2月1日

2月25日星期六

last night 好夜先訓, 今日約左謝太飲茶, 但係又冇講幾多點鐘飲wor. 所以11點幾就起左身啦, 之後約左佢12點樓下潮江春. 同佢坐左陣, 佢兩個女都黎埋. 我地差唔多由12點幾飲茶飲到成3點鐘. 好攪笑, 第一次同謝太傾咁耐計咋. 哈哈, 依家有個性格, 就係鍾意同r唔同人傾唔同ge野, 擴闊自己.

返到屋企, 執左陣行李. 我面對緊一個好嚴峻的問題. 頂, 我行李箱唔夠放我D野tim....只怪自己買得太多物件過澳洲. 之後訓左一陣..

然後過富雅搵區記. 坐左陣之後去富善學跆拳. 返到去, 見到成班小朋友都真係冇乜隱....唉...不過算啦, 拉下根, 踢下腳. 不過太耐冇操啦. 速度真係慢得太多. 之後同陳俗輝打free fight. 其實擺明試佢依家ge實力. 不過太令人失望啦. 什麼導場教練, 什麼黑帶...shit....是我的高倣, 是我的目中無人, 是我的自信. 對, 你冇實力唔好扮勁, 我一定拆你台.

之後行去伴涌, 今日伴涌酒吧有BBQ party, 阿嫂之前咪同我講係我臨走時幫我攪過BBQ party. 點知今日佢地又有BBQ party 咁咪所以一齊攪law. 仲好. 唔洗特登搵一晚出黎. 今晚有高佬啦, 阿恩啦, 阿發啦, 劉倫啦, 阿文啦, 同我..我坐坐下見到隔離台個女仔好似曉兒, 正當我奇怪點會係到見到佢之濟佢就行出去燒野食啦, 我咪叫佢, 點知...佢冇應我.....咁算啦. 之後我出去燒野食, 佢終於都見到我啦..哈哈, 攪笑. 係咁ge場合都見到佢, 有點緣咁wor....之後我地就吹下水啦, 玩下骰盅啦, 最後我地玩3公. 哈哈... 贏錢呀.. 不過之後望一望, 原來曉兒已經走左啦. 雖然我地今晚6個人一齊玩, 但係氣氛好ma ma, 好似冇乜歡樂咁. 各有自己的心事, 還是各有自己的避忌呢?.........

之後區記同趙子緯都黎埋. 其實同完佢地燒野食之後約左跆拳. 今晚走,兩場, 真係辛苦. 同佢兩個傾左好多以前GE野, 不過之後趙子緯要走, 我就同區記坐多一陣又去另一間. 去左大埔墟蝴蝶. 係果度我地兩個又飲酒, 又玩下飛標. 都幾好玩架. 又唔知係唔係之前飲左Black Label. 又扯返起D beer 上黎. 係再同佢玩骰盅之後開始又唔掂啦. 走左出去嘔. 唉...好辛苦....

2月24日星期五

今日成6點幾就起左身啦, 之前應承過grandmother 會同佢去粉嶺游水, 點都要同佢去一次架啦. 雖然好眼訓, 但我都堅決起左身, 坐火車去到粉嶺. 哈哈, 我用Curtin 張學生證以學生價錢入去游水. 平左成一半, 哈哈....

之後換完游褲就入游池啦, 好彩今日唔係好凍咋. 而且水溫算和暖. 同grandmother 游左陣, 自己又游下, 我冇帶游鏡, 所以都冇乜心機游. 之後grandmother 問我同唔同佢D游水friend 去飲茶, 我話唔好啦. 之後8點半左右返返大埔, 去寶星搵爺爺飲茶. 同佢食完個早餐之後就返屋企訓覺啦.

11點左右爸爸叫醒左我, 話師伯有車返大陸, 問我返唔返, 但係我極之疲累. 休息多陣先啦. 訓醒之後, 我執左陣野, 睇睇VCD.

之後爸爸打黎要我拎師伯PDA個盒出去上水, 咁所以我又要走過去上水, 之後果度d staff話唔係係到換機, 要我地出尖沙咀先可以換. 真係火到黎埋, 一早又唔同我地講清楚, 等我白行一敞.

返到屋企不久又再出過去. 去到明星, 見到阿鉗, 主席, 阿ling, Ka Yi, 家俗, 好耐都冇見過佢地啦, 個個都靚女左激多wor....哈哈, 之後再見埋Red. 之前好似話OK 多人黎, 不過好多又好似放晒飛機. 不過真係有野做唔黎, 還是唔想黎就大家心照啦...不過老實講, 對我而言, 多人燒, 同少人燒都係一樣. 如果得兩個人, 我都會照去. 因為我應承左今晚會出現. 不過今晚都玩得幾開心... 都唔知做乜鬼野, 玩遊戲成日都輸....仲要我當中打交...哈哈....幾開心呀..

2月22日星期三

今朝好早去左大埔墟搵爺爺飲茶. 飲完之後返左屋企睇碟. 12點左右又同爸爸去左大埔墟食魚蛋粉. 之後去買N70. 佢愈睇愈鍾意. 最終決定買. 等我返澳洲都買部先. 因為我係澳洲買N70平好多.

