|
2004/7/7 晴天
我今日...去o左......學車呀~~~~~我生平第一次開車呀~~~~ 哈哈哈!!好好好好玩呀!!!!!!坐上架車度個人教o左我D好基 本o既o野之後就叫我出車喇，嘩!嚇得我丫，點開呀?!真係有 點兒不知所措...點知一開，我就覺得好好玩~~~踩油去o個 o下好好feel呀~~!!我覺得我開車o個陣係完全冇方向感，唔 知自己開緊去邊，一尾淨係聽住個人叫我轉就轉，直行就直 行，我係唔知自己做緊乜o架~哈哈~~~但係我摟胎盤好有問題 呀，好似好難控制咁o既?!有時見到有架車想出車/有個人過 馬路我就會有D失控，個人見到我都話好好笑^^我仲學o左泊 車添呀，突然間覺得自己好勁呀，識得泊車!歡樂o既時光過 得特別快，好快就學完一個鐘，我好想繼續學呀~~真係好好 玩呀!!!快D~快D到下星期一啦!!!死啦~我驚我會患上開車渴 求症^O^學完車走o個陣撞到Ling細佬，原來佢都係今日學車 ，之後仲撞到Ling添，聊o左一陣我就去o左CVS晒相then 返 屋企。 |
|
2004/7/4 晴天
今日國慶同Janys, 張健, Ling &豪去睇煙花，但係唔知點解 我覺得好悶好眼訓呀......可能係等煙花開始之前o個個半鐘 我D活躍細胞已經死o左一大截，再加上呢度D煙花表演確實令 我"失望"呀!我覺得返大陸睇都靚過呢度D，以後我都唔會再 o係Boston睇煙花o架喇!見到D煙花表演唔好睇，我好想自己 有得放呀~~~但係呢度買煙花放又要花上好幾百，好唔抵玩.. .! 不如改玩放風箏丫，我都未放過~(語無倫次) 係呀~講番我o地睇煙花o個陣，居然有人好公然地"對"草呀~! !!本身我o地都唔為意o架，係睇睇下突然間聞到D好臭o既味 ，又唔識形容陣味，望o下其他人又好似淨係得我o地o個邊D 人聞到，後尾呀豪就話後面有堆人o係度"對"緊草喇，我o地 聽到之後好無知地O晒嘴，我係第一次現場實景見到人"對" 草咋~仲要係一個身位o既距離!但係佢o地係咪有問題o架，睇 煙花又關D草事?!後尾我o地移動o左去另一度繼續睇&討論班 "草人"...睇完煙花好似遊行咁走緊o個陣，其中一個"草人" (張健認得)問我有冇火機~~~嚇得我!...汗〣 走o個陣個站太多人搭車喇，我o地決定行去Downtown個站搭 。我o地行路經過Copley，繞過我間大學，再踩埋Hypmarket ，步行o左大約半個鐘去到唐人街，終於完成o左我o地o既取 經大業喇~哈哈~~~幾個人簡直好似死o左咁呀!!食完o野就搭 尾班車歸家。 |
|
2004/6/29 晴天
好唔開心呀~~~我受o左好大o既打擊!!!呀姨同我講話去唔成 加拿大........有、冇、搞、錯!佢話係因為姨丈個親戚個老 婆cancer死o左，所以我o地都無謂去打攪人，真係正中o既所 謂"埋門一腳先至..."我當時真係唔識理邊個死，淨係識好似 細路"甸"地發爛渣咁對住個電話死話要去，但諗深一層，稍 為成熟D o既人都唔會去搞住人啦，後尾呀姨同我講番話等遲 D八月再去過，希望到時真係會去得成啦......!!既然七月去 唔成加拿大，我就決心去學車!!實現我o既車牌夢!!!於是我 下午打o左電話去make appointment，約o左7/7，我心情有D 緊張添~~ 唔知係咪o係屋企無聊得濟啦，洗完頭之後我好衝動地跑o左 去剪自己D劉海，剪o下剪o下...好似收唔到制咁，剪到好鬼 短!!好樣衰呀!!!叫我點出街......>___< 夜晚同你講電話我真係真係好開心^^呢一次意外o既通電將我 之前一直好模糊o既o野搞清楚晒，又講番唔少以前o既o野， 的而且確好令人回味&懷念呀，希望你快D搵到工啦! |
