|
|
|
|
|
|
2005/10/10 雨天 難得有日放假可以去街，就算聽日有mid-term我都係要行o左街先算啦!唔知係咪因為太耐冇行街買o野，平時谷谷埋埋今日一次過爆發出o黎~我講o既係Hiddie呀，實在太得人驚喇，佢買o左好幾件衫&一條褲+對姊妹情深耳鐶，簡直就想將成間mall買起咁濟，睇o黎我同佢o既距離會越o黎越遠喇~一貧一富!唔知由幾時開始，行Square
One食雪糕已經成為o左一個習慣("當食雪糕已成習慣"?)，今日我同Janys又享受o左個好美味o既Coffee Mocha
Fudge~~yummy!!!行行o下街Janys'媽打o黎話有工佢見，可惜~又係o個D拋頭露面o既餐館工，I bet is not her cup of
tea la~因為Janys要見工o既關係， 我o地罕有地行到4點幾就走人~都好o既，我可以早D返屋企溫書閉關自修。 夜晚同日頭......簡直係兩回事!日頭就滋油淡定行街揮霍金錢，輕到成舊雲咁~~但到o左夜晚，我o既精神係受到折磨&虐待呀!!!對住聽日有exam
o既MSIS，一個字形容-「煩」!真的煩死了(國語)，唔明點解呢個世上會有D"咁鬼死煩"o既o野，我同可惡o既MSIS力戰到2:XX
a.m. 決定拋開晒所有o野去訓， May God Bless Me! |
|
|
|
|
|
|
|
|
|
|
|
2005/10/3 晴天 我今日想點唱，點俾我好朋友張健聽! Cookies -
4 In Love 又記起上學時代 妳說 初吻被周國偉騙去 在5D班裡 為撒嬌妳未能睡 我說 這秘密聽過數百遍 故事變得有趣 情人換了 我們四位 又大了幾歲 早替你配對 不變是朋友吧 我們註定成密友 都鬥咀 嬲過但很快會過去 不會為微細事判罪 我們註定成密友 沒疑慮 一有事總企你那裡 不會退 (親厚度竟勝過愛侶 怎會退) 面對工作極疲累 我說 想秘密請假撤撤退 在兩點鐘裡 在訴苦我又流淚 妳說 當我立心要去放肆 記住妳都會去 人成熟了 我們四位 幸運抱緊誰 不棄我遠去 只信任朋友吧 |
|
|
|
|
|
|
|
|
|
|
|
2005/9/30
晴天
數數手指，今日已經係第3個Friday冇去上堂喇，睇o黎屋企o既鍾太都已經習慣o左~訓醒覺一起身我就有一星期最豐富o既早餐食，因為唔駛趕返學嘛，不過下星期五我一定會返學，我要為自己對Hiddie作出o既承諾付諸實際o既行動! 夜晚返工，有D感足~~因為今日會係我最後一次見到Gina喇，佢要走，仲要係自己一個人走到去Florida老遠，真係名副其實o既有毛有翼!我唔捨得Gina走，大大話話我o地都一齊o左3年(指返工做o野呀)，佢係同我最多o野講~最關照我~可以話係全店對我最好o既人! 往後o既日子，我應該點樣去適應自己一個人o係冇人同我聊天o既世界返工?!...我都唔係好想做Stop
& Shop喇......語氣好似講到自己唔想做人添~哈!結果，Gina陪我陪到8:1X(我放9:00)就正式同我告別，我會永遠記得呢一位咁難得o既好同事&疏到冇得再疏o既親戚~!she's
my舅母's 細妹's 老公's 表妹!哈哈~~~ |
|
|
|
|
|
|
|
|
|
|
|
2005/9/29 雨天 嘩~~今日好大風!激大風!!超大風!!!爆大風!!!!喪大風!!!!!大風到離晒譜呀!!!!!!出門返學等巴士o個陣，條街D樹葉&垃圾係吹到飛晒起o黎~圍住我o係度[乙水][乙水]轉，無論我行去邊都擺脫唔到o個堆o野!無情o既風將我吹到流晒鼻水!呀~真係好救命!!學校o個邊o既情況就更加惡劣，一落shuttle
