晚我又打到成4點幾先訓

大約6點幾佢地又黎接左我出去啦. 因為星期6的party我地識左個香港人, 佢又叫埋我地去佢個bbq party. 所以我地今日又有house party 啦, 正啦.... 我地去到佢屋企, 原來已經bbq 緊. 我地個個都有D SHY, 又唔係幾好意思坐, 又唔係幾好意思食野, 不過好彩後期氣氛都好左好多, 大家有講有笑....之後我地打麻雀, 好彩平時有同阿ming佢地練習開~.~ 都係輸左少少. 一路打麻雀一路偷望Alicia, 見佢同小朋友玩時天真的笑臉, 有時又見到佢成熟的背影. 唔好意思, 我近期都講緊Alicia, 因為我依家真係成日都諗起佢, 你問我係唔係愛上左佢, 我又唔覺得係, 但係.....好似個心比佢吸引左過去. 真係唔明點解. 點解我成日都會比女仔吸引到, 又唔見我吸引到女仔ge... 係唔係有少少唔公平?

其實我可能吸引到女仔, 而係我自己察覺唔到啦. 返到屋企, 同Celicey傾左陣電話, 佢問我自己係屋企咁悶, 點解唔搵返個女朋友, 我咪話有時可能睇唔arm, 又冇feel 啦, 佢就問我, 你眼角好高架? 我話唔係, 因為有時睇arm 左, 但又冇機會, 因為又可能人地要走, 佢就話, 咁我知你講邊個啦.... 佢仲同我講原來我做得好明顯, 佢仲話我知Alicia 都知, 不過佢唔出聲遮. 佢話佢曾經同Alicia 傾過, 問佢有冇打算係到有段感情, Alicia 就話唔想, 因為太辛苦, 其實我都明白. 兩地戀真係好辛苦, 雖然我接受到, 但有時真係唔知人地點諗架ma.. Celicey話help 我問下Alicia 點諗, 睇下佢有冇意思同我一齊, 其實...邊有可能會同我一齊呀. 我地好多野都相差太遠啦, 佢係係我一個好前好前的地方, 即使花上幾年時間都未秘追趕得到. 唉......算吧啦, 我真係想為大家留返個美好回憶. 就算佢話想同我一齊, 我都未必真係開心. 可能我會仲辛苦....

曉兒, 有時男仔的說話唔好信太多, 包括我在內....因為有時我都唔知自己想點, 感情好多野話黎就黎, 話冇就冇. 黎左果陣其實未秘真係黎左, 冇左其實可能仲係到. 我唔知你明唔明白我講野....anyway, 唔好咁傷心, 因為你見識到人心...未來, 仲有好多好多不偷事情出現.

之後就拆禮物啦. 今年我收到一份禮物, 係homestay 送的, card game, good, i like it...哈哈. 之後同homefather 傾開計, 佢好似有D 唔開心WOR, 唔知咩原因..~~.~~ 可能就快要離開Perth 啦. party 完左之後好依依不捨咁走啦.

返到屋企, 睇左陣TV, 自已煮左個dinner 食, 好耐都冇係屋企煮dinner 啦. 哈哈.....之後Alicia 話一陣佢地call我出去一齊玩, 正, 又可以同佢地一齊去玩啦....但係阿生又同jungle 想可陪佢地dinner. 之後係city 會合左Alicia 佢地, 我地正商量緊去邊度食野, 因為好多restaurant 都冇開, 最後我地去左fomosa dinner. 不久阿生佢地都黎埋fomosa. 都有D唔好意思, 因為明明同左Alicia 佢地一齊, 但又同阿生佢地坐. 希望佢地唔好介意啦..

之後我同Alicia佢地飲完野之後就走啦, 我地去左kings park 玩煙花. 好好玩, 四周都好黑, 煙花好靚好靚. 一段美好的時光. 玩完煙花之後又去左佢地屋企啦, 我已經連續幾晚係佢地屋企過夜. 去到睇左Alicia以前D相, 好攪笑, 點解同依家分別可以咁大GE?? 有冇攪錯, 有肥版, 有廋版. 好想COPY晒D相去自己部電腦到呀, 哈哈.......

