|
2004/9/15
晴天
今朝又好遲先入課室喇，搞到我次次個位都係好唔滿意~激氣 !上完日文堂我同Candy行去cafeteria食o野，途中Joey Wong 打俾我，咁就搵埋Joey一齊食，入到cafeteria冇幾耐Grace 又殺埋入o黎，Joey又撞到佢個friend，食食o下Akane都o黎 埋，我突然間覺得今日餐lunch好多人~好熱鬧呀~~!唔知幾多 個女人幾多個墟喇!食o野o個陣Candy見到個friend(男性的) ，於是佢個friend就坐o左埋o黎，後尾佢行開去買o野食， Grace同我o地講見到個男仔火車未到站，我o地個個即時好疑 惑地等佢買完o野食返o黎"急"佢o個度，then我o地睇得好清 楚真係未拉褲鍊呀~~oh my god!又會咁大意都有o既?!仲有個 男仔好搞笑坐坐o下無端端連人帶凳跌低o左......哈!個 lunch真係食得好開心!!放學後Janis等埋我一齊去學車，但 我2:30，佢就4:00，於是Janis就選擇o係我學車o個陣坐o係 後面睇(我o地係唔同駕駛學校)，我唔知點解會忍唔住笑，一 路開一路望住塊倒後鏡裡面o既Janis笑，教車個人今日o既態 度比上次好，可能因為有外人掛~但Janis笑笑o下開始坐到有 D眼訓zzZZZ眼訓??咁咪好囉~!!好明顯係坐我車舒服到想訓覺 喇~~哈哈~~~我學完車後同Janis去o左買o野食，等到4:00先 到佢學，但係我就痛苦好多喇，估唔到原來Janis手車好辣 o架，上落轉彎都快到冇人有，我感覺好似坐緊 Six Flags D game
咁呀~!hee~~佢學車學個半鐘，我就o係架車後面悶足個 半鐘，落車後我個樣好似已經唔再屬於我，靈魂出竅咁呀， 就連我聽到Janis講o左個天大o既秘密俾我知後我都可以好平 靜咁接受，如果係正常狀態o既我一定大喊"邊有可能o架?"呢 一刻我個靈魂先返番o黎話俾我知我係接受唔到個現實，希望 聽日一覺訓醒後就會冇o左回事啦。 |
|
2004/9/12
晴天
今朝Hiddie一早o黎車我返工啊~~好感動!!但其實佢係為o左 報恩o架~~hee...放心啦!我一定會將件事辦妥當!!辛勞o左六 個鐘後諗住有得返屋企訓o下，點知cousin Wilson要o黎我屋 企用電腦，搞到我要招呼佢冇得訓...無奈......之後同Kyle 講講o下電話佢失驚無神話去食飯!於是我o地就好即興咁出 o左去食飯喇。我搭subway去學校搵Kyle，之後佢開Mini
Cooper車我去食飯，繼Connie後...另一個Mini Cooper主人 呀~因為Kyle只係第二次o係Boston開車，我o地好盲中中全程 都要拎住幅地圖o黎睇，好彩最後順利去到食馬來西亞o野， 我初初以為自己係去o左一間從來都未食過o既o野啦，點知望 一望個menu...先知道間o野原來叫濱城，咪即係同Chinatown
個間一樣囉?!有D唔憤氣添~~但唔緊要啦，之前都冇同kyle 食過。我今次食o左一碟我未食過o既炸魷魚，我覺得好好味 呀~~~~!!種感覺好似食緊卡樂B咁，我覺得可以出package上 市賣囉~食完飯行去"羅"車途中，我o地目到一樣好驚人o既 o野，正當Kyle停o係度食煙，我o地兩個聽到有人吹 saxophone，就望上上面睇o下邊個吹，正當我o地搵緊係邊間 房傳出o黎o既時候，我o地同一時間望到有位女性o係間房度 咩都冇著呀~~~~~~!!!!!解象度好清晰o個隻!!!!真係望到我 o地眼都突埋呀@@!!事後我o地係電話度又再爭論番係鬼/唐， Kyle話據佢o既經驗係唐wor~哈!但我好肯定係鬼o黎o架，有 邊個可以話我知真正答案呀??!!!夜晚要Kyle車我返屋企，我 覺得好似辛苦o左佢呀，因為我o地真係人生路不熟，眼望 Kyle o係油站度呢架車問完到另一架，而我就坐o係架車度乜 都幫唔到手，感覺自己好冇用呀......淨係可以講D鼓勵性 o既說話...最後憑住Kyle o既勇氣&打不死o既精神，成功由 Havard Square去到我屋企喇~YEAH~~真係興奮+開心呀^^不過 之後又要Kyle開番車返去佢學校，我就隨即由開心變做擔心 喇......終於Kyle用o左大約一個鐘返到學校!thank GOD! |
|
2004/9/8 雨天
