<< 個人100問 >>3

28－7－２００６　from Yan's Xanga

1. 一生人以來第一個偶像？
好似係Aaron
2. 希望住怎樣的房子？
一個人住覺得大既屋，自己設計，自己佈置
3. 天生是腸胃好的人嘛？
= =係呀∼百毒不侵呀
4. 覺得自己自私嘛？
都幾o家∼
5. 有邊個人曾經令你希望自己成為佢？
好似無啵∼
6. 對香港的感覺？
好細呀！見識唔到多Ｄ野∼但係永遠都係我的根據地
7. 覺得自己會點死？
安樂死（希望啦）
8. 有冇乜野事你好後悔當時做左呢個決定？
無o係下學期初drop chem
9. 有冇睇過邊套戲令你久久不能平伏？
霍元甲
10. 你覺得你自己係一個偏向思想正面定負面既人？
多數都係正面既，鍾意自己呃自己
11. 現存最「古老」的記憶？
小學既聰明豆哥哥
12. 曾經自己一個人做過些甚麼事？
好多啵∼不過最勁係行墳場啦
13. 有邊個明星你欣賞佢但係佢稱唔上係你「偶像」？
Dean ＞////＜
14. 有邊個明星稱得上係你偶像但其實你都唔係覺得佢咩太多野值得你欣賞？
木村托哉是也
15. 討厭自己邊D性格？
多心啦∼小器啦∼長氣啦∼串咀啦∼講野唔經大腦啦∼（由其係火遮眼既時候）等等等等
16. 試過睇咩戲//電視劇睇到喊？
天下無雙、小孩不笨2同埋一套電視劇，但係唔記得係咩
17. 喜歡結識新朋友嘛？
ＯＫ啦∼
18. 一件最近想擁有的奢侈品？
白色既Sony Ericson W300i
19. 希望退休後有甚麼生活？
去下旅行呀∼癲下啦∼
20. 對上一樣令你忍唔住講出一聲「好好味」的食物？
朱古力泡芙
21. 小時候對世界有過些甚麼誤會？
以為去一個地方剩係得一條巴士線同埋未搬屋之前似為係人屋企都有電腦
22. 首個令你有性幻想既明星？
木村托哉掛∼哈∼
23. 對隆胸有咩感想？
要咁大做乜o者，o岩比例咪得囉
24. 好多人都話你唔應該咁做, 但你冇後悔既事？
好似無喎
25. 數得出一堆你願意更加珍惜佢地既朋友嗎？
好多都願o家∼
26. 多唔多人你對佢有過好感但後來感到有D後悔？
下...er...有呀...呀徐生囉
27. 遺傳了家人的甚麼特質？
鍾意聽歌畫野、唔鍾意都唔出聲同埋火爆
28. 喜歡的遊戲？
太鼓達人啦∼填字遊戲啦∼IQ題啦∼等等
29. 有冇作過一D令你自豪同回味既決定？
同我班同學仔朋友仔一齊癲過∼例如同師奶掙場玩閃避球之類∼
30. 幾時開始清楚自己鍾意男仔定女仔？
鍾意第一個男仔開始
31. 信唔信輪迴轉世？
信既都，有因必有果嘛
32. 愛情, 友情, 親情, 請排序？
親情同友情都第一位既，愛情可以都係第一位，但係都可以係第二位
33. 甚麼讓你最恐懼？
昆蟲，變態
34. 有冇堅持使用邊d牌子既產品？
有，Uni
35. 有冇邊D朋友你覺得//希望可以同佢熟D, 但實際上又未熟得晒//唔熟？
無乜呀大部份都好熟
36. 幾歲時第一次鍾意異性 (或同性)？
好細個啦∼由細到大都係同男仔玩開既...
37. 對怎麼的生活有過憧憬？
自由，輕鬆，有人錫
38. 較喜歡媽媽還是爸爸？
唉...差唔多啦∼都要睇咩時候既，其實兩個都咁鍾意
39. 甚麼讓你感到尷尬？
向心儀對像表白，真心o個鍾，無啦啦話鍾意o個d唔計XD
40. 用十個字眼來描述的近來既生活？
珍惜現在但對未來期待
41. 而家諗返轉頭唔明自己點解當事要咁做既事？
做乜扮男仔。
42. 曾經最深愛//敬愛過的三個對象？
我曾經敬愛井上老師o家>///< 仲有曾經深愛三井壽同埋卓洛(喂!!)
43. 在網絡上有甚麼財產(eg. 日記, 網頁…)？
XANGA，天空的部落各一個戶口，Yahoo!!戶口Ｎ個，Gmail一個，個人網頁一個，ＭＳＮ一個，ＩＣＱ兩個
44. 你有冇一D「特異功能」？
左手手指公可以向後拗九十度
45. 有冇一個你以為實現到, 但其實唔可以既「夢想」？
識個男Model，做朋友
46. 喜歡的品牌？
Uni啦∼我cheap呀...哈
47. 你願意花時間學習些甚麼東西？
乜都得啦∼最好就係ｄ獨特ｄ有文化色彩ｄ既手藝
48. 最喜歡看異性的哪些部位？
 眼，手，背
49. 你會唔會選擇一腳踏兩船？
哂氣啦∼自己攞唻煩
50. 有冇懷疑過自己既性取向？
有呀...唉...