|
2004/6/26 陰天
yohoo~今日又有得同海敏(hiddie)去街喇~~心急o既佢晏晝就 o黎o左我屋企搵我，好冤氣啊~呵呵~!到o左六點我o地就搵埋 陳小姐(Janys)去接張健(Janis)放工。途中我o地o係公路俾 一架不知名o既Jeep"bu"!!!當時我o地架車要等前面D車過晒 先行得，但後面架盲Jeep就o係度死bu爛bu，仲要係連續bu幾 次wor~!!!o係又bu唔係又bu，趕住去拎出世紙咩!!!我o地已 經好唔妥佢ga la，之後架盲Jeep cut lane行o左o係我o地隔 離望我o地，我覺得佢係想望下我o地係咩人，佢"急"我o地時 我o地都濿到佢o地係唐人中年男人，仲要一望就知係未受過 教育o個隻，之後仲特登鬥快過我o地wor!!!當時我o地三個都 怒火上昇呀!!! 海敏踩行晒油諗住過佢，點知前面架車又唔 爭氣開得鬼咁死慢...阻住o左!!激死人啦~~~如果我係男，我 做o左中指手勢好耐喇~huh!!!!!! 接完張健我o地就直踩落去Porter食o野，哈!又係o個間...點 解我次次去親Porter都係去o個間o架??!!我o地四個食飯o個 陣好好笑呀，我食八爪魚壽司o個陣海敏叫我點D spicyxx會 好味D，咁我就點o左D(其實都幾多下)，之後一啖擺落口... 嘩!辣到我差D噴飯呀!!!即時搶o左張健杯冰水o黎飲，之後海 敏同張健食都話辣得好緊要呀!!!唯獨是陳小姐對辣味好似冷 感咁，食極都唔知咩叫做辣，果然係高人呀!!可能係食得D辣 多得濟喇，刺激到陳小姐食食下o野講粗口，哈哈...嚇到張 健呆o左呀!因為佢眼中o既陳小姐係一位文靜小女孩~ 食完o野患上晚間活躍症o既海敏提議搵地方去，經幾番拖延 後，我o地最後決定去睇the day after tomorrow，其實我想 睇o左好耐o架喇，但一直都冇機會，所以今晚合晒我心意呀! 點知一入到個戲院間房就聞到好大陣臭蛋味，真係有D想嘔 呀，後尾坐得耐o左先發覺好似冇o左陣味。o係睇戲o個陣竟 然有個人訓到扯晒鼻寒呀~~實在太過份喇!!終於有位見義勇 為o既男士忍無可忍地行埋去叫醒佢，哈~仲"鑼"過陣臭蛋味 呀! 返到屋企都夜喇，聽日又要返八點工，ah......殺o左我 啦!!!!!zzzZZZZZZ P.S. 海敏's new eng name=Hiddie 陳小姐's new eng
name=Janys 張健's new eng
name=Janis (家陣興改英文名^^) |
|
2004/6/24 晴天
終於等到星期四~有得去唱K喇~~有個秘密真係唔講都冇乜人 會知，我o黎o左美國咁耐第一次去唱K咋~犀利呢?!所以今日 佢o地個個一知道o左之後，就用D好驚訝同奇異o既眼光望住 我，感覺好似奉獻o左我寶貴o既第一次俾佢o地咁呀~~~~>_<! 我覺得搭車去唱K好麻煩，要轉車再行好一段路先去到，你話 如果有個人可以開車去係幾咁好呢。一入到唱K間o野，真係 靜到一D都唔似唱K，之後入埋間K房...哈哈......