之後同佢係到上網, 佢又介紹馬來西亞, 又同佢一齊上咸網. 佢真係好攪笑. 係到問我呢個價錢點解, 我咪同佢講即係你同佢做要幾錢, 又問我呢個係咩地呀, 我答佢係陀地呀, 即係local女仔咁解呀, 佢又係到話邊個靚, 邊個唔靚, 最攪笑係佢見到D 雞個樣明明好老, 但係年齡就話自己係得20左右, 佢就會講有冇攪錯呀, 厄人都有GE...哈哈...同佢一齊真係唔會唔開心..佢真係好好玩, 可能咁, 佢先係我心目中咁特別啦..

之後Bosco黎左我屋企等我沖涼, 換衫. 好似好耐都冇係屋企訓過啦. 哈哈......不過Alicia, Cecily 都黎左我屋企坐左陣, 之後佢又車我地兩個返佢屋企. 今晚10:30有party, 我地返到去又訓覺, 訓到成9點幾又再起身. 之後我地又出左去, 去到佢地boss 個shop. 已經見到有好多人, 我地坐左陣, 不久個party 就開始啦.每個地方慶祝真係好唔同, 香港人就like 出街玩, Malaysia同Australia 同like 叫Friend 黎自己地方開party. 幾好呀, 成班人開開心心好過去維港同人迫啦.

party完左之後, 我地去左唱K, 叫Nathan help me book左左間房. 見到Nathan 好開心呢. 好耐冇見過佢啦, 我一路唱k, 又有時去下佢地間房. anyway 今晚好開心啦, 玩到成6點幾先訓.... good good good..之前仲好擔心Christmas 會好悶, 點知原來係咁多姿多彩ge....

=

返到學校, 即刻去library整膠片, 然後即刻返班房啦. 我地係最後一組presentation, 頭果幾組表現唔係咁好, 令我都冇乜壓力. 而且成班都好friendly. 哈哈....到我地present 啦, 我地一開始就唱歌, 佢地都幾受我地呢套. 成班都好開心..anyway 我覺得我地今次presentation 都唔錯啦.

之後去左搵corey 食lunch, 因為打算借佢張床黎訓一陣ma. 食完lunch 同佢傾計. 同佢傾開Alicia. 我同佢講, Alicia 就好似天上一片雲. 佢一路係我上面行緊, 不過佢總會有一天係我上空消失. 我點留都留唔住, 而且仲係冇得見返. 仲有一個月佢真係要返去啦, 唔再返黎. 我?? 可以做咩呢.... 有好多野唔係話你想得到就可以得到架. 不如算啦.....開開心心同佢一齊過埋呢段日子啦. 留個美好回憶比大家, 唔係仲好咩?

好彩佢corey 到訓左陣, 唔係就真係死啦, 老細要我地今晚洗廚房, 大清潔. 真係做到暈啦. 唉...

之後返city, cecily出黎接我去佢地屋企. 今次我仲拎左支jim beam 去tim, 唔洗飲beer 咁辛苦. 去到, 原來阿X, 同佢地一個korea 同學都黎左, 正, 可以一齊玩. 一開始我飲左兩杯純jim beam, 以經塊面好紅晒啦, 之後又玩games, 又飲. 唉.....anyway, 成晚飲左好多啦. 之後佢地去左訓覺, bosco, alicia 同我仲係出面傾計. 傾左好多野呀......

我地要去libaray 整膠片, 行行下,有個女仔叫我, 原來係Alicia呀..哈哈. 點知整膠片果度close 左, 我地企左係度諗方法, 而Alicia 就係側邊一路用電腦一路等我, 佢見識到Mich有幾認真啦, 哈哈....佢終於明白我每次Group meeting的苦處啦...哈哈.....之後我同佢一齊走. 有好多人問我佢係唔係你女朋友, 雖然我好想答係.. 但事實唔係... 同Alicia 坐完99到Octs street 之後佢就同我講我地一陣去到bubble tea, 要同佢地講我地係起curtin 撞到. 唔可以提佢特登黎搵我... 我話ok la... 之後佢問我你明唔明呀, 我話明, 佢話你真係明? 我話係呀,( 唔好同佢地講你特登黎搵我ma, 同佢地講我地係撞到ge)... 之後佢話(我唔係問你呢d明唔明呀, 你一D都唔明)..... 其實你估我唔知咩, 我一早已經知啦, 不過有時扮傻好過太醒目. 其實佢話佢自己係屋企好慘, 因為同佢一齊住. 有個人鍾意左我, 係我同Alicia的朋友. 所以有時Alicia同我sms, 傾計, 都唔可以比人知. 因為佢地覺得我係鍾意Alicia. 雖然我係, 不過我從來都唔會認...

