牛奶妹
誕生係1950年，果時，有本雜誌將一個出名既model變化成公仔，不久，日本一間糖果店〈不二家〉睇中左佢，簽左佢做旗下永久既代言人~
〈不二家〉原本係一間專賣糖果既鋪頭，賣下賣下，加上有個甘cutie既形象大使，〈不二家〉就成為日本歷史悠久而且受歡迎的糖果專門店，日本人一諗起糖果，就會諗起〈不二家〉同牛奶妹架啦~~~
隨住發展，〈不二家〉已經發展為一間多元化既鋪頭，包括餐廳，裡面有得食正餐，甜品，蛋糕，當然不小得老本行---糖果啦~~~
係日本，每間〈不二家〉既門口都有一個三高呎的牛奶妹係門口做生招牌，而每個牛奶妹都有不同打扮。我去日本時，探過3個唔同造型既牛奶妹，分別係心齊橋，銀座同成田機場，基本上，係日本，不二家係梗有一間係左近既~~~。而香港既牛奶博品門口同日本一樣，都有個牛奶妹係到坐鎮架。
外表眼大大，面紅紅，紮牛角孖辮，舌頭永遠伸出，喜歡穿紅色工人褲。佢雖然已經50周年，但佢永遠都係6歲，同埋，佢身高100cm，體重15kg，佢既三圍數字係......50,50,50(cm呀)。
查實Ｐeｋｏ､Ｐoｋｏ是「肚餓」的意思﹐應該叫做「肚餓妹」､「肚餓仔」至真。所以如果PEKO畀警察查身份證，原名應該係「肚餓妹」，花名先係「牛奶妹」。
聽說﹐IQ博士裡面成日踩三輪車哼住「電髮，電髮，毛蟲都要電髮」的草菇妹妹既親生父母就係-----訓著左都會笑既牛奶妹同留左鬚既牛奶仔啦~~~~
係一年前左右，有個牙膏廣告（有個MISS問D小朋友佢D牙乜色，D小朋友話「珍珠色」，「米黃色」...，搞到個MISS好尷尬），裡面其中一個小朋友穿住件黃色T-SHIRT，紅色工人褲，成個牛奶妹甘，好CUTE架~~~~