bus就幾乎將我成個人吹起，行o係我後面D人大概會見到我係俾D風吹"旭"o黎行。平時行十步o既路，今日好似行o左一百步，行到去課室~已經係一個不折不扣o既癲婆! 認真痴線!! 上緊堂o個陣Janis message我，問我有冇帶遮(梗係冇啦)，我就知出事喇......原來出面刮大風落大雨，當時我個課室相當於一個密室，完全唔知外界發生咩事~落堂後隔住個窗一望，10個"恐怖"呀!!!個海D浪跳到成幅心電圖咁，我突然間諗如果海嘯o既話我點算，身邊一個朋友都冇，苦口婆心叫Janis留低等埋我先走啦，可惜星期四o既答案永遠都係令人失望，我會好記得佢o係message打o既一句"可惜我已經選擇了離開..."佢要走，我唔會勉強佢，但係我真係擔心佢，聽佢講話件外套一頂帽都冇，今次一定變濕柴啦~人o地都係緊張你先叫你留低咋嘛!輪到我放學o個陣，D風浪總算係平定o左，但天色依然嚇人，都係有咁快行咁快返屋企最穩陣，我真係覺得今日 個天好恐怖! |
|
|
|
|
|
|
|
|
|
|
|
2005/9/28 晴天 時間都唔早，夜晚1:47a.m.，正常o黎講我會係已經訓o左上床(強調係訓上床≠訓著)，但唔知點解對住部電腦做做o下功課，心血來潮想寫日記，可能因為見到人o地日日有寫日記，自己個日記就out到發髦......太遜喇!
o係佢尚存一息o既一刻，我決定要拯救佢! 夜晚做MSIS功課做到趴晒o係度o個陣，Lewis一個電話打o黎話有好消息&壞消息話過我知，見佢賣關子賣得咁緊要，以為會係一D驚天地泣鬼神o既事啦，點知...好消息竟然係我一年一度生日離臨o既同時，McDonald又再推出一系列o既造型公仔，已經係第三年喇~~~超勁!小女子真係好慶幸呀麥當勞年年都出一套公仔同我賀壽!聽到Lewis
o既消息，我固之然係好興奮啦，之但係我間房已經俾唔到位佢o地企喇，我覺得公仔冇頂企會係幾可憐o既一件事，點好呢?!...另外經Lewis一提，我將會係11月大放光芒o既一粒壽星，問我點搞?我點識答!呢一刻，我會好好地去諗o下要咩生日禮物~~~~唔係咩呀?!哈哈~~~ 仲有一樣o野，o係美國浸咁耐咸水，第一次包書!當我好俾心機咁包到本書靚一靚o個陣，香港讀書o既回憶全部返晒o黎，實在令人懷念~~~!!!我o既沙循~啊! |
|
|
|
|
|
|
|
|
|
|
|
2005/9/7
晴天 開學第二日，上Sociology入到課室~我同Hiddie都UM住半邊嘴笑呀，因為個class激多人呀!!!估計數字約莫有90-100，我o地最鍾意D咁有人氣o既class
o架喇~~o野都可以講少D嘛!我o地存唔存在個professor都唔會察覺得到，skip堂簡直係guarantee呀~haha!太興奮喇!我愛Sociology o既人量!之後自己去上Accounting，嗯...有一種莫名o既孤獨感呀，我淨係可以好自閉咁聽個professor講o野，點解...點解個天唔差譴一個人o黎陪我上堂，只要一個，就已經好足夠架喇......!唔太鍾意Accounting
o個堂，不過個professor都算有型喇，竟然派錢~~~答中一條問題就有$1，所以話呢，美國o既教育真係另舍唔同!落堂後...買書，交收，搵人，返屋企。 |
|
|
|
|
|
|
|
