朝早去左華立食早餐. 然後坐巴士入荃灣. 行左陣荃灣, 就上山拜四面佛. 拜完之後我地就返左林村食飯. 爺爺突然話想返深井行下. 所以明天我地會去深井啦.

食完開年飯之後同grandmother一齊去左上水拜年. 好耐都冇去過姐公太屋企啦. 之後行左陣上水. 買左件西裝褸. 之後返返屋企啦. 我著西裝個樣勁奇怪. 都睇唔慣.

夜晚去左公公屋企拜年. 好多表兄弟姊妹都大過左好多. 哈哈. 攪笑....

夜晚去左吉之島行街. 買左件羽絨.

之後同佢地傾計, 然後又帶左隻狗出去跑步. 又踩單車去到許願樹. 今年好次話唔比拋寶碟, 不過仲係有咁多年, 想返起當年真係冇乜人架ma..

之後又食晚飯, 同叔叔帶左隻狗去散步.

夜晚同grandmother 一路睇電視一路飲紅酒. 爺爺比左隻錶我. 佢起初比隻勞力士同帝舵我揀, 我本來兩隻都唔想要. 但係佢要我揀一隻. 佢話我應該要帶隻似D樣ge錶, 咁我咪揀左隻帝舵law, 冇咁貴ma...佢比隻錶又激發起我要比心機讀書, 又係一個好有意義的象徵. 我要做一個帶得起名錶的人.

係等飛機時我send左個message 比Alicia. 唔知佢收唔收到呢. 如果佢收到就好啦. 哈哈....

之後就上機. 架機都好快開. 冇delay. 係部機都真係好悶. 問佢拎左杯酒黎飲先悶得著. 又冇一套戲好睇. 咪有時同candy分享一下我的愛情故事law....

落左機. 真係一點兒喜悅都冇, 我的心真的留在澳洲. 阿ray 幫我係免稅店買左3包煙. 頂...今次願到佢整唔見我3包煙. 究竟我係唔係真係同免稅煙咁冇緣呀.

之後坐E42去沙田再轉火車返大埔. 係沙田見到咁多年青人真係好唔習慣. 唉....返到屋企見到DAD,MUM真開心. 送左個LV比媽媽.. 佢都幾開心...

放左學, 同個fd 去左strling 搵Anson還返幾本書比佢. 之後去左食飯, 然後就四圍行下啦. 買左少許手信. 之後等埋corey就返屋企啦. 今晚佢黎我屋企長談+飲酒. 我地傾左好多野. 唉.....now真係有點唁想返香港呀. 唔知點解我個心仲係到. 有好多野係自己唔肯放底.

我怕今晚飲左酒會唔知醒, 所以叫左好多人打比我呀. 哈哈...

Australia day 當然會有放煙花啦. 原來係我屋企都見到煙花. 自己一個睇煙花真係一D feel 都冇. 我知你好鍾意睇煙花, 如果你企係我隔黎, 氣氛一定會好唔同.

今日自己去左library 溫書. 星期五的introduction of computer 真係冇信心. 不過冇信心時我會諗你, 的確你給予我壓力. 我想拉近我們之間的距離.

你臨上飛機時的一個簡短電話談天. 一兩個sms. 我會記得. 你的燦爛笑容, 你幼稚的行為. 但一切一切都使我回味. 有少許後悔我冇採取電話攻擊. 冇比你了解我係一個怎樣的男孩. 有好多心底話我都不敢對你直說. 如果有機會我可以再跟你談天. 我會同你講你星期六晚真的美得動人, 我會早一點說喜歡你.

我亦好驚喜, 你落機後竟然打電話比我. 我真係好開心, 但我冇對你表達當時的喜悅, 因為我那時真的高興得忘記應該對你說什麼好. 我真的好想早一點回來, 與著畢業袍的你拍照. 再跟你去clubbing. 再見多你幾面. 但我明白我真的冇辦法做到. 因為我怕....怕見到你更加愛你.....

