General feeling

雖然入到camp係很興奮，但是明顯有些擔心、驚的感覺。擔心無法適應這裡的生活，害怕這裡的人很難相處…但隨時間的沖洗，再加上佢地那份熱誠的態度，親切、友善的笑容。我被他們那份熱誠所吸引，慢慢地我亦開始變得投入，『溶』入他們的世界入面。

我真是沒有後悔參加這個camp在呢度不但識到一群志同道合的好朋友，而且仲識到一班好導師，這班導師真是幫助我好多，在他們身上所得到的遠遠多過課本上更多!!

在呢個camp入面我學識了守時的好處，從逆境中自強的重要性，未來視野，最重要當然是『珍惜眼前人』

---------------------------------------------------------------------------------------

Vicky---

參加之前,無唸過啲組員個個都係head-prefect,什麼學會會長,好鬼犀利!!!開始個camp時候,好似格格不入咁,就開始收埋自己,平時都幾嘈嘅我,變得沈默起來,靜靜咁去認識我嘅組員,導師!!!

Day 1、2 嘅時候,我覺得自己係組裏面,無乜作用,有我同無咗我都乜分別,有一段時候好鬼DOWN,未試過咁架!!!但之後,發現原來合埋個咀,都可以學到嘢。另外,發覺到一個人無可能成日都係咁強,一定會有學習嘅時候!!!

一日一日咁過,大家認識又多咗,係裏面,感覺到我嘅組員,導師好take care我,行山,做tasks,會問我”做唔做到,駛唔駛幫手???”… 個感覺係好舒服!!!

　　呢7日，我哋呢12個人，一起努力過、成功過、失敗過、開心過、歡笑過、苦惱過、落淚過，每一個人都係咁重要，唔可以失去任何一個!!!

啲感受同經過,唔可以只從log-book到睇到,要用心同埋親身去經歷!!!

最後，真係衷心講一句：多謝你哋，俾咗我一個畢生難忘嘅回憶!!!

----------------------------------------------------------------------------------------

突破青年村好似一個黃金島，我就是一個又窮困又迷失了的人，我看不到前路，找不到方向，,走著走著，不知不覺走到這個黃金島來，又是一個不熟悉的環境，住在這個島上的是一群很富有的人，而且他們會發光發熱，他們教導我如何利用我的眼睛，耳朵，心去尋找出口！過了足足7日6夜，我變得比從前富有了，同時我亦終於看到那條我應走的路，找得住那方向！！我興倖我能走到這個島上來，感謝一切把我帶到這兒來~~~~

『知而不感動，感動而不積極』是阿Ling於playback 當晚所說的，這正正說中了我的性格，我自問由出世自知不少道理，別人對我的肺腑之言也聽過不少，卻總是未曾打動我的心，往往只是實行了一陣子便放棄，這就是一直以來覺得沒有問題的處事方法。

o華~真係估唔到個camp咁鬼好玩架~~~o岩o岩黎到突破青年村~收到份營刊…發覺無自由活動時間~心諗仲唔悶到我抽筋?一開始組員互不相識,尷尬到爆炸!頭個兩日..老實講真係投入唔黎…..(加上o岩o岩係大陸返黎呢~)

記得第一晚入房訓,同同房d人唔係咁熟….. 第一個感覺係…又要對住一群新既人.唔知點算好…但係..估都估唔到我地即晚就極速躂著!皆因個個都係玩得之人~同房三分親~hehe~大家第一晚都唔捨得訓,半個鐘以經玩都熟晒~haha~~仲一齊係漆黑既環境中玩”衛斯理遊戲”—講個故仔出黎.諗番晒之前果d流程,最衰係小王子---(host)專講d死人屍體果d故事…真係驚到飛起>.<e個遊戲…..我地五個大男孩玩左六晚驚足六晚………!

最令人印像深刻既就緊係上山同長征喇~上山果晚.最細個o個個(小弟)背住兩桶5L既水行足兩個幾鐘山路….(e個年青人真係唔講得笑,後生可畏—by the honorable editor)…..重到我無得再增高咁滯!!終於去到紮營既地方….週圍都係雜草,思考時間到了—如何逆境求存??老實講…我真係好鐘意呢d tasks~~~好玩^^好開心自己可以o係半個鐘內紮好個營,更開心係酣睡不久可以感受成為“山頭落湯雞”既滋味……真係無野好講囉 ,不過我偏要同你鬥氣ar!~~你落雨????我照訓!!

