昨晚上吐下瀉，現在很辛苦，但又要溫書。唉．．．
太陽底下的一、二月
|
|
| 2002年2月28日(10:49pm)
|
|
|
|
|
| 2002年2月26日(9:26pm)
|
|
近日失去聯絡很久的一個外國好友終於看到我的homepage了，實在太好！！
|
|
|
| 2002年2月21日(00:00AM) |
|
關於我的近況...... 我近日因為弄網頁不肯睡，結果每天都累得要命，呆呆的不想睬人，今晚還心悸很厲害．．．．
|
|
|
| 2002年2月20日(0:28AM) |
| 我講左今日天竺鼠的實驗姐姐知，佢大呼小鼠可愛呀！！ 前我們用的天竺鼠是純白純種的，Demonstrator示範時將手按住牠的頭部與下半身，小鼠就驚慌得在他手中"ｏ依ｏ依"地尖叫不停。今日個實驗係將ｄ已經剃左半邊毛的天竺鼠打入局部麻醉針，然後再用尖物刺麻醉部位，看看幾時麻醉力消失。老實講，從人性的角度看，今個實驗有少少變態的，小鼠又冇話願意做個實驗，如果牠有得選擇的話，相信也不會肯。牠們似乎識聽人話的，當我ｏ地話要刺下去時，還未刺，牠就已在掙扎了。不過，在短短的時間我們和小鼠建立了一點信任，我發現只要在抱住牠時不斷輕揉牠的毛毛，牠就會好舒服的不動，被打了針也不知道，到了最後小鼠還幾乎瞇著眼睡著了，毛絨絨的真係好可愛呀！Simon想養，仲搵左一d天竺鼠的網頁看呢。 小鼠是可以從中醫部免費領養的，但是我不敢養，因為上次養的唯一一隻寵物──小魚glassy──死去後，很難受。我覺得小動物壽命很短，無論怎樣悉心照顧，小動物還是會死在你的照顧下，所以還是不養為妙。
|
|
|
| 2002年2月18日 (12:00AM) |
| 新年假期完結了。 大家有沒有發覺我寫的動輒就幾百字的呢？其實我也想過這麼一大堆字究竟會不會有人看，照常理來說，應該很少人看的，而看的人通常都是關心我的人。這也好的，因為入了中醫部就很忙，沒時間和其他新舊同學說說近況，將感想放上網，遠近的人隨時可以上來看，不至於音訊全無了。 其實，只要是自由發揮，我是隨時可以嘔出幾百字那種人，不過，只限於寫，不限於口述。其實上網search或者看其他朋友的homepage，發現寫日記呢項本來已經日漸式微的消閒活動竟然有復甦的跡象（當然指不定期更新的網上日記），這原是頗奇怪的，但那可能只是一種錯覺。
|
|
|
| 2002年2月17日 (4:20pm) |
|
關於楚留香...... 我剩係睇過三色台播的新楚留香，未看過原著，楚留香擁有一個極端典型的性格，就係口中常話”唔敢去愛”，但係實際上心裏成日放縱自己見一個愛一個。佢又唔係玩玩下，佢對每一個的感情都係真實ｏ既，使到每個女人愛佢愛得要死，但同時又難過得要死。佢雖然精神上花心，但行為上ｏ既”唔花心”，令佢保持了”不花心”的虛名。如果唔係宋西湖死左，蘇蓉蓉又死埋，司空星兒變左心，我諗要楚留香想解決呢ｄ感情糾葛都幾難。 估唔到現實中居然比我遇見一個好似楚留香呢一型ｏ既人。 |
|
|
| 2002年2月15日
|
|
關於個留言版.... o登o登o登．．．真係開心，呢個網頁從此就用dreamweaver寫了，更加方便快捷。 換左果個留言版，雖然係一個普通ｏ既留言版，但係對於我說有特別的意義。因為有日半夜係網上面見到小萍，佢好心地提了舊留言版的不足處，仲介紹左ＢＵ排球隊個留言版的format比我，我睇左覺得好得意，因為佢除左可供選擇的圖案十分之多同cute之外，仲有升小學、中學、大學等等制度。我通宵唔訓去找出留言版的申請地方啦，追尋左整整一日後發現果個留言版其實係冇得申請的，而係將個file download下來再將file裏面的程式改下先至用到。我係唔識電腦卜果ｄｏ野ｏ既，於是盲摸摸去攪，又攪多左一日，唔識攪，但係仲死唔斷氣，追查到底。結果昨天姐姐宣佈：留言版已死，因為我地個server係唔用得cgi的，所以唔可以自己整留言版。唉．．． 最後，惟有退而求其次申請個冇咁得意ｏ既啦，不過都已經好過舊果個好多，亦包含左我兩日來的辛酸，希望大會鍾意新果個留言版啦！ |
|
| 2002年2月14日 (半夜三間) |
|
關於朋友.... 今日同一個好老友的中學同學傾計，由於太耐冇傾過，而佢又好似好忙咁，所以仲以為佢已經唔記得左我呢，佢仲教左我ｄ寫網頁的知識。可能佢已經變左，我都變左，人人都會變架啦，我想我ｏ地的友誼唔變，但係又唔可以勉強。如果冇變，都算係我的一種福氣了。
|
|
| 2002年2月12日
|
|
. |
|
| 2002年2月10日
|
| 關於個homepage....
好不容易等到有假期可以做下個網頁，呢幾日都花時間在網上尋找各式各樣的網頁素材。日本仔的網頁素材真係好鬼靚，仲有專人用photoshop製作，可想而知佢地果邊係幾咁流行。搵得好辛苦呀，由朝到晚不停找，務要找到更多心水素材。不過辛苦也是值得的。 屈指一算，個網頁進度著實慢，寫完的東西又不停的修改及整得更豐富一些，想做的又很多，平日功課又很忙，可能個網頁要做幾年，方能完全開放及完備呢！
|
|
|
| 2002年2月4日
|
|
又到新年，買新裝。四周圍都減價，根據媽媽姐姐從小教育，唔特價唔好買。當然要陪Simon買衫啦，呢ｄ野，男仔唔熟ｏ既。
|
| .
|
| 2002年1月8日
|
|
關於個homepage.... Sem. Break快要接近尾聲了，突然間心血來潮，很想擁有一個自己的homepage，可以寫一些自己喜歡的東西，發其心中所感。於是通宵達旦學習ｈｔｍ網頁語言，一晚速成，但係到真係構思的時候，就覺得不容易了。入左中醫部咁耐，知道呢度唔係一個可以培養，甚至泯滅創造力的地方....其實想來有點唏噓，人總不能都做晒所有想做的事，發展所有的能力。千呼萬喚，終於ｏ必左一點點創意，一大堆心思和時間，但都未足夠，以後仲有排整！ |