我覺得好 似電視平時播深圳D K房個樣呀，呢~~有個銀色閃閃下o既波 吊住o係度轉轉o下，搞到成間房都有D圓圈o係度轉呢~~我見 到都有D頭暈呀~慘!o黎之前全部人都已經同我講定係幾咁落 後o架喇，點知真係落後到要入數字點歌，最過份o既係有時 D歌無端端俾佢cut o左冇得唱，有時又播錯歌wor，真係激 到紮紮跳!!仲有呀，我見到有"一拍兩散"&"世上只有"就即時 興奮到不得了啦，點知佢播o個陣竟然好似食帶咁短短o下... ...真係唔知佢想點，無奈o既我只好叫人press STOP!唱唱 o下海敏同張健話要早走先，抹煞o左好多風景呀，冇幾耐 Ross同Victor又話趕住要走，所以我o地好迅速地唱埋淨番 o既歌就走喇。等我仲預o左$20 o黎唱K o架添，點知只係$13 ，好平呀，但當然對比番香港係完全唔抵啦，冇計啦，美國 地方......! 唱完K後我同Ling, Lewis & Super去o左一間外貌幾吸引o既 食店食飯，以為應該會係D幾唔錯o既日本o野，點知竟然係冒 認o架!!我o地聽到人講廣東話&國語...見到唐人廚師...... 好似俾人呃o左咁呀~~食到飽飽後(因為我真係好飽)又要再千 身萬苦搭番車走，真係搭到我盍晒眼訓呀，返到屋企好似死 o左咁...!但沖完涼又醒番晒wor，就好似而家咁精神地打 diary喇! 周振鴻會o黎NYC呀~~哈~~好興奮呀!!!我好想見下香港o既朋友仔呀，等我好好計劃o下幾時去NYC先~ |
|
2004/6/22 陰天
今日Kyle飛走o左喇...好唔捨得佢添...!!好彩醒目o既佢識 得o係轉機o個陣打俾我，我o地癡纏到飛機起飛前最後一刻先 收線呀^^我知道佢走o左我一定會好唔慣，唔知幾時先至會再 聽到佢把聲 or
見到佢個人喇......"我等著你回來""我等著 你回來"(唔用Kelly's我會掛念你喇，你嚴太"霖") 晏晝同o左Jerry, Jimmy & ABC 等人去o左Jing
jing屋企打 麻雀(non $ version)，計起o黎我真係好耐好耐冇打過喇~ ~~!就連擺牌o既動作都變得生硬，不過同D ABC打，搞到一 向唔係好精通麻雀o既我當堂變得好有氣勢呀~之唔係其中一 個最識打o個個囉~hee...有時打打o下我o地會出現D言語不通 o既情形，跟住就會成班人o係度發傻唔知講o左D咩，你知我 o地廣東話o既領域係幾咁廣闊o架啦，最搞笑o既係Jimmy成日 都唔知自己打緊乜又冇assistant幫到佢手，佢係咁叫救命~ ~~haha!好似o係度陪坐咁呀! Yu Chu仲過份，去Jingjin屋企 淨係識食，咩都唔做o架，唔怪之得佢減肥減極都減唔成啦~ 由於我o地打牌o既速度實在太驚人喇，三個鐘內打o左兩圈.. ....haha...unbelievable!入黑之後就返屋企食飯喇~ |
|
2004/6/19 晴天
好開心呀~~今日有得同海敏去街!!雖然係冇收穫o既一日， 但係我覺得坐海敏車好好玩~~滿足晒我新奇~刺激~好玩~三 個願望呀!!開車途中又笑料百出wor，我o地開車去o左兩韃 地方，首先去o左Cambridge Mall度行街同埋探張健，其實 o個度根本都冇乜o野行，最主要都係探張健，因為本身諗住 同埋佢去街o架嘛，點知佢要返工，鬼叫我同海敏又咁掛住 佢咩，所以就情不自禁地選擇去探佢先喇。o個度o既停車場 要計錢，所以我o地打算淨係行一個鐘度就走，點知到o左走 o個陣，閘口個人計我o地唔知兩個定三個鐘，因為我o地over o左八分鐘，激氣呀~~!