|
2004/12/1
雨天
今日又坐Kenny車返Malden喇~感覺好似坐得咁頻密咁o既?!哈 ~因為我今個禮拜冇買到T-Pass嘛~hee...但今日架車比星期 一熱鬧得多喇，因為有我, Janis, Grace，最搞笑o既係住 Subway Station，睇唔出kenny會咁好心直接車埋Wing去 當我同Janis o係架車度紏纏緊我o地返到Malden後有咩節目 o既時候，Kyle打o黎叫我陪佢去搞買車D o野，好唔o岩 timing呀~差唔多返到屋企先俾人叫出去...但冇所謂啦，見 係Kyle!於是我好運吉地坐kenny車返到Malden目送Janis返屋 企although佢今日好懵唔記得帶屋企鎖匙~ha!之後再坐返 Kenny車出去Downtown會Kyle，出到Downtown心血來潮想見一 見Hiddie，我就去o左佢返工度探佢，surprised??~~~hahaha !同Hiddie"幾分鐘的約會"過後，收到Kyle
o既追魂call，我 就快步行去Part Street Station，原來間車行係o係Boston
College o個頭，真係好遠o下wor~~諗起Grace's bf tim~ bcuz he's studying there and she always
talks about him! 去到車行Kyle簡直好似自己屋企咁帶我周圍遊，之後我o地坐 低同個dealer傾o野，原則上係我o地，但實際上係得Kyle同 個dealer講o野，我就o係隔離一句起兩句止，有時佢o地講D o野真係幾好笑，我就會好含蓄地笑幾o下，但其實我feel到 自己越坐越眼訓......係咁打呵欠，但冇計啦，事實上買車 就係一件悶事...然而我內心係好興奮o架~!!因為買緊Scion
XA囉~~kaka!終於搞掂晒D文件，但極之大頭蝦o既Kyle冇帶到 錢o黎，其實係因為Kyle o係車行個friend淨係同佢講話簽文 件，冇提過今日要俾埋錢，我o地諗住去銀行拎錢o個陣已經 太遲喇~time for the bank closing，所以Kyle聽日又要山 長水遠走多趟喇。之後我o地去o左88 food court食o野，竟 然咁o岩撞到Jimmy & Kevin，我好驚訝咁問佢o地點解會o係 呢度出現，佢o地堅持聲稱自己係讀Boston College，冇理由 o既!印象中Jerry唔係同我講Jimmy讀BCo架，搞到我有好大個 問號"?"...我o地買o左粥&油炸鬼食，但我碗艇仔粥唔似艇仔 粥，Kyle's魚片粥亦都冇魚片粥o既味道可言!檔o野D粥好差 勁呀!!可能因為D粥"傑"到冇人有o既關係，我o地兩個都食到 好飽呀，行88 Supermarket不知不覺成為o左我o地o既飯後散 步運動，但行完88我個肚都仲係好漲，碗粥o係個肚度咁長命 o既???!真係唔知會飽到幾時呀...買完o野搭番subway走，本 身Kyle諗住送到我番Malden後再去搵Ross，點知一落subway
D風大到沙石直吹入眼，就連我o地擺o係凳度o既o野都爭D吹 o左落路軌~哈哈!我坐o係度睇好壯觀呀，好在Kyle身手都幾 敏捷o下，撈得番!最後Kyle放棄去搵Ross搭車返番屋企。我 今日先發覺原來鍾家二小姐o係電話把聲係咁BB+咁天真o架~~ ~叫人點相信佢已經年滿八歲呢~~~ |
|
2004/11/26
晴天
今日原本5:00放工，之前同Janis講好我放工會打俾佢，睇下 佢o黎唔o黎到接我，點知四點幾manager問我可唔可以留到 6:00，我見近排返得咁少工，一口就答應o左留耐D。諗住打 個電話話俾Janis知我遲走，但我個register條line長到都見 唔到個尾呀，惟有等到放工先算啦，點知做做o下o野Janis突 然從後殺出，解釋完一輪俾佢知後，佢等到我6:00一齊走。 我一走就走o左去Janis屋企度食飯呀~~因為我D屋企人出o左 去唐人街食飯(我又一次離群了...)，就連屋企最後幾包烏冬 尋晚都用埋，所以今晚就老實唔客氣地做張家o既不速之客~ hee，其實我係好渴望探訪張家o架，因為Janis成日都o係我 面前炫耀自己間房係幾咁大。一入到Janis家毫無壓力呀，因 為淨係得Janis' mum & aunt，食飯就淨係得我o地兩個+ Janis' mum，第一次見家長張太都問得我幾多o野o下呢，睇 得出佢係好緊張自己個女識D咩人!!食完飯之後諗住會逗留 o係Janis家一段時間啦，點知一D都唔深閨o既Janis想去第度 唔想留o係屋企，於是我o地就轉移到去我屋企喇。Janis o係 我屋企真係留下不少腳毛呀~~!呢兩日真係唔吸塵都唔得啦~ ~haha! 一返到屋企我收到Tina寄俾我o既生日禮物，係一件佢自己整 o既衫，前面有"Twenty"一字bcuz of my 20th