開學第二日，上埋Japanese & Eng喇，但係我今朝竟然爭D遲 到，因為今日好塞車，架巴士行o左半個鐘先到subway站，我 返到學校都已經好遲o架啦，點知門口貼住張紙話轉課室，仲 要個課室係山長水遠~偏僻到冇得再僻呀!但係我好鍾意個課 室呀，大過晒我其他堂同埋最先進，仲有我同Wendy一班，又 會咁o岩o既?!成堂日文堂個instructor都o係度整D儀器，因 為umass 出現o左問題聽唔到我o地個instructor講o野，所以我都唔覺 得自己有上過堂...10:15上完Japanese我要等到12:30先上 Eng，嘩~~~中間o個兩個鐘break就真係難捱喇!當我落o左堂 漫無目的行緊o個陣，撞到Joey Wong，原來佢都係break緊， 不過就比我好，佢淨係等一個鐘，於是我o地就一齊去o左 computer lab，到o左11:30 Joey去上堂，我就一個人唔知做 咩好喇.......昂居居去o左好多人訓覺o既地方度hae，十分 之無聊呀~~~終於等到去上Eng，好搞笑呀~一o黎就要講自己 個名有咩意思，我起初都唔知點講自己個名好，後尾諗起mum 講過Wan=One，咁我就加幾分感情話因為我媽媽想我成為No.1 所以就叫我做Wan喇，好型呀~哈!仲有我同Hiddie's friend
Grace，Ross'cousin Amy 一班呀，真係"Q"! 放學後去o左學車，但係我學完之後唔係太開心，因為個人D 態度唔多友善，我開緊車佢就講電話，盞燈轉黃色但係我搞 唔清楚盞燈係咪我呢個位，當我猶疑緊停/唔停o個陣，我問 佢盞燈係咪我o架，我見到佢令頭，咁我就直去埋啦，點知佢 叫講緊電話個人等一陣然後問我點解明知黃燈&唔夠位都仲去 ，形成我架車企o左係中間阻住o左人o地D車行，點知又會咁 o岩咁唔好彩有架響緊o既警車要開過，但係我個尾有少少阻 住o左佢，於是個差佬就停車對住我o地架車大罵，仲話我開 車開成咁唔洗指意考到試...sigh......之後開開開，學完晒 準備將架車轉彎泊位，正當我打算向右轉時一架響緊o既消防 車o係左手面o黎緊，我諗住停低俾佢過，教車個人就叫我拿 拿聲轉埋過去，我轉緊o個陣架消防車都差唔多行到埋o黎， 於是俾架消防車狠狠地"bu"o左一頓......我又衰多次喇!!! !點解今日會有咁多呢D車o架?????!!!教車個人好悔氣地同我 say bye，我feel到佢對我今日o既表現好唔滿意。 學完車我好似死o左咁但係仲要行去搵醫生幫我填學校份打針 紀錄，等o左一陣個姑娘又叫我走先遲D再通知我拎，感覺今 日做o左好多o野呀...! |
|
2004/9/7 陰天
開學第一日，我第一堂係1:00 o架，但係我竟然12:30就返到 去學校，用o左半個鐘咋~~真係難以置信呀!結果我o係3 stones前等Hiddie落堂等到呆o左，終於12:45見到Hiddie， 但係講o左一陣o野&陪我去埋課室我o地就分開o左喇......第 一堂係MicroEcon，估唔到個instructor竟然係Korean，我初 初以為佢係唐人呀~因為佢個last name係Choi，後尾Akane話 番俾我知係Korean。對o左佢一堂...印象都算OK啦!有樣o野 好驚人o既係我竟然同以前成日都o係Malden見到o既lesbian 同一班呀~~unbelievable!!!原來佢係讀umass !!但係我冇主動埋去巴結佢。班裡面仲有另外幾個Asians， 唔知邊度人o黎o既呢?!上完MicroEcon去上Statistics，嘩!! 間房搵死人呀!!!!我2:15落堂，應該2:30上堂，但我2:32先 搵到個課室呀~~~仲要係入到去個個金睛火眼望住我，不知幾 大壓迫感呀!!我企o係度望o左好幾秒先俾我見到最後一個空 位，坐低o左個人先定番D，之後入o黎o既人都冇位坐，要搬 凳，你話丫，邊有D學校離譜成咁o架，我對umass boston好 失望呀!!因為我兩堂課室都好迫!!!Professor好耐先入o黎， 但係佢竟然係一位老伯伯，個樣真係好math feel囉~我諗佢 都應該一把年紀喇，因為我見到佢手震，講o野又好似冇咩氣 ，弊!咁咪好影響我o既學習囉?!!我真係好擔心往後o既日子 我會miss o左佢講o既o野/功課......Statistics伯伯一路講 o野，D人就一個跟住一個訓低，原來伯伯有魔咒功底o架~哈 哈!我前右後都zzzZZZ，搞到我都顯得好唔耐煩.....悶死人 喇!!!!!!好彩後尾Hiddie send msg俾我佢話等埋我，終於撐 到落堂，可以走人喇~會合Hiddie我將我抑壓o左一個鐘零十 五分鐘o既情緒抒發出o黎，真係想講粗口呀!後尾同埋Akane 一齊去買書then返屋企~~ tomorrow is another day la~唔知我o既Japanese
& Eng堂 又會係點呢? |
|
2004/9/4
晴天
講個笑話俾你知丫: 話說今日我同o左屋企人去街，正當我同呀妹好灼躍地揀緊開 學用o既簿/folder時，有個女仔行埋o黎我度講o左句" excuse me"，我以為係我阻住o左佢啦，移動o左幾步後，個 女仔眼金金咁望住我，問o左我一句"Are you in 7th grade? "..........wut da........7th
grade????.......爭D以為 自己聽錯!......你指我定係我呀妹呀??!!.....hahahaha... ..但係佢竟然強調多次係問緊我呀~~~~~~~~help~~~~~~~我真 係嚇傻o左呀@@! 事後我同呀妹兩個企o係度大笑! |
