之後去左放工...

返到屋企, 食左個dinner, 睇左陣電視, 又走左去訓覺啦..

訓到9點幾左右, 比阿ming 叫醒左, 之後我就換衫出去啦, 今晚我地又去clubing.. 約左阿homg 係pot black 等, 之後係pot black 榪左板波之後就去deen 啦, 今晚得我地3個人去, 都好ge, 唔洗等呢個, 唔洗等果個. 今次我地拎埋passport, 攞正牌咁入...

入到去, 已經比強勁的音樂吸引啦, 今晚的音樂比上個星期好好多..正當我去買酒飲時, 竟然見到上次個3個friend, 都幾開心ge, 見到D 識得ge人. 之後擁抱地打左個招呼. 請helana飲左杯酒. 佢話佢飲醉左wor. 咁我咪睇住佢law.. 今晚都玩得好開心. 不過唔知點解阿homg 唔開心. ??

玩到成4點幾先返屋企. 一個星期出黎clubing都幾好, 可以relax 一下, 又可以講下英文. 哈哈..

之後入licence center, 等牌官出黎, 馬sir 突然笑住同我講, 喂....快D入去啦. 好似係肥版觀世音呀. 一聽觀世音呢個名, 咁當然係好人啦.. 真係好彩....

我地上左車之後佢就問我英文得唔得, 我梗係話唔得啦. 咁佢話會講慢d, 做埋body language..真好人. 出licence center, 做每一個section 都冇乜問題, 而且同佢係架車到都有傾計..冇咁大壓力. 而且冇腳震的現象. 佢有次突然講, edwin, you look... big dog..比佢嚇死, 仲以為我做錯咩tim, 原來係有隻大狗係行人路. 哈哈...之後我偷望佢份野, 我見到有好多個tick. 所以我都好放心... 點知考完之後, 佢同我講, 比你pass, 之後講我有邊度邊度做得唔好, 我睇返, 原來我第一個section 已經fail 左, 好彩之後6個都pass 咋, 唔係真係又死多次. 今次真係可以話係背水的一戰了.

之後去返工.............

放工去左附近的車行睇車. 真係好想快d 買部車呢. 冇車好唔方便. 而且我一向又好喜歡車, 我咁ge年紀快始玩車啦. 更何況我係車上面搵到我地進步壓力, 冇錯...我喜歡車, 更愛名車. 所以...我未來想擁有. 現在的我諗法是, 如果你想擁有, 就要努力...

返到屋企, 日本仔今日話煮dinner 比我食, 我返到屋企時, 正想睇下佢煮成點, 點知佢話係secret, 話一陣先可以睇. 哈哈...佢煮D 日本咖哩都好好食, 食完之後原來佢仲有甜品. 香蕉MIKE, 都唔錯.

等埋阿MING 返黎之後我地飲酒, 唔知點解好唔捨得佢走, 我地好似識左好耐咁. 係我屋企住過咁多個日本人當中, 我最like 佢...其他太唔識做啦.

哈哈, 佢真係形體大師. 佢扮揸電單車同skyline 都扮得好似. 我仲拍埋movie 呀..哈哈

我地去hungry jack 食左個早餐之後就去拎車, 因為last day 我地租左架車. 我地去到佢地company, 點知佢唔比我地拎部車, 因為我地冇visa 比保險. shit....之後打算去其他地方問下, 點知間間都係要用visa, 有冇攪錯呀. 之後我地去左一間比較小的company, 問佢租車幾錢, 個鬼婆ge態度差到呢...., 算啦. 之後佢話最少租3日, 冇問題, 因為我地真係好想去, 貴多多都租啦, 點知我地問佢如果我地租3日, 可唔可以聽日還車, 佢竟然話唔得. 低B架, 有冇人咁做生意架, 真係蠢過隻豬, 低佢做極都做唔大...

