|
2005/1/22
雪天
今日兩名不知死活o既少男少女o係白雪茫茫o既公路上探險: 晏晝天氣仲係好穩定o個陣，o係屋企唔悶得o既我 & Kyle出 o左街，漫無目的陪Kyle去o左唐人街買o野(偶遇Hiddie)，之 後上Kyle屋企諗住睇我burn o既vcd，點知我去到佢屋企先發 覺唔記得o左帶...點會咁失策o架!變到冇晒節目喇...白痴完 一輪後落去cafeteria食飯(原來Kyle真係一名低能兒，扮發 哥~~笑到我窒息la)。一落到街......D雪大到好似落洗衣粉 咁呀!!!方圓數百里都白晒，平時短短十幾分鐘o既一段路突 然間變得好崎嶇&漫長。D風又冇情講，係咁吹埋o黎~吹到我 隻眼得番一條線，安然無恙行到去cafeteria已經好犀利喇! 感覺好似征服o左座雪山!!換個角度~~樂觀D~其實都幾浪漫， 周圍都白雪雪~閃令令＊＊好似Janys條頸巾呀~~~ha! 食完o野見到咁o既環境真係唔係咁想走，奈何...始終要踏上 返屋企o既深路歷程。坐o係架車度...睇住D雪蹤橫交錯，我 o地o既前景係一遍模糊o架~~~好恐怖!就好似一個盲o左o既人 伸手不見五指，我緊張到半句o野都唔敢講呀，連盒凍冰冰 o既熊仔餅都俾我"渣"到熱晒，好記得自己問o左Kyle好多次 :「我係咪發緊夢呀?」簡直好似去o左另一個世界~你同我講 話我o個一刻係死o左我都信呀!睬~大吉利是!不過有一個位我 o地真係差D凶多吉少呀，架車轉緊彎上番high way o個陣"扇 "胎，差幾寸就撞埋"駁"，我o既靈魂o係o個一刻係已經嚇死 o左喇~!氣氛凝重o左一陣我同Kyle都唔敢講o野...總言之就 一步一驚心啦!好不容易返到屋企門口鬆o左半口氣，之後我 要面對去到我小腿o既雪，真係有病o架~~D雪食晒我半隻腳， 行到我想就咁坐低唔"旭"，成世女都未試過有咁重o既擔子 o係隻腳度o架!入屋後一直擔心Kyle，等o左成個鐘都未見佢 打電話o黎報平安，當我正準備搵佢o個陣...佢打o黎同我講 番佢自己開車返去o個陣架車上斜差D跌o左落去，幾乎命送黃 泉呀~~ 覺得今日好似經歷o左場生死戰!上演o左一幕The Day After Tomorrow~ |
|
2005/1/17
陰天
好耐都冇食過Kyle煮o既饅魚飯喇~心血來潮想食於是就叫o左 佢煮，估唔到咁耐冇煮都依然keep得住咁好味wor，有前途! o係咁凍o既天氣食饅魚飯，真係另舍好味呀!!夜晚Kyle send o左個超平機票去London o既site俾我，我成晚興奮到訓唔著 呀~~help~~~恨不得即刻買飛呀!!終於有機會實踐去探Connie o既夢想喇，我都要「抱抱倫敦」!hahaha~~嗯，我一定要好 好計劃o下邊段時間去 & 預算o下我D財政至得，等我呀~戴康 怡! 好憎何家希呀~~~竟然忍心要我拆晒成條頸巾，你變o左喇... |
|
2005/1/16
陰天
我要引用「怒」呢個表情喇!!! 今日一見光老豆就同我講話個車頭蓋俾人用coin刮o左兩條痕 ......邊條XX呀!!!!!!鬼唔望你刮完我架車後爛手呀~狗種! 我泊得架車好地地，攝高晒個床板諗都諗唔到o係邊處俾人刮 花......唉!泄晒氣喇我，我o係鍾家開車o既機會率大幅下滑 呀。之但係根本唔係我o既錯wor~問題係o係人o地度而唔係 o係我o既駕駛技術度，下次泊車泊o係安全D o既地方la...仲 有冇下次o架?!anyway,夜晚放工返屋企老豆都俾我開~~hee! |
|
2005/1/15
陰天
今日晏晝同Kyle去行Michaels & Home Depot，我之前未去過 Michaels，一心以為Kyle架車有個導航系統就大安指意坐上 車就會識路去~哈!原來個導航系統係要配合埋個地址先帶到 我o地去o架~~估唔到我個人真係會單純成咁，後尾惟有打電 話問人喇，問著呀Hong真係冇死，估唔到佢竟然會好人到開 架車幫我o地帶路，佢係咪發生o左D咩事呀??!!咁好人o既?? !!行完Michaels & Home Depot
Kyle車番我返屋企之後我再 開車去Malden station接Hiddie, Janis &