birthday，後 面有我個樣o架~哈哈哈哈哈~~~~我真係好開心呀!!!!!!實在 太感動喇!!!!!我真係好有衝動即刻飛番o黎見你呀~黃詠琳!I MISS YOU SO
MUCH......!!Janis見到件衫都嘆為觀止o左一 陣，我巴不得即刻著o左上身同Janis o係我間房度睇Feel 100%
VCD~楊千嬅爆,勁,激似彭海敏呀~~救命!!!都睇唔落去 喇，因為我o地睇到好悶......之後我屋企人返o黎，佢o地買 o左兩大張黑色office電腦chair，搬o左一張上o黎我房要 我同Janis砌掂佢，o個幾個蹗我o地用盡渾身解數都整唔到入 去，想放棄o個陣持有力量牌o既Janis用一種無形o既力搞掂 o左呀~~unbelievable!(前幾晚我o地o係電話同Janys玩塔羅 牌占卜，Janis持有o既係力量牌，而我就持有戀人牌， Hiddie好似係愚者牌)果然係力量之神呀!"勁量!渾身是勁" Janis今晚幫我屋企做o左件咁偉大o既事，相信佢日後o係鍾 家o既日子必定安然順好呀~!共聚完半個良宵後Janis back home.
|
|
2004/11/25
雨天
感恩節Hiddie, 張健 & Janys o黎o左我屋企打麻雀，一開波 我o地已經冇理會到唔識打麻雀o既Janys o既感受，直情當 o左佢係一位好資深o既麻雀手喇~~開頭一直都打得好地地， 點知張健越打越變態，好似High大o左咁話食就食，肯定係施 o左D妖法啦~搞到我o地三個都睇唔過眼，後尾我o地發現原來 張健一直都死攬住我隻monchhichi boy，呢個肯定係佢贏o既 關鍵啦!當我有意拯救番可憐o既monchhichi o既時候，張健 死都唔肯放手(你讓路啦你)，又一場我同佢o既私鬥......結 果事實又再一次證明邪係不能勝正o架!天使隊o既小鳳贏o左 ，monchhichi再次回歸我o既懷抱~以為一天光晒啦，點知妖 女張健(諗起婠婠添，唔怪之得張健鍾意大唐雙龍傳o既婠婠 啦)用佢手抱o既monchhichi girl同我隻monchhichi boy接 吻，無形中過o左度氣呀，搞到D運又去番張健度，好似回光 反照咁贏到我個櫃桶變吉桶呀~陰公!!! 打到差唔多時間我o地開始o係我屋企覓食，覓到o既得烏冬& Clam
Chowder，之後我o地兩個兩個咁分功合作，好似D烹飪 比賽咁呀~ha!自己煮o既份外美味呀~!我覺得我o既抄烏冬都 算成功丫，Hiddie讚好味呀~~hee~~識貨!醫飽個肚後又再o黎 過，以為食完o野會轉一轉運啦，點知仲衰多幾錢重呀!張健 差唔多次次都係食我o既牌，好過份呀!!!冇天理呀!!!!!邊有 人做人o既下家做得我咁多災多難o架???!!個個唔揀係揀我D 牌o黎食，枉我同你o係Umass Boston出生入死，好憎你呀~~~ ~~~~~~~~~~~~~~~~~~!!!!!!!!!!!!!!!!!結果我俾張健斬到一 頸血......好似隻Gloomy熊咁囉，輸o左兩粒金莎，一塊 KitKat，一包綠茶餅，如果賭錢仲得了o既?!我發夢都希望下 次由Joey代替張健o既位!!!呵呵呵~~~~(發泄完喇) 打完麻雀我o地玩"kum"棉胎，但Janys o係反應能力方面好似 有D障礙呀~哈哈，次次都"kum"唔切棉胎，我o地贏到有D冇癮 ，相反向難度挑戰，玩前後"kum"，嘩~!!!真係唔係講笑!!好 玩好多呀!!我笑到個大腦爭D缺氧咁濟，Hiddie就笑到四肢失 控，仲喊晒口話頂唔順!!hahahaha~~HELP~~~~~~大癲大吠到 差唔多12點佢o地就走喇，張健又話o係我屋企過夜......驚 我夜晚用刀斬你呀?!我做得出o架!!!哈哈~ |
|
2004/11/22
晴天
今天，張健毫不留情地吞噬了我的KitKat!