之後返屋企, 休息左陣. 然後又出去食牛腩米. 正...........返到黎我肥左極多. 一日多餐. 其實有時我真係唔肚餓架. 不過想食野而食野...哈哈...

之後差唔多去飲啦, 我有史以黎著得斯文同靚仔, 因為今次返到黎我轉左look. 買左好多斯文的類型衫. 去到酒樓, 好多跆拳教練都唔認得我. 佢地由細已經睇我睇到大. 以前我係一個極之細小的小伙子, 如今我件已經係一個成年人啦. 已經有差唔多15年啦. 時間真係過得快呢...哈哈... 好多教練都老左好多. 而且有些可能已經成為高級教練, 在正道中有一定的話事態力, 所以擺出一副討厭的架子. 權力往往令人腐化. 不過有些仍是以往對我的熱情, 喜歡玩弄我呢...哈哈....

要有人專重你除非以德服人, 否則只是口服心不服.

2月20日星期一

今日要body check, 好早出左去尖沙咀診所. 去到, 等左一陣之後就有個姑娘帶我入房啦. 我要除晒所有野, 然後照心電圖. 之後就去抽血. 原來我真係好驚打針. 我唔敢望支針筒插入黎我隻手. 見到都腳軟.....估唔到我連紋身都唔怕, 係怕打針. 打針都只係一次過, 但係紋身就不斷咁比支針狂插, 真係奇怪啦....然後就去照肺. 之後就走人啦.

食完個lunch 之後就去銅鑼灣. 去新華行左好耐. 果度係好大. 不過冇大陸書城咁大呢. 係果度買左好多營銷, 管理, ge 書. 我要好似俊汝咁樣開始研究呢方面. 要有一個實際的基本概念. 哈哈...有點像一隻準備進入社會的雄獅. 是我的狂奔, 還是對自己的自信呢? ..

之後去左爸爸office 坐. 坐到差唔多6點左右就去朗豪坊啦.

會合左阿Ping 同Red之後我地就去影阮買tickets. 睇7:15....之後去左沙爹王dinner.....order左少許野食大家一齊share. 果度有個control 同黎order, 我地係到狂玩. 超好笑. 之後我地去睇戲啦. 套睇都好ok. 之後坐火車返大埔, 佢地成日講埋晒好多女仔野, 我又聽唔明wor, 又比佢地笑...哈哈, anyway, 今日大家都玩得幾開心.

後記: 心高氣倣是對自己充份的信心, 還是對自己過於信心呢. 不過我都遇對好多心高氣倣的人, 在我眼中, 有些只是不涉一提, 但有些我卻是心中佩服

2月19日星期日

今日訓到差唔多成12點. 係果度訓覺真係好舒服. 大約1點幾去左附近酒樓食飯, 之後行左陣吉之島. 然後又返屋企訓覺. 訓到成6點幾. 我個肚真係好唔舒服, 都唔知咩事. 係之前食得太好, 還是係我飲完酒呀??

之後爸爸留係到健身, 而我就同媽媽去左東門行街. 我去左買碟, 買左成47隻碟. 真係正, 返到澳洲有排我睇啦....哈哈.....

之後會合爸爸, 我地係東門食飯係一個錯誤的選擇, 因為我地袋左好多錢, 我地都步步為營. 去左麵點皇食野. 都幾好食呀. 之後就過返香港啦...

成日都唔知做乜事, 手軟腳軟, 又痾左好多次...

好想食刀削麵呀, 不過一路行都見唔到. 今次返到黎真係肥左好多, 我真係好鍾意食. 希望可以食通大江南北啦.

2月18日星期六

今朝師伯落左黎香港買PDA. 我起身落去飲茶時個肚真好似有少少隱隱作痛, 肯定係last night 飲醉酒未復原啦. 係酒樓時, peter 仔係要拎師伯新買ge PDA出黎玩. 真係攪笑啦.

之後我地一齊過關返大陸. 返到萬事達, 我訓左個晏覺. 都唔知仲乜鬼野, 成個人都軟手軟腳咁. 第一次飲酒餘後咁辛苦呀. 訓到媽媽過到黎. 之後我地一家人同師伯去左華強路食飯. 因為師伯想買貼保護貼ge貼紙. 我地去左明香食. 不過我腸胃唔係咁好. 所以冇乜胃口. 而我有好似有少少凍親. 食完飯打算去桑拿, 但係媽媽唔係咁舒服, 所以唔同我地去啦.

我地送左媽媽返萬事達之後再去悠閒谷. 係果度焗左一焗, 出左一身汗, 感覺好好多. 之後坐左陣, 然後就去按摩啦, 真係舒服得很....返到屋企成1點多.

2月17日星期五

今日又一早起左身去海逸搵homestay佢地. 之後同佢地坐火車去火炭會合爸爸. 都算係咁啦, 同佢地坐過山頂覽車, 巴士, 地鐵, 火車. 爸爸借左架車, 今日會同佢地去新界, 去西貢行下. 去到西貢, 同佢地行下碼頭, 行下街市. 又經過國藝店, 又好想入去睇麒麟..哈哈, 又去左西頁天后古廟.