|
2004/9/1
晴天
我上得番網喇~~!因為前排舅父間公司個上網sever出現o左問 題，問題又越搞越複雜，於是我決定俾錢上算喇。有樣o野好 搞笑o既係我成個星期冇online有人以為我去o左旅行呀~~哈 哈!我都想係喇!!旅行就冇，但係有日我同呀姨一家 & mum & sister去o左Water Country呀~~我成個暑假唯一一次o既水上 活動trip呀!開車去o個陣我o地有D唔係幾熟路&擔心行錯路， 搞到我要打晒電話問其他人，後來問完Jimmy證實後我o地係 冇行錯路，好彩jie，幾驚去唔成呀~真係抹一把汗!o個度好 多人呀，根本就游唔到水，淨係可以戲水，不過o個度D人造 浪好㊣呀，拋到我好飄呀~~~仲有我o個日好似做o左表妹 Irene個護法呀，差唔多個個game我都係"磅"住佢玩，我覺得 好似睇番自己細個表姐同我去玩咁呀^^我個日做得最多o既動 作就係"sir"滑梯喇，"sir"到我個S有D酸酸痛呀~~哈哈~~玩 完之後約埋放工o既dad去食飯，o個晚我見識到一碟臭到同臭 豆腐一樣o既生蠔呀~救命!!因為個侍應上o左碟壞o既生蠔俾 我o地，最離奇o既係呀姨竟然一D都唔覺得臭，我諗如果得呀 姨自己一個人o既話，食o左落肚都唔知係咩一回事。 冇上網o個幾日...我夜晚睇完電視，講電話講到搭正12:00就 去訓覺，第二朝9:xx起身，原來我係可以咁健康o架!!!!!我 突然間覺得自己原本好健康o既生活係俾上網破壞o左，仲有 上網只會將人與人之間o既距離拉遠instead of變近，因為我 冇得上網o既呢幾晚都比平時講多o左電話，有時上網online 反而唔會點同朋友講o野，突然間有感而發^^" |
|
2004/8/22
晴天
今朝六點幾起身返工，尋晚兩點電話收線訓覺，但我感覺到 三點幾先訓得著，訓o左三個鐘都冇呀~~救命!!突然醒覺我應 該珍惜睡眠!不過返早都有好處o既，咪就係可以好早走囉^^ 十二點放工返到屋企本身諗住訓番一覺再出去同Hiddie慶祝 生日，但醒起份禮物仲未包，包完禮物後我D訓覺欲好似冇 晒....! 到o左差唔多六點Mandy同Hiddie開車o黎接我，之後去接其他 人，嘩!我好佩服我o地後面竟然坐得落四個人，但都坐到 Janys & Janis有D頭暈暈。我o地去o左刷刷渦打邊爐，點知 去到等位要等好耐......我o地本身諗住訂位o架，但點知間 o野竟然咁死板唔take registration。雖然我的而且確呢排 係打o左好多次邊爐。但係面對D咁美味&新鮮o既食物我絕對 唔會抗拒o既~!我o地班人好狼死呀，幾碟o野拎埋o黎我o地 個個飛擒大咬，轉身去一去洗手間返o黎就已經GONE晒!!連煲 湯都滾到乾晒，真係辛苦晒位侍應為我o地不停地進行加湯服 務喇。Janis呀~~~~你唔好再講"你有冇睇三更二之餃子呀"我 受夠喇 >___<後尾到我o地個個都食到七七八八o個陣，Sally 先出現，佢個樣好無奈地唔知可以食D乜，惟有叫多一個餐喇 。食完o野抖抖就到蛋糕時間喇，個蛋糕未拎出o黎前Hiddie 講過"我想一陣間有人唱歌俾我聽呀"，之後唔知佢幾時去o左 洗手間，兩個女侍應突然捧住點滿蠟燭o既蛋糕，用好柔和 o既聲調低聲&清脆地唱出悅耳o既"happy birthday to
you~ ~"行埋o黎我o地度(係咪描寫得好好呢)，但當時我o地個樣係
應仲係一路咁唱住生日歌行到埋o黎，當然仲有其他侍應圍觀 ，但係主角唔係我o地呢^^"佢o地擺低o左個蛋糕後我o地見D 蠟燭溶緊而且其實今日都係Kelly生日，就叫Kelly吹o左先， 等陣再點番俾Hiddie吹，吹完蠟燭Hiddie行出o黎一望個蛋糕 見D蠟燭係俾人吹熄o左，就有D唔開心唔係自己吹先，估唔到 兩個人同一日生日&一齊慶祝係會有咁o既一幕o架...我o地 o係蛋糕o個part映相都映o左好耐，個人好似好唔滿意我o地 霸住張檯但我o地o既心態係"幾歹都坐耐D啦，如果唔係點順 番頭先等位條氣呀"哈哈!我o地適可而止地坐到差唔多十點就 走人。我o地去o個陣六個人坐一架車，但走o個陣多o左個 Kelly變o左七個，點坐呀????!!Hiddie話車頭坐兩個，o下?? 咪玩啦!十點幾咁早好大機會俾人捉o架wor~係都夜D先咁做啦 ~hee!我同Janys都唔係好贊成兩個坐車頭，寧願後面逼D啦， 係o個一刻我發覺我係好清醒&理智呀，因為我乜o野證明文件 都冇帶o係身，出事好麻煩o下，當然亦都因為安全理由啦^^ 最後Hiddie & Kelly坐車頭，行o左幾個街口去到subway站放 低o左Anna，因為Anna夜要返屋企。回復番前二後四，舒服晒 ←(都幾勉強o架)。個個都唔想返屋企住，Mandy提議去唱K但 係我, Janys, Janis都已經冇乜錢喇...加上呢度D karaoke 消費咁高，唔想去!最後我o地一致通過決定去Mandy屋企~哈 哈~~嚇死o左Mandy呀，要佢同我o地去佢Quincy家之後又要送 番晒我o地返Malden又再返自己家，佢諗起都痛苦，但都冇計 啦。去到Mandy屋企最好笑o既係開極都開唔到度門入屋，我 o地好有罪惡感呀，幾驚要趴窗先入到屋!入屋後我o地為免 嘈醒Mandy屋企人每一個都表現得好斯文，我o地研究魔術， 傾女人o野，陪Hiddie & Kelly去到十二點生日over個個都已 經好累地返屋企zzzZZZZZ 我要訓覺!!!!!!!!!!!!!!!我訓盡你o架喇!!!!!!!!!!!!! |