唔制呀~~~~咁辛苦忍到落堂先拎出o黎食!最後益o左人...! |
|
2004/11/20
陰天
今日打邊爐聚會有我, Kyle, Victor, Sam, Ross &
Ross'gf ，晏晝我, Victor, Sam & Ross
o係Malden出發約o左 Kyle & Ross' gf o係Chinatown等
，咁o岩o係Malden個站 度俾我撞到Hiddie，原來咁o岩佢又係出Chinatown不過陪mum 買菜。點知今日搭subway鬼咁死麻煩，搭到去Wellington要 落車轉shuttle bus去到Hypmarket先有得搭番subway前往橙 線沿途各站。之後搭巴士，應該係"ohh"巴士!我o地四個由龍 精虎猛變到頭"dup"耳"dup"，因為架巴士真係好唔得呀!!開 得又慢又"chalk"，雖然我o地係冇俾錢姐，D服務都唔洗差成 咁呀?!唔明點解Bush可以連任o架!唔知係咪Ross o既記憶系 統衰退，坐坐o下巴士先至話唔記得帶爐...哈哈!真係好笑喇 !我o地慌張o左唔夠5秒，樂觀o既Ross好豪邁咁話"一陣買個 爐咪得囉"哈哈~~又係wor!好有型呀我o地~~~由天光坐到天黑 ，終於可以落車喇!有種搭完飛機o既感覺......去到 o係88打o左唔知幾多個轉喇，我淨係feel到好似成間 supermarket D人都知道我o地買o野打邊爐，可能係我o地比 較張揚喇~仲有，我o地見到個鬼佬激似黃秋生呀~!!!!10個似 !!!!!唔知佢o地有冇血緣關係o既呢?!買完晒o野我o地挽住一 袋二袋搭subway返Kyle's dorm，成隊師奶兵團咁呀~~哈!返 到dorn後洗菜o個陣我同Sam先發覺我o地買錯o左爺菜做生菜 ，呢D係咪dad成日講o既五穀不分呀?hee...Kyle & Ross'gf 揀o左包過期金菇，唔抵呀!就咁冇o左包美味o既金菇。打邊 爐好有氣氛，但係Kyle'sdorm真係熱得有點兒過份，開o左窗 都唔覺有料到o既??!食飽後返屋企訓覺~~ |
|
2004/11/12
雪天
今日放學o個陣落雪，意外地Kenny竟然肯俾Grace開佢架車車 我 & Hiddie &
Janis返屋企。返到Malden見時間尚早，我 & Hiddie & Janis就落車又一次特擊殺上Janys屋企，最搞笑 o既係我o地o係架車同Janys用loudspeak通話，佢沖住涼含糊 不清咁同我o地講o野(其實係鬧緊我o地)~~我o地聽得最清楚 o既係"唔好呀!!你o地唔好上o黎呀!!"但我o地就一於好少理~ ~haha!上到去Janys屋企，Hiddie & Janis叫我唔好返工，同 佢o地去街，唔好喇掛??!!again????!!但把持不住o既我.... ..被佢o地誘惑成功!之後我o地坐Hiddie開Janis' dad's car 去o左Square One
Mall，我覺得我o地好有病呀，落"雪"濕濕 去街~~但係都冇乜o野睇，又買唔到o野。去到我認為最有意 義o既係食o野，最冇意義o既就係放棄工作同o左佢o地去悶.. ....~__~ 我以後都唔要再咁懶呀!!!!!!