第二朝~擁有最多學習機會既第二組係牛糞既包圍下享受令人肚瀉既早餐…(感謝主賜予第二組那令人羨慕的學習機會,讓我們在極級逆境中訓練自我,挑戰自我,尋找自我,Amen) p.s好壞念個牛糞陣…..同埋…

haha~~~放完金條精神好,長征暴走做得到~~!Ryan~我地黎救你喇~~~~~衝ar~(hehe~記得敏琪落山既時候係咁扮小苦妹~hehe)

‘拯救ryan大行動—第二組團結版’正式開始~~我地四個“猛男”抬住50幾磅既豆袋公仔Ryan從馬鞍山郊野公園跑ar跑~跑到去白譜理,保守估計我地只係休識左三至四次….果種無得休息虐待自己既快感都幾正下…唔錯唔錯~我地有乜祕訣?咪就係團結lor~~~仲有~比個target,deadline自己, 擬定幾個check points,唔跑到去唔準停!!!!我地就係咁死衝爛衝由最尾出發果組變成第五組到達~真係要俾d掌聲我地第二組!!!!…向可見既目標不懈地進發~~一定可以成功!!

第二件最難忙既事~就係第六晚非常晚會既籌備~我地將咁多日以黎所學過既技巧一次過付諸應用~我地同第六組合作~果晚真係演得好放ar!可能果組有兩個吹水王子喇~hohoho!重有ar~~果晚營主任比我地玩通宵(側側膊咁喇),hehe~~~好盡興ar~經過咁多日後~我同營友既友誼變得好奇怪,好似有種莫名奇妙既親切感咁….就好似一家人咁..多謝你地。

最尾既一晚…大家都無乜訓到,一齊通頂傾偈~傾心事,好耐無試過認真拎個心出黎同人傾偈喇>.<….果晚我仲同第六組既小芳上契ar~^^haha~~~~無端端做左人契………………………細佬添~~家姐~我要食雪糕^^

講真ar如過真係寫既真係可以寫成本書出黎~~~最感動都係ar鏡攬我果下……死人ar鏡…臨走派證書都要攬一攬人….搞到我咁大個仔爭d係咁多人面前喊…………記住你ar~你塊荒唐鏡!!!記住你!

一開頭聽到七日六夜已經好噩言,從未試過參加過咁長既宿營.最多都係四日三夜,未試過咁堅,而且仲要唔返兩日學,所以初時都唔係太願意;但係因為以前參加過突破機構搞既活動都好有信心保證,而且睇完介紹之後好似有好多正既活動咁,咁就去左呢個camp喇。但係依家既我可以好肯定咁話比你聽如果我無黎到呢個camp既話我就一定會後悔!

經過呢個camp,我學到好多野, 呢樣我認為絕對係令我受用一生既。我學到點樣同人相處：對同伴要互相體諒、互相忍讓, 作為一個領袖要俾機會同伴發表意見, 亦即係所謂既「虛懷訥諫」。

溝通技巧:同隊友溝通要聆聽,要用個心去聽,即係專心、尊重;而且仲要學識互相欣賞,懂得讚賞對方既長處,有勇氣指出自己既缺點。有一個game係要我同另外一個隊友一齊過繩陣,大家都要對彼此極之信任先至會過到關,如果缺乏咗呢種技巧就無可能完成到。所以話溝通技巧真係好重要。

第三係臨危不亂,即係面對逆境要有冷靜既思考先可以有效面對問題。記得係建國遊戲入面我地充分地發揮咗我地組「臨危即亂」既特色, 結果我地玩左兩次都唔得, 所以你話不亂幾緊要呢!

未來視野:展望未來係人生重要既一環,佢可以令到我地不斷檢討自已既過失, 重而對挑戰有所準備。

係個camp入面不單止學到好多野,仲識到一班好肯交心,好close,好真既朋友,大家之間既友誼已經比好多自己同班既同學仲要好,我完全感受唔到社會講既所謂年青人既冷漠無情,反而係有種溫情洋溢感覺,真係好warm架!係個camp入面到我好感謝各位隊員對我既信任,不單止經常問我話事,最令我感動既係佢地對我既支持同埋關懷,係度真係要好好錦、正式地、衷心地多謝佢地一聲。

要多謝既又點止佢地呀,仲有成個camp入面既所有導師、攪手、同工以及義工們,因為如果無咗佢地既存在,成個camp唔會攪得咁成功同精彩,而且個個都勁nice:當我地開心既時候佢地陪住一齊笑;當我地失落既時候,佢地為我地而憂心,呢種人間有情既表現實在令我感動。

七日算是一段較長既日子。不過D個camp,比我想像中的過得要快。

節目安排方面,與我預期相差唔遠。都係有體驗遊戲,服務,小組分享等。其他,就有些出入。首先係得著方面,我預期會學到一些領導技巧。諗唔到,佢俾我係既係另外一D野。一D更重要,更難學到既野。(詳情睇我學習心得)然後係社交方面。我諗住會同一大班人嘻嘻哈哈,點知我地幾個都比較內斂,唔多出聲。最正係識左一D朋友。大家真係傾到野。總體來講,WELLＣＡＭＰ係物有所值既。不過我比較貪心,希望D七日可以延續更多……