我的而且確好想追求你. 你在柏斯時我沒有打算追求你, 但你離開後我竟然有追求係的念頭. 是不是一個笑話? 我想起亦覺得自己愚蠢極了. 感情上, 我永遠都是一個失敗者, 我不懂怎樣把握時機. 好多事情都表現得高尚, 什麼留一個美好回憶給大家? 亦是一個笑話. 我只係給予自己一個籍口跟你保持朋友間的關係.

你在柏斯最後的這一段日子開心嗎? 你將來會記得我嗎?

天是否真的喜歡作弄人? 我遇到你的時候竟是你臨別柏斯. 只好怪我倆冇緣吧啦. 我明白到你討厭香港人, 但偏偏我是一個香港人. 是. 我比他們與別不同.....但還有兩地這關. 算啦......算啦....我能遇到你已經是一個美好的回憶, 即是這美好亦帶來痛苦, 對, 美好亦痛苦, 世事就是這麼矛盾....我會留在我的長期記憶當中.

之後打比Alicia, 原來佢係library, 之後行過去搵佢. 佢係到等bosco, help 佢搵屋. 之後bosco 突然又話唔黎wor, 好彩佢冇黎, 咁我就可以同Alicia 兩個人相處一下. 哈哈..開心. 同佢係library 傾左陣計, then 由cic 返city 一路係咁傾, 佢真係好攪笑. 同佢一齊永遠都係開心多過唁開心ge...

去到fomosa, 會合左bosco同celeily, 之後飲左陣野. 之後同佢去左打AOC, 之後又3個香港人又同我地一齊打, 我同Bosco 一隊, 佢地真係唔勁, 我同佢兩個人打佢地3個都win, 哈哈... 之後就去dinner 啦, 去食steak. 我都唔明bosco 點解咁想食steak ge? 間野真係好普通咋ma, 同扒王之扒差唔多~.~ 又貴wor. 之後又飲左杯餐酒. 飲得成塊面都紅晒. 不過今日真係唔知係唔係大壓力, 還是係心情唔係咁靚呢, 冇乜點出聲, 佢地笑我又冇乜表情咁. 有時真係要好好control 一下自己個finical expression. 唉....non-verbal communication, 哈哈....

之後去左唱K, 本來真係唔係咁想去唱K架, 但BOSCO狂叫我地去, 又搵我過橋, 話我都想想, 明知我今日心情唔靚架啦, 我咪認真地話佢, 你想去就去啦, 又搵我過橋, 收皮啦. 我真係衝口而出左, 諗都冇諗過, 如果比我再諗我一定唔會咁話佢. 可能加上飲左少少酒的關係啦.

去到唱k, 氣氛真係ma ma 地, 我又冇乜點唱歌, 唱得最多的都是bosco, 我坐左係角望住個screen, 而Alicia 又係坐係角望住個screen.  有時偷望佢唔知佢有冇發覺呢? 不過佢都唔鍾意唱K, 我地兩個都真係幾悶幾悶...

唱完k 好簡單地講 bye bye. 比我想像中的結局簡單了很多. 我以為我們最好的一次道別會好美好. 但原來真係咁簡單. 可能係一件好事, 今晚同佢出街都冇乜特別感覺. 亦都係一件好事. 咁我就唔會咁痛苦, 咁留戀. 一段感情簡簡單單地過真係唔會帶來什麼痛苦.

返到屋企, 飲左支beer. 已經high high 地啦, 之後打比celeily, 佢問我點解唔打比Alicia? 我都唔知解, 那一刻我真係唔想搵佢. 臨別時, 我知我打比佢一定會更加唔捨得. 所以冇謂令大家唔開心啦.

後記: 今晚過後我究竟仲有冇機會見佢地呢. 我真係唔知, 不過今日真係好唔開心, 我唔開心真係係人都知, 我係男係黎架, 點解可以咁emotion 架, 性格其實可唔可以改? 我點解成日都唔開心? 我唔可以好似Alicia咁成日都笑, 樂觀地面對一切咩? 我真係好辛苦呀. Alicia 你真係一個好特別ge 女仔, 我真係好鐘意你. 但真係好多原因冇辦法一齊發展. 你係我天上一片雲, 聽日你會係我頭上略過. 希望你係北京有好ge future. 雖然我同唔到你一齊, 但我真係想你幸福. 發情真係咁偉大嗎? 點解比我遇上你, 但遇上你後我真係學業上改變了很多, 我知道咩叫smart.. . celeily, 我真係好多謝你help me make notes. 我知道你對我的意思, 但我份人係咁, 成日都扮唔知, 唔好意思. 我同你都係同一種人, 我地一定要學懂開心. 就算唔開心, 係屋企唔開心算啦, 唔好係外面都係咁.