早知就繼續行啦!我o地好似D師奶咁係 咁o係架車度唾罵個人，之後海敏話"一定係報應喇"(開車走 前佢掉o左杯o野飲o係車場度)...哈哈!非常之冇根據呀!後尾 o係馬路度開開o下車，前面個人行得都唔行，我o地就"bu"佢 啦，跟住我o地再行o左一陣，俾後面架車"bu" wor~哈哈... ..又一次報應呀! 之後我o地去o左Newbury St，嘩~o個度真係人多車多，我o地 搵位泊車都搵o左好耐，好難得地搵到個位喇，海敏泊車方面 ...哈哈哈!我落車幫佢睇住個位o黎泊，緊張到我將原本好想 掉o既o野飲都飲乾晒，可想而知我係幾咁肉緊啦>_<搞o左大 半日終於都泊好架車，不過其實海敏都好叻o架喇，俾我都唔 知點算，所以事實上今日o既我係變得份外渺小，因為由細過 我&識路o既海敏車我去街嘛~~哈哈~~~我真係要快D學車至得 喇!!! 夜晚同我o既終生伴侶(connie) MSN
o左一陣.....hahahaha! (被逼加插的) |
|
2004/6/17 雨天
WeatherBug~~如果你係人o既話，我一定打你，唔打你都鬧番 你一餐半餐呀!話明冇雨落架嘛，無端端落乜o野雨??!仲要 o係我出門口先落，又連累我要冒雨收番晒D衫同被入屋，我 對呢個電腦天氣報告partner已經心恢意冷喇!好彩同Kyle食 飯o個陣冇落到雨~今日我同Kyle去o左佢大學個cafeteria食 o野(搞笑!竟然唔係去餐廳)，不過o個度D食物又真係幾唔錯 o既，裝修又靚，差在D粟米唔夠甜&冇乳絡食囉~仲有本身 kyle諗住帶我去整夾餅o架，點知因為我o地太遲去食啦，個 o野close o左...失望!諗住同呢個藝術人創意一番架嘛~~哈! 我o地食o野o個陣又笑到失晒控，好在個胃都仲識得消化， 如果唔係真係笑到食唔落呀!最搞笑o既係我o地食到個 cafeteria關門要趕人走，我o地就同後面檯o既lonely鬼佬鬥 快走，點知行到出去另一邊先見到原來仲有幾個人食緊...好 白痴呀我o地!!!之後我o地去o左library，嘩~~~o個度D電腦 好靚呀，我個樣真係娘到要俾Kyle問"你幾時o係上面落o黎 o架?"用完電腦就坐低o左欣賞Kyle D攝影作品，我真係好佩 服佢可以映得咁靚呀，張張都好似電腦D wallpaper咁，胡鬧 完一番後，我袋住Kyle送俾我o既超水準作品好滿足咁搭車返 屋企~~! |
|
2004/6/16 晴天
今日一早7點幾就起身同屋企人出o左去唐人街搞Do野，係7點 幾呀~~~尋晚成3點幾先訓，真係犯賤!早D訓咪冇事囉~自己折 磨自己，搞到今日起身成隻鬼咁!!又熱到死wor，真係想唔戴 頂帽出街遮一遮都唔得。辦完D正經o野就同o左媽媽去行街， 當然我個人會醒神番D啦，但係都好眼訓，今日o既收穫係... ...bikini~~~哈哈哈! 返到屋企見到手提miss o左3個CALL，真係嚇死，原來係家希 懶緊張地打o左3次俾我，之後上網同Connie MSN，好開心有 得用返個webcam呀!我同Connie都互相為對方帶o黎唔少o既歡 樂呀~~哈哈!web cam裡百變的臉^O^後尾傾傾o下連我呀妹都 加入埋呀，遲D Connie返香港，唔知仲有邊個會理我喇.... ..我本身都講得好精力充沛ga ma，但後尾講講o下好似周公 急call，眼訓到想暈呀，唔理三七21就跑o左去訓~就係咁， 朝早做o左隻鬼，晏晝做o左隻豬。 |
