這兒會介紹我近日熱聽的大碟或歌曲！！
不定期更新！！
12.2002
梁詠琪－－魔幻季節（國語專輯）
老實講，o係梁詠琪初出道o既時候，我覺得佢唱歌都幾難聽，覺得佢把聲唔靚。但係估唔到，到左今時今日，她的造詣竟可進步到如此，有些歌真的演繹得很好，韻味與眾不同，抵她自幾年前事業跌至谷底後，現在又能挽回人氣。
從以前的”膽小鬼”、”煙霧彌漫”，到”花火”，一直是我的至愛。大家都知道”花火”是梁詠琪自己作曲的，此碟內又發現她另一首令人驚喜的作品”唇語”，但我一直都唔係好明，我聽過四首她作的歌，發覺果兩首高水準，旋律獨特，感情深刻而耐聽，但係另外兩首（我們的永遠、我是棉花糖）卻普通得來有點低手，同一個人作的韻味點解可以相差咁遠？
此外，不知是不是因為做了瑞士政府旅遊局的大使及以1500萬Olympus相機全亞洲區代言人，不敢怠慢這兩大後台，兩首主題曲（魔幻季節、左腳右腳）製作格外認真和有水準。除以上所述之外，推介”緊急的眼淚”的曲和詞。
10.2002
濱崎步
ayu-mi-x 4+selection Accoustic Orchestra
Version
係廣州買左呢隻碟，剩係望住個封套已經望左好耐，從和服、牛仔褲、眼粧到飾物都襯到絕，最重要係呢個造型係由濱崎步一手創作，不愧有形象百變的美譽。
睇完個外表，相信無可置疑她是個偶像派。我是首次聽她的歌聲的，竟然發現原來偶像派都可以有咁高水準的唱腔，咁即係偶像＋實力？抵佢咁紅喎！她唱歌算有中氣，且音色豐富；全碟是她的單曲精選再重新用絃樂編排。因為佢好紅，可以請到好多好勁的音樂人幫佢編曲，每一首的編曲也很別緻獨到，且充分把弦樂的特色發揮出來，所以全碟的樂風和她以往的流行搖滾分別很大，我個人覺得重新編曲下，比原曲更耐聽。
推介歌曲：Never ever, M*, Endless sorrow, Fly high
* my favorite
3.2002
Natalie Imbruglia --
White Lilies Island
隻碟買左好耐，近日才認真聽下，雖然覺得好似冇Natalie上次隻大碟Left of the Middle咁合心水，但是有幾首歌都幾動聽下。Natalie出左名聲線清脆，也擅於唱搖滾樂曲,提得一提的是全碟所有歌曲她都有份作曲，是名符其實的唱作歌手。
推介歌曲：That Day, Do You Love?, Goodbye,Talk In Tongues