我真係要學懂一樣野, 我真係太感情用事, 唔開心真係係人都知, 我真係唔想再又咁多感情, 做一個無情的人一定會比多情的人開心. 我唔鐘意一個人點解真係會咁明顯?

考完之後, 都怕會fail, 點都好..過左去就算啦, 唔好再諗咁多, 對自己冇益, 專心應付聽日考試好過啦.

返到屋企, 訓到唔想起身. 之後睇左套生死列車, 都ok 好睇, 又係講愛情. 係唔係遇到感情問題時睇愛情片突別好feel 呢? 唉, 聽日係我見佢最好一面. 希望以平常心地過聽日啦.

成晚溫communication, 雖然唔係好擔心, 但都係要穩陣D 好. 我都開始執行李啦...

之後食完飯就行出去library 溫書, nathan 同阿華都黎埋. 大家都為exam 而努力呢. 溫溫下, 阿生都黎埋, 不過佢黎到果陣, library 都差唔多close 啦, 之後再去fomos溫左陣. 然後就去茶榮dinner la. 食完之後阿華車我返屋企. 佢同nathan 係我屋企坐左陣, 傾左陣計.

溫到5點左右就返左屋企啦. 仲租左套戲睇tim, 再說一次我愛你. 好感人, 說我愛你真係咁重要嗎?? 真係咁有意義嗎? 8點左右又再出左去. 約左Alicia, Celeily, Emma, 佢地去pub. 佢兩個下星期走, 所以出黎玩一晚. 咁8點左右出到去, 自己一個係city行左陣. 之後就去fomosa 啦. 會合晒佢地之後就去pub. emma 帶左一個文來仔一齊黎, 唔知係唔係佢boyfriend 呢? 我地首先去左一間pub, 果度有好多上左年紀ge人, 之後我地好快咁出左黎啦. 之後去架妹吧. 係果度企左陣. 飲左幾杯之後又換地方啦. 之後去Deen, 我的最愛. 入到去, 又飲多左幾杯. 今晚我都飲左好多酒. 好似第一次出黎玩飲咁多. 1杯sort, 3-4杯whiskey coke. 幾杯evolution. 哈哈....飲到個人真係high high 地, 跳舞時真係好爽. 好多唔開心ge事情都拋開晒. 不過好可惜, Celeily 覺得悶, 咁我地就早走啦. 其實真係未盡興晒架.

之後出到去, 我地去toilet, 酒精開始上腦啦, 行都行唔直. Alicia 拉住我黎行, 真係好開心, 其實我好想真係拖佢隻手, 但雖然飲左酒, 始終咁未夠膽做. 一條長長的街, 佢拉住我隻手時都變得短短. 美好時間始終溜走得飛快. 今晚佢真係好靚. 著得好成熟, 第一次見佢著短裙, 高跟鞋. 見到佢今日, 我覺得我倆之間的距離又差一步, 因為就算我點著, 我依然冇一種成熟的氣質. 我始終只係得19歲... 黎到澳洲, 發覺真係好雖要成熟, 絕對唔同香港.

emma 有一個朋友, 揸skyline, 佢車我地返屋企. 我地行去攞車時, emma 同我傾計, 佢問我, 你係唔係好鍾意Alicia? 我答左佢係.. 我仲問佢你點知架? 因為飲酒果陣佢以經同我打眼色, 叫我同Alicia一齊跳舞. 佢同我講本來佢唔知, 不過今晚知到左, 佢話睇得出. 哈哈....睇得出, 乜我依家鍾意一個人變得咁明顯咩?我記得以前, 就算我好鍾意一個女仔, 我都會唔出聲, 默默地暗戀. 溫駿, 你變左啦, 我認, 我真係變左好多. 唔再係香港時的小朋友思想. 佢問我, 你咁喜歡佢, 點解唔同人地講. 有好多事情, 講左出黎變得沒意思. 反正冇可能發生的事情, 講左出黎, 只不過會令大家痛苦. 是嗎?? 留個美好回憶比大家啦.