係Curtin 去city 的路程好開心, 因為我同佢都有講有笑.我仲同佢我地係唔係好似地下情呢...哈哈...佢仲係city好closed咁睇我撞親果個位置. 開心.

去到bubble tea. 我地就要刻意疏遠. 冇計.,....去食韓燒時Alicia 仲好特登咁要我同佢坐埋一齊. 其實我都真係幾唔開心, 攪到我好唔知點咁, 好唔自然. 可唔可以唔好攪咁多小動作呀, 好多野係冇得迫架.

返到屋佢Alicia send左個sms 黎話今日just kidding, don't be serious.  我明白....之後send 左幾個sms 之後我地就傾電話. 同佢傾電話真係好攪笑. 我好記得佢第一句問我( 喂!你係到做緊咩呀). 但係好唔正, 又變埋音架. 佢未講野我已經笑啦. 同佢傾左成個鐘, 發覺佢外表同佢內裡唔係好match. 佢外表+平時動作係一個小妹妹, 但內裡原來唔係咁幼稚. 開始了解佢, 佢同我好似, 都係一個唔怕孤獨的人, 因為我地由細到大都已經習慣左啦. 反而我地都好enjoy自己一個. 可能就係咁ge 原因有時真係唔係咁想拍拖. 每次散都有一陣解脫的感覺.

我prepare 個presentation 到3點幾. 好辛苦, 過埋聽日就爽啦..

後記: last night 同朗兒傾開電話, 佢都覺得我變左, 我認...我真係變左, 好多思想都變左. 係變壞左. 幾覺得我冇以前咁好, 係...環境係咁, 好事實. 好多野唔隨著環境變只會係失敗. 好多野真係一分一秒變咁, 你...我.....佢....什麼年月變但我未變只會係美麗的歌曲上出現...

之後去左lab 上網, 同阿生一齊整friendster, 原來Alicia 都有friendster 架, 哈哈....

之後自己一個去左library 溫intro com. 溫溫下竟然又訓著左. 溫左好耐, 但係都係得一個chapter.. shit.

之後去返工. 我一入到去鋪頭, 見到多個一個kitchen hand, 我睇一睇, 原來corey. 佢話今日好busy, boss 打比佢叫佢返黎helping wor. 我睇一睇, 哇.....真係好似打完仗咁. 之後同corey 倒垃圾. 我比個大垃圾箱蓋撞親, 係好大個果D, 唔係小型. 我一剎那腦震一震. 之後吐口水出黎, 有血架. 我咬親條舌呀, 之後個頭又有少少流血. 唉..太唔小心啦.

之後COREY 走, 得返我同個日本仔. 好似平時咁做野, 頂.....係果到做野, 我唔係好識食物GE英文名, 比BOSS 話, 仲話下次我再問佢佢就會炒我. 唉.....一路做野一路係到諗, 有d 唔係咁想返工tim, 想用下D 時間黎學下功夫. 今晚的工作真係漫長. 今晚要換油, jIMMY知我要狂巴士所以好心HELP ME,點知佢唔係好識換. 倒晒D 油落地下. 今晚我地又要拖地啦...不過我冇怪佢. 反而今日我真係唔係咁喜歡BOSS, 可以講有少少討厭. 唔知點解有時老闆同員工要有一齊奮鬥的時間才會令員工有士氣.....

之後我一路行返屋企, 竟然喊左出黎, 我都唔知點解會喊... 我好耐都未試過喊啦...

後記: I want tell you guy a story: One night a guy was walking to the train station, his tear suddenly ran out from his eyes, it is a no reason cry. no one know why he cried, expect himself. Probably, he wanna change his fucking life.

好似我明得整, 有反效果tim.

係屋企休息左陣之後就返CURTIN 啦. 今日又有group meeting, 真係煩到呢. 天氣其熱, 好唔想出去, 但唔出又唔得. 去左M記食左個lunch 之後就坐車返學啦.

返到學校mich 同okky 都到左, 其他人就未到, 咁我就坐埋左一二邊上網. 唉.....其實我有冇去, 對我果group 都冇乜影響, 因為我係group 裡面都冇乜用ge.

5點幾lab room 一定要收. 我地可以去啦. 我出返city 買餸返屋企. 好耐都冇買餸啦,.買左好多餸返屋企. 今晚我仲煲埋湯tim, 哈哈.....

點知我出到city, 打比阿生, 佢竟然仲係屋企. 吹漲....我自己行去搵jungle先. East perth 真係正好多, 又有swimming pool, 又可以健身, 又可以焗桑拿. 同我果D 價錢差唔多, 不過環境差好遠. 攪到我好想搬呀.