|
2004/8/18
晴天
去學車again，但今日個師傅又唔同o左喇(本身o個個有要事) ，但都冇乜所謂啦。我今日好叻呀~學泊位，原來呢樣係最後 學o既一樣o野o黎ga la，個師傅仲話幫我約時間考試添，下? ??咁快考呀???!!我硬係覺得自己未夠水準wor~~~不過佢話等 排期都起碼要三四個星期，咁我學多幾堂去考就o岩o岩好喇 ，rite!我o黎緊喇車牌~~~~! 夜晚去o左Joey屋企打邊爐，但係事前我已經o係屋企食o左幾 隻雞翼&飲o左三碗粉葛菱魚豬骨湯，實在太好味喇，成為o左 我o既至愛!七點幾行到Joey屋企八點幾開始打邊爐，嘩!一路 食一路流汗呀...!熱到我有陣時要開一開個freezer涼o下， 有件事好無辜o既係我俾人話我減肥呀......因為我好反對佢 o地放煙肉落去，係人都知會好肥膩o架啦，奉勸佢o地一兩句 就一句塞埋o黎話我減緊肥喇~~之後我又唔知點解咁唔好彩次 次夾親片牛肉都係最細塊o既，佢o地就異口同聲話減肥喇~~ 救命!!!打邊爐之餘我o地仲o係Joey屋企睇o左套叫"馬伕專訪 "o既vcd，套o野對女仔o黎講有D尷尬，因為係訪問男性對性 o既睇法，但係有D位睇到好好笑呀~~haha!Lewis, Ross & Victor睇到好enjoy，至於我睇完之後對男性都了解多o左。 後尾坐坐o下越o黎越多人，我同Janis都覺得坐到悶so提議走 先，開門走o個陣Miu乘機跑o左出o黎呀，搞到我o地出動晒總 動員o黎捉番佢入屋，我o地D行為嚇親D開車人士&鄰居呀~hee !o係我走o個陣我好似聽到豪講Jason o黎緊(Jason is Janys's
ex)，呀~~最衰今晚Janys冇o黎啦，我聽到之後有D 衝動唔想走住留低見o下Jason，然後向Janys匯報，但最後我 都乖乖地坐上車返o左屋企。 咦~~Joey個smoking free area搞到我成身都係煙味呀，由頭 煙到落腳，由外煙到入內呀!o岩o岩今日先洗完頭...給煙臭 了! |
|
2004/8/17
晴天
Janis剪o左頭髮後，今日第一次同佢去街，真係後生o左呀~ 衰鬼!!我o地出動去Havard Sq買生日禮物俾Hiddie，但係我 o地好自私囉~完全遺忘晒今日o既目的，一味淨係掛住睇自己 D o野，我o地試眼鏡都試o左一大輪呀~ha!之後又去o左睇袋 (Janis想買袋)，當然最後都買到啦，我亦都貪得意買o左一 副眼鏡@@ 行行o下見肚餓我o地就去o左搵o野食，竟然俾我 o地發現o左一間越南粉鋪頭呀~~~~!!我o地分別叫o左一個 no.14 & no.15，但係到而家我o地都唔知道究竟有咩唔同... ...兩碗粉D料一樣o既??!飲飽食醉後我o地都唔知想點，唔知 買咩俾Hiddie好呀，最後掃o左幾間鋪頭終於見到一樣幾好& 價值不非o既o野，於是我o地決定搵埋Janys一齊夾錢送俾 Hiddie，終於都完成o左我o地o既目標喇!仲有我同Janis買 o左個一人一半o既"best
friend"吊嘴呀~~好耐都未做過D咁 老套o既o野喇~hee~~個吊嘴幾靚o下嘛^^ |
|
2004/8/12
陰天
今日晏晝陪o左Joey去考車牌筆試，但係等巴士出subway站 o個陣好過份呀，我o地等o左成半個鐘架車都未o黎，好sure 架車係冇走到o架~~!結果我o地由3:15出門口變o左做差唔多 4:00先出到去subway站。Chinatown個test center好多人呀 ，好在D人o既辦事效率都幾高，好快就輪到我o地，但係我覺 得Joey有點兒過份緊張囉，不停照鏡(因為要影ID相)&溫書， 搞到我都唔知同唔同佢講o野好，終於Joey pass o左喇~~佢 興奮到o係Chinatown一見到識o既人就同人講，係時候幫佢印 D flyer貼o係Malden喇~哈!好野!!又多一個人同我一齊向路 試進發喇^o^之後行o左一陣then去o左刷刷鍋度食火鍋慶祝 (Chinatown食飯again...)，嘩~~!o個度D魷魚,牛肉,冬菇都 好正呀!!!我真係好想去請教o下個老闆究竟o係邊度入貨，就 連個糖水紅豆沙都好味過人o架，抵佢連weekday都咁好生意 喇，食到我抱住個肚返屋企呀~同尋晚o個餐飯好大分別! |
|
2004/8/11
陰天