佢朋友部skyline真係好勁. 我第一次感受到跑車的威力.

後記: 返到屋企, 真係好唔開心, 孤獨, 有時我真係覺得自己同孤獨兩個字好有緣. 每一次歡落過後總是痛苦. 人點解要有咁多感情? 是否為我們人生增添色彩? 開心時色彩鮮明, 悲哀時色彩暗淡. 我望住個天. 究竟我仲有冇機會同你一齊開心? 今次係唔係最好一次見你? 你返到屋企時, 你打電話比我, 問我返左屋企未, 我同你坐同一部車, 我落車早過黎, 我梗黎返左屋企啦, 其實我感覺到你有野想同我講, 我感覺到你對我存有感覺, 你可否講一聲? 等我知道便以足夠. 或者, 其實你對每個男孩子一樣. 只是自己想得太多. 我太嫩, 玩不起. 因為我是一個很認真的人. 我明白到, 一朵色彩鮮艷, 香氣迫人的鮮花, 總會吸引不少蜜蜂, 可能我只不過係你心中一隻來自香港的蜜蜂. 但我真的冇所謂, 因為你真係好吸引. 希望你到北京找到一份好工, 有美好的將來. 我知道, 當你離開澳洲, 我對你的感覺一定要完結. 因為我沒有機會在澳洲遇上你.

今晚我飲得太多, 想得太多.

大約5點左右, 去左師父到. 佢地今日會出獅, 咁我咪去親熱鬧law> 又可以當軾鬆下, 幾好呀. 不過同佢地出獅有一種好怪的感覺. 都冇乜親切感. 可能我只係掛名黎幫手啦. 真係愈黎愈期待返香港同李春林師父佢地齊麒麟. 不過師父佢仲未好返. 可能今年新年佢唔可以一齊去啦....

之後係間酒樓食飯. 然後就返屋企啦..

之後就去考場啦, 等左陣. 之後考牌官叫我個名. 馬sir 同我講你好彩啦, 佢好好人架, 不過要小心火車橋. 我同考牌官上左車之後我就開始好緊張, 係到腳震. 踩離合時震得仲勁. 好彩冇死火咋. 之後係路上面行. 我要轉右cut右線. 望mirror 果陣見到後面有部車. 咁我咪讓佢law> 點知佢又唔overtake我. 咁我咪過線啦. 點知比考牌官扯我個軚盤. 唔比我cut 線. 比佢嚇一嚇成個人都慌晒.

之後到第2個section. let something behind. 即係停車比小許指令我, 要我停返原位. 佢講英文又講得快. 我又唔係好聽得明, 之後問多左佢幾次. ok la....揸揸下發覺死啦, 我唔記得左自己之前停係邊, 算啦, 事但停左係一邊.

之後到第3個section 啦. 過火車橋. 我就係衰左係到啦. 我唔記得左過火車橋ge law> then 又沖左紅燈. 咁就返返考場. 冇得再考啦. 失敗失敗......

之後出到city, join Alicia 同celeily 佢地. 之後打比dad and mum 同佢地講我failed 左. 之後dad 就同我講, 我都預左你failed 架啦, 你都冇乜考試運ge.  係wor. 我每次考乜考乜, 通常都係failed 架wor.. 明明去到果個要求, 但係臨場表現唔好...唉..mum 就同我講唔緊要啦....都冇計啦, 下次再黎啦.

之後我地係post office坐左陣, 佢兩個話要比我冷靜下wor...之後行左去LV, 買左個銀包比媽媽, 希望佢會鍾意啦. 之後四圍行左陣city. 然後飲野時講開bosco. 佢竟然做出D咁GE 行為. 攪到我開似唔係咁喜歡佢tim, 不過佢都似夠膽咁做. 不過冇證據冇計啦.

之後係fomosa 會合左bosco, 係到坐左陣, 佢同我講野, 我都唔係咁想應佢. 同佢講我今日心情唔係咁好, 唔想講太多野, 哈哈...好似好串咁wor...