Jungle 佢地落左黎之後就開始游水啦. D水好凍, 都冇乜心機游. 之後去左焗桑拿. 正呀, 焗左好耐, 出左成身汗. 本來打算健身, 不過好似入去好煩咁, 算啦. 本來今晚同Maggie 佢地食飯. 但係未定之時Alicia 佢地話今晚打邊爐..所以咪應承左law....真係唔好意思呀...

去左North brght join 佢地, 叫左佢地唔起等埋我, 但係佢地都等埋我, 真係唔好意思呢. 見到Alicia 係到有D出奇. 因為佢sick, 以為佢係屋企等我地tim. 一見到佢自己坐一張檯, 好似比人ignore 咁, 哈哈....佢個樣真係好sick. 又冇make up, 又冇帶con .... 好少見佢咁ge 樣....

去到佢地屋企.. 之後同bosco 玩card game... 又同下佢地傾計. 不久食飯啦. Alicia 好似冇晒事咁, 回復返佢ge,,性格. 佢仲同我講, 識佢ge人都知, 食飯時唔可以坐佢對面. 因為佢有時會笑到噴飯.. 有時幾真係幾可愛, 幾得人歡喜... 又係到話bosco, 因為佢係到打bosco, 之後同bosco 講, 你睇下, 比edwin 睇晒我D醜態啦...,......不過我同佢任何一方面GE距離都太遠啦.

夜左少少, 佢又開始好SICK 啦, 成個人都冇晒精神. 見到佢咁辛苦都幾唔開心. 夜晚我地傾計傾到成3點幾.

後記: Alicia 會係我係Perth ge一個美好回憶. 因為佢真係一個幾特別GE女仔. 比佢攪到我有少少變左TIM..仲有, 我明白到咩叫男女之間的距. 時間:佢大我幾年, 學歷:佢係master, 我仲係cert 仔.. 地方. 就快冇得見..算吧啦....哈哈....

之後去返工, 同日本仔一齊做. 佢做野可能做唔慣啦, 太慢啦, 攪到我MISS左班車, 好彩突然佢地打電話黎, 話Alicia pass all units 去左fomosa 慶祝.問我去唔去, 如果去的話車埋我返屋企, 我梗係話去啦. 我係到諗, 如果佢fail 咁佢係唔係會係到留耐D呢, 咁當然我唔想佢FAIL 啦. anyway, 一個月的好感尚算是一個回憶...

返到學校, 個miss 都未黎, 係咁問人點做點做. 叫人教我, 有D 後侮last night 兩個人一齊溫 tim, 因為可能我自己溫會好好多. 個test 好似識做咁, 但係當我聽返miss 做完果D ANSWER 之後, 發覺自己又好似錯好多咁. 唉....死啦, 死啦..

放左學之後同Mich, Okky佢地攪份report. 之後自己一個出左city lunch 同行街, 又時雖然好enjoy 自己一個, 但有時真係幾孤獨. 係唔係身邊少左個人呢? 打算買條黑色西褲, 但最終都係唔買啦.

之後就去返工, 其實今日好累, 好眼訓. 返工前去左coffee shop 飲左杯coffer, 好似外國人咁悠悠閒閒.

今日同日本仔, boss 做. 起初都冇乜問題, 之後人開始多, 我地開始亂啦. 我仲攪到boss 好唔高興.  我唔可以成日話自己少做出餐, 因為我做左咁耐一定要識架....我仲比老細好serious 咁問我 (edwin, which language is you understand the most, english or chinese, 我答佢english is better, 因為佢係台灣人, 好多時我都聽唔明佢講咩, 所以成日做錯野.

後記: 開始明白點解係到成績咁差啦 . 我成日同住班 friend 一齊坐, 佢地唔聽書, 比佢地影響埋我又唔聽書, 我要自己一個人坐返先得.

之後我地去左玩bowling. 我成日都入gap.... 全部女仔都高分過我..唉...之後去左hungry jack 食野, 然後佢地成班就送我返屋企, 又係我屋企坐左陣啦.

佢地走左之後我訓左陣, 同阿ming玩左陣msn, 原來佢去左日本啦, 好lovely 啦. 之後又同曉兒傾左陣, 佢比左個超正ge 軟件我....thx..