今日三點幾去o左學車，之後就去o左Suffolk搞退學。 Suffolk棟building好恐怖呀，人影都冇隻，D電梯靜到唔洗 講，我係第一次o係美國搭電梯擔心會被困架咋~好彩最後都 安然無恙出番o黎。之後去o左State搵約o左5:00 o係o個度 等o既Janys，因為我o地約o左Patrick, Hoi, Yuki &
Yuki's friend 6:00去食飯，o個一個鐘我o地經過Downtown去探o左 Hiddie一陣班&陪Janys去旅行社拎一D旅遊單張，因為Janys dad有去旅行o既打算。到o左6:00我o地好準時去到濱城同其 他人一齊食飯，好耐都未一齊食過飯喇~~令我覺得好似返番 去平時返學食lunch咁，食飯o個陣Patrick提議不如搵日一齊 去Cape Hope渡假，我覺得係一個好好o既idea呀!!點解放o左 假咁耐而家先有人同我講o架??!而家去渡假好似遲o左D wor. ..不過都可以考慮o下^^食完飯後個個都唔想返屋企住，所以 我o地就決定落club飲o野傾計，點知去到我o地冇坐定定o係 度飲o野，而係跑o左去篤波。我本身好抗拒呢類咁男性化o既 活動o架，但見Patrick & Hoi玩得咁高興，我o地幾個女o既 後尾都學人開番張檯o黎玩，估唔到玩玩o下又幾過癮wor~~ haha! Janys話下次如果有人叫佢去篤波佢一定會去添~篤完 波後我o地就返屋企喇，但因為今日咁o岩有球賽，搭subway 走o個陣好逼呀，唔去o個個club咪唔洗同人逼囉，有點兒自 討苦吃。 |
|
2004/8/9 晴天
SIX FLAGS之旅: morning: Janys &
Hiddie打o黎同我講話唔去，Sam唔知醒起 身搞到準時起身o既我同Joey o係屋企，Janis o係subway站 等到發髦!我o地由本身o既8:00a.m.出發變o左做9:XXa.m.出 發...... afternoon: 行o左大約個半鐘車我o地就到達目的地喇!原來 o個度真係有好多旗o架，我o地數過唔止六支添~之後就同o左 Ling, 豪... 等人會合去玩。我覺得我o地好變態呀，一o黎 就玩Twister，其實係因為o個度冇乜人排隊~應該係根本唔洗 排，我o地一去到就坐o左上去喇，不過我咩心理準備都未有 ，仲有唔知點解o個部o野壓實對腳舊o野係另舍痛過人架!!! 一壓落o黎o個o下全部人都o係度叫痛~~我就同Janis係咁o係 度死笑，我話對腳好似俾人斬o左咁呀~我俾部o野"fing"到我 傻呀!但係好好玩~~!正當我o地行緊去覓尋下一個目標o既時 候，俾我o地搵到Joey's cousin n friends，原來佢o地買 o左個價值七十大元美金o既fast lane物體，means唔洗排隊 就有得玩，不過有時都要等一陣，於是我o地同Joey's counis n friends去玩最多人排隊o既跳摟機。嘩!!!我覺得 好好好好好玩呀!!!!!升上去o個o下好高高在上呀!!跌落o黎 o個陣我feel到我D頭髮好似小魔怪咁豎起晒~~~肯定好狂野 喇~哈哈!!仲有我好叻，全程都冇合埋眼呀，o個種離心力實 在太正喇!!跳完樓我o地經過見到賓尼兔&其他characters跳 舞，咁我o地就睇o左一陣&捉住佢o地影相。之後我o地就唔知 點解發晒癲係咁玩過山車呀~~~首先玩D軌係木造o既，好難得 Joey肯玩呀，種感覺係好拋，我覺得好得意呀!!玩完我個心 都未停定，Sam就話玩Super Man，我同Janis都真係未ready 囉，不過個fast lane又夠鐘到我o地，所以我o地決定玩埋佢 ，因為Sam同Joey's cousin排隊等坐頭位，我同Janis就揀坐 中間位少D人等，所以我o地玩先，點知我o地架車等o左好耐 都未出發，搞到我同Janis由最初o既唔知死變到有D緊張~~終 於架車開始發力喇，嘩~~~架Super man丫!真係唔講句 "SUPER~~"都唔得呀!好快好激好變態呀!!!"fing"到我個頭左 搖右擺，簡直係失控呀!如果佢有個o野固定番我個頭，我諗 我會好鍾意呢個過山車!!玩完之後我同Janis都有D腳浮浮企 唔穩呀，到Sam玩o個陣我o地坐o係下面見到佢舉起晒手情緒 好似好激昂，之後佢o地到地o個陣，Sam成個人high到好似啪 o左丸咁呀，睇到都笑死!!玩完D咁劇烈o既o野後，我o地去 o左睇magic show兼涼冷氣，個魔術師真係好犀利呀，睇到我 眼都定晒@_@魔術表演尾段仲有D雪花飄落o黎，好靚好浪漫呀 ~~收拾心情後我o地去o左玩濕身o既坐船game，我最唔鍾意呢 個game呀，唔係太好玩&濕身D水又好似好污糟。行行o下經過 另一個過山車Sam又提議玩，其實我當時已經有D累喇，唔係 太想玩，但o黎到又冇理由唔玩o架，於是我就話Joey玩我玩 ，哈! Joey好似好被逼俾我o地拉去玩咁呀，因為佢真係玩得 太少o野喇~好唔抵o架嘛!但排隊o個陣我竟然打呵欠，真係失 禮死人呀!咁我真係累嘛!呢個過山車係木造o既加長版，冇 Super