|
2004/6/13 晴天
(嘩!!睇番個日子，我差唔到成個月冇寫日記喇，點對得住個 homepage) 今日好開心呀，因為去o左睇Malden High Graduation，真係 話咁快又一年喇，見到今年人o地畢業就好似睇番上年o既自 己，感覺上我又大個o左喇~~haha!但係今年就熱鬧好多，好 似好多人都一齊畢業脫離high school o既魔掌咁，不過其實 如果俾我揀...我會揀永遠都停留o係中學時期，因為畢o左業 之後好似好多o野都好煩，所有o野又好似好複雜...我都唔識 講呀!o係畢業典禮度同o左好多人映相啦，最搞笑o既係Ross 同佢個friend都著到好隆重咁，我覺得好似有兩個保鏢呀。 Lewis副眼鏡又有D盲公feel wor，真係忍唔住要同佢映相呀 ~~kakaka!又見番我覺得好好玩o既teacher，估唔到仲認得 我呢^^我o地成班人逗留到人o地唔清場都唔走呀~~哈! 我本身諗住同埋班friend一齊去食日本o野架嘛，點知撞 正婆婆70大壽......搞到我冇得去......仲要俾人判予甩 底o既罪名，真係無奈...!!點知去到食o野間酒樓又俾我 撞到好多好耐冇見o既人，雖然唔係好熟，但係我 都覺得好興奮呀~~點解今日會見到咁多面孔o既呢?! |
|
2004/5/15 晴天
嘩~好熱呀今日!!簡直係"要了我的命"(國語)，真係好後悔著 o左件鬼咁死吸熱o既黑色衫出街。今日我同o左屋企人去街， 因為我要去買排球，點知同佢o地去街仲買得多o野過平時同 朋友去，其實屋企人行o既大型公司like香港o既馬莎，一D都 唔o岩我，點知竟然俾我搵到D我著得上身又鍾意o既衫，我好 耐都冇買過衫喇，所以我一買到件背心&Tee就好開心，夏天 有新衫著lu~~仲有呀，我唔單止淨係買o左個排球，仲買o左 羽毛球拍，當然都有埋個波啦，n年冇打過喇，之後我o地又 去o左寵物店度睇動物，我真係好似去o左個動物園咁呀，D狗 仔同貓仔好得意，又有鸚鷡、雀仔、白兔、魚同其他好多珍 禽異獸，睇到我呢個大鄉里真係唔捨得走呀!夜晚我o地成棚 人o係屋企燒烤，燒烤之餘仲拉埋部微型電視出o黎睇，係咪 好識享受呢?!但最慘o既係俾D蚊咬o左好多啖，一入到屋個個 爭住拎枝無比滴o黎搽，開心又充實o既一日就係咁完o左啦^^ |
|
2004/5/8 晴天
放假啦~但係我一D興奮o既心情都冇，反而o係度諗做D咩先至 唔會悶...嗯!暫時都仲係無無聊聊咁返工，未有節目。今日 o黎o左個新cashier，我負責train佢，叫做Nefetiti，黑人 o黎o既，我覺得個名好得意呀，唔知點解會諗起Mississippi ，"Nefetiti"~" 呢排講得最多英文o既一日喇，因為要教佢做o野，話時話... 仲講得多過平時上堂呀!同佢傾o左一陣先知原來佢係駝住個 BB架!!真係唔講唔知!因為以佢o既身型o黎講，我最多只係會 以為佢大隻o左D，點知佢一話"my baby made me feel so