夜晚我唔開心啊~因為你同我講你thanksgiving & x’mas o既決定。 |
|
2004/11/8
晴天
時間: Around 8 p.m. 人物: Me 地點: 事發經過: When i was in the bathroom, my cell
phone came out from my coat's bag then jumped into the toilet. Without thinking, i pulled it out
immediately. 後記/感受: I felt my hand and my phone were so
dirty and smelly!!! Kyle spent long time to helped me fixing it but still
doesn't work properly......no service...can't make/receive
call.....HELP!!!!!!!!!!! By the way, it snowed tonight!!!
UNBELIEVABLE~~that early! |
|
2004/11/6 陰天
20th Anniversary祝賀排行榜: 1. Connie(愛死你呀~~~~~although偷步) 2. Patrick 3. Kyle 4. Janis 5. Jimmy 6. Hiddie 今個生日真係波折重重呀!Super突然話要返工去唔到食sushi buffet，搞到我o地得Kyle一架車，事實上我o地仲有另外一 架，但勸極Ling都唔肯開車上high way，所以有=冇...勁勁 勁勁勁無奈!!我o地滯留o左係車o既問題度一大輪後，Kyle拍 晒心口話願意車兩輪，問題先得到解決。試問天下間邊有人 會好&傻成你咁o架??!你簡直係好到無懈可擊呀!!!!!出發前 個個o係屋企都等到傻晒，終於等到Kyle o黎接我o地，我, Janis, Janys, Hiddie &
Ross坐第一輪車去，前二後四咁坐 ，我覺得個情景好似曾相識呀~同上次去Hiddie o既生日坐法 一樣，迫~!行o左大約45分鐘去到sushi buffet，放低我o地 四個(me, Janis, Janys, Hiddie) Kyle &
Ross就返轉頭車 埋Joey & Victor，我o地四個一入到去見唔洗等位就已經急 不及待去拎o野食，我覺得我o地好似好冇人性呀，冇等埋其 他人o黎先食，奈何我o地始終都敵不過個肚!食o野期間打俾 Super問佢放工後出唔出o黎，我o地even誘惑佢去唱K，最終 目的係唔想Kyle回程要車兩輪咁辛苦，最後成功說服Super出 o黎，變番有兩架車~~yeah~~一天光晒!但可惜因為要等埋 Super梳洗，兩架車要好耐先o黎到，o個時我o地四個都已經 食得八八九九喇，眼見間buffet收10:00，9:00佢o地都未o黎 到，我o地就拿拿臨幫佢o地夾定晒數大碟壽司埋o黎，等佢 o地o黎到唔洗休冇o野食，點知佢o地打o黎話淨番半個鐘，廢 事入黎俾$2X啦，我o地都明白到......但係o個數大碟壽司點 算呀??!我o地又飲飽食醉喇，迫於無奈o既情況下...檯面擺 住好多未"旭"過o既o野食埋單，20歲女第一次咁"籮"呀~~!我 o地一定會受盡不少o既白眼呀!!"籮"完後收拾心情出去會其 他人，之後出o左去唐人街陪佢o地食o野，用膳過後我o地去 o左金門唱K，唔知點解好似個個都撞到熟人咁o既，又一次證 明Boston細啦。唱到3:xx返屋企，我已經好眼訓喇......最 尾一part o係車度"擦"禮物，Janis &
Hiddie用o既花紙合晒 我心意呀~~靚到我唔捨得"擦"!份份禮物都好似o係我意料之 內咁呀，覺得自己好犀利添~最有心思獎係Kyle你啦，真係估 唔到你會做呢D o野，咁有中國傳統女性o既美德，我真係好 感動+開心呀!!! *星像眼睛 偷偷看世界上最好風景 這段情 幾千億雙眼做證