Janys一齊去 Janys屋企打邊爐，中途我o地去o左CVS買o野飲，同時，我今 晚又做多o左個創舉喇~~自考牌以o黎...我o係現實生活中第 一次泊parallel park 就泊到靚絕喇~~~興奮到真係尖叫o左 出o黎呀!!woo~突然間覺得自己好犀利呀!上到Janys屋企我 o地本身買o黎打邊爐o既o野食唔多，但係陳太一歸家後就捧 o左好多o野食俾我o地打邊爐，佢o既出現就好似為今晚餐飯 斬料咁。打邊爐笑得好過份~~最頂唔順o既係Janis，明明好 簡單o既一樣o野..佢可以諗到好複雜...哈哈哈!你諗得太多 喇!老豆今晚會返o黎所以我食食o下o野要隨時on call開車去 station接佢返屋企，就係o個一煞我o地好擔心老豆接手番架 車後會唔俾我開番去Janys屋企繼續打邊爐，於是Hiddie坐埋 上車同我一齊去接老豆。見到老豆我諗住轉位俾佢開番架車 ，出人意表地佢竟然叫我照開~!當時我個心o係度嘻嘻笑~~梗 係唔敢o係老豆面前暴露我股輕佻啦。由station到屋企老豆 都好似幾滿意我o既表現~yeah~~得o左!!開車返番去Janys屋 企繼續下半場，入到Janys屋企我可以話係完全失控呀，係咁 擁吻佢o地^3^ 哈哈~~咁人o地真係好開心嘛~~而呢個又係分 享喜悅最正中o既方法。有冇人試過打邊爐D o野係清晒o架? 好得人驚呀~~我o地四個竟然清晒所有o野食，全部碟都係吉 o架~~o係個煲度搵滴渣滓都冇，就連樽沙茶醬都俾我o地溶埋 ...我o地四個都異口同聲話:「第一次打邊爐食得咁乾淨咋」 然後Hiddie補充一句:「係我o地買o野預D份量預得perfect」 認同呀! |
|
2005/1/13 陰天
o係能見度極之低o既一日，我做o左好多o野... 一大朝早運o左呀妹去返學，之後Janis陪我返學校拎份 immunization record form，之前我o地仲以為要唔知搞幾輪 先拎到份form，點知一入到Health Centre就成大疊棟晒o係 度，我o地來無影去無蹤咁花時唔夠十五分鐘就o係學校拎完 份form走，可以話係冇人知道我o地今日係o係學校存在過o架 ~~真係無謂+"昂"居!!特登返去拎張紙...跟住出返去 Downtown會Hiddie再去New England拎份form比醫生填，好彩 個姑娘醒目上次有幫我影印留底，如果唔係睇怕又要等好幾 日個醫生先填起俾我，一口氣搞掂晒我D私人o野後終於可以 鬆一口氣去玩lu~Me, Hiddie, Janis & Wing一齊去o左行 Copley，但可能因為平時行得太多Copley喇...已經冇晒任何 衝激，行到我o地"偶"o下"偶"o下，好似得Wing一個係對個 mall充滿住僮景咁~到處買o野，但好不幸佢最後都俾我o地感 染埋，四個都"偶"到發髦~~~可能今日天氣真係不宜走走跌跌 啦，成個天都煙霧彌漫，好大怨氣呀~~何方妖孽! 我今日體會到為人o地帶o黎個希望之後又俾人一個失望係咩 一回事喇......早知就唔理三七21買o左部PS2先講啦~ 夜晚我又作o左一個新嘗試，呢個假期真係challengeable到 不得了呀~~hohoho |
|
2005/1/11 陰天
唔通我間房真係有D o野??個個入親o黎都話眼訓想訓覺...唔 好咁過份好wor~成日借D二親近我張床!真係名正言順o既"睡 房"呀~哈! 今日同Janys & Kyle去剪頭髮(好新穎o既配搭呀)，原本一切 都好順利o架，但剪完頭髮之後我o地就冇晒o野講...因為今 日又一件不幸o既事發生o係Kyle身上(抄牌$75)，佢開聲講我 o地先知原來今次已經係佢今個月內第5次喇~~~一個月被抄5 次要法庭見，唉~不過今次又真係抄得冤枉喇，成條街隻字都 冇提過話4:00 - 6:00唔俾泊車，Boston D路真係陰濕呀!為 發泄Kyle提議去Minado食sushi buffet，來一個化悲憤為食 量!今次去比上次快幾倍都有呀，全靠個衛星導航系統咋，果 然係有D料到!不過今日o個度有D冷場，可能係閒日o既關係喇 ，冇相干啦~仲好，少D人同我o地爭飯食。去食sushi buffet 我覺得自己又好似生緊日咁喇~haha~~饒恕我o既天真吧!我 o地第1 round就已經夾o左好多壽司，打後幾個round都喉實D 三文魚刺身，因為o個度D三文魚刺身實在太棒喇!!好味到我 o地三個冇一個停到口。仲有...唔食雪糕都唔知原來Kyle有 條綠茶雪糕癮，係咁刨完一杯又一杯，直澄係當飯食咁呀~ha ha!飲飽食醉後感覺成個人都好似發福o左，捧住個肚上Kyle 車之後上o左Kyle家一陣 then pick up埋Ross返屋企，回家 路上又同D雪say hi＊ |