然後又再揸車去返海逸. 佢地check out 左之後我地就同佢地去珍寶啦. 好多西方電影黎香港取景都會係珍寶. 所以佢地都係電視見過珍寶. 不過我好耐都未去過啦. 我記得我好細好細時去過一次, 因為果陣珍寶係向公公買桃花, 所以我地去, 佢地有折扣比我地. 我地坐船去到珍寶. Peter 同 Rosie 見到裡面的裝修嚇了一跳. 因為實在係太輝煌啦. 我地仲比人厄左坐左係貴賓廳. 個個staff 當我地好似大爺咁, 可能佢地又見到我同兩個外國人一齊黎啦. 又叫溫生前溫生後. 那一刻真有一種上等人的感覺. Peter 同Rosie係果到食野食得好開心. 梗係啦, 佢地都唔知有幾咁貴呀....之後佢地四圍影相. 然後我地由香港仔開車送佢地去機場啦. 佢地走左之後我同爸爸好似鬆左一口汽咁. 好似完成左一個大job, 不過老實講, 如果唔係佢地係澳洲對我咁好, 我真係唔好會咁好對返佢地, 好多時都係將心比心. 而且亦都是中國人的請客, 虛偽的手段. 今次佢地黎一黎, 我地真係用左好多錢.

之後我同爸爸去沙田還車, 然後食左個tea, 又係沙田行左陣. 沙田真係變得好勁呀. 完全唔係好識行.

俊汝聽日要走. 我同佢去飲野, 但係劉澤文又約我去飲野. 真係難做. 因為我同俊汝傾計人內容同佢地並唔一樣. 所以我同俊汝去左食宵夜先. 之後去左榪波. 劉澤文落黎北京搵我地, 之後又去左伴涌飲. 我地3個又係到傾下計. 不久高佬都黎埋. 其實佢本來話唔黎的, 但佢知劉澤文係到, 而且我地3個人有誤會, 所以佢好緊張咁坐返車返入黎同我地傾, 但係我地跟本冇乜機會傾到, 因為果度果個老闆娘一直係咁同我傾, 其實我今晚第一天識佢咋. 不過好有親切感, 可能大家都算係鄉村人啦...哈哈...佢仲話我臨走時幫我攪一個燒烤party....本來時間唔係多架啦, 唔去又唔係咁好意思. 因為人地咁有心特登幫我攪. 今晚我仲飲酒飲到嘔呀. 我地之前飲beer, 之後佢地叫左支black label(威士忌). 飲飲下威士忌突然扯起先前飲過ge酒上黎, 所以一路坐我一路忍住. 係咁叫俊汝不如我地酒先啦. 但係個老闆娘臨走時都同我講左好多野, 最終我真係頂唔順嘔左出黎. 我知我自己實嘔架. 但係唔想嘔係佢地鋪到附近ma.,..

2月16日星期四

今日我地成家9點就去到海逸酒店會合home stay, 都算比足面啦, 連媽媽都請埋假黎陪佢地. 我地第一站就去天星碼頭, 一個好有歷史的地方. 原來佢地都聽過. 坐ferry 去左對面海之後就行去坐山頂覽車啦. 今次應該係我第2次坐山頂覽車. 比我想像中好玩. 上到山頂, 睇香港的景色, 原來真係好靚ge. 幾特別. 好耐都冇上過去啦. 係山頂都見到好多外國人wor...哈哈...坐低飲左杯coffee. 真係貴到無論. 係山頂廣場時諗起一件往事. 是回味還是遺憾呢....哈哈. 不過已成過去啦.

之後坐返覽車落山. 落山都幾刺激. 之後上左個無頂ge 雙層巴. 係上面望落去又幾過隱wor. 香港街景真係幾靚. 之後同佢地坐地鐵去到旺角. lunch 我地去左飲茶. 飲完茶就行女人街. Rosie買左個手袋. Peter就好似唔係好想行女人街啦, 可能D貨物唔係咁適合佢掛. 之後我地去左睇camera. Peter要幫佢個friend 買camera. 我地行左成條步行街. 先搵到一間較會cheap的, 之後佢call 佢個friend, confirm 買之後佢就比錢啦. 部相機成$23000, 真係只係部相機咋wor, 真係貴.....

之後爸爸要返一返工司. 我就同媽媽繼續陪佢地四圍行. 同Peter去左潮流特區睇錶. 不過佢睇唔arm 款. 之後我地坐的士返酒店啦, 佢地上房沖涼先. 而我就同媽媽行黃埔. 黃埔都好多野行呀. 我仲買左件褸tim. 之後我地再返酒店搵佢地. 上左佢地間房. 間房望海, 真係正爆. 而且又大. 5星酒店果然係5星. 之後又去左泳池睇. 係酒店頂層. 個無極開揚大海景真係靚. 對住個海, 飲下酒, 食下煙, 人生一大樂事.