翻飛的星屑是醉倒的反應* 我呢一世女都唔會唔記得今晚觀星o既景象★美∼∼得令人難以置信^o^ |
|
2004/10/29
晴天
唔知點解今日個天要咁對我......Janis今日約o左一個 friend去街，所以尋晚已經同我講定話叫我同Hiddie今日放 學唔洗等佢。到o左今日放學我落堂後打俾Hiddie問佢o係 campus邊個位置，佢話佢o係屋企，冇返學......咁o岩兩個 朋友同一時間唔o係我身邊，感覺自己好孤獨呀，平時星期五 o既三人行今日變o左"伶仃得我這一個"......本身諗住返到 ，有諗過去搵佢，但一來一回我都夠鐘返工喇，之後我一個 人好寂寞地搭車返Malden，途中搭到Sullivan落車買T-Pass ，之後又繼續等車返去Malden，好不容易等o左三個幾字先有 車，點知上o左架車後架車話下一個站全部人都要落車，改搭 下一班車繼續前往其餘o既站......點會咁o架??!!企o左一個 站就俾人逼落車...!之後又再等o左一輪先有車!後尾又唔知 點解咁有緣o係架車度撞到Henry then Anna，最搞笑o既係後 尾o係Malden Square行行o下見到Karen，真係ridiculous呀 ，不可思議星期五~~~! |
|
2004/10/27 晴天
死啦~我越o黎越覺得上日文堂係一件好無聊o既事喇，堂堂都 坐o係度跟佢讀D唔知咩解釋o既字，真係上唔上都罷!但放心 ，我對日文o既熱誠係不減半點o架~!上晒堂後等埋Janis一齊 走，又話1:30就走得，結果好自閉式地等o左半個鐘有多呀~~ ~~!!之後我o地買o左McDonald返我屋企食(Janis o黎我屋企 係因為夜晚一齊去Miu的飯局)。食過McDonald後，我o地o係 屋企度hea o黎hea去唔知做乜好，兩個人有時就成隻生蝦， 一時又成隻死狗咁~想訓覺，冇計啦，鬼叫我間房D燈光夠晒 柔和~最容易"tum"人訓覺zzZZZ 之後Super &
Lewis不斷打電 話話o黎緊車我o地，但我o地唔係講好o左坐Kyle車嗎?!心急 o既Lewis唔理三七21就o黎o左我屋企樓下，叫我o地上車，但 同一時間Kyle & Ross又飛緊車o黎，俾o左好大個問號我同 Janis呀!經過一番糾纏後，我o地最終坐Kyle車，但可憐o既 Victor同我o地分開o左... 我o地一行十二個人去Porter食韓國燒烤，見番好耐冇見o既 Miu，但我同Janis都覺得種感覺變得有D陌生......我突然間 諗:唔知我每次番香港我D朋友第一次見番我種感覺又會係點 o既呢?下次要問o下至得!食o野時感覺到好似每個人個嘴都冇 停過，一D o係度食一D就o係度狂講o野，可能因為坐我對面 o個個係呀Sam啦，佢把口都好似冇點停過，次次望佢都係一 排白牙對住我同Janis o架~~kaka!真係惹笑!!但我同Janis亦 都好無奈地做o左Sam o既戰靶，不斷俾佢奚落(串)呀，我唔 鍾意你呢種態度呀~Sam Chen,who is Joey's boyfriend! "大癲大肺玩完了"~~便回家，今次係咪唯一一次可以見到Miu 呀?! 好似唔係幾夠喉wor~ |
|
2004/10/20 晴天
今日放學同Janis去剪頭髮，意外地Kyle竟然o黎學校接我o地 ，所以我o地就坐o左Kyle車出去唐人街喇。o係剪頭髮度逗留 o左差唔多兩個鐘，因為Janis要剪&染，成個理髮過程當中我 o地同個台灣髮型師講o左好多o野呀~原來台灣都有好多好得 意&過癮o既o野，好似引誘緊我同Janis去台灣玩添，整完一 輪後...Janis o既新髮型面世喇，我第一個反應係"好有性格 呀!"我突然間覺得Janis變得好中性呀，點解會咁o既?!咁我 o地兩個行埋一齊咪剛柔並重?!日後江湖稱霸者必屬紅花會啦 ~哈哈~~~剪完頭髮後Kyle又再一次意外地話車我o地返屋企， 實在太感動喇!!返到Malden Kyle同我o係車度食完雪條出車 走o個陣，唔小心"hide"到另一架泊o係路邊o既車呀，Kyle仲 要o係不知情o既情況下拖行o左一段小距離，我當時有D替佢 擔心喇，點知佢好瀟灑咁話"有事都冇問題"，然後慢條斯理 地開車走......服o左你喇! 夜晚又再同Janis見面(其實只係幾分鐘的約會)，因為佢坐另 一個人o既車拎D壽司俾我食，真係不枉我含辛如苦陪你剪頭 髮呀~~!食到我個肚漲住晒添......! |