|
2005/1/7 陰天
老豆今日同佢幾個朋友去o左Florida~開始識享受喇佢!屋企 頓時變得寧靜o左，因為少o左把低沉o既聲音o係度鵝~~~老豆 唔o係屋企，夜晚冇人接我放工，我叫晒救命問點算??!!mum 就好冷靜地講 :「你開老豆架車咪得囉」o下???會唔會衝動 o左D呀??!雖然我平時係好恨開...但係我今日一D心理準備都 冇wor~掙扎完一輪後，我決定去馬!第一次開老豆架van...簡 直係超大呀~~~!出車o個陣搞到我好騰雞，一路行車個心就一 路係咁跳(唔係話平時冇心跳但今日差D跳o左出o黎)，好驚架 車會有D咩事!後尾無驚無險返到Stop & Shop。我覺得開車返 工好有型呀~~「車」— 果然係身份o既象徵~~唔係好知自己 想表達D乜呀~~haa~返工我將架車泊到有咁遠得咁遠，仲要週 圍係冇乜車o既，一o黎我自己易泊D，二o黎唔驚俾人"hi"花 ，點知...到o左我放工去拎車o個陣......我真係眼都突埋呀 @@ 我架車俾D車夾住晒，環顧週圍全部都係車，相反Stop & Shop附近D車就走得七七八八，唉~我泊車o個陣機關算盡，就 係算溜o左我泊o既地方原來o係一間restaurant附近 (AppleBee)，夜晚九點幾...架車週圍冇其他車就假啦，下次 等我轉過第個靚位先~最後安然無恙返到屋企~yeah~ 張健，對唔住呀，我今日辜負o左你...如果有得返轉頭o既話 ，我會選擇自己一個人去面對成件事......(哈哈~~我打完之 後忍唔住笑呀) |
|
2005/1/6
雪天
星期四...又係冇出到街o既星期四喇~~~本身朝早去睇醫生， 但因為落雪~我取消o左個appointment。正如Janis所講，我 o地已經連續4個星期四都係冇出街喇~~!又會咁o岩o既??!!冇 街去留o左o係屋企睇《世界の中心で、愛をさけぶ》(電視 version)，唔知點解...我近排條淚線好發達，區區一套典型 o既慘情日劇~故事情節睇到我都有D悶，但我最後竟然睇到流 眼淚，係冇潛意識流o架~~~上次古巨基得獎我又無端端流o左 D淚水出o黎，跟本就唔係我一貫作風，再上一次...我呢頭講 完話"我想喊"o個頭D眼淚就好似開o左水喉咁"霸""霸"聲流落 o黎~好得人驚呀!點解會咁o架???我又唔係水瓶座，唔通我變 得感性o左?!咁咪會變到成個Ross咁囉?!我諗...我係有D唔開 心...... |
|
2005/1/4
陰天
05頭條: 今日Hiddie & Janis陪我返學校睇醫生~我返去睇塊面點解出 咁多粒粒(student insurance要我返學校睇)。去到health centre開頭我入去等得好少人o架咋，點知我o地一坐低o左之 後就有一大班人o黎睇，好明顯係我o地三個帶旺o左個場喇~ kaa!我係最先o黎...但竟然俾遲o黎o個D爬我頭，我諗係要 make appointment o架(直澄係啦~仲洗諗)。好不容易等到佢 叫我個名入去睇喇，Hiddie & Janis就叫我睇完好快D出o黎 ，入到去我問個醫生點解我塊面會咁，佢就理直氣壯一口氣 連講o左三聲: Acne! Acne! Acne!我夠知我面上o既係暗瘡啦 ，問題係...咩導致呀?!我係想你答我係咪皮膚敏感定熱氣， 但老外醫生我都唔寄望你會識同我講"熱氣"呢個term喇...! 結果由入病房到出病房歷時都唔超過三分鐘呀~~~~~一分鐘都 唔知有冇!快到嚇疾o左Hiddie & Janis，史上睇醫生最快o既 紀錄係屬於我o既~!之後醫生話可以幫我約時間做個詳細D檢 查，得番星期四9:40a.m.有位，如果唔係就要等多兩三個禮 拜，惟有星期四啦...9:40返到去......對處於放假狀態中 o既我有D難度~ 睇完醫生直鏟落去Porter點知中途Hiddie話要返屋企，真係 掃o左少少興呀!勉強冇幸福~放o左佢走，淨番我同Janis去食 o野。