tired"(me:下?邊度呀??邊度呀???)佢指一指個肚..OH~~~我 真係o係個腦度what the hell~~我見到佢真係好似好唔舒服 咁，有時做做下o野要問manager可唔可以俾佢坐低休息，生 BB真係唔易喇...o個一刻我好有衝動跑去買束康乃馨聽日 mother's day送俾辛苦駝大我o既呀媽!要啦!我聽日會買!! 連埋呢個Nefetiti，已經係我間store裡面第二個同我差唔多 年紀而有BB o既人喇，無可否認美國真係好易成為媽媽。爭D 唔記得o左前幾日我搭車撞到呀芬，一個十六歲就做o左人媽 媽o既女仔，佢個女而家都已經兩歲喇，我覺得抱住個女o既 佢變得好成熟，唔睇ID一定會以為十九歲o既係佢而唔係我， 唔知我又會幾時生BB....幾時會結婚呢???......咪傻喇! 仲有呢幾日唔知做乜，我D花粉症好犀利呀!!成日都打噴嚏， 隻眼又成日都好痕，食o左藥都仲係咁，夜晚又鼻塞搞到冇覺 好訓，呀~~~~~~我個樣...好醜呀!!!!! |
|
2004/4/11
晴天
YEAH~~我o地今日去o左金晨大賭場睇小春同陳慧嫻，雖然冇 o係香港睇演唱會咁開心，但麻麻地OK啦，小春講o野好好笑 呀~~哈!仲有，我入到賭場睹錢~好興奮呀~!!哈哈~~~睇演唱 會前我同Ross都冇入去睹錢o架，行行企企影相冇乜o野做， 後尾到睇完個演唱會，我o地去o左食buffet，McDonald老手 Lewis幫我整o左個好高好高~o既雪糕，高到我後尾cut o左一 大半先食都仲有好多，真係肥死喇! 之後Lewis & Ling &呀 豪拉埋我o地入去睹錢，嘩!我幾驚俾人 check ID呀，一望 就知我係幾咁後生啦(o係o個度)，好彩後尾都冇事^__^我唔 係睹D咩大檯呀，只係去o左玩老虎機，初初唔知點樣為之贏 ，贏o左又無端端輸番晒，後尾見Ling&呀豪贏好多，我就唔 憤氣同Ross一齊夾o左$10去玩多次，哈!點知玩玩o下又贏， 有次仲贏o左jack pop(how to spell?!)添呀~!!開心死喇!! !!原來聽住D錢滴滴嗒嗒跌落o黎係咁爽o架!仲有見到Ling 買大細贏錢又好開心，我覺得好好玩呀!!唔怪得之D人咁鍾意 睹啦，弊!我唔可以做爛賭韻o架!haha... |
|
2004/4/1
雨天
唉~尋晚好夜先知原來我今日要揀下年o既calss schedule， 所以連夜揀course o黎讀，真係揀到頭都爆，係真架，我揀 到頭痛呀!!個個course都要就o岩D時間，難搞到死...!之後 搞到一點幾先訓，訓落床我又訓唔著，結果今日好大個眼袋 。 今日9:00開始register，因為驚D course會俾人揀晒，所以 我o地幾個都冇去上堂，留o係屋企搭正9:00上網register， 點知入唔到，個message一時話busy，一時就話need advisor
approval，即係點呀??!燜到我死!後尾試o左好幾 次，個message都係need advisor approval，後尾我, Gigi
&Yuki就出o左去返學o個度搵advisor簽名，為o左個簽名同叫 佢unblock us from the system，落住大雨都要出去，真係 救命~!!一入到室內好似打完仗咁!其實我好想轉校呀~~因為 真係唔鍾意呢間大學!!但係要搞好多o野...好煩...... 係呀，連續落o左三日雨冇停過喇，究竟幾時先會好天呢? |
|
2004/3/16
雪天