之後好絕望. 諗左好多方法, 例如問home stay 借車. 但係打比佢又冇人聽. 之後係city 坐左陣, 拎左張傳單, 打電話去問如果冇visa, 可唔可以租, 佢話冇問題, 我地真係開心到呢... 之後去到果間company, 比左錢, 拎左車, 然後就出發啦. 真係好開心. 我地係部車上唱歌.. 我地唔係好識路去, 一路睇地圖一路搵路.

我地行左好多地方, 經過好多farm, 愈行愈荒蕪. 四周真同沙漠差唔多. 之後到我揸車啦, 忍左好耐啦. 不過我都係揸大膽車, 都冇牌, 如果比人捉到就真係..哈哈, 我一路揸, 愈揸愈唔對勁, 之後我地見到有部車停左係我地附近. 我地就去問佢我地現在的位置. 因為我地果本perth 地圖去到上面已經冇再顯示出黎, 已經揸到超出地圖的範圍啦. 原來我地真係行錯路呀, 有條分差路我地冇轉到入去, 之後有個人教我地行條折經去brand highway. 我地就跟住佢的指示揸. 點知入到去, 我地又迷路啦, 因為周圍D路都係一樣. 好難認, 幾經辛苦都終於出返大路啦.

之後再去油站入油. 我入左10蚊左右, 點知唔係好夠, 之後再入多10幾蚊, 但係個表重新再計過, 所以我地入10左右油就可以有20幾蚊油用啦, 真係好. 之後我地問油站d staff, 佢畫左張紙仔比我地. 教我地行, 之後我地依住佢的指示一直行, 真係去到brand high way 啦. 而我再係條長長的brand high way 揸左1個鐘左右, 之後又再係information bay 睇資料, 又問下人, 再揸多陣終於都到啦..哈哈, 真係極之開心.

我地泊左車之後就出去睇怪石, 我地見到好多條石柱好似陽具, 真係好笑呢, 做埋D怪異同作同(佢地)影相. 之後ming 係果度試下揸車, 我地又係D沙地玩rally, 好彩部車係租返黎咋, 唔係真係肉痛死, 在那裡日落的景色真係靚. 我地揸左4-5 個鐘車去到果度, 但係逗留只有30mins-1 hour, 不過其實去到並不是十分之開心, 最開心係我地3條友係部車到傾計, 又四圍搵路, 有時又擔心究竟自己行緊果條路係對或錯呢? 揸長途車真係好enjoy..揸車去旅行亦都好enjoy..哈哈

回程時天氣已經黑啦, 好怕有袋鼠跳出黎. 因為country side 有太多袋鼠跳出黎導致交通意外. 攪笑. 我地揸揸下車見到有隻兔仔跳左出黎過馬路. 全程由日本仔揸返city, 可能四周都太黑啦, 可以清楚地見到天上的星星, 真係好靚, 好耐冇見過天上的星星了, 每當我地行到去邊, 天上的星星始終都是一樣的, 是我們的渺小, 還是宇宙的遼闊? 揸左成3hours. 終於都到perth 啦, 我明白到perth真係一個city, 因為我見識到country side 啦..哈哈

之後我地去左食dinner, 日本仔請我地食雪蟹. 即係好大隻白色ge蟹. 我黎到perth成日係中國餐館見到, 不過太貴啦. 冇諗過會食, 今次有人請真係好啦. 之後我揸車上kings park, 不過夜晚係city 揸大膽車太驚啦. 好怕比police 捉, 攪到好唔自然呢. 之後差唔多到kings park 真係見到有police, 我當時真係好驚. 點知佢係我隔離行, 我仲以為佢捉我tim.. 哈哈, 之後我停部車係側邊, 好彩佢地揸走咋. 之後即刻比返日本仔揸啦. 博唔過.

去到kings park 我地影下相. 之後我又揸左部車去練parking.....

返到屋企已經成點幾啦... 今日真係過左一日好好的日子..

放左學放工. 之後就返屋企啦.

