師兄send 左上蓮麻坑表演D相比我睇呀...我認真耍果套影得咁少, 笑笑下果套影得咁多...哈哈..

係樓下等佢地, 之後father 車我地四圍去. 去左一區有好多二手車地方. 睇多過超過10間. 不過冇一部睇中. 唔係太貴就太舊. 想搵部好車真係難呀. 點解我喜愛的lancer 會咁少同咁貴呀>?.? kelly 想換車. 佢會養隻狗. 所以換一部four wheel drive. 佢部車放$5700. 有center lock, 1.8L, 4door, 有尾. 可惜係韓國車. 不過我都好有興趣.....

之後同kelly 睇完部four wheel drive 之後, Peter 叫我揸kelly部車返屋企. kelly 好驚, 問我係唔係good drive< 我咪話 i dont think so...之後佢就更驚..哈哈, 不過都冇意外. 佢部車真係幾好揸呀, 第一次揸1.8 ge車. 之前揸開都係1.5, 感覺部車真係去好多, 有力好多.

之後father mother 出黎同friend 食飯, 而kelly 去剪頭髮, 剩下我自己一個係佢屋企. 對佢部車真係好有興趣. 之後打比爸爸,同媽媽, 同佢地商量一下. 之後決定買佢部車啦.

我坐坐下訓著左, 醒返時kelly已經返左黎啦. 不久peter 同rosie 都返埋黎, 佢問我想買邊部車. 其實佢兩個女部車都想賣. 細女個部係我平時揸開果部. 不過我同佢地講我會買kelly 果部, 因為一來4門, 二來幾好揸.

佢仲話賣比我前幫我執下部車. 做埋services, 真係好呀... 可能下個星期六會係拎車啦...

放左學, 攪份assignment 攪到成3點幾. 攪左好耐, 希望miss 覺得ok 啦, 咁就可以拉近econ 個result 啦.

餓到成3點幾, 朝早一D野都冇落過肚. 出到city, 同ming去左食lunch, 之後兩條友仔冇乜野做, 去左casino. 入到去, ming 著左條有cut ge 褲入, 點知唔比佢入. 之後我就同佢調轉褲著, 前後入. 而且我仲搵個袋遮住. 咁先可以入咋...不過到結果我輸左$A50.....what the fuck 次次去casino 我都輸錢, 真係一次都冇贏過.

之後出city join martin 佢地. 之後martin, ming, corey, a-level妹, 我5個人去左玩laser gun. 都幾好玩啦.

玩完之後去榮溢食野. 見到好多識ge人.....攪笑...

之後我地陪martin 返屋企拎鞋. 係佢屋企玩左陣. 之後就出返city 啦, 其實今晚佢地會係我地屋企. 因為corey 失戀, 比條女飛左. 好down...所以今晚我地幾個兄弟同佢傾計, 開解下佢.

咁就傾到成4點幾啦. corey 醉得很, 做左好多攪笑野..感情事真困擾人呢. 幾時又會輪到我? 不過幸好本人近期真係對這方面沒太多的困擾, 可能還掂掛著她.

訓唔著, 諗起曾經的一個女仔, 可借當時對戀愛是無知的, 令我起對她的絕, 不過當我睇返佢ge日時, 只好講句shit.. 十分之慶幸. 哈哈. 不過我變啦. 不會在好似以前的我...

同阿ming睇返以前KYC D相, 是開心的. 校服, 已經離開我遠遠了. 真嚮往啊

最後同阿ming 6 點幾先訓.

可能我是媽媽當年的一份生日禮物, 又或者可能的是媽的頂心啦...

今日係我生日, 不過冇乜感覺啦. 生日最想同父母一齊過, 媽媽同我講, 我的生日就是她最辛苦的一日. 應該係屬於佢的. 有兩年生日冇同佢地一齊過啦. 終於都20歲啦...已經2字頭. 開始要面對好多野啦.

訓到成4點幾. 之後睇左陣TV. 然後又打左比屋企人. 好想聽到佢地把聲.

之後出city, 同一大班好朋友食飯. 有natham, 華, seal, ming, martin, corey, kirin, kelly...去左鏞記. 今餐好似食得好豪咁, 又北京鴨, 又軟殼蟹, 正....我仲以為會好貴, 點知原來每人$13. 我仲唔洗比錢tim..哈哈..多謝各位

之後我地去唱K. Nathan 買左兩支jim beam 去. 去到, 等左一陣就有房啦. 唱唱下K之後就玩骰盅. 又玩下猜悔. 最後同阿Seal 鬥骰, 佢想玩下, 倒左差唔多半杯wisky. 好彩我win 晒. 不過成晚我都飲左好多. 好想嘔........~.~

返到去, 好少人, 我諗好多都absent 啦... 到10點幾就放得, 早知就唔返啦. 之後同JOJO姐姐, Nathan 出city飲茶. 仲call 埋阿ming出黎. 飲完茶之後jojo姐姐車我地去vic park, 真係唔該晒呀.

