輝輝和茵茵不知不覺已經踏入三周年喇，為左紀念呢三年裡輝輝咁鍚我，而我又咁聽輝輝話，所以我好乖好努力咁更新呢度，作為三周年紀念禮物啦！！
繼續0向度留低我地既一點一滴......
這個故事發生於: 1999年5月15的晚上
劇中人物: 男主角== 型仔輝輝 女主角== 靚女茵茵
我同輝輝都係讀同一間中學架 (仁愛堂陳黃淑芳紀念中學) F.4開始一班， 做左兩年同班同學!!0個時同佢好玩得埋， 不過當佢係一個好好、好0岩傾既 friend 咋， 所以通常都係一大班人一齊出去玩既~~~
當時我覺得佢對 friend 好好架， 好好人而且又玩得， 雖然佢成日同我嗌交、我串佢佢又串我， (係啦， 佢淨係識恰我咋， 都唔錫我既 >.<又撒嬌喇!!) 但唔知點解日日返學都好開心既!! ((HoHo~ 返學就好似只係掛住玩咁， 除左同輝輝之外， 0向呢間學校都識左好多 friends 架， 個個都好好既(應該啦~~~ 唔串我既實有份啦!! ^0^) 好懷念讀書時既一切一切呀!!)) 但我都好耐無返過學校LU~~~~ 唔知點解日對夜對做左兩年同學既時候同輝輝竟然無擦出火花， 要到左重考0個年先發覺大家有feel 呢?! ------ 感情係一樣好奇妙既東西
同輝輝一齊係1999年5月15日, 呢一晚到今日仍然好難忘呀!! 講 "我愛你" 既時候真係笑料百出呀,
而且真係需要好大勇氣架!! 不過講完之後就會有種好甜蜜既感覺!! ◎~(≧▽≦)~◎
可以同自己喜歡既人一齊是一種好幸福的事!!
我最鍾意老公0向我身邊， 無論做咩都好， 只要有老公陪我、0向我身邊， 我已經覺得好開心好有安全感喇!! 因為你先係我既原動力... 有左你先可以開著引擎去做每一件事 (最好都係同你有關啦~ ) 整呢個網其實諗左好耐， 好耐之前已經想有個屬於自己既homepage， 不過我係諗住老公整俾我添!! 今次都係因為想俾你見到一個我寫既hp而努力捱通宵去完成~ 係咪好感動呀? (不過我可能整得好差， 你都係唔會讚下我喇!! ~>.<~ )
同輝輝一齊已經有年半喇 (共渡左575天^0^) 雖然呢五百幾日話長唔長
話短唔短， 但對於我來講每一日都好難忘，
我都記得好清楚。雖然期間經歷過好多事情， 有開心既有唔開心既， 但已經成為過去，
反而令宜家既我更清楚知道自己想要D乜野~
女人最想得到既唔係一個有錢既男朋友，
更加唔係一個唔關心女朋友既浪子， 而係一個自己鍾意而佢又鍾意自己、對自己好既男人。
原來有人關心有人愛鍚係一件好幸福既事黎!! 我好想可以永遠都過住咁幸福既生活呀~~~
p.s. 唔知可唔可以呢?! (哈哈~ 我就sure 可以俾到你哩!!)
我仍然好清楚記得你曾經對我講過:
『我要妳成為這個世界第二最幸福的人』
『為什麼是第二呢?! 第一呢?!』
『因為我有了妳, 所以我便是這個世界最幸福的人囉~
』
唔知你仲記唔記得呢?! 呢句說話真係俾到我好大信心呀!!希望你同我可以永遠做最幸福0個兩個人啦~~~ 我愛你
茵茵愛的宣言:
老公仔， 諗返起呢兩年多一齊既日子， 真係令我有好多好多既回憶， 亦令我學識好多野！！ 雖然我地唔可以話好恩愛、 糖x豆黎形容， 亦唔係無試過嗌交無爭執…… 呢段時間，我地試過經歷所有【喜、怒、哀、樂】，開心既時候真係好開心，但傷心既時候亦令到我生不如死！
當時我會覺得點解人地個男朋友都咁鍚自己個女朋友，而你偏偏只識蝦我、對我咁衰，你究竟係咪真係愛我架？！曾經試過對你好灰心、好絕望…… 有次0向街度見到一對情侶嗌交 (我當時差Ｄ笑左出黎) 佢地無論動作、語氣、或者爭拗既問題都似曾相識…… 因為佢地就好似我同你咁！！ 當時我諗起呢首歌： 『痛愛』
和諧甜美沒有天意弄人 有甚麼的吸引
誰待我好我就會不過問
偏偏碰著那壞人全都誘人
全球的情侶故事也相近 寧願天昏地暗
要為錯的人傷過恨過 方算是勇敢
長世間不喜歡開心喜歡痛心
而同時亦覺得原來我地既問題係好細小，而且每對情侶都可能會出現， 好彩宜家呢一切已經改變，我地仲可以一齊到宜家?
