| 5月31日 星期三 |
| 今日做了一個創舉. 11點返到學校溫書, 溫到成7點幾. 但事中途有休息啦. 不過總算理解左好多經濟GE野.. |
| 5月30日 星期二 |
| 今日好早起左身, 打算返curtin
library study. 但係jojo 話訓多陣, 點知一訓訓到10:30....then 揸車去kawa lunch. 溫左成日, 好似玩多過溫!!, 點算呀, 老細......考試快到啦. |
| 5月28日 星期日 |
| 今日係圖書館渡過了一整天. |
| 5月27日 星期六 |
| 今日要返工. 一早返到去, 不過冇乜野做.
我應該會轉工啦, 不過jimmy 同jason 對我都幾好, 唔知點開口好. 不過最唔喜歡做係我個fucking boss.
佢真係成日以為自己係老闆就乜都得咁, 仆街啦. 同佢講我下個星期返唔到, 佢就話又考試唔係掛, 叫我返多一個星期先. 佢都on 狗ge,
用$1700 黎換你$8 each hour.. 我fail 左係唔係你比返我先. ok, 我比多一個星期你. 之後我就會走架啦. 我都想去in
下其他工, 好多人就係唔敢踏出第一步所以就搵唔到工, 而我,.....我比人地多踏出十多步.....從interview 中學習.
放工返屋企食完dinner又訓覺啦. 真係累極了. 之後打算溫書. 真係冇咁ge mood, 之後就睇流金歲月啦.. 阿ming放工返到黎之後我同左佢去榪波. 佢話想去casino, 咁我又冇乜野做, 咁未同左佢一齊去啦. 頂, 去一去, 唔見左成$60蚊. |
| 5月26日 星期五 |
| 今日alarm clock 唔識響, 好彩阿ming叫左我起身.
如果我唔識起身就慘啦, 因為今日有accounting test.
返到去不久就test 啦, 個test 都唔係好難. 都算識做ge, 放學打算係學校溫書, 點知真係好眼訓呀, 返左屋企訓覺. 仲係訓到唔識醒. 訓到成5點左右. 之後出city 搵阿方. 佢遲到, 又唔記得拎手機. 仲以為佢訓著左tim 之後飲coffee 飲到6:45左右, 坐佢車去Carlisle. 佢部車正到呢, 黃色Lancer, 兩個12吋sub, 車底燈, 識變色, 正.... 去到Carlisle, 其實係我第一次去Carlisle. 原來果度間戲院仲正過city果間, 好有hong kong feel. good. 今日我地睇X men3. 好好睇, 不過唔係好記得1,2 集講咩啦, 太耐先前啦..哈哈.. 個room 其實唔係咁大, 不過好有親切感...真係好似返左香港睇戲咁. 又有Asian 係到. 睇完之後我地返返city 啦. 我地去左tea coffee dinner. 見到阿Meg, 大家好似唔識咁, 不過都算好ge, 唔知打招呼. |
| 5月22-23日 星期1-2 |
| 星期一 一起身就已經11點幾. 今日我返工返10點. shit, 原來我個手提冇電. 吹脹. 在under ground 泊位時, 撞花左隔離部車, 令我急急地泊另一處, 好彩車主唔係到, 唔係又要大花金錢啦. 不過我部車都花左.....好彩返到去冇比人鬧. 放工決定唔學功夫啦. 真係累得很. 租晒最後果幾期純情房東俏房客. 最終男女主角會結婚. 一個美好的結局. 如果自己代入於故事當中, 真的十分寫意. 我的意思當然唔係色情的位置啦...哈哈. 夜晚會左petrol station洗車, 放工時係supermarket 買左支wash and wax ma..之後又將花左的位置嘖油上色, 成架車靚仔晒..哈哈
星期二 第一次雨中駕駛. 不過last night 的car cleaning 係白費的, 返legal, 上堂有如dreaming. 都唔知咩事, 近期真係累, 好累好累. 好冇精神. 係我太充實?? |
| 5月21日 星期日 |
| 今日12點幾起身, 阿ming 同corey
都未醒, 打算煮早餐食, 點知阿ming突然醒左, 仲話今日照去library. 我實去架... 哈哈, 佢仲同我講last night corey
爭D同人打交. 冇我呢個和平主義份子係到就咁啦, 不過最衰我走左啦, 唔係就有戲睇啦... 講笑. 出到去CITY, 去榮溢食飯, 見到阿華同Nathan佢地. 之後一齊坐. 係library 溫書, 見到阿ming Canning D女同學, 佢地真係煩到呢. 溫溫下書突然就黎騷擾人. 攪到我附近的人望住我地. shit... 溫到library close< then join 埋martin同 a-level她之後, 我地去左pot black. 玩到成7點幾. 去左茶榮食越南野. A-level 妹話last bus 係8:10...then martin 就話唔緊要, edwin 有車ma. 我頂呀, 講到我好似實車佢返屋企咁. 雖然我都冇乜所謂, 但應該由我開口, 而唔係martin 開口law> |
| 5月20日 星期六 |
| 11點比3部手電鬧鐘嘈醒.