|
2004/10/16 陰天
今日晏晝同Kyle去買o野煮o野食，開頭Kyle好醒目咁話上網 check到有間88超級市場好近佢學校o個頭，我o地可以去o個 間唔駛去到唐人街咁遠，點知後尾跟住個地址開去先發覺原 來就係唐人街o個間......哈哈!傻得好可愛呀我o地!!!入去 買o左D煮o野食o既材料外，仲買o左好多零食，但睇番大部份 都係我偏愛o既~hee，我o地買齊晒o野後返Kyle dorm，目標 係煮饅魚飯~~~~俾我食!所以我係唔駛點做o架...哈!搞o左大 約半個鐘，Kyle炮製o既饅魚飯出爐喇，我懷著好興奮o既心 情去品嘗，結果...係非常之好味道呀~~~!!!!我一路食一路 不停地講"好好味呀，好好味呀"聽到Kyle悶晒，但真係好好 好味嘛!!!食到我好滿足&幸福呀!!!同埋我發覺原來當我感到 幸福o個陣我係會笑個不停o架^^原來饅魚飯係咁易整o架咋?! 我以後都唔會再o係出面食饅魚飯喇，我一定要學識整，仲要 整得好味過Kyle幾千倍至得!餐飯唯一唔完滿o既地方...就係 我o地買錯o左紫菜湯做麵"屎"湯，呢D係咪叫遺憾美呀?不過 今餐飯真係美得令人難以置信呀!!非常之感激Kyle~ 食完飯我地一齊睇獎門人，我笑到個頭連撞o左幾次落牆，真 係正常都變白痴呀!仲有我今晚完成o左個創舉...就係我狽起 o左體重13X磅o既何家希呀~~~!真係嚇親!!事後我覺得超累呀 ，好似返o左成日工，不過你可真別看小我的力氣啊! 經過今餐飯後，我對煮o野食產生o左興趣呀，快D~快D到下次 ~~~!!有好多目標呀~冷麵啦~碗仔翅啦~tiramisu! |
|
2004/10/14 陰天
今日...我o既性格...徹底地改變o左喇~~~~~!!由"全被動"變 為"全主動"，我冇改裝過o黎wor~就連我自己都唔相信呀!ha! 但係我好開心^_____________^ |
|
2004/10/13 晴天
今日上堂過得好快呀，完全都唔覺得自己有返過學。放學後 同Janis & Grace一齊走，我約o左Eric, Hoi &
Steve去唐人 街飲茶，唔知點樣同Janis講講o下我就叫o左佢同埋我一齊去 。出到唐人街好恐怖呀~~有個黑鬼對住我o地笑o左一笑之後 ，成程都跟住我o地，佢仲學我o地講o野同笑，我騰雞到好大 力咁"meet"住Janis隻手呀~~哈哈!!難為了Janis!後尾行行 o下我o地停低落o黎迴避個黑鬼，再回合Eric佢o地，先至回 復安全~!上到酒樓有位後Janys再join我o地，因為佢返工得 半個鐘break，都叫佢犧牲埋聽日o個半個鐘，今日同我o地食 足一個鐘o架啦，執著o既佢硬係唔聽我勸...無奈!我o地去到 龍鳳飲茶都已經兩點幾喇，人o地好似三點鐘收市，所以去到 得好少o野食，但係D龍蝦餃好受歡迎呀，一叫到埋o黎唔洗三 秒就清晒，之後想再叫過都冇lu~飲完茶我o地送埋Janys去返 工，之後Janis就陪o左我去醫生度拎番大學份健康申報表， 填一份表仔...個人charge我$15呀~~~~~~我有種俾人打劫o既 感覺......!!!呢個世界仲有天理o既?!我睇錯o左你喇~林人 傑!!之後Janis話要去H&M買埋個bra俾呀L做生日禮物，我o地 就去o左Downtown順便探Hiddie班再去o左H&M，最終我同 Janis竟然冇揀到bra俾呀L(係揀唔o岩)，反而兩個人都不約 而同地買under俾自己，當我手拎住自己& Janis D，我o係度 話"搞成咁，唔好俾我見到熟人"說時遲那時快突然間後面有 人叫我個名，有冇咁o岩呀???!無端端撞到Cathy......買完 o野返Malden坐Super架落地新車回家，Super架車一個字形容 ..."銀"呀! |