之後行去聚龍閣食飯. 當我地叫完餸之後, bosco 就問我地, 乜我地唔係去食steak 咩? 佢真係攪笑. 佢係就一早同我地講啦, order 晒之後先講, 有咩用呀. 我亦都唔會睇你面色wor...食飯真係氣氛好ma ma....得我地3個講野, bosco 就唔出聲. 最攪笑係我斟茶比bosco, 佢講thank you, 又講 you are welcome. 咁you are welcome 應該係我講架ma. 之後我地咪勁笑law> 又串佢thank you, you are welcome. 哈哈........

食完飯之後, 我就上左師父到坐左陣, 之後就返屋企啦. 返到屋企跟本冇心情溫書, 諗返起今日考車failed> 之後打返香港, 傾左陣. 今晚真係有一種空虛的感覺. i think i really own nothing in the world. I don't know why I feel that. I wanna ask myself, why did you own? Sorry, I cant answer myself indeed

之後Alicia send 左個sms 比我, 叫我cheer up. thank you...之後同佢傾左差唔多3個鐘, 傾左好多唔同事件的睇法. 有時覺得香港人真係同馬來西亞人好唔同, 思考的出發點有好多分別. 有時真係幾有趣, 真係可以更加了解其他國家ge人. 佢仲教我點讀書. 係佢身上真係比到壓力我. 係一種激勵自己的壓力. 我真係要改改讀書的態度先得啦.

佢仲有10日走啦. 雖然我對佢係有好感, 但係now 變左係欣賞, 始終佢真係好值得人欣賞, 好有吸引力. 但我知我係唔會追求佢. 我係多情, 容易對人有好感, 因為我心底欣賞她. 但多情唔代表花心. 我分得好清. 人始終係有感情的動物, 只怪自己是一個富有感情的男孩, 所以我真的十分討厭離別

之後返左屋企, 正打算煮飯之時決定叫celeily 地佢地唔好拎皮蛋粥比我食, 費事佢地特登揸車過黎啦, 之後佢地竟然話已經準備出門口. 算啦, 都係唔煮dinner< 食佢地果D皮蛋粥啦.

佢同Alicia唔單止拎粥黎, 仲拎左朱古力黎tim.攪笑.....原來食左朱古力會成日笑ge, 依家先知道. 之後傾左陣計, 唉........佢地25號走啦. 仲有10日左右的時間...臨走時先同佢地開始friend 真係好可惜呀....

之後去巴士站等馬sir. 今日又要學車. 下個星期三考車啦. 仲好似好多都唔掂咁, 點算呀?

返到屋企訓左陣, 阿homg突然打黎叫我出去食飯, 老實講, 真係唔係咁想出, 不過算啦, 咁耐冇見佢. 我地又去左聚龍閣dinner. 兩個人叫左3碟小菜. 哈哈...勁呀, 最勁係我地仲食得晒tim...之後我地去左唱k 然後就返屋企啦.

所以今日我決定出去溫書啦. 本來阿生同我一齊出去ge, 但係佢又唔知醒, 所以咪自己去先law, 首先去左bank 入錢. 原來個staff都係香港出世, 真係好出奇TIM.

之後去library, 但係溫唔夠一個chapter就去左bubble tea 飲野, 個boss 沖果杯honey melon 真係好難飲. 同Celeily, Alicia 佢地差好遠. 唉....之後突然Celeily 係後面叫我. 同佢傾左陣, 之後再陪佢去左fomosa lunch. 好, 順便拎埋佢比我ge notes.

之後去library join 阿生. 係到狂溫intro com. 突然有少許決心要pass. 好事. 有了決心是成功的基礎.

溫到成6點左右, 之後join 埋韓妹同阿寶後去左聚龍閣dinner> 原來今日我問阿生拎左支煙. 佢支煙又什麼名堂. 話好多包前留到依家. 意味著許左個願, 今個exam 會full pass. 不過好唔好彩, 比我食左. 我真係唔覺意. 佢好嬲...不過自己又衰ge, 已經介煙啦, 仲問人拎煙. 哈哈....不過有時pass 唔pass 唔係靠許願ge, 自己努力D 好過啦....