成晚的斷背要完結啦. 哈哈.... 12點幾去左返工. 今日返工好辛苦, 好想時間快D到5點. 之後去左入油. 入左成$A40. 之後返到屋企, 阿ming同我講什麼church 今日係last day, 佢會裝修6個月先開返, 佢話佢學校班印尼仔會去, 問我想唔想去. 老實講都有d想, 不過last night 冇乜休息. 講講下決定去啦. 10點左右去左接corey 返工, 之後車佢返屋企. 佢花了一大輪時間執身, 之後又係city車阿homg黎我屋企. 到我執一執身啦, 不過個人都累, 真係冇乜feel 玩呢. 我地行出去city, 首先去左deen. 好多人, 係果度dancing左陣之後就過church啦. 不過可能1點幾, 人不是太多啦, 係到飲左幾杯酒之後開始wing wing地啦. 又比kitty 呃酒飲, 係我醉醉地時仲呃我錢(懷疑), 佢都算好野啦, 真係當我飲醉. 不過玩玩下真係好唔掂, 走左去嘔. 嘔左好多次tim. 之後決定自己一個返屋企. 係條街搵的士真係好難呢. 係的士站等左好耐的士, 等等下又再嘔, 真係shit 呢. 返到屋企又嘔, 辛苦呢. 其實今晚都唔係飲左好多, 不過真係太累, 冇狀態啦 |
| 5月19日 星期五 |
| 今日上accounting,
似成堂係到發夢中...放學, 同jojo 去左旺記食野. 佢講左好多飛車驚險ge野比我聽, 哈哈.
之後返左屋企. 本想訓一陣起身溫書, 但係一訓已經訓到成5:30分, 近期我真係累成這樣嗎??? 之後阿方打比我叫我出黎飲野. good good. 可以同佢吹水. 等埋佢出黎之後我地去左榮溢dinner. 同佢去左一間香港野. 之後係榮溢傾左好耐計. 諗一陣去邊都諗左好耐. 決定去飲coffee. 之後行行下, 佢見到佢個friend. 比佢個friend 叫左我地入POT BLACK飲酒. 我好似成為一個pot black 古惑仔咁. 哈哈...講笑. 坐多陣, 我地又去飲coffee. 坐下, 傾下計, 咁就到9點幾啦. 之後同佢講完bye bye 之後我去左nathan 屋企. 同佢吹左陣水又等阿song 佢地返黎打牌. 等到成11點幾先返到. 打牌打左成8圈, 不過打到差唔多成5點. 有好多戲劇性出現. 打到5點大家都好眼訓啦. 我地3個男仔訓起同一張床, 實行斷背. 哈哈 |
| 5月17日 星期三 |
| 今日去返工之時, 發現車頭玻璃有張紙, 本想打算不加理會,
但係在好奇心的推使下, 我落車打算看過究竟. 點知.....我LAST NIGHT泊車比人抄左牌呀, what the held!!!!!!
我竟然唔知tim. 罰我$A100, 肉到赤埋. shit, 即係我這一個星期是白做的. 今晚上館, 得4個人返. 好似話有個什麼boxing比賽, 好多人都走左去睇. 學完功夫, 同阿方去左飲野..... |
| 5月14日 星期日 |
| 今日去了圖書館溫書. accounting 同
legal 都有60左右%. 而econ 只有38%. 要努力啦, 不過有點信心可以在finial exam 追上. 做人做事一定要有信心.