|
|
|
|
2005/9/6 晴天 話開學就開學，真係一D準備都冇，事實上~我的而且確係咩都冇準備就去上堂。返到去學校，一切都好陌生呀，感覺自己好似係第一年o黎讀書，不過事實終歸事實，今日Hiddie同我講o左句:「鍾韻，你已經第三年喇」，但係我完全冇讀o左3年o既感覺......我只係感覺到自己仲有好多o野要讀囉~~!第一堂上Music有Hiddie陪，都算過得去啦，不過抄note就有D難度喇，個professor都唔顧人o地o既感受o既，一味自己o係讀講，停落o黎或者寫o係黑板都唔係消耗太多運動量姐，當做善事都得掛?!~~~硬係要人抄note抄到成隻狗咁!上完Music我自己去上MSIS，之前都有D擔心，冇人陪我o既class我該如何生存，好彩見到呀青~~我即刻開心到不停拉住佢講o野呀!!!如果唔係有呀青陪我上堂，我諗我會悶到喊&驚到震。上完晒堂同Janis一齊返屋企~都已經5點幾6點喇，有D唔係 好慣添...仲有，最激氣o既係我出subway後睇住架105開走!!惟有搭104啦，最抵死係架105一直行o係104前面，唔知"羅"境定贈興!返到屋企o岩o岩好開飯，咁就一日喇，返完學......我只係覺得逛完一日街，我依然生活o係自己幻想o既世界裡面放假~~~ |
|
|
|
|
|
|
|
|
|
|
|
2005/8/26 晴天 連續兩日都由朝去到黑，去埋第三日o既話就唔記得自己有屋企o架喇!因為Janis一句說話:「我想飲早茶呀」，我o地三個二話不說一齊陪佢出去飲茶。唔知Hiddie發生咩事呢，竟然主動"暗"荷包請我o地飲茶，搞到我o地幾個好似師奶咁將D錢推o黎推去~結果，Hiddie好大方地請o左我o地飲茶!飲完茶，拎部電話去俾人睇o下個voice
mail box到底發生咩事，電話公司upgrade過後我同Janis個voice mail box都完全唔work，問完人~D人就淨係識得叫我o地等(大概係電話公司system出現問題)，等~~~寂寞到夜深，都係咁，一D反應都冇!問完電話，Janys學完車，我o地去o左睇Brother
Grimm，嘩~~有D鏡頭激核突呀!!!我都唔知會核突得咁緊要o架，但都幾好睇丫，麥迪文個partner好惹笑~睇完戲o係China town食埋飯，據可靠消息，里安納度今晚會o係唐人街拍戲呀(尖叫)!!!上至樓上水晶鋪~下至樓下海之味都話見到里安納度拍戲，海之味個老闆仲話同佢影埋相添，都唔知係咪真係咁容易見到!我o地都好有興致去睇o下里安納度拍戲呀，但可惜..我要9:00返到去交車俾老豆，冇可能o係唐人街留到10:XX去睇巨星喇...!都係o個句:
曾經瘋魔萬千少女，票房億億聲Titanic o既男主角，同佢影到相就真係龍咁威囉~hoo |
|
|
|
|
|
|
|
|
|
|
|
2005/8/22 晴天 Hiddie生日~~快樂到不得之了啦!又食飯~又唱K~又掃蛋糕~當然仲有收到我用o左成副心機去整俾佢o既銀包啦，可能未必係最靚，但一定係最偉大~hee! 我o地三個加另外三個同佢慶祝，本身講好去Friday's食o野，後來話轉BBQ，最尾又決定出唐人街食，時下o既年青人認真拿不定主意喲!最頂癮o既又係去濱城食飯，呢個月Janys同我已經係第二次食，張健就架勢囉~~呢個月第三次!濱城係咪曉落降o架?!個個都幫襯佢o既?!唔同開Mandy同檯食飯都唔知原來佢係可以治到張健把口o架，甚麼"張含韻"，有Mandy
