０１）我「喊」，無論是否你的錯，你都一定要哄我。
０２）我都唔會每秒鐘都掛住你，大家咁話。
０３）我見到靚仔都會望，這也是天生的。
０４）我「哦」你都是因為我關心你和緊張你。
０５）你唔使係有錢仔，但最好都有比較遠大的目標和理想，在未來有成為一個有錢佬的可能。
０６）同我出街時，可唔可以梳番個頭同剃鬚？
０７）我知我唔係全世界最靚，但我希望你覺得我係。
０８）剪了兩吋頭髮打了少少眼影穿了對新鞋時希望你會看得出，仲要時不時要讚我人靚歌甜樣靚身材正可愛溫柔同得意。
０９）所有大時大節紀念日同生日，你必須全部都記得。
１０）我所有濕濕碎碎野都好想同你分享，例如我用咩化妝品同護膚品，雖然你未必會明，但希望你會扮聽。
１１）其實我對你的工作細節都不是太明白及了解，平日你滔滔不絕地發表你的意見時，我都只是在唯唯諾諾地扮聽。
１２）得閒做下磨砂同黑頭鼻貼，否則我會在凝望你時不自覺地望住你鼻上的黑頭同粗大的毛孔。
１３）你臨訓前可唔可以刷牙？
１４）每日去任何地方時都要 CALL 話比我知你位置及同邊個一齊，比我清楚哂你的行蹤。
１５）我 M 時係大哂，可以大條道理發脾氣，你最好一個月忍我幾日就哂我。
１６）我會假設你懂得操控及修理任何電器，包括電腦相機電視機錄影機及HI-FI等等。
１７）有很多事我並不是不懂得做，只是不想做就扮唔識。
１８）電器的說明書只是寫來給男人看的。
１９）同一個笑話同話題，可唔可以盡量唔講得多過廿次？
２０）我發脾氣CUT你線，其實係想你即刻打番電話來再哄我。
２１）如果迷路時，可唔可以快快趣趣向途人問路，唔好逞強拉住我走來走去行好多冤枉路？
２２）我唔介意你有少少肚腩，但盡量唔好太肥，亦唔好比我瘦。
２３）太大隻既肌肉型男人一D都唔MAN，係好驚。
２４）我會好介意你有一Ｄ有不良嗜好的「兄弟老友」，認為佢地一定會帶壞你。
２５）在我的朋友面前，我希望你可以表現得比平時更錫我同緊張我。
２６）我煮飯比你食時，你一定要覺得好食，兼且唔可以覺得係奉旨。
２７）琴棋書畫各類運動唱歌寫文章當中，希望你最少會有一樣好叻（打機唔算），其他最好樣樣都識少少。
２８）你唔需要好靚仔，但一定要乾淨。
２９）霸道唔代表大男人。
３０）無主見唔代表溫柔。
３１）你要欣賞我的工作。
３２）我鍾意你當我係小朋友般呵護照顧。
３３）唔好成日問你約會去邊度好都話「是旦」，咁唔叫就哂我只係表示你無心思。
３４）我遲到你等我是應份，你遲到要我等我會發脾氣。
３５）如果我有朱茵的身型，我唔介意穿得像個性感尤物。
３６）如果我同你講話要減肥，其實最想聽到你話我「一Ｄ都唔肥，唔使減啦，我鍾意咪得囉。」
３７）我跟你說話的時候，唔知點解聲音會比平時嬌嗲同低Ｂ。
３８）CHECK你電話的來電顯示是我的嗜好之一。
３９）你最好唔好有任何女性朋友、紅顏知己或契姐契妹之類的物體。
４０）我有男性朋友係好正常。
４１）我希望你的女同事最好全部都是師奶呀嬸醜女或肥婆。
４２）我好有興趣去知道你同你舊女友的事，愈詳盡愈好。
４３）我有時都會掛住舊男朋友、以前暗戀過的男生、及華dee梁朝偉同藤木直人。
４４）無論拍左拖幾耐，我都渴望你時不時可以比Ｄ驚喜我。
４５）你要時不時對我講句我愛你，否則我會假設你唔愛我。