近期睇開純情房東俏房客.... 一個有趣的愛情故事. 如果把自己代入做男主角. 真係好幸福啊....哈哈 |
| 5月12日 星期五 |
| 今日車埋阿ming返學. 行freeway 終於都冇行錯路啦,
真係快好多, 15mins 已經返到去了, 哈哈... 之後上accounting< accounting終於講到真係accounting ge 野啦, 攪到我開始有興趣了. 哈哈, 我仲係class 做accounting 做到最後果個走. 同老師傾開計, 原來accounting 出路真係好大. 有超過100種工都涉及accounting, 而且我accounting + banking, 係絕配. 唔怪得湯生叫我咁做啦... 放左學自己一個開車去左旺記食野. 又平又好食. 之後返library 溫書. 今日6:30 有accounting test. 會合左Helen 之後就一齊溫, 話就話溫, 點知都冇乜心機咁早溫住. 成日都覺得大把時間ma. 之後jojo 又黎埋, 陪佢去睇醫生. 佢近期又好唔開心呀, 又係感情問題. 有時係唔係自己一點兒感情問題都冇而感到幸福呢. 話冇做假ge, 不過個心有時真係好亂. 之後時間一分一秒咁過去啦, 開始愈黎愈怕. 原來自己真係有好多都唔識呀. 入到去, 同helen 講好佢坐我前面, 等我可以出貓. 不過佢又冇乜借比我睇wor, 唉....信錯佢啦, 早知坐係jojo後面啦 之後車阿寶返屋企. 返到屋企已經9點多啦, 阿ming 留左幾隻雞翼比我. 係我咁肚餓ge情況下真係有D雪中送碳呀. 之後突然興起, 約埋Corey, martin, kirin佢地去釣魚, 坐車去frementle. 不過唔係好熟路, 睇睇下地圖時衝左紅燈, 好驚比人影左相呀, 之後行行下canning highway時, 突然又閃光燈閃左一閃, 望返四圍D車, 仲慢過我, 唔會係我比人影左掛, 我開正常SPEED 架WOR. 好怕剛剛拎左牌就比人扣晒d分呀. 唉..... 去到frementle, 根本冇乜心情釣魚, 阿homg 又話過黎過黎. 又放左飛機, 真係火都黎埋, 都係唔好咁信佢, 令我失望的人. 釣釣下都feel 唔到有魚, 之後轉陣去左碼頭, 都係一條魚都冇上釣. 仲以為夜晚會有多魚tim. 唉... 3點幾就返屋企啦. |
| 5月11日 星期四 |
| 今日揸車唔行freeway 啦, 費事又迷路啦. 今日個econ test fuck up 左. 點算好呀, 可唔可以搵人教下我呀? 一失成千古恨. 就係衰左上次果獲野. 都係自己柒......唉, 竟然唔知果次就係mid sem test 返左學返屋企煮lunch, 之後返工了. 今日同corey 一齊做, 好耐都未夾過佢啦. 同佢一路做, 就一路講佢以前條女d 野. 雖然散左, 但依然好想同返人地一齊. 我成日都覺得散左之後大家心中會有條刺. 但身邊好多朋友們都離離合合, 睇黎自己要改變一下咁ge諗法先得啦. 放工同corey 去左飲馬來西亞拉茶. 我真係好enjoy 坐低飲杯野, 悠行下呀. |
| 5月10日 星期三 |
| 今日返工返10點. 又行錯路啦.. 冇乜特別事情發生.
放工累得很, 係city 接下ming然後一齊去左肉, 之後就返屋企訓覺啦, 訓左成3個鐘...之後食飯, 溫書. 溫書溫到成3點幾. DO THE BEST? Did i do the best? Did i keep the promise? 今日同一個朋友MSN, 好耐冇同佢傾計, 所以咪問佢近況LAW, 點知佢話佢要SEND BACK. 其實send back 係唔係真係要怪間學校, 怪老師呢. 講真自己有努力成績依然唔理想的話真係要思考一下. 正好似我咁, 我真係好努力讀書. 但成績依然平平, 點解, 我都唔知....不過我只係知道努力係冇限的, 如果今日努力完成績依然平平, 咁再加多一倍努力, 一倍唔得, 二倍. 不過口口聲聲話自己努力左, 其實有冇真係自己知. 我開始明白這個道理了, |
| 5月9日 星期二 |
| 今日第一次揸車返學, 係freeway 開到成100KM, 個心好驚,
因為左右好多車都開得好快. 頂, 又行錯路, 駿哥呀, 點解會咁架. 你唔係一向好有方向感架咩?? 成日都話認方向咪得, shit....
遲左成30mins 左右先返到學校.