o係度我真係未驚過呀!"黃含健"就fit晒喇~haha!食完飯去Jazz Moon，我學識o左玩大話骰~終於俾我恨到喇!!仲講o左好多好離譜o既大話，(3個人15粒骰)甚麼8個4...9個6......哈哈!不過張健你都唔好講咁多大話啦，記住我唔係鍾意梁靜茹，我唔係鍾意HelloKitty，更加唔係憎Stephy呀!!!但我好肯定一樣o野，張健係鍾意聽我唱"唯獨你是不可取替"~~~^3^ |
|
|
|
|
|
|
|
|
|
|
|
2005/8/6 晴天 尋晚同Janis & Janys o係四姨屋企過o左一晚夜，三個人訓一張床o既滋味認真唔好受~事關我有一種發惡夢o既感覺~~!Janis訓o係我同Janys中間，每當我熟睡到某一個程度，我個身就會有一種凌空o既感覺(得人驚呢?!)......之唔係Janis頂o左我半個身去床邊囉，反應慢D
o既話真係訓著跌死呀!結果，三個人成晚都冇覺好訓，第二日起身做o左頹廢青年，o係四姨屋企虛渡光陰o左成日。有樣o野真係估唔到，四姨屋企竟然有"千與千尋"o既私製 近日對自己o既體重有好大o既疑問，我到底係咪有病呀??? |
|
|
|
|
|
|
|
|
|
|
|
2005/8/2 晴天 今日陪Joey去AI拎course catalog，間大學o係green line~我o地就搭去Hypmarket轉車，原以為一切都會好順利啦，點知...當我o地搭車過o左Copley先發覺搭錯車......仲無端端去o左NU個站，諗住搭錯車都冇乜o野，至多咪搭返轉頭，點知green
line D站咁樣衰，搭返轉頭都要俾錢! o個程車錢真係俾得十分之唔願意呀!之後搭...搭...搭......搭o左好耐終於去到間大學，唔知點解我覺得間大學o既外型比我想像中遜色，因為真係普通到唔可以再普通，平凡到唔可以再平凡喇。入到去admission
office，拎唔到任何厚厚o既catalog，到手o既只有好似tempo紙咁薄o既一張course list，真係吝嗇得佢丫~!去完大學我o地搭返車去Cambridge
Mall行街，好耐都未去過o個個mall喇，但變化都唔算大~可以話係一D新鮮感都冇。 o野我就買唔到喇，但係就食到超好味o既chicken
teriyaki &坐上o左張極之舒服o既按摩椅 ，最衰都係Joey喇，叫我試坐o下，一坐我就出事~坐上癮唔捨得走，我真係好回味o個幾舊o野好似手指咁o係我背脊轆o黎轆去~~~feel so
good! |
|
|
|
|
|
|
|
|
|
|
|
2005/7/28
晴天 今日我同Janys + Patrick去食Cheese Cake Factory，唔食開飯都唔發覺原來我o地上次食飯已經係一年前o既事喇~~~~~真係枉為朋友呀!為o左鞏固我o地o既友誼，以後要出多D街喇。食Cheese Cake Factory食到好飽好飽~~~!!!俾佢搞大o左個肚喇，點算?!~~~不過真係食得好滿足! |
|
|
|
|
|
|
|
|
|
|
|
2005/7/24 晴天 今朝9:00返工唔算得D咩，但係要凌晨4:XX訓o既我起身返工，簡直就係酷刑呀!!我眼訓到極之想死!好不容易"溫溫鄧鄧"捱到放工。本身諗住返屋企大覺訓之後再出去同Janys慶祝生日，先醒起自己咩禮物都未包好~就所有三魂六魄都返晒o黎去整理份禮物，整好份禮物後o係屋企呢度坐o下o個度訓o下，等到7:XX