今日間supermarket終於有我恭候多時o既八爪魚丸賣喇 ~~~叮o黎食o個D，great!屋企今個星期o既小食又多一種選擇 。行完去居酒屋食飯，係真係食飯囉~碗炸豬排蛋飯D飯真係 飽到我成餐飯連講o左十幾廿個"飽"字，我感覺到我個肚係冇 晒空位，完完全全俾D飯填滿晒，最搞笑o既係Janis講左D令 人好飽胃o既說話，我都已經冇意去反駁佢啦，點知佢竟然俾 位我上，講完之後問我:「你飽唔飽呀?」哈哈哈哈~~~「梗係 飽啦!聽你講o個D o野都飽晒」成餐飯D gag真係無懈可擊呀 !笑到我合晒眼~~~~hahahaha! 搭subway走o個陣，我o地發現原來Boston D subway會俾到你 一種搭飛機o既感覺o架~係咪好奇妙呢?!鬼咩!架subway根本 就唔識旭，不斷o係度拖行......我o地由一上車跳跳紮，等 等等~~~等到花兒也謝了......起碼等o左3, 4個字架車先有 反應呀!見累我o地就盍o下喇，點知佢行o左唔夠幾m又停過， 唉~停到我o地都冇晒意見，佢一停我o地就訓zzZZZ搞笑有次 一開眼，見到車廂有兩盞燈熄o左，就好似平時搭飛機入黑架 飛機會熄燈俾你訓覺咁，真係"沒可能的事"(國語)呀，有埋 個空姐出o黎就perfect喇~哈哈!搭車搭到神經質!終於... 6:30上車，7:15先去到Downtown轉車，呢程2046認真漫長~~~ 有冇人知海嘯o既英文係咩?我o地o係電視見到一則報導海嘯 o既新聞title大大隻字寫住"Killer Wave" |
|
2004/12/31 陰天
又係返工~~點解04年尾D大日子全部都撞正晒我返工o個日o架 ??!!不過我唔會怪你，因為今日係你最後一日。o係1231呢一 程...我由3:00p.m.返工捱到9:15p.m.先放工。o係1231 & 0101 o既交界...我o係屋企織頸巾~死囉!3字頭都未到就成個 老太婆咁o係屋企倒數，冇計啦，o係美國個人都冇乜衝勁出 去倒數 & 冇咩節目可言。04年最唔捨得o既...就係19歲o既 自己，唔知05年o既我又會有D咩作為呢?拭目以待~ 回顧04﹕ 我考o左車牌, 轉o左學校, 同皇后,力量,愚者成為o左好朋友, 性格方面...人家話我變得大膽o左wor~ 展望05: 希望暑假有得返香港, 自己擁有一架車, 有新o既工作環境, 身邊所有人都開開心心~yeah HAPPY NEW YEAR! |
|
2004/12/29
陰天
終於可以同Wing去街喇~~好極了(之前話去街但去極都去唔成 )!!今日我, Janis & Wing坐Wing's
bf車去行WalMart，目的 只有一個，就係:買冷!因為我決定o左重出江湖(好有氣勢呀~ 哈)織番頸巾。我揀o左幾舊冷之後，要避開Janis o既耳目靜 靜雞去俾錢先，因為我想佢份生日禮物有SURPRISE although 佢最後o係Wing屋企都見到我某部份o既冷，但我依然會俾到 SURPRISE你o架~~張健!去完WalMart返Wing屋企佢教我織兩高 兩低，開頭都織得有文有路o架，但後尾好似手腳唔協調咁~ 係咁溜針，好幾次Janis & Wing都苦口婆心同我講: 「無所 謂la~頭o個幾行唔覺o架」但我呢D力求完美o既~就梗係要一 針不溜;井井有條啦!就係咁...我拆完又織...織完又拆..... .Wing都懶得幫我，轉o左去睇楊千嬅音樂特輯，睇睇o下... 咦~~~~~~~~~~~~~~~~Janis D言行舉止好好好好好×10000似楊 千嬅呢個女人呀!!!!!!我可唔可以要求唔好咁似呀??!! 四點幾o係Wing屋企走，之後同Janis去o左Chinatown。我發 覺Janis真係好鍾意"食"o架!十次出親Chinatown有十次(=次 次)都係拉o左我去買零食~~恐怖!!買完晒o野食天都黑齊喇， 但我o地仲要o係D咁冇安全感o既環境下去library還書and Stop & Shop睇schedule，前者冇可能第二日先去因為我o地 已經走o左人o地本書好耐，後者道義上我要幫番一個朋友睇 佢星期五返工返幾點，兩件事夾埋要行o既路...長到我o地兩 個都唔覺得自己行緊路呀，行到腳浮浮~笑到自己都以為自己 high大o左~~hahahaha~~~"LAST NEW