放左學去apply parking permit, 咁又冇左$A 55啦. 有左部車支出真係大左, 不過冇後悔GE. 都係一種學習黎GE. 之後又揸車返屋企. 返到屋企1點左右, 煮LUNCH 訓下覺,. 時間充實左好多. 夜晚學功夫, 同阿方傾開計. 阿方係我一個大師兄, 越南人. 我以前覺得佢係呢到ge黑社會, 但係同佢傾開計, 原來係相方, 佢份人正義感好強, 我好欣賞佢, 從佢身上找到爸爸的影子. 哈哈....人不可以貌相. 正如我, 可能好多人都覺得我係死飛仔...哈哈, 不過可能我真係一個死飛仔都唔奇.... 之後同nathan 去榪波. 見到阿華部車, 原來佢地係附近唱緊K, 我地又JOIN 埋一齊, 都佢地一齊都幾好玩, 都好鍾意同佢地一齊玩..... |
| 5月8日 星期一 |
| 今日返工返朝早, 第一次開車返工, 點知行錯路,
明明行開以前學開車果條路, 咁都會有錯ge, 好似條路唔同左咁, 點解會咁架. 之後就遲左返工啦, 不過第一次部車泊係停車場, 個feel 好好呀.
之後收工又開車去學功夫, 有左部車真係方便左好多好多. 去邊到都唔洗等車晒時間. 不過諗深一層. 好似好浪費咁...~.~ |
| 5月6日 星期六 |
| 今日以為homestay會黎接我. 所以一早起左身. 點知原來home
father今日要返工放1點. 所以我1點左右入warwick. last night 咁夜返屋企, 今日又咁早起身. 都好辛苦呀~,~ 入到去, 同佢地食左個lunch 之後就同home father 整車啦, 有少許零件老化左. 所以要換, 又有些位置花左, home stay買左支油返黎嘖, 攪完之後成部車靚仔晒. 之後就攪轉名, 整insurance 然後部車就係我啦. 之後自己一個揸返屋企, 冇人坐隔離自己一個揸車真係好唔慣呀, 而且個心好慌. 有次係斜路起步, 點知流後, 比後面果部車小. 之後仲係我後面閃黎閃去, 玩我....真係串. 不過鬼怪自己手車cheap 咩. 返到屋企又行錯路, 去左唔知咩地方, 行左好耐先返到屋企. 唉.... 好唔容易先返到屋企. 真係好唔容易...~.~......之後訓左陣. 大約7點幾起身, 同阿ming出city, 榪左陣波, 等nathan 同阿華佢地, 今日係阿華生日, 我地同佢慶祝. 首先我地去左食印度野. 不過我地唔係好識食呀, 食好多餅咁ge 野, 然後落好多汁. 咁過都幾得意ge>.. 始終都要試下ma.... 之後我地去左唱k. 不過我就好少唱啦, 飲酒多, 我地又玩遊戲, 有789啦, 猜拳啦, 好多好多.....我飲到個頭好痛. 不過冇嘔到, 不過阿ming 就嘔到暈咁濟啦... |
| 5月5日 星期五 |
| 今日上accounting, 都冇乜特別.
之後過左canning搵阿ming佢地lunch. 因為5:00 要返工, 所以打算係學校library 溫陣書先去啦.
之後返工, 點知有3個kitchen hand. 原來老闆send錯message 比我, 原本我今日係返12:30. 不過marlon 話佢可以走先. 咁老闆就叫佢走啦. 其實今日我都唔係好想返工, 因為今晚慶祝corey 生日, 佢地成班黎食野. 但得我自己一個係裡面做野. 好可憐. 不過我明白返工就係咁 同日本仔夾, 佢真係幾攪笑. 我玩佢, jimmy 話如果我地肚餓, 食乜都得, 點知佢食左隻天付羅. 其實除左呢樣唔食得, 乜都食得, 因為比較少ma. 之後我就嚇佢, 哦....你食左.. ,知唔知唔食得架, 不過唔緊要, 我會help you keep secret. 哈哈, 佢驚完之後就好感謝我啦. 不久corey, 阿ming佢地成班黎食野啦. 阿ming 問老闆可唔可以叫埋edwin出黎一齊食, 最多幫我一齊執手尾, 老闆就話唔肯. 真係成肚氣. 其實當時我真係好想fuck 老闆, 咁當然啦. 我收佢人工, 咁係唔可以咁做啦.... 但係當時的場面.....唉算啦....我都唔係好想提啦. 總知佢係一個好唔識做老闆ge老闆啦. 之後阿homg 過黎搵我地, 今晚我地去clubbing. 又係慶祝corey 生日. 有homg, ming, corey, 我4個. 自從阿homg 中國返完黎之後, 我都冇見過佢啦. 哈哈... corey 返左屋企執look 先. 而我地3個出city 飲少少酒等佢. 等埋佢之後我地去左DEEN. 都幾好玩呀. 之後又去左幾間. 不過今日狀態唔係咁好, 好想嘔.. |
.
| 5月4日 星期四 |
| 今日上econ ,
多麼的悶呢.....時間過得真係好慢, 等左好耐先落堂.