Man咁激，我玩得舒服好多呀~起碼個頭冇"fing"到唔 知去o左邊^^玩完晒o野我去o左俾人幫我畫幅漫畫版o既鍾韻 呀，因為我見個人真係畫得幾好，但唔知點解個人畫我都畫 得唔係好似o既.?!...我有D失望呀...!anyway,當係拎D野返 去留念吧!臨走前我o地去玩o左開車&迴旋木馬，好笑大人個 口係我同Janis揀o左隻坐地o既馬o黎坐，係唔識升高升低o架 ~~~我好唔甘心呀~~!可能我o地真係太耐冇玩過喇，連最基本 o既揀馬知識都唔記得o左! nite: 踏住沉重o既腳步回家，我感覺到成個人都已經散晒喇 ，仲有返到屋企我發覺我兩邊膊頭都曬傷o左呀，隻手又有D 瘀o左，肯定係我玩o個陣撞到喇，仲有我跌o左枝潤唇膏呀~~ ~係幾時o既事o黎o架??!點解我一直都唔知...!最恐怖o既係 我返到屋企竟然嘔o左出o黎呀~~陰公!其實我坐車回家o個陣 已經覺得好唔舒服o架喇，可能係因為我食得少o野...... |
|
2004/8/7 晴天
尋日舅父家俾人爆竊呀~~~!!聽到都驚o左一驚~~~美國地方咁 恐怖o架?!!!咸封年前就姨媽俾人爆竊，而家就到舅父，我都 有點兒擔心自己家......OH!"睬"~!大吉利是!!! 今日同o左姨& mum去行街，上次退o左套泳衣(我有D後悔)， 今次終於都買番套喇，仲平D添~我好有興致去water country 呀!!快D約我去啦~buddies!但係返到屋企同mum鬧o左一場罵 戰，事情係我同mum講開我星期一會同朋友去six flags，佢 就話我好唔記得星期一我要陪佢去覆診，我當時先至醒起好 耐之前mum係同我提過一次，但咁耐之前o既事...點記得，my
bad...!點解每次當我打算同一班人去玩o個陣，我屋企都會 失驚無神介入o架??!!!於是我就好激動咁同mum講我唔想成日 俾人話我放飛機，mum就覺得我好衰顧住玩唔理佢，煩呀>_< 後尾打電話問joey改星期二去得唔得，joey話check過天氣得 星期一好天&其他人個個都請o左星期一假，我真係好想去呀! !!咁難得約到D人......冷靜完一輪後，mum又突然間好似咩 事都冇，最後我應承幫佢搵翻譯&個日幫手帶妹去婆屋企，事 情總算雨過天晴(鬆一口氣)~感謝主! |
|
2004/8/5 晴天
今朝7點鐘起身梳洗打扮出發去UMASS Boston Orientation。 嘩~今日全程都好順利呀，次次一去到個站就有車上，搞到我 早o左差唔多成半個鐘去到，途中我遇到兩個真係很棒o既日 本男子，簡直望到我目定口呆呀!UMASS Boston竟然會出現D 咁有吸引力o既人~~!等o左一段時間orientation開始，人數 唔算多，我"立"過都係得o個十幾個人，一心諗住我都係會好 自閉式地參與呢個orientation o架喇，點知o係自我介紹完 之後，隔離個唐人女仔一聽到我話"i m from HK"就即刻同我 講o左句"你係咪講廣東話o架"，就係咁，我o地o既友誼就展 開o左喇~~個instructor帶我o地遊晒成個campus就幫我o地整 schedule，我本身都好頭痛個schedule D時間o架，後尾整整 o下我得到個我從未試過咁滿意o既schedule呀!!!淨係返一三 五，上堂o既時間係9:30 then 10:30 then 12:30
then1:30，好一氣呵成呀!唯一o既問題係...我冇識得o既人 陪我上堂呀~~得日文堂有Joyce(今日識o個個女仔)陪我。整 完schedule影埋ID後我o地就一齊搭車走，走o個陣Joyce不停 咁話我好似佢mum o既朋友o既女，嘩!隔咁完呀!我發覺最近 成日都有人同我講話我似某人......! "我這麼的普遍 其實你亦然" "我這麼不罕見 還是有自尊"-祖與占! 之後約o左Janis出o黎去Downtown食o野(orientation o個陣 我個肚打晒鼓)，順便探Hiddie班，但係我o地探得好冇癮囉 ，Hiddie都冇得同我o地講o野，佢要take care其他客，我同 Janis(好)勉強地完成o左D壽司後就去o左Hypmarket行，計番 起o黎我真係好耐都冇去過喇，起碼有半年。我o地遊遊蕩行 o左大半日都冇收穫，兩個人都蝕晒氣好似就死咁...行幾步 就見頭暈...要坐低抖抖，鬼咩，個太陽今日精力旺盛~曬到 溶!行街期間我同Janis發生o左段小插曲呀，我o地買o左同一 種o野飲，我睇o野o個陣遞o左俾Janis要佢幫我拎住先，後尾 到我問Janis拎番我枝o野飲o個陣，佢竟然調亂o左唔知邊枝 打邊枝，最慘o既係兩枝都飲o左一樣咁多..哈哈哈!激到我 o地紮紮跳呀!真係有D衝動想問間鋪頭拎餅閉錄電視帶睇番 Janis邊隻手接我枝o野飲，經過一輪o野飲混戰後，我o地憑 直覺認番自己o個枝，女人o既直覺就係咁用~哈哈! 行完我o地又再返番去Downtown接Hiddie放工，呀~~其實我真 係累到想訓低，不過見差唔多時間就去埋，好不容易等到 Hiddie放工，Janis就去o左Chinatown搵佢mum食飯，我同 Hiddie去o左間鋪頭睇o野&買o左盒做特價o既mask再行埋去舊 世界書局度等我dad o黎車我o地一齊返Malden。 我今日真係十分之疲累..........! |