YEAR" 夜晚..我好努力地織織復織織......但都未成功過呀!!!!我 好需要你呀~~WING~~~!!!! |
|
2004/12/26
雪天
我個keyboard用得番喇~~~~~~實在太感動!!!尋日好白痴拎 o左個keyboard去用水洗...分別o係電話度被力量,皇后&愚 者話我傻得混"巡"......我真係以後都唔會/唔敢咁傻o架喇! 死~有痛腳俾佢o地"渣"住話我傻添! 今日落雪而且都落得幾大o下，雖然D雪好似delay o左咁~ snow on 26 instead of 25，依然不減白色聖誕o既氣氛呀， 返工時D雪落得好斯文o架~放工o個陣狂野到冇人有~crazy! 落雪落到聽日......又冇得去街喇.............. 我發現o左Hiddie & Janis星期四做o左D咩無聊o野喇: 1.搞過我電腦's cursor 2.將我衣櫃D衫起底 3.用膠紙癡番屎擄人~haha~~我今時今日先發現呢! |
|
2004/12/25 晴天
|
|
2004/12/24
陰天
「Merry Chrsitmas」每當一有人同我講呢句說話，我都會有 一種好溫馨o既感覺(但係人o地同我講完，我好似唔係幾識應 番人...haa!)~相信要o係外國先可以感受到! However，我今日返工做到死o左喇......六個鐘non-stop o係度收錢入袋~上晒摩打o個隻!咁o岩個register又o係正門 口附近，又忙又凍，感覺好似被人折磨緊咁!鋪頭收六點我就 做到六點，仲要係等全部customer走晒先可以放工，o個一刻 ...我好無奈咁望住個鐘......心裡面o係到大叫「放我走呀~ 」因為個register實在太凍喇!!!!!!隻手收錢收到冇晒知覺 ，相信如果斬我隻手o既話麻醉藥都可以慳番!返到屋企好似 宣佈死亡咁攤o左o係張床度，好想有人幫我鬆o下D根骨呀... ......累! 平安夜好寧靜地o係屋企渡過，屋企顆聖誕樹真係好靚~~我好 鍾意今年聖誕節o既屋企^^ |
|
2004/12/23
雨天
我真係要照下X-ray，睇下我個膽係咪生滿晒毛至得喇，竟然 大膽到偷車! 話說今日Hiddie, Janis & Mandy o黎o左我屋企，話就話係 睇"2046"，但睇到天一半地一半...睇o左=冇睇咁!而且當中 發生o左段小插曲，呀妹放學返到屋企發高燒，幸好Mandy有 車可以即時幫手車我 mum & 妹出去睇醫生。之後返到屋企.. .好似已經冇心想睇"2046"喇，我o地就食o野傾計，後尾醒起 Janis未睇我推介o既"身嬌肉貴"，於是我就好雀躍咁play俾 佢睇，睇睇o下Mandy話走先因為要返工，咁Hiddie & Janis 咪冇車坐返屋企囉?!"身嬌肉貴"又未睇完...突然間我好似個 智者出場咁同佢o地講：「如果真係要車，我可以車你o地」 接送問題得到解決後，繼續品嘗埋套"身嬌肉貴"~期間鍾太打 電話o黎叫我做定晒所有飯前功夫因為呀妹仲未睇完醫生，平 時例牌都係煮落煲飯~洗定菜~拎o野出o黎解凍，今次竟然升 高o左個level~叫我砌好埋D瘦肉炒，o下?????我有冇聽錯呀? ?!自從上一次呀妹仲o係mum個肚度我砌過一次後，就好耐都 未試過一手一腳操刀砌晒成舊肉喇wor，不過都係時候磨利 o下把刀; challenge
o下自己喇，老土D講句"第時點嫁人呀" 。砌瘦肉砌到一半我就要拿拿臨襯屋企人未返o黎之前，偷偷 地開呀姨寄賣o係我屋企架車送Hiddie & Janis返屋企.... .. 呢度就係全日o既精華所在喇!外面落住泊沱大雨，我o地三顆 熱血o既心~不知死活咁靜靜雞拎架車去用，用"偷車"o黎形容 就最貼切喇!首先由Hiddie負責出車~因為架車o係條drive way 度泊得好埋，就連有技術o既Hiddie都花上一段時間先征 服到。我o地成功用車尾出車，由Hiddie開番去佢自己屋企， 之後由Janis開番去佢屋企，最後到我喇~~~Janis話落車就落 車，我一D心裡準備都未有~就要我自己一個人落住雨開車返 屋企，我考o左車牌咁耐未試過一個人開車o架~~!!!一o黎就 落雨開咁激!!!