不久同阿生講開, 佢話一齊溫statistic. 咁我11點幾就出左去接佢, 然後就一齊溫啦. 我地起初都好有心機溫, 但係之後就係咁係到吹水....哈哈.. 我地傾到成5點幾. 佢仲拎左個harddisk 黎, 比左好多好野我tim..

後記: 經常性諗住一個人算唔算係鍾意呢... 不過咁ge感覺好耐都未試過啦. 有時都幾enjoy. 不過我唔想投入一段沒有結果的戀情, 因為有時間的限制, 佢快要離開澳洲了.......( 多情自古空餘恨, 此恨綿綿無絕期).....其實可能只係普通感覺, 今日有, 明白有可能消失

之後返左學校group meeting. Ian 遲到, 去左hungry jack 買lunch請我地食, 實在太好啦. 有免費lunch, 不過我有一次遲到, 要比錢買野飲, 不過算啦. 大家開心未得law. 做我地份report 做到成5:00幾. 成個afternoon 有冇晒啦. 真係呢.....

之後去Nathan屋企. 去到Octs Street 坐車, 見到8mins 有車, 又見到kitty, 同佢傾左陣計, 有火車黎, 我地上左車...頂,點知係飛站車. skips 左 Victory park..我再出返去, 然後見到對面platform 有班火車, 咁發晒力係咁衝過去, 好好彩比我趕得切. 不過.....我又眼見我個火車快速飛過victory park. 我又坐左飛站車啦. 頂....好嬲....又去返octs street 等過車. 咁樣攪到我冇左好多時間.

去到victory park, 叫nathan 唔洗出黎接我, 我話我記得佢屋企係邊. 點知我get lost....唉...今日攪乜呀..又行左一輪. 先去到佢屋企. 佢教左我一陣statistic, 然後就同我玩功夫啦. 不過都預左唔會溫到好多野ge. 佢好明顯手上功夫進步左好多好多. 極之落敗, 無論技巧, 反應, 速度都輸晒. 攪到我好想繼續跟崔永成學tim...

之後bosco 打黎問我一唔一齊dinner. 咁我咪話好law. 去坐tea coffer dinner. 之後佢地話今晚係屋企飲酒. 比佢地講到我又好想去tim..最後仲決定埋去啦. 不過我地搵極都唔知邊度有酒賣, 因為好多地方都close 左. 之後好彩阿may 買到咋.

我坐車去左佢地屋企先, 然後ceciley再車我返屋企沖涼, 然後再車我去返佢屋企, 原來我地住得幾近咋...我地玩21點. 邊個爆得最多就要飲酒. 我都唔知自己點解可以黑到咁ge, 連續幾局都係我ge....佢地又有紅酒, 又有紅酒加beer, 攪到我好快咁醉左. 不過我雖然醉左, 但其實我醉左都係清醒, 知道佢地問我問題有咩含意. 我好婉轉咁唔答. 突然好掛住ming 哥, 有佢係到可能唔會有呢種感覺. 成晚真係好驚, 仲無意之間聽到唔應該聽ge野, anyway, 希望係我飲醉左聽覺有問題啦...

今日我地交左份report outlinte la...8.5/10 good result. 真係開心. 之後去左返工, 1:30-11:00....好長時間. 同老細好似打多左野講咁, 唔知係件好事定壞事啦. 夜晚冇乜客, 好淡好淡..之後我同corey 要洗kitchen...因為老細發現有好多roachs 呀...

放左學, 同阿生, Nathan 去左飲茶. 我講晒. 之後去搵owner 交租, 但係等極都等唔到, 所以我地去左剪髮先. 哇....等左成個鐘先有得剪. 今次係我第2次去salon 剪髮. 個女人都好有心機同我剪, 剪完之後又用直髮夾同我set 個型, 效果好好呀, 攪到我都好想買返個黎玩tim.

之後同Nathan去左library 後面玩打架. 睇完殺破狼之後我對於打架又唔同睇法. 開始去改變自已打法. 以前太著重馬步, 唔識變通. 而且又運用唔到跆拳係打架方面. 不過原來跆拳都好好用.

返到屋企, 我仲去左對面草地練腳. 哈哈.............