之後搵埋表姐打牌. 打打下佢D FD 黎左, 之後去左老細間野到食野, 老細比我地自己係廚房到煮野食, 真係開心. 之後又返返去nathan 屋企. 一路等阿seal放工過黎, 不過等左勁耐都未到.

6點幾左右幾先過到黎, 之後又即刻開檯啦. 打左4圈左右後去左打邊爐, 之後又再打過, 咁就打到成朝早6點幾啦...

今日ming, corey 我去左釣魚. 竟然釣到成幾條石班, 可惜我地帶錯拖地的水筒去, 攪到全部魚都唔敢食. 唉.....

今日corey, kirin 黎左我地屋企打牌, 由2點打到10點, 又win 左$a30幾蚊, 哈哈, good....打牌真係感覺時間過得好快. 期間martin 同a level 妹都黎左, a level 妹煮意粉比我地食, 在我們家中四處破壞, 真是一個大魔王

之後我地就幫師母透爐. 第一次係澳洲燒香港式BBQ 啦. 真開心, 好過澳洲果種好多好多. 不過澳洲腸仔就遠遠不及香港啦, 真係好想食樂奇牌腸仔呢. 燒到成3點幾, 就比太陽灑足咁多個鐘.

之後芬姐, nathan, 師母個friend就同我開檯打牌啦. 我地打左12圈, 由3點打到成9點幾, 我win 左成$a30幾蚊, 真開心, 第一次打牌win 咁多.

今日係師父屋企真係感覺到好有親戚感覺, 好似我地成班師兄弟去探望親人一樣. 有腐竹糖水, 有香港式燒野食, 有椰汁糕.....可能這就是作為一個海外學生留落異鄉的一種精神寄託啦.

在那裡令我回想林村的屋企, 鄰人間的友情....

今日放早, 之後同alan, chris, edmond 佢3個出左city, 開左兩部車, 真係愈黎愈想買返部車, 但又冇乜話有咩心水, 之後爸爸現在心態又有少少變左, 唉....總知就煩啦. 都唔知佢地依家點諗, 係唔係唔想我買車啦, 如果係的話不如直接少少. 都唔明, 我買車的諗法已經同其他人唔同架啦, 總之為左呢件事已經攪到成日都好似嘈交咁..

之後去左返工. 今日原來出面冇女仔做野, 攪到好busy, 老闆仲晨咁早返到黎, 真係少有, 一個咁冇上進心, 咁冇用ge 老闆都咁早返黎做野都好難得. 今日仲險些同老闆講唔做, 事情是這樣的, 到我們lunch 的時候, 老細就問人今日想食野, 會過隔離買, 點知就偏偏冇問我, 真係成肚火. 我就真係打算如果佢冇買比我食, 我做埋今日同佢講唔做. 之後幸好佢買左碟牛河比我. 講真, 雖然我係店裡地位最低的一個, 老闆沒有必要買lunch 比我地. 但係冇理由個個問, 係唔問我地kitchen hand 掛. 做得最辛苦係我地, 對我地又差, 成日扮個老鈿款出黎有撚用咩, 老實說, 我內心極之睇唔起佢, 因為佢唔識做一個老細, 唔識同員工打好交係, 不過我從佢身生亦學會一點點, 就是從佢的不是中學習....難免他日我亦會作為一個老闆, 從錯誤中學習過來.

之後上館, 今日是師父的生日, 同Nathan 一齊買左架水晶相架比佢, 個相架好靚, 而且底部有燈著. 之後舞獅同師父賀壽. 師父抱著孫兒. 令我想起以前爺爺抱著我去大埔墟時, 個個都問, (來哥, 你孫仔呀? ) 我唔識講果種感覺, 即係可能師父同我阿爺都有一種祟高的地位, 作為他們的孫兒, 亦有一種受人尊重的感覺. 想起兒是真的快樂冇比, 萬千重愛在一身. 依家, 人大了, 好多野都變晒.

之後我地去左食飯, 叫左好多餸, 真係開心.

今日同媽媽傾開電話, 原來今日係我農曆生日. 有一種失落感........唉.....

我已經唔識同人地講心事啦, 一來自己有咩心事都唔知, 二來同左人講有咩用, 件事始終唔會解決. 傷的, 只有自己知.

最期待的星期五又到啦, 等左成一個星期, 真係等到頸都長... 又係clubing night, 哈哈.. 而且今晚church 有function, 播中文歌. 係cic 已經成為一個重要的話題. 每個香港人見面都問, (今晚落唔落church.. 到時電聯.)