手腳顯得有D僵硬添，哈哈~怕死o既我開住 loudspeak一路同Janis講電話講到我返到屋企為止，咁我開 車咪有人陪囉~~hee，但係我發覺開車講電話真係幾危險o下 ，so我講講o下都廢事出聲喇，不知不覺間我化成一陣空氣， 電話另一邊o既Janis不斷o係度"喂喂喂"，最後安然無恙返到 屋企~yeah!但係我泊唔番架車出車前個樣呀......任憑我點 樣努力嘗試，我都係入唔到隻角，激氣呀~惟有放棄!後尾mum & dad返到o黎，dad一入屋就叫我俾條車匙佢，等佢去泊番好 呀姨架車先入到自己架車，鍾太問：「呀姨開過架車o黎呀? 」我話係我開過，之後鍾太笑笑口(表情帶點安慰)：「咁叻 呀?」我可以感受到o個一刻mum係幾咁欣賞我，有種為女性爭 光o既精神~梗係啦，dad一直都唔放心俾我o地是但一個開車 ，我今日咁o既行為可以話係好難得o架~哈哈~~dad就黑起塊 面同我講：「人o地架車要賣o架，萬一花 or 凹o左點算呀? 你擔唔擔當得起呀?」冇幾耐呀姨打o黎搵我，我接電話前心 諗:唔係咁神速知道我搞過你架車呀??!點知虛驚一場，佢只 係打o黎問我買車個人上次話幾時o黎"羅"車，鬆一口氣~~~ 我可以明白到D人做o左唔見得光o既o野之後o既感受。 我仲有o野要發表: 究竟牆上o既一度痕係點o黎o既呢??俾個做監證o既我丫~唔該 。 "身嬌肉貴"金句「真係人奉精事喜神爽呀」by劉青雲 飾呀貴 hahahahahaha~~你講緊乜呀! |
|
2004/12/20
雪天
我唔鍾意今日個天呀~~~~又大風又大雪!呢個都唔係問題o既 重點，重點係我要o係咁惡劣o既環境下返學，凍到我以為自 己冇晒D手手腳腳；眼耳口鼻都唔知有冇同我D神經線駁埋一 齊，係完全冇晒知覺o架~~~~!!!凍到入學校...個人都未回到 氣，就已經要我做Japanese final，我今日遲o左兩個字呀， 一入到去個個都已經o係度埋頭苦幹緊，真係樣衰~考final都 遲到!講番個Japanese final，認真BAD呀!!好多我都唔識做 ，listening佢又好似機關槍咁講得鬼咁死快，我最有信心拎 滿分o既唯一一part就係漢字(山川田)喇，其餘o既真係死晒. .....我突然間對日文好反感呀!短期內我都唔要接觸日文/日 本o野呀!!呢頭考完Japanese o個頭又要去考Statistic，真 係個腦轉得慢D都死~Japanese好轟烈咁死去後，我收拾心情 去考Statistic，尋晚擺o左比較多o既時間去溫，如無意外應 該應付到，但諗番起尋晚訓覺前都仲睇緊o既一份Sample Final Exam...裡面D題目如果清一色咁出現o係今日o既final o既話，我就一定渣坐都得喇，結果......我覺得好搞笑，開 頭我有D心不在焉skip完一題又一題，完全冇意欲去試o下做 ，但點知去到尾段淨番一個鐘o個陣...我後勁凌厲得好緊要 呀!!好似唔知請o左D咩人上身咁，補番晒之前skip o個D & 一題不溜，而且我覺得我係做得有文有路o既呢，如果計算過 程冇出錯，拎理想o既分數應該唔難呀~I am satisfied ^o^ 聽日有得休息o下~但冇得懶，後日最後一個final。 |
|
2004/12/18
晴天
今日Hiddie一個電話打亂晒我成盤計劃，我原本打算今日留 o係屋企休息o下，可以o既話就溫下星期一final考o既o野， 點知自己又會咁唔生性俾Hiddie成功誘惑去街，但我係冇後 悔過o既!難得Hiddie有車，我o地去o左Cambridge Mall(好 似次次Hiddie開車都係去o個度)，今日行街勁多人呀~~有幾 何o係美國行街會多人到好似香港咁o架?!我好享受呢種多人 行街o既感覺~咁先至有氣紛&夠熱鬧嘛，但係當我排隊俾錢 o個陣我就恨不得D人流即刻同我消失，好自私o既想法呀~~ haha!行街之餘我o地去o左Panda探張健& Janys，睇住佢o地 兩個一齊返工，我同Hiddie覺得好搞笑呀~~探完班我o地又 繼續行，我o地o係Old Navy為求目的~不擇手段!又俾我o地過 到骨wor~ha!唔知點解我覺得Cambridge Mall今日比平時多 o野買o左 or 因為我買得多o野呢??講真我今日真係收穫豐富 呀!