之後我地又起行啦. 坐的士去左理魚門. 帶佢地行左陣. 佢地見到好多奇怪的海鮮. 哈哈. 之後會合埋爸爸後就同佢地去揀海鮮. 去埋酒樓開位之後又再行多陣出面, 之後就返去食野啦. 真係正. 我地食到好飽好飽. 食淨左好多野. 當然我地唔可以浪費食物, 打包左返屋企啦. 之後埋單就唔係咁開心啦,成本2xxx. 不過請人食飯冇計啦. 明白到王力的請客啦...哈哈..

之後坐的士送佢地返酒店.

今日行左香港好多地方, 真係累得很. 原本有好多地方, 如唔唔係特意同人去, 自己都唔會去架...

2月15日星期三

今朝好早起左身, 跟爸爸上左大陸媽灣電廠睇佢平時工佢的情況. 今次媽灣之行獲益其他. 有好多方面有新睇法. 更加理解我將來的路向.

之後因為約左阿萍同麥脆, 所以要趕返香港. 本來爸爸叫我帶錢返去ge, 不過唔夠時間同佢一齊去銀行拎錢. 所以自己返去先. 返到去. 換個套衫, 又再出左去, 不過都遲少少, 真係唔好意思呀. 原來阿萍一個鐘前已經到左. 好快阿麥脆都到埋啦.

我地本來去睇戲架. 因為home stay 起左同我講佢係10:50到香港, 但係我地再check 多次時, 佢原來8:50到, 攪到我8:00 要係旺角走. 唉...睇唔到戲tim. 之後我地去左味千食dinner, 傾下計, 講下笑, 幾開心. 之後行左陣, 佢到俊汝, 有冇攪錯呀, 咁都見到佢? 之後又去滿記食甜品又見到俊汝係我地隔離行過....食甜時我地又傾計又講笑, 又陪佢地行左陣街....又撞到俊汝.....係唔係玩跟蹤先?...哈哈.... 好遺憾今日冇去到睇戲. 下個星期一定要補數呀.

之後搵巴士去機場. 去到, 剛剛好8: 45....得到9:25分左右peter 同 rosie 先出閘. 真係好高興係香港見到佢地呀, 好開心. 佢地可能坐左好耐飛機, 佢地果樣睇落去好累. 我地想行李放晒上車, 然後就開車送佢地去酒店啦. 爸爸唔係好識路, 行錯左幾次tim..

送完佢去酒店之後我地去左西貢還車. 之後返返大埔到俊汝去左食宵夜. 富雅間野真係勁難食..之後同佢係平台飲左陣酒.

後記: 今次去完媽灣. 令我對將來有好大的唔同睇法. 我見到大陸上我的工作真的如何辛苦. 有一電廠是何等的宏偉. 可能爸爸在電廠裡算是有頭有面. 使我感到壓力. 令我將來不能夠比爸爸遜色. 而且見到官理下屬同別人談話真的好有技巧. 我以前就算有才能, 也不願做最高, 做上司, 因為我認為這些只是用來替別人承擔風險. 但現在有少許改變. 爸爸有一個下屬, 少時候生活何其的痛苦, 可能弄成自己有一種自卑感, 與公司的人往往合不下來. 但他本身是一個好人. 我對他是有好感的, 我冇法睇會他的心理. 我離開後原來佢比左$100 利事爸爸轉交給我. 今封行事係我收到最不愉快. 如果是$10的話我反而會更開心. 因為老實說$100可能對我而言並不是太重要, 但對他而言卻佔了人工的很多. 我真的感覺到唔好意思.

可能今次返到黎我比以前諗法唔同左好多. 可能比以前見到更多事物啦. 係我咁多friend 當中我最睇得起係俊汝. 我今晚都係咁直接同佢講, 有時我真係幾欣賞佢. 可能我份人比較高倣同自信啦. 有時同佢傾開計都同佢其香港人好唔同, 佢都好留意身邊野. 可能我們同樣有一個共通點, 有一個偉大的父親, 影響我們深遠. 將來, 睇我定你較輝煌啦. 但我知自己有些地方還未做得好. 1. 對人太真. 2. 太易受人感動. 3. 太優柔寡斷. 如果我改一改可得他們慢慢地前行中, 而我就忽然間大步踏前了很多. 雖然離我成功的路途還是很遠. 但我知道自己會比他們更早接近.

我並唔介意別人怎樣看我, 因為我相信別人不了解我. 心眼往往看東西比肉眼較為清楚.

2月14日星期二

又是一件孤獨的情人節>.<....哈哈, 不過都慣啦.

朝早好早起左身, 之後係到睇書. 變左做一個書蟲. 之後去隔離屋村買lunch. 然後睇vcd.

之後同俊汝落左去樓下飲野. 一路睇書一路飲野感覺好爽. 一種在澳洲學懂的外國人生活.

之後去左榪波. 免費玩左兩板, 其實係俊汝交學費遮.

返到屋企又睇書.

今日情人節, 給父母過一個兩人世界的情人節, 打算搵朋友出去食飯. 點知朗兒話得閒, 仲問我去唔去食. 8點左右同左佢出去. 其實好似唔係咁好, 因為佢有bf, 我地又唔係果種關係, 係條街撞到好多都係情侶.... 去左老地方, D野好好食呀.

