小故事        GO Back

麥兜小公主與豬豬小王子愛情小故事!!!

      從前有一個好可愛既小公主,每個人都好錫佢,每日都會有好多人拎佢鐘意玩鐘意食既野黎比佢... 小公主每日就係咁好開心生活啦. 起初小公主都覺得自己好幸福,但係日子一日一日咁過,小公主開始覺得唔開心,因為每個人比到佢既,都只係表面同物質既野,但無左最重要既關心同愛護... 有一日,小公主決定離開,去搵一個真係有關心同愛護既地方. 但係溫室長大既小公主又點可以頂得順外面既風吹雨打呢? 小公主越行越遠,天也越來越黑.死啦死啦...小公主迷路呀! 正當小公主好驚慌之際,豬豬國王子突然出現喎,佢將小公主響無助中拉返出黎. 就係呢一下關心同愛護既一拉,改變左小公主一生... 

      佢地越行越遠,終於小王子同小公主離開左呢個黑暗既森林啦.佢地好開心. 一路行一路傾計,仲越傾越投契喎. 慢慢小王子發覺自己愛上左呢個可愛既小公主,但係怕羞既小王子又唔知應該點向小公主表白,唉... 原來愛情真係會令人變得愚蠢0架!

        想左好耐,小王子終於想到一個好好既辦法向小公主表白啦.究竟佢用咩辦法呢? 就係直接同小公主講啦.唉...傻豬! 一早就應該想到啦. 蘇州過後冇艇搭呀! 仲唔快D講!? 終於,小王子提出左畢生最大既勇氣,對小公主講:我愛你! 小公主聽完之後好sweet好開心,終於接受左小王子既愛啦.之後仲共築愛巢喎. 就係咁,小王子就同小公主好幸福好快樂咁一齊生活啦!