一件衫+兩條頸巾+一套睡衣，Hiddie就一件褸+一件衫+一 套睡衣，不如下次o黎我屋企一齊著o丫~行到差唔多我o地夾 好晒時間o岩o岩好泊車泊o左三個鐘就走(3 hrs or less = $5.00)，點知出閘o個陣個黑婆唔知係懵過頭定趕收工，收我 o地$3.00(2 hrs or less)，我同Hiddie你眼望我眼，乜唔係 $5.00咩?????唔理咁多喇，第一時間開車走!之後我o地好似 奸計得逞咁o係架車度大笑~~kaka!天啊，我唔明點解我o地次 次去親呢個停車場D遭遇都咁"騎呢"，上次泊多o左幾分鐘都 當一個鐘計，今次就好似做善事咁計少我o地一個鐘，下次又 唔知會發生D咩事喇... P.S.Hiddie今日手車辣o左呀，快o左不但只...仲差D斷送埋 我o既性命呀~~~~~~~~~~~~~嚇死我喇~~~~隔離架車好似睇唔 到我o地架車咁一o野cut埋o黎我o地條lane度，好在Hiddie D技術都有番咁上下~而隔離又有位俾我o地cut過去避開架車 ，我真係未試過坐車坐得咁得人驚o架~彭海敏!又大個o左喇 我~~ 死啦，呢頭話要縮減開支，o個頭就跑去行街買o野，雖然D o野係平...但都唔可以用$$$$$$用得咁離譜o架嘛!! 你節儉o既性格去o左邊呀???鍾韻!唔可以再買o野喇!!!除非係100% worth & love啦! |
|
2004/12/16
晴天
極度運吉呀~~~~!!!朝早10:00返到學校搵唔到Math review's calssroom，o係唔係點訓醒又冇乜意志o既情況下...我放棄 o左"尋找課室的故事"!本身約好Hiddie我11:30落堂佢返o黎 去整schedule，點知會發生D咁o既意外，於是我就叫醒 Hiddie話俾佢知我係幾咁需要佢即刻返o黎!o係等Hiddie返 o黎o個段時間，我真係悶到抽晒筋呀~~~~~學校又人影都唔多 隻，有種被人遺棄o左o既感覺......! 等到Hiddie返到o黎學校，我陪佢去搵advisor，佢個advisor -Susan真係離晒譜喇，好似D長居深山o既仙人咁成日都搵唔 到佢，仲要係冇人知佢會幾時返，正當我o地煩惱緊等定唔等 o既時候...Susan好識趣地出現o係我o地面前，一心以為雨過 天晴好快搞掂走得啦，點知我o地等佢同上一個女仔傾完o野 等o左差唔多成個時辰呀~~~~!!等到我包o野食都食晒，就連 一直幫Janis隱瞞Hiddie o既秘密都講埋(事前打電話俾Janis 獲得permit)，世估唔到會係今日咁o既環境下講，講o左出 o黎都不失為一件好事o丫，緩和o左Hiddie對Janis o既態度 ~皆大歡喜喇喂。之後我o地返到Malden搵埋Janis一齊去o左 我屋企睇"龍鳳鬥"，呢個係最慳錢o既活動喇，雖然已經係我 一個月裡面第二次睇，但我依然覺得好好睇呀~~~真係好睇呀 !!就連同我專搞作對o既Janis都話好睇先至難得嘛，俾我感 化過係有D唔同~之後睇埋Ayumi演唱會，Janis就淨係識o係我 張床度死蛇爛鱔，Hiddie走都唔叫醒佢o既話一定好搞笑喇~ 近期我最喜愛電影: 1.龍鳳鬥 2.新警察故事 3.身嬌肉貴 |
|
2004/12/15 晴天
對於我o黎講原則上今日係最後一日上堂，但實際上我係要返 埋聽日...because of Math review day!雖則未考final但我 個心已經飛o左去老遠喇~~放假放假~~~~朝早有=冇咁返o左去 上Japanese，落堂急call Janis叫佢同我一齊走，點知隻為 食貓為o左個class party拒我於千里之外，好在我力保不失 ，略施小計叫Kenny開門帶Janis出o黎等Janis唔洗咁異相一 個人開門走，咁樣一o黎，唔知佢o地會唔會有緋聞呢。一心 以為放學即刻就去街啦，點知Janis今日著o既衫仲薄過張 Tempo，幾番紏纏下我同Janis返o左去佢屋企著番件羽絨。 換完衫我o地去Havard Square行街，Janis o既目標係買褸， 而我就睇o岩乜就買乜啦~~hee，鞋都可以算係我今日o既目標 。就係「目標」呢一個字眼，令到Janis好固執呀~~~~~~~!!! !固執到我要放開晒自己，用一樣我從來都唔容易暴光o既武 器去"對付"，o丫!唔係!係"感化"~~~!