然後同左劉澤民去飲野. 同佢好好傾. 傾左好多關於高佬. 聽日原來homestay 8:30 到香港, 死啦, 明天仲約左阿ping 同 red 去睇戲同食飯tim.....~.~

後記: 又係2月14日. 今日對於我講真係一點兒意義也沒有. 但係有好多人視今日為重要的日子. 節日對於我們真的那麼重要嗎? 節日做的事情跟平日真的有那麼大分別嗎? 20年來我情人節好像只有自己一個人過. 但你問我有冇遺憾我可以肯定地答你冇. 我唔係好想有情人, 但我只想同自己喜歡的人過每一天. 每一天就彷如我們的情人節. 提及喜歡的人, 那個是自己喜歡的人真係連自己都攪不清. 有好多的她她她她她. 不過當然就唔係同一時間出現她她她她她啦. 可能我係一個比較多情的男孩. 比較容易對女仔有好感, 所以有時真係攪到我好亂..那算不算拖拖拉拉??

她: 她同以前有好大的分別. 究竟我是喜歡以前的她還是現在的她? 我攪不清. 以前她是我非常喜歡的一個類型. 十分之清俗. 真的有一種可遠觀而不可涉玩焉的感覺. 但可是以往過於膽小怕羞. 所以可能導致錯失太多機會了. 常常為此事而自責. 可能曾經太在意她, 攪到成為一種習慣了. 但現在的她變化太多. 有時諗起, 究竟為何時不時會想她? 可能若然我一開始遇到的是現在的她, 我會對她一點兒感覺也沒有. 但因為我太被以前的她所吸引. 所然同樣不能忘記現在的她. 無論她如何地變, 她仍然是她, 仍然是她....

她: 我同她的關係真的不太知道怎樣認容. 別人們都覺得我與她是很要好的朋友. 的而且確我們曾經真的有個要好的關係. 她真的很關心我. 使我對她的感覺與別的感覺有好大分別. 但可惜, 當時我心中有另一個的她. 到我真的喜歡她時, 已經是臨別的時候. 曾經有諗過是否真的對她說好. 無論回覆是怎樣, 我都想她知道這些年來我對她的感覺. 為她做了好多事情, 但並不是渴望得到任何回報. 後來對她的感覺有少許變化. 變得......可能因為某些事. 如今她成為別人的情人. 我也只好對她作一個祝福, 對她好, 因為我也想她得到幸福. 她真的是一個很體貼的女孩. 很多地方我很欣賞.

她: 跟本沒有想過自己會喜歡了她. 因為我們的距離實在太遠啦. 她的特別性格真的使我深深吸引. 2月14日更是她的生日. 不過我知道她身邊一定有大把人爭著為她慶祝. 即使她喜歡孤獨, 但以她的性格真的像磁石一樣吸來不少異性. 在她的臨別時我真的不捨得. 雖然我知我倆與她只會存在短暫的好感, 因此我們相識>熟絡>分雜, 都是在一兩個月內. 我早明言. 我回到香港後我與她的感覺一定會完結, 是的. 因為我與她並不是同一個世界裡, 更何況我們沒有任何的開始, 或許我回到Perth, 我會回想起她. 現在我與她做過的事情與夢沒有在分別. 謂一留在心中是她動人的笑容.

她她她她她??? 唔好以為真的是她她她她與她.......可能仲有別的她她她她她......

以上是我心底的說話.

2月12日星期日

今日要去表演. 6點幾起左身啦. 之後去上水某些茶餐廳食左個早餐. 之後坐van 仔入禾坑啦. 去到, 好多師兄弟都換晒衫. 我即刻換衫, 見到有好多好久沒見的師兄弟. 只有佢地會叫我做揚仔咋...哈哈....不過有好多師弟都唔係好識我. 咁出麒麟係要舞出去. 而且係要拜一拜. 師父同我講 (揚仔, 黎, 你來舞). 哈哈...雖然我內心話唔好, 但其實不知幾咁開心呀. 師父係側邊睇住我, 我首先就去大旗拜, 然後慢慢後舞到出門口, 又向大門拜一拜, 之後舞到車門, 又要拜一拜, 我對上個次舞麒麟係04年3月, 我仲未考會考..哈哈...好開心.

之後我地拎晒所有兵器上車, 然後就坐旅遊巴去連麻坑村啦. 條村要過禁區, 不過師父一早幫我地整左禁區紙. 去到, 其實同普通ge村冇乜分別, 不過望到對面大陸D樓. 只係隔一條河咋, 十分之近.

我地落左車之後, 就開始列陣入村, 好多師兄弟就揸大旗. 而我就當然想樂舞麒麟入啦. 我好禮讓咁讓左比師弟先, 因為我真係唔係好識拜. 因為會經過幾個太公墓, 所以麒麟要向佢地拜一拜. 咁師弟舞舞下要接力, 到我上. 我咪又舞LAW, 真過隱.