51. 只可以用一個詞語黎形容你自己既性格, 你會用咩詞語？
自我
52. 對上一件由衷感到感動的事？
小李第一次同我傾心事
53. 曾經約會過不算熟絡的網友出來見面嘛？
有
54. 希望死後火化還是怎樣？
想土葬多d呀∼
55. 最近最煩惱的事是？
升到上中七既話一定要drop Chem
56. 有冇一個moment如果你做左另一D決定, 就會大大影響左你既一生, 有的話是甚麼事？
無讀中六既話
57. 承上題, 受到呢件事影響, 你估計你既人生有咩唔同？
可能做埋d九唔搭八既工掛
58. 愛過的人中有些甚麼不堪的性格？
自戀呀...唉
59. 希望將來住o係邊？
未知呀∼世界咁大，好多地方都咁好
60. 有咩事你一遇到就會覺得好噁心？
當街咀咀=皿=
61. 從事過甚麼工作？
幫人補習，運動服公司職員，義工
62. 有咩人你好感激佢但唔好意思同佢講？
媽，我諗呢世都係o家喇
63. 有冇曾經俾人偷過乜野？
銀包...成個袋都試過
64. 經常講大話嘛？
無呀∼無咩需要到講大話咁嚴重
65. 覺得自己傾向是實際還是不設實際的人？
經常都不設實際o家啦
66. 最希望睇到邊兩位藝人結成一對？
下！（默）...有邊ｄ藝人係一對o家？
67. 親友怎樣形容小時候的你？
得意囉！成個豆沙包咁，似表姐細個，但係又激似老豆。
68. 算是怕悶的人嘛？
算呀！一定要有ｄ搞作
69. 你算是一個吝嗇給予別人讚美的人嘛？
算係o家∼就算係讚，都會同時踏下台
70. 初次接觸電腦係幾時？
電腦既話係小學二三年級啦
71. 由細到大曾經希望過從事咩職業？
老師，律師，作家，畫家，旅遊節目主持，ＤＪ
72. 最有恆心做的一件事？
畫野
73. 曾經想過加入誰的fans club？
無呀
74. 曾經希望過自己出生於邊D國家？
日本
75. 依賴性強嗎？
好強
76. 數得出三個令人有厭惡感的人嘛？
應該數到
77. 有冇同過邊D明星合照？
葉文輝（老師）同周永恆（同學）...哈...其實無呀
78. 有幾多經常提及的香港地方你是從未去過的？
大把啦，我連南丫島都未去過
79. 有冇乜野「古怪」既習慣？
洗完碗一定要用番梘洗多次手
80. 人生當中暫時有邊D稱得上係轉捩點？
中三選科，中五畢業
81. 父母曾經為你的甚麼而感到自豪？
畢業呀，攞1st of Art呀之類啦，最感動應該係我到而家都無變壞
82. 有冇乜野經歷到而家仲成日俾長輩提住？
「ｄ野咪成日周圍擺，唔上心啦！」
83. 有沒有甚麼東西你的朋友都不喜歡, 只有你一個喜歡？
冬天囉...唉...
84. 有沒有甚麼東西你的朋友都喜歡, 只有你一個不喜歡？
煲劇集掛
85. 有冇邊個地方你去完聲稱以後都唔想再去？
都無乜
86. 發生甚麼特別事第一個搵的朋友？
要睇下係咩特別事先知
87. 有冇特別喜歡邊幾個中文字？
暫時係無既
88. 慣於「明戀」定「暗戀」？
暗戀
89. 印象較深的電影對白？
皇帝：「o係我既心目中，佢地全部都係一班飯桶。」守衛長：「o係我地既心目中，皇帝又何嘗唔係一隻裹蒸糭。」
90. 有冇嘗試過訓練自己的非慣用手？
有啦，細個成日都俾逼要練返用右手
91. 想變成另一個性別嘛？
唔，唔係好想啵
92. 印象最深的小學同學？
陸靜雯呀！變態o家！！>口<||||
93. o係icq多數用咩mode？
INVISIBLE
94. 邊D地方令你有愉快既回憶？
學校、屋企同去閃o個個羽毛球場
95. 邊D地方令你有不快既回憶？
學校
96. 有咩事你一遇到就會有莫名的厭惡感？
當街當巷大聲講粗口
97. 數出十樣最喜歡的東西？
文具、漫畫、Dean、屋企人、朋友、自己間房、屋企鎖匙、冬天、老虎、相片
98. 第一張擁有的CD？
唔記得喎...
99. 曾經迷戀過邊D明星？
迷戀？！咁嚴重？咁呀...木村托哉啦
100. 最近有咩口頭禪？
「係掛∼唔知呀∼」