(我唔想我篇日記咁暴 力)。Janis俾我感化完之後我覺得自己做o左件好偉大o既事 呀，觀音坐蓮o個隻~~普渡眾生o個隻~~語無倫次喇我，一句 講晒，我今日俾Janis搞到痴o左線啦!!!! 之後算係3:XX下午茶喇，我o地去o左食越南粉，好似次次行 Havard Square都係食佢，但今日種感覺好唔同呀，因為係對 住落地玻璃&行人路再襯托埋D盤栽擺設，我覺得個view好好 ，感覺好舒服~~而且週圍淨係得我同Janis咋，你話奇唔奇?! 真係同人講話我o地包起o左個偏廳都有人信呀~~ha!食完o野 後繼續向目標進發，為o左要買到褸，我o地真係大大小小， 上至名牌下至二手都掃混晒，結果......係你喇!DIESEL! Janis
o係DIESEL買o左件好有"價值"而我又覺得佢真係著得 好好睇o既褸，我o係另一間store都買o左件好夠"份量"o既 褸，gooood~~聖誕兩個一齊有新褸著~~同時亦都意味著要洗 小D喇，我o既計劃係儘量避免不必要o既開支!! 夜晚Janis同我講番原來佢漏o左條鎖匙o係我個袋度，而我係 一直都冇發覺o架~~直至佢打電話話我知，最搞笑o既係佢冇 鎖匙開門入屋，又冇電話o係身，屋企門鐘又失靈，幸好 Janis有把清脆o既嗓子...我諗起佢大街大巷啞破喉嚨要屋企 人開門俾佢入屋，就覺得好好笑喇~哈哈哈!!!我又痴過喇~~ 註定我今日係痴線o架!!! |
|
2004/12/13
陰天
我又發作喇~~~~~「懶」!懶得好緊要添呀~~~!!睇我咁耐冇寫 日記就知係咩一回事喇，但其實我呢排係「忙」crossover「 懶」，係咁presentation presentation...paper paper... 我有一晚為o左個presentation做到兩點幾呀(雖然平時都係 差唔多時間訓)，但我係罕有地認真呀，個個打電話o黎都俾 我催收線，o個晚我真係嚇親唔少人~到o左今時今日D o野總 算"告一段落"喇(周國賢首歌)，過番稍為正常o既生活，重覆 係「稍為」咋~未係「完全」，眼看2005就o黎同我講byebye ，唔忍心睇住diary呢一頁咁空虛渡過年尾，我決定o係餘下 o既日子有幾多寫幾多!為佢寫下光輝o既一頁!!!...唔知自己 講緊乜~~ 講番今日，一如以往地去上Japanese，上完Japanese Hiddie 特登提早返o黎同我一齊去見advisor整schedule，點知行到 去advising center個女仔話個advisor唔o係度，有D無奈囉~ Hiddie真係運o左成大盤吉返學喇~~haha!之後無所事事去o左 cafeteria食o野，lunch過後去上English，上完堂我都已經 疲累不堪喇......但我呢D講義氣o既，點都等埋Janis 2:30 一齊走啦!o個一個鐘我去o左game room陪Wing返工，我又跟 呀Wing學織頸巾喇~高低針一齊織o既花紋果然係寧舍不同(普 通話)wor~最搞o野o既係我次次o既練習品都係Priscilla條頸 巾，而佢係永遠都唔會知佢條頸巾同我有過咁親密o既接觸 o架~~hohoho! she'll never know!無經無險去到2:30， Janis好似湊細路咁o黎game room搵埋我一齊走，我想講句: 有我做妳的乖女兒，妳真係十生有幸喇~! 如果你有事-鄭秀文 (龍鳳鬥主題曲) 我已沒有這力氣 一生一世要撐下去缺乏你 精心計盡了算盡了生死 怎可以逃避 你接受了信命理 愛昨日仍有效突然又過期 狠心的你累了的我仍掛著你 如常背靠你 深知一失去剩下了半臂 人而行開了 連對罵亦無期 為何你要我 去信那某些枉生的歪理 什麼世上人間天與地 在某一天又再一起 ★如你若有事我會很寂寞 我獨個行樂怎可快樂 我沒你的運氣能先走 畢竟能早登天國 但你若有事 我要孤獨做人就從頭再學 學習到天邊海角 一人拼搏 我這主角沒有襯托★ 如常背靠你 深知一失去剩下了半臂 人而行開了 連對罵亦無期 為何你要我 去信那某些枉生的歪理 就算世上人間天與地 在某一天又再一起 Repeat★ 如你若有事我會很寂寞 我獨個行樂怎可快樂 我沒你的運氣能先走 畢竟能早登天國 就算是有事我也不讓別人再做我主角 但是我都希望那一場寄託 是你先走令我發惡 |