去到收左一隻麒麟, 只係用一隻麒麟入村拜年, 咁我地未跟住條麒麟行law< 都幾好玩架. 其實我都想舞下架, 不過怕羞啦, 自己又唔係好識. 不過好彩師父好主動咁叫我我一齊玩. happy 啦, 第一次舞麒麟同人拜年. 要拜埋人地地主, 用鴨仔步入屋, 真係有少少抽根呀, 哈哈....其實舞左2-3間屋已經冇乜力架啦. 要換人. 最怕係D村民拋炮長, 佢地拋到係我地附近, 好驚架ma...... 同晒成條村拜年, 返回大空地.

大空地已經坐滿晒村民. 師父我地開始表演功夫. 首先係小師弟佢地表演. 差唔多到我時好驚, 好緊張. 之後我步出台, 同村民開左開拳禮之後就開始打三剪搖橋啦. 打我都唔錯啦. 三剪搖橋係一套幾短ge套路, 好快就打完. 之後又同其他師兄弟表演功夫啦.

我地表演晒之後就到其他人唱歌. 我地就係下面等食盤菜. 等左好耐先有得食. 不過佢地係自家煮, 果然風味不同. 可能我地太過肚餓, 食野食得太急, 好快就飽啦, 食淨左好多野. 之後有所有謂的少女唱歌, 然後就落台唱歌, 其實即係逗行事. 咁唱到黎我地果邊, 見到師伯著住件功夫衫, 咁個歌星咪話不如我唱男兒當自強, 然係你就耍功夫啦, 本來佢唔肯, 但係群眾壓力冇計. 之後佢耍完之後個歌星都未唱完歌. 個歌星話不如你搵個徒弟接埋下埋佢啦. 師伯咪落黎搵人啦, 我地個圍檯最接近個台, 佢起初就拉冠偉師兄出去, 但係佢死都唔肯出. 之後師父就行過黎, 同我講, (揚仔, 你上去打條佛手啦) 我都知冇好野架啦, 我話唔好啦唔好啦, 師父望兩望, 都係叫我, 唔洗怕wor, 去啦, 咁師父平時咁錫我, 咁咪上去啦, 不過一路打一路係到笑. 唉... 打完之後班師兄弟咪話揚仔好野.....哈哈

之後食完野, 等埋抽獎之後就返去啦, 返到禾坑, 影左張大合照. 然後拆利事, 條麒麟逗左成$7000行事, 原來師父會分錢比我地, 我地每人都灰有$300. 都幾好收入. 不過我要唔要錢都冇乜所謂, 我覺得用D錢黎增加我地設備更加好啦..

之後我要趕住我林村食飯.

2月10日星期五

今日好早起左身, 搵左grandfather and grandmother 佢地飲茶. 我有個新plan, 朝早陪grandfather and grandmother, afternoon 搵我D朋友, 夜晚就留係家中....哈哈.....

飲完茶之後返左屋企, 早起身真係覺得時間好好用. 之後同俊汝出左去, 榪左板波. 又搵甄may坐左陣.

之後就同曉兒去左好好甜品食野同傾計啦. 送左份生日禮物比佢, 佢好似好鍾意咁...哈哈, 見到你咁開心我都開心.. 仲懷疑我未睇過禮物? 我design 架...哈哈... 同佢都傾左好多野, 大家都傾到好開心.

6:30 左右, 我地就去富山食野. 一個小型的5B班聚會. 同梁SIR, 鍾SIR都傾左好多野, 好似第一次同佢地講咁多野. 真係奇, 可能以前我唔係咁願意做班中突出的人啦. 所以就好似阿SIR MISS 交談.

之後我地去影左張貼紙相. 然後行左陣大埔中心. 俊汝話想買野比佢mother所以落左黎搵我. 又同佢齊行左陣.

之後佢, 瑩瑩, 我3個人去左食糖水. 然後我同佢又去左北京榪波.

後記: 有好多野係唔同就真係唔同, 唔同好難有溝通. 我能我變得比以前更高倣啦. 所以選擇權往往是由我決定.

2月9日星期四

今日終於決定睇醫生啦, 因為last night 真係訓極都訓唔到呢. 爸爸又突然要上大陸做野. 同佢食左個lunch 之後佢就上大陸啦, 而我就去睇醫生. 但係好多都休息, 話3點先再診証, 咁只好夜晚睇啦.

之後坐車入禾坑. 搵師父. 去到, 見到師父坐左係到車大旗. 那一刻真係有D唔認得佢, 佢可能因為上次意外, 瘦左好多. 見到館內各麒麟兵器放晒出黎, 是何等的氣勢.

係師父屋企坐左陣, 之後耍左3套功夫比師父睇. 比佢執一執, 好彩我冇打咁耐仲記得咋, 唔係都唔知點向佢交代啦.

返到大埔, 去左大埔虛睇醫生. 原來只係普通感冒遮, 我仲以前係流感tim....

後記: 我早說過, 我返到香港後所有野都會被淡忘, 即使回來的不偷, 雖則我回來時一點兒感覺也沒有, 但經過十數天的沖洗, 我對澳洲的事已淡忘. 人就是這樣的奇怪. 原來痛, 只會在那時那刻, 好快會被好多因素沖淡. 痛後會否覺得痛時是多麼我愚蠢呢?