|
2004/10/6
晴天
我今日好滿足呀~~~日文堂終於都認識到周麗淇喇，因為佢真 係好似好似好似周麗淇!!!但係我o地冇問到對方叫咩名>_<佢 就連把聲同講o野D態度都係同周麗淇一模一樣o架~~恐怖!!放 學Janis o黎o左我屋企睇03年o既歌唱比賽，因為o個次Joe有 參加，我同Janis都想睇o下Joe o個時個樣，從而更加了解佢 (好隔硬o黎o既藉口呀)，結果由睇Joe出場自我介紹到唱燕尾 蝶，我同Janis都笑到扯晒哮~訓晒o係張sofa度起唔到身呀~ 哈哈哈哈!我o地變態到睇完再睇!!!我終於見到Joe笑o既樣 喇~~同埋佢介紹自己o個陣好搞鬼呀，彈o下彈o下，同平時 o係學校o既佢好大出入，原來佢都有活潑o既一面o架，睇完 之後有D滿懷安慰o既感覺~~我o地仲睇埋呀財唱"情非得已"添 呀，"我怕我自己會愛上你~~"高音o個下簡直係無懈可擊呀! 哈哈哈......夠喇!!我都係情非得已睇o左你唱o架咋!我今日 真係笑死o左好多細胞呀，睇o黎聽日要回一回氣，cool o下~ 順便襯番呀Joe先!哈哈哈哈......!! 仲有夜晚同久別o既Connie講電話，實在太痛快喇!!! |
|
2004/10/2
雨天
今日同Kyle去街，收穫豐富呀~~我買o左兩件衫!我發覺同 Kyle行街買o野佢係唔會勸我節制o架，實在太中庸我喇!仲有 我o地今日食o左隻非常之難食o既香口膠呀!!!又冇口感，D味 又唔夠持久，搞到我o地兩個好似毒忍發作咁不停爭住拎第塊 o黎re-fill，大街大巷咁樣，D人都俾我o地嚇親呀~哈哈... 行完街搭綠線E車返Kyle學校o個頭食日本o野，嘩~!o個程車 就真係驚險囉，我o地逼到企o左o係樓梯最低o個級，同道門 平行企o係度，好生死邊緣feel呀，一關門我就已經忍唔住 o係度笑，因為我諗起香港有個逼地鐵o既廣告，眼耳口鼻貼 實晒道門，我幾辛苦先吞o左啖笑氣落肚呀~~!架車轉彎o個陣 我同Kyle都有D失重心，但係我覺得幾刺激，好玩過Six
Flags呀~~ha!之後唔知幾時企企o下我頭頂個人隻手爭一o野 鋤o左落我個頭度，我o既本能反應好清脆地"唉呀"o左一聲( 其實唔係好痛)，個人就以為我傷得好重，不停問我有冇事， 哈哈...D人真係單純喇! 逼完車後去食o野，我又有得食我o既至愛喇(饅魚飯)，開頭 見佢個樣都幾靚幾吸引，係我o係美國見過最靚o既一盒，但 食落口......D飯酸o既???!!你話有乜理由D飯會酸o架??!!唯 一o既解釋就係個師傅懶煮飯，用埋壽司個D飯整饅魚飯，我 睇你唔起呀~~哼!金玉其外!!仲有D三文魚刺身都唔合格啦， 前後兩碟大小不一，厚到成舊積木咁，係切刺身唔係切瘦肉 呀~師傅!我唔會再去個間o野食!!食完o野行去"羅"車，我o地 有好溫馨o既一幕呀，因為落雨我o地兩個都冇帶遮，為免濕 身，Kyle用佢件外套遮住我一齊行，但我唔知點解淨係識一 路行一路o係度死笑，可能係太過幸福喇~~笑到個肚好似作動 咁!!之後坐Kyle車返屋企。 |
|
2004/9/27
晴天
放學心地非常之要好的Janis等埋我一齊走，為報答佢~就梗 係唔返屋企住去下第度先啦，但係我o地好似去街去到唔知有 邊度好去，好漫無目的呀~~搭車搭到去Downtown都唔"旭"唔 想落車，之後傻傻更更去到Park Street落車再搭番去 Downtown方向去Chinatown，決定去Chinatown食o野。我o地 見唔係好肚餓，只不過係口痕想食o野，平時見Janys講到雅 都D tiramisu有幾咁好味，於是我同Janis就去o左雅都買 tiramisu食~~食落口o個刻......點解我o地同一時間都食到 有燒酒味o架???再食食o下...越食越接受唔到呀!可以話係幾 難食...!!我突然間好掛住Cheese Factory個tiramisu呀~~~ 我同Janis食到冇o野好講，兩個down晒......我仲問佢"乜食 tiramisu唔係應該好幸福o架咩?"Janis話Chinatown