返到屋企狂溫database....感覺明左好多

今日放左學之後同Alicia, Celecily 佢兩個食意大利野. 聽佢地講開, 原來Celecily 決定今次返Malaysia 唔再返黎, 乜真係要逃避? 洗唔洗咁serious? 係!! 我都覺Perth 真係唔係一個開心的地方. 但我唔會逃避. 無論任何原因, 如何辛苦, 如何不偷, 我都會按受總總因素. 小小挫折就要逃避點做大事呀. 又同佢地傾香港人的問題, 冇錯香港人真的有好多問題, 冇計, 大家生活背景唔同, 佢地係唔明我地諗野, 我的亦唔知佢地諗咩. 留學就係有一個好機會比我認識世界上唔同ge人.

一點左右出到city, 打算有點表示, 打算去買兩個中國小菜今晚大家一齊食. 點知好多地方都冇開門, 吹脹...之後買左叉燒返去. 本來2點有火車返homestay, 點知train station 突然話cancel. 咁即係玩野遮? 要坐2:15果班. 等15mins唔係一個問題, 最大問題係我去到warwick 會miss 左班巴士. 要行30mins 路程返homestay. 完全對perth ge交通失去信心. 真係好想有車.

行行下返去果陣竟然見到home father 揸車係我側邊經過. 之前佢send 左個message比我, 話會pick me up, 原來佢係去我屋企pick me up. 我以為佢3點係warwick train station pick me up. misunderstand 出現左呀..哈哈...佢入左少少油之後就車左我去一個car park, 然後我地就調位啦. 我起初唔係好習慣部車. 不過揸揸下順左好多. home father 仲話我揸得幾好. 的而且確今次揸完車之後路面經驗多左好多. 揸左成個鐘, 好彩冇乜什麼意外. 愈黎愈鍾意揸車. 可能我仲係一個初哥啦. 不過聽好多人講第時會揸車揸到驚.

之後返去佢地屋企. 同home mother傾計, home father出左去. 同home mother 研究下車款. 我地講下大家近況. 原來kelly 去左Canady. now 得佢地兩個係屋企住. 兩個人住咁大間屋真係好怪. 有時屋真係唔洗太大, 夠就好. 以前屋內的熱鬧場面好難再有啦. 我真係好好彩, 一黎到澳洲就有一個咁好ge home stay 照顧我. 又教我學車.. 我真係當左佢地係我澳洲的父母. 佢下個月去香港, 適逢我又係香港, 所以我一定會好好招待佢地. 我都同佢地商量過帶佢地去邊到玩. 問佢地想買野, 去邊. 哈哈,...我會全程陪佢地呢..

食完飯, 佢地車我返返屋企. 臨落車時大家真係好唔捨得, 下次見面將會係香港, 諗起都開心.

今日約左Alicia佢地去ice skating 約左佢地1點鐘, 點知佢地1:45先黎到, 遲晒大到. 點知Alicia佢仲嬲過我. 原來Alicia 一早已經出得門口, 但係bosco 同阿X, 阿KIM 佢地唔知醒, 攪到大家一齊遲到. 第一次見Alicia黑晒口面, 完全ignore晒佢地.

之後落左車我地仲行去冰場, 點知個session 就快完, 要等下一個session, 即係又要等多成個鐘, 今日浪費左好多時間係等方面. 夠鐘入場啦, 我地換晒鞋之後就雀躍地放低野. 之後我就出冰埸. 點知我咪講野已經仆左街. 哈哈....點解我會係第一個架. 我仲要係識踩冰tim 架. 佢地唔識都未跌. 好彩佢地冇笑我..哈哈.. 好彩阿X 都識踩冰. 如果唔係冇人同我係中間玩. 佢地個個都係邊邊行.

踩完冰之後我地就坐車返city 啦. Bosco, Alicia, 我 3個人去左聚龍閣食飯. 之後傾開佢地屋企問題, 原來佢地屋企真係出面左好多的conflict. 其實我做外人的真係不便比意見.. 我覺得自己真係好辛運, 因為同阿ming 咁match..