2月8日星期三

今日本來陪爺爺上大陸搵爸爸攪過名手續. 係鄉下的3層樓終於都可以賣出啦. 由我細佬仔時起到我20歲都可以仲未起好ge...但係我起身後覺得身體唔係咁舒服. 所以我就拎左本銀行簿比爺爺之後再返屋企訓覺.

訓到12點左右, 俊汝打黎叫我出去行下街. 反正我訓醒覺之後覺得舒服少少, 咪同佢出law. 出到尖咀. 食左個lunch, 陪佢買左個gucci 銀包比翟娟. 真係勁, 個個係gucci 買野都好似買到唔洗錢咁. 乜原來香港人咁有錢架咩?

之後四圍行左陣, 坐返地鐵去旺角. 係朗豪坊間FX專門店睇中左一個袋. 對佢一見鍾情. 諗左一陣已經決定買啦. 之後行左陣朗豪坊, 朗豪坊真係有好多古靈精怪野買, 不過好多都唔係咁適合我啦. 俊汝其實係FX都睇中左一個袋ge, 佢都決定買. 我地又再去FX, 同個sales 幾好傾, 咁買滿1000又送一個旅行手拉suitcase. 好似好好咁. 咁佢又有興趣, 我又有興趣, 最好我又買多一個公事包, 而佢有買左一個銀包. 哈哈...我地兩個都有大收獲. 不過背後的代價就係大出血..哈哈..

之後返屋企食飯啦, 夜晚得時間真的想留在家中陪陪家人. 早上就陪爺爺grandmother飲茶, 咁ge日子, 先可以叫做返黎有意義架ma..死啦, 仲有好多野都好想買....

2月6日星期一

今日本來想11點起身架, 因為約左朗兒lunch, 但係可能last night 玩得太夜啦, 訓到成12點30... 仲約左佢12:40等tim 架. 我極快速度出門口. 食完野, 傾左陣計, 之後去左i game 等劉倫. 同佢一齊去火車站.

係屋企攪左陣野, 之後就自己一個坐火車去沙田會合劉倫同阿發佢地. 我地首先行左陣聯合. 見到好多所謂潮流我東西. 之後門口等埋高佬同劉澤民. 然後去左沙爹王食野, 有少少唔係咁舒服. 冇乜胃口. 本來沙爹王唔比食煙ge, 點知阿發拎左支煙出黎點, 我大叫, 喂!!唔比食煙架. 之後個staff 即刻擰轉黎同阿發講, 先生, 呢到唔比食煙架...... 哈哈, 勁攪笑.

之後我地去左睇波鞋, 然後坐的士去尖咀. 首先我地打左陣機先, 然後我去pub. 我地上到去, 叫左一支芝華士+綠茶. 我個人感覺好似冇乜野咁, 之後淨飲芝華士. 開始ring ring 地. 之後個老闆比左粒大麻精高佬. 然後幫佢整左兩棍. 我睇住佢地隊. 我就真係冇啦. 對於呢D野真係冇乜興趣...之後阿發有兩個女仔friend黎左一齊玩. 玩左陣之後大隊話落cyber.

本來都唔係咁想落D, 但係飲到high high 地想跳下舞. 不過阿發隊完牛之後迷晒, 話要返屋企, 劉倫又飲到醉晒. 阿發真係令我大跌眼鏡. 佢成日話自己點樣出黎浦出黎玩. 見佢飲左杯酒又話醉又話乜. take 少少野又唔掂. 真係吹水發, 講野想3成好啦. 成日衝大頭鬼. 真係失望.

我地3個, 仲有阿發果兩個女仔friend 一齊落左cyber. 竟然要排隊入. 排左陣, 入到去, 同澳洲D DISCO好唔同. 果然真係雜好多, 係裡面玩到累死.. 不過真係一次就夠啦., 咁ge生活唔多喜歡

2月5日星期日

今日朝早同爸爸上左大陸先. 因為我打算紋身ma. 我早期都決定左紋 do the best 係後面用黎鼓勵自己同對自己一個承諾. 去到東門, 搵黃河, 叫黃河幫我設計左個圖案. 今次紋身真係好痛. 痛過上次好多好多. 有好多位我真係忍左好耐....紋左差唔多成個鐘先終於紋完啦. 我個人認為幾好睇.

之後到爸爸補色. 而我就去東門廣場搵媽媽, 同佢行左陣, 又食左一陣街邊小食之後我又去返紋身店搵爸爸. 媽媽去到紋身鋪唔係咁高興, 因為佢唔鍾意我地紋身. 早知唔同佢去.

之後我地坐車返萬事達, 可能唔係咁舒服, 訓左陣, 第一次係新屋訓覺. 爸爸突然接到一個電話. 佢要立刻去廣州開工, 所以我地去左附近的一間酒家食飯, 食完飯之後我同媽媽返香港啦, 而爸爸就買火車票去廣州.

係火車上我鬧人, 我見到有個小朋友同阿伯爭位坐, 個阿伯明明坐底左一半, 點知條友係側邊閃左埋去, 用佢個pat pat 撞開左個阿伯, 佢仲係到好似冇發生過任何事, 係到打game boy. 我咪指住佢黎小. 佢阿媽係到望住我. 到上水站, 佢地落車. 我咪問佢係望咩呀? 佢話佢地等左5分鐘點解唔可以坐. 我咪話佢係都on 撚9 , 等左5分鐘實有位坐架... 大陸人的道德觀念完全錯晒.....冇得救. 如果我長期係咁, 我一定會好似爸爸咁係大陸成日同人打交.

