九.附錄
9.1 問卷調查
中華基督教會扶輪中學
《移民與香港的歷史發展》問卷調查
我們希望透過這個訪問，認識市民對新來港人士的印象。
1.你是否新來港人士(如不是，請回答第四題)
A. 是 B. 否
2.你來港有多久
3.你為什麼來香港?
4.你是否喜歡新來港人士來港生活
A. 是 B. 否 C. 沒有意見
5. 你是否贊成每日也有150人移居香港? 為什麼?
A. 贊成 原因：
B. 反對 原因：
6. 你對早期入境事務處職員被新來港人士燒死，你對些有什麼看法?
7. 在個人衛生方面，你接受新來港人士的行為嗎?
A. 是 B. 否
8. 在社會秩序方面，你接受新來港人士的行為嗎?
A. 是 B. 否
9. 在待人接物方面，你接受新來港人士的行為嗎?
A. 是 B. 否
10. 你認為普遍香港人對新來港人士的態度如何?
9.2 訪問內容之對話
9.2.1 符先生
1.
貴鋪有多久的歷史？
68年。
2.
貴鋪最初在哪裏成立？
我地以前係廣州啊、廣西、北海、南寧都有分鋪。
3.
貴鋪的先祖是甚麼時候來港經營？
係1935年。
4.
貴鋪先祖是透過什麼途徑來港？
我都唔係好清楚，因為果時我都未出生，不過聽我爸爸的助手說以前大多數都係經水路，坐以前叫做「大眼雞」嘅船來香港。
5.
為甚麼貴鋪的先祖當初把店鋪搬遷到港？
嘩!
呢樣!我都無考究，因為係我阿爸o個一代，不過我諗係邊度有生意就去邊。
6.
貴鋪最初搬遷來港規模如何？
初期係好細，營運開支只係5萬蚊，至於伙記都係住係o係公司o既宿舍。
7.
貴鋪最初搬遷來港時在甚麼地方開業？
咪就係呢度文咸西街羅。
8.
為甚麼會選擇這地方開業？
中國有句話就係「成行成市」大家既然係做同一樣的貿易，當然都係集合埋一齊,
可以方便買家,
唔通深水埗有間，文咸東西街又有一間，中環又一間，分佈唔同地方，叫人周圍搵咩。
9.
貴鋪搬遷來港初時是買賣甚麼貨物？
以前就買參茸呀，橡胶，人參，柯胶，金草，越南桂皮，月桂皮，米等其他貨物。
10.
為甚麼會選擇這些貨物作買賣？
點解呀!其實都無話特意？主要係供求需要。
11.
貴鋪或鄰近的店鋪當時所賺取的金錢如何運用呢？(交租？買貨？交稅？作慈善用途？或其他？)
投資呀，係1950年代發展呢個貨倉公司，當然仲要交稅啦。我諗以前呢條街交嘅稅亦不少，以前啲銀行好重視呢條街，因為賺啲錢多，所以多數都係佢地來搵我地作投資之類，都唔係我地主動去搵嫁!
所以銀行通常俗稱我地叫「南北行財神爺」。我知道以前南北行捐好多錢俾東華醫院，以前捐錢就真係出自真心幫人，不過係1970年至1980年間啲人捐錢都係「枯民釣魚」，行用慈善希望出名，以前都有捐？但係見風氣越來越差，再無捐，就算有，都用「無名氏」名義捐。
12.
貴鋪的祖先有否曾經擔任東華醫院的總理或職位？ (如有，請提供姓名及年份及其他有關資料)
無呀，我阿爸做生意都好低調，唔鍾意做呢啲。
13. 據你認識的店鋪先祖中，有曾經捐錢給東華醫院嗎？
我諗唔多唔少都有啲，佢地一幢幢咁捐，所以東華未有咁多物業o羅，都係以前D人一幢幢樓捐出o黎嘅。
14.
貴鋪的先祖曾擔任港英政府的中介人，如有，工作範圍是甚麼？
無呀，我阿爸份人好低調，又唔鍾意政治。
15.
同行中，有吾發生過商務糾紛？如有，在哪裏仲裁？(請詳述之)
唔會點有，因為黎親呢度做生意一定要守南北行公所行規，一定要講信用，無信用就唔使係度立足？不過大家都係好守信用。直至而家我地都係咁黎做生意，係以前我地真係無簽名合約呢回事，而家簽合約都係做樣俾政府睇，我地都係講個「信字」。
16.
貴鋪的先祖曾擔當過受廣東省官員委任工作嗎？
如有，請詳述之。
無呀!我阿爸都係一向都好低調。