個日本仔去完旅行返黎, 睇左佢玩sky diving ge 相. 好刺激. 好想試下....但係又怕. 不過點都好, 人一世物一世, 點都要試下...哈哈

之後食完食後睇左陣西關大少. 然後訓左陣, 訓醒又睇陣西關大少, 今日的時間過得好似好慢咁.

之後11點左右我地3個出去city, 打算同個日本仔去clubbing ma....會合左阿homg, 之後等martin 佢地. 見到anson....martin 佢地大遲到. 見到我地就多多藉口....打算去deen, 點知冇passport 唔比入. 之後去metro city, 今日有function, 50 入場費. shit...之後去左一間野, 冇乜人, 係裡面飲左2jar, 之後再一個回馬槍入返deen, 今次比我地入啦..哈哈....

入到去再飲多2,3 jar, 然後去跳夢啦. 跳跳下同左幾個人一齊玩..正....之後再同佢地去另一間. 今晚感覺真係好好... 阿homg 仲話下個星期五再去玩.

近兩日突然好想見到母親. 好掛住佢. 有時好想同佢傾好多野, 但每次打到返去的時候, 都唔知講乜好, 真係有時覺得自己缺乏與父母溝通的能力. 她星期五與友人妁旅行, 她向我講起以往想去旅行, 但都不能如願的原因是因為我, 因年少冇知, 不喜歡去旅行, 更說若然係喜歡, 就跟爸爸一起吧. 現在的我深感後悔. 她的想法莫過於親子樂, 想起....我只有同她遊海南島, 西安+北京兩次咁大把....雖然我將來也會跟她一起去旅行, 但並不是童年的我了, 童年過去就真的過去了. 現在若有人問我, 我真的想向他承認我還是一個小朋友. 那一種無憂無慮的感覺真令我難尋. 不僅我真的老了, 想法也老了. 天啊...我好想回到童年時.

親情真的比任何事情重要. 是在澳洲的一個得益, 算早還是遲呢?

放工去左學功夫, 今次決心再交錢再學, 這是我一唔以來的興趣.

之後返返屋企, 出去搵阿ming, 同佢吹左陣水, 之後等埋martin, kelly, kirin 佢後就去左聚龍閣食飯.

今日上legal study, 好悶wor, 放左學去左canning搵阿ming 佢地, 係裡面打左陣羽毛球. 正呀!! 好耐都未打過啦. 出左一身汗. 哈哈...之後去學車, 返到黎第一次揸車, 死左好多次火. 3月29日 又考車啦, 好緊張tim...之後老闆突然打比我問我可唔可以返工. 我又口快快講yes. 唉,...咁我又要由屋企坐車返工啦.

星期三:

今日朝早又返工, 返到成5點, 之後返屋企, 見到有個人係馬路對面同我揮手, 望一望, 原來係阿ming, 佢唔見左條key 要等我返黎.....

星期四:

今日上econ, 識左個法國仔. 佢黎左冇耐, 有個香港女朋友, 攪笑, 等我得閒搵佢出黎飲下野先, 同外國下做下friend, 終身受用呀...之後放左學去canning等阿ming, 因為佢又冇key, 要同佢一齊返屋企. 睇佢打左陣乒乓球. 有個黑人勁冇品, 輸左就發脾氣. 然後再去curtin 搵Alicia 個friend. 同佢一齊去post office 拎返Alicia 份包裹. 重到呢....由school 搬到返屋企, 手都軟埋.

星期五:

今日上accounting. 同我之前學ge好似有咁大分別ge?> 之後又返工, 返工真係返到好厭呀, 好想試下做其他工. 我就好似有條魚咁, 唔想係一個魚缸到生活, 想遊出外. 放工同老闆講我下個星期會返唔到夜晚. 因為我要會學功夫. 咁佢就同我講, 個個都話返唔到夜晚, 我請人黎做乜. 聽到好唔開心. 等我去搵下其他工先. 哈哈....可能條魚又係時候遊走啦.