Hiddie放工召喚我o地出去食飯慶祝Janys 21th大壽~~ Janys, Me, Hiddie, Akane & Ken去o左食韓國燒烤，第一次去o個間韓國燒烤，感覺係..."熱"呀!淨坐o係度都已經感受到o個股熱，難為我o地仲要哄住個爐食o野，真係食到熱血沸騰呀!最搞笑係o個度D侍應一個就冷若冰霜，一個就熱情如火，冷若冰霜o個個根本就俾唔到我o地想要o既服務態度，熱情如火o個個就好到我o地招駕唔o黎，尤其係李Ken呀~~個熱情如火對李Ken特別好o架，一見到李Ken拎住個鉗o係度燒o野，佢就會以最快速度行埋o黎問佢駛唔駛幫手，莫非~李Ken個樣真係咁似Korean?!哈哈~~真係越諗越好笑! 回家路上......Janys唔知係咪收到禮物開心得濟 or 飲o左韓國燒烤一碗不知名o既o野，成個人都好似high大o左咁又唱又跳又叫又笑，真係驚佢精神出現問題，不過我都明白生日係要釋放下o架喇~again, HAPPY BIRTHDAY ar~~JANYSss! |
|
|
|
|
|
|
|
|
|
|
|
2005/7/7 陰天 等我曬o下我今日幾咁好運先~~~~ 一起身就收到那芝電話，聽到那芝把聲~實在太開心喇!!!!掛念已久佢o個把雄厚o既聲線!! 講完電話食o野o個陣我收到一封UMASS寄o黎o既信，心諗:一定係又話我爭緊D咩資料啦，點知...一拆開封信，裡頭有張銀碼相當之大o既check，係俾我o架~~~~~天啊!cant
take myeyes off the check，情不自禁地尖叫o左一聲，鍾太見我望住封信尖叫就問我係咩一回事，「冇，冇事!」打死都唔話俾呀媽知有咁大筆錢o架喇!之後自己一路食o野一路o係度笑~keke，金錢o既效力認真大呀! 心情平伏過後同Hiddie去Copley行街，但係今日Hiddie唔聽話~扭計唔肯開車去呀，理由係因為Copley o個頭難搵位，搞到我落o左一輪功夫先"乙水"到佢肯開車去。去到Copley搵位泊車o個陣，我o地駛o左去平時絕對唔會望一眼o既橫街，竟然俾我o地執到個"順"位，個咪錶係out
of order o架~即係泊車一分錢都唔洗俾囉，哈哈~~~㊣!之後懷著好輕鬆o既心情去行街，本身今日行街o既目的係買生日禮物俾Hiddie o既姑仔，但我o地越睇得多o野就越醒唔起原本o既目的，結果，全部買晒自己o野。行o左大約兩個鐘......我o地開始有壓力喇，因為out
of order o既咪錶淨係可以泊一個鐘，超過一個鐘就分分鐘都會俾人抄牌，我o地已經over o左一個鐘喇，好容易出事，於是我o地急步行返去架車度睇o下有冇俾人抄牌 ，途中路經Janys返工地點，我o地好有人性地入o左去探佢(唔理抄唔抄牌喇)，點知o岩o岩就遇著剛剛，Janys同我o地講佢仲有一分鐘就放工，嘩~~有冇咁"橋"呀?!D
timing真係夾到冇得再夾!就係咁，我o地等埋Janys一齊走，去到架車度...以為實死冇生喇，泊o左咁耐有事都係抵死，但出奇地~我o地架車竟然一D事都冇呀~~~感謝主!!貪婪o既我o地探完架車知道冇事後，又再行多另外一個鐘街，哈哈~~泊o左三個幾鐘o既out
of order咪錶 都冇事，真係運氣差D都死呀! |
|
|
|
|
|
|
|
|
|
|
|
2005/7/5 晴天 有種俾人呃o左o既感覺...................老媽子同我去換電話，以為係佢幫我俾，原來係幫我出住先，唉.... ...無端端又要揹多條數。 |