今日去o左New 再搭地鐵6:45a.m.要出到唐人街，但係我同Gigi出到去都遲 到o左少少，搞到成班人要搭遲一班車去。我本身好興奮有得 去New 原先有o既興奮即刻跌o左落去......有冇搞錯呀???我去trip 先至落雪!!!個心係咁埋怨個天...係“天氣的錯”呀!!我o地 明明上個星期已經keep住check天氣，天氣報告話明Mon同Wed 都落雨，得Tue好天，而家竟然..落大雪......唉~~ 去到New York食完o野我o地就分批去自己想去o既地方，我同Gigi，Yuki
and yuki’s friend就去o左Time Square，嘩~New York地鐵o既路線圖真係複雜到... “痴線”!點睇呀~~後尾我聽到隔離個人教另一個人搭J車可以去到Uptown，我就以為係去到Time Square喇，點知..四個人上到車先知搭錯車... 都係我白痴啦! 後尾搭番轉頭再轉車先去到Time Square 42St，其實落住大雪都冇乜心情睇o野，再加上D路又難行，所以我o地入o左幾間鋪頭同埋影o左D相，就搭番地鐵出唐人街喇。出返去唐人街個個都要幫屋企人買o野，我見冇點買過o野，於是都買D蛋糕同老婆餅返Boston，買完o野我o地就搭6:00p.m.班車走，好慘呀~~落雪要凍住等車!點解D雪唔識停o架?!終於等到車黎有得返去，但係坐o係架車度都好恐怖，條馬路鬼咁死多雪，真係驚架車會唔知點，好彩最後都安全抵達~返到屋企都好夜喇，又累......講真，我好後悔揀o左今日去New York，又無聊..又無奈..又辛苦..真係犯賤! |
|
2004/2/28
晴天
今日好開心呀，因為返工唔係做cashier，去左做睇sellf-scan(D人自己o都自己俾錢)，感覺好似升o左職呀，我本身係 做cashier 4:00-9:00，點知一返到去manager就問我可唔可 以留到10:00，頂一個人(o個個人請o左病假)，我本來好唔想 o架，但後尾知道係做self-scan個位，又唔洗點做o野o既， 所以一口就答應左喇。D野好易上手，終於體會到以前cousin 做呢個位係幾咁爽喇~哈，但係有時因為太少人回有問題需要 幫手喇，搞到成日都冇o野做咁，好無聊呀，我最唔鍾意就係 冇人要幫手o個陣，我同另一個人都企o左o係度，但係我同佢 冇乜o野講...我一向同D鬼妹鬼仔都冇話題，之後到o左7:00 另一個人放工，得番我一個撐場，好彩無驚無險~去到10:00 ，就咁樣行行企企好快就過o左一日喇，應該係一晚至o岩， 希望下次再有機會做self-scan啦! |
|
2004/2/8
晴天
今日..定應該係尋晚呢?..零晨5點幾，Connie o係英國打 o黎，俾人嘈醒o既我梗係想第一時間話佢"有冇搞錯呀!揀 呢個時間打o黎"，但係佢講o左一句說話，足夠叫我沉默數 秒..."楊嘉麗娜冇o左個BB"......當時我o既感覺好震驚， 我真係成個坐晒起身變得好清醒，種感覺係好似自己一個好 親o既人發生交通意外咁，個心好唔安樂...好唔知點，我有 D唔係好接受到個事實，離個BB咁遠o既人都接受唔到，更何 況係日日都同個BB連成一體o既媽媽，真係好擔心楊嘉麗娜. .!我好想知點解會冇左個BB，但係我同Connie都覺得唔應該 問，我唔明點解個天會咁o既，明明送o左俾人，到臨開禮物 就o黎知道係咩o個陣，竟然問人拎番..!咁點解最初仲要俾人 ??!老天爺~呢個玩笑開得實在太大喇!! 講番D開心o野，今日夜晚出o左去同Mindy & Hoi慶祝生日， 我o地去o左食日本o野，終於俾我o係o個度食到饅魚飯喇~ ~yeah!