D唔夠正 中，但我o地始終都諗唔通點解Janys會覺得比Cheese Factory's好味......我o地唔會再食雅都D
tiramisu &唔會 再相信Janys o架喇!!! 事後我o地兩個都覺得個人飄飄地~~ 個腦shock shock地~~@@ 夜晚同屋企人出去食飯(又出番去Chinatown)，聽日先係中秋 ，但天氣報告話聽日會落大雨，所以今晚提早團圓，我喉嚨 o岩o岩先好番D，唔覺意又食o左D唔應該食o既o野喇......! P.S. 古人說外國的月亮是特別圓&大~~我十分之認同呀!!! |
|
2004/9/25
晴天
夜晚同Janys, Eric, Hoi, Patrick去The Cheese
Cake Factory食o野~慶祝Steve生日。其實好耐之前我同Janys就已 經想去食o架喇，但係唔係好知入面食乜，平時經過門口淨係 見到好多林林種種o既cheese cake賣~仲有呀，我今日先發覺 The Cheese Cake Factory對面就係California Pizza
Kitchen，咪即係Hei以前做o個間囉?!唔怪之得佢話美國都有 分店啦。今次入去The Cheese Cake Factory食o野真係大開 眼界呀!原來裡面唔係淨係得cheese cake食o架，我o地叫o左 好多o野食，其中有個pizza我覺得係我o係美國咁耐最好味 o既一個呀~~!好似叫做Tai Chicken Pizza，實在太好味喇!! !如果有extra我一定會搶住食埋佢。有樣o野幾搞笑o既係今 日有好多人都o係個度慶祝生日，因為我o地一路食o野，就不 斷聽到有人唱生日歌，突然間覺得去The Cheese Cake Factory慶祝生日好似好"行"添^O^之後甜品時間我同Janis
share一件tiramisu，但o個度就連D tiramisu都好似以 cheese為主，中間有層好厚o既cheese，雖然係漏o左D...但 都好美味呀!!食到我o地個個都漲住個肚走呀~!最後埋單俾錢 ，我o地個個銀包都大出血呀(except Steve)，佢o地話打後 幾個星期都諗住帶飯/sandwich返學食，至於我...睇o黎都要 效法師妃喧入慈航靜齋食齋至得喇~~haha~~窮~~~~! 食完o野後等埋Janis放工再坐佢有楊受城影子的manager架車 返屋企......hee! |
|
2004/9/23
晴天
今天我獲考了車牌但我一點兒也不起勁 興奮的心情沒有蘊壤過半點 因為我生病 我為朋友的事擔懮 整個人悶悶不樂 不喜歡這感覺 得快點兒把太陽找回來照射我! |
|
2004/9/17
晴天
尋晚我大失預算呀，以為我半個鐘就搞掂溫習D日文字，點知 ...我足足用o左個半鐘呀~~~邊有可能o架!!! 今日無驚無險地上完兩堂後放學同Hiddie & Janis一齊走， 真係勁耐都未試過3個一齊放學喇!其實要感激佢o地兩個等埋 我，因為佢o地本身12:30就走得，但我1:15先上完最後一堂 。星期五最大o既誘惑就係放學後可以去街，所以我被Hiddie & Janis成功地誘惑~放棄返工陪佢o地去街，冇錢收仲叫我 去掉錢......去"美而廉"食o野o個陣撞到Jimmy，之後坐落我 先望到Hoi & Eric o係隔離檯，好得人驚呀~哈哈!我當時個 樣好似見鬼，之後約實佢o地下星期六再聚。我o地3個本身心 情好好o架，但因為"美而廉"D服務態度極之差& D
o野食又求 其，搞到我o地down晒......我o地食完o野俾錢o個陣，Janis 打開銀包先發覺自己一個仙都冇，淨係得疊receipt，好"昂" 居呀~~我同Hiddie笑到停唔到!經過"包包亭"，嘩!!!我見到 o個度有大到不得了o既叉燒包呀~~~~~早知我o地食叉燒包啦 ，大件夾抵食，仲有原來o個度D蛋糕都幾靚，我11月要食o個 度D生日蛋糕!最好就係門口o個個啦~~哈哈!!!之後我o地步行 去行街，熱到暈呀@@咩天氣o黎o架?!最後三隻悶蛋踏住好沉 重o既腳步回家~~ |