甄子丹學過

散打
摔角
泰拳
擒拿
柔道
劍道
擊劍
洪拳
太極
雙節棍
八極拳
西洋拳
太極拳
U F C
軍警格鬥
防身自衛
自由搏擊
傳統空手道
跆拳黑帶 7 段
其他棍法
又在少林寺學過幾年
還有其他中國功夫

我學過

跆拳(12年), 俞家雲掌(小學3年班, 1個月), 太極(一個月), 朱家螳螂(數堂), 竹林螳螂(3個月), 泰拳(一個月), 巴西柔術(一個月), 七星螳螂(一個月), 其他技擊散手...........好似咁多樣野一個月就玩完ge, 哈哈....最見得人都係跆拳

出到去, 飲完茶之後佢地話去睇哈利波特. 本來打算返屋企的我比佢地吸引史左, 就打算睇完哈利波特先返屋企做功課啦. 但係4:20先有場, 我地就再返返去NORTH BRIGHT 影卡, 都唔知做乜鬼, 行幾步又見到熟人, 行幾步又有, 好似攪到我係到識好多人咁. 原來小魚今日都係果度返工. 影完卡之後返返去睇戲.

今集哈行波特MAMA 地, 好似冇以前咁好睇呢. 而且又冇字幕, 有好多情節都唔係好明. 睇完成7點鐘. 佢地去食飯. 而我就返屋企先啦, 費事MISS左班車要行返去啦. 放晚去PIZZA HUT 買左個PIZZU 食.

後記: Alicia佢1月23日就走, 2月會再返黎畢業典禮. 逗留幾日就去上海. 好似有少少唔捨得佢tim, 話晒都係新識ge 朋友仔. 希望有機會條馬來西亞or上海見啦.

頂, 見到份卷已經悲晒啦. 我溫左果D 竟然冇出, 有冇攪錯呀. 考完之後我當堂成個人灰晒, 有少少怕又要再TAKE 過, 我真係唔想呀...

之後去左ray 屋企拎戲. 仲係佢屋企睇左殺破狼. 我覺得真係好好睇. 甄子丹真係好有型, 佢D 腳又快靓. 佢果然係玩過好多家武術. 令我好想再練返腳, 仲要係練到比以前靚.

5點去左返工. 今個Saturday到我返. 不過冇乜野做. 問老細可唔可以走先, 之後佢7點已經放左我走啦. 出左north bright. 會合左韓妹. 今日佢有生日party, 著到勁靚. 我地等齊人之後去左鏞記食飯. 我地成檯人唔係識晒, 所以氣氛mama 地, 同典型soso 冇乜分別. 之後切蛋糕, eric 都黎埋. 開心.

因為 eric 遲黎, 而佢又未食野, 所以食完dinner之後又再陪佢去榮溢食. 不過榮溢now有個什麼law...每人要有7蚊左右消費. 低B 架. 不過冇計....我又再叫左個西多士食, 食到好鬼飽呀.... Eric 原來星期一返香港, 佢就爽啦... 佢地之後落dino. 我就唔去啦. 成日冇乜點訓, 仲去dino...會好命架ma..

本來今日返工返1:30, 但係tomorrow有 test, 所以同老細講今日我返5點... 去左圖書館溫書, 不過實在係太累啦, 係果度訓左成兩個幾鐘, 好耐都未試過係張檯到訓覺, 遁得以前係張檯到訓覺真係幾爽呀...點左陣書就去返工啦

今日返工都冇乜特別, 老細原來請左個日本仔黎走, 下個WEEK 我就埋夜晚. 都幾唔想夜晚返工.. 放工後帶著疲累的身軀回家.

返到屋企又要溫intro com, 真係好討厭呀. 我幾時先可以好好休息呀??

11點左右, 問佢地拎晒香港電話, 然後就返工啦. 唔係好夠精神呢. 好彩今日唔係算有太多野做, 如果唔係就真係累死啦...

放左工, 等馬sir 黎學車. 今日第一堂上佢, 佢好似同我先前果個師父唔係太arm. 成日都係到踩佢. 呢個馬sir 真係煩到呢. 我一路揸車, 佢一路係我側邊噪住晒, 又話咁樣唔arm, 咁樣又差, 又話先前個阿sir 點教你架?? 聽到真係火到黎埋, 我已經黑晒口面, 直情同佢講不如你當我冇跟過阿tom 學車啦, 好冇...佢都get到我開始心情唔係太過靚. 少左好多野講啦. 不過佢真係教得好好.. 轉灣果陣就係好左好多, 比佢講完, 我覺得以前真係唔係好識揸車, 只係識得轉波...fuck....

學完車, 返到屋企, 突然覺得好alone, 阿ming走左得返自己一個係屋企自閉, 真係好唔慣呀, 1月28日快D 黎啦, 仲有成50幾日, 真係有排涯呀...