返到屋企, 打算早少少訓. 點知盧淑賢佢打黎叫我出去, 佢地仲有下一場. 其實今日係小學同學聚會, 我唔覺意放左佢地飛機. 不過佢專程打黎再叫我出去, 我唔出都唔得啦. 出到去, 佢地係八號花園個時鐘位置玩緊game. 我去到超唔知想點. 佢地個個都問我你知唔知我係邊個呀, 又要我逐個逐個讀D人名出黎. 即係玩我遮. ~.~ 老實講, 大部份我都認得, 係有個坐我對面ge女仔我真係認唔出, 我諗左好耐, 又唔好意思問佢你係邊個wor. 咁到最後我聽到有人叫佢, 哈哈....完來係余淑盈, 佢靚左好多wor. 我見到何建庭, 佢同以前都冇乜點變. 見到佢都有少少唔知點咁...哈哈.. 之後我地玩左陣game, 比police 話我地嘈. 之後去左食糖水. 劉善文又黎埋. 影左幾張大合照. 都唔錯....

7年冇見, 個個都大個仔大個女啦, 以前的感覺變得好陌生, 同佢地傾開計, 個個都好似入晒大學咁. 全部人都好眉好貌, 而我就好似一個古惑仔咁. 係, 以前小學時最壞係我, 估唔到7年後都係一樣...

2月4日

今日一起身, 感覺唔係咁舒服. 可能last night 同佢地傾計凍親呀~.~

今日爸爸的朋友劉釗兩公婆落左黎香港行街. 係我地屋企坐左陣. 佢地之後出去, 我睇一睇佢比我的利事. 哇....$1000, 第一次收到咁大封利事咋. 之後出左旺角會合佢地. 同佢地行左陣. 不過佢地好似冇乜點買野啦. 佢地之後話想食香港的茶餐廳. 我地帶左佢去銀龍. 食完之後竟然見到joyce.. 之後同爸爸去潮流特區. 送左隻精功比爸爸. 之後我地再周圍行. 同佢地行多陣之後我地走先. 因為我地要入元朗食盤菜..

臨走時反而我買左好多野, 買左對幾斯文的鞋, 買左部ipod. 之後搵小巴坐入元朗.

入到元朗, 我地去左阿魯鋪頭, 之後同完佢地拜年之後我同媽媽行左陣, 食左一陣街邊小食. 之後再返去佢鋪頭. 爸爸的中學同學都差不多到齊了. 我地坐的士入白沙村. 果度已經興高彩烈. 有好多圍. 又有醒獅表演....正..之後我地就埋位. 同D所謂的高級人講完一大段廢話先有得開始食. 可能我地張檯算叫做多人啦, 好快就食完啦.

我地出返元朗市中心之後再行多陣街. 買左兩條褲. 又買左件衫, 好平, 因為唔係買名牌野. now 真係對名牌冇乜興趣, 可能擁有過真係唔覺什麼一回事. 最重要係自己喜歡.

2月1日星期三

今日約左爺爺10點左右係大埔墟等. 然後坐73x去荃灣. 爺爺成日話以前出沒開的地方都唔同晒, 連路都唔認得, 真係歲月不留人, 好多野真係變緊. 會唔會有朝一日我係唔認得大埔呢? 所以我對香港5,60年代凡8式歷史真係好有興趣. 我覺得果期真係充滿好多神秘的一面.

坐小巴去到深井, 比我想像之中真係好唔同. 好多新樓. 我以為好似林村咁, 四周都係村屋. 行入少少, 去到深井新村. 爺爺話以前果度好多潮州人住. 之後爸爸又帶我去佢以前讀過ge果間小學. 行行下, 我見到有間青年中心有個招牌( 江西竹林去螳螂國術會) 竟然有同門係到. 於是我就即刻打比師父. 同佢講... 裡面仲有好多麒麟tim..行行下,爺爺見到有個阿伯好熟口面. 之後打過招呼. 原來係以前ge老友黎ge. 佢搵人帶左我地上村公所. 坐左陣我地去左食燒鵝. 有個叫大網的人又黎左, 原來果到D麒麟係佢帶隊GE.. 佢份人好客氣, 我好欣賞佢, 佢同師父係同一類人, 都想攪好我地門派果名, 可惜大家真係有心冇力啦. 佢一定同師父好好傾. 仲約左大家星期五見面tim...

食完燒鵝我地返返大埔. 去左師公到拜年, 聽左陣功夫經之後就上大陸啦. 去左間新屋睇, 好大好靚. 仲有個健身房. 真係好. 之後去左阿MING間鋪頭食飯. 同佢地屋企人傾計.

之後我地分開. 我同阿MING兩個人去左東門榪波同打機. 之後去左桑拿. 成日係澳洲都話要同佢一齊上大陸玩. 今次終於都有機會啦. 哈哈....