|
2004/7/29 晴天
今日訓到好晏呀，差唔多成十二點先起身，點知起身冇幾耐 o岩o岩o係香港凱旋回歸返o黎o既Joey就打電話o黎呻悶，我 見自己o係屋企都無無聊聊，食完o野後再睇o左陣電視，三點 三下午茶時間就步行o左去Joey家喇。Joey出o左o黎同我去 CVS買o左塊shower curtain先返入屋，因為佢要幫佢D衫整個 見得人o既背景o黎影相擺上網賣~入到Joey家...嘩!簡直係凌 亂不堪呀!!!成間屋由下層o既廳至上層o既房都擺滿晒佢o係 香港買返o黎o既o野，佢仲買o左個人形model返o黎幫佢著衫 影相，我覺得好pro呀~~~於是我o地就不停幫個model換衫影 相，我覺得好好玩呀~~haha!搞到我好想開鋪頭賣衫添!但可 能個model實在太好身材喇，著到D稍為細少少o既衫就好似好 勉強咁，整整o下o野Ling又o黎o左Joey屋企拎o野，但好快就 走o左去返工，之後就到Sam，我突然間覺得自己變o左做一盞 好明亮o既電燈泡呀...!好在都有隻miu miu o係度陪我(我叫 佢靚仔)，靚仔今日唔知發生咩事，佢好似對我有意思呀~~ heee~~成日都投奔我o既懷抱，又無端端韃o左o係我度唔走 wor，Joey話佢今日發姣呀~哈哈，我都覺!其實靚仔都幾可愛 呀，但係如果佢條尾唔好成日都"fing"o黎"fing"去&甩D毛請 我食，我諗會更加perfect!睇o左幾集"隔世追兇"，Sam
& Joey就用車送我返屋企then佢o地順便去stop n shop買o野。 |
|
2004/7/25 陰天
今日Janys生日(20才)，下午我o地分兩架車去Square
One Mall食buffet，但係我o地個個都覺得個度D o野食麻麻，食 到我o地坐定定o係度唔知食咩好，我無聊到跑o左去用brown cream同white cream整o左碟類似甜品o既o野送俾Janys呀~哈 哈!我個人認為整得好靚o架，佢o地就覺得靚到唔敢食~~~hah aha!!仲有樣好搞笑o既o野係Janys去完bathroom返o黎同我 o地講佢見到小象，望住佢見完之後興奮到失晒控o既樣，我 o地笑到收唔到呀!!小象事件告一段落之後，我o地去o左海灘 度玩，我第一次踏足美國o既海灘咋~~咁又冇o左第一次!俾我 o既感覺係....."凍"!!!!!當時我好想如果可以生火取暖就好 喇，都唔明點解有個人凍到咁都仲游到水o架!真係出晒位喇~ 我o地個個都聚焦o係佢身上!同海浪打完招呼&細沙玩完遊戲 後，我o地移步到海邊隔離切蛋糕，點知爭緊個火機...加上 Ling又唔知點解無端端人有三急~非解決不可，就開車去投靠 就近bathroom，Song就努力搜尋火機，幾經辛苦終於等齊人 點蠟燭食蛋糕，氣氛更推至高潮~~~我o地好暴力咁對個蛋糕 呀!人o地用刀切，我o地就興用叉切，結果搞到個蛋糕生不如 死，成撇X咁......當我o地一人一叉"次"落去個蛋糕o個陣， 可以聽到個蛋糕好淒厲咁叫救命~~haha!之後到開禮物...最 引人注目o既都莫過於我送俾Janys o既T-back喇，我o地個個 都力勸佢著上條褲面頭，但係佢就死都唔肯，唔似佢平時開 放o既性格囉~嬉戲完一番後，我o地抱著輕快o既腳步回家^^ "船到橋頭自然直"呢句說話今日應驗o左o係我,Ling,Hiddie, Janis身上呀~~~!!!哈哈哈...今後我o地四個擁有同一個秘密 ，個秘密係......哈哈!唔得喇，實在太好笑喇!!!!!! |
|
2004/7/22 晴天
我今日終於考到試喇~~又話考三個鐘o既?!但係我用o左一個 鐘寫完篇essay就走得喇~哈哈~~因為我唔洗take math嘛， 好似好威呀^o^不過好彩我唔洗take math咋，如果要o既話我 一定會唔記得晒關於math o既o野。講番個test，我讀o個篇 reading比較易因為english唔係我first language，我覺得 都幾易明，只係我唔係幾知道自己寫緊乜，哈哈~~可能我仲 未訓醒!仲有呀，我認得個instructor-個鬍鬚佬!!!!化o左灰 我都認得佢呀!!!!上次唔俾我考，要我re-schedule，累我白 行一倘!其實從佢o既談吐睇得出佢幾nice o既，但係佢上次 俾我o既印象實在太差&對我影響太深喇~no excuse!! test完之後Akane同Song o黎車我去食o野，食食o下撞到Leo ，於是Leo就join埋我o地一齊去揀生日禮物俾Janys喇。由於 我實在太了解Janys喇，知道佢有太多o野想要，所以好難抉 擇買邊樣o野送俾佢好!最後行到筋疲力盡...我買o左一樣靚 o既o野&一樣佢極度渴望擁有o既物件~~呵呵呵!!份禮物真係 有血有汗呀，我揀到身水身汗!除o左買禮物之外，我仲買o左 好多零食呀，因為我o地去o左間好另類o既supermarket~同香 港o既CitySuper差唔多style啦，D裝修又特別，o個度返工 o既人著唔同pattern o既夏威夷shirto架!!搞到我好想o係 o個度搵番份...但係咁遠~!!仲有我買o左個可以煎心形荷包 蛋o既o野送俾Hei，佢見到一定又會話我無聊啦~hee，但係我 真係覺得好o岩佢^^以為買完禮物有得返屋企啦，點知Song同 Leo話要殺埋入去Micro Center & Best