|
|
|
|
|
|
|
|
|
|
|
2005/6/30 陰天 我感覺到黑氣仲未散..........我部電腦唔得o架喇......desktop係咁閃，之前用system
restore都話可以吊住條命，而家連個system restore都起唔到作用喇~~~究竟係咩一回事????我好想有人可以幫到我........電腦是我暑假的命根! 我發現o係我o既生活裡面，我只可以做一個循規道矩o既人，一反常規o既話，我就會受到不少折磨。點解要咁? ...& 做乜會係咁?................(T_T) |
|
|
|
|
|
|
|
|
|
|
|
2005/6/29 陰天 wahahahaha.........又俾我o地見到似Victor o個個人喇!!!搞到我當街當行笑到冇晒儀態，睇真D~原來佢係好白滑o架，一定係ABC! 夜晚，Kyle佢竟然......我個心爭D跳o左出o黎!有咩事你真係著草都唔掂呀~haa!(刺激程度★★★★★) |
|
|
|
|
|
|
|
|
|
|
|
2005/6/28
陰天 今日同Kyle出街，發生o左一連串o既倒霉事件......行行o下high way...架車塊右鏡無端端跌o左落o黎，動作非常乾淨利落，如果情況許可，我會執番塊鏡，但係high
way..顧得住塊鏡就顧唔到我條命喇!冇o左塊鏡，架車就好似冇o左半隻眼，唔擰個頭去睇真係唔知右手面到底係點樣o既一個世界。passenger seat裡面o既我有種坐唔安食唔落o既感覺，Kyle每cut一次右lane我就拋個頭去我o既五點鐘方向睇o下有冇車，呢一個頭部運動我斷斷續續地做o左起碼有十次以上，次次一擰返個頭過o黎我就見暈，可想而知我係幾咁落力去睇有冇車會同我o地發生意外，我認我係好驚死o架! 行完街買晒o野後去食飯，Kyle有意無意地拉一拉開自己件外套條拉鏈，發現......裡面著住o左頭先o係試身室冇除到o既一件衫......哈哈!!我當場笑到成個人都痲痺晒呀!!!!!有乜可能會發生D咁o既事o架?!如果件衫係好睇都無所謂，弊在係根本就冇諗住買，點解會唔記得除o架?!~~~哈哈~~~至於Kyle自己本身o個件衫，睇o黎都已經凶多吉少喇，惟有勸佢節哀順便吧! 去到NU library，我o地見到個人激似Victor呀~~無輪身形樣貌行為都似到十足十呀~~救命!!!哈哈... 我o地兩個好似俾人點o左個笑穴咁笑到停唔到!之後個Victor二世仲係唔肯放過我o地，o係我o地o既視線範圍內行o黎行去，結果~我望佢一眼，我o既笑位就好似俾佢篤一o下，笑到上晒摩打!!!丫~~~我暈喇家希! 夜晚Kyle提議去睇戲，其實我冇乜戲想睇~但見佢咁想同我睇戲，就順o下佢意啦(識o左咁耐第一次睇戲)，對住個schedule望o左一輪，我o地決定睇Honeymooner，見個名好似幾靚嘛，點知入到個院，見到周圍全部都係黑鬼o既?!......我o地就知出事喇!冇錯!係黑人戲o黎o架~~~~!!haaa....日頭黑仔成咁，夜晚誤打誤撞都睇中套黑人movie，都唔知好嬲定好笑喇!我o地兩個都話"早知就返 屋企好鬼過啦~妖!" |
|
|
|
|
|
|
|
|
|
|
|
2005/6/7 晴天 今日真係大熱呀~~像赤道重疊! 真係恨不得叫后羿幫我射走埋個太陽，免得受酷熱之苦!o係烈日當空o既一個下午，我隻身搭車去Kyle公司接佢放工~陪佢幫細妹睇學校。第一次搭Silver