Nathan同我講, 有次去功夫討論區, 竟然同我講見到我張相, 見到我表演功夫...哈哈, 我未叫佢send比我睇law>

後記: 原來人高倣的代價就是孤獨

放左工之後去city 搵martin 同 kelly, 陪佢地買完餸之後就去佢地屋企啦. 佢地搬左出黎冇耐, 未去過佢地屋企, 所以咪今晚去law< 而且試下佢地手勢...哈哈..佢屋企係好靚, 唔錯. 而且又好大間, 好新, 同我地間屋比梗值係兩種感覺.

Kelly今晚煮飯, 我就同martin係房裡面傾計, 講下大家係香港做過乜呀. corey 不久又返埋黎. 又同佢傾左陣.

食完飯我就出返city, 係city 等ming放工, 之後去左pot black. 放到屋企同佢象棋大戰, 輸左一飛煙. 哈哈, 佢進步左好多, 更加有戰性...哈哈

返到去, 又係講解一下今個sem account 的重點. 之後阿sir講今堂由下個星期會轉, 我地要轉左個阿sir同轉去下晝, 唉......真係好唔想下晝上堂呀.

之後同ahbo去city 食lunch. 然後去剪頭髮. 今日幫我剪開果個冇返工, 而且間鋪又有好多人, 要等到4點先有得剪, 所以我都唔等啦. 想返屋企之濟又想是但搵一間剪, 一來太熱啦, 二來打算今日剪但係剪唔到會唔係咁開心...去左美麗宮剪, 有一個韓國妹幫我剪. 其實都唔錯ge, 不過都係喜歡去以前果間. 然後就返屋企啦

返到屋企訓左陣, 然後等阿ming返黎.

大約7點左右我地又出左city, 今晚我地去同個日本仔去casino. 首先我地去左榪波, 再去dinner.

去到casino, 我地就分頭玩啦. 我首先去左玩輪盤, 但係好快就輸左$20 啦, 之後轉戰玩大細, 追返條數, 不過都仲係輸少少...今次學醒左, 識得收, 不過始終自己冇乜賭運.

之後同佢去左deen就返企啦.

又係htay htay 教我econ, 上堂都冇乜特別, 不過有特多功課做. 累......有少少擔心econ...

放學去左買書, 本本都差唔多100, 貴到呢...

之後去返工, 其實我想今個week 休息下架. 不過老闆send 左個sms 黎叫我返工, 頂...真係慘.

放左工去左比八仙果師父, 佢要我留係到操下. 操到7點幾, 之後過去搵celeily, 約左佢dinner>.

返到去課室, 自己一個坐左係前面, legal 真係好悶. 不過一定要讀, 冇計啦. 好早就放左學啦, 點名時有個沙巴仔, 同我下一堂去結識下佢地先. 返到黎我會盡量做到係班上識多D 外國人. 為future 出黎社會當練習. 其實識朋友真係好易, 你只要肯踏出第一步, 同佢地講野, 好快做到朋友.

放左學Edmond車左我出city, 之後去back 入錢, 然後去買左少許量食返屋企.

返到屋企冇耐同左個日本仔去supermarket shopping, then 同佢去play pool.

Ming今日要返工, 得我同佢係屋企. 我煮飯比佢食, 佢成日係到向我學英文, 攪笑, 用網頁把日文轉成英文, 然後讀比我聽, 問我明唔明, 又同佢企係balcony 食西瓜吹水. 當然我地communication 成日出現問題啦....

今日比阿homg 的電話噪醒, 佢約我去lunch, 攪到我想訓都訓唔返. 之後睇左陣雜誌. 然後就同Ming, 日本仔佢地出去搵阿Homg. 在等車的時候我真的想有部車...唉....

見到阿Homg,  又攪攪笑笑地咁吹水. 之後行去city, shit, 勞動節遮, 唔洗成個死城咁呀...想買野飲都唔得, 早知今日去beach 啦.

之後好早返左屋企, 租左套武館黎睇. 真係好好睇....