Buy，其實等於殺o左 我同Akane，我o地兩個累到半死仲要流連o係D我o地冇任何衝 動買o野o既鋪頭......一味淨係企o係度等佢o地兩個睇D電腦 o野，悶到我同Akane想死呀!!!去到八點幾我終於有得返屋企 抖抖喇，一心諗住聽日返工返四點可以訓晏D，點知轉頭鍾太 又通知我聽日早起身陪佢去覆診......>_< |
|
2004/7/19 陰天
今日3:30學車，但係出到去2:45都未夠，我就行o左去學校(Suffolk)library影印D
o野。計返起o黎...有成兩個月冇行過返學條路喇，唔知點解我行緊o個陣回憶番起好多以前經過條路o既片段，風吹雨打又好~風和日麗又好~我真係唔會忘記呀!!!諗番起初初開學盲中中到而家"咪"埋眼都識行，捷徑隨口講得出，我又transfer去另一間大學，又要去適應另一個campus。入到library真係冷清到不得了呀!我係第一次入library入得咁囑目o架咋，幾對眼同一時間望住我推門入去，搞到我好唔知點~~個library又靜到死，成個library好似得我部影印機D聲咁。影印完後本身諗住去埋register
office withdraw，但係又驚夠鐘學車，所以最尾都冇去到，惟有下次啦。 哈哈...好開心個人讚我有進步呀!!飄飄然添~~梗係啦，事關我尋日同老豆去開過車嘛，冇進步就真係死得&白白浪費D油!學完車返到屋企我好無聊地"炒"晒放o係紅白藍膠袋o既一大堆CD出o黎睇，嘩!我發現我竟然有楊千嬅o既"夏天的故事"呀~~~!又有Ekin's
"TOGETHER"~~!點解我一D印象都冇o既???!!仲有原來我真係有好多Kelly o既碟o架，真係好好聽~~相反而家就一隻都冇買.......>__<(檢討下啦歌迷)，就係咁，我由下午聽碟聽到而家夜晚寫日記都仲聽緊，我發覺買CD
o既好處係可以聽返你部update到死o既電腦裡面冇o既歌~~唔錯唔錯~! |
|
2004/7/15 晴天
黑仔!黑仔!好黑仔!!一連串倒霉o既事發生o係我身上!首先， 今朝出門口去UMASS BOSTON考試o個陣miss o左架巴士，用 o左大約45分鐘去到UMASS個站，等Akane帶我去學校~因為我 唔識路&唔知o係邊棟building考，點知冇幾耐Akane打俾我 話遲o左起身而家先出門口，跟住我等等等~~~睇住D學生一 批又一批上transfer bus去學校，自己就o係度呆等，望住大 堂個鐘好無奈地唔知可以點......考試時間係12:30，但係 12:15 Akane都未到，我繼續等等等~~~終於Akane出現喇!咁 o岩有bus我o地就跑跑跑~~~去追bus!落o左車行o左一大段路 去到考試棟buliding個鐘已經12:45，因為我遲到，所以冇得 考，要re-schedule......呀~~~~~~~~~~~~~~~~~~~~~~~~~~點 解咁架~~~~~~~~~~~我好唔憤氣呀!!!!!佢應該俾我入去考o架 ，因為個考試都未開始，D人淨係坐o係度聽簡介咋嘛，覺得 自己好可憐呀，眼白白睇住人o地有得考自己就冇得考，真係 運吉! 發泄完一輪之後，我同Akane搵埋Janys去o左Copley行街，但 係我都冇心情睇o野又熱，全程都淨係得Janys買o野，o係"維 多利亞的秘密"真係逛o左好好好~~~耐!我同Akane等佢試身 o個陣等到訓晒覺zzZZZ 下星期四又要再去過UMASS BOSTON....唉.......麻煩! |
|
2004/7/12 晴天
唉...唔知點解呢排個樣好殘呀......出親街朋友都針住我個 樣o黎講，話我殘到死...!唔通真係太夜訓?!但係早D訓我又 訓唔著......呀~~~~~我想個樣靚番D呀!!!今日又去o左學車 喇，但係我好似冇o左第一日學車o個份喜悅，可能係因為已 經唔係第一次，再加上今日只係好無聊地開&練轉彎，講番轉 彎我突然間覺得自己好蠢呀，轉成幾次都轉唔得好，唔知其 他人係咪好似我咁o既呢?我又會唔會係o個個人教o既人裡面 最蠢o既一個?!返到屋企諗住開舅父架私家車練下，但因為舅 父架車份保險唔係全保，俾我開o既話會好危險，老豆o個架 van又話係胎波，話同我學o個D係唔同......你講晒啦...!想 練都冇得練! |