Line真係有D騰，我好記得Kyle同我講係o係Silver Line Way落車，但係我定晒眼望個路線圖都見唔到有個站叫Silver Line Way，淨係見到佢有提過o下o既Court
House，打後o既站係World Trade Centre，再落就應該直鏟去機場...真係唔係好知自己應該o係邊個站落車......腦裡面不斷re-play
Kyle講過o既說話，印象中佢好似講過目的地前一個站係Court House，於是我就好有型咁o係World Trade Centre落o左車，出閘後......yoohooo~~我見到Kyle間公司喇~~感覺好似征服o左成個宇宙!我以後都識搭Silver
Line喇。會合 Kyle後我o地就向唔同o既大學出發，經過一番算係嚴謹o既視察後，我o地一致認為Mass Bay
Community College係一間適合與世隔絕~修心養性去讀書o既好學校! Elisa有呢一位呀哥幫佢搵到呢間咁頂好o既學校，真係莫大o既福氣喇~~哈哈!!做完正經事我o地去o左食Pizza
Hut，平時行車硬係覺得周圍都有Pizza Hut，但到o左真真正正想食o個陣就一間二間"哩"埋晒，估唔到Pizza Hut o係Boston係咁罕有!比起其他pizza店...Pizza
Hut D pizza真係好味到不得之了呀!~~haa，我會記住Kyle係唯一一個同我爭o野食o既男人! |
|
|
|
|
|
|
|
|
|
|
|
2005/5/28
晴天 放假多日，終於可以同Hiddie & Janys去街喇~~平時返學我見少日Hiddie都唔得o架，而家放假真係飽受相思之苦!之前幾日都係咁落雨冇停過，難得今日咁天朗氣清，唔出街點對得住自己。原本行街前約o左Kenny同我o地交收，叫佢拎上次歌唱比賽餅帶俾我o地，後尾因為人為o既錯誤我o地耽誤o左D時間而交收唔成，惟有下次約過啦，點知Hiddie想睇餅帶想到成個人都癲晒，癲到叫Kenny
o係highway飛餅帶俾佢，睇o黎佢好似非要做成呢單買賣不可，幸好Kenny係有理智~冇陪佢癲。拎唔到帶我o地就直接去o左Square One Mall，上次同Kyle行唔到 ，今次我當係個天對我作出保償喇~haa!唔知係市道唔好 or D店商良心發現係應該益o下D顧客，俾人過o下手癮 買o野而將D o野o既價錢賣得異常地低!我o地見到件 converse tee原價$1X.XX減至$8.XX已經唔相信呢個係事實，到Hiddie拎件tee去俾錢o個陣個sales話仲可以半價，即係$4.XX，"唔係呀嘛 咁鬼平?"真係平到食錯藥呀 !!之後行其他鋪頭我o地都買o左好幾件平衫~收穫滿意!仲有我終於食到一直都好想試o下o既一間雪糕店o既雪糕喇，之前因為唔識啞，所以一直都未食過......今日我同Janys啞o左個coffee
mocha，Hiddie就食strawberry ，味道一流呀~~~~係就係貴o左D。 行完mall去o左S&S幫Hiddie's mum買粟米，我o地三個即時化身為三個精靈o既師奶o係度揀粟米，揀完一輪後三個D手都好似抓完屎咁呀~~haha!挽住重量十足o既粟米去俾錢返屋企，感覺我o地三個好似一齊住!我個人就好享受呢種感覺喇，相信她倆都跟我一樣~~ 夜晚，又...落......雨..........!係咪要掛番個晴天公仔僻下邪(雨)呢?! |
|
|
|
|
|