Celeily 拎左好多野過黎比我地, good....

在澳洲的日子真係悠閒...

酒是穿腸毒藥, 還是解愁良藥?

今日起身後同爸爸去左華立食lunch. 之後去左比信曉兒. 然後返屋企. 本來約左阿ping同麥脆出來, 但臨時想要confirm 我的行李, 唔好意思, 放左飛機.

之後放左屋企冇耐又出去搵趙子緯, 拎左好多billabong 的滑水褲. 多謝晒. 識到你真好, 成日比咁多好野我.

之後落左高佬屋企坐左一陣.

然後出大埔墟搵grandfather 同grandmother 佢地. 去左咖哩屋食dinner. 感覺不歡喜, 又是一個離別的dinner, 一年後才可見他們兩位老人家. 真的不捨得. 他們望孫成龍的心態使我充滿推動力.

去到機場, 坐左一陣, 之後會合candy, edmand, gooje佢地. 一齊check 左in 之後去左許留山食甜品.

大約10:45pm 入閘啦. 好不捨得地同父母揮手道別. 一年後再見吧. >.<........

我35days 的香港假期又完啦, 又要接受新挑戰. 有點欣然接受, 看看我今次的戰況.

同Candy講開, 我地返到香港時唔係咁開心, 返回澳洲都唔係咁開心, 唉....真係奇怪啦.

成晚係飛機訓下醒下, 雖然好多電影選擇, 但唔係咁想睇.

過開關時幸好我所帶的鐵打酒, DVD, 零食冇比人沒收..哈哈....

落左機之後我要會合一個日本仔, 我未見過佢架, 而且佢又唔識講英文, 佢係阿Ming去日本時識ge, 佢又黎澳洲玩一個月, 又會暫時住係我地屋企. 又咁好彩地同我同一班飛機. 所以我咪係機場會合佢law>Ming同我講過佢ge 特徵. 一出到機場, 我留意下有冇一個咁ge人, 行行下, 見到一個人好似, 佢又望住我(因為佢睇過我D相), 之後我望一望, 佢揸住我的名牌. 我地好似失散多年的兄弟又再重逢. 對呀, 佢初初黎到英文又唔識, 所以會好怕.

之後我地坐的士返屋企. 的士途中望住四周的景色, 香港是場夢的感覺更加強烈. 好多野好似好幾日前先見過. 返到屋企, 企起Balcony食煙, 好似last night 先企過係到食煙. 香港的假期真的是幻虛幻實.

之後執左陣行李. 又出去飲茶, Ming, 日本仔, 我地以15mins的時間就飲完茶啦. 之後我去買餸, 而佢地兩個就去beach. 返到屋企, 又訓過, 訓到成7點幾. 之後打返香港報平安.

夜晚係屋企食, 之後睇下DVD, 執下間房, 同阿Ming 去左公園偷沙. 因為買左個沙包返黎練拳, 去公園偷完沙之後坐左係到傾計, 好似屋村D阿伯食飽飯落公園吹水咁. 之後搬個沙包返黎就真係煩啦. 好重好重, 搬搬下好彩比我地見到個supermarket 手推車推返屋企.

返到黎澳洲, 時間真係過得空閒好多.

等佢地訓晒覺之後, 我同左劉澤文去泮涌飲左酒. 大家吹下水. 睇偉文表演魔術. 佢真係有個幾好ge人. 同佢個樣真係唔似. 不過我又何尚唔係呢....

明天就要飛走, 最遺憾的就好似好少時間陪屋企人, 但係我晚上特登留在家中, 但感覺如終依然不夠.

同grandmother 買完餸之後就同佢一齊返林村. 同太祖母傾計, 傾左相當之耐. 聽佢講左好多以前的事情, 老人家就是這樣, 總喜歡說以前. 但我最喜歡聽她們的以前. 之後帶隻狗周圍行,. 同佢行左好多地方呢. 哈哈, 佢一定好開心..