話咁快又渡過左兩年多，我都知自己成日要你就我，次次嗌交唔理邊個0岩邊個錯，都係你"乙水"
返我既，其實我知道你係好鍚我好緊張我既！！ ＨＥＨＥ?
以後我地要學習互相包容對方，珍惜對方，唔好有咁多拗撟喇！你應承我既野係咪真係會兌現架？！不過我暫時保留你俾我既承諾，到時有用就……
哈哈~
輝輝愛的宣言 :
老婆仔同妳一齊既日子，不經不覺就怏到兩年啦！ 雖然期間發生左好多開心同唔開心既事，但係我地都無分開到，知唔知點解呢，係因為
.............. (ｈｅｈｅ，唔知妳有無笑出黎呢? ^.^) 同左妳一齊之後，我多左好多習慣，例如：每晚要鍚鍚先訓啦
(習慣了每晚要吻過妳再去安睡 ............. ) 、要攬住狐狸仔訓啦、每日掛住妳同愛妳多D啦！
呢一切都已經成為左我既習慣！ ^.^
同妳一齊咁耐發生過好多難忘既事，而最令我印象深刻既係........
妳第一次為我流淚，唔知妳會唔會覺得奇怪，點解一件令我咁難忘既事，竟然唔係一件開開心心既事，而係妳為我流眼淚呢？！
等我話妳知啦！ 其實我覺得如果一個男仔，有一個佢心愛既女仔為佢流淚，係十分幸福既事，因為佢響個女仔心裡面已經有一定既地位，唔知事實又係唔係咁呢?
^.^
其實我唔係想成日令到妳唔開心架，但唔知點解，我好鍾意見到妳喊 0個個樣！ 兩條眼眉埋，好似兩條蟲仔咁，個咀仔又嘟長左，兩行眼淚響個紅卜卜既面珠流落黎，真係好可愛、好Q 呀!!! (係唔係想話我好變態呢？ 但真係好得意喎！)^.^
其實響呢度我要向妳講聲 "對唔住"，因為我知道自己以前對妳做過好多傷妳心既事！ 曾經對妳許下好多好多既承諾，而真正實現過既就好少，但妳都不離不棄咁響我身邊支持我，真係令到我好內疚 ~>_<~
我知自己成日都講多過做，如果我唔係肯定我做得到既，我都唔會再亂咁向妳作出任何承諾！
新既一年又開始啦! 即係意味著我又愛妳多一點、深一點啦！所以宜家我向妳許下今年既第一個承諾，肯定兌現得到既承諾就係......(俾妳自己填啦~~^.^)
當你看著我 我沒有開口 已被你猜透
還是沒把握 還是沒有符合 你的要求
是我自己想得太多 還是你也在閃躲
如果真的選擇是我 我鼓起勇氣去接受
不知不覺讓視線開始閃爍
喔 第一次我 說愛你的時候 呼吸難過
心不停地顫抖
喔 第一次我 牽起你的雙手 失去方向
不知該往那兒走
那是一起相愛的理由(對我) 那是一起
守
喔 第一次吻 你深深的酒渦 想要清醒卻沖昏了頭
喔 第一次你 躺在我的胸口 二十四小時沒有分開過
那是第一次知道 天長地久
感覺你屬於我 感覺你的眼眸 第一次就決定
決不會錯
http://www.oocities.org/i_love_fai/ ( copy by 輝&茵 )