之後lunch 都唔食就出左licence center 啦. 唔完成本薄仔始終個心都唔安落. 今日比昨日多人得多啊. 等左好耐, 先到我, 然黎我再比本薄個staff, 佢睇左一睇, 就話冇問題. 佢仲比yesterday 個staff 馬虎. 不過對我係一件好事..今次搵左方小龍簽witness, 佢做政府工. 好彩過到骨..哈哈. 識得人多真係好處多. 咁又save$A300 啦..哈哈 之後比$25去考最後一個電腦試. 做30題, 一路做一路驚, 對每個answer 都好唔肯定. 不過幸好pass 左. 之後再要等, 等左好耐之後我又去左另一個地方交錢. 之後又再影車牌相. 哈哈哈哈.....我所有野都完成啦, 有車牌啦, 可以揸正牌揸車. 到星期六比埋錢Kelly, 我就做車主啦. 不過開心方便的背後, 就是父母的辛苦. 所以經過我昨日整完working visa 之後, 再有埋車, 我就會認真地搵一份比較high pay ge 工啦. 今日同grandmother 傾開佢送條金鏈比我. 又講埋我擺滿月酒的趣事. 哈哈, 講起真令我回味. 當我出生差不多一個月的時候. 爸爸問grandmother洗唔洗擺滿月酒. 如果唔擺就隨便地同外公外婆佢地食餐飯. 爺爺就話一定要擺, 長子的孫點可以唔擺. 之後就決定幫我擺滿月酒啦. 爺爺就搵左雄叔公去冠年華訂酒席. 雄叔公係大埔黑社會大佬, 亦係爺爺的結拜兄弟, 可能佢去有折掛. 佢訂左最貴的一種, 大約$2000 一圍. 20年前的$2000是相當貴的啊. grandmother講到好豪華, 佢講每人一個魚翅. 唔係一條條好似粉絲果D, 而係一羣羣果款. 擺左10圍. 有好多人. 詹玉, 李冠秀, 師公丘兆斌等大埔極出名的功夫師父都有黎飲. 當時小小的我真是大面子極了. 哈哈.....這是的沒有記憶的幼年趣事. 可謂萬千重愛. 人大左, 已經冇左這一種感覺啦 |
| 5月3日 星期三 |
| 今日返早. 老細同Jimmy之前嘈完交後,
依家依然氣氛ma ma. lunch 時jimmy 整左野比我地食, 但係老細係隔離other 左野食過黎食. 唯獨是我同Jimmy 冇份.
今次我冇份已經唔介意啦. 事關我已經睇開左. 但老細係隔離other 野食唔同Jimmy 講一講, jimmy仲煮晒我地的lunch.
我相信昨為一個廚司, 感覺一定唔好受. 我趕住過licence center, 所以要talk away 我個收工餐. 我見到Jimmy
好有心機幫我整收工餐時, 我見到佢個樣我真係有D眼濕濕, 好想對住佢喊. 剎那間覺得佢好可憐.... 放工提做左30mins 收工, 因為我要去licence center 完成本薄同考埋最後一個試. 去到好少人, 可能晏的關係啦. 冇乜人, 好快就到我. 比本薄個staff 睇, 佢話冇問題, 不過witness 就要再搵過. 因為我搵左阿傳簽, 但果頭要搵律師呀, 醫師呀, 公務員呀, 果D人簽, 攪到我聽日又要黎多次. 係我腦海中諗起方小龍. 即係我學功夫的一個師兄. 佢成日都話自己work in government. 哈哈.. 係pot black 會合左阿ming, 之後同佢一齊上館. 等左陣方小龍, 佢終於都到啦, 見到佢真係好呀... 佢仲不計我成日打佢, 樂意同我簽. 其間jenny, ming在canning 的一個同學. 佢係我一個師姐的朋友, 佢又唔知咩原因上左黎, 不過企左係門口又話臭又話乜, 係咁叫佢D FD 走. 不過之後又入左黎, 果到攪下, 呢到攪下, 一點兒禮貌都冇, 真令人討厭. |