之後我出返去大埔, 去運頭塘買左腸粉食, 好耐冇食過啦. 不過佢檔野真係ma ma地, 都唔夠滑. 以前大埔墟公園仔有檔走鬼檔好好食, 真懷念.

之後返屋企訓左陣, 休息左陣.

大約6點幾, 同阿Ling去左大埔虛M記傾計, 傾左好短時間, 好想傾耐D, 無奈我一陣有飯宴, 所以要走啦. 去到東江雞. 同grandfather 同 grandmother 一齊等姑姐佢地黎呢. 佢地遲到wor. 今次返黎第一次見佢地. 食完飯又去左泮涌搵劉澤文坐左陣.

坐一陣之後就返屋企啦, 媽媽已經返到黎, 佢向我解釋佢打算為我買的那入保險. 我見到MR. WAN (吸煙). 我問媽媽我咁都算吸煙架!? 佢話係呀, 買保險最緊要誠信. 我諗我真的成為一個吸煙者啦... 見到咁有少許接受唔到, 因為我一向都唔承認我係吸煙, 我可食可唔食MA.....

大約11點幾, 我又出左去搵劉澤文, 坐佢部跑車. 正啦, DC1.....都算有力呀. 攪到我都心大心細要係澳洲買部車tim. 首先佢車坐我去廣福搵老趙拎褲. 佢又係公司拎左好多滑浪褲比我, 聽日仲拎D大褸比我, 哈哈, 識到佢都算唔話得啦. 之後就去南坑食宵夜. 果次聽佢地講南坑有好多宵夜食, 所以我就約埋劉政倫一齊去啦. 去到, 成班古惑仔見到我地係架車落黎, 我感覺相當之有型, 哈哈....佢地望左我地好耐, 冇計啦, 揸架跑車黎食宵夜wor, 架車又型, 比我都望啦.

買左車仔麵, 再買左少許野食, 坐係巴士站附近食. 食完之後再同劉澤文去泮涌飲左杯酒. 之後返屋企啦. 仲有一日半....一切又依返以往.

後記: 同太祖母道別, 依依不捨, 究竟我回來的時候還可以............嗎? 真的不敢想. 不禁回想起兒時的一張照片, 她手抱著我, 當時她還多麼壯健啊..!!

今日尋回多年前手寫的日記, 還有大量救恩時的數碼照, 真的倒物思人. 真想與你再說我愛你. 回憶令我尋回當時的那種感覺.

朋友真的不回有forever and ever, 總有一日會離開你. 唯獨家人, 所以今次返黎我相當之遺憾, 感覺陪家人的時間實在太少了. 朋友可以守轉, 但家人卻萬萬不能.

今次返到黎, 很多朋友都吃驚, 佢地覺得我成熟左好多, 我認自己思想上真係唔同左. 開始變成一個有深度的人, 但同樣, 我亦選擇了有深度的朋友.

之後係屋企訓左陣, 然後又再出旺角搵爸爸媽媽lunch. 我地去左花園餐廳食. 之後同阿媽行左陣, 然後過左去尖沙咀睇驗身報告. 拎驗身報告時真係好緊張. 好怕醫身會說我有什麼病咁, 因為睇戲成日都有D咁ge情況ma... 好彩我大部份都正常. 鬆了一口氣.

之後由尖沙咀行到去旺角, 經過俗華, 行左陣, 好喜歡那裡, 有行多中國工藝品. 我一向最愛的. 不過武術用品為何少左咁多, 獅頭都只得返數過,有點失望...~.~

之後一路沿住彌敦道行. 我的眼被一棟棟的舊樓所吸引. 什麼六壬, 什麼氣功, 同鄉會, 商會, 工會, 武館, 宗親會. 一個個招牌彷彿成為歷史. 好多名存實亡. 但唯獨我最愛. 每每像尋寶一盤, 看看曾經旺盛的地方. 真令我感慨. 真有衝動拜訪各處...

之後係旺角會合爸爸, 同佢一齊返屋企.