最興奮o既都莫過於係開禮物喇，壓軸禮物係一件超性 感紛紅lace o既underwear，真係笑到傻呀~~~最錯o既係我包 o左鬼咁死多層，Mindy一路開一路都唔知做緊乜，辛苦係要 Patrick冒著衰3年o既風險o黎遞份禮物俾Mindy，真係委屈晒 喇~~!o係坐Yuki男朋友車回家途中，我o地得知原來呀邊個邊 個上網認識o既女仔就係某某o既friend，OH~~~世界真細小 小小~~! |
|
2004/2/2
晴天
我覺得我D屋企人今日好過份呀，明明講好係我去接呀妹放學 ，咁我一放學就去接啦，係我嚴寒交逼企o左幾個字後，老豆 竟然出現o係我面前，同我講話佢接呀妹放學，我即時好燜咁 話"又話叫我接，咁你又黎?"，佢之後話打過我手提諗住叫我 唔洗接，但係我手提冇人聽，梗係啦，我今朝都趕到唔記得 帶手提返學，算啦! 返到屋企由於我好眼訓o既關係，一食完o野就訓喇，o個陣呀 爸呀媽呀妹都出街買o野，我就順便叫呀媽幫我買A4紙，點知 我差唔多訓著o個陣，個電話突然間響，原來係呀媽打o黎問 我應該買邊隻A4紙，係無端端俾人打電話o黎嘈醒o既情況下 ，我好大聲咁叫佢求其買隻，仲叫佢唔好o係我訓緊覺o個陣 打o黎，之後我就一直訓到六點幾，見到個天都黑晒，心諗: 點解佢o地去咁耐都未返o既?唔通有咩意外?跟住我打呀媽手 提問佢o係邊… 佢o既答案係"我o地而家o係呀X太屋企食緊飯喇" ..........無奈....我話: "咁我呢?咁我點呀?你去o左人o地屋企食飯都唔話聲俾我知" ......呀媽就話"係你叫我唔好嘈住你訓覺ga ma" ..........更加無奈....我有種俾人遺棄o既感覺呀!之後我 就一個人"昂"居居開雪櫃食o左碗豆腐花..... 三小時候後, 我再食多o左個杯麵...(死啦!做左connie添) |
|
2004/1/31
晴天
今日冇出到街，o係屋企...好悶呀，都唔知做D咩好，悶到 晏晝訓o左一陣，就跑o左去整日記呢版喇。事實上而家差唔 多每個Weekend都好少去街，因為冇返工，所以唔想用$$$... 唔得喇，我一定要返工，如果唔係D錢會好快用晒!但係我真 係好唔想再做cashier喇...好悶好悶......o係o個度做o左兩 年幾喇，真係好想轉工，但係又好難搵到工，到真係有得做 喇，又可能會發覺唔o岩自己，好似今日陳小姐同我講，第一 日做waitress要捧好多o野好辛苦，其實我都有打算做 waitress，但係cashier又真係舒服好多，之但係我又唔想 o係o個度做死一世…唉~煩呀!究竟有冇得轉工呀~~天啊~~~ |
|
2004/1/29
晴天
我諗如果唔係因為更新o左個網頁，我都唔會咁有心情寫日記 喇。今日整好個網頁，又一次好有滿足感喇~~YEAH!但係第一 次用深色背景，搞到其他o野都要變晒深色，而家個日記我覺 得好怪呀......白色，本身諗住轉個新o既留言板，但係自己 又唔捨得以前Dpost，所以最後都係決定用番以前個留言板， 要諗下點樣改個日記先得喇...... 考呀?!交白卷o既%係100!所以都係留番o係屋企好D，再加上 今日又咁凍咁大風(籍口!!) ，留係屋企暖好過啦!D功課都仲 未做過添，聽日仲有演講...第一次演講class演講呀~~~ 好緊張!!不過好彩係分半鐘姐，要拿拿臨做埋D功課至得喇! |