今日上的accounting 堂, 終於開始有數計啦, 冇之前果D咁悶, 原來JOJO 就係上次同鄉個staff, 佢唔講我都唔認得佢tim, 我仲記得我上次一塊牛肉時, 佢竟然迫我買兩塊, 攪到我D 牛肉差唔多食左成3個星期.

上完accounting之後就去左返工啦, 現在我攪緊working visa, 打算就快會轉工, 人工太少啦, 做左咁耐先係得$8.. 而且可以學的, 我差不多已經學晒, 係時候再見識, 講就講左好耐, 不過都要攪左working visa 先啦. 更何況, 這一個老闆沒有什麼值得我為他工作的餘地....除左錢...

放左工, 急急回家, 首先真係要訓一陣, 因為今晚我地出去食飯. 8點30左右係pot black 會合佢地, martin, kirin, corey, 仲有一個a-level 妹. 佢地canning的新朋友. 又去娶龍閣食飯. 今次叫左4碟野食, 而最後當然有個切蛋糕活動啦. 好耐冇食過生日蛋糕啦.

之後等埋阿homg, 然後ming, homg, 我3個人買左半打beer 係library 附近飲先, 而martin 佢地就返屋企. 我地快速地飲完半打啤酒後就開始high high地啦. 不過冇音樂聽真係好辛苦, 之後由library 行去deen. 入到deen, 行左個圈, 唔見helana 佢地, 又冇乜Asian, 所以決成落church 先啦.

入到church, 得幾個人係裡面, 見到Helana佢地, 簡略地打左個招呼, 見到星加波妹, 同我講左句英文, 不過唔知佢講咩, 原來佢今日做dancer, 人又靚, 跳舞又勁, clubing溝晒仔啦. 哈哈, 之後Nathan 佢地又入左黎, 同佢地飲左幾杯, 之後愈黎愈多人入黎啦, 我又唔得咩時候飲多幾杯, 開始好high, 之後我地成班上左platform 玩啦, 玩到high 晒, 之後又問阿生借瑩光棒玩. good.... 播埋晒什麼你老豆索K, 好多中文DISCO ge歌, 勁有香港feel. 不過今日冇同Helana佢地玩啦, 佢地有成班狗係到, 都唔好意思同佢地一齊玩. 係church見到成班cic 同學, 真知今日好好玩啦. 之後又同班印尼仔一齊玩, 總之就爽啦....!!

別人以為我沉淪之濟, 其實我還十分清楚自己現在應做咩, 有時眾人皆醉我獨醒.

人與人之間的感覺真係隨時變. 小心D...

上完之後坐Edmond車出city.

之後同Nathan 行左陣city, 師父下個星期二生日, 我同Nathan 就打算買份禮物比佢, 行左陣, 終於都有少少idea 啦, 我地打算買一個水晶俏象比佢, 不過唔係師父果樣, 而係螳螂, 我地打算係館果度拎隻螳螂, 見師父咁多螳螂模型, 希望佢鐘意啦.

今日落堂時eric, natham, 方小龍, 我一齊玩圍打. 首先輪住黎企中間, 3個就打3個果個, 係一個相當好ge練習. 令我學到好多野.

今日把心一還, 清除晒所有手提中的sms, 打算永遠保留的也清除了. 時間真的能沖淡所有, 以往對你重要的, 經過時間什麼也不在乎了. 當初自己/他人放棄 了, 現在的我/ 他人變了, 有什麼可怪呢?

人始終會變, 沒有永恆的承諾. 開始對人與人之間的承諾失去信心了.

今日訓到12點幾, ming 煮左lunch 一齊食, 又一齊睇電視. 都幾舒服. 星期五夜晚出左去玩之後感覺好似多左一天咁. 之後佢去左返工, 而我就開始溫書啦. legal 真係幾難下, 唔係好明, 唉...點算好呀? 好似有少少對唔住我的承諾.

之後10點幾又再出左去. 今晚我地3個又去clubbing. 又約左10點30係pot black 等, 阿homg 條友仔遲大到, 咁我同阿ming 去deen 先, 唔知係唔係今日係愚人節, 有好多人係north bright. deen 要排大隊入. 唉....排左好耐, 都仲未可以入, 入到去, 其實人並不是真的那麼多. 又見到日本仔, 唔知點解今日去deen 好想再遇到helana 佢地. 可能可以同佢地玩得好開心啦. 不過好可惜我行完成個場, 都見唔到佢, 或去我一早知佢地今晚唔會落黎, 因為sms 已經提及過, 但還有些少失望.

之後出返去搵阿homg, 然後去左metro city. 入到去, 有好多亞洲人事果度. 都幾開心, 好似去左香港Disco咁. 不過音樂就差d 啦. 播好多R&B 我飲到high high 地, 佢就播D慢歌, 攪到冇晒MOOD..

大約3點幾我地就返左屋企啦.